Adhikarana arocakanidAnam (1) · Śloka 1
অথারোচকনিদানম্ |
বাতাদিভিঃ শোকভযাতিলোভক্রোধৈর্মনোঘ্নাশনরূপগন্ধৈঃ |
অরোচকাঃ স্যুঃ ... |১|
(চ. চি. অ. ২৬) |
View original
अथारोचकनिदानम् |
वातादिभिः शोकभयातिलोभक्रोधैर्मनोघ्नाशनरूपगन्धैः |
अरोचकाः स्युः ... |१|
(च. चि. अ. २६) |
ঊর্ধ্বগবিকারসাধর্ম্যাদরোচকমাহ– বাতাদিভিরিত্যাদি| একৈকশো বাতাদিভিস্ত্রযঃ, সন্নিপাতেনৈকঃ, শোকাদিনা গন্ধান্তেনাগন্তুরেক এব গণনীযঃ, যতঃ পঞ্চানামেকং লক্ষণং বক্ষ্যতি; সুশ্রুতে চোক্তম্– “ভক্তোপঘাতমিহ পঞ্চবিধং বদন্তি|” (সু. উ. তং. অ. ৫৭) ইতি| শোকাদিজস্তু যদ্যপি বাতাদিজঃ, তথাঽপি হেতুপ্রত্যনীকচিকিত্সাকরণার্থং পৃথগুক্তঃ| অতিলোভোঽত্রাহিতস্য সততোপযোগহেতুতযা দোষপ্রকোপক ইতি দর্শযতি| অরোচকাঃ স্যুরিতি ছেদঃ|১|–
Adhikarana vAtikArocakalakShaNam (1) · Śloka 1
... পরিহৃষ্টদন্তঃ কষাযবক্ত্রশ্চ মতোঽনিলেন ||১||
(চ. চি. অ. ২৬) |
View original
... परिहृष्टदन्तः कषायवक्त्रश्च मतोऽनिलेन ||१||
(च. चि. अ. २६) |
বাতিকলক্ষণমাহ– পরীত্যাদি| পরিহৃষ্টদন্ত ইতি অম্লভক্ষণেনেব||১||
Adhikarana paittikArocakalakShaNam (2) · Śloka 2
কট্বম্লমুষ্ণং বিরসং চ পূতি পিত্তেন বিদ্যাত্ ... |২|
(চ. চি. অ. ২৬) |
View original
कट्वम्लमुष्णं विरसं च पूति पित्तेन विद्यात् ... |२|
(च. चि. अ. २६) |
পৈত্তিকলক্ষণমাহ– কট্বিত্যাদি| কটুশব্দোঽত্র তিক্তবাচী| যদাহ বিদেহঃ– “পিত্তেন তিক্তাস্যবিদাহকৃত্ স্যাত্, স্বাদ্বাস্যহৃল্লাসকরঃ কফেন|” ইতি|২|–
Adhikarana shlaiShmikArocakalakShaNam (2) · Śloka 2
... লবণং চ বক্ত্রম্ |
মাধুর্যপৈচ্ছিল্যগুরুত্বশৈত্যবিবদ্ধসম্বদ্ধযুতং কফেন ||২||
(চ. চি. অ. ২৬) |
View original
... लवणं च वक्त्रम् |
माधुर्यपैच्छिल्यगुरुत्वशैत्यविबद्धसम्बद्धयुतं कफेन ||२||
(च. चि. अ. २६) |
শ্লৈষ্মিকলক্ষণমাহ– লবণমিত্যাদি| লবণং বক্ত্রমিতি বিদগ্ধস্য শ্লেষ্মণো লবণরসত্বাত্| উক্তং হি সুশ্রুতে– “শ্লেষ্মা বিদগ্ধো লবণঃ স্মৃতঃ, পিত্তং বিদগ্ধমম্লম্|” (সু. সূ. অ. ৪০) ইতি| বিবদ্ধসম্বদ্ধযুতমিতি বিবদ্ধং চ তত্ সম্বদ্ধযুতং চেতি বিবদ্ধসম্বদ্ধযুতম্| অত্র বিবদ্ধং বদ্ধমিব, ভক্ষণাদ্যসামর্থ্যাত্; সম্বদ্ধযুতং ‘কফস্য’ ইতি শেষঃ; ভাবে ক্তঃ, কফলিপ্তমিত্যর্থঃ| ‘বিদগ্ধসম্বদ্ধযুতম্’ ইতি পাঠান্তরং সুগমম্| ‘বিবদ্ধসন্নদ্ধযুতম্’ ইতি পাঠে বিবদ্ধঃ সন্নদ্ধঃ স চ প্রকৃতত্বাত্ কফস্য, সন্নদ্ধো বদ্ধঃ; ‘ণহ’ বন্ধনে ইত্যস্মাদ্ধাতোঃ পূর্ববত্ ক্তাদি| ‘বিবদ্ধসংস্তম্ভযুতম্’ ইতি কাশ্মীরাঃ||২||
