Adhikarana 1 (1-2) · Śloka 2
অথাত ঊরুস্তম্ভচিকিত্সিতং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथात ऊरुस्तम्भचिकित्सितं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
ত্রিমর্মীযে চ বহূন্ রোগান্ পঞ্চকর্মসাধ্যান্ দৃষ্ট্বা পঞ্চকর্মাসাধ্যে ঊরুস্তম্ভে জাতস্মরণ আচার্য ঊরুস্তম্ভচিকিত্সিতমেবাহ; ভবতি হি বিরোধিদর্শনাত্ তদ্বিরোধিস্মরণং, যথা নকুলস্মরণাত্ সর্পস্মরণম্||১-২||
Adhikarana 2 (3-15) · Śloka 15
শ্রিযা পরমযা ব্রাহ্মযা পরযা চ তপঃশ্রিযা| অহীনং চন্দ্রসূর্যাভ্যাং সুমেরুমিব পর্বতম্||৩|| ধীধৃতিস্মৃতিবিজ্ঞানজ্ঞানকীর্তিক্ষমালযম্| অগ্নিবেশো গুরুং কালে সংশযং পরিপৃষ্টবান্||৪|| ভগবন্ পঞ্চ কর্মাণি সমস্তানি পৃথক্ তথা| নির্দিষ্টান্যামযনাং হি সর্বেষামেব ভেষজম্||৫|| দোষজোঽস্ত্যামযঃ কশ্চিদ্যস্য তানি ভিষগ্বর!| ন স্যুঃ শক্তানি শমনে সাধ্যস্য ক্রিযযা সতঃ||৬|| অস্ত্যূরুস্তম্ভ ইত্যুক্তে গুরুণা তস্য কারণম্| সলিঙ্গভেষজং ভূযঃ পৃষ্টস্তেনাব্রবীদ্গুরুঃ||৭|| স্নিগ্ধোষ্ণলঘুশীতানি জীর্ণাজীর্ণে সমশ্নতঃ| দ্রবশুষ্কদধিক্ষীরগ্রাম্যানূপৌদকামিষৈঃ||৮|| পিষ্টব্যাপন্নমদ্যাতিদিবাস্বপ্নপ্রজাগরৈঃ| লঙ্ঘনাধ্যশনাযাসভযবেগবিধারণৈঃ||৯|| স্নেহাচ্চামং চিতং কোষ্ঠে বাতাদীন্মেদসা সহ| রুদ্ধ্বাঽঽশু গৌরবাদূরূ যাত্যধোগৈঃ সিরাদিভিঃ||১০|| পূরযন্ সক্থিজঙ্ঘোরু দোষো মেদোবলোত্কটঃ| অবিধেযপরিস্পন্দং জনযত্যল্পবিক্রমম্||১১|| মহাসরসি গম্ভীরে পূর্ণেঽম্বু স্তিমিতং যথা| তিষ্ঠতি স্থিরমক্ষোভ্যং তদ্বদূরুগতঃ কফঃ||১২|| গৌরবাযাসসঙ্কোচদাহরুক্সুপ্তিকম্পনৈঃ | ভেদস্ফুরণতোদৈশ্চ যুক্তো দেহং নিহন্ত্যসূন্||১৩|| ঊরূ শ্লেষ্মা সমেদস্কো বাতপিত্তেঽভিভূয তু| স্তম্ভযেত্স্থৈর্যশৈত্যাভ্যামূরুস্তম্ভস্ততস্তু সঃ||১৪|| প্রাগ্রূপং ধ্যাননিদ্রাতিস্তৈমিত্যারোচকজ্বরাঃ| লোমহর্ষশ্চ ছর্দিশ্চ জঙ্ঘোর্বোঃ সদনং তথা||১৫||
श्रिया परमया ब्राह्मया परया च तपःश्रिया| अहीनं चन्द्रसूर्याभ्यां सुमेरुमिव पर्वतम्||३|| धीधृतिस्मृतिविज्ञानज्ञानकीर्तिक्षमालयम्| अग्निवेशो गुरुं काले संशयं परिपृष्टवान्||४|| भगवन् पञ्च कर्माणि समस्तानि पृथक् तथा| निर्दिष्टान्यामयनां हि सर्वेषामेव भेषजम्||५|| दोषजोऽस्त्यामयः कश्चिद्यस्य तानि भिषग्वर!