Adhikarana 1 (1-3) · Śloka 3
অথাতঃ কুষ্ঠচিকিত্সিতং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
বিরুদ্ধাধ্যশনাসাত্ম্যবেগবিঘাতৈঃ স্নেহাদীনাং চাযথারম্ভৈঃ পাপক্রিযযা পুরাকৃতকর্মযোগাচ্চ ত্বগ্দোষা ভবন্তি ||৩||
View original
अथातः कुष्ठचिकित्सितं व्याख्यास्यामः ||१||
यथोवाच भगवान् धन्वन्तरिः ||२||
विरुद्धाध्यशनासात्म्यवेगविघातैः स्नेहादीनां चायथारम्भैः पापक्रियया पुराकृतकर्मयोगाच्च त्वग्दोषा भवन्ति ||३||
বিরুদ্ধাধ্যশনাদীনি কুষ্ঠকরাণি বিশেষেণ কুষ্ঠস্য জনকানীতি প্রাগুক্তান্যপি পুনরুক্তানি||১-৩||
Adhikarana 2 (4) · Śloka 4
তত্র ত্বগ্দোষী মাংসবসাদুগ্ধদধিতৈলকুলত্থমাষনিষ্পাবেক্ষুপিষ্টবিকারাম্লবিরুদ্ধাধ্যশনাজীর্ণবিদাহ্যভিষ্যন্দীনি দিবাস্বপ্নং ব্যবাযং চ পরিহরেত্ ||৪||
View original
तत्र त्वग्दोषी मांसवसादुग्धदधितैलकुलत्थमाषनिष्पावेक्षुपिष्टविकाराम्लविरुद्धाध्यशनाजीर्णविदाह्यभिष्यन्दीनि दिवास्वप्नं व्यवायं च परिहरेत् ||४||
নিষ্পাবো রাজশিম্বী| দোষধাতুমলস্রোতসাং ক্লেদজননমভিষ্যন্দি||৪||
Adhikarana 3 (5) · Śloka 5
ততঃ শালিষষ্টিকযবগোধূমকোরদূষশ্যামাকোদ্দালকাদীননবান্ ভুঞ্জীত মুদ্গাঢক্যোরন্যতরস্য যূষেণ সূপেন বা নিম্বপত্রারুষ্করব্যামিশ্রেণ, মণ্ডূকপর্ণ্যবল্গুজাটরূষকরূপিকাপুষ্পৈঃ সর্পিঃসিদ্ধৈঃ সর্ষপতৈলসিদ্ধৈর্বা, তিক্তবর্গেণ বাঽভিহিতেন; মাংসসাত্ম্যায বা জাঙ্গলমাংসমমেদস্কং বিতরেত্; তৈলং বজ্রকমভ্যঙ্গার্থে; আরগ্বধাদিকষাযমুত্সাদনার্থে; পানপরিষেকাবগাহাদিষু চ খদিরকষাযম্; ইত্যেষ আহারাচারবিভাগঃ ||৫||
View original
ततः शालिषष्टिकयवगोधूमकोरदूषश्यामाकोद्दालकादीननवान् भुञ्जीत मुद्गाढक्योरन्यतरस्य यूषेण सूपेन वा निम्बपत्रारुष्करव्यामिश्रेण, मण्डूकपर्ण्यवल्गुजाटरूषकरूपिकापुष्पैः सर्पिःसिद्धैः सर्षपतैलसिद्धैर्वा, तिक्तवर्गेण वाऽभिहितेन; मांससात्म्याय वा जाङ्गलमांसममेदस्कं वितरेत्; तैलं वज्रकमभ्यङ्गार्थे; आरग्वधादिकषायमुत्सादनार्थे; पानपरिषेकावगाहादिषु च खदिरकषायम्; इत्येष आहाराचारविभागः ||५||
