Adhikarana vraNashothasya vishiShTalakShaNam (1-2) · Śloka 2
অথ ব্রণশোথনিদানম্ |
একদেশোত্থিতঃ শোথো ব্রণানাং পূর্বলক্ষণম্ |
ষড্বিধঃ স্যাত্ পৃথক্সর্বরক্তাগন্তুনিমিত্তজঃ ||১||
শোথাঃ ষডেতে বিজ্ঞেযাঃ প্রাগুক্তৈঃ শোথলক্ষণৈঃ |
বিশেষঃ কথ্যতে চৈষাং পক্বাপক্বাদিনিশ্চযে ||২||
View original
अथ व्रणशोथनिदानम् |
एकदेशोत्थितः शोथो व्रणानां पूर्वलक्षणम् |
षड्विधः स्यात् पृथक्सर्वरक्तागन्तुनिमित्तजः ||१||
शोथाः षडेते विज्ञेयाः प्रागुक्तैः शोथलक्षणैः |
विशेषः कथ्यते चैषां पक्वापक्वादिनिश्चये ||२||
প্রাযেণ চিকিত্সাসাধর্ম্যাদ্ ভাবিব্রণত্বসম্বন্ধতুল্যত্বাচ্চ ব্রণশোথনিদানমাহ– একদেশোত্থিত ইত্যাদি| ষড্বিধ ইতি সঙ্খ্যাকথনং দ্বন্দ্বজনিষেধার্থম্| প্রাগুক্তৈরিতি আমপক্বৈষণীযোক্তৈঃ; তত্র হি “বাতশ্বযথুররুণঃ কৃষ্ণো বা পরুষো মৃদুরনবস্থিতঃ” (সু. সূ. অ. ১৭) ইত্যাদিনা ষট্শোথলক্ষণান্যুক্তানি| বিশেষঃ কথ্যতে চৈষামিতি তত্রানুক্তো বিশেষঃ কথ্যত ইত্যর্থঃ| পক্বাপক্বাদিনিশ্চয ইতি অত্রাদিশব্দেন পচ্যমানস্য পরিগ্রহঃ||১-২||
Adhikarana vraNashothasya vAtajAdibhedena visheShalakShaNam (3) · Śloka 3
বিষমং পচ্যতে বাতাত্ পিত্তোত্থশ্চাচিরাচ্চিরম্ |
কফজঃ পিত্তবচ্ছোথো রক্তাগন্তুসমুদ্ভবঃ ||৩||
View original
विषमं पच्यते वातात् पित्तोत्थश्चाचिराच्चिरम् |
कफजः पित्तवच्छोथो रक्तागन्तुसमुद्भवः ||३||
বাতাদিভেদেন বিশেষলক্ষণমাহ– বিষমমিত্যাদি| পিত্তবদিতি পিত্তশোথবদচিরং পচ্যতে||৩||
Adhikarana vraNashothasyAmalakShaNam (4) · Śloka 4
মন্দোষ্মতাঽল্পশোথত্বং কাঠিন্যং ত্বক্সবর্ণতা |
মন্দবেদনতা চৈতচ্ছোথানামামলক্ষণম্ ||৪||
View original
मन्दोष्मताऽल्पशोथत्वं काठिन्यं त्वक्सवर्णता |
मन्दवेदनता चैतच्छोथानामामलक्षणम् ||४||
আমশোথলক্ষণমাহ– মন্দেতি| মন্দোষ্মতা ঈষদুষ্ণতা, ত্বক্সবর্ণতা ত্বক্সদৃশ এব বর্ণঃ||৪||
Adhikarana pacyamAnavraNashothalakShaNam (5-8) · Śloka 8
দহ্যতে দহনেনেব ক্ষারেণেব চ পচ্যতে |
পিপীলিকাগণেনেব দশ্যতে ছিদ্যতে তথা ||৫||
ভিদ্যতে চৈব শস্ত্রেণ দণ্ডেনেব চ তাড্যতে |