| न स्युः शक्तानि शमने साध्यस्य क्रियया सतः||६|| अस्त्यूरुस्तम्भ इत्युक्ते गुरुणा तस्य कारणम्| सलिङ्गभेषजं भूयः पृष्टस्तेनाब्रवीद्गुरुः||७|| स्निग्धोष्णलघुशीतानि जीर्णाजीर्णे समश्नतः| द्रवशुष्कदधिक्षीरग्राम्यानूपौदकामिषैः||८|| पिष्टव्यापन्नमद्यातिदिवास्वप्नप्रजागरैः| लङ्घनाध्यशनायासभयवेगविधारणैः||९|| स्नेहाच्चामं चितं कोष्ठे वातादीन्मेदसा सह| रुद्ध्वाऽऽशु गौरवादूरू यात्यधोगैः सिरादिभिः||१०|| पूरयन् सक्थिजङ्घोरु दोषो मेदोबलोत्कटः| अविधेयपरिस्पन्दं जनयत्यल्पविक्रमम्||११|| महासरसि गम्भीरे पूर्णेऽम्बु स्तिमितं यथा| तिष्ठति स्थिरमक्षोभ्यं तद्वदूरुगतः कफः||१२|| गौरवायाससङ्कोचदाहरुक्सुप्तिकम्पनैः | भेदस्फुरणतोदैश्च युक्तो देहं निहन्त्यसून्||१३|| ऊरू श्लेष्मा समेदस्को वातपित्तेऽभिभूय तु| स्तम्भयेत्स्थैर्यशैत्याभ्यामूरुस्तम्भस्ततस्तु सः||१४|| प्राग्रूपं ध्याननिद्रातिस्तैमित्यारोचकज्वराः| लोमहर्षश्च छर्दिश्च जङ्घोर्वोः सदनं तथा||१५||
🔊 Audio coming soon
অহীনমিতি সর্বদা যুক্তম্| সমস্তানীতি মিলিতানি| দোষজ ইতি পদং মানসাগন্তুনিরাসার্থং; তন্নিরাসস্তু তযোঃ পঞ্চকর্মাবিষযতযা প্রসিদ্ধত্বাত্| তথা দোষজস্যাপ্যসাধ্যস্য সাধনে পঞ্চকর্মাণি ন সমর্থানীতি তন্নিরাসার্থমাহ- সাধ্যস্যেত্যাদি| সাধ্যস্য সত ইতি সম্বন্ধঃ| ভূয ঊরুস্তম্ভস্য কারণাদীনি পৃষ্টো গুরুরব্রবীদিতি সম্বন্ধঃ| জীর্ণাজীর্ণে ইতি স্তোকজীর্ণশেষাজীর্ণ ইত্যর্থঃ| আমং চিতমিতি রসশেষরূপং, কোষ্ঠোপলেপনাপ্যামং সঞ্চিতং, মেদসা সহেতি মেদঃসহিতমামং বাতাদীনাং রোধকং জ্ঞেযম্| আমং চ ঊরুং গচ্ছত্ ত্রিদোষসহিতমেব যাতি| সিরাদিভিরিতি সিরাধমনীস্রোতোভিঃ| দোষো মেদোবলোত্কট ইতি দোষ আমসংরুদ্ধো বাতাদিঃ| যদা ‘দোষমেদোত্কট’ ইতি পাঠঃ, তদাঽঽমস্য বিশেষণম্| সক্থিগ্রহেণৈব যদ্যপি জঙ্ঘোর্বোর্গ্রহণং প্রাপ্তং, তথাঽপি তযোরভিধানং বিশেষেণ তত্পূরণোপদর্শনার্থম্| অবিধেযপরিস্পন্দমিতি অস্বাধীনেন্দ্রিযম্, অল্পবিক্রমমিতি অল্পক্রিযমক্রিযং বা করোতীত্যর্থঃ| মহাসরসীত্যাদিদৃষ্টান্তেন ঊরুস্তম্ভারম্ভকপ্রধানস্য কফস্য প্রবলতামাহ| যদ্যপি, ঊরুস্তম্ভস্য ত্রিদোষজন্যত্বমিহ তথা সূত্রস্থানেঽপি “এক ঊরুস্তম্ভ আমত্রিদোষসমুত্থানঃ” (সূ.অ.১৯) ইত্যনেনোক্তং, তথাঽপি কফপ্রাধান্যাদত্র কফ উপদিষ্টঃ| অত এবাগ্রে ঊরু শ্লেষ্মেত্যাদিনা ঊরুস্তম্ভশব্দনিরুক্তিমুত্পাদসামগ্রীং চাহ| স্থৈর্যশৈত্যাভ্যামিত্যনেন স্তম্ভনক্রিযাযাং স্থৈর্যশৈত্যযোঃ কফগুণযোঃ কারণতাং দর্শযতি||৩-১৫||
Adhikarana 3 (16) · Śloka 16
বাতশঙ্কিভিরজ্ঞানাত্তস্য স্যাত্ স্নেহনাত্ পুনঃ| পাদযোঃ সদনং সুপ্তিঃ কৃচ্ছ্রাদুদ্ধরণং তথা||১৬||
वातशङ्किभिरज्ञानात्तस्य स्यात् स्नेहनात् पुनः| पादयोः सदनं सुप्तिः कृच्छ्रादुद्धरणं तथा||१६||
