Adhikarana 1 (1-2) · Śloka 2
অথাতস্তিল্বককল্পং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातस्तिल्वककल्पं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
চতুরঙ্গুলবত্তিল্বকস্যানপাযিত্বাচ্চতুরঙ্গুলকল্পানন্তরং তিল্বককল্পোঽভিধীযতে||১-২||
Adhikarana 2 (3-5) · Śloka 5
তিল্বকস্তু মতো লোধ্রো বৃহত্পত্রস্তিরীটকঃ| তস্য মূলত্বচং শুষ্কামন্তর্বল্কলবর্জিতাম্||৩|| চূর্ণযেত্তু ত্রিধা কৃত্বা দ্বৌ ভাগৌ শ্চোতযেত্ততঃ| লোধ্রস্যৈব কষাযেণ তৃতীযং তেন ভাবযেত্||৪|| ভাগং তং দশমূলস্য পুনঃ ক্বাথেন ভাবযেত্| শুষ্কং চূর্ণং পুনঃ কৃত্বা তত ঊর্ধ্বং প্রযোজযেত্||৫||
तिल्वकस्तु मतो लोध्रो बृहत्पत्रस्तिरीटकः| तस्य मूलत्वचं शुष्कामन्तर्वल्कलवर्जिताम्||३|| चूर्णयेत्तु त्रिधा कृत्वा द्वौ भागौ श्चोतयेत्ततः| लोध्रस्यैव कषायेण तृतीयं तेन भावयेत्||४|| भागं तं दशमूलस्य पुनः क्वाथेन भावयेत्| शुष्कं चूर्णं पुनः कृत्वा तत ऊर्ध्वं प्रयोजयेत्||५||
🔊 Audio coming soon
অন্তর্বল্কলবর্জিতামিতি তিল্বকস্যান্তর্বল্কলং কঠিনং ভবতি, তদর্থং তদ্বর্জনম্| শ্চোতযেদিতি বচনেন ষড্গুণদ্রবেণৈকবিংশতিবারান্ স্রাবযেদিতি জ্ঞেযং, মদনফলকল্পে এবম্ভূতস্যৈব স্রাবণস্য দৃষ্টত্বাত্| ভাবনাবিধিশ্চ নিরন্তরং ব্যাকৃত এব||৩-৫||
Adhikarana 3 (6) · Śloka 6
দধিতক্রসুরামণ্ডমূত্রৈর্বদরসীধুনা | রসেনামলকানাং বা ততঃ পাণিতলং পিবেত্||৬||
दधितक्रसुरामण्डमूत्रैर्बदरसीधुना | रसेनामलकानां वा ततः पाणितलं पिबेत्||६||
🔊 Audio coming soon
দধিমণ্ডেত্যাদিনা পিবেদিত্যন্তেন পঞ্চ যোগাঃ||৬||
Adhikarana 4 (7) · Śloka 8
মেষশৃঙ্গ্যভযাকৃষ্ণাচিত্রকৈঃ সলিলে শৃতে| মরুজান্ সুনুযাত্তচ্চ জাতং সৌবীরকং যদা||৭|| ভবেদঞ্জলিনা তস্য লোধ্রকল্কং পিবেত্ সদা|৮|
मेषशृङ्ग्यभयाकृष्णाचित्रकैः सलिले शृते| मरुजान् सुनुयात्तच्च जातं सौवीरकं यदा||७|| भवेदञ्जलिना तस्य लोध्रकल्कं पिबेत् सदा|८|
🔊 Audio coming soon
মেষশৃঙ্গীত্যাদিনা বিশিষ্টসৌবীরকেণ যোগ একঃ| মরুজা ভৃষ্টযবাঃ||৭||-
Adhikarana 5 (8-9) · Śloka 10
