Skip to content
AYANAACADEMYby Dr Vijaya Dwarampudi
Open Academy navigation

2. puṣpitakamindriyam

DevanagariIAST (Roman)TeluguTamilMalayalamKannadaGujaratiBengaliGurmukhi

Adhikarana 1 (1-3) · Śloka 3

athātaḥ puṣpitakamindriyaṁ vyākhyāsyāmaha||1|| iti ha smāha bhagavānātrēyaḥ||2|| puṣpaṁ yathā pūrvarūpaṁ phalasyēha bhaviṣyataḥ| tathā liṅgamariṣṭākhyaṁ pūrvarūpaṁ mariṣyataḥ||3||

View original

अथातः पुष्पितकमिन्द्रियं व्याख्यास्यामह||१|| इति ह स्माह भगवानात्रेयः||२|| पुष्पं यथा पूर्वरूपं फलस्येह भविष्यतः| तथा लिङ्गमरिष्टाख्यं पूर्वरूपं मरिष्यतः||३||

🔊 Audio coming soon

Hide commentary

varṇasvarānantaraṁ gandhasyādhikr̥tatvānnirdiṣṭatvācca tadāśrayiriṣṭapratipādakaṁ puṣpitakamucyatē- puṣpaṁ yathētyādi| prakaraṇārthō yadyapi sakalēndriyasādhāraṇatayā prathamādhyāya ēva vaktuṁ yujyatē, tathā'pīha puṣpānukārēṇa gandhāśrayiriṣṭasya vācyatvāt, puṣpaṁ prakr̥taṁ, tatprasaṅgācca riṣṭasya puṣpadharmakhyāpakamapi prakaraṇamihōcyatē| puṣpaṁ yathētyādau avyabhicaritaphalasambandhamēva puṣpaṁ jñēyam, ata ēva ‘apyēvaṁ tu’ ityādinā phalapuṣpayōḥ parasparavyabhicāraṁ darśayati||1-3||

Adhikarana 2 (4-5) · Śloka 5

apyēvaṁ tu bhavēt puṣpaṁ phalēnānanubandhi yat| phalaṁ cāpi bhavēt kiñcidyasya puṣpaṁ na pūrvajam ||4|| na tvariṣṭasya jātasya nāśō'sti maraṇādr̥tē| maraṇaṁ cāpi tannāsti yannāriṣṭapuraḥsaram||5||

View original

अप्येवं तु भवेत् पुष्पं फलेनाननुबन्धि यत्| फलं चापि भवेत् किञ्चिद्यस्य पुष्पं न पूर्वजम् ||४|| न त्वरिष्टस्य जातस्य नाशोऽस्ति मरणादृते| मरणं चापि तन्नास्ति यन्नारिष्टपुरःसरम्||५||

