Adhikarana svarabhedasya nidAnapUrvikA samprAptiH (1) · Śloka 1
অথ স্বরভেদনিদানম্ |
অত্যুচ্চভাষণবিষাধ্যযনাভিঘাতসন্দূষণৈঃ প্রকুপিতাঃ পবনাদযস্তু |
স্রোতঃসু তে স্বরবহেষু গতাঃ প্রতিষ্ঠাং হন্যুঃ স্বরং ভবতি চাপি হি ষড্বিধঃ সঃ ||১||
(সু. উ. তং. অ. ৫৩) |
(বাতাদিভিঃ পৃথক্ সর্বৈর্মেদসা চ ক্ষযেণ চ) |
View original
अथ स्वरभेदनिदानम् |
अत्युच्चभाषणविषाध्ययनाभिघातसन्दूषणैः प्रकुपिताः पवनादयस्तु |
स्रोतःसु ते स्वरवहेषु गताः प्रतिष्ठां हन्युः स्वरं भवति चापि हि षड्विधः सः ||१||
(सु. उ. तं. अ. ५३) |
(वातादिभिः पृथक् सर्वैर्मेदसा च क्षयेण च) |
প্রাণোদানদুষ্টিসাধর্ম্যাত্ শ্বাসে চ স্বরভেদো ভবতীতি শ্বাসানন্তরং স্বরভেদমাহ– অত্যুচ্চভাষণেত্যাদি| অধ্যযনমুচ্চৈর্বেদাদিপাঠঃ, অভিঘাতঃ কণ্ঠাদিদেশে লগুডাদিভিরাঘাতঃ, এতৈঃ সন্দূষণৈরন্যৈশ্চ যথাস্বং বাতাদিকোপনৈঃ, বিষং তু সর্বদোষপ্রকোপণমেব| স্রোতঃসু স্বরবহেষু চতুর্ষু; যদুক্তং সুশ্রুতে– “দ্বাভ্যাং ভাষতে, দ্বাভ্যাং ঘোষং করোতি” (সু. শা. অ. ৯) ইতি; ভাষণঘোষণযোরল্পত্বমহত্ত্বাভ্যাং ভেদঃ| প্রতিষ্ঠাং স্থিতিং, বৃদ্ধিং বা| স ইতি স্বরভেদঃ; ষড্বিধো বাতপিত্তকফসন্নিপাতক্ষযমেদোজভেদাত্||১||
Adhikarana vAtikasvarabhedalakShaNam (2) · Śloka 2
বাতেন কৃষ্ণনযনাননমূত্রবর্চা ভিন্নং শনৈর্বদতি গর্দভবত্ খরং চ |২|
(সু. উ. তং. অ. ৫৩) |
View original
वातेन कृष्णनयनाननमूत्रवर्चा भिन्नं शनैर्वदति गर्दभवत् खरं च |२|
(सु. उ. तं. अ. ५३) |
বাতিকমাহ– বাতেনেত্যাদি| কৃষ্ণত্বং মূত্রাদিষু স্বরভেদারম্ভকদোষস্য সর্বাঙ্গব্যাপকত্বাত্, অর্শোবত্| ভিন্নং ভিন্নস্বরং, তদেবাহ– গর্দভবত্ খরমিতি; খরং নিষ্ঠুরম্, উদ্বেজকমিতি যাবত্|২|–
Adhikarana paittikasvarabhedalakShaNam (2) · Śloka 2
পিত্তেন পীতনযনাননমূত্রবর্চা ব্রূযাদ্গলেন স চ দাহসমন্বিতেন ||২||
(সু. উ. তং. অ. ৫৩) |
View original
पित्तेन पीतनयनाननमूत्रवर्चा ब्रूयाद्गलेन स च दाहसमन्वितेन ||२||
(सु. उ. तं. अ. ५३) |
পৈত্তিকমাহ– পিত্তেনেত্যাদি| গলেনেতি বিশেষ্যোপদর্শনং, দাহসমন্বিতেনেতি বিশেষণস্য বিশেষ্যাধীনপ্রতীতত্বাত্; গলঃ সদাহো ভবতীত্যর্থঃ||২||
Adhikarana shlaiShmikasvarabhedalakShaNam (3) · Śloka 3
ব্রূযাত্ কফেন সততং কফরুদ্ধকণ্ঠঃ স্বল্পং শনৈর্বদতি চাপি দিবা বিশেষাত্ |৩|
(সু. উ. তং. অ. ৫৩) |
View original
ब्रूयात् कफेन सततं कफरुद्धकण्ठः स्वल्पं शनैर्वदति चापि दिवा विशेषात् |३|
(सु. उ. तं. अ. ५३) |
শ্লৈষ্মিকমাহ– ব্রূযাদিত্যাদি| দিবা বিশেষাদিতি দিনে সূর্যরশ্মিভিঃ কফস্য মন্দীভাবাদ্বিশেষাদ্বিশিষ্টং বদতীত্যর্থঃ| ‘দিবাবিশেষ’ ইতি পাঠান্তরে স এবার্থঃ|৩|–
Adhikarana sAnnipAtikasvarabhedalakShaNam (3) · Śloka 3
সর্বাত্মকে ভবতি সর্ববিকারসম্পত্ তং চাপ্যসাধ্যমৃষযঃ স্বরভেদমাহুঃ ||৩||
(সু. উ. তং. অ. ৫৩) |
View original
सर्वात्मके भवति सर्वविकारसम्पत् तं चाप्यसाध्यमृषयः स्वरभेदमाहुः ||३||
