Adhikarana vAtaraktanidAnam (1-3) · Śloka 3
অথ বাতরক্তনিদানম্ |
লবণাম্লকটুক্ষারস্নিগ্ধোষ্ণাজীর্ণভোজনঃ |
ক্লিন্নশুষ্কাম্বুজানূপমাংসপিণ্যাকমূলকৈঃ ||১||
কুলত্থমাষনিষ্পাবশাকাদিপললেক্ষুভিঃ |
দধ্যারনালসৌবীরশুক্ততক্রসুরাসবৈঃ ||২||
বিরুদ্ধাধ্যশনক্রোধদিবাস্বপ্নপ্রজাগরৈঃ |
প্রাযশঃ সুকুমারাণাং মিথ্যাহারবিহারিণাম্ |
(চ. চি. অ. ২৯) |
স্থূলানাং সুখিনাং চাপি কুপ্যতে বাতশোণিতম্ ||৩||
(সু. চি. অ. ১) |
View original
अथ वातरक्तनिदानम् |
लवणाम्लकटुक्षारस्निग्धोष्णाजीर्णभोजनः |
क्लिन्नशुष्काम्बुजानूपमांसपिण्याकमूलकैः ||१||
कुलत्थमाषनिष्पावशाकादिपललेक्षुभिः |
दध्यारनालसौवीरशुक्ततक्रसुरासवैः ||२||
विरुद्धाध्यशनक्रोधदिवास्वप्नप्रजागरैः |
प्रायशः सुकुमाराणां मिथ्याहारविहारिणाम् |
(च. चि. अ. २९) |
स्थूलानां सुखिनां चापि कुप्यते वातशोणितम् ||३||
(सु. चि. अ. १) |
বাতব্যাধিবিশেষত্বাত্তদনন্তরং বাতরক্তমাহ| ননু, সুশ্রুতে বাতরোগাধ্যাযে এব বাতরক্তং পঠিতং, তত্ কুতোঽত্র সঙ্গ্রহে পৃথক্ পাঠঃ? উচ্যতে– সত্যপি বাতরোগত্বে নিদানবৈশিষ্ট্যাত্ বিশিষ্টদোষদূষ্যখ্যাপনার্থং হস্তাদিদেশ এব সম্প্রাপ্তিকথনার্থং ক্রিযাবিশেষখ্যাপনার্থং চ পৃথক্করণম্| অত এব চরকেঽপি বাতব্যাধ্যনন্তরং পৃথগ্বাতরক্তাধিকারঃ| ননু, ‘রুজস্তীব্রাঃ সসন্তাপা’ ইত্যাদিনা রক্তগতস্য বাতস্য লক্ষণং বাতব্যাধাবেবোক্তং, ততশ্চ বাতরক্তাভিধানং পুনরুক্তং স্যাত্; নৈবং, বাতরক্তং হি দুষ্টেন বাতেন দুষ্টেন রক্তেন চ বিশিষ্টসম্প্রাপ্তিকং বিকারান্তরমেব| উক্তং হি চরকে– “বাযুঃ প্রবৃদ্ধো বৃদ্ধেন রক্তেনাবারিতঃ পথি| ক্রুদ্ধঃ সন্দূষযেদ্রক্তং তজ্জ্ঞেযং বাতশোণিতম্||” (চ. চি. অ. ২৯) ইতি| রক্তগতবাতে তু বাত এব দুষ্টো রক্তমদুষ্টমেব গচ্ছতীতি ভেদঃ| লবণাম্লেত্যাদি, ক্লিন্নশুষ্কশব্দৌ মাংসেন সম্বধ্যেতে| পিণ্যাকস্তিলকল্কঃ| নিষ্পাবঃ শিম্বিঃ, পললং মাংসম্| প্রাযশ ইত্যাদি, সুকুমারা মৃদুদেহাবযবাঃ, “তেষামল্পচেষ্টত্বাল্লবণাদিভিঃ রক্তং কটুতিক্তপ্রজাগরাদিভিশ্চ বাতঃ কুপ্যতি|” ইতি ঈশানঃ||১-৩||
Adhikarana vAtaraktasamprAptiH (4) · Śloka 4
হস্ত্যশ্বোষ্ট্রৈর্গচ্ছতশ্চাশ্নতশ্চ বিদাহ্যন্নং সবিদাহোঽশনস্য |
কৃত্স্নং রক্তং বিদহত্যাশু তচ্চ স্রস্তং দুষ্টং পাদযোশ্চীযতে তু |