তত্রেত্যাদি| উদ্দালকঃ অরণ্যকোদ্রবঃ| উপকরণভূতং সূপ্যদ্রব্যদ্বযং মুদ্গাঢকীলক্ষণমভিধাযাপরমপ্যুপকরণভূতং শাকদ্রব্যমাহ- নিম্বপত্রেত্যাদি| শাকরূপাভ্যাং নিম্বপত্রারুষ্করাভ্যাং ব্যামিশ্রেণ সূপেন সহ শাল্যাদিকমন্নং ভুঞ্জীত, তথা মণ্ডূকপর্ণ্যাদিভিরপি শাকৈঃ| মণ্ডূকপর্ণী ব্রাহ্মীভেদঃ| রূপিকাপুষ্পৈঃ অর্কপুষ্পৈঃ| সার্ষপতৈলং কেচিন্নেচ্ছন্তি, রক্তপিত্তপ্রদূষণত্বাত্, বাতকফকুষ্ঠেষু বদন্ত্যন্যে| তিক্তবর্গেণ প্রপুন্নাডাবল্গুজপটোলবার্তাকাদিনা| যদ্যপি “যোষিন্মাংসসুরাবর্জী” ইত্যত্র মাংসপ্রতিষেধঃ, তথাঽপি মাংসসাত্ম্যায জাঙ্গলমাংসমমেদস্কং মেদোরহিতং স্বভাবতো বিতরেদ্দদ্যাত্| তত্র বজ্রকং সপ্তপর্ণকরঞ্জেত্যাদিকং বক্ষ্যতে| আরগ্বধাদিকষাযমুত্সাদনার্থে ইতি কষাযোঽত্র কল্কশ্চূর্ণং বা যোগ্যতযা; কষাযশব্দো হি চরকে স্বরসাদিষু পঞ্চসু পরিভাষিতঃ; উত্সাদনার্থে উদ্ধর্ষণার্থে, অথবা উদ্বর্তনার্থে; অন্যে তু নিম্নব্রণস্য উন্নতিকরণার্থে| ইত্যেষ আহারাচারবিভাগ ইতি আহারস্য ক্রিযমাণস্য দ্রব্যরসবিভাজনম্| তত্র, বজ্রতৈলস্য পানীযত্বাদ্, আরগ্বধাদেরপ্যত্র সংস্কারাদৌ প্রাযোগিকত্বাত্, আহারবর্গস্যৈবোপদেশঃ||৫||
Adhikarana 4 (6) · Śloka 6
তত্র পূর্বরূপেষূভযতঃ সংশোধনমাসেবেত |
তত্র ত্বক্সম্প্রাপ্তে শোধনালেপনানি, শোণিতপ্রাপ্তে সংশোধনালেপনকষাযপানশোণিতাবসেচনানি, মাংসপ্রাপ্তে শোধনালেপনকষাযপানশোণিতাবসেচনারিষ্টমন্থপ্রাশাঃ, চতুর্থকর্মগুণপ্রাপ্তং যাপ্যমাত্মবতঃ সংবিধানবতশ্চ, তত্র সংশোধনাচ্ছোণিতাবসেচনাচ্চোর্ধ্বং ভল্লাতশিলাজতুধাতুমাক্ষীকগুগ্গুল্বগুরুতুবরকখদিরাসনাযস্কৃতিবিধানমাসেবেত; পঞ্চমং নৈবোপক্রমেত্ ||৬||
View original
तत्र पूर्वरूपेषूभयतः संशोधनमासेवेत |
तत्र त्वक्सम्प्राप्ते शोधनालेपनानि, शोणितप्राप्ते संशोधनालेपनकषायपानशोणितावसेचनानि, मांसप्राप्ते शोधनालेपनकषायपानशोणितावसेचनारिष्टमन्थप्राशाः, चतुर्थकर्मगुणप्राप्तं याप्यमात्मवतः संविधानवतश्च, तत्र संशोधनाच्छोणितावसेचनाच्चोर्ध्वं भल्लातशिलाजतुधातुमाक्षीकगुग्गुल्वगुरुतुवरकखदिरासनायस्कृतिविधानमासेवेत; पञ्चमं नैवोपक्रमेत् ||६||
তত্রেত্যাদি| উভযতঃ সংশোধনং বমনং বিরেচনং চ| ত্বক্সম্প্রাপ্তে রসপ্রাপ্তে, রসস্য তত্স্থানত্বাত্ | অত্রারিষ্টগ্রহণমুপলক্ষণং, তেনাসবসুরযোরপ্যবরোধঃ| মেদঃপ্রাপ্তে চিকিত্সিতমুপদিশন্নাহ- চতুর্থকর্মেত্যাদি| চতুর্থকর্মগুণপ্রাপ্তং যাপ্যমিতি ত্বগ্ধাতোশ্চতুর্থং মেদঃ, তস্য কর্মাণি শোধনাদীনি, তেষাং তু গুণাঃ ফলম্; এতেনৈতদুক্তং- মেদোগতং কুষ্ঠং সংশোধনাদিগুণবিশিষ্টং যাপ্যং ভবতীতি| কথম্ভূতস্য পুরুষস্য? আত্মবতঃ আত্মগুণোপপন্নস্য; আত্মগুণাশ্চ সর্বভূতেষু ক্ষান্তিরনসূযা শৌচমনাযাসো মঙ্গলকার্যাণ্যস্পৃহা চেতি; অথবা আত্মবতোঽপথ্যপরিহারপরাযণস্য সম্যগাহারাচারস্যেত্যর্থঃ| সংবিধানবতঃ পরিচ্ছদবতঃ কর্মানুষ্ঠানপরস্য যাপ্যং নান্যথা| ‘সম্যগ্বিধানবত’ ইতি কেচিত্ পঠন্তি, প্রভূতোপকরণযুক্তস্যেত্যর্থঃ| অথবা চতুর্থে মেদসি স্থিতং কুষ্ঠং চতুর্থং, তস্য কুষ্ঠস্য কর্মাণি গুণাশ্চ দৌর্গন্ধ্যোপদেহপূযাদযস্তৈঃ প্রাপ্তং যুক্তং যাপ্যম্| অন্যে তু ‘চতুর্থাখ্যপ্রাপ্তং’ ইতি পঠন্তি, তত্রাপি স এবার্থঃ| অত্র যাপনে সংশোধনাচ্ছোণিতাবসেকাচ্চোর্ধ্বং ভল্লাতকাদিবিধানম্| তত্র ভল্লাতকবিধানমর্শোনির্দিষ্টং, শিলাজতুমাক্ষিকধাতুতুবরকবিধানং প্রমেহপিডকাচিকিত্সিতনির্দিষ্টং, খদিরাসনাযস্কৃতিবিধানং মহাকুষ্ঠবিধাবুদ্দিষ্টম্| পঞ্চমং নৈবেতি অসাধ্যত্বাদস্থ্যাদিগতকুষ্ঠানাম্||৬||
Adhikarana 5 (7) · Śloka 7
তত্র প্রথমমেব কুষ্ঠিনং স্নেহপানবিধানেনোপপাদযেত্ |
মেষশৃঙ্গীশ্বদংষ্ট্রাশার্ঙ্গেষ্টাগুডূচীদ্বিপঞ্চমূলীসিদ্ধং তৈলং ঘৃতং বা বাতকুষ্ঠিনাং পানাভ্যঙ্গযোর্বিদধ্যাত্, ধবাশ্বকর্ণককুভপলাশপিচুমর্দপর্পটকমধুকরোধ্রসমঙ্গাসিদ্ধং সর্পিঃ পিত্তকুষ্ঠিনাং, প্রিযালশালারগ্বধনিম্বসপ্তপর্ণচিত্রকমরিচবচাকুষ্ঠসিদ্ধং শ্লেষ্মকুষ্ঠিনাং ভল্লাতকাভযাবিডঙ্গসিদ্ধং বা, সর্বেষাং তুবরকতৈলং ভল্লাতকতৈলং বেতি ||৭||
View original
तत्र प्रथममेव कुष्ठिनं स्नेहपानविधानेनोपपादयेत् |
मेषशृङ्गीश्वदंष्ट्राशार्ङ्गेष्टागुडूचीद्विपञ्चमूलीसिद्धं तैलं घृतं वा वातकुष्ठिनां पानाभ्यङ्गयोर्विदध्यात्, धवाश्वकर्णककुभपलाशपिचुमर्दपर्पटकमधुकरोध्रसमङ्गासिद्धं सर्पिः पित्तकुष्ठिनां, प्रियालशालारग्वधनिम्बसप्तपर्णचित्रकमरिचवचाकुष्ठसिद्धं श्लेष्मकुष्ठिनां भल्लातकाभयाविडङ्गसिद्धं वा, सर्वेषां तुवरकतैलं भल्लातकतैलं वेति ||७||
তত্রেত্যাদি| স্নেহপানবিধানেনেতি বমনাদিশোধনাঙ্গস্যৈব স্নেহস্য পানবিধানেন; ন পুনঃ স্বতন্ত্রস্য, কুষ্ঠানাং রূক্ষণীযত্বাত্| স্নিগ্ধস্য পুনঃ ক্রমাদনুক্তান্যপি বমনবিরেচনশোণিতমোক্ষণানি ক্রমেণৈব পূর্বরূপাদৌ, অনেনৈব ক্রমেণ কর্মণঃ সর্বত্রোক্তত্বাত্| উপপাদযেত্ উপক্রমেতেত্যর্থঃ| তানেব শোধনাঙ্গস্নেহানুত্পাদযন্নাহ- মেষশৃঙ্গীত্যাদি| মেষশৃঙ্গী কর্কটশৃঙ্গী; গযী তু পুত্রঞ্জীবকভেদমাহ| শ্বদংষ্ট্রা গোক্ষুরকঃ| শার্ঙ্গেষ্টা কাকতিক্তা, ‘ভুম্ভুরটা’ ইতি লোকে; ‘গূথকরঞ্জ’ ইত্যপরে| শেষং প্রসিদ্ধম্| এতৈঃ কষাযকল্করূপৈঃ সিদ্ধং সামান্যপরিভাষযা তৈলং ঘৃতং বা বাতকুষ্ঠে এব, কফানুবন্ধে তৈলং, পিত্তানুবন্ধে ঘৃতম্; অন্যে তু পানায ঘৃতং, অভ্যঙ্গায তৈলমিতি| অশ্বকর্ণেত্যাদি অশ্বকর্ণঃ পূর্বদেশে গন্ধমুণ্ডোঽশ্বত্থসদৃশঃ| ককুভঃ সুগন্ধিমূলো বিটপঃ| পলাশঃ কিংশুকঃ| পিচুমর্দো নিম্বঃ| সমঙ্গা স্পর্শরোদনিকা, লজ্জালুরিতি লোকে| প্রিযালেত্যাদি| প্রিযালশ্চারঃ| সর্পিরিতি পূর্বযোগাদনুবর্ততে, এবমগ্রেঽপি| ভল্লাতকেত্যাদি| তুবরকঃ পশ্চিমসমুদ্রভূমিষু প্রসিদ্ধ এব||৭||