🔊 Audio coming soon
ঊরুস্তম্ভে স্নেহপ্রযোগজং দোষমাহ- বাতশঙ্কিভিরিত্যাদি| বাতশঙ্কা চাস্মিন্ সুপ্তিসঙ্কোচাদিবাতসমানলিঙ্গদর্শনাদ্ভবতি| অস্য সংস্নেহনদোষাঃ কৃচ্ছ্রাদুদ্ধরণং তথেত্যন্তেনেক্তাঃ||১৬||
Adhikarana 4 (17-19) · Śloka 19
জঙ্ঘোরুগ্লানিরত্যর্থং শশ্বচ্চাদাহবেদনা| পদং চ ব্যথতে ন্যস্তং শীতস্পর্শং ন বেত্তি চ||১৭|| সংস্থানে পীডনে গত্যাং চালনে চাপ্যনীশ্বরঃ| অন্যনেযৌ হি সম্ভগ্নাবূরূ পাদৌ চ মন্যতে||১৮|| যদা দাহার্তিতোদার্তো বেপনঃ পুরুষো ভবেত্| ঊরুস্তম্ভস্তদা হন্যাত্ সাধযেদন্যথা নবম্||১৯||
जङ्घोरुग्लानिरत्यर्थं शश्वच्चादाहवेदना| पदं च व्यथते न्यस्तं शीतस्पर्शं न वेत्ति च||१७|| संस्थाने पीडने गत्यां चालने चाप्यनीश्वरः| अन्यनेयौ हि सम्भग्नावूरू पादौ च मन्यते||१८|| यदा दाहार्तितोदार्तो वेपनः पुरुषो भवेत्| ऊरुस्तम्भस्तदा हन्यात् साधयेदन्यथा नवम्||१९||
🔊 Audio coming soon
জঙ্ঘোরুগ্লানিরিত্যাদি তু লক্ষণং ভিন্নসামগ্রীকং ব্রূতে| অন্যে তু সর্বমেবৈতদূদ্র্ধ্বাধঃকৃতস্নেহনপ্রযোগদোষকৃতমসাধ্যলক্ষণমাহুঃ| শশ্বচ্চাদাহবেদনেতি ঈষদ্দাহবেদনা, অন্যে তু দাহবর্জিতবেদনামাহুঃ||১৭-১৯||
Adhikarana 5 (20-24) · Śloka 24
তস্য ন স্নেহনং কার্যং ন বস্তির্ন বিরেচনম্| ন চৈব বমনং যস্মাত্তন্নিবোধত কারণম্||২০|| বৃদ্ধযে শ্লেষ্মণো নিত্যং স্নেহনং বস্তিকর্ম চ| তত্স্থস্যোদ্ধরণে চৈব ন সমর্থং বিরেচনম্||২১|| কফং কফস্থানগতং পিত্তং চ বমনাত্ সুখম্| হর্তুমামাশযস্থৌ চ স্রংসনাত্তাবুভাবপি||২২|| পক্বাশযস্থাঃ সর্বেঽপি বস্তিভির্মূলনির্জযাত্| শক্যা ন ত্বামমেদোভ্যাং স্তব্ধা জঙ্ঘোরুসংস্থিতাঃ||২৩|| বাতস্থানে হি তচ্ছৈত্যাদ্দ্বযোঃ স্তম্ভাচ্চ তদ্গতাঃ| ন শক্যাঃ সুখমুদ্ধর্তুং জলং নিম্নাদিব স্থলাত্||২৪||
तस्य न स्नेहनं कार्यं न बस्तिर्न विरेचनम्| न चैव वमनं यस्मात्तन्निबोधत कारणम्||२०|| वृद्धये श्लेष्मणो नित्यं स्नेहनं बस्तिकर्म च| तत्स्थस्योद्धरणे चैव न समर्थं विरेचनम्||२१|| कफं कफस्थानगतं पित्तं च वमनात् सुखम्| हर्तुमामाशयस्थौ च स्रंसनात्तावुभावपि||२२|| पक्वाशयस्थाः सर्वेऽपि बस्तिभिर्मूलनिर्जयात्| शक्या न त्वाममेदोभ्यां स्तब्धा जङ्घोरुसंस्थिताः||२३|| वातस्थाने हि तच्छैत्याद्द्वयोः स्तम्भाच्च तद्गताः| न शक्याः सुखमुद्धर्तुं जलं निम्नादिव स्थलात्||२४||
🔊 Audio coming soon
