Adhikarana 1 (1-2) · Śloka 2
అథాతః శ్యామాత్రివృత్కల్పం వ్యాఖ్యాస్యామః||1||
ఇతి హ స్మాహ భగవానాత్రేయః||2||
View original
अथातः श्यामात्रिवृत्कल्पं व्याख्यास्यामः||१||
इति ह स्माह भगवानात्रेयः||२||
వమనార్థకల్పనానంతరం విరేచనకల్పేషు వక్తవ్యేషు త్రివృతాయా విరేచనద్రవ్యేషు సుఖవిరేచనతయా ప్రధానత్వాత్ త్రివృత్కల్ప ఏవాభిధీయతే| త్రివృతాభేద ఏవ చ శ్యామా, తేన శ్యామాయాస్త్రివృతాయాశ్చ కల్పః శ్యామాత్రివృత్కల్పః| యద్యపి చారుణమూలైవ త్రివృదత్రోత్కృష్టా వక్తవ్యా, తథాఽప్యధ్యాయసంజ్ఞాయాం శ్యామాయా అగ్రే పాఠేనాశుదోషహంతృతయా శ్యామాయాః ప్రకర్షం దర్శయతి| యే చాత్ర యోగా వక్తవ్యాస్తేఽరుణయా వా శ్యామయా వా ఉభాభ్యాం వా దోషశరీరాదిబలాబలమవేక్ష్య కర్తవ్యాః||1-2||
Adhikarana 2 (3) · Śloka 3
విరేచనే త్రివృన్మూలం శ్రేష్ఠమాహుర్మనీషిణః |
తస్యాః సంజ్ఞా గుణాః కర్మ భేదః కల్పశ్చ వక్ష్యతే||3||
View original
विरेचने त्रिवृन्मूलं श्रेष्ठमाहुर्मनीषिणः |
तस्याः सञ्ज्ञा गुणाः कर्म भेदः कल्पश्च वक्ष्यते||३||
విరేచనే ఇత్యాదౌ త్రివృన్మూలశబ్దేన శ్యామమూలాయా అరుణమూలాయాశ్చ సామాన్యేన మూలం గృహ్యతే||3||
Adhikarana 3 (4) · Śloka 4
త్రిభండీ త్రివృతా చైవ శ్యామా కూటరణా తథా|
సర్వానుభూతిః సువహా శబ్దైః పర్యాయవాచకైః||4||
View original
त्रिभण्डी त्रिवृता चैव श्यामा कूटरणा तथा|
सर्वानुभूतिः सुवहा शब्दैः पर्यायवाचकैः||४||
పర్యాయత్వేన వాచకైః పర్యాయవాచకైః||4||
Adhikarana 4 (5-6) · Śloka 6
కషాయా మధురా రూక్షా విపాకే కటుకా చ సా|
కఫపిత్తప్రశమనీ రౌక్ష్యాచ్చానిలకోపనీ||5||
సేదానీమౌషధైర్యుక్తా వాతపిత్తకఫాపహైః|
కల్పవైశేష్యమాసాద్య సర్వరోగహరా భవేత్||6||
View original
कषाया मधुरा रूक्षा विपाके कटुका च सा|
कफपित्तप्रशमनी रौक्ष्याच्चानिलकोपनी||५||
सेदानीमौषधैर्युक्ता वातपित्तकफापहैः|
कल्पवैशेष्यमासाद्य सर्वरोगहरा भवेत्||६||
సేదానీమిత్యాది| వాతాపహౌషధయోగేన వాతహంతృత్వమవిద్యమానం భవతి, కఫపిత్తహంతృత్వం విద్యమానమధికం భవతీతి జ్ఞేయం| కల్పవైశేష్యమితి కల్పనావిశేషం| సర్వరోగహరేతి వ్యస్తసమస్తసర్వదోషారబ్ధరోగహరా||5-6||
Adhikarana 5 (7-9) · Śloka 9
మూలం తు ద్వివిధం తస్యాః శ్యామం చారుణమేవ చ|
తయోర్ముఖ్యతరం విద్ధి మూలం యదరుణప్రభం||7||
సుకుమారే శిశౌ వృద్ధే మృదుకోష్ఠే చ తచ్ఛుభం |
మోహయేదాశుకారిత్వాచ్ఛ్యామా క్షిణ్వీత మూర్చ్ఛయేత్ ||8||
తైక్ష్ణ్యాత్ కర్షతి హృత్కంఠమాశు దోషం హరత్యపి|
శస్యతే బహుదోషాణాం క్రూరకోష్ఠాశ్చ యే నరాః||9||
View original
मूलं तु द्विविधं तस्याः श्यामं चारुणमेव च|
तयोर्मुख्यतरं विद्धि मूलं यदरुणप्रभम्||७||
सुकुमारे शिशौ वृद्धे मृदुकोष्ठे च तच्छुभम् |
मोहयेदाशुकारित्वाच्छ्यामा क्षिण्वीत मूर्च्छयेत् ||८||
तैक्ष्ण्यात् कर्षति हृत्कण्ठमाशु दोषं हरत्यपि|
शस्यते बहुदोषाणां क्रूरकोष्ठाश्च ये नराः||९||
త్రివృతయోర్భేదమాహ- మూలం తు ద్వివిధమిత్యాది| ముఖ్యతరమితి విరేచనక్రియాయామేవావ్యాపత్తికరత్వాచ్ఛ్రేష్ఠతరం| సుకుమారాః శిశవశ్చ యద్యప్యవిరేచనీయా ఉక్తాస్తథాఽపి తేషాం విధీయమానవిరేచనే హితమితి జ్ఞేయం| మోహయేదిత్యాదినా శ్యామమూలాయా గుణకర్మణీ బ్రూతే| క్షిణ్వీతేతి ధాతుక్షయం కుర్యాత్||7-9||
Adhikarana 6 (10-11) · Śloka 11
గుణవత్యాం తయోర్భూమౌ జాతం మూలం సముద్ధరేత్|
ఉపోష్య ప్రయతః శుక్లే శుక్లవాసాః సమాహితః||10||