🔊 Audio coming soon

Hide commentary

puṣpaphaladr̥ṣṭāntēna riṣṭamaraṇayōrdurbōdhatvāt puṣpaphalavyabhicāramapi śiṣyō gr̥hṇīyāditi tannirāsārthamāha- apyēvamityādi| phalēnānubandhīti yathā- vētasapuṣpam| yasya puṣpaṁ na pūrvajamiti yathā- aśvatthādiphalam| jātasyēti sampūrṇasya, kiñciduditē hyariṣṭē'sampūrṇē nāvaśyaṁ mr̥tyuḥ| anyē tu jātasya niyatasyēti varṇayanti; dvividhaṁ hi riṣṭaṁ- niyataṁ cāniyataṁ ca; tatra niyataṁ “mr̥tamēva tamātrēyō vyācacakṣē punarvasuḥ” (iṁ.a.7) ityādi, aniyataṁ yathā- “saṁśayaprāptamātrēyō manyatē tasya jīvitam” (iṁ.a.9), “arōgaḥ saṁśayaṁ gatvā kaścidēva pramucyatē” (iṁ.a.5) iti; tathā'niyatāriṣṭābhiprāyēṇaiva suśrutē'pyuktaṁ- “dhruvaṁ tvariṣṭē maraṇaṁ brāhmaṇaistat kilāmalaiḥ| rasāyanatapōjapyatatparairvā nivāryatē” iti| (su.sū.a.) ētaccānyē na manyantē, ācāryēṇa riṣṭamaraṇayōravyabhicārasya mahatā prayatnēna darśitatvāt| saṁśayaprāptamiti vacanaṁ maraṇapratipādakamēvācāryēṇa bhaṅgyantarēṇōktaṁ, yathā''cāryasya riṣṭārthastathā tadgrantha ēva vyākhyāsyāmaḥ| yattu rasāyanādinā bādhyatvaṁ riṣṭasya tadanumatamēva, rasāyanamahēśvaraprasādādayō hi sarvalōkamaryādāmapi hantuṁ kṣamāḥ, atastēna tadvyabhicāramavēkṣyēha granthaḥ kriyatē; mahēśvarō hi bhasmībhūtaṁ kāmaṁ punarjīvayati sma, tapasā ca rāmēṇa mr̥tō'pi vipraputraḥ punarjīvita ityādyanusaraṇīyam| anyē tu kālamr̥tyāvēva riṣṭapūrvakaṁ maraṇaṁ bhavatīti varṇayanti, vadanti ca- “yadyakālamr̥tyau riṣṭaṁ bhavati tadā varṇādyaṁ mr̥tyupradaṁ riṣṭaṁ tadviphalaṁ syāt, yēna kālamr̥tyāvucitācaraṇē'pi paraṁ mr̥tyurbhavati nākālamr̥tyau, tatra riṣṭē jātē yadyucitā kriyā kriyatē na tadā mr̥tyurbhavitumarhati; tēna kālamr̥tyugatamēva riṣṭam” iti| tacca na, aviśēṣēṇa kālākālamaraṇē riṣṭasadbhāvaniyamābhidhānāt| akālamr̥tyau ca yadaiva kriyāpathamatikrāntē'pacārajanitō vyādhirbhavati, tadaiva paraṁ riṣṭaṁ bhavati, ata ēvōktaṁ- “kṣaṇēna hi riṣṭāni prādurbhavanti” iti| yaścainaṁ (vaṁ) na svīkarōti tasya niyatāyuṣō'pacārajanyavyādhērasādhyatā kadā'pi na syāt; yēna, yathā- apacārajā dōṣā atiśayapramādādasādhyavyādhijanakā bhavanti, tathā maraṇapūrvariṣṭajanakā api bhavanti||4-5||

Adhikarana 3 (6) · Śloka 6

mithyādr̥ṣṭamariṣṭābhamanariṣṭamajānatā| ariṣṭaṁ vā'pyasambuddhamētat prajñāparādhajam||6||

View original

मिथ्यादृष्टमरिष्टाभमनरिष्टमजानता| अरिष्टं वाऽप्यसम्बुद्धमेतत् प्रज्ञापराधजम्||६||

🔊 Audio coming soon

Hide commentary

yatra kutracidriṣṭamaraṇavyabhicārijñānaṁ bhavati tadbhrāntamiti darśayannāha- mithyētyādi| ariṣṭābhamiti ariṣṭasadr̥śam| mithyādr̥ṣṭamiti riṣṭatvēna jñātam; ētadanariṣṭē riṣṭajñānaṁ prajñāparādhajaṁ; tathā riṣṭamapi sūkṣmarūpatayā mārakē vyādhāvasambandhaṁ bhavati, ētadapi prajñāparādhajaṁ mithyājñānam| tēna riṣṭē satyapi maraṇaṁ na bhavatīti jñānaṁ bhrāntaṁ, tathā riṣṭaṁ vinā'pi kvacinmaraṇaṁ bhavatīti jñānaṁ bhrāntam| tataśca siddhō'vyabhicārō maraṇariṣṭayōriti vākyārthaḥ||6||

Adhikarana 4 (7) · Śloka 7

jñānasambōdhanārthaṁ tu liṅgairmaraṇapūrvajaiḥ| puṣpitānupadēkṣyāmō narān bahuvidhairbahūn ||7||

View original

ज्ञानसम्बोधनार्थं तु लिङ्गैर्मरणपूर्वजैः| पुष्पितानुपदेक्ष्यामो नरान् बहुविधैर्बहून् ||७||

🔊 Audio coming soon

Hide commentary

jñāyatē maraṇamanēnēti jñānaṁ riṣṭaṁ, tasya samyagbōdhanaṁ jñānasambōdhanam| maraṇapūrvajairiti maraṇapūrvabhāvibhiḥ| puṣpitā yathā vr̥kṣādayō gandhavantō bhavanti tathā riṣṭagandhaprayuktā yē bhavanti tē puṣpitāḥ, tān puṣpitān| bahuvidhairliṅgairbahūn puṣpitāniti yōjanā||7||

