Adhikarana vraNasya dvaividhyaM, vAtaja-pittaja-kaphaja-raktaja-dvandvaja-sannipAtajavraNalakShaNaM ca (1-4) · Śloka 5
অথ শারীরব্রণনিদানম্ |
দ্বিধা ব্রণঃ স বিজ্ঞেযঃ শারীরাগন্তুভেদতঃ |
দোষৈরাদ্যস্তযোরন্যঃ শস্ত্রাদিক্ষতসম্ভবঃ ||১||
স্তব্ধঃ কঠিনসংস্পর্শো মন্দস্রাবো মহারুজঃ |
তুদ্যতে স্ফুরতি শ্যাবো ব্রণো মারুতসম্ভবঃ ||২||
তৃষ্ণামোহজ্বরক্লেদদাহদুষ্ট্যবদারণৈঃ |
ব্রণং পিত্তকৃতং বিদ্যাদ্গন্ধৈঃ স্রাবৈশ্চ পূতিকৈঃ ||৩||
বহুপিচ্ছো গুরুঃ স্নিগ্ধঃ স্তিমিতো মন্দবেদনঃ |
পাণ্ডুবর্ণোঽল্পসঙ্ক্লেদশ্চিরপাকী কফব্রণঃ ||৪||
(চ. চি. অ. ২৫) |
রক্তো রক্তস্রুতী রক্তাদ্দ্বিত্রিজঃ স্যাত্তদন্বযৈঃ |৫|
View original
अथ शारीरव्रणनिदानम् |
द्विधा व्रणः स विज्ञेयः शारीरागन्तुभेदतः |
दोषैराद्यस्तयोरन्यः शस्त्रादिक्षतसम्भवः ||१||
स्तब्धः कठिनसंस्पर्शो मन्दस्रावो महारुजः |
तुद्यते स्फुरति श्यावो व्रणो मारुतसम्भवः ||२||
तृष्णामोहज्वरक्लेददाहदुष्ट्यवदारणैः |
व्रणं पित्तकृतं विद्याद्गन्धैः स्रावैश्च पूतिकैः ||३||
बहुपिच्छो गुरुः स्निग्धः स्तिमितो मन्दवेदनः |
पाण्डुवर्णोऽल्पसङ्क्लेदश्चिरपाकी कफव्रणः ||४||
(च. चि. अ. २५) |
रक्तो रक्तस्रुती रक्ताद्द्वित्रिजः स्यात्तदन्वयैः |५|
শোথানামনুপক্রান্তানাং ব্রণভাবাপত্তের্ব্রণনিদানমাহ– দ্বিধেত্যাদি| ‘ব্রণ গাত্রবিচূর্ণনে’ ইত্যস্মাদ্ধাতোর্ব্রণস্য সাধুত্বমুক্তম্| ব্রণনিরুক্তিশ্চ সুশ্রুতেন কৃতা| যথা– “বৃণোতি যস্মাদ্রূঢেঽপি ব্রণবাস্তু ন নশ্যতি| আদেহধারণাজ্জন্তোর্ব্রণস্তস্মান্নিরুচ্যতে||” (সু. সূ. অ. ২১) ইতি| অন্য ইত্যাগন্তুঃ| আগন্তুব্রণে যদ্যপি দোষস্তত্কালং তদাত্বেন সঞ্চযকোপপ্রসরণশালী বিকারকরণসমর্থঃ কল্পযিতুং শক্যতে, তথাঽপি সপ্তরাত্রং ক্ষতোষ্মনির্বাপণায মধুসর্পিরুপযোগাত্ শীতক্রিযাবিধানাচ্চ নিজব্রণবিলক্ষণচিকিত্সার্থং ব্যপদিশ্যতে| রক্তস্যৈকৈকস্মিন্ দোষে দ্বন্দ্বে চ প্রসরমাহ– দ্বিত্রিজঃ স্যাত্তদন্বযৈরিত্যাদি| রক্তান্বযৈঃ একৈকদোষৈর্দ্বন্দ্বৈশ্চ; রক্তান্বিতৈরেকৈকদোষৈর্দ্বিজো ব্রণঃ, রক্তান্বিতৈর্দ্বন্দ্বত্রযৈস্ত্রিজঃ; এবং দোষত্রযেঽপি রক্তসম্বন্ধ ঊহনীযঃ; এবং পঞ্চদশধা প্রসরো দোষাণামুপগৃহীতো ভবতি| অথবাঽযমর্থঃ– তদন্বযৈর্দোষদ্বন্দ্বত্রযান্বযৈঃ, তেন দোষদ্বযান্বযেন দ্বিজো দ্বন্দ্বজো ব্রণঃ, দোষত্রযান্বযেন ত্রিজঃ সন্নিপাতজঃ||১-৪||–