గంభీరానుగతం శ్లక్ష్ణమతిర్యగ్విసృతం చ యత్|
తద్విపాట్యోద్ధరేద్గర్భం త్వచం శుష్కాం నిధాపయేత్||11||
View original
गुणवत्यां तयोर्भूमौ जातं मूलं समुद्धरेत्|
उपोष्य प्रयतः शुक्ले शुक्लवासाः समाहितः||१०||
गम्भीरानुगतं श्लक्ष्णमतिर्यग्विसृतं च यत्|
तद्विपाट्योद्धरेद्गर्भं त्वचं शुष्कां निधापयेत्||११||
యద్యపి మదనకల్ప ఏవ గుణవద్భూమిజాతత్వాది సామాన్యేన భేషజానాముక్తమేవ, తథాఽపి గంభీరానుగతత్వాదివిశేషస్య తత్రానుక్తస్యేహాభిధానే సతి తత్ప్రసంగాత్ తత్కించిదుచ్యతే- గుణవత్యామిత్యాది| శుక్లే ఇతి శుక్లపక్షే| గంభీరానుగమితి దూరప్రవిష్టం| ఉద్ధరేద్గర్భమితి మూలస్యాస్థి ఉద్ధరేత్| నిధాపయేదితి యథోక్తభైషజ్యస్థాపనవిధానేన స్థాపయేత్||10-11||
Adhikarana 7 (12) · Śloka 12
స్నిగ్ధస్విన్నో విరేచ్యస్తు పేయామాత్రోషితః సుఖం|12|
View original
स्निग्धस्विन्नो विरेच्यस्तु पेयामात्रोषितः सुखम्|१२|
పేయామాత్రోషిత ఇతి పూర్వదినే పేయామాత్రాహారతయా ఉషితః; యద్యపి చాన్యత్ర విరేచనపూర్వదినేషు తథైవాహారో నియమితః- “స్నేహవద్ద్రవముష్ణం చ త్ర్యహం భుక్త్వా రసౌదనం” (సూ.అ.13) ఇత్యనేన, తథాఽపి త్రివృద్విరేచనప్రయోగే పూర్వదినే విశేషవిధానాత్ పేయాదానం జ్ఞేయం| కించేయమేవ తద్వచనాత్ స్నిగ్ధోష్ణమాంసరససాధితా చ క్రియమాణా న పూర్వోక్తస్నేహవద్ద్రవౌష్ణమాంసరసౌదనవిరుద్ధా భవతి|12|
Adhikarana 8 (12-13) · Śloka 13
అక్షమాత్రం తయోః పిండం వినీయామ్లేన నా పిబేత్||12||
గోఽవ్యజామహిషీమూత్రసౌవీరకతుషోదకైః|
ప్రసన్నయా త్రిఫలయా శృతయా చ పృథక్ పిబేత్||13||
View original
अक्षमात्रं तयोः पिण्डं विनीयाम्लेन ना पिबेत्||१२||
गोऽव्यजामहिषीमूत्रसौवीरकतुषोदकैः|
प्रसन्नया त्रिफलया शृतया च पृथक् पिबेत्||१३||
అక్షమాత్రమిత్యాదినా నవభిరమ్లాదిభిర్ద్రవ్యైర్నవయోగానాహ| తయోరితి శ్యామాత్రివృదరుణత్రివృతయోః| ఏతయోశ్చ మిలితయోః ప్రత్యేకం చ ప్రయోగా ఇతి ప్రాగేవ ప్రతిపాదితం| అమ్లేనేతి కాంజికేన||12-13||
Adhikarana 9 (14) · Śloka 14
ఏకైకం సైంధవాదీనాం ద్వాదశానాం సనాగరం|
త్రివృద్ద్విగుణసంయుక్తం చూర్ణముష్ణాంబునా పిబేత్||14||
View original
एकैकं सैन्धवादीनां द्वादशानां सनागरम्|
त्रिवृद्द्विगुणसंयुक्तं चूर्णमुष्णाम्बुना पिबेत्||१४||
ఏకైకమిత్యాదినా సైంధవాదిభిర్ద్వాదశయోగానాహ| సైంధవాదయశ్చ ద్వాదశ రోగభిషగ్జితీయే (వి.అ.8) లవణస్కంధోక్తా జ్ఞేయాః| సనాగరమితి నాగరసహితం సత్ ప్రత్యేకం సైంధవాదీనాం చూర్ణం ద్విగుణత్రివృతాచూర్ణయుక్తం పాతవ్యం||14||
Adhikarana 10 (15-16) · Śloka 17
పిప్పలీ పిప్పలీమూలం మరిచం గజపిప్పలీ|
సరలః కిలిమం హింగు భార్గీ తేజోవతీ తథా||15||
ముస్తం హైమవతీ పథ్యా చిత్రకో రజనీ వచా|
స్వర్ణక్షీర్యజమోదా చ శృంగవేరం చ తైః పృథక్||16||
ఏకైకార్ధాంశసంయుక్తం పిబేద్గోమూత్రసంయుతం|17|
View original
पिप्पली पिप्पलीमूलं मरिचं गजपिप्पली|
सरलः किलिमं हिङ्गु भार्गी तेजोवती तथा||१५||
मुस्तं हैमवती पथ्या चित्रको रजनी वचा|
स्वर्णक्षीर्यजमोदा च शृङ्गवेरं च तैः पृथक्||१६||
एकैकार्धांशसंयुक्तं पिबेद्गोमूत्रसंयुतम्|१७|
పిప్పలీత్యాదినా పిప్పల్యాదిద్రవ్యభేదేన మూత్రేఽష్టాదశయోగానాహ||15-16||-
Adhikarana 11 (17) · Śloka 17
మధుకార్ధాంశసంయుక్తం శర్కరాంబుయుతం పిబేత్||17||
View original
मधुकार्धांशसंयुक्तं शर्कराम्बुयुतं पिबेत्||१७||
