Adhikarana masUrikAyA nidAnapUrvikA samprAptiH, pUrvarUpaM ca (1-3) · Śloka 4
অথ মসূরিকানিদানম্ |
কট্বম্ললবণক্ষারবিরুদ্ধাধ্যশনাশনৈঃ |
দুষ্টনিষ্পাবশাকাদ্যৈঃ প্রদুষ্টপবনোদকৈঃ ||১||
ক্রূরগ্রহেক্ষণাচ্চাপি দেশে দোষাঃ সমুদ্ধতাঃ |
জনযন্তি শরীরেঽস্মিন্ দুষ্টরক্তেন সঙ্গতাঃ ||২||
মসূরাকৃতিসংস্থানাঃ পিডকাঃ স্যুর্মসূরিকাঃ |
তাসাং পূর্বং জ্বরঃ কণ্ডূর্গাত্রভঙ্গোঽরতির্ভ্রমঃ ||৩||
ত্বচি শোথঃ সবৈবর্ণ্যো নেত্ররাগশ্চ জাযতে |৪|
View original
अथ मसूरिकानिदानम् |
कट्वम्ललवणक्षारविरुद्धाध्यशनाशनैः |
दुष्टनिष्पावशाकाद्यैः प्रदुष्टपवनोदकैः ||१||
क्रूरग्रहेक्षणाच्चापि देशे दोषाः समुद्धताः |
जनयन्ति शरीरेऽस्मिन् दुष्टरक्तेन सङ्गताः ||२||
मसूराकृतिसंस्थानाः पिडकाः स्युर्मसूरिकाः |
तासां पूर्वं ज्वरः कण्डूर्गात्रभङ्गोऽरतिर्भ्रमः ||३||
त्वचि शोथः सवैवर्ण्यो नेत्ररागश्च जायते |४|
বিস্ফোটপ্রভেদত্বাত্ প্রাযেণ তুল্যনিদানত্বাচ্চ মসূরিকানিদানম্| তস্যা নিদানপূর্বিকাং সম্প্রাপ্তিমাহ– কট্বম্লেত্যাদি| বিরুদ্ধাধ্যশনাশনৈরিতি বিরুদ্ধৈরন্নৈরধ্যশনৈশ্চ, ‘বিরুদ্ধাধ্যশনেন তু’ ইতি পাঠো বা| দুষ্টনিষ্পাবশাকাদ্যৈরিতি দুষ্টং ব্যাপন্নমন্নং, নিষ্পাবঃ শিম্বিবীজম্, আদ্যশব্দান্মধ্বালুকাদিগ্রহণম্| প্রদুষ্টপবনোদকৈরিতি বিষকুসুমাদিসংস্পর্শাত্ প্রদুষ্টঃ পবনস্তথোদকং চ, তৈঃ| ক্রূরগ্রহেক্ষণাচ্চেতি শনৈশ্চরাদযো দেশক্ষোভকরাঃ ক্রূরগ্রহাস্তেষামীক্ষণাত্| দুষ্টরক্তেন সঙ্গতা ইত্যনেন রক্তস্য কট্বম্লাদিভির্হেতুভির্বিশেষেণ কোপং দর্শযতি| অত এবোক্তং তন্ত্রান্তরে– “পিত্তং শোণিতসংসৃষ্টং যদা দূষযতি ত্বচম্| তদা করোতি পিডকাঃ সর্বগাত্রেষু দেহিনাম্|| মসূরমুদ্গমাষাণাং তুল্যাঃ কোলোপমা অপি| মসূরিকাস্তু তা জ্ঞেযাঃ পিত্তরক্তাধিকা বুধৈঃ||” ইতি||১-৩||–
Adhikarana vAtajamasUrikAlakShaNam (4-5) · Śloka 6
স্ফোটাঃ শ্যাবারুণা রূক্ষাস্তীব্রবেদনযাঽন্বিতাঃ ||৪||
কঠিনাশ্চিরপাকাশ্চ ভবন্ত্যনিলসম্ভবাঃ |
সন্ধ্যস্থিপর্বণাং ভেদঃ কাসঃ কম্পোঽরতিঃ ক্লমঃ ||৫||
শোষস্তাল্বোষ্ঠজিহ্বানাং তৃষ্ণা চারুচিসংযুতা |৬|