Adhikarana vraNasya sAdhyAsAdhyavicAraH (5-6) · Śloka 6
ত্বঙ্মাংসজঃ সুখে দেশে তরুণস্যানুপদ্রবঃ ||৫||
ধীমতোঽভিনবঃ কালে সুখে সাধ্যঃ সুখং ব্রণঃ |
গুণৈরন্যতমৈর্হীনস্ততঃ কৃচ্ছ্রো ব্রণঃ স্মৃতঃ ||৬||
সর্বৈর্বিহীনো বিজ্ঞেযস্ত্বসাধ্যো ভূর্যুপদ্রবঃ |
(চ. চি. অ. ২৫) |
View original
त्वङ्मांसजः सुखे देशे तरुणस्यानुपद्रवः ||५||
धीमतोऽभिनवः काले सुखे साध्यः सुखं व्रणः |
गुणैरन्यतमैर्हीनस्ततः कृच्छ्रो व्रणः स्मृतः ||६||
सर्वैर्विहीनो विज्ञेयस्त्वसाध्यो भूर्युपद्रवः |
(च. चि. अ. २५) |
সাধ্যত্বাদিকমাহ– ত্বগিত্যাদি| সুখে দেশ ইতি মর্মরহিতে দেহাবযবে| অনুপদ্রব ইতি জ্বরতৃষ্ণাদ্যুপদ্রবরহিতঃ| ধীমত ইতি হিতাহিতজ্ঞস্য| কালে সুখে ইতি হেমন্তে শিশিরে চ| অন্যতমৈরিতি উক্তানাং গুণানাং মধ্যে একতমৈর্গুণৈঃ||৫-৬||–
Adhikarana duShTavraNalakShaNam (7) · Śloka 8
পূতিঃ পূযাতিদুষ্টাসৃক্স্রাব্যুত্সঙ্গী চিরস্থিতিঃ ||৭||
দুষ্টো ব্রণোঽতিগন্ধাদিঃ শুদ্ধলিঙ্গবিপর্যযঃ |৮|
View original
पूतिः पूयातिदुष्टासृक्स्राव्युत्सङ्गी चिरस्थितिः ||७||
दुष्टो व्रणोऽतिगन्धादिः शुद्धलिङ्गविपर्ययः |८|
দুষ্টব্রণলিঙ্গমাহ– পূতিরিত্যাদি| পূযাতিদুষ্টাসৃক্স্রাবীতি পূযযুক্তমতিদুষ্টং রক্তং সততং স্রবতীত্যর্থঃ| উত্সঙ্গী কোটরবান্| চিরস্থিতিরিত্যনেন বহুলদোষসম্বন্ধং দর্শযতি| তথা চোক্তম্– “অনাত্মবতামজ্ঞৈশ্চোপক্রান্তা ব্রণাঃ প্রদূষ্যন্তি, বৃদ্ধত্বাদ্দোষাণাম্||” (সু. সূ. অ. ২২) ইতি| দুষ্টব্রণ ইত্যত্র ‘পরিভাষিত’ ইতি শেষঃ| অতিগন্ধাদিরিতি আদিশব্দেন বর্ণস্রাববেদনাকৃতযো গৃহীতাঃ, অতিশব্দেন চ বিশিষ্যন্তে| শুদ্ধলিঙ্গবিপর্যয ইতি বক্ষ্যমাণশুদ্ধলিঙ্গবিপরীতঃ পূতিত্বাদিযোগাদেব| ‘পূতিপূযাতিদুষ্টাসৃক্স্রাবি’ ইতি ক্বচিত্ পাঠে পূতিশব্দঃ পূযদুষ্টাসৃগ্বিশেষণম্||৭||–
Adhikarana shuddhavraNalakShaNam (8) · Śloka 9
জিহ্বাতলাভোঽতিমৃদুঃ শ্লক্ষ্ণঃ স্নিগ্ধোঽল্পবেদনঃ ||৮||
সুব্যবস্থো নিরাস্রাবঃ শুদ্ধো ব্রণ ইতি স্মৃতঃ |৯|
View original
जिह्वातलाभोऽतिमृदुः श्लक्ष्णः स्निग्धोऽल्पवेदनः ||८||
सुव्यवस्थो निरास्रावः शुद्धो व्रण इति स्मृतः |९|
