Adhikarana tRuShNAyA nidAnaM samprAptishca (1-2) · Śloka 2
অথ তৃষ্ণানিদানম্ |
ভযশ্রমাভ্যাং বলসঙ্ক্ষযাদ্বা হ্যূর্ধ্বং চিতং পিত্তবিবর্ধনৈশ্চ |
পিত্তং সবাতং কুপিতং নরাণাং তালুপ্রপন্নং জনযেত্ পিপাসাম্ |
স্রোতস্স্বপাংবাহিষু দূষিতেষু দোষৈশ্চ তৃট্ সম্ভবতীহ জন্তোঃ ||১||
তিস্রঃ স্মৃতাস্তাঃ ক্ষতজা চতুর্থী ক্ষযাত্তথা হ্যামসমুদ্ভবা চ |
ভক্তোদ্ভবা সপ্তমিকেতি তাসাং নিবোধ লিঙ্গান্যনুপূর্বশস্তু ||২||
(সু. উ. তং. অ. ৪৮) |
View original
अथ तृष्णानिदानम् |
भयश्रमाभ्यां बलसङ्क्षयाद्वा ह्यूर्ध्वं चितं पित्तविवर्धनैश्च |
पित्तं सवातं कुपितं नराणां तालुप्रपन्नं जनयेत् पिपासाम् |
स्रोतस्स्वपांवाहिषु दूषितेषु दोषैश्च तृट् सम्भवतीह जन्तोः ||१||
तिस्रः स्मृतास्ताः क्षतजा चतुर्थी क्षयात्तथा ह्यामसमुद्भवा च |
भक्तोद्भवा सप्तमिकेति तासां निबोध लिङ्गान्यनुपूर्वशस्तु ||२||
(सु. उ. तं. अ. ४८) |
ছর্দেস্তৃষ্ণোপদ্রবত্বাচ্ছর্দ্যনন্তরং তৃষ্ণানিদানম্| তস্যাঃ সম্প্রাপ্তিমাহ– ভযেত্যাদি| পিত্তবিবর্ধনৈরিতি কট্বম্লোষ্ণাদিভিঃ ক্রোধোপবাসাদিভিশ্চ স্বস্থান এব সঞ্চিতং কুপিতং চ পিত্তং, বাতশ্চ ভযশ্রমবলক্ষযৈঃ কুপিতঃ, ঊর্ধ্বং প্রসরত্ পিপাসাং জনযতি| তাল্বিত্যুপলক্ষণং; তেন ক্লোমাদ্যপি বোধ্যং, তস্য পিপাসাস্থানত্বেনোক্তত্বাত্| চরকেঽপ্যুক্তম্– “রসবাহিনীশ্চ ধমনীর্জিহ্বামূলগলতালুকক্লোম্নঃ| সংশোষ্য নৄণাং দেহে কুরুতস্তৃষামতিবলৌ তৌ তু||” (চ. চি. অ. ২২) ইতি| অন্নকফামজানাং সম্প্রাপ্তিমাহ– স্রোতঃস্বিত্যাদি| ননু, অপাংবাহিষ্বিতি বহুবচনং বিরুদ্ধং, ‘দ্বে উদকবহে’ (সু. শা. অ. ৯) ইতি সুশ্রুতেনোক্তত্বাত্| নৈবং, তযোরেবানেকপ্রতানযোগাদিতি| দোষৈরিতি অন্নকফামৈঃ, দুষ্টিকর্তৃত্বাদ্দুষ্টদোষসম্বন্ধাদ্বাঽন্নামযোরপি দোষত্বমিতি গদাধরঃ | তিস্র ইতি বাতাদিভিঃ প্রত্যেকম্| ক্ষতজেতি ক্ষতনিমিত্তা ব্রণিনাং যা ভবতি| চতুর্থীত্যনেনোক্তানাং চতসৃণাং সুখসাধ্যত্বং বোধযতি, অন্যাসাং তু কষ্টসাধ্যত্বম্||১-২||
Adhikarana vAtajatRuShNAlakShaNam (3) · Śloka 3
ক্ষামাস্যতা মারুতসম্ভবাযাং তোদস্তথা শঙ্খশিরঃসু চাপি |
স্রোতোনিরোধো বিরসং চ বক্ত্রং শীতাভিরদ্ভিশ্চ বিবৃদ্ধিমেতি ||৩||
(সু. উ. তং. অ. ৪৮) |
View original
क्षामास्यता मारुतसम्भवायां तोदस्तथा शङ्खशिरःसु चापि |
स्रोतोनिरोधो विरसं च वक्त्रं शीताभिरद्भिश्च विवृद्धिमेति ||३||
(सु. उ. तं. अ. ४८) |
