Adhikarana shItapittasya nidAnapUrvikA samprAptiH (1) · Śloka 1
অথ শীতপিত্তোদর্দ-কোঠনিদানম্ |
শীতমারুতসংস্পর্শাত্ প্রদুষ্টৌ কফমারুতৌ |
পিত্তেন সহ সম্ভূয বহিরন্তর্বিসর্পতঃ ||১||
View original
अथ शीतपित्तोदर्द-कोठनिदानम् |
शीतमारुतसंस्पर्शात् प्रदुष्टौ कफमारुतौ |
पित्तेन सह सम्भूय बहिरन्तर्विसर्पतः ||१||
ত্বগ্দুষ্টিদোষত্রযজন্যত্বসামান্যাত্ কুষ্ঠানন্তরং শীতপিত্তোদর্দাদিনিদানম্| তস্য দোষত্রযজন্যত্বমাহ– শীতমারুতসংস্পর্শাদিত্যাদি| পিত্তেন সহ সম্ভূযেতি স্বহেতূপচিতেন পিত্তেন সম্ভূয মিলিত্বা| বহিরন্তরিতি বহিস্ত্বচি, অন্তঃ শোণিতাদৌ; বিসর্পতঃ প্রসরতঃ||১||
Adhikarana shItapittapUrvarUpam (2) · Śloka 2
পিপাসারুচিহৃল্লাসদেহসাদাঙ্গগৌরবম্ |
রক্তলোচনতা তেষাং পূর্বরূপস্য লক্ষণম্ ||২||
View original
पिपासारुचिहृल्लासदेहसादाङ्गगौरवम् |
रक्तलोचनता तेषां पूर्वरूपस्य लक्षणम् ||२||
পূর্বরূপমাহ– পিপাসেত্যাদি| রক্তলোচনতা প্রভাবাত্| পূর্বরূপস্য লক্ষণমিতি পূর্বরূপস্য স্বরূপমিত্যর্থঃ; ন তু লক্ষণমত্র লিঙ্গং, পিপাসাদিব্যতিরিক্তস্য পূর্বরূপস্যাভাবাত্||২||
Adhikarana shItapittalakShaNam (3-4) · Śloka 4
বরটীদষ্টসংস্থানঃ শোথঃ সঞ্জাযতে বহিঃ |
সকণ্ডূস্তোদবহুলশ্ছর্দিজ্বরবিদাহবান্ ||৩||
উদর্দমিতি তং বিদ্যাচ্ছীতপিত্তমথাপরে |
বাতাধিকং শীতপিত্তমুদর্দস্তু কফাধিকঃ ||৪||
View original
वरटीदष्टसंस्थानः शोथः सञ्जायते बहिः |
सकण्डूस्तोदबहुलश्छर्दिज्वरविदाहवान् ||३||
उदर्दमिति तं विद्याच्छीतपित्तमथापरे |
वाताधिकं शीतपित्तमुदर्दस्तु कफाधिकः ||४||
উদর্দলক্ষণমাহ– বরটীত্যাদি| সকণ্ডূস্তোদবহুলশ্ছর্দিজ্বরবিদাহবানিতি অত্র কণ্ডূঃ কফাত্, তোদো বাতাত্, ছর্দিজ্বরবিদাহাঃ পিত্তাদিতি দোষত্রযলিঙ্গম্| অনযোঃ শীতপিত্তোদর্দযোঃ সমানসংস্থানত্বেঽপি বাতাধিকং শীতপিত্তং, কফাধিক উদর্দঃ||৩-৪||
Adhikarana udardasya dharmAntaram (5) · Śloka 5
সোত্সঙ্গৈশ্চ সরাগৈশ্চ কণ্ডূমদ্ভিশ্চ মণ্ডলৈঃ |
শৈশিরঃ কফজো ব্যাধিরুদর্দ ইতি কীর্তিতঃ ||৫||
View original
सोत्सङ्गैश्च सरागैश्च कण्डूमद्भिश्च मण्डलैः |
शैशिरः कफजो व्याधिरुदर्द इति कीर्तितः ||५||
উদর্দস্য ধর্মান্তরমাহ– সোত্সঙ্গৈরিত্যাদি| উত্সঙ্গৈঃ মধ্যনিম্নৈঃ| শৈশির ইতি শিশিরসম্ভবঃ||৫||
Adhikarana koThalakShaNam (6) · Śloka 6
অসম্যগ্বমনোদীর্ণপিত্তশ্লেষ্মান্ননিগ্রহৈঃ |
মণ্ডলানি সকণ্ডূনি রাগবন্তি বহূনি চ |
উত্কোঠঃ সানুবন্ধশ্চ কোঠ ইত্যভিধীযতে ||৬||
View original
असम्यग्वमनोदीर्णपित्तश्लेष्मान्ननिग्रहैः |
मण्डलानि सकण्डूनि रागवन्ति बहूनि च |
उत्कोठः सानुबन्धश्च कोठ इत्यभिधीयते ||६||
ত্বগ্দুষ্টিসাম্যাদত্রৈব কোঠোঽভিধীযতে– অসম্যগ্বমনেত্যাদি| অসম্যক্ত্বং বমনস্যাযোগমিথ্যাযোগাদিনা, তথোদীর্ণানাং পিত্তশ্লেষ্মান্নানাং নিগ্রহো বেগবিধারণং, তৈর্মণ্ডলানি জাযন্তে, স কোঠঃ| অথবাঽযমর্থঃ– অসম্যগ্বমনোদীর্ণৌ পিত্তশ্লেষ্মাণৌ, তথাঽন্ননিগ্রহ উপস্থিতবেগস্যান্নস্য নিগ্রহঃ ছর্দিনিগ্রহঃ ইতি যাবত্, তৈর্হেতুভির্ভবন্তি| বমনস্য চাসম্যক্ত্বমযোগমিথ্যাযোগাভ্যাং জ্ঞেযম্, অতিযোগস্য তু পিত্তশ্লেষ্মকোঠাকরত্বাত্| এতেন হেতুলক্ষণভেদাদ্ভিন্নঃ কোঠ উদর্দাত্| কোঠো নিরনুবন্ধঃ| তথা চোক্তম্– “ক্ষণিকোত্পাদবিনাশঃ কোঠ ইতি নিগদ্যতে তজ্জ্ঞৈঃ|” ইতি সানুবন্ধ উত্কোঠোঽভিধীযতে| সানুবন্ধতা চ পুনঃপুনর্ভবনেন||৬||
Adhikarana puShpikA · Śloka 50
ইতি শ্রীমাধবকরবিরচিতে মাধবনিদানে শীতপিত্তোদর্দকোঠানিদানং সমাপ্তম্ ||৫০||
View original
इति श्रीमाधवकरविरचिते माधवनिदाने शीतपित्तोदर्दकोठानिदानं समाप्तम् ||५०||
ইতি শ্রীকণ্ঠদত্তকৃতাযাং মধুকোশব্যাখ্যাযাং শীতপিত্তোদর্দকোঠনিদানং সমাপ্তম্||৫০||