শুদ্ধব্রণলক্ষণমাহ– জিহ্বেত্যাদি| জিহ্বাতলাভ ইতি জিহ্বাতলবদাভা প্রভা যস্য স তথা; তলশব্দঃ স্বরূপবচনঃ| জিহ্বাতলাভশব্দশ্চাত্র মৃদুশ্লক্ষ্ণস্নিগ্ধশব্দৈঃ প্রত্যেকমভিসম্বধ্যতে; তেন জিহ্বাতলাভো মৃদুঃ শ্লক্ষ্ণঃ স্নিগ্ধশ্চেত্যাহুঃ| সুব্যবস্থ ইতি উত্সন্নোত্সঙ্গিত্বরহিতঃ| নিরাস্রাব ইতি দোষকৃতস্রাবরহিতঃ| চরকে তু পঠ্যতে– “নাতিরক্তো নাতিপাণ্ডুর্নাতিস্রাবো ন চাতিরুক্| ন চোত্সন্নো ন চোত্সঙ্গী শুদ্ধো রোপ্যঃ পরং ব্রণঃ||” (চ. চি. অ. ২৫) ইতি, তদ্দর্শনাদত্র নিরাস্রাবত্বং দোষকৃতস্রাবহীনত্বং, বিগতবেদনত্বং চ বাতাদ্যুক্তবেদনারহিতত্বম্| ব্রণস্রাবকৃতবেদনাযুক্তত্বং পুনরস্ত্যেব, অত এব রূঢলিঙ্গে অরুজমিত্যুক্তম্||৮||–
Adhikarana ruhyamAnavraNalakShaNam (9) · Śloka 9
কপোতবর্ণপ্রতিমা যস্যান্তাঃ ক্লেদবর্জিতাঃ ||৯||
স্থিরাশ্চ পিডকাবন্তো রোহতীতি তমাদিশেত্ |
(সু. সূ. অ. ২৩) |
View original
कपोतवर्णप्रतिमा यस्यान्ताः क्लेदवर्जिताः ||९||
स्थिराश्च पिडकावन्तो रोहतीति तमादिशेत् |
(सु. सू. अ. २३) |
রুহ্যমাণলক্ষণমাহ– কপোতেত্যাদি| কপোতবর্ণপ্রতিমা ইতি পাণ্ডুধূসরাঃ, স্থিরাঃ অদরণাঃ| ‘চিপিটিকাবর্ণ’ ইতি পাঠান্তরে চিপিটিকা মাংসচেলী, তদ্বর্ণঃ||৯||–
Adhikarana samyagrUDhavraNalakShaNam (10) · Śloka 10
রূঢবর্ত্মানমগ্রন্থিমশূনমরুজং ব্রণম্ ||১০||
ত্বক্সবর্ণং সমতলং সম্যগ্রূঢং বিনির্দিশেত্ |
(সু. সূ. অ. ২৩) |
View original
रूढवर्त्मानमग्रन्थिमशूनमरुजं व्रणम् ||१०||
त्वक्सवर्णं समतलं सम्यग्रूढं विनिर्दिशेत् |
(सु. सू. अ. २३) |
সম্যগ্রূঢলক্ষণমাহ– রূঢবর্ত্মানমিত্যাদি| রূঢবর্ত্মানমিতি বর্ত্ম ব্রণমার্গো ব্রণবাস্তু রূঢো যস্য তম্| অন্তঃপূযাভাবাদশূনমরুজং চ| ত্বক্সবর্ণং ত্বচাসমানবর্ণম্| সমতলমিতি সমং তলেন জিহ্বাতলেন করতলেন বা| অগ্রন্থিমিত্যনেন উপরি উচ্ছূনতাযা নিষেধঃ, সমতলেন ত্বধোনিম্নতাযা নিষেধঃ||১০||–
Adhikarana vyAdhivisheSheNa vraNasya kRucchrasAdhyatvam (11-12) · Śloka 12
কুষ্ঠিনাং বিষজুষ্টানাং শোষিণাং মধুমেহিনাম্ ||১১||
ব্রণাঃ কৃচ্ছ্রেণ সিধ্যন্তি যেষাং চাপি ব্রণে ব্রণাঃ |
বসাং মেদোঽথ মজ্জানং মস্তুলুঙ্গং চ যঃ স্রবেত্ ||১২||
আগন্তুজো ব্রণঃ সিদ্ধ্যেন্ন সিদ্ধ্যেদ্দোষসম্ভবঃ |
(সু. সূ. অ. ২৩) |
View original
कुष्ठिनां विषजुष्टानां शोषिणां मधुमेहिनाम् ||११||
व्रणाः कृच्छ्रेण सिध्यन्ति येषां चापि व्रणे व्रणाः |
वसां मेदोऽथ मज्जानं मस्तुलुङ्गं च यः स्रवेत् ||१२||
आगन्तुजो व्रणः सिद्ध्येन्न सिद्ध्येद्दोषसम्भवः |
(सु. सू. अ. २३) |