Adhikarana 5 (8-16) · Śloka 17

nānāpuṣpōpamō gandhō yasya bhāti divāniśam| puṣpitasya vanasyēva nānādrumalatāvataḥ||8|| tamāhuḥ puṣpitaṁ dhīrā naraṁ maraṇalakṣaṇaiḥ| sa nā saṁvatsarāddēhaṁ jahātīti viniścayaḥ||9|| ēvamēkaikaśaḥ puṣpairyasya gandhaḥ samō bhavēt| iṣṭairvā yadi vā'niṣṭaiḥ sa ca puṣpita ucyatē||10|| samāsēnāśubhān gandhānēkatvēnāthavā punaḥ| ājighrēdyasya gātrēṣu taṁ vidyāt puṣpitaṁ bhiṣak||11|| āplutānāplutē kāyē yasya gandhāḥ śubhāśubhāḥ| vyatyāsēnānimittāḥ syuḥ sa ca puṣpita ucyatē||12|| tadyathā- candanaṁ kuṣṭhaṁ tagarāguruṇī madhu| mālyaṁ mūtrapurīṣē ca mr̥tāni kuṇapāni ca||13|| yē cānyē vividhātmānō gandhā vividhayōnayaḥ| tē'pyanēnānumānēna vijñēyā vikr̥tiṁ gatāḥ||14|| idaṁ cāpyatidēśārthaṁ lakṣaṇaṁ gandhasaṁśrayam| vakṣyāmō yadabhijñāya bhiṣaṅmaraṇamādiśēt||15|| viyōnirvidurō gandhō yasya gātrēṣu jāyatē| iṣṭō vā yadi vā'niṣṭō na sa jīvati tāṁ samām||16|| ētāvadgandhavijñānaṁ,...|17|

View original

नानापुष्पोपमो गन्धो यस्य भाति दिवानिशम्| पुष्पितस्य वनस्येव नानाद्रुमलतावतः||८|| तमाहुः पुष्पितं धीरा नरं मरणलक्षणैः| स ना संवत्सराद्देहं जहातीति विनिश्चयः||९|| एवमेकैकशः पुष्पैर्यस्य गन्धः समो भवेत्| इष्टैर्वा यदि वाऽनिष्टैः स च पुष्पित उच्यते||१०|| समासेनाशुभान् गन्धानेकत्वेनाथवा पुनः| आजिघ्रेद्यस्य गात्रेषु तं विद्यात् पुष्पितं भिषक्||११|| आप्लुतानाप्लुते काये यस्य गन्धाः शुभाशुभाः| व्यत्यासेनानिमित्ताः स्युः स च पुष्पित उच्यते||१२|| तद्यथा- चन्दनं कुष्ठं तगरागुरुणी मधु| माल्यं मूत्रपुरीषे च मृतानि कुणपानि च||१३|| ये चान्ये विविधात्मानो गन्धा विविधयोनयः| तेऽप्यनेनानुमानेन विज्ञेया विकृतिं गताः||१४|| इदं चाप्यतिदेशार्थं लक्षणं गन्धसंश्रयम्| वक्ष्यामो यदभिज्ञाय भिषङ्मरणमादिशेत्||१५|| वियोनिर्विदुरो गन्धो यस्य गात्रेषु जायते| इष्टो वा यदि वाऽनिष्टो न स जीवति तां समाम्||१६|| एतावद्गन्धविज्ञानं,...|१७|

🔊 Audio coming soon

Hide commentary

vanasyētyuktē'pi yat ‘nānādrumalatāvataḥ’ iti karōti, tēna bhinnajātīyaṁ vanaṁ grāhayati; vanaṁ hi svajātīyavr̥kṣāṇāmapisyāt, yathā- campakavanamaśōkavanamityādi; nānātvaṁ ca puṣpāṇāmēkajātīyānāmapi kalikādyavasthābhēdādapi syāt, tasmāt sādhu viśēṣaṇaṁ- nānādrumalatāvata iti| maraṇalakṣaṇairyathōktairgandhaistaṁ puṣpitamāhuriti yōjyam| saṁvatsarāditi saṁvatsarābhyantarē| ēvamiti divāniśam| samāsēnētyādinā puṣpavyatiriktaśavādyaśubhagandhayōgēnāpi puṣpitatvaṁ, ‘paribhāṣyatē’ iti śēṣaḥ; samāsēnēti mēlakēna| āplutētyādau āplutānāplutaviśēṣavyatyāsaḥ, tathā śubhāśubhagandhānāṁ vyatyāsaśca jñēyaḥ| puṣpitatvābhidhānaṁ ca yatra yatra, tatra tatra saṁvatsarāntaṁ jīvitaṁ pūrvavacanādbhavati| tadyathētyādinā śubhāśubhadravyāṇyāha| mr̥tānīti mānuṣavyatiriktāni gavādīni mr̥tāni, kuṇapāni tu mānuṣaśarīrāṇī| vividhayōnaya ityanēna nānādravyakr̥tadhūpavartyādigandhān grāhayati; vividhātmāna ityanēna tu akr̥trimanānādravyagandhā ucyantē| anēnānumānēnēti ‘āplutānāplutē’ ityādigranthōktariṣṭānusārēṇa| atidēśārthamiti anuktajñānārtham| viyōniriti nirhētukaḥ| vidūra iti sthāyī||8-16||-

