Adhikarana mUrchAyA nidAnaM samprAptishca (1-5) · Śloka 5
অথ মূর্ছা-ভ্রম-নিদ্রা-তন্দ্রা-সন্ন্যাসনিদানম্ |
ক্ষীণস্য বহুদোষস্য বিরুদ্ধাহারসেবিনঃ |
বেগাঘাতাদভিঘাতাদ্ধীনসত্ত্বস্য বা পুনঃ ||১||
করণাযতনেষূগ্রা বাহ্যেষ্বাভ্যন্তরেষু চ |
নিবিশন্তে যদা দোষাস্তদা মূর্ছন্তি মানবাঃ ||২||
সঞ্জ্ঞাবহাসু নাডীষু পিহিতাস্বনিলাদিভিঃ |
তমোঽভ্যুপৈতি সহসা সুখদুঃখব্যপোহকৃত্ ||৩||
সুখদুঃখব্যপোহাচ্চ নরঃ পততি কাষ্ঠবত্ |
মোহো মূর্ছেতি তামাহুঃ ষড্বিধা সা প্রকীর্তিতা ||৪||
বাতাদিভিঃ শোণিতেন মদ্যেন চ বিষেণ চ |
ষট্স্বপ্যেতাসু পিত্তং তু প্রভুত্বেনাবতিষ্ঠতে ||৫||
(সু. উ. তং. অ. ৪৬) |
View original
अथ मूर्छा-भ्रम-निद्रा-तन्द्रा-सन्न्यासनिदानम् |
क्षीणस्य बहुदोषस्य विरुद्धाहारसेविनः |
वेगाघातादभिघाताद्धीनसत्त्वस्य वा पुनः ||१||
करणायतनेषूग्रा बाह्येष्वाभ्यन्तरेषु च |
निविशन्ते यदा दोषास्तदा मूर्छन्ति मानवाः ||२||
सञ्ज्ञावहासु नाडीषु पिहितास्वनिलादिभिः |
तमोऽभ्युपैति सहसा सुखदुःखव्यपोहकृत् ||३||
सुखदुःखव्यपोहाच्च नरः पतति काष्ठवत् |
मोहो मूर्छेति तामाहुः षड्विधा सा प्रकीर्तिता ||४||
वातादिभिः शोणितेन मद्येन च विषेण च |
षट्स्वप्येतासु पित्तं तु प्रभुत्वेनावतिष्ठते ||५||
(सु. उ. तं. अ. ४६) |
তৃষ্ণাযাং মোহো ভবতীতি তৃষ্ণানন্তরং মূর্ছা, উক্তং হি– ‘তৃষিতো মোহমাযাতি’ ইতি| নিদানং সম্প্রাপ্তিং চাহ– ক্ষীণস্যেত্যাদি| বহুদোষস্যেতি বিপুলদোষস্য, ন ত্বনেকদোষস্য; তথা সত্যেকদোষজাযাঃ সম্প্রাপ্তির্নোক্তা স্যাত্| বেগাঘাতাত্ মলাদিবেগধারণাত্| অভিঘাতাল্লগুডাদেঃ| হীনসত্ত্বস্য হীনসত্ত্বগুণস্য| করণং মনঃ, তস্যাযতনানি বাহ্যানি চক্ষুরাদীনি, আভ্যন্তরাণি মনোবহানি স্রোতাংসি, যৈরাগত্য মনশ্চক্ষুরাদীন্যধিতিষ্ঠতি; অথবা বাহ্যানি কর্মেন্দ্রিযাণি, আভ্যন্তরাণি ধীন্দ্রিযাণি; তেষু যদা উগ্রা দোষা নিবিশন্তে তদা মূর্ছন্তীতি যোজ্যম্| পুনঃ কযা সম্প্রাপ্ত্যা ইত্যত আহ– সঞ্জ্ঞাবহাস্বিত্যাদি| সঞ্জ্ঞাবহনাডীশব্দেন সিরাধমনীস্রোতসাং গ্রহণমিত্যাহুঃ, যতস্তৈর্মন ইন্দ্রিযদেশং প্রাপ্নোতি| পিহিতাসু আবৃতাসু| তমো মনোগুণোঽজ্ঞানহেতুঃ, অভ্যুপৈতি বর্ধতে, সহসা