তত্ সম্পৃক্তং বাযুনা দূষিতেন তত্প্রাবল্যাদুচ্যতে বাতরক্তম্ ||৪||
(সু. নি. অ. ১) |
View original
हस्त्यश्वोष्ट्रैर्गच्छतश्चाश्नतश्च विदाह्यन्नं सविदाहोऽशनस्य |
कृत्स्नं रक्तं विदहत्याशु तच्च स्रस्तं दुष्टं पादयोश्चीयते तु |
तत् सम्पृक्तं वायुना दूषितेन तत्प्राबल्यादुच्यते वातरक्तम् ||४||
(सु. नि. अ. १) |
সম্প্রাপ্তিমাহ– হস্ত্যশ্বেত্যাদি| হস্ত্যাদিগমনং বাতবৃদ্ধৌ বিশেষেণ রক্তস্য দ্রবস্যাধোগমনেঽপি হেতুঃ, বিদাহ্যন্নং চ শোণিতবৃদ্ধৌ| হস্ত্যাদিগমনং বিশেষেণ, পাদেনাপি গমনং হেতুরেব| তত্ রক্তম্| সম্পৃক্তং বাযুনা দূষিতেন স্বহেতুবৃদ্ধেন| তত্প্রাবল্যাদিতি দ্বযোর্দুষ্টত্বেঽপিবাতস্য প্রাবল্যাত্ দোষত্বেন প্রাধান্যাদ্বাতরক্তব্যপদেশঃ, নতু রক্তবাত ইতি||৪||
Adhikarana vAtaraktapUrvarUpam (5-7) · Śloka 7
স্বেদোঽত্যর্থং ন বা কার্ষ্ণ্যং স্পর্শাজ্ঞত্বং ক্ষতেঽতিরুক্ |
সন্ধিশৈথিল্যমালস্যং সদনং পিডকোদ্গমঃ ||৫||
জানুজঙ্ঘোরুকট্যংসহস্তপাদাঙ্গসন্ধিষু |
নিস্তোদঃ স্ফুরণং ভেদো গুরুত্বং সুপ্তিরেব চ ||৬||
কণ্ডূঃ সন্ধিষু রুগ্ভূত্বা ভূত্বা নশ্যতি চাসকৃত্ |
বৈবর্ণ্যং মণ্ডলোত্পত্তির্বাতাসৃক্পূর্বলক্ষণম্ ||৭||
(চ. চি. অ. ২৯) |
View original
स्वेदोऽत्यर्थं न वा कार्ष्ण्यं स्पर्शाज्ञत्वं क्षतेऽतिरुक् |
सन्धिशैथिल्यमालस्यं सदनं पिडकोद्गमः ||५||
जानुजङ्घोरुकट्यंसहस्तपादाङ्गसन्धिषु |
निस्तोदः स्फुरणं भेदो गुरुत्वं सुप्तिरेव च ||६||
कण्डूः सन्धिषु रुग्भूत्वा भूत्वा नश्यति चासकृत् |
वैवर्ण्यं मण्डलोत्पत्तिर्वातासृक्पूर्वलक्षणम् ||७||
(च. चि. अ. २९) |
পূর্বরূপমাহ– স্বেদেত্যাদি| স্বেদোঽত্যর্থং ন বেতি ঘর্মাগমনমত্যর্থং ভবতি সর্বথা বা ন ভবতি, এতচ্চ ব্যাধিমহিম্না কুষ্ঠবত্| ক্ষতেঽতিরুগিতি যদি কারণান্তরাত্ ক্ষতং স্যাত্তদাঽতিশযং রুজা স্যাত্, তদ্দেশস্য দুষ্টত্বাত্||৫-৭||
Adhikarana vAtaraktasya doShAntareNa saMsarge lakShaNAni (8-12) · Śloka 12
বাতেঽধিকেঽধিকং তত্র শূলস্ফুরণভঞ্জনম্ |
শোথস্য রৌক্ষ্যং কৃষ্ণত্বং শ্যাবতা বৃদ্ধিহানযঃ ||৮||
ধমন্যঙ্গুলিসন্ধীনাং সঙ্কোচোঽঙ্গগ্রহোঽতিরুক্ |
শীতদ্বেষানুপশযৌ স্তম্ভবেপথুসুপ্তযঃ ||৯||
রক্তে শোথোঽতিরুক্তোদস্তাম্রশ্চিমিচিমাযতে |