Adhikarana 6 (8-9) · Śloka 9
সপ্তপর্ণারগ্বধাতিবিষেক্ষুরপাঠাকটুরোহিণ্যমৃতাত্রিফলাপটোলপিচুমর্দপর্পটকদুরালভাত্রাযমাণামুস্তাচন্দনপদ্মক- হরিদ্রোপকুল্যাবিশালামূর্বাশতাবরীসারিবেন্দ্রযবাটরূষকষড্গ্রন্থামধুকভূনিম্বগৃষ্টিকা ইতি সমভাগাঃ কল্কঃস্যাত্, কল্কাচ্চতুর্গুণং সর্পিঃ প্রক্ষিপ্য তদ্দ্বিগুণো ধাত্রীফলরসস্তচ্চতুর্গুণা আপস্তদৈকধ্যং সমালোড্য বিপচেত্, এতন্মহাতিক্তকং নাম সর্পিঃ কুষ্ঠবিষমজ্বররক্তপিত্তহৃদ্রোগোন্মাদাপস্মারগুল্মপিডকাসৃগ্দরগলগণ্ডগণ্ডমালা- শ্লীপদপাণ্ডুরোগবিসর্পার্শঃষাণ্ঢ্যকণ্ডূপামাদীঞ্ছমযেদিতি ||৮||
ত্রিফলাপটোলপিচুমন্দাটরূষককটুরোহিণীদুরালভাত্রাযমাণাঃ পর্পটকশ্চৈতেষাং দ্বিপলিকান্ ভাগাঞ্জলদ্রোণে প্রক্ষিপ্য পাদাবশেষং কষাযমাদায কল্কপেষ্যাণীমানি ভেষজান্যর্ধপলিকানি ত্রাযমাণামুস্তেন্দ্রযবচন্দনকিরাততিক্তানি পিপ্পল্যশ্চৈতানি ঘৃতপ্রস্থে সমাবাপ্য বিপচেত্, এতত্তিক্তকং নাম সর্পিঃ কুষ্ঠবিষমজ্বরগুল্মার্শোগ্রহণীদোষশোফপাণ্ডুরোগবিসর্পষাণ্ঢ্যশমনমূর্ধ্বজত্রুগতরোগঘ্নং চেতি ||৯||
View original
सप्तपर्णारग्वधातिविषेक्षुरपाठाकटुरोहिण्यमृतात्रिफलापटोलपिचुमर्दपर्पटकदुरालभात्रायमाणामुस्ताचन्दनपद्मक- हरिद्रोपकुल्याविशालामूर्वाशतावरीसारिवेन्द्रयवाटरूषकषड्ग्रन्थामधुकभूनिम्बगृष्टिका इति समभागाः कल्कःस्यात्, कल्काच्चतुर्गुणं सर्पिः प्रक्षिप्य तद्द्विगुणो धात्रीफलरसस्तच्चतुर्गुणा आपस्तदैकध्यं समालोड्य विपचेत्, एतन्महातिक्तकं नाम सर्पिः कुष्ठविषमज्वररक्तपित्तहृद्रोगोन्मादापस्मारगुल्मपिडकासृग्दरगलगण्डगण्डमाला- श्लीपदपाण्डुरोगविसर्पार्शःषाण्ढ्यकण्डूपामादीञ्छमयेदिति ||८||
त्रिफलापटोलपिचुमन्दाटरूषककटुरोहिणीदुरालभात्रायमाणाः पर्पटकश्चैतेषां द्विपलिकान् भागाञ्जलद्रोणे प्रक्षिप्य पादावशेषं कषायमादाय कल्कपेष्याणीमानि भेषजान्यर्धपलिकानि त्रायमाणामुस्तेन्द्रयवचन्दनकिराततिक्तानि पिप्पल्यश्चैतानि घृतप्रस्थे समावाप्य विपचेत्, एतत्तिक्तकं नाम सर्पिः कुष्ठविषमज्वरगुल्मार्शोग्रहणीदोषशोफपाण्डुरोगविसर्पषाण्ढ्यशमनमूर्ध्वजत्रुगतरोगघ्नं चेति ||९||
