Adhikarana 1 (1-2) · Śloka 2
অথাতঃ কৃতবেধনকল্পং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
View original
अथातः कृतवेधनकल्पं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
বমনকল্পপারিশেষ্যাত্ কৃতবেধনকল্পোঽভিধীযতে||১-২||
6. kr̥tavēdhanakalpaḥ
Adhikarana 2 (3-4) · Śloka 4
কৃতবেধননামানি কল্পং চাস্য নিবোধত| ক্ষ্বেডঃ কোশাতকী চোক্তং মৃদঙ্গফলমেব চ||৩|| অত্যর্থকটুতীক্ষ্ণোষ্ণং গাঢেষ্বিষ্টং গদেষু চ| কুষ্ঠপাণ্ড্বামযপ্লীহশোফগুল্মগরাদিষু||৪||
View original
कृतवेधननामानि कल्पं चास्य निबोधत| क्ष्वेडः कोशातकी चोक्तं मृदङ्गफलमेव च||३|| अत्यर्थकटुतीक्ष्णोष्णं गाढेष्विष्टं गदेषु च| कुष्ठपाण्ड्वामयप्लीहशोफगुल्मगरादिषु||४||
🔊 Audio coming soon
গাঢেষ্বিতি অত্যর্থগাঢেষু কুষ্ঠাদিষু||৩-৪||
Adhikarana 3 (5) · Śloka 5
ক্ষীরাদি কুসুমাদীনাং সুরা চৈতেষু পূর্ববত্|৫|
View original
क्षीरादि कुसुमादीनां सुरा चैतेषु पूर्ववत्|५|
🔊 Audio coming soon
ক্ষীরাদীত্যাদিনা ক্ষীরযোগা উচ্যন্তে| ক্ষীরযোগচতুষ্টযং মদিরাযোগং চ জীমূতককল্পবিধানাতিদেশেনাহ| ক্ষীরাদিশব্দেন ক্ষীরকৃতপেযা-ক্ষীরসন্তানিকা-দধ্যুত্তরাণাং গ্রহণম্| এতে চ সঙ্গ্রহেঽক্ষীররূপা অপি ক্ষীরবিকারতযা ক্ষীরশব্দেনৈব গৃহীতাঃ ‘ক্ষীরে দ্বৌ দ্বৌ’ ইতি বচনেন| কুসুমাদীনামিতি কৃতবেধনস্য পুষ্পাদীনাং “পযঃ পুষ্পেঽস্য নির্বৃত্তে ফলে পেযা পযস্কৃতা| লোমশে ক্ষীরসন্তানং দধ্যুত্তরমলোমশে” (ক.অ.২) ইতি জীমূতকবিধানোক্তানাম্| সুরা চৈতেষু পূর্ববদিতি যথা জীমূতককল্পবিধানেন ক্ষীরাদযঃ কর্তব্যাস্তথা সুরা চ কর্তব্যা|৫|
Adhikarana 4 (5-7) · Śloka 7
সুশুষ্কাণাং তু জীর্ণানামেকং দ্বে বা যথাবলম্||৫|| কষাযৈর্মধুকাদীনাং নবভিঃ ফলবত্ পিবেত্| ক্বাথযিত্বা ফলং তস্য পূত্বা লেহং নিধাপযেত্||৬|| কৃতবেধনকল্কাংশং ফলাদ্যর্ধাংশসংযুতম্ | পৃথক্ চারগ্বধাদীনাং ত্রযোদশভিরাসুতম্||৭||
View original
सुशुष्काणां तु जीर्णानामेकं द्वे वा यथाबलम्||५|| कषायैर्मधुकादीनां नवभिः फलवत् पिबेत्| क्वाथयित्वा फलं तस्य पूत्वा लेहं निधापयेत्||६|| कृतवेधनकल्कांशं फलाद्यर्धांशसंयुतम् | पृथक् चारग्वधादीनां त्रयोदशभिरासुतम्||७||
🔊 Audio coming soon
