Adhikarana nADIvraNasya samprAptiH (1) · Śloka 1
অথ নাডীব্রণনিদানম্ |
যঃ শোথমামমতিপক্বমুপেক্ষতেঽজ্ঞো যো বা ব্রণং প্রচুরপূযমসাধুবৃত্তঃ |
অভ্যন্তরং প্রবিশতি প্রবিদার্য তস্য স্থানানি পূর্ববিহিতানি ততঃ সপূযঃ ||১||
(সু. নি. অ. ১০) |
View original
अथ नाडीव्रणनिदानम् |
यः शोथमाममतिपक्वमुपेक्षतेऽज्ञो यो वा व्रणं प्रचुरपूयमसाधुवृत्तः |
अभ्यन्तरं प्रविशति प्रविदार्य तस्य स्थानानि पूर्वविहितानि ततः सपूयः ||१||
(सु. नि. अ. १०) |
ভগ্নস্যাপি ব্রণস্যোপেক্ষযা নাডী ভবতি, অতোঽনন্তরং নাডীমাহ– যঃ শোথমিত্যাদি| উপেক্ষত ইতি পীডনশোধনাদিকং ন করোতি| প্রচুরপূয ইত্যনেন গম্ভীরপাকিত্বমুক্তম্| অসাধুবৃত্তঃ অহিতাহারাচারঃ| স্থানানি পূর্ববিহিতানীতি ব্রণাস্রাববিজ্ঞানীযোক্তানি ত্বঙ্মাংসসিরাস্নাযুসন্ধ্যস্থিকোষ্ঠমর্মাণি||১||
Adhikarana nADIvraNasya niruktiH (2) · Śloka 2
তস্যাতিমাত্রগমনাদ্গতিরিষ্যতে তু নাডীব যদ্বহতি তেন মতা তু নাডী |২|
(সু. নি. অ. ১০) |
View original
तस्यातिमात्रगमनाद्गतिरिष्यते तु नाडीव यद्वहति तेन मता तु नाडी |२|
(सु. नि. अ. १०) |
তস্যেতি পূযস্য| নাডীবেতি অন্তঃশুষিরলতাদিনাডীবত্|২|–
Adhikarana nADIvraNasa~gkhyA (2) · Śloka 2
দোষৈস্ত্রিভির্ভবতি সা পৃথগেকশশ্চ সম্মূর্ছিতৈরপি চ শল্যনিমিত্ততোঽন্যা ||২||
(সু. নি. অ. ১০) |
View original
दोषैस्त्रिभिर्भवति सा पृथगेकशश्च सम्मूर्छितैरपि च शल्यनिमित्ततोऽन्या ||२||
(सु. नि. अ. १०) |
তাসাং কালান্তরসম্ভবেন দোষানুবন্ধেন সঙ্খ্যামাহ– দোষৈস্ত্রিভিরিত্যাদি| দোষৈঃ পৃথক্ তিস্রঃ| একশশ্চ সম্মূর্ছিতৈরিতি প্রত্যেকং বৃদ্ধ্যা মিশ্রীভূতৈস্ত্রিভিশ্চতুর্থী; কার্তিকস্তু সন্নিপতিতৈরিত্যধ্যাহার্য একশশ্চ সন্নিপতিতৈরন্যা| সম্মূর্ছিতৈঃ সংশ্লিষ্টৈরপরাস্তিস্রঃ| অত এবোক্তং সুশ্রুতে– “দোষদ্বযাভিহিতলক্ষণদর্শনেন তিস্রো গতীর্ব্যতিকরপ্রভবাস্তু বিদ্যাত্|” (সু. নি. অ. ১০) ইতি| ব্যতিকরপ্রভবা দ্বন্দ্বপ্রভবাঃ; অপি চকারৌ সার্থকাবিত্যাহুঃ| ন চোক্তপঞ্চসঙ্খ্যাহানিঃ, অস্মিন্ পক্ষেঽতিদেশেনোক্তযোর্দ্বন্দ্বসন্নিপাতযোঃ সর্বত্রাগণনাত্| শল্যনিমিত্ততোঽন্যেতি আগন্তুরপরেত্যর্থঃ| ইতি পঞ্চ নাড্যঃ||২||
