Adhikarana apasmArasamprAptiH, sAmAnyalakShaNaM ca (1) · Śloka 1
অথাপস্মারনিদানম্ |
(চিন্তাশোকাদিভির্দোষাঃ ক্রুদ্ধা হৃত্স্রোতসি স্থিতাঃ |
কৃত্বা স্মৃতেরপধ্বংসমপস্মারং প্রকুর্বতে) |
তমঃপ্রবেশঃ সংরম্ভো দোষোদ্রেকহতস্মৃতেঃ |
অপস্মার ইতি জ্ঞেযো গদো ঘোরশ্চতুর্বিধঃ ||১||
View original
अथापस्मारनिदानम् |
(चिन्ताशोकादिभिर्दोषाः क्रुद्धा हृत्स्रोतसि स्थिताः |
कृत्वा स्मृतेरपध्वंसमपस्मारं प्रकुर्वते) |
तमःप्रवेशः संरम्भो दोषोद्रेकहतस्मृतेः |
अपस्मार इति ज्ञेयो गदो घोरश्चतुर्विधः ||१||
মনোদুষ্টিসাধর্ম্যাত্ সমানচিকিত্স্যত্বাদুন্মাদানন্তরমপস্মারারম্ভঃ| তস্য নিরুক্তিঃ সুশ্রুতেন কৃতা– ‘‘স্মৃতির্ভূতার্থবিজ্ঞানমপস্তত্পরিবর্জনম্| অপস্মার ইতি প্রোক্তস্ততোঽযং ব্যাধিরন্তকৃত্||’’ (সু. উ. তং. অ. ৬১) ইতি| স্মৃতিশ্চ জ্ঞানোপলক্ষণং, তেনানুভবাগমোঽপি বোধ্যঃ| তস্য সামান্যলক্ষণমাহ– তমঃপ্রবেশ ইত্যাদি| তমঃপ্রবেশোঽন্ধকারপ্রবেশ ইব জ্ঞানাভাব ইত্যর্থঃ| সংরম্ভো নেত্রবিকৃতিঃ, হস্তপাদাদিক্ষেপণাদিকং চ||১||
Adhikarana apasmArapUrvarUpam (2) · Śloka 2
হৃত্কম্পঃ শূন্যতা স্বেদো ধ্যানং মূর্ছা প্রমূঢতা |
নিদ্রানাশশ্চ তস্মিংশ্চ ভবিষ্যতি ভবত্যথ ||২||
(সু. উ. তং. অ. ৬১) |
View original
हृत्कम्पः शून्यता स्वेदो ध्यानं मूर्छा प्रमूढता |
निद्रानाशश्च तस्मिंश्च भविष्यति भवत्यथ ||२||
(सु. उ. तं. अ. ६१) |
পূর্বরূপমাহ– হৃত্কম্প ইত্যাদি| শূন্যতা হৃদযস্যৈব| ধ্যানং জিহ্মাযনম্| অত্র মূর্ছা মনোমোহঃ, প্রমূঢতা ইন্দ্রিযমোহঃ||২||
Adhikarana vAtikApasmAralakShaNam (3) · Śloka 3
কম্পতে প্রদশেদ্দন্তান্ ফেনোদ্বামী শ্বসিত্যপি |
পরুষারুণকৃষ্ণানি পশ্যেদ্রূপাণি চানিলাত্ ||৩||
(চ. চি. অ. ১০) |
View original
कम्पते प्रदशेद्दन्तान् फेनोद्वामी श्वसित्यपि |
परुषारुणकृष्णानि पश्येद्रूपाणि चानिलात् ||३||
(च. चि. अ. १०) |
বাতিকলক্ষণমাহ– কম্পত ইত্যাদি| শ্বসিতি খরশ্বাসো ভবতি| রূপাণীতি প্রাণিনঃ, ‘নীলো মামনুধাবতি’ ইতি সুশ্রুতবচনাত্, এবং পৈত্তিকে “পীতো মামনুধাবতি” ইতি, এবং শ্লৈষ্মিকে “শ্বেতো মামনুধাবতি” (সু. উ. তং. অ. ৬১) ইতি||৩||
Adhikarana paittikApasmAralakShaNam (4) · Śloka 4
পীতফেনাঙ্গবক্ত্রাক্ষঃ পীতাসৃগ্রূপদর্শকঃ |
সতৃষ্ণোষ্ণানলব্যাপ্তলোকদর্শী চ পৈত্তিকঃ ||৪||
(চ. চি. অ. ১০) |
View original
पीतफेनाङ्गवक्त्राक्षः पीतासृग्रूपदर्शकः |
सतृष्णोष्णानलव्याप्तलोकदर्शी च पैत्तिकः ||४||
(च. चि. अ. १०) |
পৈত্তিকলক্ষণমাহ– পীতেত্যাদি| পীতাসৃগ্রূপদর্শক ইতি পীতলোহিতবর্ণসমস্তবস্তুদর্শী| সতৃষ্ণেত্যাদি সতৃষ্ণশ্চাসাবুষ্ণশ্চেতি সতৃষ্ণোষ্ণঃ, সতৃষ্ণোষ্ণশ্চাসাবনলব্যাপ্তলোকদর্শী চেতি সমাসঃ||৪||
Adhikarana shlaiShmikApasmAralakShaNam (5) · Śloka 5
শুক্লফেনাঙ্গবক্ত্রাক্ষঃ শীতহৃষ্টাঙ্গজো গুরুঃ |
পশ্যেছুক্লানি রূপাণি শ্লৈষ্মিকো মুচ্যতে চিরাত্ ||৫||
