Adhikarana shothasamprAptiH (1-2) · Śloka 3
অথ শোথনিদানম্ |
রক্তপিত্তকফান্ বাযুর্দুষ্টো দুষ্টান্ বহিঃসিরাঃ |
নীত্বা রুদ্ধগতিস্তৈর্হি কুর্যাত্ত্বঙ্মাংসসংশ্রযম্ ||১||
উত্সেধং সংহতং শোথং তমাহুর্নিচযাদতঃ |
সর্বং হেতুবিশেষৈস্তু রূপভেদান্নবাত্মকম্ ||২||
দোষৈঃ পৃথগ্দ্বযৈঃ সর্বৈরভিঘাতাদ্বিষাদপি |৩|
(বা. নি. অ. ১৩) |
View original
अथ शोथनिदानम् |
रक्तपित्तकफान् वायुर्दुष्टो दुष्टान् बहिःसिराः |
नीत्वा रुद्धगतिस्तैर्हि कुर्यात्त्वङ्मांससंश्रयम् ||१||
उत्सेधं संहतं शोथं तमाहुर्निचयादतः |
सर्वं हेतुविशेषैस्तु रूपभेदान्नवात्मकम् ||२||
दोषैः पृथग्द्वयैः सर्वैरभिघाताद्विषादपि |३|
(वा. नि. अ. १३) |
উদরে শোথস্যোপদ্রবত্বেনোক্তত্বাত্তদনন্তরং শোথনিদানম্| তস্য সম্প্রাপ্তিমাহ– রক্তপিত্তকফানিত্যাদি| রক্তপিত্তকফান্ স্বহেতুভিঃ স্বাতন্ত্র্যেণ দুষ্টান্ কুপিতান্, দুষ্টঃ স্বহেতুকুপিতো বাযুর্বহিঃসিরা বাহ্যা অগম্ভীরাঃ সিরা নীত্বা গমযিত্বা, তৈঃ রক্তপিত্তকফৈঃ রুদ্ধগতিরাবৃতমার্গো বাযুরুত্সেধমুচ্ছ্রাযং কুর্যাদিতি যোজনা| বহিঃসিরাশব্দেনাত্রাগম্ভীরতযোক্তানাং স্রোতসামপি গ্রহণম্| ত্বঙ্মাংসসংশ্রযমিত্যনেন ব্রণশোথাদ্ভেদং দর্শযতি, অষ্টসু ব্রণবাস্তুষু ব্রণশোথস্য সম্ভবাত্| যদুক্তং সুশ্রুতেন– “ত্বঙ্মাংসসিরাস্নায্বস্থিসন্ধিকোষ্ঠমর্মাণীত্যষ্টৌ ব্রণবাস্তূনি ভবন্তি|” (সু. সূ. অ. ২২) ইতি| সংহতং সংহতাত্মকম্| কুতঃ সংহতাত্মকমিত্যত আহ– নিচযাদত ইতি| অতোঽস্মাত্ পূর্বোক্তাত্ রক্তসহিতদোষত্রযসমুদাযাত্; এতেন রক্তসহিতত্রিদোষজন্যত্বমস্যোক্তং ভবতি| সর্বমিত্যাদি সর্বমিতি পূর্বেণ সম্বধ্যতে, সর্বমুত্সেধং শোথমাহুরিত্যর্থঃ| হেতুবিশেষৈরিতি দোষত্রযাভিঘাতপ্রভৃতিভিঃ কারণভেদৈর্যো রূপভেদস্তস্মাত্ সর্বং নবাত্মকমাহুরিতি পূর্বক্রিযযা সম্বন্ধঃ| ‘সর্বহেতুবিশেষৈঃ’ ইতি পাঠান্তরে সর্বেষাং হেতুবিশেষৈরিত্যর্থঃ| দ্বযৈরিতি দ্বন্দ্বৈঃ, সর্বৈস্ত্রিভিঃ||১-২||–
Adhikarana shothapUrvarUpam (3) · Śloka 3
তত্পূর্বরূপং দবথুঃ সিরাযামোঽঙ্গগৌরবম্ ||৩||
(বা. নি. অ. ১৩) |
View original
तत्पूर्वरूपं दवथुः सिरायामोऽङ्गगौरवम् ||३||
(वा. नि. अ. १३) |
পূর্বরূপমাহ– তদিত্যাদি| দবথুরুপতাপঃ| সিরাযামঃ সিরাপ্রসরণবত্ পীডা||৩||
