Adhikarana 1 (1-2) · Śloka 2
অথাতো জীমূতককল্পং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातो जीमूतककल्पं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
মদনকল্পানন্তরমনপাযিত্বেনেক্ষ্বাক্বাদিদ্রব্যেভ্যঃ প্রাধান্যাজ্জীমূতকস্য জীমূতকল্পোঽভিধীযতে| এবং যথাযথৈষামনপাযিত্বপ্রকর্ষঃ, তথা তথা পূর্বনিবেশনং জ্ঞেযম্| তেনাপরবমনকল্পানামপ্যধ্যাযসম্বন্ধোঽত্রৈবোক্তো জ্ঞেযঃ| মদনফলস্য স্নেহস্বেদাদিপূর্বকত্ববদিহাপি ক্রমোঽতিদেশাদুন্নেতব্যঃ||১-২||
Adhikarana 2 (3) · Śloka 3
কল্পং জীমূতকস্যেমং ফলপুষ্পাশ্রযং শুণু| গরাগরী চ বেণী চ তথা স্যাদ্দেবতাডকঃ||৩||
कल्पं जीमूतकस्येमं फलपुष्पाश्रयं शुणु| गरागरी च वेणी च तथा स्याद्देवताडकः||३||
🔊 Audio coming soon
ফলপুষ্পাশ্রযমিতি বচনেন জীমূতস্য পত্রনালাদিষু বমনপ্রযোগং নিষেধযতি| গরাগরী চেত্যাদি পর্যাযকথনম্| জীমূতঃ পীতঘোষকঃ||৩||
Adhikarana 3 (4) · Śloka 4
জীমূতকং ত্রিদোষঘ্নং যথাস্বৌষধকল্পিতম্| প্রযোক্তব্যং জ্বরশ্বাসহিক্কাদ্যেষ্বামযেষু চ||৪||
जीमूतकं त्रिदोषघ्नं यथास्वौषधकल्पितम्| प्रयोक्तव्यं ज्वरश्वासहिक्काद्येष्वामयेषु च||४||
🔊 Audio coming soon
ত্রিদোষঘ্নমিতি যথাস্বং বাতহরাদিদ্রব্যযুক্তং, তথা বাতাদিহরদ্রব্যকল্পিতং চ সত্ ত্রিদোষঘ্নং ভবতি| হিক্কাদ্যেষ্বিতি আদ্যশব্দেন কাসাদীনামুরোগতদোষজন্যানাং গ্রহণম্||৪||
Adhikarana 4 (5-7) · Śloka 7
যথোক্তগুণযুক্তানাং দেশজানাং যথাবিধি| পযঃ পুষ্পেঽস্য, নির্বৃত্তে ফলে পেযা পযস্কৃতা||৫|| লোমশে ক্ষীরসন্তানং, দধ্যুত্তরমলোমশে| শৃতে পযসি দধ্যম্লং জাতং হরিতপাণ্ডুকে||৬|| জীর্ণানাং চ সুশুষ্কাণাং ন্যস্তানাং ভাজনে শুচৌ| চূর্ণস্য পযসা শুক্তিং বাতপিত্তার্দিতঃ পিবেত্||৭||
यथोक्तगुणयुक्तानां देशजानां यथाविधि| पयः पुष्पेऽस्य, निर्वृत्ते फले पेया पयस्कृता||५|| लोमशे क्षीरसन्तानं, दध्युत्तरमलोमशे| शृते पयसि दध्यम्लं जातं हरितपाण्डुके||६|| जीर्णानां च सुशुष्काणां न्यस्तानां भाजने शुचौ| चूर्णस्य पयसा शुक्तिं वातपित्तार्दितः पिबेत्||७||
🔊 Audio coming soon