మధుకేత్యాదినైకః ప్రయోగః| అయం చ సంగ్రహోక్తయోః ‘యష్ట్యాం ద్వౌ’ ఇత్యనయోరేకతరః||17||
Adhikarana 12 (18-19) · Śloka 20
జీవకర్షభకౌ మేదాం శ్రావణీం కర్కాటాహ్వయాం|
ముద్గమాషాఖ్యపర్ణ్యౌ చ మహతీం శ్రావణీం తథా||18||
కాకోలీం క్షీరకాకోలీమింద్రాం ఛిన్నరుహాం తథా|
క్షీరశుక్లాం పయస్యాం చ యష్ట్యాహ్వం విధినా పిబేత్||19||
వాతపిత్తహితాన్యేతాన్యన్యాని తు కఫానిలే|20|
View original
जीवकर्षभकौ मेदां श्रावणीं कर्काटाह्वयाम्|
मुद्गमाषाख्यपर्ण्यौ च महतीं श्रावणीं तथा||१८||
काकोलीं क्षीरकाकोलीमिन्द्रां छिन्नरुहां तथा|
क्षीरशुक्लां पयस्यां च यष्ट्याह्वं विधिना पिबेत्||१९||
वातपित्तहितान्येतान्यन्यानि तु कफानिले|२०|
జీవకేత్యాదినా చతుర్దశయోగాన్ తథా యష్ట్యాహ్వమిత్యేకం చాహ| అయం చ సంగ్రహోక్తయోః ‘యష్ట్యాం ద్వౌ’ ఇతి ద్వయోరన్యతరః| క్షీరశుక్లా క్షీరవిదారీ| ఇంద్రా కోకిలాక్షః| పయస్యా అర్కపుష్పీ||18-19||-
Adhikarana 13 (20) · Śloka 21
క్షీరమాంసేక్షుకాశ్మర్యద్రాక్షాపీలురసైః పృథక్||20||
సర్పిషా వా తయోశ్చూర్ణమభయార్ధాంశికం పిబేత్|21|
View original
क्षीरमांसेक्षुकाश्मर्यद्राक्षापीलुरसैः पृथक्||२०||
सर्पिषा वा तयोश्चूर्णमभयार्धांशिकं पिबेत्|२१|
క్షీరేత్యాదినా క్షీరాదౌ సప్త యోగానాహ| పీలు ఔత్తరపథికం ఫలం||20||-
Adhikarana 14 (21-32) · Śloka 32
లిహ్యాద్వా మధుసర్పిర్భ్యాం సంయుక్తం ససితోపలం||21||
అజగంధా తుగాక్షీరీ విదారీ శర్కరా త్రివృత్|
చూర్ణితం క్షౌద్రసర్పిర్భ్యాం లీఢ్వా సాధు విరిచ్యతే||22||
సన్నిపాతజ్వరస్తంభదాహతృష్ణార్దితో నరః|
శ్యామాత్రివృత్కషాయేణ కల్కేన చ సశర్కరం||23||
సాధయేద్విధివల్లేహం లిహ్యాత్ పాణితలం తతః|
సక్షౌద్రాం శర్కరాం పక్త్వా కుర్యాన్మృద్భాజనే నవే||24||
క్షిపేచ్ఛీతే త్రివృచ్చూర్ణం త్వక్పత్రమరిచైః సహ|
మాత్రయా లేహయేదేతదీశ్వరాణాం విరేచనం||25||
కుడవాంశాన్ రసానిక్షుద్రాక్షాపీలుపరుషకాత్|
సితోపలాపలం క్షౌద్రాత్ కుడవార్ధం చ సాధయేత్||26||
తం లేహం యోజయేచ్ఛీతం త్రివృచ్చూర్ణేన శాస్త్రవిత్|
ఏతదుత్సన్నపిత్తానామీశ్వరాణాం విరేచనం||27||
శర్కరామోదకాన్ వర్తీర్గులికామాంసపూపకాన్|
అనేన విధినా కుర్యాత్ పైత్తికానాం విరేచనం||28||
పిప్పలీం నాగరం క్షారం శ్యామాం త్రివృతయా సహ|
లేహయేన్మధునా సార్ధం శ్లేష్మలానాం విరేచనం||29||
మాతులుంగాభయాధాత్రీశ్రీపర్ణీకోలదాడిమాత్|
సుభృష్టాన్ స్వరసాంస్తైలే సాధయేత్తత్ర చావపేత్||30||
సహకారాత్ కపిత్థాచ్చ మధ్యమమ్లం చ యత్ ఫలం|
పూర్వవద్బహలీభూతే త్రివృచ్చూర్ణం సమావపేత్||31||
త్వక్పత్రకేశరైలానాం చూర్ణం మధు చ మాత్రయా|
లేహోఽయం కఫపూర్ణానామీశ్వరాణాం విరేచనం||32||
View original
लिह्याद्वा मधुसर्पिर्भ्यां संयुक्तं ससितोपलम्||२१||
अजगन्धा तुगाक्षीरी विदारी शर्करा त्रिवृत्|
चूर्णितं क्षौद्रसर्पिर्भ्यां लीढ्वा साधु विरिच्यते||२२||
सन्निपातज्वरस्तम्भदाहतृष्णार्दितो नरः|
श्यामात्रिवृत्कषायेण कल्केन च सशर्करम्||२३||
साधयेद्विधिवल्लेहं लिह्यात् पाणितलं ततः|
सक्षौद्रां शर्करां पक्त्वा कुर्यान्मृद्भाजने नवे||२४||
क्षिपेच्छीते त्रिवृच्चूर्णं त्वक्पत्रमरिचैः सह|
मात्रया लेहयेदेतदीश्वराणां विरेचनम्||२५||
कुडवांशान् रसानिक्षुद्राक्षापीलुपरुषकात्|
सितोपलापलं क्षौद्रात् कुडवार्धं च साधयेत्||२६||
तं लेहं योजयेच्छीतं त्रिवृच्चूर्णेन शास्त्रवित्|