Adhikarana shothanidAnam (4-5) · Śloka 5
শুদ্ধ্যামযাভুক্তকৃশাবলানাং ক্ষারাম্লতীক্ষ্ণোষ্ণগুরূপসেবা |
দধ্যামমৃচ্ছাকবিরোধিদুষ্টগরোপসৃষ্টান্ননিষেবণং চ ||৪||
অর্শাংস্যচেষ্টা ন চ দেহশুদ্ধির্মর্মোপঘাতো বিষমা প্রসূতিঃ |
মিথ্যোপচারঃ প্রতিকর্মণাং চ নিজস্য হেতুঃ শ্বযথোঃ প্রদিষ্টঃ ||৫||
(চ. চি. অ. ১২) |
View original
शुद्ध्यामयाभुक्तकृशाबलानां क्षाराम्लतीक्ष्णोष्णगुरूपसेवा |
दध्याममृच्छाकविरोधिदुष्टगरोपसृष्टान्ननिषेवणं च ||४||
अर्शांस्यचेष्टा न च देहशुद्धिर्मर्मोपघातो विषमा प्रसूतिः |
मिथ्योपचारः प्रतिकर्मणां च निजस्य हेतुः श्वयथोः प्रदिष्टः ||५||
(च. चि. अ. १२) |
পূর্বরূপানন্তরং কামচারান্নিদানমাহ– শুদ্ধ্যামযেত্যাদি| শুদ্ধির্বমনবিরেচনাদিঃ, আমযা জ্বরাদযঃ; অভুক্তমভোজনং বিগুণং চ ভোজনং, তৈঃ কৃশানামবলানাং চ ক্ষারাদিসেবা নিজস্য শ্বযথোর্হেতুঃ| দধ্যাদযঃ স্বতন্ত্রা এব হেতবঃ, আমমপক্বং, দুষ্টং দোষজনকং মন্দকনবোদকাদি, গরং সংযোগজং বিষম্| অচেষ্টা নিষ্ক্রিযত্বম্| ন চ দেহশুদ্ধিরিতি শোধনার্হেঽপি দোষে দেহাশুদ্ধিঃ| মর্মোপঘাত ইহ দোষকৃত এব জ্ঞেযঃ, বাহ্যহেতুজস্তু মর্মোপঘাত আগন্তুশোথহেতুরেব| বিষমা প্রসূতিরামগর্ভপতনাদিকা| মিথ্যোপচারোঽসম্যক্করণমসম্যগুপচারঃ| প্রতিকর্মণাং বমনাদীনাম্||৪-৫||
Adhikarana shothasAmAnyalakShaNam (6) · Śloka 6
সগৌরবং স্যাদনবস্থিতত্বং সোত্সেধমূষ্মাঽথ সিরাতনুত্বম্ |
সলোমহর্ষশ্চ বিবর্ণতা চ সামান্যলিঙ্গং শ্বযথোঃ প্রদিষ্টম্ ||৬||
View original
सगौरवं स्यादनवस्थितत्वं सोत्सेधमूष्माऽथ सिरातनुत्वम् |
सलोमहर्षश्च विवर्णता च सामान्यलिङ्गं श्वयथोः प्रदिष्टम् ||६||
সামান্যলিঙ্গমাহ– সেত্যাদি| সগৌরবমিতি অনবস্থিতত্ববিশেষণং, তথা সোত্সেধমিতি চ||৬||
Adhikarana vAtashothali~ggam (7) · Śloka 7
চলস্তনুত্বক্ পরুষোঽরুণোঽসিতঃ সুষুপ্তিহর্ষার্তিযুতোঽনিমিত্ততঃ |
প্রশাম্যতি প্রোন্নমতি প্রপীডিতো দিবাবলী চ শ্বযথুঃ সমীরণাত্ ||৭||
(চ. চি. অ. ১২) |
View original
चलस्तनुत्वक् परुषोऽरुणोऽसितः सुषुप्तिहर्षार्तियुतोऽनिमित्ततः |
प्रशाम्यति प्रोन्नमति प्रपीडितो दिवाबली च श्वयथुः समीरणात् ||७||
(च. चि. अ. १२) |
