Adhikarana 1 (1-2) · Śloka 2
অথাতশ্চতুরঙ্গুলকল্পং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातश्चतुरङ्गुलकल्पं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
শ্যামাত্রিবৃত্কল্পানন্তরং মৃদুবিরেচনত্বসামান্যাচ্চতুরঙ্গুলকল্পোঽভিধীযতে||১-২||
Adhikarana 2 (3) · Śloka 3
আরগ্বধো রাজবৃক্ষঃ শম্পাকশ্চতুরঙ্গুলঃ| প্রগ্রহঃ কৃতমালশ্চ কর্ণিকারোঽবঘাতকঃ||৩||
आरग्वधो राजवृक्षः शम्पाकश्चतुरङ्गुलः| प्रग्रहः कृतमालश्च कर्णिकारोऽवघातकः||३||
🔊 Audio coming soon
ব্যবহারার্থং পর্যাযানাহ- আরগ্বধ ইত্যাদি||৩||
Adhikarana 3 (4-5) · Śloka 5
জ্বরহৃদ্রোগবাতাসৃগুদাবর্তাদিরোগিষু| রাজবৃক্ষোঽধিকং পথ্যো মৃদুর্মধুরশীতলঃ||৪|| বালে বৃদ্ধে ক্ষতে ক্ষীণে সুকুমারে চ মানবে| যোজ্যো মৃদ্বনপাযিত্বাদ্বিশেষাচ্চতুরঙ্গুলঃ||৫||
ज्वरहृद्रोगवातासृगुदावर्तादिरोगिषु| राजवृक्षोऽधिकं पथ्यो मृदुर्मधुरशीतलः||४|| बाले वृद्धे क्षते क्षीणे सुकुमारे च मानवे| योज्यो मृद्वनपायित्वाद्विशेषाच्चतुरङ्गुलः||५||
🔊 Audio coming soon
অধিকং পথ্য ইতি জ্বরাদিষু বিশেষেণ বিরেচনপ্রযোগে হিতঃ||৪-৫||
Adhikarana 4 (6-7) · Śloka 7
ফলকালে ফলং তস্য গ্রাহ্যং পরিণতং চ যত্| তেষং গুণবতাং ভারং সিকতাসু নিধাপযেত্||৬|| সপ্তরাত্রাত্ সমুদ্ধৃত্য শোষযেদাতপে ভিষক্| ততো মজ্জানমুদ্ধৃত্য শুচৌ ভাণ্ডে নিধাপযেত্||৭||
फलकाले फलं तस्य ग्राह्यं परिणतं च यत्| तेषं गुणवतां भारं सिकतासु निधापयेत्||६|| सप्तरात्रात् समुद्धृत्य शोषयेदातपे भिषक्| ततो मज्जानमुद्धृत्य शुचौ भाण्डे निधापयेत्||७||
🔊 Audio coming soon
ফলকালে ইতি উচিতফলকালে| তেষামিতি ফলানাম্| ভারমিতি ভূরিদ্রব্যোপলক্ষণম্| মজ্জানমিতি ফলমজ্জানম্||৬-৭||
Adhikarana 5 (8) · Śloka 9
দ্রাক্ষারসযুতং দদ্যাদ্দাহোদাবর্তপীডিতে| চতুর্বর্ষমুখে বালে যাবদ্দ্বাদশবার্ষিকে||৮|| চতুরঙ্গুলমজ্জ্ঞস্তু প্রসৃতং বাঽথবাঽঞ্জলিম্|৯|
द्राक्षारसयुतं दद्याद्दाहोदावर्तपीडिते| चतुर्वर्षमुखे बाले यावद्द्वादशवार्षिके||८|| चतुरङ्गुलमज्ज्ञस्तु प्रसृतं वाऽथवाऽञ्जलिम्|९|
🔊 Audio coming soon
