অথ দাহনিদানম্| ত্বচং প্রাপ্তঃ স পানোষ্মা পিত্তরক্তাভিমূর্ছিতঃ | দাহং প্রকুরুতে ঘোরং পিত্তবত্তত্র ভেষজম্ ||১||
View original
अथ दाहनिदानम्| त्वचं प्राप्तः स पानोष्मा पित्तरक्ताभिमूर्छितः | दाहं प्रकुरुते घोरं पित्तवत्तत्र भेषजम् ||१||
🔊 Audio coming soon
Hide commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
মদাত্যযেঽপি দাহো ভবত্যতঃ সপ্তপ্রকারং দাহমাহ; তত্র মদ্যজমাহ– ত্বচমিত্যাদি| পানোষ্মা পা.| মদ্যপানকুপিতপিত্তস্যৌষ্ণ্যং; সমানোষ্মেতি পাঠান্তরমযুক্তং, সুশ্রুতে পানাত্যযে শ্লোকস্যাস্য পাঠাত্| পিত্তজোঽপ্যযং হেতুভেদাত্ পৃথক্ পঠিতঃ||১||
আতঙ্কদর্পণ ব্যাখ্যা (বাচস্পতি বৈদ্য কৃত)
মদাত্যযে দাহো ভবতীত্যতো মদাত্যযানন্তরং দাহনিদানারম্ভঃ| মদ্যজদাহমাহ– ত্বচমিত্যাদি| পানোষ্মা মদ্যপানকুপিতপিত্তোষ্মা, স ত্বচং প্রাপ্তো ঘোরং দাহং প্রকর্ষেণ কুরুত ইত্যর্থঃ| কীদৃশঃ পিত্তরক্তাভ্যামভিবর্ধিতঃ| অন্যে ‘সমানোষ্মা’ ইতি পাঠান্তরং পঠন্তি| তন্ন যুক্তং, সুশ্রুতে পানাত্যযে শ্লোকস্যাস্য পাঠাত্| পিত্তজোঽপ্যযং হেতুভেদাত্পৃথক্ পঠিতঃ||১||