সুরাং লোধ্রকষাযেণ জাতাং পক্ষস্থিতাং পিবেত্||৮|| দন্তীচিত্রকযোর্দ্রোণে সলিলস্যাঢকং পৃথক্| সমুত্ক্বাথ্য গুডস্যৈকাং তুলাং লোধ্রস্য চাঞ্জলিম্||৯|| আবপেত্তত্ পরং পক্ষান্মদ্যপানাং বিরেচনম্|১০|
सुरां लोध्रकषायेण जातां पक्षस्थितां पिबेत्||८|| दन्तीचित्रकयोर्द्रोणे सलिलस्याढकं पृथक्| समुत्क्वाथ्य गुडस्यैकां तुलां लोध्रस्य चाञ्जलिम्||९|| आवपेत्तत् परं पक्षान्मद्यपानां विरेचनम्|१०|
🔊 Audio coming soon
সুরামিত্যাদিনা সুরাযোগমাহ| দন্তীত্যাদিনৈকমরিষ্টযোগমাহ| দন্তীচিত্রকযোরাঢকং পৃথক্ সলিলদ্রোণে পচেত্| তিল্বকচূর্ণমাবাপঃ||৮-৯||-
Adhikarana 6 (10) · Śloka 11
কম্পিল্লককষাযেণ দশকৃত্বঃ সুভাবিতাম্||১০|| মাত্রাং কম্পিল্লকস্যৈব কষাযেণ পুনঃ পিবেত্|১১|
कम्पिल्लककषायेण दशकृत्वः सुभाविताम्||१०|| मात्रां कम्पिल्लकस्यैव कषायेण पुनः पिबेत्|११|
🔊 Audio coming soon
কম্পিল্লকেত্যাদিনা কম্পিল্লকযোগমাহ| কম্পিল্লকঃ গুণ্ডারোচনিকা| মাত্রামিতি তিল্বকচূর্ণমাত্রাম্||১০||-
Adhikarana 7 (11-13) · Śloka 13
চতুরঙ্গুলকল্পেন লেহোঽন্যঃ কার্য এব চ||১১|| ত্রিফলাযাঃ কষাযেণ সসর্পির্মধুফাণিতঃ| লোধ্রচূর্ণযুতঃ সিদ্ধো লেহঃ শ্রেষ্ঠো বিরেচনে||১২|| তিল্বকস্য কষাযেণ কল্কেন চ সশর্করঃ| সঘৃতঃ সাধিতো লেহঃ স চ শ্রেষ্ঠো বিরেচনে||১৩||
चतुरङ्गुलकल्पेन लेहोऽन्यः कार्य एव च||११|| त्रिफलायाः कषायेण ससर्पिर्मधुफाणितः| लोध्रचूर्णयुतः सिद्धो लेहः श्रेष्ठो विरेचने||१२|| तिल्वकस्य कषायेण कल्केन च सशर्करः| सघृतः साधितो लेहः स च श्रेष्ठो विरेचने||१३||
🔊 Audio coming soon
চতুরঙ্গুলেত্যাদিনা প্রথমো লেহঃ| চতুরঙ্গুলকল্পেনেতি ‘কষাযেণাথবা তস্য’ (ক.অ.৮) ইত্যাদিনোক্তবিধানেন| তেনাত্র তিল্বকক্বাথেন গুডান্বিতত্রিবৃচ্চূর্ণং পক্ত্বা লেহঃ কর্তব্যঃ| ত্রিফলাযা ইত্যাদিনা দ্বিতীযো লেহঃ| তিল্বকস্যেত্যাদিনা তৃতীযঃ||১১-১৩||
Adhikarana 8 (14-16) · Śloka 16
অষ্টাষ্টৌ ত্রিবৃতাদীনাং মুষ্টীংস্তু সনখান্ পৃথক্| দ্রোণেঽপাং সাধযেত্ পাদশেষে প্রস্থং ঘৃতাত্ পচেত্||১৪|| পিষ্টৈস্তৈরেব বিল্বাংশৈঃ সমূত্রলবণৈরথ| ততো মাত্রাং পিবেত্ কালে শ্রেষ্ঠমেতদ্বিরেচনম্||১৫|| লোধ্রকল্কেন মূত্রাম্ললবণৈশ্চ পচেদ্ঘৃতম্| চতুরঙ্গুলকল্পেন সর্পিষী দ্বে চ সাধযেত্||১৬||