ঝটিতি| অন্যেষু তমোবহুলেষু রোগেষু মদাত্যযাদিষু সত্ত্বরজসী ন তথা লীযেতে, যথা মূর্ছাযামিত্যত আহ– সুখদুঃখব্যপোহকৃদিতি| সুখদুঃখযোরসংবিত্তিকরম্| এতত্তু প্রাযিকত্বেনোক্তং, (ত্রিবিধং জ্ঞানং ভবতি হেযোপাদেযোপেক্ষণীযভেদাত্,) তেনোপেক্ষণীযজ্ঞানাভাবোঽপি জ্ঞেযঃ| ব্যবহারার্থং তত্পর্যাযামাহ– মোহো মূর্ছেতি| বাতাদিভিস্তিস্রঃ, শোণিতমদ্যবিষৈশ্চ তিস্রঃ, এবং ষট্| প্রভুত্বেনেতি ব্যাপকত্বেন, তেন বাতজাদিষ্বপি জ্বরবদ্রোগমহিম্নাঽবশ্যং পিত্তসম্বন্ধঃ, অত এব বক্ষ্যতি– “মূর্ছা পিত্ততমঃপ্রাযা” ইতি, চিকিত্সাযাং চ শীতক্রিযাবিধানমিতি||১-৫||
Adhikarana mUrchApUrvarUpam (6) · Śloka 6
হৃত্পীডা জৃম্ভণং গ্লানিঃ সঞ্জ্ঞাদৌর্বল্যমেব চ |
সর্বাসাং পূর্বরূপাণি, যথাস্বং তা বিভাবযেত্ ||৬||
(সু. উ. তং. অ. ৪৬) |
View original
हृत्पीडा जृम्भणं ग्लानिः सञ्ज्ञादौर्बल्यमेव च |
सर्वासां पूर्वरूपाणि, यथास्वं ता विभावयेत् ||६||
(सु. उ. तं. अ. ४६) |
তস্যাঃ পূর্বরূপমাহ– হৃত্পীডেত্যাদি| সঞ্জ্ঞাদৌর্বল্যমসম্যগ্জ্ঞানতা| সর্বাসাং পূর্বরূপাণীতি ছেদঃ| যথাস্বং বিভাবযেদিতি তাঃ মূর্ছাঃ বাতাদিভেদেন জানীযাত্ ব্যক্তরূপাবস্থাযাং, নতু পূর্বরূপাবস্থাযামিতি জেজ্জটঃ||৬||
Adhikarana vAtajamUrchAyalakShaNam (7-8) · Śloka 8
নীলং বা যদি বা কৃষ্ণমাকাশমথবাঽরুণম্ |
পশ্যংস্তমঃ প্রবিশতি শীঘ্রং চ প্রতিবুধ্যতে ||৭||
বেপথুশ্চাঙ্গমর্দশ্চ প্রপীডা হৃদযস্য চ |
কার্শ্যং শ্যাবাঽরুণা ছাযা মূর্ছাযে বাতসম্ভবে ||৮||
(চ. সূ. অ. ২৪) |
View original
नीलं वा यदि वा कृष्णमाकाशमथवाऽरुणम् |
पश्यंस्तमः प्रविशति शीघ्रं च प्रतिबुध्यते ||७||
वेपथुश्चाङ्गमर्दश्च प्रपीडा हृदयस्य च |
कार्श्यं श्यावाऽरुणा छाया मूर्छाये वातसम्भवे ||८||
(च. सू. अ. २४) |
তা এবাহ (বাতজামাহ)– নীলমিত্যাদি| নীলং স্নিগ্ধকৃষ্ণং, কৃষ্ণং রূক্ষকৃষ্ণম্, অরুণমীষল্লোহিতম্| তমঃ প্রবিশত্যন্ধকারমিব প্রবিশতি মূর্ছতীত্যর্থঃ| শীঘ্রং চ প্রতিবুধ্যত ইতি বাযোঃ শীঘ্রকারিত্বাত্| কার্শ্যং শ্যাবাঽরুণা ছাযা, ‘গাত্রে’ ইতি শেষঃ| মূর্ছাযশব্দো মূর্ছাপর্যাযঃ||৭-৮||
Adhikarana pittajamUrchAyalakShaNam (9-10) · Śloka 10