স্নিগ্ধরূক্ষৈঃ শমং নৈতি কণ্ডূক্লেদসমন্বিতঃ ||১০||
পিত্তে বিদাহঃ সম্মোহঃ স্বেদো মূর্ছা মদস্তৃষা |
স্পর্শাসহত্বং রুগ্রাগঃ শোথঃ পাকো ভৃশোষ্মতা ||১১||
কফে স্তৈমিত্যগুরুতাসুপ্তিস্নিগ্ধত্বশীততাঃ |
কণ্ডূর্মন্দা চ রুগ্দ্বন্দ্বং সর্বলিঙ্গং চ সঙ্করাত্ ||১২||
(বা. নি. অ. ১৬) |
View original
वातेऽधिकेऽधिकं तत्र शूलस्फुरणभञ्जनम् |
शोथस्य रौक्ष्यं कृष्णत्वं श्यावता वृद्धिहानयः ||८||
धमन्यङ्गुलिसन्धीनां सङ्कोचोऽङ्गग्रहोऽतिरुक् |
शीतद्वेषानुपशयौ स्तम्भवेपथुसुप्तयः ||९||
रक्ते शोथोऽतिरुक्तोदस्ताम्रश्चिमिचिमायते |
स्निग्धरूक्षैः शमं नैति कण्डूक्लेदसमन्वितः ||१०||
पित्ते विदाहः सम्मोहः स्वेदो मूर्छा मदस्तृषा |
स्पर्शासहत्वं रुग्रागः शोथः पाको भृशोष्मता ||११||
कफे स्तैमित्यगुरुतासुप्तिस्निग्धत्वशीतताः |
कण्डूर्मन्दा च रुग्द्वन्द्वं सर्वलिङ्गं च सङ्करात् ||१२||
(वा. नि. अ. १६) |
বাতরক্তস্য দোষান্তরসংসর্গেণ লক্ষণান্যাহ– বাতেঽধিক ইত্যাদি| বৃদ্ধিহানয ইতি বাতরক্তলক্ষণানাম্| রক্ত ইত্যাদি| রক্ত ইত্যত্র ‘অধিক’ ইত্যনুবর্তনীযম্, এবং বক্ষ্যমাণপিত্তাদিষু| এতচ্চারম্ভকরক্তাদন্যদ্রক্তান্তরং বোধ্যং, রক্তমপি রক্তান্তরদূষকং ভবতি| যদুক্তং দুষ্টরক্তলক্ষণে– “ পিত্তবদ্রক্তেনাতিকৃষ্ণং চ|” (সু. সূ. অ. ১৪) ইতি| শমং নৈতি শান্তিং ন যাতি| কফ ইত্যাদি| দ্বন্দ্বসর্বলিঙ্গং চ সঙ্করাদিতি সঙ্করাত্ দ্বিদোষত্রিদোষমেলকাত্ দ্বন্দ্বলিঙ্গং সর্বলিঙ্গং চ ক্রমাদ্বাতরক্তং ভবতি||৮-১২||
Adhikarana kruddhasya vAtaraktasya sarvadehavisarpitatvam (13) · Śloka 13
পাদযোর্মূলমাস্থায কদাচিদ্ধস্তযোরপি |
আখোর্বিষমিব ক্রুদ্ধং তদ্দেহমুপসর্পতি ||১৩||
(সু. নি. অ. ১) |
View original
पादयोर्मूलमास्थाय कदाचिद्धस्तयोरपि |
आखोर्विषमिव क्रुद्धं तद्देहमुपसर्पति ||१३||
(सु. नि. अ. १) |
পাদযোর্জাতমপ্রতিক্রিযমাণং দেশান্তরং ব্যাপ্নোতি, পাদবদ্ধস্তযোরপি ভবতীতি দর্শযন্নাহ– পাদযোরিত্যাদি| আখোর্বিষমিত্যনেন মন্দবিসর্পণতাং দর্শিতবান্; এতদ্বাতরক্তং চরকেণ দ্বিবিধমুক্তম্| যদাহ– “উত্তানমথ গম্ভীরং দ্বিবিধং বাতশোণিতম্| ত্বঙ্মাংসাশ্রযমুত্তানং গম্ভীরং ত্বন্তরাশ্রযম্||” (চ. চি. অ. ২৯) ইতি| সুশ্রুতেন তু কুষ্ঠবদুত্পত্তৌ উত্তানস্যোত্তরকালং গম্ভীরত্বমুক্তমিতি মতভেদ এব||১৩||