ব্যাধিবিশেষেণ ব্রণস্য কৃচ্ছ্রসাধ্যত্বমাহ– কুষ্ঠিনামিত্যাদি| কুষ্ঠবিশেষেণাত্যন্তদোষদূষিতরক্তাদিদূষ্যত্বেন সর্বদা দুষ্টিরধিকেতি কৃচ্ছ্রসাধ্যত্বম্| বিষজুষ্টানামিতি দূষীবিষার্তানাম্| শোষে মধুমেহে চ ধাতুক্ষযাত্, ব্রণে চ রক্তস্রাবাদাহারসংযমনাদধিকা দুষ্টিঃ| বসাং মেদোঽথ মজ্জানং মস্তুলুঙ্গং চ যঃ স্রবেদিতি মজ্জা অস্থিস্নেহঃ, মস্তুলুঙ্গং ঘৃতিকা| ন সিধ্যেদ্দোষসম্ভব ইতি দোষৈরতিদূষিতানাং বসাদীনাং স্রাবস্য বহুব্যাপত্তিকরত্বাত্||১১-১২||
Adhikarana vraNAnAM riShTarUpA gandhavikRutiH (13) · Śloka 13
মদ্যাগুর্বাজ্যসুমনঃপদ্মচন্দনচম্পকৈঃ ||১৩||
সগন্ধা দিব্যগন্ধাশ্চ মুমূর্ষূণাং ব্রণাঃ স্মৃতাঃ |
(সু. সূ. অ. ২৮) |
View original
मद्यागुर्वाज्यसुमनःपद्मचन्दनचम्पकैः ||१३||
सगन्धा दिव्यगन्धाश्च मुमूर्षूणां व्रणाः स्मृताः |
(सु. सू. अ. २८) |
রিষ্টরূপাং গন্ধবিকৃতিমাহ– মদ্যাগুর্বাজ্যেত্যাদি| সুমনা জাতী, সগন্ধাঃ সমানগন্ধাঃ, দিব্যগন্ধা অপরিকল্পিতাদ্ভুতপারিজাতাদিগন্ধাঃ||১৩||–
Adhikarana vraNasyAsAdhyalakShaNam (14-17) · Śloka 17
যে চ মর্মস্বসম্ভূতা ভবন্ত্যত্যর্থবেদনাঃ ||১৪||
দহ্যন্তে চান্তরত্যর্থং বহিঃশীতাশ্চ যে ব্রণাঃ |
দহ্যন্তে বহিরত্যর্থং ভবন্ত্যন্তশ্চ শীতলাঃ ||১৫||
প্রাণমাংসক্ষযশ্বাসকাসারোচকপীডিতাঃ |
প্রবৃদ্ধপূযরুধিরা ব্রণা যেষাং চ মর্মসু ||১৬||
ক্রিযাভিঃ সম্যগারব্ধা ন সিধ্যন্তি চ যে ব্রণাঃ |
বর্জযেদপি তান্ বৈদ্যঃ সংরক্ষন্নাত্মনো যশঃ ||১৭||
(সু. সূ. অ. ২৮) |
View original
ये च मर्मस्वसम्भूता भवन्त्यत्यर्थवेदनाः ||१४||
दह्यन्ते चान्तरत्यर्थं बहिःशीताश्च ये व्रणाः |
दह्यन्ते बहिरत्यर्थं भवन्त्यन्तश्च शीतलाः ||१५||
प्राणमांसक्षयश्वासकासारोचकपीडिताः |
प्रवृद्धपूयरुधिरा व्रणा येषां च मर्मसु ||१६||
क्रियाभिः सम्यगारब्धा न सिध्यन्ति च ये व्रणाः |
वर्जयेदपि तान् वैद्यः संरक्षन्नात्मनो यशः ||१७||
(सु. सू. अ. २८) |
যে চ মর্মস্বসম্ভূতা ইতি| মর্মসু ন জাতা অপি ভৃশবেদনাঃ, মর্মজাতত্বেন হি ভৃশবেদনাবত্ত্বং যুক্তম্| প্রাণমাংসক্ষয ইতি প্রাণক্ষযেণ শক্তিক্ষযঃ, মাংসক্ষযেণ চোপচযক্ষযঃ| অনুক্তমপ্যশেষং রিষ্টং সঙ্গৃহ্ণন্নাহ– ক্রিযাভিরিত্যাদি||১৪-১৭||
Adhikarana puShpikA · Śloka 42
ইতি শ্রীমাধবকরবিরচিতে মাধবনিদানে শারীরব্রণনিদানং সমাপ্তম্ ||৪২||
View original
इति श्रीमाधवकरविरचिते माधवनिदाने शारीरव्रणनिदानं समाप्तम् ||४२||
ইতি শ্রীকণ্ঠদত্তকৃতাযাং মধুকোশব্যাখ্যাযাং শারীরব্রণনিদানং সমাপ্তম্||৪২||