রক্তং হরিতবর্ণং বা বিযত্ পীতমথাপি বা |
পশ্যংস্তমঃ প্রবিশতি সস্বেদশ্চ প্রবুধ্যতে ||৯||
(সপিপাসঃ সসন্তাপো রক্তপীতাকুলেক্ষণঃ) |
জাতমাত্রে পততি চ শীঘ্রং চ প্রতিবুধ্যতে |
সম্ভিন্নবর্চাঃ পীতাভো মূর্ছাযে পিত্তসম্ভবে ||১০||
(চ. সূ. অ. ২৪) |
View original
रक्तं हरितवर्णं वा वियत् पीतमथापि वा |
पश्यंस्तमः प्रविशति सस्वेदश्च प्रबुध्यते ||९||
(सपिपासः ससन्तापो रक्तपीताकुलेक्षणः) |
जातमात्रे पतति च शीघ्रं च प्रतिबुध्यते |
सम्भिन्नवर्चाः पीताभो मूर्छाये पित्तसम्भवे ||१०||
(च. सू. अ. २४) |
পিত্তজমূর্ছাযমাহ– রক্তমিত্যাদি| বিযদাকাশম্| অত্র “সপিপাসঃ সসন্তাপো রক্তপীতাকুলেক্ষণঃ|” ইতি ক্বচিদধিকঃ পাঠ||৯-১০||
Adhikarana kaphajamUrchAyalakShaNam (11-12) · Śloka 12
মেঘসঙ্কাশমাকাশমাবৃতং বা তমোঘনৈঃ |
পশ্যংস্তমঃ প্রবিশতি চিরাচ্চ প্রতিবুধ্যতে ||১১||
গুরুভিঃ প্রাবৃতৈরঙ্গৈর্যথৈবার্দ্রেণ চর্মণা |
সপ্রসেকঃ সহৃল্লাসো মূর্ছাযে কফসম্ভবে ||১২||
(চ. সূ. অ. ২৪) |
View original
मेघसङ्काशमाकाशमावृतं वा तमोघनैः |
पश्यंस्तमः प्रविशति चिराच्च प्रतिबुध्यते ||११||
गुरुभिः प्रावृतैरङ्गैर्यथैवार्द्रेण चर्मणा |
सप्रसेकः सहृल्लासो मूर्छाये कफसम्भवे ||१२||
(च. सू. अ. २४) |
কফজমূর্ছাযমাহ– মেঘেত্যাদি| তমোঘনৈরিতি তমোভির্ঘনৈশ্চ; তমোঽন্ধকারঃ, ঘনোঽত্র মেঘবাচী||১১-১২||
Adhikarana sAnnipAtikamUrchAyalakShaNam (13) · Śloka 13
সর্বাকৃতিঃ সন্নিপাতাদপস্মার ইবাগতঃ |
স জন্তুং পাতযত্যাশু বিনা বীভত্সচেষ্টিতৈঃ ||১৩||
(চ. সূ. অ. ২৪) |
View original
सर्वाकृतिः सन्निपातादपस्मार इवागतः |
स जन्तुं पातयत्याशु विना बीभत्सचेष्टितैः ||१३||
(च. सू. अ. २४) |
সান্নিপাতিকমাহ– সর্বেত্যাদি| ননু, সর্বাকৃতিরিতি বিরুদ্ধম্, উদ্দেশে “ষড্বিধা সা প্রকীর্তিতা” ইত্যভিহিতত্বাত্; সন্নিপাতজযা সহ সপ্ত প্রসজ্যেরন্? উচ্যতে– উদ্দেশঃ সুশ্রুতগ্রন্থেন, চরকগ্রন্থেন চ বিবরণম্| চরকে হ্যেকজাস্তিস্রস্ত্রিদোষজা চৈকেতি চতস্রঃ পঠ্যন্তে| যদুক্তমষ্টোদরীয– “চত্বারো মূর্ছাযা ইতি অপস্মারৈর্ব্যাখ্যাতাঃ|” (চ. সূ. অ. ১৮) ইতি| রক্তমদ্যবিষজানাং যথাদোষমেতাস্বন্তর্ভাবঃ; সুশ্রুতে চৈতা রক্তাদিজা