বাতজামাহ– ক্ষামাস্যতেত্যাদি| ক্ষামাস্যতা শুষ্কদীনমুখত্বম্| স্রোতোনিরোধো রসাম্বুবাহিধমনীনিরোধঃ| শীতাভিরদ্ভিরিত্যনেন বাযোঃ শীতস্য শীতাম্বুনা বৃদ্ধিরিত্যনুপশযনিদর্শনম্| চকারাচ্চরকোক্তনিদ্রানাশস্য গ্রহণম্| যদাহ চরকঃ– “নিদ্রানাশঃ শিরসো ভ্রমস্তথা শুষ্কগলতালুঃ|” (চ. চি. অ. ২২) ইতি||৩||
Adhikarana pittajatRuShNAlakShaNam (4) · Śloka 4
মূর্ছান্নবিদ্বেষবিলাপদাহা রক্তেক্ষণত্বং প্রততশ্চ শোষঃ |
শীতাভিনন্দা মুখতিক্ততা চ পিত্তাত্মিকাযাং পরিদূযনং চ ||৪||
(সু. উ. তং. অ. ৪৮) |
View original
मूर्छान्नविद्वेषविलापदाहा रक्तेक्षणत्वं प्रततश्च शोषः |
शीताभिनन्दा मुखतिक्तता च पित्तात्मिकायां परिदूयनं च ||४||
(सु. उ. तं. अ. ४८) |
পিত্তজামাহ– মূর্ছেত্যাদিনা| বিলাপোঽত্র প্রলাপঃ| প্রততশ্চ শোষঃ অতীব মহতী তৃষ্ণা| শীতাভিনন্দা শীতেচ্ছা, ‘গুরোশ্চ হলঃ’ ইত্যকারপ্রত্যযঃ| পরিদূযনমুপতাপঃ, ‘পরিধূমনম্’ ইতি পাঠেঽন্তঃক্ষোভণং, ধূমনির্গম ইব বা| চকারাত্ পীতবিণ্মূত্রনেত্রত্বাদযো গ্রাহ্যাঃ||৪||
Adhikarana shleShmajatRuShNAlakShaNam (5) · Śloka 5
বাষ্পাবরোধাত্ কফসংবৃতেঽগ্নৌ তৃষ্ণা বলাসেন ভবেত্তথা তু |
নিদ্রা গুরুত্বং মধুরাস্যতা চ তৃষ্ণার্দিতঃ শুষ্যতি চাতিমাত্রম্ ||৫||
(সু. উ. তং. অ. ৪৮) |
View original
बाष्पावरोधात् कफसंवृतेऽग्नौ तृष्णा बलासेन भवेत्तथा तु |
निद्रा गुरुत्वं मधुरास्यता च तृष्णार्दितः शुष्यति चातिमात्रम् ||५||
(सु. उ. तं. अ. ४८) |
শ্লেষ্মজামাহ– বাষ্পেত্যাদি| স্বকারণকুপিতেন কফেনোপরিষ্টাদাচ্ছাদিতেঽন্তরগ্নৌ কফাবরুদ্ধবাষ্পেণ পাবকোষ্মণাঽধোগতেনাম্বুবহস্রোতঃশোষণাত্ কফজা তৃষ্ণা ভবতি| ননু, কফজা তৃষ্ণাঽনুপপন্না? কফস্য বৃদ্ধস্য কেবলদ্রবস্য পিপাসাকর্তৃত্বাযোগাত্, বাতপিত্তযোরেব তৃষ্ণাকর্তৃত্বেনোক্তত্বাত্| যদুক্তম্– “পিত্তং সবাতং কুপিতং নরাণাং” ইত্যাদি| চরকেঽপ্যুক্তম্– “নাগ্নের্বিনা তর্ষঃ পবনাদ্বা, তৌ হি শোষণে হেতূ|” (চ. চি. অ. ২২) ইতি| সুশ্রুতেঽপ্যুক্তম্– “মদ্যস্যাগ্নেযবাযব্যগুণাবম্বুবহানি তু| স্রোতাংসি শোষযেযাতাং ততস্তৃষ্ণা প্রজাযতে||” (সু. উ. তং. অ. ৪৭) ইতি| অত আহ– তথেতি| উক্তপ্রকারেণ কফাদগ্নের্বাষ্পাবরোধাদিনা, নতু স্বগুণেন; অত এব চরকে কফজা তৃষ্ণা ন পঠিতৈব, সুশ্রুতেন তু চিকিত্সাভেদার্থং পঠিতা, হারীতেনাপি সপিত্তেনৈব শ্লেষ্মণা তৃষ্ণা পঠিতা ন তু কেবলেন| যদাহ– “স্বাদ্বম্ললবণাজীর্ণৈঃ ক্রুদ্ধঃ শ্লেষ্মা সহোষ্মণা| প্রপদ্যাম্বুবহং স্রোতস্তৃষ্ণাং সঞ্জনযেন্নৃণাম্|| শিরসো গৌরবং তন্দ্রা মাধুর্যং বদনস্য চ| ভক্তদ্বেষঃ প্রসেকশ্চ নিদ্রাধিক্যং তথৈব চ|| এতৈর্লিঙ্গৈর্বিজানীযাত্তৃষ্ণাং কফসমুদ্ভবাম্|” ইতি||৫||