হরিদ্রোপকুল্যাবিশালেত্যত্র তন্ত্রান্তরদর্শনাদ্ধরিদ্রাদ্বযং, পিপ্পলী গজপিপ্পলী চেত্যুপকুল্যাদ্বযং চ বোদ্ধব্যং, বিশালা ইন্দ্রবারুণী, মূর্বা চোরস্নাযুঃ, ষড্গ্রন্থা বচা| পরিভাষাব্যাপারো নাস্ত্যেবাত্র মহাতিক্তকে, সামান্যকল্ককষাযপরিমাণদ্রব্যপরিমাণযোশ্চোক্তত্বাত্| ষাণ্ঢ্যং ষণ্ঢভাবঃ||৮-৯||
Adhikarana 7 (10) · Śloka 11
অতোঽন্যতমেন ঘৃতেন স্নিগ্ধস্বিন্নস্যৈকাং দ্বে তিস্রশ্চতস্রঃ পঞ্চ বা সিরা বিধ্যেত্; মণ্ডলানি চোত্সন্নান্যবলিখেদভীক্ষ্ণং, প্রচ্ছযেদ্বা, সমুদ্রফেনশাকগোজীকাকোদুম্বরিকাপত্রৈর্বাঽবঘৃষ্যালেপযেল্লাক্ষাসর্জরসরসাঞ্জন- প্রপুন্নডাবল্গুজতেজোবত্যশ্বমারকার্ককুটজারেবতমূলকল্কৈর্মূত্রপিষ্টৈঃ পিত্তপিষ্টৈর্বা, স্বর্জিকাতুত্থকাসীসবিডঙ্গাগারধূমচিত্রককটুকসুধাহরিদ্রাসৈন্ধবকল্কৈর্বা, এতান্যেবাবাপ্য ক্ষারকল্পেন নিঃস্রুতে পালাশে ক্ষারে ততো বিপাচ্য ফাণীতমিব সঞ্জাতমবতার্য লেপযেত্, জ্যোতিষ্কফললাক্ষামরিচপিপ্পলীসুমনঃপত্রৈর্বা, হরিতালমনঃশিলার্কক্ষীরতিলশিগ্রুমরিচকল্কৈর্বা, স্বর্জিকাকুষ্ঠতুত্থকুটজচিত্রকবিডঙ্গমরিচরোধ্রমনঃশিলাকল্কৈর্বা, হরীতকীকরঞ্জিকাবিডঙ্গসিদ্ধার্থকলবণরোচনাবল্গুজহরিদ্রাকল্কৈর্বা ||১০||
সর্বে কুষ্ঠাপহাঃ সিদ্ধা লেপাঃ সপ্ত প্রকীর্তিতাঃ |১১|
View original
अतोऽन्यतमेन घृतेन स्निग्धस्विन्नस्यैकां द्वे तिस्रश्चतस्रः पञ्च वा सिरा विध्येत्; मण्डलानि चोत्सन्नान्यवलिखेदभीक्ष्णं, प्रच्छयेद्वा, समुद्रफेनशाकगोजीकाकोदुम्बरिकापत्रैर्वाऽवघृष्यालेपयेल्लाक्षासर्जरसरसाञ्जन- प्रपुन्नडावल्गुजतेजोवत्यश्वमारकार्ककुटजारेवतमूलकल्कैर्मूत्रपिष्टैः पित्तपिष्टैर्वा, स्वर्जिकातुत्थकासीसविडङ्गागारधूमचित्रककटुकसुधाहरिद्रासैन्धवकल्कैर्वा, एतान्येवावाप्य क्षारकल्पेन निःस्रुते पालाशे क्षारे ततो विपाच्य फाणीतमिव सञ्जातमवतार्य लेपयेत्, ज्योतिष्कफललाक्षामरिचपिप्पलीसुमनःपत्रैर्वा, हरितालमनःशिलार्कक्षीरतिलशिग्रुमरिचकल्कैर्वा, स्वर्जिकाकुष्ठतुत्थकुटजचित्रकविडङ्गमरिचरोध्रमनःशिलाकल्कैर्वा, हरीतकीकरञ्जिकाविडङ्गसिद्धार्थकलवणरोचनावल्गुजहरिद्राकल्कैर्वा ||१०||
सर्वे कुष्ठापहाः सिद्धा लेपाः सप्त प्रकीर्तिताः |११|
