Adhikarana chardyA nidAnaM niruktishca (1-4) · Śloka 4
অথ ছর্দিনিদানম্ |
দুষ্টৈর্দোষৈঃ পৃথক্ সর্বৈর্বীভত্সালোচনাদিভিঃ |
ছর্দযঃ পঞ্চ বিজ্ঞেযাস্তাসাং লক্ষণমুচ্যতে ||১||
অতিদ্রবৈরতিস্নিগ্ধৈরহৃদ্যৈর্লবণৈরতি |
অকালে চাতিমাত্রৈশ্চ তথাঽসাত্ম্যৈশ্চ ভোজনৈঃ ||২||
শ্রমাদ্ভযাত্তথোদ্বেগাদজীর্ণাত্ ক্রিমিদোষতঃ |
নার্যাশ্চাপন্নসত্ত্বাযাস্তথাঽতিদ্রুতমশ্নতঃ ||৩||
বীভত্সৈর্হেতুভিশ্চান্যৈর্দ্রুতমুত্ক্লেশিতো বলাত্ |
ছাদযন্নাননং বেগৈরর্দযেন্নঙ্গভঞ্জনৈঃ |
অত্যন্তমপরীতস্য চ্ছর্দের্বৈ সম্ভবো ধ্রুবম্ |
নিরুচ্যতে ছর্দিরিতি দোষো বক্ত্রং প্রধাবিতঃ ||৪||
(সু. উ. তং. অ. ৪৯) |
View original
अथ छर्दिनिदानम् |
दुष्टैर्दोषैः पृथक् सर्वैर्बीभत्सालोचनादिभिः |
छर्दयः पञ्च विज्ञेयास्तासां लक्षणमुच्यते ||१||
अतिद्रवैरतिस्निग्धैरहृद्यैर्लवणैरति |
अकाले चातिमात्रैश्च तथाऽसात्म्यैश्च भोजनैः ||२||
श्रमाद्भयात्तथोद्वेगादजीर्णात् क्रिमिदोषतः |
नार्याश्चापन्नसत्त्वायास्तथाऽतिद्रुतमश्नतः ||३||
बीभत्सैर्हेतुभिश्चान्यैर्द्रुतमुत्क्लेशितो बलात् |
छादयन्नाननं वेगैरर्दयेन्नङ्गभञ्जनैः |
अत्यन्तमपरीतस्य च्छर्देर्वै सम्भवो ध्रुवम् |
निरुच्यते छर्दिरिति दोषो वक्त्रं प्रधावितः ||४||
(सु. उ. तं. अ. ४९) |
ছর্দ্যামপ্যরুচের্ভাবাত্তথাঽরোচকবত্পঞ্চবিধত্বাদরোচকানন্তরং ছর্দিঃ, তস্যা নিদানং নিরুক্তিং চাহ– দুষ্টৈরিত্যাদি| বীভত্সালোচনং বিকৃতিদর্শনম্; আদিগ্রহণেনানিষ্টগন্ধভক্ষণাদীনাং গ্রহণম্| নার্যাশ্চাপন্নসত্ত্বাযা ইতি গর্ভিণ্যাঃ, তস্যা গর্ভোত্পীডনেন বাতবৈগুণ্যাচ্ছর্দিঃ| ছাদযন্নাননমিত্যাদি বেগৈর্মুখং ছাদযন্ পূরযন্, অর্দযন্ পীডযন্, অঙ্গভঞ্জনৈঃ অঙ্গভেদৈঃ| ছাদযতি মুখম্, অর্দযতি চাঙ্গানীতি ছর্দিঃ; ‘ছদ অপবারণে’, ‘অর্দ হিংসাযাং’, অনযোঃ পৃষোদরাদিত্বেন রূপসিদ্ধিঃ||১-৪||
Adhikarana chardipUrvarUpam (5) · Śloka 5
হৃল্লাসোদ্গাররোধৌ চ প্রসেকো লবণস্তনুঃ |
দ্বেষোঽন্নপানে চ ভৃশং বমীনাং পূর্বলক্ষণম্ ||৫||
(সু. উ. তং. অ. ৪৯) |
View original
हृल्लासोद्गाररोधौ च प्रसेको लवणस्तनुः |
द्वेषोऽन्नपाने च भृशं वमीनां पूर्वलक्षणम् ||५||
(सु. उ. तं. अ. ४९) |
পূর্বরূপমাহ– হৃল্লাসেত্যাদি| উদ্গাররোধ উদ্গারাপ্রবৃত্তিঃ| প্রসেকো মুখপ্রসেকঃ, তস্য লবণত্বং প্রভাবাত্, আমাশযোত্ক্লেশভবত্বেন কফবিদাহাদ্বা; তনুরঘনোঽল্পো বা||৫||
Adhikarana vAtajacchardilakShaNam (6) · Śloka 6