বাতশোথলিঙ্গমাহ– চল ইত্যাদি| তনুত্বক্ অবহলত্বক্| অসিতঃ কৃষ্ণঃ| সুষুপ্তিঃ স্পর্শাজ্ঞতা; হর্ষো ঝিণিঝিণিবদ্বেদনা, কিংবা রোমহর্ষঃ| অনিমিত্ততঃ প্রশাম্যতীতি বাযোশ্চলত্বেন কদাচিন্নিমিত্তং বিনাঽপি লীনো ভবতি; ‘নিমিত্তত’ ইতি পাঠে স্নেহোষ্ণমর্দনাদের্নিমিত্ততঃ প্রশাম্যতি উপশমং প্রাপ্নোতীতি, উপশযার্থমেতদুক্তম্| প্রোন্নমতি প্রপীডিত ইতি প্রপীডিতঃ সন্নন্তরুন্নমতীত্যর্থঃ| দিবাবলীতি দিবা বলবান্, নত্ববলী| স্নেহোষ্ণমর্দনাদ্যৈশ্চ প্রশাম্যেত্, স চ বাতিকঃ; “যশ্চাপ্যরুণবর্ণাভঃ শোথো নক্তং প্রণশ্যতি|” (চ. সূ. অ. ১৮) ইতি চরকবচনাত্||৭||
Adhikarana paittikashothali~ggam (8) · Śloka 8
মৃদুঃ সগন্ধোঽসিতপীতরাগবান্ ভ্রমজ্বরস্বেদতৃষামদান্বিতঃ |
য উষ্যতে স্পষ্টরুগক্ষিরাগকৃত্ স পিত্তশোথো ভৃশদাহপাকবান্ ||৮||
(চ. চি. অ. ১২) |
View original
मृदुः सगन्धोऽसितपीतरागवान् भ्रमज्वरस्वेदतृषामदान्वितः |
य उष्यते स्पष्टरुगक्षिरागकृत् स पित्तशोथो भृशदाहपाकवान् ||८||
(च. चि. अ. १२) |
পৈত্তিকমাহ– মৃদুরিত্যাদি| উষ্যতে ইতি দহ্যতে||৮||
Adhikarana kaphajashothali~ggam (9) · Śloka 9
গুরুঃ স্থিরঃ পাণ্ডুররোচকান্বিতঃ প্রসেকনিদ্রাবমিবহ্নিমান্দ্যকৃত্ |
স কৃচ্ছ্রজন্মপ্রশমো নিপীডিতো ন চোন্নমেদ্রাত্রিবলী কফাত্মকঃ ||৯||
(চ. চি. অ. ১২) |
View original
गुरुः स्थिरः पाण्डुररोचकान्वितः प्रसेकनिद्रावमिवह्निमान्द्यकृत् |
स कृच्छ्रजन्मप्रशमो निपीडितो न चोन्नमेद्रात्रिबली कफात्मकः ||९||
(च. चि. अ. १२) |
কফজমাহ– গুরুরিত্যাদি| অরোচকান্বিত ইতি অরোচকব্যাধিসহচারী| কৃচ্ছ্রজন্মপ্রশম ইতি চিরোত্পত্তিবিনাশঃ| রাত্রিবলীতি রাত্রৌ স্রোতোঽবরোধজেন দেহক্লেদেনাচেষ্টযা চ কফস্য বৃদ্ধত্বাত্ তজ্জঃ শোথো বলবান্ ভবতি; দিবা তু স্ফুটস্রোতসি শরীরে সচেষ্টে চ ন কফো বলী ভবতি, কিং তর্হি বাযুঃ, তেন তজ্জঃ শোথো দিবাবলী ভবতি||৯||
Adhikarana dvidoShaja-sannipAtajashothali~ggam (10) · Śloka 10
নিদানাকৃতিসংসর্গাচ্ছ্বযথুঃ স্যাদ্দ্বিদোষজঃ |
সর্বাকৃতিঃ সন্নিপাতাচ্ছোথো ব্যামিশ্রলক্ষণঃ ||১০||
(চ. সূ. অ. ১৮) |
View original
निदानाकृतिसंसर्गाच्छ्वयथुः स्याद्द्विदोषजः |
सर्वाकृतिः सन्निपाताच्छोथो व्यामिश्रलक्षणः ||१०||
(च. सू. अ. १८) |