एतदुत्सन्नपित्तानामीश्वराणां विरेचनम्||२७||
शर्करामोदकान् वर्तीर्गुलिकामांसपूपकान्|
अनेन विधिना कुर्यात् पैत्तिकानां विरेचनम्||२८||
पिप्पलीं नागरं क्षारं श्यामां त्रिवृतया सह|
लेहयेन्मधुना सार्धं श्लेष्मलानां विरेचनम्||२९||
मातुलुङ्गाभयाधात्रीश्रीपर्णीकोलदाडिमात्|
सुभृष्टान् स्वरसांस्तैले साधयेत्तत्र चावपेत्||३०||
सहकारात् कपित्थाच्च मध्यमम्लं च यत् फलम्|
पूर्ववद्बहलीभूते त्रिवृच्चूर्णं समावपेत्||३१||
त्वक्पत्रकेशरैलानां चूर्णं मधु च मात्रया|
लेहोऽयं कफपूर्णानामीश्वराणां विरेचनम्||३२||
లిహ్యాద్వా మధ్విత్యాదినాఽష్టౌ లేహానాహ| లిహ్యాద్వేత్యాదినా ప్రథమో లేహః| అజగంధేత్యాదినా ద్వితీయః| అజగంధా అజమోదా| శ్యామాత్రివృదిత్యాదినా తృతీయో లేహః| అత్ర శర్కరాత్రివృచ్చూర్ణాభ్యాం సమాభ్యాం క్వాథపాదికాభ్యాం లేహః| సక్షౌద్రామిత్యాదినా చతుర్థః| అత్ర క్షౌద్రపాకో యోగమహిమ్నా| త్రివృచ్చూర్ణమాత్రాపాదికత్వం త్వక్పత్రాదీనాం, సౌగంధమాత్రప్రయోజనత్వాత్ | ఈశ్వరాణాం విరేచనమితి వచనేన సుకుమారత్వాదస్నిగ్ధవిషయతామస్య దర్శయతి, ఈశ్వరా హి ప్రాయేణ సుకుమారాః స్నిగ్ధాశ్చ భవంతి| కుడవాంశానిత్యాదిః పంచమః| అత్ర త్రివృచ్చూర్ణమనిర్దిష్టమానం, తచ్చ ప్రక్షేపన్యాయాల్లేహాత్ పాదికం కర్తవ్యం| ఉత్సన్నపిత్తానాం ఉద్భూతపిత్తానాం| శర్కరేత్యాదినా సితాయోగాంశ్చతురోఽతిదేశానుగుణ్యాల్లేహానాం మధ్య ఏవాహ| అత్ర వర్త్యాదయోఽపి శర్కరాకృతా ఏవ జ్ఞేయాః| అనేన విధినేతి ఇక్ష్వాదిరససంస్కారేణ త్రివృచ్చూర్ణయోగేన చ| పిప్పలీం నాగరమిత్యాదినా షష్ఠో లేహః| మధ్యమితి అమ్లకపిత్థస్య మధ్యం భాగం| అమ్లం చ యత్ ఫలమితి మాతులుంగాది| పూర్వవదితి కౌడవికత్వం మాతులుంగాదిరసానాం దర్శయతి||21-32||
Adhikarana 15 (33) · Śloka 33
పానకాని రసాన్ యూషాన్మోదకాన్ రాగషాడవాన్|
అనేన విధినా కుర్యాద్విరేకార్థం కఫాధికే||33||
View original
पानकानि रसान् यूषान्मोदकान् रागषाडवान्|
अनेन विधिना कुर्याद्विरेकार्थं कफाधिके||३३||
పానకానీత్యాదినాఽతిదేశానుగుణ్యాత్ పానకాదిపంచయోగానాహ| రాగప్రధానః షాడవో రాగషాడవః| అనేన విధినేతి పూర్వలేహోక్తవిధినా||33||
Adhikarana 16 (34-35) · Śloka 35
భృంగైలాభ్యాం సమా నీలీ తైస్త్రివృత్తైశ్చ శర్కరా|
చూర్ణం ఫలరసక్షౌద్రశక్తుభిస్తర్పణం పిబేత్||34||
వాతపిత్తకఫోత్థేషు రోగేష్వల్పానలేషు చ|
నరేషు సుకుమారేషు నిరపాయం విరేచనం||35||
View original
भृङ्गैलाभ्यां समा नीली तैस्त्रिवृत्तैश्च शर्करा|
चूर्णं फलरसक्षौद्रशक्तुभिस्तर्पणं पिबेत्||३४||
वातपित्तकफोत्थेषु रोगेष्वल्पानलेषु च|
नरेषु सुकुमारेषु निरपायं विरेचनम्||३५||
భృంగైలాభ్యామిత్యాదినా తర్పణయోగం ప్రథమమేవాహ, ద్వితీయస్తు తర్పణయోగో భవిష్యతీతి| భృంగం గుడత్వక్| తైశ్చ శర్కరేతి భృంగలానీలీత్రివృద్భిః| ఫలరసః దాడిమరసః||34-35||
Adhikarana 17 (36) · Śloka 36
శర్కరాత్రిఫలాశ్యామాత్రివృత్పిప్పలిమాక్షికైః|
మోదకః సన్నిపాతోర్ధ్వరక్తపిత్తజ్వరాపహః||36||
View original
शर्करात्रिफलाश्यामात्रिवृत्पिप्पलिमाक्षिकैः|
मोदकः सन्निपातोर्ध्वरक्तपित्तज्वरापहः||३६||
శర్కరేత్యాదినా మోదకః ప్రథమః| తత్ర చ “మోదకే ద్విగుణో గుడః” ఇతి వచనాత్ గుడశర్కరాం చూర్ణాద్ద్విగుణామిచ్ఛంతి||36||
Adhikarana 18 (37-39) · Śloka 39
త్రివృచ్ఛాణా మతాస్తిస్రస్తిస్రశ్చ త్రిఫలాత్వచః|
విడంగపిప్పలీక్షారశాణాస్తిస్రశ్చ చూర్ణితాః||37||