সম্প্রতি স্নেহবস্ত্যাদিপ্রতিষেধোপপত্তিমাহ- তস্যেত্যাদি| স্নেহস্য দোষো যদ্যপি প্রাগেবোক্তঃ, তথাঽপীদানীং যথা তদ্দোষকারকং স্নেহনং ভবতি তথা প্রতিপাদ্যতে| শিরোবিরেচনং চাত্র সর্বথৈবাসম্ভাব্যমানত্বাদেব নোপন্যস্তমিতি জ্ঞেযম্| স্নেহনমিতি পানাভ্যঙ্গাভ্যাং স্নেহম্| বস্তিকর্ম চেতি স্নেহবস্তিকর্ম, তস্যৈব শ্লেষ্মবৃদ্ধিকরত্বাত্| কিংবা বস্তিকর্মবিশেষণং স্নেহনমিতি পদং, তেনানুবাসনমেব লভ্যতে; নিরূহস্তু বিরেচনশব্দেনৈব শোধনাভিধাযিনা গৃহীতঃ; অত এব ঊরুস্তম্ভদোষোদ্ধরণাসমর্থশোধনবিবরণে এব নিরূহোঽপ্যত্রোক্তঃ| উক্তদোষহরণাসামর্থ্যং বমনবিরেচননিরূহাণাং ক্রমেণ বিবৃণ্বন্নাহ- শ্লেষ্মস্থানগত ইত্যাদি| হর্তুং সুখমিতি বিভক্তিলিঙ্গবিপরিণামাদ্বক্ষ্যমাণেঽপি যোজনীযম্| তাবুভাবিতি নির্হর্তুমসুখাবিতি পূর্ববদ্যোজনীযম্| সর্বেঽপি বাতপিত্তশ্লেষ্মাণঃ| মূলনির্জযাদিতিপদং বমনাদিত্যনেন তথা বস্তিভিরিত্যনেন চ যোজ্যং; মূলনির্জযাদিতি মূলচ্ছেদাত্| বমনাদীনাং সাধ্যং বিষযং দর্শযিত্বা অসাধ্যং বিষযমাহ- শক্যা ইত্যাদি| তথাঽঽমমেদসঃ স্তব্ধত্বেন বমনাদীনাং জঙ্ঘোরুস্থানেঽসমর্থত্বং জ্ঞেযম্| ঊরুস্তম্ভদোষস্য বমনাদ্যহার্যত্বে হেত্বন্তরমাহ- বাতস্থানে ইত্যাদি| বাতস্থানে ইতি জঙ্ঘোরুরূপে বাতস্থানে| তচ্ছৈত্যাদিতি বাতশৈত্যাত্||২০-২৪||
Adhikarana 6 (25-29) · Śloka 30
তস্য সংশমনং নিত্যং ক্ষপণং শোষণং তথা| যুক্ত্যপেক্ষী ভিষক্ কুর্যাদধিকত্বাত্কফামযোঃ||২৫|| সদা রূক্ষোপচারায যবশ্যামাককোদ্রবান্| শাকৈরলবণৈর্দদ্যাজ্জলতৈলোপসাধিতৈঃ||২৬|| সুনিষণ্ণকনিম্বার্কবেত্রারগ্বধপল্লবৈঃ| বাযসীবাস্তুকৈরন্যৈস্তিক্তৈশ্চ কুলকাদিভিঃ||২৭|| ক্ষারারিষ্টপ্রযোগাশ্চ হরীতক্যাস্তথৈব চ| মধূদকস্য পিপ্পল্যা ঊরুস্তম্ভবিনাশনাঃ||২৮|| সমঙ্গাং শাল্মলীং বিল্বং মধুনা সহ না পিবেত্| তথা শ্রীবেষ্টকোদীচ্যদেবদারুনতান্যপি||২৯|| চন্দনং ধাতকীং কুষ্ঠং তালীসং নলদং তথা|৩০|
तस्य संशमनं नित्यं क्षपणं शोषणं तथा| युक्त्यपेक्षी भिषक् कुर्यादधिकत्वात्कफामयोः||२५|| सदा रूक्षोपचाराय यवश्यामाककोद्रवान्| शाकैरलवणैर्दद्याज्जलतैलोपसाधितैः||२६|| सुनिषण्णकनिम्बार्कवेत्रारग्वधपल्लवैः| वायसीवास्तुकैरन्यैस्तिक्तैश्च कुलकादिभिः||२७|| क्षारारिष्टप्रयोगाश्च हरीतक्यास्तथैव च| मधूदकस्य पिप्पल्या ऊरुस्तम्भविनाशनाः||२८|| समङ्गां शाल्मलीं बिल्वं मधुना सह ना पिबेत्| तथा श्रीवेष्टकोदीच्यदेवदारुनतान्यपि||२९|| चन्दनं धातकीं कुष्ठं तालीसं नलदं तथा|३०|
🔊 Audio coming soon
চিকিত্সামাহ- তস্যেত্যাদি| তস্যোরুস্তম্ভস্য শমনং কর্তব্যং ন শোধনমিত্যর্থঃ| ক্ষপণং শোষণমামকফযোঃ কুর্যাদিতি যোজনা; তত্র ক্ষপণং সর্বথোচ্ছেদেন, শোষণং দ্রবভাগবিশোষণম্| বাযসী কাকমাচী| কুলকং কারবেল্লকম্| শাল্মলং শাল্মলীবেষ্টকম্| এতানি মধুনা পিবেদিতি সম্বন্ধঃ||২৫-২৯||-
