Adhikarana sUtikArogalakShaNam (1) · Śloka 1
অথ সূতিকারোগনিদানম্ |
অঙ্গমর্দো জ্বরঃ কম্পঃ পিপাসা গুরুগাত্রতা |
শোথঃ শূলাতিসারৌ চ সূতিকারোগলক্ষণম্ ||১||
View original
अथ सूतिकारोगनिदानम् |
अङ्गमर्दो ज्वरः कम्पः पिपासा गुरुगात्रता |
शोथः शूलातिसारौ च सूतिकारोगलक्षणम् ||१||
ক্রমপ্রাপ্তত্বাত্ সূতিকারোগনিদানারম্ভঃ– অঙ্গমর্দ ইত্যাদি| সূতিকারোগলক্ষণমিতি সূতিকারোগ এব লক্ষণম্, অঙ্গমর্দাদিব্যতিরিক্তস্য রোগস্যানভিধানাত্| এতেঽঙ্গমর্দাদযঃ প্রাযেণ সূতিকাযা ভবন্তঃ সূতিকারোগত্বেন লক্ষ্যন্তে ইত্যর্থঃ||১||
Adhikarana sUtikAroganidAnAdayaH (2-4) · Śloka 4
মিথ্যোপচারাত্ সঙ্ক্লেশাদ্বিষমাজীর্ণভোজনত্ |
সূতিকাযাশ্চ যে রোগা জাযন্তে দারুণাস্তু তে ||২||
জ্বরাতীসারশোথাশ্চ শূলানাহবলক্ষযাঃ |
তন্দ্রারুচিপ্রসেকাদ্যাঃ কফবাতামযোদ্ভবাঃ ||৩||
কৃচ্ছ্রসাধ্যা হি তে রোগাঃ ক্ষীণমাংসবলাগ্নিতঃ |
তে সর্বে সূতিকানাম্না রোগাস্তে চাপ্যুপদ্রবাঃ ||৪||
View original
मिथ्योपचारात् सङ्क्लेशाद्विषमाजीर्णभोजनत् |
सूतिकायाश्च ये रोगा जायन्ते दारुणास्तु ते ||२||
ज्वरातीसारशोथाश्च शूलानाहबलक्षयाः |
तन्द्रारुचिप्रसेकाद्याः कफवातामयोद्भवाः ||३||
कृच्छ्रसाध्या हि ते रोगाः क्षीणमांसबलाग्नितः |
ते सर्वे सूतिकानाम्ना रोगास्ते चाप्युपद्रवाः ||४||
সূতিকারোগনিদানমাহ– মিথ্যেত্যাদি| সঙ্ক্লেশাদিতি সঙ্ক্লিশ্যতে উত্ক্লিশ্যতে দোষোঽনেনেতি সঙ্ক্লেশো দোষজনকমন্নম্| বিষমাজীর্ণভোজনাদিতি বিষমভোজনাদজীর্ণভোজনাচ্চ| জ্বরাতীসারাদীনামঙ্গমর্দাদিভ্যঃ পৃথক্ পুনরুপাদানং রোগাধিক্যং কৃচ্ছ্রত্বমুপদ্রবত্বং চ খ্যাপযিতুম্| কফবাতামযোদ্ভবাঃ ইতি তন্দ্রারুচিপ্রসেকাদ্যা ইত্যস্য বিশেষণম্| মন্যন্তে কেচিত্, অন্যে সর্বস্য জ্বরাতিসারাদেঃ| কফবাতজে বিকারে সতি যেষামুদ্ভবস্তে কফবাতামযোদ্ভবাঃ জ্বরাতীসারাদযঃ কৃচ্ছ্রসাধ্যা ইত্যর্থঃ| তে সর্বে সূতিকানাম্নেতি তে জ্বরাতীসারাদযঃ সর্বে সূতিকাভবত্বেনাশ্রযাশ্রিতযোরভেদোপচারাত্ সূতিকানাম্নোচ্যন্তে; তে চাপ্যুপদ্রবাঃ তে উপদ্রবাশ্চ ভবন্তি উক্তানাং রোগাণামন্যতমং প্রধানীকৃত্য||২-৪||
Adhikarana puShpikA · Śloka 65
ইতি শ্রীমাধবকরবিরচিতে মাধবনিদানে সূতিকারোগনিদানং সমাপ্তম্ ||৬৫||
View original
इति श्रीमाधवकरविरचिते माधवनिदाने सूतिकारोगनिदानं समाप्तम् ||६५||
ইতি শ্রীকণ্ঠদত্তকৃতাযাং মধুকোশব্যাখ্যাযাং সূতিকারোগনিদানং সমাপ্তম্||৬৫||