সুশুষ্কাণামিত্যাদিনা নব কষাযযোগানাহ| ফলবদিতি মদনফলং যথা যষ্টীমধুকাদিভিঃ পীযতে, তথৈতদপি পাতব্যমিত্যর্থঃ| একে নবকষাযপ্রযোগেষু শেষবিধিপ্রত্যাযকং লেহং পঠন্তি- “ক্বাথযিত্বা রসং তস্য পূত্বা লেহং নিধাপযেত্” ইত্যাদি, তচ্চ সঙ্গতার্থম্| উক্তং চ জতূকর্ণে- “অত্র জীর্ণবীজানাং মদনফলবত্ কষাযৈর্লেহা ভবন্তি নব” ইতি| পৃথগিত্যাদিনা ত্রযোদশ কষাযযোগানাহ| এবং দ্বাবিংশতিঃ কষাযযোগা ভবন্তি| আরগ্বধাদযস্ত্রযোদশ মদনকল্পে “আরগ্বধবৃক্ষক ...” (ক.অ.১) ইত্যাদিনা গুডূচ্যন্তেনোক্তা জ্ঞেযাঃ||৫-৭||
Adhikarana 5 (8) · Śloka 8
শাল্মলীমূলচূর্ণানাং পিচ্ছাভির্দশভিস্তথা|৮|
View original
शाल्मलीमूलचूर्णानां पिच्छाभिर्दशभिस्तथा|८|
🔊 Audio coming soon
শাল্মলীত্যাদিনা দশ পিচ্ছাযোগানাহ| শাল্মলীমূলমাদিঃ যেষাং তে শাল্মলীমূলাঃ শাল্মল্যাদযো বিমানপঠিতা দশ শাল্মলীশাল্মলকভদ্রপর্ণ্যেলাপর্ণ্যুপোদিকোদ্দালধন্বনরাজাদনোপচিত্রাগোপ্যন্তাঃ (বি.অ.৮); এষাং চূর্ণানাং পিচ্ছাভির্যুক্ত্যা কৃতত্বেনৈব দশ যোগা জ্ঞেযাঃ| শাল্মলকঃ শাল্মলীভেদঃ, রোহিতকো বা; ভদ্রপর্ণী গম্ভারী; এলাপর্ণী নাগবলা, অহিংস্রেত্যন্যে; রাজাদনাং ক্ষীরিকা, উপচিত্রা দন্তী, গোপী সারিবা|৮|
Adhikarana 6 (8) · Śloka 8
বর্তিক্রিযাঃ ষট্ ফলবত্, ফলাদীনাং ঘৃতং তথা||৮||
View original
वर्तिक्रियाः षट् फलवत्, फलादीनां घृतं तथा||८||
🔊 Audio coming soon
বর্তিক্রিযাঃ ষট্ ফলবদিতি “ফলপিপ্পলীচূর্ণানি পূর্ববত্” (ক.অ.১) ইত্যাদিনা গ্রন্থেন যা বর্তিক্রিযা উক্তা মদনকল্পে, তদ্বদিহাপি কৃতবেধনচূর্ণানাং ষড্বর্তিক্রিযাঃ কর্তব্যাঃ| ফলাদীনাং ঘৃতং তথেত্যনেন কৃতবেধনসাধিতক্ষীরাদুত্থিতং নবনীতং ফলাদিকষাযেণ সাধনীযং মদনফলঘৃতবদিত্যর্থঃ||৮||
Adhikarana 7 (9-10) · Śloka 10
কোশাতকানি পঞ্চাশত্ কোবিদাররসে পচেত্| তং কষাযং ফলাদীনাং কল্কৈর্লেহং পুনঃ পচেত্||৯|| ক্ষ্বেডস্য তত্র ভাগঃ স্যাচ্ছেষাণ্যর্ধাংশিকানি তু| কষাযৈঃ কোবিদারাদ্যৈরেবং তত্ কল্পযেত্ পৃথক্||১০||
View original
कोशातकानि पञ्चाशत् कोविदाररसे पचेत्| तं कषायं फलादीनां कल्कैर्लेहं पुनः पचेत्||९|| क्ष्वेडस्य तत्र भागः स्याच्छेषाण्यर्धांशिकानि तु| कषायैः कोविदाराद्यैरेवं तत् कल्पयेत् पृथक्||१०||
🔊 Audio coming soon