Adhikarana vAtajanADIvraNalakShaNam (3) · Śloka 3
তত্রানিলাত্ পরুষসূক্ষ্মমুখী সশূলা ফেনানুবিদ্ধমধিকং স্রবতি ক্ষপাসু |৩|
(সু. নি. অ. ১০) |
View original
तत्रानिलात् परुषसूक्ष्ममुखी सशूला फेनानुविद्धमधिकं स्रवति क्षपासु |३|
(सु. नि. अ. १०) |
বাতজামাহ– তত্রেত্যাদি| অধিকং স্রবতি ক্ষপাস্বিতি শৈত্যেন বাতবৃদ্ধে রাত্রাবধিকং স্রবণম্|৩|–
Adhikarana pittajanADIvraNalakShaNam (3) · Śloka 3
পিত্তাত্তৃষাজ্বরকরী পরিদাহযুক্তা পীতং স্রবত্যধিকমুষ্ণমহঃসু চাপি ||৩||
(সু. নি. অ. ১০) |
View original
पित्तात्तृषाज्वरकरी परिदाहयुक्ता पीतं स्रवत्यधिकमुष्णमहःसु चापि ||३||
(सु. नि. अ. १०) |
পিত্তজামাহ– পিত্তাদিত্যাদি| অধিকমুষ্ণমহঃসু চেতি দিবা ঔষ্ণ্যেন পিত্তকোপাত্||৩||
Adhikarana kaphajanADIvraNalakShaNam (4) · Śloka 4
জ্ঞেযা কফাদ্বহুঘনার্জুনপিচ্ছিলাস্রা স্তব্ধা সকণ্ডুররুজা রজনীপ্রবৃদ্ধা |৪|
(সু. নি. অ. ১০) |
View original
ज्ञेया कफाद्बहुघनार्जुनपिच्छिलास्रा स्तब्धा सकण्डुररुजा रजनीप्रवृद्धा |४|
(सु. नि. अ. १०) |
কফজামাহ– জ্ঞেযেত্যাদি| বহুঘনার্জুনপিচ্ছিলাস্রা ইতি অত্রার্জুনঃ শ্বেতঃ, ঘনঃ সান্দ্রঃ, আস্রশব্দ আস্রাবশব্দৈকদেশপাঠঃ, পদেঽপি পদৈকদেশপ্রযোগাত্| যথা “জে প্রোষ্ঠপদানাম্” ইত্যত্র জে ইত্যনেনৈব জাত ইত্যুচ্যতে| পিচ্ছিলাস্রুরিতি পাঠেঽপ্যযমেবার্থঃ| আস্রুশব্দঃ সম্পদাদিষু পাঠাত্ ক্বিবন্তঃ, তুগভাবস্ত্বাগমানিত্যত্বাত্|৪|–
Adhikarana tridoShajanADIvraNalakShaNam (4) · Śloka 4
দাহজ্বরশ্বসনমূর্ছনবক্ত্রশোষা যস্যাং ভবন্ত্যভিহিতানি চ লক্ষণানি ||৪||
তামাদিশেত্ পবনপিত্তকফপ্রকোপাদ্ঘোরামসুক্ষযকরীমিব কালারাত্রিম্ |
(সু. নি. অ. ১০) |
View original
दाहज्वरश्वसनमूर्छनवक्त्रशोषा यस्यां भवन्त्यभिहितानि च लक्षणानि ||४||
तामादिशेत् पवनपित्तकफप्रकोपाद्घोरामसुक्षयकरीमिव कालारात्रिम् |
(सु. नि. अ. १०) |