లిహ్యాత్ సర్పిర్మధుభ్యాం చ మోదకం వా గుడేన తు|
భక్షయేన్నిష్పరీహారమేతచ్ఛోధనముత్తమం ||38||
గుల్మం ప్లీహోదరం శ్వాసం హలీమకమరోచకం|
కఫవాతకృతాంశ్చాన్యాన్ వ్యాధీనేతహ్యపోహతి||39||
View original
त्रिवृच्छाणा मतास्तिस्रस्तिस्रश्च त्रिफलात्वचः|
विडङ्गपिप्पलीक्षारशाणास्तिस्रश्च चूर्णिताः||३७||
लिह्यात् सर्पिर्मधुभ्यां च मोदकं वा गुडेन तु|
भक्षयेन्निष्परीहारमेतच्छोधनमुत्तमम् ||३८||
गुल्मं प्लीहोदरं श्वासं हलीमकमरोचकम्|
कफवातकृतांश्चान्यान् व्याधीनेतह्यपोहति||३९||
త్రివృచ్ఛాణా ఇత్యాదినేహ మోదకే చ యద్యపి పఠ్యతే యోగః, తథాఽప్యస్య లేహేనైవ గ్రహణాదయమష్టమో లేహో భవతి||37-39||
Adhikarana 19 (40-45) · Śloka 46
విడంగపిప్పలీమూలత్రిఫలాధాన్యచిత్రకాన్|
మరిచేంద్రయవాజాజీపిప్పలీహస్తిపిప్పలీః||40||
లవణాన్యజమోదాం చ చూర్ణితం కార్షికం పృథక్|
తిలతైలత్రివృచ్చూర్ణభాగౌ చాష్టపలోన్మితౌ||41||
ధాత్రీఫలరసప్రస్థాంస్త్రీన్ గుడార్ధతులాం తథా|
పక్త్వా మృద్వగ్నినా ఖాదేద్బదరోదుంబరోపమాన్||42||
గుడాన్ కృత్వా న చాత్ర స్యాద్విహారాహారయంత్రణా|
మందాగ్నిత్వం జ్వరం మూర్చ్ఛాం మూత్రకృచ్ఛ్రమరోచకం||43||
అస్వప్నం గాత్రశూలం చ కాసం శ్వాసం భ్రమం క్షయం|
కుష్ఠార్శఃకామలామేహగుల్మోదరభగందరాన్||44||
గ్రహణీపాండురోగాంశ్చ హన్యుః పుంసవనాశ్చ తే|
కల్యాణకా ఇతి ఖ్యాతాః సర్వేష్వృతుషు యౌగికాః||45||
ఇతి కల్యాణకగుడః|46|
View original
विडङ्गपिप्पलीमूलत्रिफलाधान्यचित्रकान्|
मरिचेन्द्रयवाजाजीपिप्पलीहस्तिपिप्पलीः||४०||
लवणान्यजमोदां च चूर्णितं कार्षिकं पृथक्|
तिलतैलत्रिवृच्चूर्णभागौ चाष्टपलोन्मितौ||४१||
धात्रीफलरसप्रस्थांस्त्रीन् गुडार्धतुलां तथा|
पक्त्वा मृद्वग्निना खादेद्बदरोदुम्बरोपमान्||४२||
गुडान् कृत्वा न चात्र स्याद्विहाराहारयन्त्रणा|
मन्दाग्नित्वं ज्वरं मूर्च्छां मूत्रकृच्छ्रमरोचकम्||४३||
अस्वप्नं गात्रशूलं च कासं श्वासं भ्रमं क्षयम्|
कुष्ठार्शःकामलामेहगुल्मोदरभगन्दरान्||४४||
ग्रहणीपाण्डुरोगांश्च हन्युः पुंसवनाश्च ते|
कल्याणका इति ख्याताः सर्वेष्वृतुषु यौगिकाः||४५||
इति कल्याणकगुडः|४६|
విడంగేత్యాదినా ద్వితీయో మోదకః||40-45||
Adhikarana 20 (46-49) · Śloka 50
వ్యోషత్వక్పత్రముస్తైలావిడంగామలకాభయాః |
సమభాగా భిషగ్దద్యాద్ద్విగుణం చ ముకూలకం||46||
త్రివృతోఽష్టగుణం భాగం శర్కరాయాశ్చ షడ్గుణం|
చూర్ణితం గుడికాః కృత్వా క్షౌద్రేణ పలసమ్మితాః||47||
భక్షయేత్ కల్యముత్థాయ శీతం చాను పిబేజ్జలం|
మూత్రకృచ్ఛ్రే జ్వరే వమ్యాం కాసే శ్వాసే భ్రమే క్షయే||48||
తాపే పాండ్వామయేఽల్పేఽగ్నౌ శస్తా నిర్యంత్రణాశినః|
యోగః సర్వవిషాణాం చ మతః శ్రేష్ఠో విరేచనే||49||
మూత్రజానాం చ రోగాణాం విధిజ్ఞేనావచారితః|50|
View original
व्योषत्वक्पत्रमुस्तैलाविडङ्गामलकाभयाः |
समभागा भिषग्दद्याद्द्विगुणं च मुकूलकम्||४६||
त्रिवृतोऽष्टगुणं भागं शर्करायाश्च षड्गुणम्|
चूर्णितं गुडिकाः कृत्वा क्षौद्रेण पलसम्मिताः||४७||
भक्षयेत् कल्यमुत्थाय शीतं चानु पिबेज्जलम्|
मूत्रकृच्छ्रे ज्वरे वम्यां कासे श्वासे भ्रमे क्षये||४८||
तापे पाण्ड्वामयेऽल्पेऽग्नौ शस्ता निर्यन्त्रणाशिनः|
योगः सर्वविषाणां च मतः श्रेष्ठो विरेचने||४९||
मूत्रजानां च रोगाणां विधिज्ञेनावचारितः|५०|