Adhikarana 7 (30-32) · Śloka 33
মুস্তং হরীতকীং লোধ্রং পদ্মকং তিক্তরোহিণীম্||৩০|| দেবদারু হরিদ্রে দ্বে বচাং কটুকরোহিণীম্| পিপ্পলীং পিপ্পলীমূলং সরলং দেবদারু চ||৩১|| চব্যং চিত্রকমূলানি দেবদারু হরীতকীম্| ভল্লাতকং সমূলাং চ পিপ্পলীং পঞ্চ তান্ পিবেত্||৩২|| সক্ষৌদ্রানর্ধশ্লোকোক্তান্ কল্কানূরুগ্রহাপহান্|৩৩|
मुस्तं हरीतकीं लोध्रं पद्मकं तिक्तरोहिणीम्||३०|| देवदारु हरिद्रे द्वे वचां कटुकरोहिणीम्| पिप्पलीं पिप्पलीमूलं सरलं देवदारु च||३१|| चव्यं चित्रकमूलानि देवदारु हरीतकीम्| भल्लातकं समूलां च पिप्पलीं पञ्च तान् पिबेत्||३२|| सक्षौद्रानर्धश्लोकोक्तान् कल्कानूरुग्रहापहान्|३३|
🔊 Audio coming soon
মুস্তমিত্যাদিকাঃ পঞ্চ যোগা অর্ধশ্লোকোক্তা ঊরুগ্রহাপহাঃ||৩০-৩২||-
Adhikarana 8 (33-38) · Śloka 39
শার্ঙ্গেষ্টাং মদনং দন্তীং বত্সকস্য ফলং বচাম্ ||৩৩|| মূর্বামারগ্বধং পাঠাং করঞ্জং কুলকং তথা| পিবেন্মধুযুতং তুল্যং চূর্ণং বা বারিণাঽঽপ্লুতম্||৩৪|| সক্ষৌদ্রং দধিমণ্ডৈর্বাঽপ্যূরুস্তম্ভবিনাশনম্| মূর্বামতিবিষাং কুষ্ঠং চিত্রকং কটুরোহিণীম্||৩৫|| পূর্ববদ্গুগ্গুলুং মূত্রে রাত্রিস্থিতমথাপি বা| স্বর্ণক্ষীরীমতিবিষাং মুস্তং তেজোবতীং বচাম্||৩৬|| সুরাহ্বং চিত্রকং কুষ্ঠং পাঠাং কটুকরোহিণীম্| লেহযেন্মধুনা চূর্ণং সক্ষৌদ্রং বা জলাপ্লুতম্||৩৭|| ফলীং ব্যাঘ্রনখং হেম পিবেদ্বা মধুসংযুতম্| ত্রিফলাং পিপ্পলীং মুস্তং চব্যং কটুকরোহিণীম্||৩৮|| লিহ্যাদ্বা মধুনা চূর্ণমূরুস্তম্ভার্দিতো নরঃ|৩৯|
शार्ङ्गेष्टां मदनं दन्तीं वत्सकस्य फलं वचाम् ||३३|| मूर्वामारग्वधं पाठां करञ्जं कुलकं तथा| पिबेन्मधुयुतं तुल्यं चूर्णं वा वारिणाऽऽप्लुतम्||३४|| सक्षौद्रं दधिमण्डैर्वाऽप्यूरुस्तम्भविनाशनम्| मूर्वामतिविषां कुष्ठं चित्रकं कटुरोहिणीम्||३५|| पूर्ववद्गुग्गुलुं मूत्रे रात्रिस्थितमथापि वा| स्वर्णक्षीरीमतिविषां मुस्तं तेजोवतीं वचाम्||३६|| सुराह्वं चित्रकं कुष्ठं पाठां कटुकरोहिणीम्| लेहयेन्मधुना चूर्णं सक्षौद्रं वा जलाप्लुतम्||३७|| फलीं व्याघ्रनखं हेम पिबेद्वा मधुसंयुतम्| त्रिफलां पिप्पलीं मुस्तं चव्यं कटुकरोहिणीम्||३८|| लिह्याद्वा मधुना चूर्णमूरुस्तम्भार्दितो नरः|३९|
🔊 Audio coming soon
শার্ঙ্গেষ্টা গুঞ্জা| স্বাদুকণ্টকং বিকঙ্কতম্| পূর্ববদিতি পূর্বেণ সম্বধ্যতে| গুগ্গুলুং চ মূত্রে উষিতং পিবেদিতি যোজ্যম্| জলাপ্লুতং ‘পিবেত্’ ইতি শেষঃ| ফলী ন্যগ্রোধঃ| হেম নাগকেশরম্||৩৩-৩৮||-