Adhikarana kShatajatRuShNAlakShaNam (6) · Śloka 6
ক্ষতস্য রুক্শোণিতনির্গমাভ্যাং তৃষ্ণা চতুর্থী ক্ষতজা মতা তু |৬|
(সু. উ. তং. অ. ৪৮) |
View original
क्षतस्य रुक्शोणितनिर्गमाभ्यां तृष्णा चतुर्थी क्षतजा मता तु |६|
(सु. उ. तं. अ. ४८) |
ক্ষতজামাহ– ক্ষতস্যেত্যাদি| শস্ত্রাদিক্ষতযুক্তস্য|৬|–
Adhikarana kShayajatRuShNAlakShaNam (6-7) · Śloka 7
রসক্ষযাদ্যা ক্ষযসম্ভবা সা তযাঽভিভূতশ্চ নিশাদিনেষু ||৬||
পেপীযতেঽম্ভঃ স সুখং ন যাতি তাং সন্নিপাতাদিতি কেচিদাহুঃ |
রসক্ষযোক্তানি চ লক্ষণানি তস্যামশেষেণ ভিষগ্ব্যবস্যেত্ ||৭||
(সু. উ. তং. অ. ৪৮) |
View original
रसक्षयाद्या क्षयसम्भवा सा तयाऽभिभूतश्च निशादिनेषु ||६||
पेपीयतेऽम्भः स सुखं न याति तां सन्निपातादिति केचिदाहुः |
रसक्षयोक्तानि च लक्षणानि तस्यामशेषेण भिषग्व्यवस्येत् ||७||
(सु. उ. तं. अ. ४८) |
ক্ষযশব্দস্যানেকবিষযত্বাত্ ক্ষযজাং বিশেষযন্নাহ– রসক্ষযাদিত্যাদি| পেপীযতে পুনঃ পুনঃ পিবতি; এতচ্চ বিশেষপরং, সর্বতৃষ্ণাসু তথাভূতত্বাত্| যদাহ সুশ্রুতঃ– “সততং যঃ পিবেদ্বারি ন তৃপ্তিমধিগচ্ছতি| পুনঃ কাঙ্ক্ষতি তোযং চ তং তৃষ্ণার্দিতমাদিশেত্||” (সু. উ. তং. অ. ৫৮) ইতি| রসক্ষযোক্তানি চ লক্ষণানি সুশ্রুতোক্তানি| তদ্যথা– “রসক্ষযে হৃত্পীডা কম্পঃ শোষঃ শূন্যতা তৃষ্ণা চ|” (সু. সূ. অ. ১৫) ইতি| তস্যাং ক্ষযজাযাম্| অশেষেণ কার্ত্স্ন্যেন||৬-৭||
Adhikarana AmajatRuShNAlakShaNam (8) · Śloka 8
ত্রিদোষলিঙ্গাঽঽমসমুদ্ভবা চ হৃচ্ছূলনিষ্ঠীবনসাদকর্ত্রী |৮|
(সু. উ. তং. অ. ৪৮) |
View original
त्रिदोषलिङ्गाऽऽमसमुद्भवा च हृच्छूलनिष्ठीवनसादकर्त्री |८|
(सु. उ. तं. अ. ४८) |
আমজামাহ– ত্রিদোষেত্যাদি| ত্রিদোষলিঙ্গা ত্রিদোষলিঙ্গযুক্তা| আমাদজীর্ণাত্ত্রিদোষকোপঃ স্যাদিতি|৮|–
Adhikarana bhuktodbhavatRuShNAlakShaNam (8) · Śloka 8
স্নিগ্ধং তথাঽম্লং লবণং চ ভুক্তং গুর্বন্নমেবাশু তৃষাং করোতি ||৮||
(সু. উ. তং. অ. ৪৮) |
View original
स्निग्धं तथाऽम्लं लवणं च भुक्तं गुर्वन्नमेवाशु तृषां करोति ||८||
(सु. उ. तं. अ. ४८) |