পীড্যতে পাণিনেবান্তঃ সূচীভিরিব তুদ্যতে ||৬||
সোষাচোষো বিবর্ণঃ স্যাদঙ্গুল্যেবাবঘট্যতে |
আসনে শযনে স্থানে শান্তিং বৃশ্চিকবিদ্ধবত্ ||৭||
ন গচ্ছেদাততঃ শোথো ভবেদাধ্মাতবস্তিবত্ |
জ্বরস্তৃষ্ণাঽরুচিশ্চৈব পচ্যমানস্য লক্ষণম্ ||৮||
View original
दह्यते दहनेनेव क्षारेणेव च पच्यते |
पिपीलिकागणेनेव दश्यते छिद्यते तथा ||५||
भिद्यते चैव शस्त्रेण दण्डेनेव च ताड्यते |
पीड्यते पाणिनेवान्तः सूचीभिरिव तुद्यते ||६||
सोषाचोषो विवर्णः स्यादङ्गुल्येवावघट्यते |
आसने शयने स्थाने शान्तिं वृश्चिकविद्धवत् ||७||
न गच्छेदाततः शोथो भवेदाध्मातबस्तिवत् |
ज्वरस्तृष्णाऽरुचिश्चैव पच्यमानस्य लक्षणम् ||८||
পচ্যমানলক্ষণমাহ– দহ্যত ইত্যাদি| পচ্যমানশোথে পিত্তলিঙ্গান্যেব ভূযসা ভবন্তি, বিদাহস্য পিত্তপ্রকোপজত্বাত্; বিদাহশ্চাত্র দোষাদীনামেব| তেন জ্বরতৃষ্ণারুচ্যাদযোঽত্র পিত্তলিঙ্গানি| ছিদ্যত ইতি দ্বিধা ক্রিযত ইব| ভিদ্যত ইতি বিদার্যতে| সোষাচোষ ইতি উষা দাহঃ, চোষঃ পার্শ্বস্থাগ্নিসন্তাপবদ্ব্যথা, তাভ্যাং সহ বর্ততে যঃ স তথা||৫-৮||
Adhikarana pakvavraNashothalakShaNam (9-11) · Śloka 11
বেদনোপশমঃ শোথোঽলোহিতোঽল্পো ন চোন্নতঃ |
প্রাদুর্ভাবো বলীনাং চ তোদঃ কণ্ডূর্মুহুর্মুহুঃ ||৯||
উপদ্রবাণাং প্রশমো নিম্নতা স্ফুটনং ত্বচাম্ |
বস্তাবিবাম্বুসঞ্চারঃ স্যাচ্ছোথেঽঙ্গুলিপীডিতে ||১০||
পূযস্য পীডযত্যেকমন্তমন্তে চ পীডীতে |
ভক্তাকাঙ্ক্ষা ভবেচ্চৈতচ্ছোথানাং পক্বলক্ষণম্ ||১১||
View original
वेदनोपशमः शोथोऽलोहितोऽल्पो न चोन्नतः |
प्रादुर्भावो वलीनां च तोदः कण्डूर्मुहुर्मुहुः ||९||
उपद्रवाणां प्रशमो निम्नता स्फुटनं त्वचाम् |
बस्ताविवाम्बुसञ्चारः स्याच्छोथेऽङ्गुलिपीडिते ||१०||
पूयस्य पीडयत्येकमन्तमन्ते च पीडीते |
भक्ताकाङ्क्षा भवेच्चैतच्छोथानां पक्वलक्षणम् ||११||