Adhikarana vAtaraktasya sAdhyAsAdhyavicAraH (14-18) · Śloka 18
আজানু স্ফুটিতং যচ্চ প্রভিন্নং প্রস্রুতং চ যত্ |
উপদ্রবৈশ্চ যজ্জুষ্টং প্রাণমাংসক্ষযাদিভিঃ ||১৪||
বাতরক্তমসাধ্যং স্যাদ্যাপ্যং সংবত্সরোত্থিতম্ |
(সু. নি. অ. ১) |
অস্বপ্নারোচকশ্বাসমাংসকোথশিরোগ্রহাঃ ||১৫||
সম্মূর্ছামদরুক্তৃষ্ণাজ্বরমোহপ্রবেপকাঃ |
হিক্কাপাঙ্গুল্যবীসর্পপাকতোদভ্রমক্লমাঃ ||১৬||
অঙ্গুলীবক্রতাস্ফোটদাহমর্মগ্রহার্বুদাঃ |
এতৈরুপদ্রবৈর্বর্জ্যং মোহেনৈকেন বাঽপি যত্ ||১৭||
অকৃত্স্নোপদ্রবং যাপ্যং, সাধ্যং স্যান্নিরুপদ্রবম্ |
একদোষানুগং সাধ্যং নবং, যাপ্যং দ্বিদোষজম্ |
ত্রিদোষজমসাধ্যং স্যাদ্যস্য চ স্যুরুপদ্রবাঃ ||১৮||
(চ. চি. অ. ২৯) |
View original
आजानु स्फुटितं यच्च प्रभिन्नं प्रस्रुतं च यत् |
उपद्रवैश्च यज्जुष्टं प्राणमांसक्षयादिभिः ||१४||
वातरक्तमसाध्यं स्याद्याप्यं संवत्सरोत्थितम् |
(सु. नि. अ. १) |
अस्वप्नारोचकश्वासमांसकोथशिरोग्रहाः ||१५||
सम्मूर्छामदरुक्तृष्णाज्वरमोहप्रवेपकाः |
हिक्कापाङ्गुल्यवीसर्पपाकतोदभ्रमक्लमाः ||१६||
अङ्गुलीवक्रतास्फोटदाहमर्मग्रहार्बुदाः |
एतैरुपद्रवैर्वर्ज्यं मोहेनैकेन वाऽपि यत् ||१७||
अकृत्स्नोपद्रवं याप्यं, साध्यं स्यान्निरुपद्रवम् |
एकदोषानुगं साध्यं नवं, याप्यं द्विदोषजम् |
त्रिदोषजमसाध्यं स्याद्यस्य च स्युरुपद्रवाः ||१८||
(च. चि. अ. २९) |
অসাধ্যত্বাদিকমাহ– আজান্বিত্যাদি| আজানু জানুপর্যন্তং গতমসাধ্যম্| তথা স্ফুটিতাদিকং স্ফুটিতং দলিতত্বক্, প্রভিন্নং বিদীর্ণত্বক্| উপদ্রবৈরিত্যাদৌ আদিশব্দেন বক্ষ্যমাণানামস্বপ্নাদীনাং গ্রহণম্| যাপ্যং সংবত্সরোত্থিতমিত্যনেন সংবত্সরাদর্বাক্ সাধ্যং, যদি স্ফুটিতত্বগাদযো ন ভবেযুরিত্যাহুঃ| অস্বপ্নেত্যাদি| পাঙ্গুল্যং পঙ্গুতা| মোহেনৈকেনেতি বচনাত্ পূর্বোক্তৈঃ সমস্তৈর্দ্বিত্র্যাদিভিশ্চেতি জ্ঞাপযতীতি||১৪-১৮||
Adhikarana puShpikA · Śloka 23
ইতি শ্রীমাধবকরবিরচিতে মাধবনিদানে বাতরক্তনিদানং সমাপ্তম্ ||২৩||
View original
इति श्रीमाधवकरविरचिते माधवनिदाने वातरक्तनिदानं समाप्तम् ||२३||
ইতি শ্রীবিজযরক্ষিতকৃতাযাং মধুকোশব্যাখ্যাযাং বাতরক্তনিদানং সমাপ্তম্||২৩||