Adhikarana 6 (17-22) · Śloka 22

...rasajñānamataḥ param| āturāṇāṁ śarīrēṣu vakṣyatē vidhipūrvakam||17|| yō rasaḥ prakr̥tisthānāṁ narāṇāṁ dēhasambhavaḥ| sa ēṣāṁ caramē kālē vikāraṁ bhajatē dvayam||18|| kaścidēvāsyavairasyamatyarthamupapadyatē| svādutvamaparaścāpi vipulaṁ bhajatē rasaḥ||19|| tamanēnānumānēna vidyādvikr̥timāgatam| manuṣyō hi manuṣyasya kathaṁ rasamavāpnuyāt||20|| makṣikāścaiva yūkāśca daṁśāśca maśakaiḥ saha| virasādapasarpanti jantōḥ kāyānmumūrṣataḥ||21|| atyartharasikaṁ kāyaṁ kālapakvasya makṣikāḥ| api snātānuliptasya bhr̥śamāyānti sarvaśaḥ||22||

View original

...रसज्ञानमतः परम्| आतुराणां शरीरेषु वक्ष्यते विधिपूर्वकम्||१७|| यो रसः प्रकृतिस्थानां नराणां देहसम्भवः| स एषां चरमे काले विकारं भजते द्वयम्||१८|| कश्चिदेवास्यवैरस्यमत्यर्थमुपपद्यते| स्वादुत्वमपरश्चापि विपुलं भजते रसः||१९|| तमनेनानुमानेन विद्याद्विकृतिमागतम्| मनुष्यो हि मनुष्यस्य कथं रसमवाप्नुयात्||२०|| मक्षिकाश्चैव यूकाश्च दंशाश्च मशकैः सह| विरसादपसर्पन्ति जन्तोः कायान्मुमूर्षतः||२१|| अत्यर्थरसिकं कायं कालपक्वस्य मक्षिकाः| अपि स्नातानुलिप्तस्य भृशमायान्ति सर्वशः||२२||

🔊 Audio coming soon

Hide commentary

vairasyamiti aniṣṭarasatām| kathamiti ākṣēpē; tēna na kathamapītyarthaḥ| avāpnuyāditi jānīyāt| atyartharasikamiti atisvādurasam| kālapakvāsyēti pūrṇakālasya| sarvaśa iti sarvagātrēṣu||17-22||

Adhikarana 7 (23) · Śloka 23

tatra ślōkaḥ- sāmānyēna mayōktāni liṅgāni rasagandhayōḥ| puṣpitasya narasyaitatphalaṁ maraṇamādiśēt||23||

View original

तत्र श्लोकः- सामान्येन मयोक्तानि लिङ्गानि रसगन्धयोः| पुष्पितस्य नरस्यैतत्फलं मरणमादिशेत्||२३||

🔊 Audio coming soon

Hide commentary

saṅgrahaślōkē sāmānyēna puṣpitasyēti vacanādrasariṣṭē'pi puṣpitatvamasya vivakṣitaṁ, tēna rasariṣṭē'pi saṁvatsarābhyantarē maraṇamiti phalati||23||

Adhikarana puṣpikā · Śloka 2

ityagnivēśakr̥tē tantrē carakapratisaṁskr̥tē indriyasthānē puṣpitakamindriyaṁ nāma dvitīyō'dhyāyaḥ||2||

View original

इत्यग्निवेशकृते तन्त्रे चरकप्रतिसंस्कृते इन्द्रियस्थाने पुष्पितकमिन्द्रियं नाम द्वितीयोऽध्यायः||२||

🔊 Audio coming soon

Hide commentary

iti śrīcakrapāṇidattaviracitāyāmāyurvēdadīpikāyāṁ carakatātparyaṭīkāyāmindriyasthānē puṣpitakamindriyaṁ nāma dvitīyō'dhyāyaḥ||2||

← 1. varṇasvarīyamindriyam3. parimarśanīyamindriyam →