কোশাতকানীত্যাদি| অত্রৈব ক্বাথপাদিকে কল্কে কর্তব্যে ক্ষ্বেডস্য পূর্ণো ভাগো দেযঃ, ফলাদীনাং চ প্রত্যেকং ক্ষ্বেডাদর্ধভাগিকত্বম্||৯-১০||
Adhikarana 8 (11) · Śloka 12
কষাযেষু ফলাদীনামানূপং পিশিতং পৃথক্| কোশাতক্যা সমং পক্ত্বা রসং সলবণং পিবেত্||১১|| ফলাদিপিপ্পলীতুল্যং তদ্বত্ ক্ষ্বেডরসং পিবেত্|১২|
View original
कषायेषु फलादीनामानूपं पिशितं पृथक्| कोशातक्या समं पक्त्वा रसं सलवणं पिबेत्||११|| फलादिपिप्पलीतुल्यं तद्वत् क्ष्वेडरसं पिबेत्|१२|
🔊 Audio coming soon
কষাযেষ্বিত্যাদিনা সপ্ত মাংসযোগানাহ| সমমিতি কোশাতকীতুল্যং মাংসম্| অত্র পিবেদিত্যন্তেন ষণ্মাংসরসাঃ, ফলাদীত্যনেন চৈকঃ| ফলাদিপিপ্পলীতুল্যং তদ্বদিত্যনেন ফলাদিভিঃ সমং মাংসম্| তদ্বদিতি বচনাত্ কোশাতক্যাঃ কষাযেণ সাধনীযম্||১১||-
Adhikarana 9 (12) · Śloka 12
ক্ষ্বেডং কাসী পিবেত্ সিদ্ধং মিশ্রমিক্ষুরসেন চ||১২||
View original
क्ष्वेडं कासी पिबेत् सिद्धं मिश्रमिक्षुरसेन च||१२||
🔊 Audio coming soon
ইক্ষুরসযোগমেকমাহ- ক্ষ্বেডমিত্যাদি| সিদ্ধমিতি ইক্ষুরসেন মিশ্রিতং সত্ সাধিতং পিবেদিত্যর্থঃ উক্তং হি জতূকর্ণে- “ক্ষ্বেডমিক্ষুরসে শৃতম্” ইতি||১২||
Adhikarana 10 (13-14) · Śloka 14
তত্র শ্লোকৌ- ক্ষীরে দ্বৌ দ্বৌ সুরা চৈকা ক্বাথা দ্বাবিংশতিস্তথা| দশ পিচ্ছা ঘৃতং চৈকং ষট্ চ বর্তিক্রিযাঃ শুভাঃ||১৩|| লেহেঽষ্টৌ সপ্ত মাংসে চ যোগ ইক্ষুরসেঽপরঃ| কৃতবেধনকল্পেঽস্মিন্ ষষ্টির্যোগাঃ প্রকীর্তিতাঃ||১৪||
View original
तत्र श्लोकौ- क्षीरे द्वौ द्वौ सुरा चैका क्वाथा द्वाविंशतिस्तथा| दश पिच्छा घृतं चैकं षट् च वर्तिक्रियाः शुभाः||१३|| लेहेऽष्टौ सप्त मांसे च योग इक्षुरसेऽपरः| कृतवेधनकल्पेऽस्मिन् षष्टिर्योगाः प्रकीर्तिताः||१४||
🔊 Audio coming soon
ক্ষীরে দ্বৌ দ্বাবিত্যাদিসঙ্গ্রহঃ| দ্বৌ দ্বাবিতি চত্বারঃ||১৩-১৪||
Adhikarana puShpikA · Śloka 6
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে কল্পস্থানে কৃতবেধনকল্পো নাম ষষ্ঠোঽধ্যাযঃ||৬||
View original
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने कृतवेधनकल्पो नाम षष्ठोऽध्यायः||६||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং কল্পস্থানে কৃতবেধনকল্পো নাম ষষ্ঠোঽধ্যাযঃ||৬||