వ్యోషేత్యాదినా తృతీయో మోదకః| అయం మోదకస్తంత్రాంతరే ‘అభయాద్య’ ఇతి ఖ్యాతః| ముకూలకం దంతీ| అత్ర ముకూలాదీనామేకైకద్రవ్యాపేక్షయా ద్వైగుణ్యాది భవతి| మధు చ తావన్మాత్రం యావతా మోదకో భవతి| కేచిదత్ర వ్యోషాదిమిలితచూర్ణాద్దంత్యాదీనాం ద్వైగుణ్యం వదంతి||46-49||-
Adhikarana 21 (50) · Śloka 51
పథ్యాధాత్ర్యురుబూకాణాం ప్రసృతౌ ద్వౌ త్రివృత్పలం||50||
దశ తాన్మోదకాన్ కుర్యాదీశ్వరాణాం విరేచనం|51|
View original
पथ्याधात्र्युरुबूकाणां प्रसृतौ द्वौ त्रिवृत्पलम्||५०||
दश तान्मोदकान् कुर्यादीश्वराणां विरेचनम्|५१|
పథ్యేత్యాదినా చతుర్థః||50||-
Adhikarana 22 (51-55) · Śloka 55
త్రివృద్ధైమవతీ శ్యామా నీలినీ హస్తిపిప్పలీ||51||
సమూలా పిప్పలీ ముస్తమజమోదా దురాలభా|
కార్షికం నాగరపలం గుడస్య పలవింశతిం||52||
చూర్ణితం మోదకాన్ కుర్యాదుదుంబరఫలోపమాన్|
హింగుసౌవర్చలవ్యోషయవానీబిడజీరకైః||53||
వచాజగంధాత్రిఫలాచవ్యచిత్రకధాన్యకైః|
మోదకాన్ వేష్టయేచ్చూర్ణైస్తాన్ సతుంబురుదాడిమైః||54||
త్రికవంక్షణహృద్బస్తికోష్ఠార్శఃప్లీహశూలినాం|
హిక్కాకాసారుచిశ్వాసకఫోదావర్తినాం శుభాః ||55||
View original
त्रिवृद्धैमवती श्यामा नीलिनी हस्तिपिप्पली||५१||
समूला पिप्पली मुस्तमजमोदा दुरालभा|
कार्षिकं नागरपलं गुडस्य पलविंशतिम्||५२||
चूर्णितं मोदकान् कुर्यादुदुम्बरफलोपमान्|
हिङ्गुसौवर्चलव्योषयवानीबिडजीरकैः||५३||
वचाजगन्धात्रिफलाचव्यचित्रकधान्यकैः|
मोदकान् वेष्टयेच्चूर्णैस्तान् सतुम्बुरुदाडिमैः||५४||
त्रिकवङ्क्षणहृद्बस्तिकोष्ठार्शःप्लीहशूलिनाम्|
हिक्काकासारुचिश्वासकफोदावर्तिनां शुभाः ||५५||
త్రివృద్ధైమవతీత్యాదినా పంచమో మోదకః పూర్యతే| వేష్టయేదితి అవచూర్ణయేత్||51-55||
Adhikarana 23 (56-64) · Śloka 64
త్రివృతాం కౌటజం బీజం పిప్పలీం విశ్వభేషజం|
క్షౌద్రద్రాక్షారసోపేతం వర్షాస్వేతద్విరేచనం||56||
త్రివృద్దురాలభాముస్తశర్కరోదీచ్యచందనం|
ద్రాక్షాంబునా సయష్ట్యాహ్వసాతలం జలదాత్యయే||57||
త్రివృతాం చిత్రకం పాఠామజాజీం సరలం వచాం|
స్వర్ణక్షీరీం చ హేమంతే పిష్ట్వా తూష్ణాంబునా పిబేత్||58||
శర్కరా త్రివృతా తుల్యా గ్రీష్మకాలే విరేచనం|
త్రివృత్త్రాయంతిహపుషాః సాతలాం కటురోహిణీం ||59||
స్వర్ణక్షీరీం చ సంచూర్ణ్య గోమూత్రే భావయేత్త్ర్యహం|
ఏష సర్వర్తుకో యోగః స్నిగ్ధానాం మలదోషహృత్||60||
త్రివృచ్ఛ్యామా దురాలంభా వత్సకం హస్తిపిప్పలీ|
నీలినీ త్రిఫలా ముస్తం కటుకా చ సుచూర్ణితం||61||
సర్పిర్మాంసరసోష్ణాంబుయుక్తం పాణితలం తతః|
పిబేత్ సుఖతమం హ్యేతద్రూక్షాణామపి శస్యతే||62||
త్ర్యూషణం త్రిఫలా హింగు కార్షికం త్రివృతాపలం|
సౌవర్చలార్ధకర్షం చ పలార్ధం చామ్లవేతసాత్||63||
తచ్చూర్ణం శర్కరాతుల్యం మద్యేనామ్లేన వా పిబేత్|
గుల్మపార్శ్వార్తినుత్సిద్ధం జీర్ణే చాద్యాద్రసౌదనం||64||
View original
त्रिवृतां कौटजं बीजं पिप्पलीं विश्वभेषजम्|
क्षौद्रद्राक्षारसोपेतं वर्षास्वेतद्विरेचनम्||५६||
त्रिवृद्दुरालभामुस्तशर्करोदीच्यचन्दनम्|
द्राक्षाम्बुना सयष्ट्याह्वसातलं जलदात्यये||५७||
त्रिवृतां चित्रकं पाठामजाजीं सरलं वचाम्|
स्वर्णक्षीरीं च हेमन्ते पिष्ट्वा तूष्णाम्बुना पिबेत्||५८||
शर्करा त्रिवृता तुल्या ग्रीष्मकाले विरेचनम्|
त्रिवृत्त्रायन्तिहपुषाः सातलां कटुरोहिणीम् ||५९||
स्वर्णक्षीरीं च सञ्चूर्ण्य गोमूत्रे भावयेत्त्र्यहम्|
एष सर्वर्तुको योगः स्निग्धानां मलदोषहृत्||६०||