পক্বলক্ষণমাহ– বেদনোপশম ইত্যাদি| দাহাদিবেদনোপশান্তিঃ, বিদাহোপশমেন পিত্তস্যাবলবত্ত্বাত্| তোদঃ কণ্ডূশ্চাত্র বাতকফলিঙ্গম্| প্রাদুর্ভাবো বলীনামিতি মাংসশৈথিল্যাদ্বলীসম্ভবঃ| উপদ্রবাণাং প্রশম ইতি পিত্তকোপজনিতা উষাচোষতৃষ্ণারুচ্যাদযো রোগা এব উপদ্রবাস্তেষাং প্রশমঃ| নিম্নতা স্বরূপতঃ, অঙ্গুলিপীডনাদ্বা| স্ফুটনং ত্বচামিতি কিঞ্চিত্ত্বগবদরণম্| বস্তাবিবেত্যাদি| বস্তিশ্চর্মপুটকম্, পূযস্যেত্যত্র ‘সঞ্চার’ ইতি শেষঃ| অযমর্থঃ– বস্তৌ যথাঽম্বুসঞ্চারস্তথা শোথেঽঙ্গুলিপীডিতে সতি পূযস্য সঞ্চারঃ| পীডযত্যেকমন্তমন্তে চ পীডিত ইতি একমন্তং দেশম্, অন্তে অবযবে পীডিতে পীডযতি অবগাহতে, ‘পূয’ ইতি শেষঃ||৯-১১||
Adhikarana ekadoShArabdhe~api shothe pAkakAle sarvadoShasambandhaH (12) · Śloka 12
নর্তেঽনিলাদ্রুঙ্ন বিনা চ পিত্তং পাকঃ কফং চাপি বিনা ন পূযঃ |
তস্মাদ্ধি সর্বে পরিপাককালে পচন্তি শোথাংস্ত্রয এব দোষাঃ ||১২||
(সু. সূ. অ. ১৭) |
View original
नर्तेऽनिलाद्रुङ्न विना च पित्तं पाकः कफं चापि विना न पूयः |
तस्माद्धि सर्वे परिपाककाले पचन्ति शोथांस्त्रय एव दोषाः ||१२||
(सु. सू. अ. १७) |
একদোষারব্ধেঽপি শোথে পাককালে সর্বদোষসম্বন্ধমাহ– নর্তেঽনিলাদ্রুগিত্যাদি| রুগ্রুজা তোদাদিরূপা| সুশ্রুতে– “ত্রিভিরেতৈঃ শোণিতচতুর্থৈশ্চ শরীরমিদং ধার্যতে” (সু. সূ. অ. ২১) ইতি দ্বিতীযং দর্শনং শোণিতপ্রাধান্যাখ্যাপকমাশ্রিত্যোক্তম্– “কালান্তরেণাভ্যুদিতং তু পিত্তং কৃত্বা বশে বাতকফৌ প্রসহ্য| পচত্যতঃ শোণিতমেষ পাকো মতঃ পরেষাং বিদুষাং দ্বিতীযঃ||” (সু. সূ. অ. ১৭) ইতি| অত্র দর্শনে পিত্তং বিদাহকুপিতং শোণিতং দূষ্যং কর্মভূতং পচতি, বাতকফৌ বশে কৃত্বা ক্রোডীকৃত্য; হীনার্থো বা বশেশব্দঃ, বাতকফৌ হীনৌ কৃত্বেত্যর্থঃ; শোণিতং কর্তৃভূতং বা, তেন পক্ত্যনুকূলত্বাদ্বিবক্ষিতং; পূর্বদর্শনে কফাত্ পূযঃ, অত্র দর্শনে শোণিতাত্ পূয ইতি বিশেষঃ| গম্ভীরপাকে শোথে সকলামপচ্যমানলক্ষণানুদযাদজ্ঞাযমানে লক্ষণান্তরমুক্তং সুশ্রুতেন| তদ্যথা– “কফজেষু খলু শোথেষু গম্ভীরগতিত্বাদভিঘাতজেষু বা কেষুচিদসমস্তং পক্বলক্ষণং দৃষ্ট্বা পক্বমপক্বমিতি ভিষঙ্মোহমুপৈতি, যত্র হি ত্বক্সবর্ণতা শীতশোথতা অল্পরুজতা অশ্মবদ্ঘনতা চ, ন তত্র মোহমুপেযাত্|” (সু. সূ. অ. ১৭) ইতি| অস্যার্থঃ– যদা রাগদাহাদিবেদনাসমুদাযানন্তরং ত্বক্সবর্ণতাদীনি ভবন্তি তদা ন মোহমজ্ঞানতামুপেযাত্ পক্বমেবেতি নিশ্চিনুযাত্| গদাধরেণ তু ত্বক্সবর্ণতাদীনি সংশযহেতূন্যুক্তানি; যতস্তেন “গম্ভীরপাকিত্বাদন্তঃ পাকো বহিঃ পুনস্ত্বক্সাবর্ণ্যং, গম্ভীরপাকিত্বাদেব বহিঃ শীততা, কফারব্ধত্বান্মন্দরুজতাঽশ্মবচ্চ ঘনতা” ইত্যভিধায “শেষং পক্বলক্ষণৈর্জানীযাত্” ইত্যুক্তম্||১২||