Adhikarana 9 (39-47) · Śloka 47
অপতর্পণজশ্চেত্ স্যাদ্দোষঃ সন্তর্পযেদ্ধি তম্||৩৯|| যুক্ত্যা জাঙ্গলজৈর্মাংসৈঃ পুরাণৈশ্চৈব শালিভিঃ| রূক্ষণাদ্বাতকোপশ্চেন্নিদ্রানাশার্তিপূর্বকঃ||৪০|| স্নেহস্বেদক্রমস্তত্র কার্যো বাতামযাপহঃ| পীলুপর্ণী পযস্যা চ রাস্না গোক্ষুরকো বচা||৪১|| সরলাগুরুপাঠাশ্চ তৈলমেভির্বিপাচযেত্| সক্ষৌদ্রং প্রসৃতং তস্মাদঞ্জলিং বাঽপি না পিবেত্||৪২|| কুষ্ঠশ্রীবেষ্টকোদীচ্যসরলং দারু কেশরম্| অজগন্ধাঽশ্বগন্ধা চ তৈলং তৈঃ সার্ষপং পচেত্||৪৩|| সক্ষৌদ্রং মাত্রযা তচ্চাপ্যূরুস্তম্ভার্দিতঃ পিবেত্| (রৌক্ষ্যান্মুক্ত ঊরুস্তম্ভাত্ততশ্চ স বিমুচ্যতে )||৪৪|| দ্বে পলে সৈন্ধবাত্ পঞ্চ শুণ্ঠ্যা গ্রন্থিকচিত্রকাত্| দ্বে দ্বে ভল্লাতকাস্থীনি বিংশতির্দ্বে তথাঽঽঢকে||৪৫|| আরনালাত্ পচেত্ প্রস্থং তৈলস্যৈতৈরপত্যদম্| গৃধ্রস্যূরুগ্রহার্শোর্তিসর্ববাতবিকারনুত্||৪৬|| পলাভ্যাং পিপ্পলীমূলনাগরাদষ্টকট্বরঃ| তৈলপ্রস্থঃ সমো দধ্না গৃধ্রস্যূরুগ্রহাপহঃ||৪৭|| ইত্যষ্টকট্বরতৈলম্|
अपतर्पणजश्चेत् स्याद्दोषः सन्तर्पयेद्धि तम्||३९|| युक्त्या जाङ्गलजैर्मांसैः पुराणैश्चैव शालिभिः| रूक्षणाद्वातकोपश्चेन्निद्रानाशार्तिपूर्वकः||४०|| स्नेहस्वेदक्रमस्तत्र कार्यो वातामयापहः| पीलुपर्णी पयस्या च रास्ना गोक्षुरको वचा||४१|| सरलागुरुपाठाश्च तैलमेभिर्विपाचयेत्| सक्षौद्रं प्रसृतं तस्मादञ्जलिं वाऽपि ना पिबेत्||४२|| कुष्ठश्रीवेष्टकोदीच्यसरलं दारु केशरम्| अजगन्धाऽश्वगन्धा च तैलं तैः सार्षपं पचेत्||४३|| सक्षौद्रं मात्रया तच्चाप्यूरुस्तम्भार्दितः पिबेत्| (रौक्ष्यान्मुक्त ऊरुस्तम्भात्ततश्च स विमुच्यते )||४४|| द्वे पले सैन्धवात् पञ्च शुण्ठ्या ग्रन्थिकचित्रकात्| द्वे द्वे भल्लातकास्थीनि विंशतिर्द्वे तथाऽऽढके||४५|| आरनालात् पचेत् प्रस्थं तैलस्यैतैरपत्यदम्| गृध्रस्यूरुग्रहार्शोर्तिसर्ववातविकारनुत्||४६|| पलाभ्यां पिप्पलीमूलनागरादष्टकट्वरः| तैलप्रस्थः समो दध्ना गृध्रस्यूरुग्रहापहः||४७|| इत्यष्टकट्वरतैलम्|
🔊 Audio coming soon
আবস্থিকং ক্রমমাহ- অপতর্পণজ ইত্যাদিনা| রূক্ষণাদিত্যাদিনা স্নেহবিধানমাবস্থিকং, তেন সামান্যেনাত্র বিহিতস্নেহনিষেধেন সমং ন বিরোধঃ, অস্য বিধেরপবাদত্বাত্| পীলুপর্ণী মোরটঃ, রাস্নাভেদ ইত্যন্যে| সক্ষৌদ্রমিতি পাদিকক্ষৌদ্রম্| অজগন্ধা অজমোদা| ভল্লাতকাস্থীনি বিংশতিরিতি আকৃতিমানেন| পলাভ্যামিতি পিপ্পল্যাদিসমুদাযাত্ পলাভ্যাম্| অষ্টকট্বর ইতি তৈলাদষ্টগুণং কট্বরং যস্মিন্ তৈলপ্রস্থে স অষ্টকট্বরঃ; কট্বরং তক্রম্||৩৯-৪৭||