ভুক্তোদ্ভবামাহ– স্নিগ্ধমিত্যাদি| চকারাত্ কটু চ, নতু তিক্তকষাযমধুরাণীত্যর্থঃ| গুরুশব্দেন মাত্রাগুরু দ্রব্যগুরু চ গৃহ্যতে| দৃঢবলেন তু পঞ্চ তৃষ্ণাঃ পঠিতাঃ, বাতপিত্তক্ষযামোপসর্গজাঃ (চ. চি. অ. ২২) ইতি; তত্র, কফজা আমজাযামেবাবরুদ্ধা; ক্ষতজা বাতজাযাং; ভক্তজা চ বাতজাযাং, ভক্তাবরণেন বাতপ্রকোপাত্; পিত্তজাযাং বা, বিদাহেন পিত্তপ্রকোপাত্| সুশ্রুতে চোপসর্গজা যথাস্বং দোষজাসু| ননু, মদ্যজাঽপি সুশ্রুতেন মদাত্যযে (সু. উ. তং. অ. ৪৭) পঠিতা, তত্ কথং সপ্তেত্যুচ্যতে? সত্যং, তস্যা বাতপিত্তজাযামবরোধঃ, এবং দৃঢবলমতেঽপি||৮||
Adhikarana upasargajatRuShNAlakShaNaM, tRuShNopasargAshca (9) · Śloka 9
দীনস্বরঃ প্রতাম্যন্ দীনঃ সংশুষ্কবক্ত্রগলতালুঃ |
ভবতি খলু যোপসর্গাত্তৃষ্ণা সা শোষিণী কষ্টা ||৯||
View original
दीनस्वरः प्रताम्यन् दीनः संशुष्कवक्त्रगलतालुः |
भवति खलु योपसर्गात्तृष्णा सा शोषिणी कष्टा ||९||
তত্রোপসর্গজামাহ– দীনেত্যাদি| দীনস্বরঃ ক্ষামবচনঃ, প্রতাম্যন্ মুহ্যন্, দীনঃ ক্লান্তঃ| উপসর্গাদিতি উপদ্রবাদ্রোগাত্; উপদ্রবশব্দশ্চ সামান্যেন রোগমাত্রেঽপি বর্ততে, যথা– “নিরূহোপদ্রবচিকিত্সিতং ব্যাখ্যাস্যামঃ|” (সু. চি. অ. ৩৮) ইত্যত্র| কষ্টা কষ্টসাধ্যা, ব্যাধিকর্ষিতদেহত্বাত্||৯||
Adhikarana tRuShNopasargarogAH (10) · Śloka 10
জ্বরমোহক্ষযকাসশ্বাসাদ্যুপসৃষ্টদেহানাম্ |১০|
(চ. চি. অ. ২২) |
View original
ज्वरमोहक्षयकासश्वासाद्युपसृष्टदेहानाम् |१०|
(च. चि. अ. २२) |
তানেবোপসর্গানাহ– জ্বরেত্যাদি| আদিশব্দেনাতীসারাদীনাং গ্রহণম্|১০|–
Adhikarana asAdhyatRuShNAnAM lakShaNam (10) · Śloka 10
সর্বাস্ত্বতিপ্রসক্তা রোগকৃশানাং বমিপ্রযুক্তানাম্ |
ঘোরোপদ্রবযুক্তাস্তৃষ্ণা মরণায বিজ্ঞেযাঃ ||১০||
(চ. চি. অ. ২২) |
View original
सर्वास्त्वतिप्रसक्ता रोगकृशानां वमिप्रयुक्तानाम् |
घोरोपद्रवयुक्तास्तृष्णा मरणाय विज्ञेयाः ||१०||
(च. चि. अ. २२) |
অসাধ্যানাং লক্ষণমাহ– সর্বাস্ত্বিত্যাদি| সর্বা বাতজাদযঃ, অতিপ্রসক্তা অতিপ্রবৃদ্ধাঃ| ঘোরোপদ্রবযুক্তা মুখশোষাদিভির্বলবদ্ভিরুপদ্রবৈঃ সমন্বিতা ইতি জেজ্জটঃ||১০||
Adhikarana puShpikA · Śloka 16
ইতি শ্রীমাধবকরবিরচিতে মাধবনিদানে তৃষ্ণানিদানং সমাপ্তম্ ||১৬||
View original
इति श्रीमाधवकरविरचिते माधवनिदाने तृष्णानिदानं समाप्तम् ||१६||
ইতি শ্রীবিজযরক্ষিতকৃতাযাং মধুকোশব্যাখ্যাযাং তৃষ্ণানিদানং সমাপ্তম্||১৬||