Adhikarana AgantujArocakalakShaNam (3) · Śloka 3
অরোচকে শোকভযাতিলোভক্রোধাদ্যহৃদ্যাশুচিগন্ধজে স্যাত্ |
স্বাভাবিকং চাস্যমথারুচিশ্চ ... |৩|
(চ. চি. অ. ২৬) |
View original
अरोचके शोकभयातिलोभक्रोधाद्यहृद्याशुचिगन्धजे स्यात् |
स्वाभाविकं चास्यमथारुचिश्च ... |३|
(च. चि. अ. २६) |
আগন্তুজমাহ– অরোচক ইত্যাদি| অহৃদ্যগন্ধো ঘ্রাণোদ্বেজকো গন্ধঃ| স্বাভাবিকং চাস্যমিতি অবিকৃতমুখরসত্বং, ন তু বাতাদিবত্ কষাযত্বাদি|৩|–
Adhikarana tridoShajArocakalakShaNam (3) · Śloka 3
... ত্রিদোষজে নৈকরসং ভবেত্তু ||৩||
(চ. চি. অ. ২৬) |
View original
... त्रिदोषजे नैकरसं भवेत्तु ||३||
(च. चि. अ. २६) |
ত্রিদোষজমাহ– ত্রিদোষজ ইত্যাদি| ত্রিদোষজে নৈকরসমিতি বাতজাদ্যুক্তকষাযাদ্যনেকরসত্বম্||৩||
Adhikarana vAtajAdibhedenArocakakRutA~anyadeshavikRutiH (4) · Śloka 4
হৃচ্ছূলপীডনযুতং পবনেন, পিত্তাত্তৃড্দাহচোষবহুলং, সকফপ্রসেকম্ |
শ্লেষ্মাত্মকং, বহুরুজং বহুভিশ্চ বিদ্যাদ্বৈগুণ্যমোহজডতাভিরথাপরং চ ||৪||
(চ. চি. অ. ২৬) |
View original
हृच्छूलपीडनयुतं पवनेन, पित्तात्तृड्दाहचोषबहुलं, सकफप्रसेकम् |
श्लेष्मात्मकं, बहुरुजं बहुभिश्च विद्याद्वैगुण्यमोहजडताभिरथापरं च ||४||
(च. चि. अ. २६) |
বাতজাদিভেদেন মুখবিকৃতিমভিধাযান্যদেশবিকৃতিমাহ– হৃচ্ছূলেত্যাদি| হৃদি শূলেন পীডনম্ | চোষশ্চূষণবত্ পীডা| বহুভিরিতি ত্রিদোষৈঃ| বৈগুণ্যমোহজডতাভিরথাপরমিতি উপলক্ষণে তৃতীযা, বৈগুণ্যং মনসো ব্যাকুলত্বম্| অপরমিতি দোষজাদন্যমাগন্তুজমিত্যর্থঃ| সত্যামপি বুভুক্ষাযামভ্যবহারাসামর্থ্যমরুচিঃ, অভিলষিতমপ্যন্নং দীযমানং নাভ্যবহরতীত্যন্নানভিনন্দনম্, অন্নস্য শ্রবণস্মরণদর্শনগন্ধস্পর্শনৈর্যত্রোদ্বিজতে স ভক্তদ্বেষঃ; এবং ত্রিবিধোঽপি রোগশ্চরকসুশ্রুতাভ্যামরোচকশব্দেন সঙ্গৃহীতঃ| উক্তং হি বৃদ্ধভোজেন– “প্রক্ষিপ্তং তু মুখে চান্নং জন্তোর্ন স্বদতে মুহুঃ| অরোচকঃ স বিজ্ঞেযো, ভক্তদ্বেষমতঃ শৃণু|| চিন্তযিত্বা তু মনসা দৃষ্ট্বা শ্রুত্বাঽপি ভোজনম্| দ্বেষমাযাতি যো জন্তুর্ভক্তদ্বেষঃ স উচ্যতে|| কুপিতস্য ভযার্তস্য যশ্চ ভক্তনিরোধজঃ” ইতি||৪||
Adhikarana puShpikA · Śloka 14
ইতি শ্রীমাধবকরবিরচিতে মাধবনিদানে অরোচকনিদানং সমাপ্তম্ ||১৪||
View original
इति श्रीमाधवकरविरचिते माधवनिदाने अरोचकनिदानं समाप्तम् ||१४||
ইতি শ্রীবিজযরক্ষিতকৃতাযাং মধুকোশব্যাখ্যাযামরোচকনিদানং সমাপ্তম্||১৪||