त्रिवृच्छ्यामा दुरालम्भा वत्सकं हस्तिपिप्पली|
नीलिनी त्रिफला मुस्तं कटुका च सुचूर्णितम्||६१||
सर्पिर्मांसरसोष्णाम्बुयुक्तं पाणितलं ततः|
पिबेत् सुखतमं ह्येतद्रूक्षाणामपि शस्यते||६२||
त्र्यूषणं त्रिफला हिङ्गु कार्षिकं त्रिवृतापलम्|
सौवर्चलार्धकर्षं च पलार्धं चाम्लवेतसात्||६३||
तच्चूर्णं शर्करातुल्यं मद्येनाम्लेन वा पिबेत्|
गुल्मपार्श्वार्तिनुत्सिद्धं जीर्णे चाद्याद्रसौदनम्||६४||
త్రివృతాం కౌటజమిత్యాదినా షడృతువిహితాన్ యోగాన్ రూక్షాణామపి శస్యతే ఇత్యంతేనాహ| సాతలా చర్మకశా| జలదాత్యయే శరది| హేమంతే యద్యపి ప్రబలశీతవాతే విరేచనం నిషిద్ధం, తథాఽపి వ్యాధివిషయవిహితం విరేచనమేతజ్జ్ఞేయం| సర్వర్తుకయోగౌ అనుక్తే ఋతౌ వసంతాదౌ చ జ్ఞేయౌ| త్రివృచ్ఛ్యామేత్యాదికోఽపి సర్వర్తుకో యోగః| త్ర్యూషణమిత్యాదిశ్చూర్ణయోగో ద్వితీయః||56-64||
Adhikarana 24 (65) · Śloka 66
త్రివృతాం త్రిఫలాం దంతీం సప్తలాం వ్యోషసైంధవం|
కృత్వా చూర్ణం తు సప్తాహం భావ్యమామలకీరసే||65||
తద్యోజ్యం తర్పణే యూషే పిశితే రాగయుక్తిషు|66|
View original
त्रिवृतां त्रिफलां दन्तीं सप्तलां व्योषसैन्धवम्|
कृत्वा चूर्णं तु सप्ताहं भाव्यमामलकीरसे||६५||
तद्योज्यं तर्पणे यूषे पिशिते रागयुक्तिषु|६६|
త్రివృతాం త్రిఫలామిత్యాదికస్తర్పణయోగః| ఏవం సర్వర్తుకయోగేన సమం ద్వౌ తర్పణయోగౌ భవతః||65||-
Adhikarana 25 (66-68) · Śloka 68
తుల్యామ్లం త్రివృతాకల్కసిద్ధం గుల్మహరం ఘృతం||66||
శ్యామాత్రివృతయోర్మూలం పచేదామలకైః సహ|
జలే తేన కషాయేణ పక్త్వా సర్పిః పిబేన్నరః||67||
శ్యామాత్రివృత్కషాయేణ సిద్ధం సర్పిః పిబేత్తథా|
సాధితం వా పయస్తాభ్యాం సుఖం తేన విరిచ్యతే||68||
View original
तुल्याम्लं त्रिवृताकल्कसिद्धं गुल्महरं घृतम्||६६||
श्यामात्रिवृतयोर्मूलं पचेदामलकैः सह|
जले तेन कषायेण पक्त्वा सर्पिः पिबेन्नरः||६७||
श्यामात्रिवृत्कषायेण सिद्धं सर्पिः पिबेत्तथा|
साधितं वा पयस्ताभ्यां सुखं तेन विरिच्यते||६८||
తుల్యామ్లమిత్యేకం ఘృతం, శ్యామేత్యాది ద్వితీయం, శ్యామాత్రివృత్కషాయేణేత్యాది తృతీయం| సాధితం చేత్యాదినా క్షీరయోగమేకమాహ| ఘృతేన క్షీరేణ చ ఘృతేన క్షీరేణ వైకేన మిలిత్వా చత్వారో ఘృతక్షీరైర్భవంతి||66-68||
Adhikarana 26 (69-71) · Śloka 71
త్రివృన్ముష్టీంస్తు సనఖానష్టౌ ద్రోణేఽంభసః పచేత్ |
పాదశేషం కషాయం తం పూతం గుడతులాయుతం||69||
స్నిగ్ధే స్థాప్యం ఘటే క్షౌద్రపిప్పలీఫలచిత్రకైః|
ప్రలిప్తే మధునా మాసం జాతం తన్మాత్రయా పిబేత్||70||
గ్రహణీపాండురోగఘ్నం గుల్మశ్వయథునాశనం|
సురాం వా త్రివృతాయోగకిణ్వాం తత్క్వాథసంయుతాం||71||
View original
त्रिवृन्मुष्टींस्तु सनखानष्टौ द्रोणेऽम्भसः पचेत् |
पादशेषं कषायं तं पूतं गुडतुलायुतम्||६९||
स्निग्धे स्थाप्यं घटे क्षौद्रपिप्पलीफलचित्रकैः|
प्रलिप्ते मधुना मासं जातं तन्मात्रया पिबेत्||७०||
ग्रहणीपाण्डुरोगघ्नं गुल्मश्वयथुनाशनम्|
सुरां वा त्रिवृतायोगकिण्वां तत्क्वाथसंयुताम्||७१||
త్రివృన్ముష్టీనిత్యాదినా ప్రథమా సురా, సురాం వేత్యాదినా ద్వితీయా, ఏవం ద్వౌ సురాయోగౌ భవతః| త్రివృద్యోగయుక్తం కిణ్వం యస్యాం సా తథా||69-71||
Adhikarana 27 (72-73) · Śloka 73
యవైః శ్యామాత్రివృత్క్వాథస్విన్నైః కుల్మాషమంభసా|
ఆసుతం షడహం పల్లే జాతం సౌవీరకం పిబేత్||72||
భృష్టాన్ వా సతుషాంఛుద్ధాన్ యవాంస్తచ్చూర్ణసంయుతాన్|