শাকো মহাখরপত্রঃ, ‘শাখোট’ ইত্যন্যে; গোজী গোজিহ্বা; কাকোদুম্বরিকা কাষ্ঠোদুম্বরিকা| তমেব প্রলেপং নির্দিশন্নাহ- লাক্ষাসর্জরসেত্যাদি| আরেবতঃ কিরমালকঃ| পিত্তপিষ্টৈরিতি গোপিত্তপিষ্টৈঃ| এতান্যেবেত্যাদি| নিঃস্রুতে গালিতে| ক্ষারকল্পাতিদেশেন তিলনালাদিভিরাদীপনং ষঙ্গুণোদকস্রাবণং চ| সুবর্চিকাতুত্থকাসীসাদিচূর্ণং পরিবাপ্য ক্ষারাদ্ দ্বাত্রিংশত্তমভাগপ্রমাণম্| স্বর্জিকেত্যাদি| জ্যোতিষ্কঃ কাকমর্দনিকা, তস্যাঃ ফলম্| সুমনা জাতী| হরিতালেত্যাদি| শিগ্রুর্বিটপশাকঃ, শোভাঞ্জনমন্যে| হরীতকীত্যাদি| করঞ্জিকা বৃক্ষকরঞ্জঃ| সর্বেত্যাদি| সিদ্ধা ইতি বিশেষণং নিশ্চিতফলসিদ্ধিবোধনার্থম্||১০||-
Adhikarana 8 (11-12) · Śloka 12
বৈশেষিকানতস্তূর্ধ্বং দদ্রূশ্বিত্রেষু মে শৃণু ||১১||
লাক্ষা কুষ্ঠং সর্ষপাঃ শ্রীনিকেতং রাত্রির্ব্যোষং চক্রমর্দস্য বীজম্ |
কৃত্বৈকস্থং তক্রপিষ্টঃ প্রলেপো দদ্রূষূক্তো মূলকাদ্বীজযুক্তঃ ||১২||
View original
वैशेषिकानतस्तूर्ध्वं दद्रूश्वित्रेषु मे शृणु ||११||
लाक्षा कुष्ठं सर्षपाः श्रीनिकेतं रात्रिर्व्योषं चक्रमर्दस्य बीजम् |
कृत्वैकस्थं तक्रपिष्टः प्रलेपो दद्रूषूक्तो मूलकाद्बीजयुक्तः ||१२||
বৈশেষিকানিত্যাদি| শ্রীনিকেতং নবনীতধূপঃ সরলনির্যাস ইতি| রাত্রির্হরিদ্রা||১১-১২||
Adhikarana 9 (13) · Śloka 13
সিন্ধূদ্ভূতং চক্রমর্দস্য বীজমিক্ষূদ্ভূতং কেশরং তার্ক্ষ্যশৈলম্ |
পিষ্টো লেপোঽযং কপিত্থাদ্রসেন দদ্রূস্তূর্ণং নাশযত্যেষ যোগঃ ||১৩||
View original
सिन्धूद्भूतं चक्रमर्दस्य बीजमिक्षूद्भूतं केशरं तार्क्ष्यशैलम् |
पिष्टो लेपोऽयं कपित्थाद्रसेन दद्रूस्तूर्णं नाशयत्येष योगः ||१३||
সিন্ধূদ্ভূতমিত্যাদি| সিন্ধূদ্ভূতং সৈন্ধবম্| ইক্ষূদ্ভূতো গুডঃ| কেশরং বকুলম্| তার্ক্ষ্যশৈলং রসাঞ্জনম্||১৩||
Adhikarana 10 (14) · Śloka 14
হেমক্ষীরী ব্যাধিঘাতঃ শিরীষো নিম্বঃ সর্জো বত্সকঃ সাজকর্ণঃ |
শীঘ্রং তীব্রা নাশযন্তীহ দদ্রূঃ স্নানালেপোদ্ধর্ষণেষূপযুক্তাঃ ||১৪||
View original
हेमक्षीरी व्याधिघातः शिरीषो निम्बः सर्जो वत्सकः साजकर्णः |
शीघ्रं तीव्रा नाशयन्तीह दद्रूः स्नानालेपोद्धर्षणेषूपयुक्ताः ||१४||
হেমক্ষীরী কঙ্কুষ্ঠম্| ব্যাধিঘাতঃ কিরমালকঃ| সর্জো লঘুসর্জঃ| অজকর্ণো মহাসর্জঃ, ‘গন্ধমুণ্ড’ ইত্যেকে| স্নানেত্যাদি| ‘পানালেপোদ্ধর্ষণেষু’ ইত্যন্যে পঠন্তি| লেপনোদ্ধর্ষণযোঃ পেষণে তক্রমম্লং, কপিত্থরসমন্যেঽনুবর্তযন্তি||১৪||
Adhikarana 11 (15) · Śloka 15
ভদ্রাসঞ্জ্ঞোদুম্বরীমূলতুল্যং দত্ত্বা মূলং ক্ষোদযিত্বা মলপ্বাঃ |
সিদ্ধং তোযং পীতমুষ্ণে সুখোষ্ণং স্ফোটাঞ্ছ্বিত্রে পুণ্ডরীকে চ কুর্যাত্ ||১৫||
View original