(চ. চি. অ. ১০) |
View original
शुक्लफेनाङ्गवक्त्राक्षः शीतहृष्टाङ्गजो गुरुः |
पश्येछुक्लानि रूपाणि श्लैष्मिको मुच्यते चिरात् ||५||
(च. चि. अ. १०) |
শ্লৈষ্মিকলক্ষণমাহ– শুক্লেত্যাদি| হৃষ্টাঙ্গজো হৃষ্টরোমা| চিরাদিত্যনেনৈব বাতপিত্তযোরচিরেণ বেগমোক্ষ ইতি সূচযতি||৫||
Adhikarana sAnnipAtikApasmAralakShaNam apasmArasyAsAdhyalakShaNaM ca (6-7) · Śloka 7
সর্বৈরেতৈঃ সমস্তৈশ্চ লিঙ্গৈর্জ্ঞেযস্ত্রিদোষজঃ |
অপস্মারঃ স চাসাধ্যো যঃ ক্ষীণস্যানবশ্চ যঃ ||৬||
(চ. চি. অ. ১০) |
প্রতিস্ফুরন্তং বহুশঃ ক্ষীণং প্রচলিতভ্রুবম্ |
নেত্রাভ্যাং চ বিকুর্বাণমপস্মারো বিনাশযেত্ ||৭||
View original
सर्वैरेतैः समस्तैश्च लिङ्गैर्ज्ञेयस्त्रिदोषजः |
अपस्मारः स चासाध्यो यः क्षीणस्यानवश्च यः ||६||
(च. चि. अ. १०) |
प्रतिस्फुरन्तं बहुशः क्षीणं प्रचलितभ्रुवम् |
नेत्राभ्यां च विकुर्वाणमपस्मारो विनाशयेत् ||७||
সান্নিপাতিকলক্ষণমাহ– সর্বৈরিত্যাদি| স চেতি স সান্নিপাতিকঃ ক্ষীণস্যৈকদোষজোঽপ্যসাধ্যঃ| এবমনবশ্চ বোধ্যঃ| প্রস্ফুরন্তং প্রকম্পন্তম্| নেত্রাভ্যাং চ বিকুর্বাণমিতি নেত্রাভ্যাং বিকৃতিমাসাদযন্তম্||৬-৭||
Adhikarana apasmAraprakopakAlaH (8-9) · Śloka 9
পক্ষাদ্বা দ্বাদশাহাদ্বা মাসাদ্বা কুপিতা মলাঃ |
অপস্মারায কুর্বন্তি বেগং কিঞ্চিদথান্তরম্ ||৮||
(চ. চি. অ. ১০) |
দেবে বর্ষত্যপি যথা ভূমৌ বীজানি কানিচিত্ |
শরদি প্রতিরোহন্তি তথা ব্যাধিসমুচ্ছ্রযাঃ ||৯||
(সু. উ. তং. অ. ৬১) |
View original
पक्षाद्वा द्वादशाहाद्वा मासाद्वा कुपिता मलाः |
अपस्माराय कुर्वन्ति वेगं किञ्चिदथान्तरम् ||८||
(च. चि. अ. १०) |
देवे वर्षत्यपि यथा भूमौ बीजानि कानिचित् |
शरदि प्रतिरोहन्ति तथा व्याधिसमुच्छ्रयाः ||९||
(सु. उ. तं. अ. ६१) |
অপস্মারপ্রকোপকালমাহ– পক্ষাদিত্যাদি| পক্ষাত্ পৈত্তিকঃ, দ্বাদশাহাদ্বাতিকঃ, মাসাত্ শ্লৈষ্মিকঃ| দ্বাদশাহানন্তরং পক্ষে বক্তব্যে তত্পূর্বং পক্ষাভিধানং, তেনাতোঽধিককালেনাপি বেগং করোতীত্যাহুঃ| কিঞ্চিদথান্তরমিতি উক্তকালেভ্যোঽর্বাগপি দোষতারতম্যাদিতি| ননু, বেগং কৃত্বা অপস্মারারম্ভকো দোষোঽস্ত্যেব তত্ কুতঃ সর্বদা বেগং ন কুরুতে? দ্বাদশাহাদিষ্বেব কুরুত ইত্যাহ– দেবে বর্ষতীত্যাদি| অযমভিসন্ধিঃ– তেজোঽবনীপবনপযঃসনাথং বিদ্যমানমপি বীজং কালবিশেষ এবাঙ্কুরং জনযতি, কালবিশেষস্য অপি সহকারিত্বাত্; তথা গতস্যাপ্যপস্মারস্য পুনরুদ্ভবঃ সম্ভবতি| শরদীতি তত্কালোচিতবীজাভিপ্রাযেণ, তেন কানিচিদ্বীজানি বর্ষাস্বপি ভবন্তীতি| অযং চ ন্যাযঃ চাতুর্থিকজ্বরাদিষ্বপি বোধ্যঃ||৮-৯||
Adhikarana puShpikA · Śloka 21
ইতি শ্রীমাধবকরবিরচিতে মাধবনিদানেঽপস্মারনিদানং সমাপ্তম্ ||২১||
View original
इति श्रीमाधवकरविरचिते माधवनिदानेऽपस्मारनिदानं समाप्तम् ||२१||
ইতি শ্রীবিজযরক্ষিতকৃতাযাং মধুকোশব্যাখ্যাযামপস্মারনিদানং সমাপ্তম্||২১||