View original
स्फोटाः श्यावारुणा रूक्षास्तीव्रवेदनयाऽन्विताः ||४||
कठिनाश्चिरपाकाश्च भवन्त्यनिलसम्भवाः |
सन्ध्यस्थिपर्वणां भेदः कासः कम्पोऽरतिः क्लमः ||५||
शोषस्ताल्वोष्ठजिह्वानां तृष्णा चारुचिसंयुता |६|
বাতজামাহ– স্ফোটা ইত্যাদি| চিরপাকা ইতি বিকারপ্রভাবাত্||৪-৫||–
Adhikarana pittajamasUrikAlakShaNam (6-7) · Śloka 8
রক্তাঃ পীতাসিতাঃ স্ফোটাঃ সদাহাস্তীব্রবেদনাঃ ||৬||
ভবন্ত্যচিরপাকাশ্চ পিত্তকোপসমুদ্ভবাঃ |
বিড্ভেদশ্চাঙ্গমর্দশ্চ দাহস্তৃষ্ণাঽরুচিস্তথা ||৭||
মুখপাকোঽক্ষিরাগশ্চ জ্বরস্তীব্রঃ সুদারুণঃ |৮|
View original
रक्ताः पीतासिताः स्फोटाः सदाहास्तीव्रवेदनाः ||६||
भवन्त्यचिरपाकाश्च पित्तकोपसमुद्भवाः |
विड्भेदश्चाङ्गमर्दश्च दाहस्तृष्णाऽरुचिस्तथा ||७||
मुखपाकोऽक्षिरागश्च ज्वरस्तीव्रः सुदारुणः |८|
পিত্তজামাহ– রক্তা ইত্যাদি| জ্বরস্তীব্রঃ সুদারুণ ইতি তীব্রশ্চণ্ডবেগঃ, সুদারুণো বহুদুঃখেনাতিদুঃসহ||৬-৭||–
Adhikarana raktaja-kaphajamasUrikAlakShaNam (8-10) · Śloka 10
রক্তজাযাং ভবন্ত্যেতে বিকারাঃ পিত্তলক্ষণাঃ ||৮||
কফপ্রসেকঃ স্তৈমিত্যং শিরোরুগ্ গাত্রগৌরবম্ |
হৃল্লাসঃ সারুচির্নিদ্রা তন্দ্রালস্যসমন্বিতাঃ ||৯||
শ্বেতাঃ স্নিগ্ধা ভৃশং স্থূলাঃ কণ্ডূরা মন্দবেদনাঃ |
মসূরিকাঃ কফোত্থাশ্চ চিরপাকাঃ প্রকীর্তিতাঃ ||১০||
View original
रक्तजायां भवन्त्येते विकाराः पित्तलक्षणाः ||८||
कफप्रसेकः स्तैमित्यं शिरोरुग् गात्रगौरवम् |
हृल्लासः सारुचिर्निद्रा तन्द्रालस्यसमन्विताः ||९||
श्वेताः स्निग्धा भृशं स्थूलाः कण्डूरा मन्दवेदनाः |
मसूरिकाः कफोत्थाश्च चिरपाकाः प्रकीर्तिताः ||१०||
রক্তজামাহ– রক্তজাযামিত্যাদি| এতে বিকারাঃ পিত্তলক্ষণা ইতি পিত্তজমসূরীলক্ষণত্বেন উক্তাঃ| ‘ রক্তাঃ পীতাসিতাঃ স্ফোটা’ ইত্যাদযো যে যে বিকারাস্তে রক্তজাযাং ভবন্তি| অত্র কফজামনুক্ত্বৈব পিত্তজাযা অনন্তরং রক্তজাযা উক্তিঃ পিত্তলক্ষণস্যাতিদিষ্টস্যাব্যবহিতত্বেন সুখগ্রহণার্থং, রক্তরসসমত্বাত্ রক্তমলত্বাদ্বা পিত্তস্য পিত্তজামভিধায অস্যাঃ কথনং, সর্বত্র কৃতস্য সমর্থনায||৮-১০||