ব্যামিশ্রৌষধবিধানার্থং ক্বাপি ক্বাপি প্রকৃতিসমসমবেতা অপি শিষ্যহিতৈষিতযা দ্বন্দ্বসন্নিপাতা অতিদেশেন পঠ্যন্তে, যে তু বিকৃতিবিষমসমবেতাস্তান্ কণ্ঠরবেণ পঠন্তি; অতোঽতিদেশেন দ্বন্দ্বত্রযসন্নিপাতানাহ– নিদানাকৃতিসংসর্গাদিত্যাদি| ব্যামিশ্রলক্ষণ ইতি মিলিতবাতাদিত্রযলিঙ্গঃ| অনেনৈব সর্বাকৃতিরিত্যস্যার্থে সিদ্ধে তদভিধানং বাতাদিপ্রত্যেকং কৃত্স্নলিঙ্গনিযমার্থম্||১০||
Adhikarana abhighAtajashothali~ggam (11-12) · Śloka 12
অভিঘাতেন শস্ত্রাদিচ্ছেদভেদক্ষতাদিভিঃ |
হিমানিলোদধ্যনিলৈর্ভল্লাতকপিকচ্ছুজৈঃ ||১১||
রসৈঃ শূকৈশ্চ সংস্পর্শাচ্ছ্বযথুঃ স্যাদ্বিসর্পবান্ |
ভৃশোষ্মা লোহিতাভাসঃ প্রাযশঃ পিত্তলক্ষণঃ ||১২||
(বা. নি. অ. ১৩) |
View original
अभिघातेन शस्त्रादिच्छेदभेदक्षतादिभिः |
हिमानिलोदध्यनिलैर्भल्लातकपिकच्छुजैः ||११||
रसैः शूकैश्च संस्पर्शाच्छ्वयथुः स्याद्विसर्पवान् |
भृशोष्मा लोहिताभासः प्रायशः पित्तलक्षणः ||१२||
(वा. नि. अ. १३) |
অভিঘাতজং শ্বযথুমাহ– অভিঘাতেনেত্যাদি| অভিঘাতেন যঃ শোথঃ স শস্ত্রাদিভির্ভবতি| হিমানিলোদধ্যনিলৈরিতি হিমানিলৈরুদধ্যনিলৈশ্চ; উদধিঃ সমুদ্রঃ| ভল্লাতকপিকচ্ছুজৈ রসৈঃ শূকৈরিতি ভল্লাতকরসৈঃ, কপিকচ্ছ্বা শূকৈশ্চ; কপিকচ্ছুঃ শূকশিম্বী||১১-১২||
Adhikarana viShajashvayathuli~ggam (13-14) · Śloka 15
বিষজঃ সবিষপ্রাণিপরিসর্পণমূত্রণাত্ |
দংষ্ট্রাদন্তনখাঘাতাদবিষপ্রাণিনামপি ||১৩||
বিণ্মূত্রশুক্রোপহতমলবদ্বস্ত্রসঙ্করাত্ |
বিষবৃক্ষানিলস্পর্শাদ্গরযোগাবচূর্ণনাত্ ||১৪||
মৃদুশ্চলোঽবলম্বী চ শীঘ্রো দাহরুজাকরঃ |১৫|
(বা. নি. অ. ১৩) |
View original
विषजः सविषप्राणिपरिसर्पणमूत्रणात् |
दंष्ट्रादन्तनखाघातादविषप्राणिनामपि ||१३||
विण्मूत्रशुक्रोपहतमलवद्वस्त्रसङ्करात् |
विषवृक्षानिलस्पर्शाद्गरयोगावचूर्णनात् ||१४||
मृदुश्चलोऽवलम्बी च शीघ्रो दाहरुजाकरः |१५|
(वा. नि. अ. १३) |
বিষজমাহ– বিষজ ইত্যাদি| সবিষপ্রাণিনঃ সর্পাদযস্তেষাং পরিসর্পণং ভ্রমণং তস্মাত্, সবিষপ্রাণিনাং মূত্রণাচ্চ| দংষ্ট্রাদন্তেতি দংষ্ট্রা কুটিলা ‘দাঢ’ ইতি খ্যাতা, তদ্বিপরীতশ্চ দন্তো গোবলীবর্দন্যাযাত্| বিণ্মূত্রশুক্রোপহতমলবদ্বস্ত্রসঙ্করাদিতি সবিষপ্রাণিনাং বিণ্মূত্রাদ্যুপহতং মলবচ্চ বস্ত্রং যত্তস্য সংস্পর্শাত্| অবলম্বী অধোগমনশীলঃ| শীঘ্রঃ শীঘ্রোত্পত্তিঃ| অযং চাগন্তুরপি বিশিষ্টলিঙ্গচিকিত্সোপযোগাত্ পৃথক্ পঠিতঃ||১৩-১৪||–