ত্রিদোষজামাহ– দাহেত্যাদি| অভিহিতানীতি প্রত্যেকং বাতাদিজনাডীকথিতানি| অসুক্ষযকরীমিতি মারণাত্মিকাং, কালরাত্রিং মরণকারিণীং যমভগিনীমিব| ‘গতিং ত্বসুহরাম্’ ইতি পাঠান্তরম্||৪||–
Adhikarana shalyanimittajanADIvraNalakShaNam (5) · Śloka 5
নষ্টং কথঞ্চিদনুমার্গমুদীরিতেষু স্থানেষু শল্যমচিরেণ গতিং করোতি ||৫||
সা ফেনিলং মথিতমুষ্ণমসৃগ্বিমিশ্রং স্রাবং করোতি সহসা সরুজা চ নিত্যম্ |
(সু. নি. অ. ১০) |
View original
नष्टं कथञ्चिदनुमार्गमुदीरितेषु स्थानेषु शल्यमचिरेण गतिं करोति ||५||
सा फेनिलं मथितमुष्णमसृग्विमिश्रं स्रावं करोति सहसा सरुजा च नित्यम् |
(सु. नि. अ. १०) |
শল্যনিমিত্তামাহ– নষ্টমিত্যাদি| নষ্টমদৃশ্যমানম্| কথঞ্চিদিতি বেগক্ষযাদিকারণানামনিযমার্থমুক্তম্| অনুমার্গং মার্গং লক্ষীকৃত্য| কেচিত্ ‘অণুমার্গম্’ ইতি পঠিত্বা শল্যবিশেষণতযা যোজযন্তি| কিন্ত্বস্মিন্ পক্ষেঽণুমার্গত্বেনৈব শল্যস্যাদর্শনে প্রযুক্তে কথঞ্চিদিতি নিরর্থকং স্যাত্| উদীরিতেষ্বিতি ত্বগাদিষু| ফেনিলং ফেনবন্তম্| মথিতমুন্মথিতম্| উষ্ণমুষ্ণস্পর্শম্| এতে চ ধর্মাঃ প্রসারণাকুঞ্চনাদৌ চলতা শল্যেন মাংসাদিক্ষোভেণ ভবন্তি||৫||
Adhikarana nADIvraNasya sAdhyatvAdilakShaNam (6) · Śloka 6
নাডী ত্রিদোষপ্রভবা ন সিধ্যেচ্ছেষাশ্চতস্রঃ খলু যত্নসাধ্যাঃ ||৬||
(সু. চি. অ. ১৭) |
View original
नाडी त्रिदोषप्रभवा न सिध्येच्छेषाश्चतस्रः खलु यत्नसाध्याः ||६||
(सु. चि. अ. १७) |
অসাধ্যত্বাদিকমাহ– নাডীত্যাদি| ননু, নাডী ত্রিদোষপ্রভবা ন সিধ্যেদিতি পুনরুক্তম্, অসুক্ষযকরীমিত্যনেনৈবাসাধ্যত্বস্যোক্তত্বাত্| নৈবম্, অযং গ্রন্থঃ সুশ্রুতেন নিদানস্থানোক্তমেব ত্রিদোষনাড্যা অসাধ্যত্বমনূদ্য তদন্যাসাং শেষত্বনিশ্চযেন যত্নসাধ্যত্বপ্রতিপাদনায চিকিত্সিতে পঠিতঃ, স এবাত্র মাধবকরেণ লিখিত ইত্যদোষঃ||৬||
Adhikarana puShpikA · Śloka 45
ইতি শ্রীমাধবকরবিরচিতে মাধবনিদানে নাডীব্রণনিদানং সমাপ্তম্ ||৪৫||
View original
इति श्रीमाधवकरविरचिते माधवनिदाने नाडीव्रणनिदानं समाप्तम् ||४५||
ইতি শ্রীকণ্ঠদত্তবিরচিতাযাং মধুকোশব্যাখ্যাযাং নাডীব্রণনিদানং সমাপ্তম্||৪৫||