Adhikarana tridoShajamasUrikAlakShaNam (11-12) · Śloka 12
নীলাশ্চিপিটবিস্তীর্ণা মধ্যে নিম্না মহারুজাঃ |
চিরপাকাঃ পূতিস্রাবাঃ প্রভূতাঃ সর্বদোষজাঃ ||১১||
কণ্ঠরোধারুচিস্তম্ভপ্রলাপারতিসংযুতাঃ |
দুশ্চিকিত্স্যাঃ সমুদ্দিষ্টাঃ পিডকাশ্চর্মসঞ্জ্ঞিতাঃ ||১২||
View original
नीलाश्चिपिटविस्तीर्णा मध्ये निम्ना महारुजाः |
चिरपाकाः पूतिस्रावाः प्रभूताः सर्वदोषजाः ||११||
कण्ठरोधारुचिस्तम्भप्रलापारतिसंयुताः |
दुश्चिकित्स्याः समुद्दिष्टाः पिडकाश्चर्मसञ्ज्ञिताः ||१२||
সান্নিপাতিকলক্ষণমাহ– নীলা ইত্যাদি| চিপিটবিস্তীর্ণা ইতি চিপিটঃ ‘চিউডা’ ইতি খ্যাতঃ, তদ্বদ্বিস্তৃতাঃ| চর্মসঞ্জ্ঞিতা ইতি ‘চর্মদল’ ইতি খ্যাতাঃ||১১-১২||
Adhikarana romAntikAlakShaNam (13) · Śloka 13
রোমকূপোন্নতিসমা রাগিণ্যঃ কফপিত্তজাঃ |
কাসারোচকসংযুক্তা রোমান্ত্যো জ্বরপূর্বিকাঃ ||১৩||
View original
रोमकूपोन्नतिसमा रागिण्यः कफपित्तजाः |
कासारोचकसंयुक्ता रोमान्त्यो ज्वरपूर्विकाः ||१३||
মসূরিকাযাঃ প্রকারং রোমান্তিকামাহ– রোমকূপোন্নতিসমা ইত্যাদি| রাগিণ্য ইতি লোহিতাঃ, জ্বরপূর্বিকা ইতি জ্বরপূর্বরূপাঃ||১৩||
Adhikarana rasAdisaptadhAtugatamasUrikAli~ggam (14-23) · Śloka 23
তোযবুদ্বুদসঙ্কাশাস্ত্বগ্গতাস্তু মসূরিকাঃ |
স্বল্পদোষাঃ প্রজাযন্তে ভিন্নাস্তোযং স্রবন্তি চ ||১৪||
রক্তস্থা লোহিতাকারাঃ শীঘ্রপাকাস্তনুত্বচঃ |
সাধ্যা নাত্যর্থদুষ্টাশ্চ ভিন্না রক্তং স্রবন্তি চ ||১৫||
মাংসস্থাঃ কঠিনাঃ স্নিগ্ধাশ্চিরপাকা ঘনত্বচঃ |
গাত্রশূলতৃষাকণ্ডূজ্বরারতিসমন্বিতাঃ ||১৬||
মেদোজা মণ্ডলাকারা মৃদবঃ কিঞ্চিদুন্নতাঃ |
ঘোরজ্বরপরীতাশ্চ স্থূলাঃ স্নিগ্ধাঃ সবেদনাঃ ||১৭||
সম্মোহারতিসন্তাপাঃ কশ্চিদাভ্যো বিনিস্তরেত্ |
ক্ষুদ্রা গাত্রসমা রূক্ষাশ্চিপিটাঃ কিঞ্চিদুন্নতাঃ ||১৮||
মজ্জোত্থা ভৃশসম্মোহবেদনারতিসংযুতাঃ |
ছিন্দন্তি মর্মধামানি প্রাণানাশু হরন্তি হি ||১৯||
ভ্রমরেণেব বিদ্ধানি কুর্বন্ত্যস্থীনি সর্বতঃ |
পক্বাভাঃ পিডকাঃ স্নিগ্ধাঃ সূক্ষ্মাশ্চাত্যর্থবেদনাঃ ||২০||