Adhikarana yatrasthA doShA yatra deshe shothaM kurvanti tannirUpaNam (15-16) · Śloka 16
দোষাঃ শ্বযথুমূর্ধ্বং হি কুর্বন্ত্যামাশযস্থিতাঃ ||১৫||
পক্বাশযস্থা মধ্যে তু বর্চঃস্থানগতাস্ত্বধঃ |
কৃত্স্নদেহমনুপ্রাপ্তাঃ কুর্যুঃ সর্বসরং তথা ||১৬||
(সু. চি. অ. ২৩) |
View original
दोषाः श्वयथुमूर्ध्वं हि कुर्वन्त्यामाशयस्थिताः ||१५||
पक्वाशयस्था मध्ये तु वर्चःस्थानगतास्त्वधः |
कृत्स्नदेहमनुप्राप्ताः कुर्युः सर्वसरं तथा ||१६||
(सु. चि. अ. २३) |
যত্রস্থা দোষা যত্র দেশে শোথং কুর্বন্তি তমাহ– দোষা ইত্যাদি| ঊর্ধ্বমিতি উরঃপ্রভৃত্যূর্ধ্বদেহে| মধ্য ইতি উরঃপক্বাশযমধ্যে| অধ ইতি পক্বাশযাদধঃ| সর্বসরং সর্বশরীরসরণশীলম্||১৫-১৬||
Adhikarana shothasya sAdhyAsAdhyavicAraH (17-20) · Śloka 20
যো মধ্যদেশে শ্বযথুঃ স কষ্টঃ সর্বগশ্চ যঃ |
অর্ধাঙ্গে রিষ্টভূতঃ স্যাদ্যশ্চোর্ধ্বং পরিসর্পতি ||১৭||
শ্বাসঃ পিপাসা ছর্দিশ্চ দৌর্বল্যং জ্বর এব চ |
যস্য চান্নে রুচির্নাস্তি শ্বযথুং তং বিবর্জযেত্ ||১৮||
(সু. চি. অ. ২৩) |
অনন্যোপদ্রবকৃতঃ শোথঃ পাদসমুত্থিতঃ |
পুরুষং হন্তি নারীং চ মুখজো গুহ্যজো দ্বযম্ |
নবোঽনুপদ্রবঃ শোথঃ সাধ্যোঽসাধ্যঃ পুরেরিতঃ ||১৯||
(বা. নি. অ. ১৩) |
বিবর্জযেত্ কুক্ষ্যুদরাশ্রিতং চ তথা গলে মর্মণি সংশ্রিতং চ |
স্থূলঃ খরশ্চাপি ভবেদ্বিবর্জ্যো যশ্চাপি বালস্থবিরাবলানাম্ ||২০||
View original
यो मध्यदेशे श्वयथुः स कष्टः सर्वगश्च यः |
अर्धाङ्गे रिष्टभूतः स्याद्यश्चोर्ध्वं परिसर्पति ||१७||
श्वासः पिपासा छर्दिश्च दौर्बल्यं ज्वर एव च |
यस्य चान्ने रुचिर्नास्ति श्वयथुं तं विवर्जयेत् ||१८||
(सु. चि. अ. २३) |
अनन्योपद्रवकृतः शोथः पादसमुत्थितः |
पुरुषं हन्ति नारीं च मुखजो गुह्यजो द्वयम् |
नवोऽनुपद्रवः शोथः साध्योऽसाध्यः पुरेरितः ||१९||
(वा. नि. अ. १३) |
विवर्जयेत् कुक्ष्युदराश्रितं च तथा गले मर्मणि संश्रितं च |
स्थूलः खरश्चापि भवेद्विवर्ज्यो यश्चापि बालस्थविराबलानाम् ||२०||