যথোক্তযুক্তগুণযুক্তানামিতি কালজত্ব-সম্পূর্ণরসত্বাদিগুণযুক্তানি মদনফলোক্তগুণদ্বারাঽনুসর্তব্যানি| দেশজানামিতি মদনকল্পোক্তপ্রশস্তভূমিজাতানাম্| যথাবিধীতি মদনকল্পোক্তবিধানগৃহীতানাম্| পযঃ পুষ্পে ইত্যেকো যোগঃ| নির্বৃত্তে ইত্যাদিকো দ্বিতীযো যোগঃ| নির্বৃত্তে ইতি উত্পন্নমাত্রে ফলে, তত্র ফলৈঃ ক্ষীরং সাধযিত্বা তেন ক্ষীরেণ পেযা সাধনীযা| রোমশে ইত্যাদি তৃতীযঃ| রোমশে ইতি উপগতরোম্ণি ফলে, অত্রাপি রোমশফলসাধিতক্ষীরাত্ সন্তানিকা জ্ঞেযা| দধ্যুত্তরমিত্যাদিকশ্চতুর্থো যোগঃ, অত্রাপ্যুপগতরোমাবস্থফলসাধিতক্ষীরসম্ভূতদধিসরো জ্ঞেযঃ| শৃতে পযসীত্যাদিকঃ পঞ্চমঃ| দধ্যম্লমিতি অম্লাবস্থং দধি জাতম্| হরিতপাণ্ডুকে ইতি হরিতপাণ্ড্ববস্থাপ্রাপ্তে জীমূতকফলে| জীর্ণানামিত্যাদিকঃ ষষ্ঠঃ ক্ষীরযোগঃ| এতে চ যোগাঃ ক্ষীরসম্বন্ধেন অবিধীযমানক্ষীরাকারা অপি ক্ষীরপ্রযোগত্বেনৈব সঙ্গ্রহে ‘ষট্ ক্ষীরে’ ইত্যনেন সঙ্গ্রহীতব্যাঃ||৫-৭||
Adhikarana 5 (8-10) · Śloka 11
আসুত্য চ সুরামণ্ডে মৃদিত্বা প্রস্রুতং পিবেত্| কফজেঽরোচকে কাসে পাণ্ডুরোগে সযক্ষ্মণি||৮|| দ্বে চাপোথ্যাথবা ত্রীণি গুডূচ্যা মধুকস্য বা| কোবিদারাদিকানাং বা নিম্বস্য কুটজস্য বা||৯|| কষাযেষ্বাসুতং পূত্বা তেনৈব বিধিনা পিবেত্| অথবাঽঽরগ্বধাদীনাং সপ্তানাং পূর্ববত্ পিবেত্||১০|| একৈকস্য কষাযেণ পিত্তশ্লেষ্মজ্বরার্দিতঃ|১১|
आसुत्य च सुरामण्डे मृदित्वा प्रस्रुतं पिबेत्| कफजेऽरोचके कासे पाण्डुरोगे सयक्ष्मणि||८|| द्वे चापोथ्याथवा त्रीणि गुडूच्या मधुकस्य वा| कोविदारादिकानां वा निम्बस्य कुटजस्य वा||९|| कषायेष्वासुतं पूत्वा तेनैव विधिना पिबेत्| अथवाऽऽरग्वधादीनां सप्तानां पूर्ववत् पिबेत्||१०|| एकैकस्य कषायेण पित्तश्लेष्मज्वरार्दितः|११|
🔊 Audio coming soon
আসুত্যেত্যাদিনা মদিরাযোগ এক উচ্যতে| আসুত্যেতি নিশাপর্যুষিতং কৃত্বা| অত্র যোগে পক্বজীমূতকফলমেবাধিকৃতং; তথা, উত্তরযোগেষ্বপি পক্বমেব ফলমধিকৃতং জ্ঞেযং, “ফলং পর্যাগতং গ্রাহ্যং” ইত্যৌত্সর্গিকবচনাত্| দ্বে চেত্যাদিনা দ্বাদশকষাযভেদাদ্ দ্বাদশযোগা উচ্যন্তে| তেনৈব বিধিনেতি মদনকল্পোক্তেন সাধনবিধিনা| অথবেত্যাদৌ আরগ্বধাদিসপ্তদ্রব্যকষাযভেদাত্ সপ্তযোগা ভবন্তি| আরগ্বধাদযঃ আরগ্বধ-বৃক্ষক-স্বাদুকণ্টক-পাঠা-পাটলি-শার্ঙ্গেষ্টা-মূর্বাঃ (ক.অ.১) পূর্বাধ্যাযোক্তাঃ||৮-১০||-