দ্রাক্ষেত্যাদিঃ প্রথমো যোগঃ| চতুর্বর্ষমুখে বালে যাবদ্দ্বাদশবার্ষিকে ইত্যনেনাস্য প্রযোগস্য চতুর্বর্ষাদর্বাগূর্ধ্বং চ দ্বাদশবর্ষাদবশ্যতযা যৌগিকত্বং নিষেধযতি||৮||-
Adhikarana 6 (9-10) · Śloka 10
সুরামণ্ডেন সংযুক্তমথবা কোলসীধুনা||৯|| দধিমণ্ডেন বা যুক্তং রসেনামলকস্য বা| কৃত্বা শীতকষাযং তং পিবেত্ সৌবীরকেণ বা||১০||
सुरामण्डेन संयुक्तमथवा कोलसीधुना||९|| दधिमण्डेन वा युक्तं रसेनामलकस्य वा| कृत्वा शीतकषायं तं पिबेत् सौवीरकेण वा||१०||
🔊 Audio coming soon
সুরামণ্ডেনেতি দ্বিতীযঃ| অথবা কোলসীধুনেতি তৃতীযঃ| কোলকৃতঃ সীধুঃ কোলসীধুঃ| সৌবীরকেণ বেত্যন্তেন যোগত্রযমপরং ব্যক্তম্||৯-১০||
Adhikarana 7 (11) · Śloka 11
ত্রিবৃতো বা কষাযেণ মজ্জ্ঞঃ কল্কং তথা পিবেত্| তথা বিল্বকষাযেণ লবণক্ষৌদ্রসংযুতম্||১১||
त्रिवृतो वा कषायेण मज्ज्ञः कल्कं तथा पिबेत्| तथा बिल्वकषायेण लवणक्षौद्रसंयुतम्||११||
🔊 Audio coming soon
ত্রিবৃতো বা কষাযেণ মজ্জ্ঞঃ কল্কং তথা পিবেদিতি সপ্তমঃ| তথেত্যাদিনাঽষ্টমঃ| এতত্কল্ককষাযযোর্দ্বযং জতূকর্ণেঽপ্যুক্তমেব- ‘ত্রিবৃদ্বিল্বকষাযাভ্যাং সক্ষৌদ্রলবণৌ দ্বৌ’ ইতি| তেনাত্র পাঠান্তরং ন প্রমাণম্| সঙ্গ্রহে চ করিষ্যতি- ‘কষাযে চ ত্রিবৃতো বিল্বকস্য চ’ ইতি||১১||
Adhikarana 8 (12) · Śloka 12
কষাযেণাথবা তস্য ত্রিবৃচ্চূর্ণং গুডান্বিতম্| সাধযিত্বা শনৈর্লেহং লেহযেন্মাত্রযা নরম্||১২||
कषायेणाथवा तस्य त्रिवृच्चूर्णं गुडान्वितम्| साधयित्वा शनैर्लेहं लेहयेन्मात्रया नरम्||१२||
🔊 Audio coming soon
কষাযেণেত্যাদিকো লেহো নবমঃ||১২||
Adhikarana 9 (13) · Śloka 13
চতুরঙ্গুলসিদ্ধাদ্বা ক্ষীরাদ্যদুদিযাদ্ঘৃতম্| মজ্জ্ঞঃ কল্কেন ধাত্রীণাং রসে তত্সাধিতং পিবেত্||১৩||
चतुरङ्गुलसिद्धाद्वा क्षीराद्यदुदियाद्घृतम्| मज्ज्ञः कल्केन धात्रीणां रसे तत्साधितं पिबेत्||१३||
🔊 Audio coming soon
চতুরঙ্গুলেত্যাদিনা প্রথমং ঘৃতম্| মজ্জ্ঞ ইতি চতুরঙ্গুলমজ্জ্ঞঃ||১৩||
Adhikarana 10 (14) · Śloka 14
তদেব দশমূলস্য কুলত্থানাং যবস্য চ| কষাযে সাধিতং সর্পিঃ কল্কৈঃ শ্যামাদিভিঃ পিবেত্||১৪||