ఆసుతానంభసా తద్వత్ పిబేజ్జాతం తుషోదకం||73||
View original
यवैः श्यामात्रिवृत्क्वाथस्विन्नैः कुल्माषमम्भसा|
आसुतं षडहं पल्ले जातं सौवीरकं पिबेत्||७२||
भृष्टान् वा सतुषाञ्छुद्धान् यवांस्तच्चूर्णसंयुतान्|
आसुतानम्भसा तद्वत् पिबेज्जातं तुषोदकम्||७३||
యవైరిత్యాదినా సౌవీరకతుషోదకే ప్రాహ| ఏతౌ ద్వౌ కాంజికయోగౌ| కుల్మాష ఉత్స్విన్నయవపిష్టకం| పల్లే ఇతి ధాన్యాదిరాశౌ| తచ్చూర్ణసంయుతానితి త్రివృచ్చూర్ణసంయుతాన్| తద్వదితి షడహం పల్లే స్థితాన||72-73||
Adhikarana 28 (74) · Śloka 74
తథా మదనకల్పోక్తాన్ షాడవాదీన్ పృథగ్దశ|
త్రివృచ్చూర్ణేన సంయోజ్య విరేకార్థం ప్రయోజయేత్||74||
View original
तथा मदनकल्पोक्तान् षाडवादीन् पृथग्दश|
त्रिवृच्चूर्णेन संयोज्य विरेकार्थं प्रयोजयेत्||७४||
తథేత్యాదినా షాడవాదియోగాన్ దశాహ| దశ షాడవాదయో “బదరషాడవరాగలేహమోదకోత్కారికాతర్పణశాకమాంసరసయూషమద్యానాం” (క.అ.1) ఇతి గ్రంథేన మదనకల్పోక్తాః||74||
Adhikarana 29 (75-76) · Śloka 76
భవతశ్చాత్ర- త్వక్కేశరామ్రాతకదాడిమైలాసితోపలామాక్షికమాతులుంగైః|
మద్యైస్తథాఽమ్లైశ్చ మనోనుకూలైర్యుక్తాని దేయాని విరేచనాని||75||
శీతాంబునా పీతవతశ్చ తస్య సించేన్ముఖం ఛర్దివిఘాతహేతోః|
హృద్యాంశ్చ మృత్పుష్పఫలప్రవాలానమ్లం చ దద్యాదుపజిఘ్రణార్థం||76||
View original
भवतश्चात्र- त्वक्केशराम्रातकदाडिमैलासितोपलामाक्षिकमातुलुङ्गैः|
मद्यैस्तथाऽम्लैश्च मनोनुकूलैर्युक्तानि देयानि विरेचनानि||७५||
शीताम्बुना पीतवतश्च तस्य सिञ्चेन्मुखं छर्दिविघातहेतोः|
हृद्यांश्च मृत्पुष्पफलप्रवालानम्लं च दद्यादुपजिघ्रणार्थम्||७६||
సంప్రతి దశోత్తరం యోగశతమభిధాయ వాంతినిరాసార్థం కృత్యత్రయేణ సమం విరేచనప్రయోగానాహ- త్వక్కేశరేత్యాది||75-76||
Adhikarana 30 (77-80) · Śloka 80
తత్ర శ్లోకాః- ఏకోఽమ్లాదిభిరష్టౌ చ దశ ద్వౌ సైంధవాదిభిః|
మూత్రేఽష్టాదశ యష్ట్యాం ద్వౌ జీవకాదౌ చతుర్దశ||77||
క్షీరాదౌ సప్త లేహేఽష్టౌ చత్వారః సితయాఽపి చ|
పానకాదిషు పంచైవ షడృతౌ పంచ మోదకాః||78||
చత్వారశ్చ ఘృతే క్షీరే ద్వౌ చూర్ణే తర్పణే తథా|
ద్వౌ మద్యే కాంజికే ద్వౌ చ దశాన్యే షాడవాదిషు||79||
శ్యామాయాస్త్రివృతాయాశ్చ కల్పేఽస్మిన్ సముదాహృతం|
శతం దశోత్తరం సిద్ధం యోగానాం పరమర్షిణా||80||
View original
तत्र श्लोकाः- एकोऽम्लादिभिरष्टौ च दश द्वौ सैन्धवादिभिः|
मूत्रेऽष्टादश यष्ट्यां द्वौ जीवकादौ चतुर्दश||७७||
क्षीरादौ सप्त लेहेऽष्टौ चत्वारः सितयाऽपि च|
पानकादिषु पञ्चैव षडृतौ पञ्च मोदकाः||७८||
चत्वारश्च घृते क्षीरे द्वौ चूर्णे तर्पणे तथा|
द्वौ मद्ये काञ्जिके द्वौ च दशान्ये षाडवादिषु||७९||
श्यामायास्त्रिवृतायाश्च कल्पेऽस्मिन् समुदाहृतम्|
शतं दशोत्तरं सिद्धं योगानां परमर्षिणा||८०||
ఏకోఽమ్లాదిభిరిత్యాదిసంగ్రహో వ్యక్తార్థః| యష్ట్యాం ద్వావితి ‘యష్ట్యాహ్వం విధినా’ ఇతి జీవకాదావేకః, మధుకేత్యాదినా చాపరః||77-80||
Adhikarana puShpikA · Śloka 7
ఇత్యగ్నివేశకృతే తంత్రే చరకప్రతిసంస్కృతేఽప్రాప్తే దృఢబలసంపూరితే కల్పస్థానే శ్యామాత్రివృత్కల్పో నామ సప్తమోఽధ్యాయః||7||
View original
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने श्यामात्रिवृत्कल्पो नाम सप्तमोऽध्यायः||७||
ఇతి శ్రీచక్రపాణిదత్తవిరచితాయామాయుర్వేదదీపికాయాం చరకతాత్పర్యటీకాయాం కల్పస్థానే శ్యామాత్రివృత్కల్పో నామ సప్తమోఽధ్యాయః||7||