স্তৈমিত্যারতিসম্মোহদাহোন্মাদসমন্বিতাঃ |
শুক্রজাযাং মসূর্যাং তু লক্ষণানি ভবন্তি হি ||২১||
নির্দিষ্টং কেবলং চিহ্নং দৃশ্যতে ন তু জীবিতম্ |
দোষমিশ্রাস্তু সপ্তৈতা দ্রষ্টব্যা দোষলক্ষণৈঃ ||২২||
ত্বগ্গতা রক্তজাশ্চৈব পিত্তজাঃ শ্লেষ্মজাস্তথা |
শ্লেষ্মপিত্তকৃতাশ্চৈব সুখসাধ্যা মসূরিকাঃ ||২৩||
View original
तोयबुद्बुदसङ्काशास्त्वग्गतास्तु मसूरिकाः |
स्वल्पदोषाः प्रजायन्ते भिन्नास्तोयं स्रवन्ति च ||१४||
रक्तस्था लोहिताकाराः शीघ्रपाकास्तनुत्वचः |
साध्या नात्यर्थदुष्टाश्च भिन्ना रक्तं स्रवन्ति च ||१५||
मांसस्थाः कठिनाः स्निग्धाश्चिरपाका घनत्वचः |
गात्रशूलतृषाकण्डूज्वरारतिसमन्विताः ||१६||
मेदोजा मण्डलाकारा मृदवः किञ्चिदुन्नताः |
घोरज्वरपरीताश्च स्थूलाः स्निग्धाः सवेदनाः ||१७||
सम्मोहारतिसन्तापाः कश्चिदाभ्यो विनिस्तरेत् |
क्षुद्रा गात्रसमा रूक्षाश्चिपिटाः किञ्चिदुन्नताः ||१८||
मज्जोत्था भृशसम्मोहवेदनारतिसंयुताः |
छिन्दन्ति मर्मधामानि प्राणानाशु हरन्ति हि ||१९||
भ्रमरेणेव विद्धानि कुर्वन्त्यस्थीनि सर्वतः |
पक्वाभाः पिडकाः स्निग्धाः सूक्ष्माश्चात्यर्थवेदनाः ||२०||
स्तैमित्यारतिसम्मोहदाहोन्मादसमन्विताः |
शुक्रजायां मसूर्यां तु लक्षणानि भवन्ति हि ||२१||
निर्दिष्टं केवलं चिह्नं दृश्यते न तु जीवितम् |
दोषमिश्रास्तु सप्तैता द्रष्टव्या दोषलक्षणैः ||२२||
त्वग्गता रक्तजाश्चैव पित्तजाः श्लेष्मजास्तथा |
श्लेष्मपित्तकृताश्चैव सुखसाध्या मसूरिकाः ||२३||
রসাদিসপ্তধাতুগতমসূরিকালিঙ্গমাহ– তোযবুদ্বুদসঙ্কাশা ইত্যাদি| অত্র দুষ্টদূষ্যপ্রভাবাত্ তোযবুদ্বুদসঙ্কাশাদীনি দোষলক্ষণানি চ ভবন্তি, দোষমন্তরেণ দূষ্যদুষ্টেরভাবাত্; অত এব বক্ষ্যতি– “দোষমিশ্রাশ্চ সপ্তৈতা দ্রষ্টব্যা দোষলক্ষণৈঃ|” ইতি| ত্বক্শব্দেনাত্র রসোঽভিধীযতে, ধাতুগতপ্রস্তাবাত্| ত্বগ্গতাঃ সাধ্যাঃ, অল্পদোষসম্বন্ধাদ্রক্তজাযা অপি সাধ্যত্বেনাভিধানাত্| মাংসস্থাঃ কৃচ্ছ্রসাধ্যাঃ, অত্যবগাঢদোষদুষ্টেঃ| মেদোজাযাং কশ্চিদাভ্যো বিনিস্তরেদিত্যনেনাত্যন্তকৃচ্ছ্রসাধ্যত্বং বোধযতি, অস্থিমধ্যস্থিতত্বান্মজ্জ্ঞঃ| ক্ষুদ্রা