Adhikarana Urustambhasya nidAnasamprAptipUrvakaM lakShaNam (1-5) · Śloka 5
অথোরুস্তম্ভনিদানম্ |
শীতোষ্ণদ্রবসংশুষ্কগুরুস্নিগ্ধৈর্নিষেবিতৈঃ |
জীর্ণাজীর্ণে তথাঽঽযাসসঙ্ক্ষোভস্বপ্নজাগরৈঃ ||১||
সশ্লেষ্মমেদঃপবনঃ সামমত্যর্থসঞ্চিতম্ |
অভিভূযেতরং দোষমূরূ চেত্ প্রতিপদ্যতে ||২||
সক্থ্যস্থিনী প্রপূর্যান্তঃ শ্লেষ্মণা স্তিমিতেন চ |
তদা স্তভ্নাতি তেনোরূ স্তব্ধৌ শীতাবচেতনৌ ||৩||
পরকীযাবিব গুরূ স্যাতামতিভৃশব্যথৌ |
ধ্যানাঙ্গমর্দস্তৈমিত্যতন্দ্রাচ্ছর্দ্যরুচিজ্বরৈঃ ||৪||
সংযুক্তৌ পাদসদনকৃচ্ছ্রোদ্ধরণসুপ্তিভিঃ |
তমূরুস্তম্ভমিত্যাহুরাঢ্যবাতমথাপরে ||৫||
(বা. নি. অ. ১৫) |
View original
अथोरुस्तम्भनिदानम् |
शीतोष्णद्रवसंशुष्कगुरुस्निग्धैर्निषेवितैः |
जीर्णाजीर्णे तथाऽऽयाससङ्क्षोभस्वप्नजागरैः ||१||
सश्लेष्ममेदःपवनः साममत्यर्थसञ्चितम् |
अभिभूयेतरं दोषमूरू चेत् प्रतिपद्यते ||२||
सक्थ्यस्थिनी प्रपूर्यान्तः श्लेष्मणा स्तिमितेन च |
तदा स्तभ्नाति तेनोरू स्तब्धौ शीतावचेतनौ ||३||
परकीयाविव गुरू स्यातामतिभृशव्यथौ |
ध्यानाङ्गमर्दस्तैमित्यतन्द्राच्छर्द्यरुचिज्वरैः ||४||
संयुक्तौ पादसदनकृच्छ्रोद्धरणसुप्तिभिः |
तमूरुस्तम्भमित्याहुराढ्यवातमथापरे ||५||
(वा. नि. अ. १५) |
বাতব্যাধিবিশেষত্বাদূরুস্তম্ভমাহ– শীতোষ্ণেত্যাদি| শীতোষ্ণগ্রহণমনুক্তপরস্পরবিরোধিদ্বন্দ্বোপলক্ষণার্থং, তেন গুরুস্নিগ্ধাভ্যাং লঘুরূক্ষযোর্গ্রহণং বোধ্যমিতি জেজ্জটঃ| সংশুষ্কং কঠিনং, দ্রববিরোধিত্বাত্| জীর্ণাজীর্ণে ইতি প্রভূতং জীর্ণং, স্তোকমজীর্ণমিত্যাহুঃ, তস্মিন্; ‘ভোজনে’ ইতি শেষঃ| অত এব দৃঢবলেন– ‘জীর্ণাজীর্ণে সমশ্নতঃ|’ (চ. চি. অ. ২৭) ইতি পঠিতম্| এতে চ যথাসম্ভবং শ্লেষ্মাদীনাং হেতবঃ| সশ্লেষ্মমেদঃপবনঃ ইতি সশ্লেষ্মমেদশ্চাসৌ পবনশ্চেতি সশ্লেষ্মমেদঃপবনঃ ইতি বিগ্রহঃ| ইতরং দোষং পিত্তম্| অস্যাং সম্প্রাপ্তৌ বাতস্য প্রাধান্যমুক্তম্, অত এব সুশ্রুতেন মহাবাতব্যাধাবযং রোগঃ পঠিতঃ| চরকে তু কফস্য প্রাধান্যমুক্তম্| যদাহ– “ঊরূ শ্লেষ্মা সমেদস্কো বাতপিত্তেঽভিভূয তু|” (চ. চি. অ. ২৭) ইত্যাদি| তত্র চরকে আবরকস্য শ্লেষ্মণঃ প্রাক্চিকিত্স্যত্বেন প্রাধান্যম্, আরম্ভকত্বেন তু সুশ্রুতে পবনস্যেতি ন বিরোধঃ| পরকীযাবিবেত্যনেন উত্ক্ষেপণগমনাদিষ্বপ্রভুত্বং দর্শযতি| ধ্যানাদিভির্জ্বরান্তৈরুপলক্ষিতঃ ‘পুরুষ’ ইতি শেষঃ||১-৫||
Adhikarana Urustambhasya pUrvarUpam (6) · Śloka 6