হৃত্পার্শ্বপীডামুখশোষশীর্ষনাভ্যর্তিকাসস্বরভেদতোদৈঃ |
উদ্গারশব্দপ্রবলং সফেনং বিচ্ছিন্নকৃষ্ণং তনুকং কষাযম্ |
কৃচ্ছ্রেণ চাল্পং মহতা চ বেগেনার্তোঽনিলাচ্ছর্দযতীহ দুঃখম্ ||৬||
(চ. চি. অ. ২৩) |
View original
हृत्पार्श्वपीडामुखशोषशीर्षनाभ्यर्तिकासस्वरभेदतोदैः |
उद्गारशब्दप्रबलं सफेनं विच्छिन्नकृष्णं तनुकं कषायम् |
कृच्छ्रेण चाल्पं महता च वेगेनार्तोऽनिलाच्छर्दयतीह दुःखम् ||६||
(च. चि. अ. २३) |
বাতজাযা লক্ষণমাহ– হৃত্পার্শ্বেত্যাদি| শীর্ষনাভ্যর্তিঃ মস্তকে নাভৌ চ শূলং; তোদৈরিত্যনন্তরং ‘যুক্ত’ ইতি শেষঃ, উপলক্ষণে বা তৃতীযা| আর্তো নরশ্ছর্দযতীতি যোজ্যম্| কিম্ভূতং ছর্দযতীত্যাহ– উদ্গারেত্যাদি| উদ্গারশব্দাভ্যাং প্রবলমুদ্গারশব্দপ্রবলম্| বিচ্ছিন্নং সান্তরবেগমল্পদ্রবং বা, বাতস্য স্বতো দ্রবত্বাভাবাত্| তনুকমঘনম্| কষাযং কষাযরসং, কষাযস্য বাতকৃতত্বাত্||৬||
Adhikarana pittajacchardilakShaNam (7) · Śloka 7
মূর্ছাপিপাসামুখশোষমূর্ধতাল্বক্ষিসন্তাপতমোভ্রমার্তঃ |
পীতং ভৃশোষ্ণং হরিতং সতিক্তং ধূম্রং চ পিত্তেন বমেত্ সদাহম্ ||৭||
(চ. চি. অ. ২৩) |
View original
मूर्छापिपासामुखशोषमूर्धताल्वक्षिसन्तापतमोभ्रमार्तः |
पीतं भृशोष्णं हरितं सतिक्तं धूम्रं च पित्तेन वमेत् सदाहम् ||७||
(च. चि. अ. २३) |
পিত্তজামাহ– মূর্ছেত্যাদি| তমোঽন্ধকারদর্শনমিব| ধ্রূম্রং কৃষ্ণলোহিতবর্ণম্||৭||
Adhikarana kaphajacchardilakShaNam (8) · Śloka 8
তন্দ্রাস্যমাধুর্যকফপ্রসেকসন্তোষনিদ্রারুচিগৌরবার্তঃ |
স্নিগ্ধং ঘনং স্বাদু কফাদ্বিশুদ্ধং সরোমহর্ষোঽল্পরুজং বমেত্তু ||৮||
(চ. চি. অ. ২৩) |
View original
तन्द्रास्यमाधुर्यकफप्रसेकसन्तोषनिद्रारुचिगौरवार्तः |
स्निग्धं घनं स्वादु कफाद्विशुद्धं सरोमहर्षोऽल्परुजं वमेत्तु ||८||
(च. चि. अ. २३) |
কফজামাহ– তন্দ্রেত্যাদি| আস্যমাধুর্যং মুখস্য মধুররসত্বম্| সন্তোষ ইতি সন্তোষ ইব সন্তোষঃ, অন্নানভিলাষ ইত্যর্থঃ; তৃপ্তো হি নান্নমভিলষতি| অরুচিরভ্যবহারাসামর্থ্যম্| স্বাদু মধুরম্| বিশুদ্ধমতিশুভ্রং, সুশ্রুতে “শুক্লং হিমং সান্দ্রকফং কফেন|” (সু. উ. তং. অ. ৪৯) ইতি পাঠাত্||৮||
Adhikarana tridoShajacchardilakShaNam (9) · Śloka 9
শূলাবিপাকারুচিদাহতৃষ্ণাশ্বাসপ্রমোহপ্রবলা প্রসক্তম্ |
ছর্দিস্ত্রিদোষাল্লবণাম্লনীলসান্দ্রোষ্ণরক্তং বমতাং নৃণাং স্যাত্ ||৯||
(চ. চি. অ. ২৩) |
View original
शूलाविपाकारुचिदाहतृष्णाश्वासप्रमोहप्रबला प्रसक्तम् |