ইত্যাদিনা অস্থিমজ্জগতযোঃ সমানং লিঙ্গম্| মজ্জোত্থা ইত্যত্র মজ্জগ্রহণাদস্থ্নোঽপি গ্রহণম্, আধারত্বাত্; অত এব বক্ষ্যতি– “ভ্রমরেণেব বিদ্ধানি কুর্বন্ত্যস্থীনি সর্বতঃ|” ইতি| মর্মধামানীতি মর্মস্থানানি| পক্বাভা ইত্যাদিনা শুক্রজাযা লিঙ্গম্| দৃশ্যতে ন তু জীবিতমিতি গম্ভীরধাতুগতদোষদুষ্টেঃ শুক্রজাযা অসাধ্যত্বম্| অস্য ন্যাযস্য সমানতযা অস্থিমজ্জগতযোরপ্যসাধ্যত্বং বোদ্ধব্যম্||১৪-২৩||
Adhikarana masUrikAyAH sAdhyAsAdhyavicAraH (24-26) · Śloka 26
বাতজা বাতপিত্তোত্থাঃ শ্লেষ্মবাতকৃতাশ্চ যাঃ |
কৃচ্ছ্রসাধ্যতমাস্তস্মাদ্যত্নাদেতা উপাচরেত্ ||২৪||
অসাধ্যাঃ সন্নিপাতোত্থাস্তাসাং বক্ষ্যামি লক্ষণম্ |
প্রবালসদৃশাঃ কাশ্চিত্ কাশ্চিজ্জম্বূফলোপমাঃ ||২৫||
লোহজালসমাঃ কাশ্চিদতসীফলসন্নিভাঃ |
আসাং বহুবিধা বর্ণা জাযন্তে দোষভেদতঃ ||২৬||
View original
वातजा वातपित्तोत्थाः श्लेष्मवातकृताश्च याः |
कृच्छ्रसाध्यतमास्तस्माद्यत्नादेता उपाचरेत् ||२४||
असाध्याः सन्निपातोत्थास्तासां वक्ष्यामि लक्षणम् |
प्रवालसदृशाः काश्चित् काश्चिज्जम्बूफलोपमाः ||२५||
लोहजालसमाः काश्चिदतसीफलसन्निभाः |
आसां बहुविधा वर्णा जायन्ते दोषभेदतः ||२६||
বাতজা ইত্যাদি| বাতজাদযঃ সন্নিপাতোত্থান্তা অসাধ্যাঃ| এতাসাং সম্মূর্ছনবিশেষজনিতবক্ষ্যমাণপ্রবালাদিবর্ণযোগাদসাধ্যত্বং, তেনৈতদ্বর্ণবিরহে বাতজাযাশ্চিকিত্সাবিধিরপ্যুক্ত উপপদ্যত ইতি কেচিত্| অন্যে তু বাতজাদয এতাঃ স্বরূপত এবাসাধ্যাঃ, চিকিত্সোক্তিস্তু বাতজাদীনাং মহাত্যযনিষেধার্থং, লিঙ্গান্তরসম্ভবার্থং চ তাসাং বক্ষ্যামি লক্ষণমিত্যুক্তমিত্যাহুঃ| তাসামিতি অসাধ্যবাতজাদীনাম্| লোহজালসমা ইতি জালং জালকং গুডকমিতি যাবত্, তদ্বত্কৃষ্ণবর্ণাঃ| অতসীফলসন্নিভা ইতি উমাফলবর্ণতুল্যবর্ণাঃ| অনুক্তবর্ণান্তরসঙ্গ্রহার্থমাহ– আসাং বহুবিধা ইত্যাদি| দোষভেদত ইতি বাতপিত্তাদিদোষবিশেষাত্, দুষ্টিবিশেষাদিত্যন্যে||২৪-২৬||
Adhikarana sarvamasUrikAyA AvasthikaM lakShaNam (27-29) · Śloka 29
কাসো হিক্কা প্রমেহশ্চ জ্বরস্তীব্রঃ সুদারুণঃ |