अष्टाष्टौ त्रिवृतादीनां मुष्टींस्तु सनखान् पृथक्| द्रोणेऽपां साधयेत् पादशेषे प्रस्थं घृतात् पचेत्||१४|| पिष्टैस्तैरेव बिल्वांशैः समूत्रलवणैरथ| ततो मात्रां पिबेत् काले श्रेष्ठमेतद्विरेचनम्||१५|| लोध्रकल्केन मूत्राम्ललवणैश्च पचेद्घृतम्| चतुरङ्गुलकल्पेन सर्पिषी द्वे च साधयेत्||१६||
🔊 Audio coming soon
অষ্টাষ্টাবিত্যাদিনা প্রথমং ঘৃতম্| সনখানিতি বিদ্যমাননখান্| অত্র ত্রিবৃদাদিগৃহীতলোধ্রস্য প্রধানত্বাদ্দ্বিগুণো ভাগো ভবতি| উক্তং হি জতূকর্ণে- “ত্রিবৃদাদিদ্বিগুণো লোধ্রক্বাথঃ” ইতি| সমভাগত্বে তু লোধ্রপ্রযোগত্বস্য কেন বিশেষঃ স্যাত্, তস্মাদ্ যথাব্যাখ্যাতমেব সাধু| লবণমপ্যত্র পলাংশমেব| লোধ্রেত্যাদি দ্বিতীযং ঘৃতম্| চতুরঙ্গুলেত্যাদিনা ঘৃতদ্বযমতিদিশ্যতে| এবং ঘৃতেন চত্বারো যোগা ভবন্তি| চতুরঙ্গুলঘৃতে চ “চতুরঙ্গুলসিদ্ধাত্” (ক.অ.৮) ইত্যাদিনা, তথা “তদেব দশমূলস্য” (ক.অ.৮) ইত্যাদিনা প্রোক্তে জ্ঞেযে; তথা চ চতুরঙ্গুলকল্পেন লোধ্রাদিনা দ্বে লোধ্রঘৃতে ভবতঃ||১৪-১৬||
Adhikarana 9 (17-18) · Śloka 18
তত্র শ্লোকৌ- পঞ্চ দধ্যাদিভিস্ত্বেকা সুরা সৌবীরকেণ চ| একোঽরিষ্টস্তথা যোগ একঃ কম্পিল্লকেন চ||১৭|| লেহাস্ত্রযো ঘৃতেনাপি চত্বারঃ সম্প্রকীর্তিতাঃ| যোগাস্তে লোধ্রমূলানাং কল্পে ষোডশ দর্শিতাঃ||১৮||
तत्र श्लोकौ- पञ्च दध्यादिभिस्त्वेका सुरा सौवीरकेण च| एकोऽरिष्टस्तथा योग एकः कम्पिल्लकेन च||१७|| लेहास्त्रयो घृतेनापि चत्वारः सम्प्रकीर्तिताः| योगास्ते लोध्रमूलानां कल्पे षोडश दर्शिताः||१८||
🔊 Audio coming soon
পঞ্চ দধ্যাদিভিরিত্যাদিসঙ্গ্রহো ব্যক্তঃ||১৭-১৮||
Adhikarana puShpikA · Śloka 9
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে কল্পস্থানে তিল্বককল্পো নাম নবমোঽধ্যাযঃ||৯||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते कल्पस्थाने तिल्वककल्पो नाम नवमोऽध्यायः||९||
🔊 Audio coming soon
ইতি শ্রীচক্রপাণিদত্তবিরচিতাযামাযুর্বেদদীপিকাযাং চরকতাত্পর্যটীকাযাং কল্পস্থানে তিল্বককল্পো নাম নবমোঽধ্যাযঃ||৯||