छर्दिस्त्रिदोषाल्लवणाम्लनीलसान्द्रोष्णरक्तं वमतां नृणां स्यात् ||९||
(च. चि. अ. २३) |
ত্রিদোষজামাহ– শূলেত্যাদি| শূলাদিভিঃ প্রমোহান্তৈঃ প্রবলা শূলাদিপ্রবলা| প্রসক্তং নিরন্তরম্| ত্রিদোষাদিত্যত্র ‘ত্রিদোষা’ ইতি পাঠান্তরে ত্রিদোষজেত্যর্থঃ||৯||
Adhikarana tridoShajacchardyA asAdhyalakShaNam (10-11) · Śloka 11
বিট্স্বেদমূত্রাম্বুবহানি বাযুঃ স্রোতাংসি সংরুধ্য যদোর্ধ্বমেতি |
উত্সন্নদোষস্য সমাচিতং তং দোষং সমুদ্ধূয নরস্য কোষ্ঠাত্ ||১০||
বিণ্মূত্রযোস্তত্সমগন্ধবর্ণং তৃট্শ্বাসহিক্কার্তিযুতং প্রসক্তম্ |
প্রচ্ছর্দযেদ্দুষ্টমিহাতিবেগাত্তযাঽর্দিতশ্চাশু বিনাশমেতি ||১১||
(চ. চি. অ. ২৩) |
View original
विट्स्वेदमूत्राम्बुवहानि वायुः स्रोतांसि संरुध्य यदोर्ध्वमेति |
उत्सन्नदोषस्य समाचितं तं दोषं समुद्धूय नरस्य कोष्ठात् ||१०||
विण्मूत्रयोस्तत्समगन्धवर्णं तृट्श्वासहिक्कार्तियुतं प्रसक्तम् |
प्रच्छर्दयेद्दुष्टमिहातिवेगात्तयाऽर्दितश्चाशु विनाशमेति ||११||
(च. चि. अ. २३) |
অসাধ্যামাহ– বিডিত্যাদি| উত্সন্নদোষস্য উদ্গতদোষস্য | দোষমিতি পিত্তং কফং বা, স্বেদাদিকান্ বা তদ্দুষ্টান্ ধাতুমলান্| তদিতি যস্মাদ্বিডাদিবাহিস্রোতোদুষ্টিস্ততো হেতোর্বিণ্মূত্রযোঃ সমগন্ধবর্ণং ছর্দযতীতি যোজ্যম্| ইযং তু ছর্দির্বিকৃতিবিষমসমবাযারব্ধা ত্রিদোষজেতি কেচিত্, অন্যে ত্বাহুঃ– সর্বা এব ছর্দযঃ প্রবলা এবংবিধাঃ সত্যোঽসাধ্যাঃ স্যুরিতি||১০-১১||
Adhikarana AgantucchardilakShaNam (12) · Śloka 12
বীভত্সজা দৌর্হৃদজাঽঽমজা চ হ্যসাত্মজা চ ক্রিমিজা চ যা হি |
সা পঞ্চমী তাং চ বিভাবযেচ্চ দোষোচ্ছ্রযেণৈব যথোক্তমাদৌ ||১২||
(সু. উ. তং. অ. ৪৯) |
View original
बीभत्सजा दौर्हृदजाऽऽमजा च ह्यसात्मजा च क्रिमिजा च या हि |
सा पञ्चमी तां च विभावयेच्च दोषोच्छ्रयेणैव यथोक्तमादौ ||१२||
(सु. उ. तं. अ. ४९) |
আগন্তুজামাহ– বীভত্সজেত্যাদি| দৌর্হৃদজা দৌর্হৃদালাভজা, আমজা অজীর্ণজা, অসাত্ম্যজা অসাত্ম্যভক্ষণাদিসম্ভূতা, ক্রিমিজা কোষ্ঠক্রিমিসম্ভবা; বীভত্সজেত্যাদিনা ক্রিমিজান্তেনৈকত্বেনৈব গণনীযা, আগন্তুজত্বসামান্যাত্| সা পঞ্চমীতি ত্রিদোষজাপেক্ষযা সামান্যেনাগন্তুজৈব, আগন্তুজ্বরবত্; যদি তু বীভত্সজাপেক্ষযা ক্রিমিজা পঞ্চমীতি গণ্যতে, তদা তাং চ বিভাবযেত্| দোষোচ্ছ্রযেণৈবেত্যনেন ক্রিমিজাযা এব দোষসম্বন্ধঃ স্যাত্, ততশ্চ বীভত্সজাদীনাং চিকিত্সোপযোগিদোষসম্বন্ধো ন লভ্যতে| অন্যে তু তদ্দোষপরিহারার্থং’ ‘সা পঞ্চমী তাশ্চ’ ইতি বহুবচনান্তং পঠন্তি, এবং সত্যন্তর্গণনযা ন প্রযোজনমিত্যন্তর্গণনাং নাদ্রিযন্তে| কথমত্র দোষোচ্ছ্রযো বিভাবনীয ইত্যাহ– যথোক্তমাদাবিতি| আদৌ বাতাদিলক্ষণে ইত্যর্থঃ||১২||