লক্ষণচিকিত্সাভেদখ্যাপনার্থং সাক্ষাত্ পঠিতাঃ, ত্রিদোষজাযাঃ দোষজাস্বন্তর্ভাবঃ ইত্যভিপ্রাযেণ ভেদ আচার্যযোঃ; সঙ্গ্রহে চাত্র সর্বতন্ত্রস্বীকারাদুভযমপি লিখিতমিত্যদোষঃ| অপস্মার ইবেতি যথাঽপস্মারী মহতাঽভিঘাতেন পততি চিরেণ প্রতিবুধ্যতে| অপস্মারে ফেনবামিত্বদন্তঘট্টনাক্ষিবৈকৃতাদিকমধিকমিতি ভেদঃ| বীভত্সচেষ্টিতৈরিতি ফেনবামিত্বাদিভিরেব||১৩||
Adhikarana raktajamUrchAyasamprAptiH (14) · Śloka 14
পৃথিব্যাপস্তমোরূপং রক্তগন্ধস্তদন্বযঃ |
তস্মাদ্রক্তস্য গন্ধেন মূর্ছন্তি ভুবিমানবাঃ ||১৪||
দ্রব্যস্বভাব ইত্যেকে দৃষ্ট্বা যদভিমুহ্যতি |
(সু. উ. তং. অ. ৪৬) |
View original
पृथिव्यापस्तमोरूपं रक्तगन्धस्तदन्वयः |
तस्माद्रक्तस्य गन्धेन मूर्छन्ति भुविमानवाः ||१४||
द्रव्यस्वभाव इत्येके दृष्ट्वा यदभिमुह्यति |
(सु. उ. तं. अ. ४६) |
রক্তজমূর্ছাসম্প্রাপ্তিমাহ– পৃথিব্যাপ ইত্যাদি| পৃথিবী আপশ্চ এতদ্দ্বযং তমোরূপং তমোবহুলম্, উক্তং হি– “তমোবহুলা পৃথিবী, সত্ত্বতমোবহুলা আপঃ|” (সু. শা. অ. ১) ইতি| ‘পৃথিব্যম্ভ’ ইতি পাঠে অযমেবার্থঃ| তদন্বযঃ পৃথিব্যম্ভোঽন্বযঃ; ‘তন্মযঃ’ ইতি পাঠে পৃথিবীজলমযঃ, প্রকৃতিবিকারভাবে মযট্| তস্মাদিতি যস্মাত্ পৃথিব্যাপস্তমোরূপং রক্তগন্ধশ্চ তদন্বযঃ, মূর্ছা চ তমঃপ্রাযা, তস্মাদিত্যর্থঃ| ভুবিমানবাঃ ইতি পাঞ্চভৌতিকত্বেঽপি শরীরস্যোদ্ভূতভূমিগুণা যে তে ভুবিমানবাঃ পার্থিবাঃ, তামসা ইত্যর্থঃ; নতু রাজসাঃ, সাত্ত্বিকা বা| ননু চম্পকাদিগন্ধেনাপি মূর্ছা প্রসজ্যেত? তত্রাপি গন্ধস্য পার্থিবত্বাত্ পৃথিব্যাশ্চ তমোরূপত্বাদিত্যত আহ– দ্রব্যস্বভাব ইত্যাদি| রক্তস্যাযং স্বভাবঃ, তেন তদ্গত এব গন্ধো মূর্ছযতীতি| স্বভাবমেব দ্রঢযতি– দৃষ্ট্বা যদভিমুহ্যতীতি| ‘যচ্চ দৃষ্ট্বাঽপি মুহ্যতি’ ইতি পাঠান্তরম্| অন্যে তু গন্ধাসম্বন্ধেঽপি দর্শনমাত্রান্মূর্ছোপলম্ভাদনৈকান্তিকত্বং গন্ধস্য মন্যমানাঃ স্বভাবমেব হেত্বন্তরমাহুঃ; এতেন গন্ধস্য প্রাযিকত্বমুক্তম্| অন্যে তু গন্ধস্য হেতুত্বমপাস্য দর্শনস্যৈব হেতুত্বং মন্যন্তেঃ; তন্ন, যদাহ ভোজঃ– “স্তব্ধাঙ্গদৃষ্টির্ভবতি গূঢোচ্ছ্বাসস্তথৈব চ দর্শনাদসৃজস্তজ্জাদ্গন্ধাচ্চৈব প্রমুহ্যতি||” ইতি| “পৃথিব্যা যত্তমোরূপম্ ইতি” পাঠান্তরং সুগমম্| “পৃথিব্যম্ভস্তমোরূপং রক্তগন্ধেন তত্ত্রযম্|” ইতি পাঠান্তরস্য জেজ্জটলিখিতস্যাযমর্থঃ– রক্তগন্ধেন তু যদুক্তমব্যভিচরিতং প্রকৃতিবিকারযোস্তাদর্থ্যাত্ কিং তত্ত্রযমিত্যত উক্তম্– পৃথিব্যম্ভস্তমোরূপমিতি; পৃথিব্যম্ভস্তমসাং রূপমিত্যর্থঃ, শেষং পূর্ববত্| দৃষ্ট্বেতি রক্তমিতি শেষঃ||১৪||
Adhikarana viShajamUrchAyasya madyajamUrchAyasya ca samprAptiH (15) · Śloka 15
গুণাস্তীব্রতরত্বেন স্থিতাস্তু বিষমদ্যযোঃ ||১৫||
ত এব তস্মাত্তাভ্যাং তু মোহৌ স্যাতাং যথেরিতৌ |
(সু. উ. তং. অ. ৪৬) |
View original
गुणास्तीव्रतरत्वेन स्थितास्तु विषमद्ययोः ||१५||
त एव तस्मात्ताभ्यां तु मोहौ स्यातां यथेरितौ |
(सु. उ. तं. अ. ४६) |
বিষমদ্যজে প্রাহ– গুণা ইত্যাদি| গুণা দশ; যদুক্তং দৃঢবলেন– “লঘু রূক্ষমাশু বিশদং ব্যবাযি তীক্ষ্ণং বিকাশি সূক্ষ্মং চ| উষ্ণমনির্দেশ্যরসং দশগুণমুক্তং বিষং তজ্জ্ঞৈঃ||” (চ. চি. অ. ২৩) ইতি| তে তৈলাদৌ ব্যস্তাস্তীব্রাঃ সন্তি, বিষমদ্যযোস্তু তীব্রতরাঃ, অতস্তৈলাদিভির্ন মোহঃ, কিন্তু বিষমদ্যাভ্যামিতি| ত এবেতি গুণা লঘুত্বাদযঃ| যথেরিতাবিতি বিষজো মোহো ন স্বযং নিবর্ততে বিষস্যাপাকিত্বাত্, মদ্যজস্তু মদ্যপরিণামাদেব শাম্যতি, অযং চ ভেদো বিষমদ্যযোঃ প্রভাবাত্| উক্তং হি তন্ত্রান্তরে– “যে বিষস্য গুণাঃ প্রোক্তাঃ সন্নিপাতপ্রকোপণাঃ| ত এব মদ্যে দৃশ্যন্তে বিষে তু বলবত্তরাঃ||” ইতি||১৫||
Adhikarana raktajAdimUrchAtrayasya rUpANi (16-18) · Śloka 18
স্তব্ধাঙ্গদৃষ্টিস্ত্বসৃজা গূঢোচ্ছ্বাসশ্চ মূর্ছিতঃ ||১৬||
মদ্যেন বিলপংশ্ছেতে নষ্টবিভ্রান্তমানসঃ |
গাত্রাণি বিক্ষিপন্ ভূমৌ জরাং যাবন্ন যাতি তত্ ||১৭||
বেপথুস্বপ্নতৃষ্ণাঃ স্যুস্তমশ্চ বিষমূর্ছিতে |
বেদিতব্যং তীব্রতরং যথাস্বং বিষলক্ষণৈঃ ||১৮||
(সু. উ. তং. অ. ৪৬) |
View original
स्तब्धाङ्गदृष्टिस्त्वसृजा गूढोच्छ्वासश्च मूर्छितः ||१६||
मद्येन विलपंश्छेते नष्टविभ्रान्तमानसः |
गात्राणि विक्षिपन् भूमौ जरां यावन्न याति तत् ||१७||
वेपथुस्वप्नतृष्णाः स्युस्तमश्च विषमूर्छिते |
वेदितव्यं तीव्रतरं यथास्वं विषलक्षणैः ||१८||
(सु. उ. तं. अ. ४६) |
