Adhikarana mAdhavanidAnAntargataviShayAnukramaNikA (9) · Śloka 9
অথ বিষযানুক্রমণিকা | জ্বরোঽতিসারো গ্রহণী চার্শোঽজীর্ণং বিসূচিকা | অলসশ্চ বিলম্বী চ ক্রিমিরুক্পাণ্ডুকামলাঃ ||১|| হলীমকং রক্তপিত্তং রাজযক্ষ্মা উরঃক্ষতম্ | কাসো হিক্কা সহ শ্বাসৈঃ স্বরভেদস্ত্বরোচকঃ ||২|| ছর্দিস্তৃষ্ণা চ মূর্ছাদ্যা রোগাঃ পানাত্যযাদযঃ | দাহোন্মাদাবপস্মারঃ কথিতোঽথানিলামযঃ ||৩|| বাতরক্তমূরুস্তম্ভ আমবাতোঽথ শূলরুক্ | পক্তিজং শূলমানাহ উদাবর্তোঽথ গুল্মরুক্ ||৪|| হৃদ্রোগো মূত্রকৃচ্ছ্রং চ মূত্রাঘাতস্তথাঽশ্মরী | প্রমেহো মধুমেহশ্চ পিডকাশ্চ প্রমেহজাঃ ||৫|| মেদস্তথোদরং শোথো বৃদ্ধিশ্চ গলগণ্ডকঃ | গণ্ডমালাঽপচী গ্রন্থিরর্বুদঃ শ্লীপদং তথা ||৬|| বিদ্রধির্ব্রণশোথশ্চ দ্বৌ ব্রণৌ ভগ্ননাডিকে | ভগন্দরোপদংশৌ চ শূকদোষস্ত্বগামযঃ ||৭|| শীতপিত্তমুদর্দশ্চ কোঠশ্চৈবাম্লপিত্তকম্ | বিসর্পশ্চ সবিস্ফোটঃ সরোমান্ত্যো মসূরিকাঃ ||৮|| ক্ষুদ্রাস্যকর্ণনাসাক্ষিশিরঃস্ত্রীবালকামযাঃ | বিষং চেত্যযমুদ্দিষ্টো রুগ্বিনিশ্চযসঙ্গ্রহঃ ||৯||
View original
अथ विषयानुक्रमणिका | ज्वरोऽतिसारो ग्रहणी चार्शोऽजीर्णं विसूचिका | अलसश्च विलम्बी च क्रिमिरुक्पाण्डुकामलाः ||१|| हलीमकं रक्तपित्तं राजयक्ष्मा उरःक्षतम् | कासो हिक्का सह श्वासैः स्वरभेदस्त्वरोचकः ||२|| छर्दिस्तृष्णा च मूर्छाद्या रोगाः पानात्ययादयः | दाहोन्मादावपस्मारः कथितोऽथानिलामयः ||३|| वातरक्तमूरुस्तम्भ आमवातोऽथ शूलरुक् | पक्तिजं शूलमानाह उदावर्तोऽथ गुल्मरुक् ||४|| हृद्रोगो मूत्रकृच्छ्रं च मूत्राघातस्तथाऽश्मरी | प्रमेहो मधुमेहश्च पिडकाश्च प्रमेहजाः ||५|| मेदस्तथोदरं शोथो वृद्धिश्च गलगण्डकः | गण्डमालाऽपची ग्रन्थिरर्बुदः श्लीपदं तथा ||६|| विद्रधिर्व्रणशोथश्च द्वौ व्रणौ भग्ननाडिके | भगन्दरोपदंशौ च शूकदोषस्त्वगामयः ||७|| शीतपित्तमुदर्दश्च कोठश्चैवाम्लपित्तकम् | विसर्पश्च सविस्फोटः सरोमान्त्यो मसूरिकाः ||८|| क्षुद्रास्यकर्णनासाक्षिशिरःस्त्रीबालकामयाः | विषं चेत्ययमुद्दिष्टो रुग्विनिश्चयसङ्ग्रहः ||९||
🔊 Audio coming soon
অস্মিন্ গ্রন্থে রোগসঙ্গ্রহমাহ– জ্বরাতিসারাবিত্যাদি| গ্রহণ্যশ্চতস্রঃ| একস্মিন্নজীর্ণনিদানে বিসূচিকালসবিলম্বিকা জ্ঞেযাঃ| পানাত্যযাদযঃ পানবিভ্রমাদযঃ| পিডকাঃ প্রমেহোক্তাঃ| মেদোদোষো মেদোরোগঃ| উপদংশো মেঢ্ররোগঃ| ত্বগামযঃ কুষ্ঠরোগঃ| রোমান্ত্যো মসূরিকাভেদঃ| আস্যং মুখম্| রুগ্বিনিশ্চযে অযমুদ্দেশঃ||৯||