भद्रासञ्ज्ञोदुम्बरीमूलतुल्यं दत्त्वा मूलं क्षोदयित्वा मलप्वाः |
सिद्धं तोयं पीतमुष्णे सुखोष्णं स्फोटाञ्छ्वित्रे पुण्डरीके च कुर्यात् ||१५||
দদ্রুষু যোগত্রযমভিধায শ্বিত্রে বিনির্দিশন্নাহ- ভদ্রেত্যাদি| উদুম্বরী ভদ্রনামা কাষ্ঠোদুম্বরিকা মহতী, মলপূঃ সৈবাল্পবিটপা, তযোর্মূলং পলং ষোডশভিঃ সলিলপলৈঃ পক্বং চতুর্ভাগাবশিষ্টমুষ্ণকালে কোষ্ণং পীতমাতপসংস্থস্য কটুতৈলাভ্যক্তস্য চ শ্বিত্রে স্ফোটজননম্| জীর্ণে গব্যমথিতেন দাডিমযূষেণ বা ভোক্তব্যম্||১৫||
Adhikarana 12 (16) · Śloka 16
দ্বৈপং দগ্ধং চর্ম মাতঙ্গজং বা ভিন্নে স্ফোটে তৈলযুক্তং প্রলেপঃ |১৬|
View original
द्वैपं दग्धं चर्म मातङ्गजं वा भिन्ने स्फोटे तैलयुक्तं प्रलेपः |१६|
সঞ্জাতভিন্নস্ফোটস্য শ্বিত্রিণ উত্তরকর্ম নির্দিশন্নাহ- দ্বৈপমিত্যাদি| দ্বীপী চিত্রকাযো ব্যাঘ্রঃ, তস্যেদং চর্ম দ্বৈপম্| মাতঙ্গো হস্তী, তস্মাজ্জাতং মাতঙ্গজং চর্ম| তৈলমত্র বিষাণিকাসিদ্ধম্| তদুক্তম্- “আবর্তকীমূলসিদ্ধেন তৈলেনাভ্যজ্যাবচূর্ণযেদ্ গজদ্বীপিচর্মমসীচূর্ণেন, ত্রিফলালোহচূর্ণেন বা” ইতি|১৬|-
Adhikarana 13 (16) · Śloka 16
পূতিঃ কীটো রাজবৃক্ষোদ্ভবেন ক্ষারেণাক্তঃ শ্বিত্রমেকো নিহন্তি ||১৬||
View original
पूतिः कीटो राजवृक्षोद्भवेन क्षारेणाक्तः श्वित्रमेको निहन्ति ||१६||
পূতিঃ কীটঃ শস্যাদো বর্ষাকালে কর্বুরকঃ ‘তেলিনী’ ইতি প্রসিদ্ধঃ, পূর্বদেশে ‘পুণ্ডালিকা’ ইতি| স চারগ্বধক্ষারেণ সহাক্তো মিশ্রিতঃ| রাজবৃক্ষ আরগ্বধঃ| একঃ শ্রেষ্ঠঃ| উদ্দালনত্বাত্ ক্ষারোদকেনাত্র দ্রবকার্যম্| ‘উক্তঃ’ ইত্যন্যে বদন্তি||১৬||
Adhikarana 14 (17) · Śloka 17
কৃষ্ণস্য সর্পস্য মসী সুদগ্ধা বৈভীতকং তৈলমথ দ্বিতীযম্ |
এতত্ সমস্তং মৃদিতং প্রলেপাচ্ছ্বিত্রাণি অর্বাণ্যপহন্তি শীঘ্রম্ ||১৭||
View original
कृष्णस्य सर्पस्य मसी सुदग्धा बैभीतकं तैलमथ द्वितीयम् |
एतत् समस्तं मृदितं प्रलेपाच्छ्वित्राणि अर्वाण्यपहन्ति शीघ्रम् ||१७||
কৃষ্ণস্যেত্যাদি| কৃষ্ণসর্পো যদা দহ্যমানোঽতিকৃষ্ণত্বং গচ্ছতি তদা তচ্চূর্ণং মসীত্যুচ্যতে, স এবাগ্নিদহ্যমানো যদা শুক্লত্বং যাতি তদা ক্ষার ইত্যুচ্যতে||১৭||
Adhikarana 15 (18) · Śloka 18
অধ্যর্ধতোযে সুভতিস্রুতস্য ক্ষারস্য কল্পেন তু সপ্তকৃত্বঃ |
তৈলং শৃতং তেন চতুর্গুণেন শ্বিত্রাপহং ম্রক্ষণমেতদগ্র্যম্ ||১৮||
View original
अध्यर्धतोये सुभतिस्रुतस्य क्षारस्य कल्पेन तु सप्तकृत्वः |
तैलं शृतं तेन चतुर्गुणेन श्वित्रापहं म्रक्षणमेतदग्र्यम् ||१८||