Adhikarana 10 (48-59) · Śloka 60
ইত্যাভ্যন্তরমুদ্দিষ্টমূরুস্তম্ভস্য ভেষজম্| শ্লেষ্মণঃ ক্ষপণং ত্বন্যদ্বাহ্যং শৃণু চিকিত্সিতম্||৪৮|| বল্মীকমৃত্তিকা মূলং করঞ্জস্য ফলং ত্বচম্| ইষ্টকানাং ততশ্চূর্ণৈঃ কুর্যাদুত্সাদনং ভৃশম্||৪৯|| মূলৈর্বাঽপ্যশ্বগন্ধাযা মূলৈরর্কস্য বা ভিষক্| পিচুমর্দস্য বা মূলৈরথবা দেবদারুণঃ||৫০|| ক্ষৌদ্রসর্ষপবল্মীকমৃত্তিকাসংযুতৈর্ভিষক্| গাঢমুত্সাদনং কুর্যাদূরুস্তম্ভে প্রলেপনম্||৫১|| দন্তীদ্রবন্তীসুরসাসর্ষপৈশ্চাপি বুদ্ধিমান্| তর্কারীশিগ্রুসুরসাবিশ্ববত্সকনিম্বজৈঃ||৫২|| পত্রমূলফলৈস্তোযং শৃতমুষ্ণং চ সেচনম্| পিষ্টং তু সর্ষপং মূত্রেঽধ্যুষিতং স্যাত্ প্রলেপনম্||৫৩|| বত্সকঃ সুরসং কুষ্ঠং গন্ধাস্তুম্বুরুশিগ্রুকৌ| হিংস্রার্কমূলবল্মীকমৃত্তিকাঃ সকুঠেরকাঃ||৫৪|| দধিসৈন্ধবসংযুক্তং কার্যমেতৈঃ প্রলেপনম্| (ঊরুস্তম্ভবিনাশায ভিষজা জানতা ক্রমম্)||৫৫|| শ্যোনাকং খদিরং বিল্বং বৃহত্যৌ সরলাসনৌ| শোভাঞ্জনকতর্কারীশ্বদংষ্ট্রাসুরসার্জকান্||৫৬|| অগ্নিমন্থকরঞ্জৌ চ জলেনোত্ক্বাথ্য সেচযেত্| প্রলেপো মূত্রপিষ্টৈর্বাঽপ্যূরুস্তম্ভনিবারণঃ||৫৭|| কফক্ষযার্থং শক্যেষু ব্যাযামেষ্বনুযোজযেত্| স্থলান্যাক্রামযেত্ কল্যং শর্করাঃ সিকতাস্তথা||৫৮|| প্রতারযেত্ প্রতিস্রোতো নদীং শীতজলাং শিবাম্| সরশ্চ বিমলং শীতং স্থিরতোযং পুনঃ পুনঃ||৫৯|| তথা বিশুষ্কেঽস্য কফে শান্তিমূরুগ্রহো ব্রজেত্|৬০|
इत्याभ्यन्तरमुद्दिष्टमूरुस्तम्भस्य भेषजम्| श्लेष्मणः क्षपणं त्वन्यद्बाह्यं शृणु चिकित्सितम्||४८|| वल्मीकमृत्तिका मूलं करञ्जस्य फलं त्वचम्| इष्टकानां ततश्चूर्णैः कुर्यादुत्सादनं भृशम्||४९|| मूलैर्वाऽप्यश्वगन्धाया मूलैरर्कस्य वा भिषक्| पिचुमर्दस्य वा मूलैरथवा देवदारुणः||५०|| क्षौद्रसर्षपवल्मीकमृत्तिकासंयुतैर्भिषक्| गाढमुत्सादनं कुर्यादूरुस्तम्भे प्रलेपनम्||५१|| दन्तीद्रवन्तीसुरसासर्षपैश्चापि बुद्धिमान्| तर्कारीशिग्रुसुरसाविश्ववत्सकनिम्बजैः||५२|| पत्रमूलफलैस्तोयं शृतमुष्णं च सेचनम्| पिष्टं तु सर्षपं मूत्रेऽध्युषितं स्यात् प्रलेपनम्||५३|| वत्सकः सुरसं कुष्ठं गन्धास्तुम्बुरुशिग्रुकौ| हिंस्रार्कमूलवल्मीकमृत्तिकाः सकुठेरकाः||५४|| दधिसैन्धवसंयुक्तं कार्यमेतैः प्रलेपनम्| (ऊरुस्तम्भविनाशाय भिषजा जानता क्रमम्)||५५|| श्योनाकं खदिरं बिल्वं बृहत्यौ सरलासनौ| शोभाञ्जनकतर्कारीश्वदंष्ट्रासुरसार्जकान्||५६|| अग्निमन्थकरञ्जौ च जलेनोत्क्वाथ्य सेचयेत्| प्रलेपो मूत्रपिष्टैर्वाऽप्यूरुस्तम्भनिवारणः||५७|| कफक्षयार्थं शक्येषु व्यायामेष्वनुयोजयेत्| स्थलान्याक्रामयेत् कल्यं शर्कराः सिकतास्तथा||५८|| प्रतारयेत् प्रतिस्रोतो नदीं शीतजलां शिवाम्| सरश्च विमलं शीतं स्थिरतोयं पुनः पुनः||५९|| तथा विशुष्केऽस्य कफे शान्तिमूरुग्रहो व्रजेत्|६०|