Adhikarana 6 (11) · Śloka 11
মাত্রাঃ স্যুঃ ফলবচ্চাষ্টৌ কোলমাত্রাস্তু তা মতাঃ||১১||
मात्राः स्युः फलवच्चाष्टौ कोलमात्रास्तु ता मताः||११||
🔊 Audio coming soon
মাত্রাঃ স্যুরিত্যাদিনাঽষ্টৌ মাত্রাযোগানাহ| ফলবদিতি মদনফলে যথা অষ্টৌ মাত্রাযোগা উক্তাস্তথেহাপি কর্তব্যাঃ, বিশেষতস্তু এতাঃ কোলমাত্রাঃ কর্তব্যাঃ, ন তু ফলবদ্ধরীতক্যাদিপ্রমাণাঃ কর্তব্যা ইত্যর্থঃ||১১||
Adhikarana 7 (12) · Śloka 12
জীবকর্ষভকেক্ষূণাং শতাবর্যা রসেন বা| পিত্তশ্লেষ্মজ্বরে দদ্যাদ্বাতপিত্তজ্বরেঽথবা||১২||
जीवकर्षभकेक्षूणां शतावर्या रसेन वा| पित्तश्लेष्मज्वरे दद्याद्वातपित्तज्वरेऽथवा||१२||
🔊 Audio coming soon
জীবকেত্যাদিনা চতুরো যোগাঃ পানসাধনকষাযভেদাত্||১২||
Adhikarana 8 (13) · Śloka 13
তথা জীমূতকক্ষীরাত্ সমুত্পন্নং পচেদ্ঘৃতম্| ফলাদীনাং কষাযেণ শ্রেষ্ঠং তদ্বমনং মতম্||১৩||
तथा जीमूतकक्षीरात् समुत्पन्नं पचेद्घृतम्| फलादीनां कषायेण श्रेष्ठं तद्वमनं मतम्||१३||
🔊 Audio coming soon
তথেত্যাদিনা ঘৃতযোগমেকমাহ||১৩||
Adhikarana 9 (14-15) · Śloka 15
তত্র শ্লোকৌ- ষট্ ক্ষীরে মদিরামণ্ডে একো দ্বাদশ চাপরে| সপ্ত চারগ্বধাদীনাং কষাযেঽষ্টৌ চ বর্তিষু||১৪|| জীবকাদিষু চত্বারো ঘৃতং চৈকং প্রকীর্তিতম্| কল্পে জীমূতকানাং চ যোগাস্ত্রিংশন্নবাধিকাঃ||১৫||
तत्र श्लोकौ- षट् क्षीरे मदिरामण्डे एको द्वादश चापरे| सप्त चारग्वधादीनां कषायेऽष्टौ च वर्तिषु||१४|| जीवकादिषु चत्वारो घृतं चैकं प्रकीर्तितम्| कल्पे जीमूतकानां च योगास्त्रिंशन्नवाधिकाः||१५||
🔊 Audio coming soon
ষট্ ক্ষীরে ইত্যাদিনা সঙ্গ্রহার্থো ব্যাকৃত এব যথাস্থানম্||১৪-১৫||
Adhikarana puShpikA · Śloka 2
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে কল্পস্থানে জীমূতককল্পো নাম দ্বিতীযোঽধ্যাযঃ||২||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने जीमूतककल्पो नाम द्वितीयोऽध्यायः||२||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং কল্পস্থানে জীমূতককল্পো নাম দ্বিতীযোঽধ্যাযঃ||২||