অতঃ পরং কৃচ্ছ্রাদিভেদমাহ– যো মধ্যদেশ ইত্যাদি| মধ্যদেহগস্য কষ্টত্বং তদ্দেশগশোথপ্রভাবাত্| সর্বগ ইতি সর্বদেহগামী| সর্বজ ইতি পাঠান্তরে সর্বজঃ সান্নিপাতিকঃ| রিষ্টভূত ইতি রিষ্টতুল্যঃ, ভূতশব্দ উপমানে; যথা– মাতৃভূতঃ, পিতৃভূত ইতি| ব্যাধেরেবাত্র রিষ্টভূতত্বং, তস্য চ নিমিত্তকৃতত্বাত্ ভূতশব্দ উপাত্ত ইতি কার্তিকঃ| অন্যে তু ভূতশব্দং স্বরূপবচনমাহুঃ| যশ্চোর্ধ্বং পরিসর্পতীতি পুরুষবিষযকমেতত্; চকারাত্ স্ত্রিযাশ্চ উপরিজো যোঽধো যাতি স গৃহ্যতে, তথা গুহ্যজো যঃ সর্বগঃ| বচনং হি– “যস্তু পাদাভিনির্বৃত্তঃ শোথঃ সর্বাঙ্গগো ভবেত্| পুরুষং হন্তি, নারীং চ মুখজো, গুহ্যজো দ্বযম্||” (চ. সূ. অ. ১৮) ইতি| অনন্যোপদ্রবকৃত ইতি অন্যস্য উপদ্রবা অন্যোপদ্রবাস্তদ্বিপরীতা অনন্যোপদ্রবাঃ; এতেনাযমর্থঃ– শোথস্যৈব যে উপদ্রবাস্তৈঃ কৃতঃ| তে চ– “শ্বাসঃ পিপাসা দৌর্বল্যং জ্বরশ্ছর্দিররোচকঃ| হিক্কাতীসারকাসাশ্চ শোথিনং ক্ষপযন্তি হি||” (সু. চি. অ. ২৩) ইতি সুশ্রুতোক্তাঃ| চরকেঽপ্যুক্তম্– “ছর্দিস্তৃষ্ণাঽরুচিঃ শ্বাসো জ্বরোঽতীসার এব চ| সপ্তকোঽযং সদৌর্বল্যঃ শোথোপদ্রবসঙ্গ্রহঃ||” (চ. চি. অ. ১৮) ইতি| অথবা অন্যমুপদ্রবং করোতীতি অন্যোপদ্রবকৃন্নিদানম্| নান্যোপদ্রবকৃদনন্যোপদ্রবকৃত্, ততঃ স্বনিদানাত্ ‘জাতঃ’ ইতি শেষঃ; তেন শোথজনকনিদানাদেব উত্পন্ন ইত্যর্থঃ| পাণ্ডুরোগাদৌ তু যঃ শোথঃ পাদসমুত্থিতঃ সোঽন্যোপদ্রবকৃতো নিদানান্তরাজ্জাতঃ সাধ্য এব| ‘আননোপদ্রবগত’ ইতি পাঠান্তরে অযমর্থঃ– পাদযোরুত্থিতঃ পূর্বং পশ্চাদাননমুপদ্রবেণ প্রসারেণ উপদ্রবত্বেন বা গতঃ| তথাচ তন্ত্রান্তরম্– “ পাদপ্রবৃত্তঃ শ্বযথুর্নৃণাং যঃ প্রাপ্নুযান্মুখম্| স্ত্রীণাং বক্ত্রাদধো যাতি, বস্তিজশ্চ ন সিধ্যতি||” ইতি| ক্ষারপাণিনাঽপ্যুক্তম্– “ঊর্ধ্বগামী নরং পদ্ভ্যামধোগামী মুখাত্ স্ত্রিযম্| উভযং বস্তিসঞ্জাতঃ শোথো হন্তি ন সংশযঃ||” ইতি| গুহ্যজ ইতি বস্তিজাতঃ| দ্বযমিতি নরং নারীং চ| অসাধ্যঃ পুরেরিত ইতি “অর্ধাঙ্গে রিষ্টভূত” ইত্যাদিনা||১৭-২০||
Adhikarana puShpikA · Śloka 36
ইতি শ্রীমাধবকরবিরচিতে মাধবনিদানে শোথনিদানং সমাপ্তম্ ||৩৬||
View original
इति श्रीमाधवकरविरचिते माधवनिदाने शोथनिदानं समाप्तम् ||३६||
ইতি শ্রীকণ্ঠদত্তবিরচিতাযাং মধুকোশব্যাখ্যাযাং শোথনিদানং সমাপ্তম্||৩৬||