প্রাগ্রূপং তস্য নিদ্রাঽতিধ্যানং স্তিমিততা জ্বরঃ |
রোমহর্ষোঽরুচিশ্ছর্দির্জঙ্ঘোর্বোঃ সদনং তথা ||৬||
View original
प्राग्रूपं तस्य निद्राऽतिध्यानं स्तिमितता ज्वरः |
रोमहर्षोऽरुचिश्छर्दिर्जङ्घोर्वोः सदनं तथा ||६||
প্রাগ্রূপমাহ– প্রাগিত্যাদি||৬||
Adhikarana Urustambhasya anupashayaM, lakShaNam, asAdhyalakShaNam (7-10) · Śloka 10
বাতশঙ্কিভিরজ্ঞানাত্তস্য স্যাত্ স্নেহনাত্ পুনঃ |
পাদযোঃ সদনং সুপ্তিঃ কৃচ্ছ্রাদুদ্ধরণং তথা ||৭||
জঙ্ঘোরুগ্লানিরত্যর্থং শশ্বচ্চাদাহবেদনে |
পাদং চ ব্যথতে ন্যস্তং শীতস্পর্শং ন বেত্তি চ ||৮||
সংস্থানে পীডনে গত্যাং চালনে চাপ্যনীশ্বরঃ |
অন্যস্যেব হি সম্ভগ্নাবূরূ পাদৌ চ মন্যতে ||৯||
যদা দাহার্তিতোদার্তো বেপনঃ পুরুষো ভবেত্ |
ঊরুস্তম্ভস্তদা হন্যাত্, সাধযেদন্যথা নবম্ ||১০||
(চ. চি. অ. ২৭) |
View original
वातशङ्किभिरज्ञानात्तस्य स्यात् स्नेहनात् पुनः |
पादयोः सदनं सुप्तिः कृच्छ्रादुद्धरणं तथा ||७||
जङ्घोरुग्लानिरत्यर्थं शश्वच्चादाहवेदने |
पादं च व्यथते न्यस्तं शीतस्पर्शं न वेत्ति च ||८||
संस्थाने पीडने गत्यां चालने चाप्यनीश्वरः |
अन्यस्येव हि सम्भग्नावूरू पादौ च मन्यते ||९||
यदा दाहार्तितोदार्तो वेपनः पुरुषो भवेत् |
ऊरुस्तम्भस्तदा हन्यात्, साधयेदन्यथा नवम् ||१०||
(च. चि. अ. २७) |
অনুপশযমাহ– বাতেত্যাদি| বাতশঙ্কিভিরিতি সুপ্তিসঙ্কোচকম্পাদিবাতরোগসদৃশলিঙ্গদর্শনাত্তচ্ছঙ্কিভিঃ| অজ্ঞানাদনিশ্চযাত্, মোহাদিতি ঈশানঃ| তত্রোপশযানুপশযজ্ঞানার্থং স্নেহনং, যদুক্তং চরকে– “গূঢলিঙ্গং ব্যাধিমুপশযানুপশযাভ্যাং পরীক্ষেত|” (চ. চি. অ. ৪) ইতি| ততঃ স্নেহনাদনুপশযো ভবতীত্যাহ– পাদযোরিত্যাদি| উদ্ধরণম্ ঊর্ধ্বচালনম্| আদাহবেদনে ইতি আঙ্ ঈষদর্থে; অন্যে ত্বীষদর্থ এব নঞমাহুঃ, উদ্ভূতদাহস্যাসাধ্যত্বেন বক্ষ্যমাণত্বাত্| ‘আনাহবেপ(দ)নে’ ইতি পাঠান্তরমযুক্তং, চরকটীকাকারৈঃ সর্বৈরব্যাখ্যাতত্বাত্| ব্যাধিস্বভাবাদযং চোরুস্তম্ভ এক এব ত্রিদোষারব্ধঃ, নতু বাতাদিভেদাদনেকবিধঃ| উক্তং হি চরকে ব্যাধিসঙ্খ্যাযাম্– “এক এবোরুস্তম্ভঃ” (চ. সূ. অ. ১৯) ইতি| সম্ভগ্নাবিতি সম্ভগ্নাবিব সম্ভগ্নৌ||৭-১০||
Adhikarana puShpikA · Śloka 24
ইতি শ্রীমাধবকরবিরচিতে মাধবনিদানে ঊরুস্তম্ভনিদানং সমাপ্তম্ ||২৪||
View original
इति श्रीमाधवकरविरचिते माधवनिदाने ऊरुस्तम्भनिदानं समाप्तम् ||२४||
ইতি শ্রীবিজযরক্ষিতকৃতাযাং মধুকোশব্যাখ্যাযামূরুস্তম্ভনিদানং সমাপ্তম্||২৪||