রক্তজাদিমূর্ছাত্রযস্য রূপাণ্যাহ– স্তব্ধাঙ্গেত্যাদি মূর্ছিত ইত্যন্তং রক্তজাযাঃ গূঢোচ্ছ্বাসশ্চাস্পষ্টোচ্ছ্বাসঃ| ‘মূঢ’ ইতি পাঠে সন্নিরুদ্ধ ইত্যর্থঃ ইতি জেজ্জটঃ| মদ্যেনেত্যাদি তদিত্যন্তং মদ্যজাযাঃ| ‘নষ্টবিভ্রান্তমানস’ ইত্যত্র নিষ্টলন্ ভ্রান্তমানসঃ’ ইতি পাঠান্তরে নিষ্টনন্ শব্দং কুর্বন্| বেপথ্বাদিনা বিষজাযাঃ| যথাস্বং বিষলক্ষণৈরিতি বিষস্য মূলপত্রক্ষীরাদিভেদেন প্রাতিস্বিকং যল্লক্ষণমুক্তং সৌশ্রুতকল্পস্থান (সু. ক. অ. ২) তল্লক্ষণযুক্তা মূর্ছা ভবতীত্যর্থঃ||১৬-১৮||
Adhikarana mUrchAbhramatandrAnidrAdInAM parasparaM bhedaH, bhramalakShaNaM ca (19) · Śloka 19
মূর্ছা পিত্ততমঃপ্রাযা রজঃপিত্তানিলাদ্ভ্রমঃ |
তমোবাতকফাত্তন্দ্রা নিদ্রা শ্লেষ্মতমোভবা ||১৯||
(সু. শা. অ. ৪) |
(চক্রবদ্ভ্রমতো গাত্রং ভূমৌ পততি সর্বদা |
ভ্রমরোগ ইতি জ্ঞেযো রজঃপিত্তানিলাত্মকঃ) |
View original
मूर्छा पित्ततमःप्राया रजःपित्तानिलाद्भ्रमः |
तमोवातकफात्तन्द्रा निद्रा श्लेष्मतमोभवा ||१९||
(सु. शा. अ. ४) |
(चक्रवद्भ्रमतो गात्रं भूमौ पतति सर्वदा |
भ्रमरोग इति ज्ञेयो रजःपित्तानिलात्मकः) |
সঞ্জ্ঞানাশসাধর্ম্যেঽপি মূর্ছাদীনাং কো ভেদঃ? ইত্যাহ– মূর্ছা পিত্ততমঃপ্রাযেত্যাদি| তমোবাতকফাদিতি সমাহারদ্বন্দ্বঃ| নিদ্রাতন্দ্রযোশ্চৈতানি কারণানি ব্যস্তসমস্তানি; তেন সুশ্রুতেন যদতিলঙ্ঘিতলক্ষণে নিদ্রাতন্দ্রে পঠিতে বিনৈব কফাত্ অতিলঙ্ঘনস্য শ্লেষ্মক্ষযহেতুত্বাত্||১৯||
Adhikarana tandrAlakShaNam (20) · Śloka 20
ইন্দ্রিযার্থেষ্বসংবিত্তির্গৌরবং জৃম্ভণং ক্লমঃ |
নিদ্রার্তস্যেব যস্যেহা তস্য তন্দ্রাং বিনির্দিশেত্ ||২০||
(সু. শা. অ. ২৪) |
View original
इन्द्रियार्थेष्वसंवित्तिर्गौरवं जृम्भणं क्लमः |
निद्रार्तस्येव यस्येहा तस्य तन्द्रां विनिर्दिशेत् ||२०||
(सु. शा. अ. २४) |
তন্দ্রালক্ষণমাহ– ইন্দ্রিযার্থেষ্বিত্যাদি| নিদ্রাভ্রমযোস্তু লক্ষণং নোক্তমিহ, অতিপ্রসিদ্ধত্বাত্| নিদ্রা হি বিপ্লুতমনসঃ সর্বেন্দ্রিযাণাং স্ববিষযনিবৃত্তিঃ| যদাহ চরকে– “যদা তু মনসি ক্লান্তে কর্মাত্মানঃ ক্লমান্বিতাঃ| বিষযেভ্যো নিবর্তন্তে তদা স্বপিতি মানবঃ||” (চ. সূ. অ. ২১) ইতি| অত্র কর্মাত্মান ইন্দ্রিযাণি; নিরিন্দ্রিযপ্রদেশে মনসোঽবস্থিতির্নিদ্রেতি মতেঽপ্যযমেবার্থঃ| নিদ্রাতন্দ্রযোস্তূক্তকারণভেদাদ্ভেদঃ, উদ্ভূতজৃম্ভাদেশ্চানুভবসিদ্ধত্বাদিতি; তথা নিদ্রাযামিন্দ্রিযমনোমোহঃ; তন্দ্রাযামিন্দ্রিযমোহঃ| ভ্রমলক্ষণং তু চক্রস্থিতস্যেব ভ্রমদ্বস্তুদর্শনমিতি||২০||