(सु. उ. तं. अ. ५३) |
সান্নিপাতিকমাহ– সর্বাত্মক ইত্যাদি| সর্ববিকারসম্পদিতি উক্তবাতাদিস্বরভেদলিঙ্গযোগঃ| তং চাপ্যসাধ্যমিতি অপিশব্দো ভিন্নক্রমে, অসাধ্যমপি; তেন “সর্বজে ক্ষযজে চাপি প্রত্যাখ্যাযাচরেত্ ক্রিযাম্||” (সু. উ. তং. অ. ৫৩) ইতি সুশ্রুতবচনমুপপন্নং ভবতীতি||৩||
Adhikarana kShayajasvarabhedalakShaNam (4) · Śloka 4
ধূপ্যেত বাক্ ক্ষযকৃতে ক্ষযমাপ্নুযাচ্চ বাগেষ চাপি হতবাক্ পরিবর্জনীযঃ |৪|
(সু. উ. তং. অ. ৫৩) |
View original
धूप्येत वाक् क्षयकृते क्षयमाप्नुयाच्च वागेष चापि हतवाक् परिवर्जनीयः |४|
(सु. उ. तं. अ. ५३) |
ক্ষযজমাহ– ধূপ্যেতেত্যাদি| ধূপ্যেত বাগিতি সধূমেব নির্গচ্ছন্তী বেদনাযাঽনুভূযতে| ক্ষযকৃত ইতি ধাতুক্ষযকৃত স্বরভেদে| ক্ষযমাপ্নুযাচ্চ বাগিতি পদচ্ছেদঃ| এষ চ যদা হতবাগ্ভবতি ওজঃক্ষযাদ্বচনাক্ষমস্তদা ন সাধ্যতে, অন্যথা তু সাধ্যঃ; তেন প্রত্যাখ্যায ক্রিযাকরণমুপপন্নং ভবতি| ‘এষু চাপি’ ইতি পাঠে বাতাদিস্বরভেদেষু মধ্যে হতবাগসাধ্যঃ, কিন্ত্বযং পাঠষ্টীকাকারৈর্ন ব্যাখ্যাতঃ|৪|–
Adhikarana medojasvarabhedalakShaNam (4) · Śloka 4
অন্তর্গতস্বরমলক্ষ্যপদং চিরেণ মেদোঽন্বযাদ্বদতি দিগ্ধগলস্তৃষার্তঃ ||৪||
(সু. উ. তং. অ. ৫৩) |
View original
अन्तर्गतस्वरमलक्ष्यपदं चिरेण मेदोऽन्वयाद्वदति दिग्धगलस्तृषार्तः ||४||
(सु. उ. तं. अ. ५३) |
মেদোজলক্ষণমাহ– অন্তর্গতেত্যাদিনা| অন্তর্গতস্বরমিতি ক্রিযাবিশেষণম্; ‘অন্তর্গতং স্বরম্’ ইতি পাঠে তু কণ্ঠস্যান্তর্গতং যথা ভবতি তথা স্বরং বচনং বদতীতি যোজ্যং; ‘অন্তর্গলম্’ ইতি পাঠান্তরে গলস্যান্তরিতি অন্তর্গলং স্বরং বদতীত্যর্থঃ| দিগ্ধগল ইতি শ্লেষ্মণা মেদসা বা লিপ্তগল ইত্যর্থঃ| তৃষার্তশ্চ মেদোরুদ্ধস্রোতস্ত্বাত্||৪||
Adhikarana svarabhedasyAsAdhyalakShaNam (5) · Śloka 5
ক্ষীণস্য বৃদ্ধস্য কৃশস্য বাঽপি চিরোত্থিতো যশ্চ সহোপজাতঃ |
মেদস্বিনঃ সর্বসমুদ্ভবশ্চ স্বরামযো যো ন স সিদ্ধিমেতি ||৫||
(সু. উ. তং. অ. ৫৩) |
View original
क्षीणस्य वृद्धस्य कृशस्य वाऽपि चिरोत्थितो यश्च सहोपजातः |
मेदस्विनः सर्वसमुद्भवश्च स्वरामयो यो न स सिद्धिमेति ||५||
(सु. उ. तं. अ. ५३) |
উক্তবাতাদিজানামেবাবস্থাযামসাধ্যত্বমাহ– ক্ষীণস্যেত্যাদিনা সহোপজাত ইত্যন্তেন| ক্ষীণস্য ক্ষীণমাংসস্য| কৃশস্য অবলস্য| সহোপজাতো জন্মপ্রভৃতিবদ্ধঃ, ‘কাকস্বর’ ইতি লোকে| ‘সহোপজাতঃ’ ইত্যত্র ‘মদোপজাতঃ’ ইতি পাঠান্তরম্, মদো রোগবিশেষঃ| মেদস্বিনোঽতিস্থূলস্য মেদসাঽঽবৃতস্রোতস্ত্বেন যো জাতঃ; অমেদস্বিনস্তু মেদোদুষ্ট্যা জাতঃ স সাধ্যঃ পূর্বমুক্ত ইতি ন বিরোধঃ| সর্বসমুদ্ভবশ্চাবগাঢঃ সম্পূর্ণলিঙ্গো বাঽসাধ্যো দ্রষ্টব্য ইতি||৫||
Adhikarana puShpikA · Śloka 13
ইতি শ্রীমাধবকরবিরচিতে মাধবনিদানে স্বরভেদনিদানং সমাপ্তম্ ||১৩||
View original
इति श्रीमाधवकरविरचिते माधवनिदाने स्वरभेदनिदानं समाप्तम् ||१३||
ইতি শ্রীবিজযরক্ষিতকৃতাযাং মধুকোশব্যাখ্যাযাং স্বরভেদনিদানং সমাপ্তম্||১৩||