🔊 Audio coming soon
পিচুমর্দঃ নিম্বঃ| দ্রবন্তী দন্তীভেদঃ| তর্কারী জযন্তী| গন্ধা ইতি অগুর্বাদ্যুক্তা ইহ গ্রাহ্যাঃ| কুঠেরকঃ পর্ণাসঃ| শক্যেষু বোঢুং শক্যেষু| কল্যমিতি প্রাতঃ| শিবামিতি হিংস্রজলজন্তুরহিতাং সুগম্যাং চ| ননু জলপ্রতরণং কথমস্য শ্লেষ্মক্ষযকরং ভবতি? যস্মাজ্জলসম্বন্ধমাত্রেণ শ্লেষ্মবৃদ্ধিরেব প্রাপ্তা| উচ্যতে- জলেন বহির্নির্গচ্ছদূষ্মণো নিরুদ্ধস্যান্তঃপ্রবেশাচ্ছ্লেষ্মসঙ্ঘাতভেদনং ভবতি, তথা প্রতরণক্রিযযা শ্লেষ্মা বিচ্ছিদ্যতে, সমানাভিমতা ক্রিযাঽপ্যত্র যোগ্যত্বাত্ ক্রিযত এব| উক্তং হি- “ভবেত্ কদাচিত্ কার্যাঽপি বিরুদ্ধাভিমতা ক্রিযা” (চি.অ.৩০) ইতি||৪৮-৫৯||-
Adhikarana 11 (60-61) · Śloka 61
শ্লেষ্মণঃ ক্ষপণং যত্ স্যান্ন চ মারুতমাবহেত্ ||৬০|| তত্ সর্বং সর্বদা কার্যমূরুস্তম্ভস্য ভেষজম্| শরীরং বলমগ্নিং চ কার্যৈষা রক্ষতা ক্রিযা||৬১||
श्लेष्मणः क्षपणं यत् स्यान्न च मारुतमावहेत् ||६०|| तत् सर्वं सर्वदा कार्यमूरुस्तम्भस्य भेषजम्| शरीरं बलमग्निं च कार्यैषा रक्षता क्रिया||६१||
🔊 Audio coming soon
অনুক্তচিকিত্সাপরিগ্রহার্থমাহ- শ্লেষ্মণ ইত্যাদি||৬০-৬১||
Adhikarana 12 (62) · Śloka 62
তত্র শ্লোকঃ- হেতুঃ প্রাগ্রূপলিঙ্গানি কর্মাযোগ্যত্বকারণম্| দ্বিবিধং ভেষজং চোক্তমূরুস্তম্ভচিকিত্সিতে||৬২||
तत्र श्लोकः- हेतुः प्राग्रूपलिङ्गानि कर्मायोग्यत्वकारणम्| द्विविधं भेषजं चोक्तमूरुस्तम्भचिकित्सिते||६२||
🔊 Audio coming soon
হেতুরিত্যাদিসঙ্গ্রহঃ| কর্মাযোগ্যত্বকারণমিতি পঞ্চকর্মাযোগ্যত্বে হেতুঃ ‘বৃদ্ধযে শ্লেষ্মণ’ ইত্যাদিনোক্তো জ্ঞেযঃ| দ্বিবিধমিতি আন্তরং বাহ্যং চ| ভেষজমিতি ঔষধম্||৬২||
Adhikarana puShpikA · Śloka 27
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে চিকিত্সাস্থানে ঊরুস্তম্ভচিকিত্সিতং নাম সপ্তবিংশোঽধ্যাযঃ||২৭||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते चिकित्सास्थाने ऊरुस्तम्भचिकित्सितं नाम सप्तविंशोऽध्यायः||२७||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং চিকিত্সিতস্থানে ঊরুস্তম্ভচিকিত্সিতং নাম সপ্তবিংশোঽধ্যাযঃ||২৭||