Adhikarana aviniHsRutasya pUyasya vikArAntarakartRutvam (13-14) · Śloka 14
কালান্তরেণাভ্যুদিতং তু পিত্তং কৃত্বা বশে বাতকফৌ প্রসহ্য |
পচত্যতঃ শোণিতমেষ পাকো মতঃ পরেষাং বিদুষাং দ্বিতীযঃ ||১৩||
কক্ষং সমাসাদ্য যথৈব বহ্নির্বায্বীরিতঃ সন্দহতি প্রসহ্য |
তথৈব পূযো হ্যবিনিঃসৃতো হি মাংসং সিরাঃ স্নাযু চ খাদতীহ ||১৪||
(সু. সূ. অ. ১৭) |
View original
कालान्तरेणाभ्युदितं तु पित्तं कृत्वा वशे वातकफौ प्रसह्य |
पचत्यतः शोणितमेष पाको मतः परेषां विदुषां द्वितीयः ||१३||
कक्षं समासाद्य यथैव वह्निर्वाय्वीरितः सन्दहति प्रसह्य |
तथैव पूयो ह्यविनिःसृतो हि मांसं सिराः स्नायु च खादतीह ||१४||
(सु. सू. अ. १७) |
অবিনিঃসৃতস্য পূযস্য দোষমাহ– কক্ষমিত্যাদি| কক্ষং সমাসাদ্যেতি কক্ষং তৃণাদিগহনম্||১৩-১৪||
Adhikarana AmashothaM chedayataH pakvaM copekShato vaidyasya nindA (15-16) · Śloka 16
আমং বিদহ্যমানং চ সম্যক্ পক্বং চ যো ভিষক্ |
জানীযাত্ স ভবেদ্বৈদ্যঃ শেষাস্তস্করবৃত্তযঃ ||১৫||
যশ্ছিনত্ত্যামমজ্ঞানাদ্যো বা পক্বমুপেক্ষতে |
শ্বপচাবিব মন্তব্যৌ তাবনিশ্চিতকারিণৌ ||১৬||
(সু. সূ. অ. ১৭) |
View original
आमं विदह्यमानं च सम्यक् पक्वं च यो भिषक् |
जानीयात् स भवेद्वैद्यः शेषास्तस्करवृत्तयः ||१५||
यश्छिनत्त्याममज्ञानाद्यो वा पक्वमुपेक्षते |
श्वपचाविव मन्तव्यौ तावनिश्चितकारिणौ ||१६||
(सु. सू. अ. १७) |
শ্বপচাবিব চণ্ডালাবিব, মন্তব্যৌ জ্ঞাতব্যৌ| শেষাস্তস্করবৃত্তয ইতি লোভমাত্রপ্রযুক্তত্বাত্তস্করা ইব শেষাঃ||১৫-১৬||
Adhikarana puShpikA · Śloka 41
ইতি শ্রীমাধবকরবিরচিতে মাধবনিদানে ব্রণশোথনিদানং সমাপ্তম্ ||৪১||
View original
इति श्रीमाधवकरविरचिते माधवनिदाने व्रणशोथनिदानं समाप्तम् ||४१||
ইতি শ্রীকণ্ঠদত্তবিরচিতাযাং মধুকোশব্যাখ্যাযাং ব্রণশোথনিদানং সমাপ্তম্||৪১||