প্রলাপশ্চারতির্মূর্ছা তৃষ্ণা দাহোঽতিঘূর্ণতা ||২৭||
মুখেন প্রস্রবেদ্রক্তং তথা ঘ্রাণেন চক্ষুষা |
কণ্ঠে ঘুর্ঘুরকং কৃত্বা শ্বসিত্যত্যর্থবেদনম্ ||২৮||
মসূরিকাভিভূতস্য যস্যৈতানি ভিষগ্বরৈঃ |
লক্ষণানি চ দৃশ্যন্তে ন দদ্যাদত্র ভেষজম্ ||২৯||
View original
कासो हिक्का प्रमेहश्च ज्वरस्तीव्रः सुदारुणः |
प्रलापश्चारतिर्मूर्छा तृष्णा दाहोऽतिघूर्णता ||२७||
मुखेन प्रस्रवेद्रक्तं तथा घ्राणेन चक्षुषा |
कण्ठे घुर्घुरकं कृत्वा श्वसित्यत्यर्थवेदनम् ||२८||
मसूरिकाभिभूतस्य यस्यैतानि भिषग्वरैः |
लक्षणानि च दृश्यन्ते न दद्यादत्र भेषजम् ||२९||
সর্বমসূরিকাযা আবস্থিকং লিঙ্গমাহ– কাস ইত্যাদি| জ্বরস্তীব্রঃ সুদারুণ ইতি, অত্র সুদারুণ ইতি পরেণ সম্বধ্যতে, তেন সুদারুণঃ প্রলাপঃ| অতিঘূর্ণতা জিহ্মাযনম্| তথা ঘ্রাণেন চক্ষুষেত্যত্র রক্তং স্রবেদিতি সম্বধ্যতে| শ্বসিতীতি শ্বাসো ভবতি||২৭-২৯||
Adhikarana masUrikAyA asAdhyalakShaNam (30) · Śloka 30
মসূরিকাভিভূতো যো ভৃশং ঘ্রাণেন নিঃশ্বসেত্ |
স ভৃশং ত্যজতি প্রাণাংস্তৃষার্তো বাযুদূষিতঃ ||৩০||
View original
मसूरिकाभिभूतो यो भृशं घ्राणेन निःश्वसेत् |
स भृशं त्यजति प्राणांस्तृषार्तो वायुदूषितः ||३०||
সামান্যেনাসাধ্যত্বমাহ– মসূরিকাভিভূতো য ইত্যাদি| ঘ্রাণেন নিঃশ্বসেদিতি মুখব্যতিরেকেণ ঘ্রাণেনৈব নিঃশ্বসেত্, সর্ববাক্যানামবধারণফলত্বাত্||৩০||
Adhikarana masUrikopadravAH (31) · Śloka 31
মসূরিকান্তে শোথঃ স্যাত্ কূর্পরে মণিবন্ধকে |
তথাংঽসফলকে চাপি দুশ্চিকিত্স্যঃ সুদারুণঃ ||৩১||
View original
मसूरिकान्ते शोथः स्यात् कूर्परे मणिबन्धके |
तथांऽसफलके चापि दुश्चिकित्स्यः सुदारुणः ||३१||
মসূরিকাযা উপদ্রবমাহ– মসূরিকান্তে ইত্যাদি| দুশ্চিকিত্স্য ইতি দুঃশব্দোঽযং নিষেধে, তেন অসাধ্য ইত্যর্থঃ||৩১||
Adhikarana puShpikA · Śloka 54
ইতি শ্রীমাধবকরবিরচিতে মাধবনিদানে মসূরিকানিদানং সমাপ্তম্ ||৫৪||
View original
इति श्रीमाधवकरविरचिते माधवनिदाने मसूरिकानिदानं समाप्तम् ||५४||
ইতি শ্রীকণ্ঠদত্তকৃতাযাং মধুকোশব্যাখ্যাযাং মসূরিকানিদানং সমাপ্তম্||৫৪||