Adhikarana krimijacchardilakShaNam (13) · Śloka 13
শূলহৃল্লাসবহুলা ক্রিমিজা চ বিশেষতঃ |
ক্রিমিহৃদ্রোগতুল্যেন লক্ষণেন চ লক্ষিতা ||১৩||
(সু. উ. তং. অ. ৪৯) |
View original
शूलहृल्लासबहुला क्रिमिजा च विशेषतः |
क्रिमिहृद्रोगतुल्येन लक्षणेन च लक्षिता ||१३||
(सु. उ. तं. अ. ४९) |
ক্রিমিজাযা লক্ষণমাহ– শূলেত্যাদি| ক্রিমিহৃদ্রোগতুল্যেন লক্ষণেন লক্ষিতেতি ক্রিমিহৃদ্রোগে ক্রিমিলক্ষণাত্ যত্ পীডাদিকং তদস্যাং ভবতীত্যর্থঃ||১৩||
Adhikarana asAdhyacchardilakShaNam (14) · Śloka 14
ক্ষীণস্য যা ছর্দিরতিপ্রসক্তা সোপদ্রবা শোণিতপূযযুক্তা |
সচন্দ্রিকাং তাং প্রবদেদসাধ্যাং সাধ্যাং চিকিত্সেন্নিরুপদ্রবাং চ ||১৪||
(চ. চি. অ. ২৩) |
View original
क्षीणस्य या छर्दिरतिप्रसक्ता सोपद्रवा शोणितपूययुक्ता |
सचन्द्रिकां तां प्रवदेदसाध्यां साध्यां चिकित्सेन्निरुपद्रवां च ||१४||
(च. चि. अ. २३) |
অসাধ্যলক্ষণমাহ– ক্ষীণস্যেত্যাদি| সচন্দ্রিকামিতি মেদঃপ্রভৃতিধাতূনাং স্নেহঃ প্রবর্তমানো মযূরপিচ্ছচন্দ্রিকাবত্ প্রতিভাতি| নিরুপদ্রবামিতি কাসাদ্যুপদ্রবরহিতাম্| তদুক্তম্– “কাসঃ শ্বাসো জ্বরো হিক্কা তৃষ্ণা বৈচিত্ত্যমেব চ| হৃদ্রোগস্তমকশ্চৈব জ্ঞেযাশ্ছর্দেরুপদ্রবাঃ||” ইতি||১৪||
Adhikarana chardyA upadravAH (15) · Śloka 15
তাল্বোষ্ঠকণ্ঠাস্যবিশোষদাহসন্তাপমোহভ্রমবিপ্রলাপাঃ |
পূর্বাণি রূপাণি ভবন্তি তাসামুত্পত্তিকালে তু বিশেষতো হি |
কাসঃ শ্বাসো জ্বরো হিক্কা তৃষ্ণা বৈচিত্ত্যমেব চ |
হৃদ্রোগস্তমকশ্চৈব জ্ঞেযাশ্ছর্দেরুপদ্রবাঃ ||১৫||
View original
ताल्वोष्ठकण्ठास्यविशोषदाहसन्तापमोहभ्रमविप्रलापाः |
पूर्वाणि रूपाणि भवन्ति तासामुत्पत्तिकाले तु विशेषतो हि |
कासः श्वासो ज्वरो हिक्का तृष्णा वैचित्त्यमेव च |
हृद्रोगस्तमकश्चैव ज्ञेयाश्छर्देरुपद्रवाः ||१५||
তস্যা উপদ্রবমাহ– কাস ইত্যাদি| বৈচিত্ত্যং বিমতচিত্ততা||১৫||
Adhikarana puShpikA · Śloka 15
ইতি শ্রীমাধবকরবিরচিতে মাধবনিদানে ছর্দিনিদানং সমাপ্তম্ ||১৫||
View original
इति श्रीमाधवकरविरचिते माधवनिदाने छर्दिनिदानं समाप्तम् ||१५||
ইতি শ্রীবিজযরক্ষিতকৃতাযাং মধুকোশব্যাখ্যাযাং ছর্দিনিদানং সমাপ্তম্||১৫||