Adhikarana sannyAsasya mUrchAdibhyo bhedaH (21) · Śloka 21
দোষেষু মদমূর্ছাযাঃ কৃতবেগেষু দেহিনাম্ |
স্বযমেবোপশাম্যন্তি সন্ন্যাসো নৌষধৈর্বিনা ||২১||
(চ. সূ. অ. ২৪) |
View original
दोषेषु मदमूर्छायाः कृतवेगेषु देहिनाम् |
स्वयमेवोपशाम्यन्ति सन्न्यासो नौषधैर्विना ||२१||
(च. सू. अ. २४) |
সন্ন্যাসস্য মূর্ছাদিভ্যো ভেদমাহ– দোষেষ্বিত্যাদি ||২১||
Adhikarana sannyAsalakShaNam (22-23) · Śloka 23
বাগ্দেহমনসাং চেষ্টামাক্ষিপ্যাতিবলা মলাঃ |
সন্ন্যস্যন্ত্যবলং জন্তুং প্রাণাযতনমাশ্রিতাঃ ||২২||
স না সন্ন্যাসসন্ন্যস্তঃ কাষ্ঠীভূতো মৃতোপমঃ |
প্রাণৈর্বিমুচ্যতে শীঘ্রং মুক্ত্বা সদ্যঃফলাং ক্রিযাম্ ||২৩||
(চ. সূ. অ. ২৪) |
View original
वाग्देहमनसां चेष्टामाक्षिप्यातिबला मलाः |
सन्न्यस्यन्त्यबलं जन्तुं प्राणायतनमाश्रिताः ||२२||
स ना सन्न्याससन्न्यस्तः काष्ठीभूतो मृतोपमः |
प्राणैर्विमुच्यते शीघ्रं मुक्त्वा सद्यःफलां क्रियाम् ||२३||
(च. सू. अ. २४) |
তল্লক্ষণমাহ– বাগিত্যাদি| অতিবলা ইত্যনেন মূর্ছাদ্যারম্ভকদোষেভ্যোঽধিকত্বেন প্রবৃদ্ধা দোষাস্তমশ্চেতি বোধযতি| সন্ন্যস্যন্তি মোহযন্তি| স না পুরুষঃ, সন্ন্যাসসন্ন্যস্তঃ সন্ন্যাসপীডিতঃ, কাষ্ঠীভূতঃ ইতি অত্যন্তনিষ্ক্রিযত্বেন অকাষ্ঠমেব কাষ্ঠবদ্ভূতঃ, অত এব মৃতোপম ইতি| মুক্ত্বা সদ্যঃফলাং ক্রিযামিতি সূচীব্যধনাঞ্জনাবপীডনশূকশিম্বীফলাবঘর্ষণাদিরূপা ক্রিযা যদি ক্রিযতে তদা প্রাণৈর্ন বিমুচ্যতে, অন্যথা তু ম্রিযতে ইতি||২২-২৩||
Adhikarana puShpikA · Śloka 17
ইতি শ্রীমাধবকরবিরচিতে মাধবনিদানে মূর্ছাভ্রমনিদ্রাতন্দ্রাসন্ন্যাসনিদানং সমাপ্তম্ ||১৭||
View original
इति श्रीमाधवकरविरचिते माधवनिदाने मूर्छाभ्रमनिद्रातन्द्रासन्न्यासनिदानं समाप्तम् ||१७||
ইতি শ্রীবিজযরক্ষিতকৃতাযাং মধুকোশব্যাখ্যাযাং মূর্ছাভ্রমনিদ্রাতন্দ্রাসন্যাসনিদানং সমাপ্তম্||১৭||