तदेव दशमूलस्य कुलत्थानां यवस्य च| कषाये साधितं सर्पिः कल्कैः श्यामादिभिः पिबेत्||१४||
🔊 Audio coming soon
তদেবেত্যাদিনা চ দ্বিতীযং ঘৃতম্| শ্যামাদিভিরিতি মদনকল্পপঠিতৈর্নবভিঃ ‘শ্যামাত্রিবৃদ্দন্তী ... ’ (ক.অ.১) ইত্যাদিভিঃ||১৪||
Adhikarana 11 (15) · Śloka 15
দন্তীক্বাথেঽঞ্জলিং মজ্জ্ঞাঃ শম্পাকস্য গুডস্য চ| দত্ত্বা মাসার্ধমাসস্থমরিষ্টং পাযযেত চ||১৫||
दन्तीक्वाथेऽञ्जलिं मज्ज्ञाः शम्पाकस्य गुडस्य च| दत्त्वा मासार्धमासस्थमरिष्टं पाययेत च||१५||
🔊 Audio coming soon
দন্তীত্যাদিনাঽরিষ্টযোগমাহ| গুডস্য চাঞ্জলিমিতি সম্বন্ধঃ| মাসার্ধমাসস্থমিতি সার্ধমাসস্থম্||১৫||
Adhikarana 12 (16) · Śloka 16
যস্য যত্ পানমন্নং চ হৃদ্যং স্বাদ্বথ বা কটু| লবণং বা ভবেত্তেন যুক্তং দদ্যাদ্বিরেচনম্||১৬||
यस्य यत् पानमन्नं च हृद्यं स्वाद्वथ वा कटु| लवणं वा भवेत्तेन युक्तं दद्याद्विरेचनम्||१६||
🔊 Audio coming soon
যস্য যদিত্যাদিনাঽনুক্তমপরাপরসাধনং বিধত্তে| হৃদ্যেন হি বিরেচনযোগস্য প্রিযতা স্যাত্| পানমন্নং চেতি হৃদ্যমিত্যাদিভিঃ প্রত্যেকং সম্বধ্যতে||১৬||
Adhikarana 13 (17-18) · Śloka 18
তত্র শ্লোকাঃ দ্রাক্ষারসে সুরাসীধ্বোর্দধ্নি চামলকীরসে| সৌবীরকে কষাযে চ ত্রিবৃতো বিল্বকস্য চ||১৭|| লেহেঽরিষ্টে ঘৃতে দ্বে চ যোগা দ্বাদশ কীর্তিতাঃ| চতুরঙ্গুলকল্পেঽস্মিন্ সুকুমারাঃ সুখোদযাঃ||১৮||
तत्र श्लोकाः द्राक्षारसे सुरासीध्वोर्दध्नि चामलकीरसे| सौवीरके कषाये च त्रिवृतो बिल्वकस्य च||१७|| लेहेऽरिष्टे घृते द्वे च योगा द्वादश कीर्तिताः| चतुरङ्गुलकल्पेऽस्मिन् सुकुमाराः सुखोदयाः||१८||
🔊 Audio coming soon
দ্রাক্ষেত্যাদিসঙ্গ্রহো ব্যক্তঃ||১৭-১৮||
Adhikarana puShpikA · Śloka 8
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে কল্পস্থানে চতুরঙ্গুলকল্পো নামাষ্টমোঽধ্যাযঃ||৮||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने चतुरङ्गुलकल्पो नामाष्टमोऽध्यायः||८||
🔊 Audio coming soon
ইতি শ্রীচক্রপাণিদত্তবিরচিতাযামাযুর্বেদদীপিকাযাং চরকতাত্পর্যটীকাযাং কল্পস্থানে চতুরঙ্গুলকল্পো নামাষ্টমোঽধ্যাযঃ||৮||