অধ্যর্ধেত্যাদি| কৃষ্ণস্য সর্পস্যেত্যনুবর্তমানাত্তস্য ক্ষারাদধ্যর্ধং তোযমধিকার্ধমিত্যর্থঃ| ক্ষারস্য কল্পেন ক্ষারপাকবিধিনা| সপ্তকৃত্বঃ সপ্তবারান্| ম্রক্ষণম্ আলেপনম্| অগ্র্যং প্রধানমিত্যর্থঃ||১৮||
Adhikarana 16 (19-20) · Śloka 20
ঘৃতেন যুক্তং প্রপুনাডবীজং কুষ্ঠং চ যষ্টীমধুকং চ পিষ্ট্বা |
শ্বেতায দদ্যাদ্গৃহকুক্কুটায চতুর্থভক্তায বুভুক্ষিতায ||১৯||
তস্যোপসঙ্গৃহ্য চ তত্ পুরীষমুত্পাচিতং সর্বত এব লিম্পেত্ |
অভ্যন্তরং মাসমিমং প্রযোগং প্রযোজযেচ্ছ্বিত্রমথো নিহন্তি ||২০||
View original
घृतेन युक्तं प्रपुनाडबीजं कुष्ठं च यष्टीमधुकं च पिष्ट्वा |
श्वेताय दद्याद्गृहकुक्कुटाय चतुर्थभक्ताय बुभुक्षिताय ||१९||
तस्योपसङ्गृह्य च तत् पुरीषमुत्पाचितं सर्वत एव लिम्पेत् |
अभ्यन्तरं मासमिमं प्रयोगं प्रयोजयेच्छ्वित्रमथो निहन्ति ||२०||
ঘৃতেনেত্যাদি| চতুর্থভক্তাযেতি একাহমুপোষিতায দ্বিতীযেঽহনি সাযং ধবলায গ্রাম্যকুক্কুটাযাত্যন্তবুভুক্ষিতায প্রপুন্নাডবীজাদিকং ঘৃতযুক্তং ভক্ষযিতুং দদ্যাত্| তস্য পুরীষমুপসঙ্গৃহ্য গৃহীত্বা তেন পুরীষেণ মাসমেকং শ্বিত্রমভ্যন্তরং ধাত্বন্তর্গতং মলপ্বাদিভিঃ প্রযোগৈঃ স্ফোটকাদিভিরুত্পাচিতং পাকং নীতং লিম্পেত্; স লেপস্তচ্ছ্বিত্রং নিহন্তীত্যর্থঃ||১৯-২০||
Adhikarana 17 (21-22) · Śloka 22
ক্ষারে সুদগ্ধে জলগণ্ডজে তু গজস্য মূত্রেণ বহুস্রুতে চ |
দ্রোণপ্রমাণে দশভাগযুক্তং দত্ত্বা পচেদ্বীজমবল্গুজস্য ||২১||
এতদ্যদা চিক্কণতামুপৈতি তদা সমস্তং গুটিকা বিদধ্যাত্ |
শ্বিত্রং প্রলিম্পেদথ সম্প্রঘৃষ্য তযা ব্রজেদাশু সবর্ণভাবম্ ||২২||
View original
क्षारे सुदग्धे जलगण्डजे तु गजस्य मूत्रेण बहुस्रुते च |
द्रोणप्रमाणे दशभागयुक्तं दत्त्वा पचेद्बीजमवल्गुजस्य ||२१||
एतद्यदा चिक्कणतामुपैति तदा समस्तं गुटिका विदध्यात् |
श्वित्रं प्रलिम्पेदथ सम्प्रघृष्य तया व्रजेदाशु सवर्णभावम् ||२२||
ক্ষার ইত্যাদি| জলগণ্ডো জলগণ্ডীরকঃ, নদীপিপ্পলিকেত্যন্যে| ‘গজলেণ্ডজে ক্ষারে’ ইত্যন্যে পঠন্তি; তচ্চ ন পঠনীযং তন্ত্রান্তরবিরোধাত্| দশভাগযুক্তং দশভাগযোজিতমবল্গুজচূর্ণং প্রক্ষিপেদিতি||২১-২২||
Adhikarana 18 (23-24) · Śloka 24
কষাযকল্পেন সুভাবিতাং তু জলং ত্বচা চূতহরীতকীনাম্ |
তাং তাম্রদীপে প্রণিধায ধীমান্ বর্তিং বটক্ষীরসুভাবিতাং তু ||২৩||
আদীপ্য তজ্জাতমসীং গৃহীত্বা তাং চাপি পথ্যাম্ভসি ভাবযিত্বা |
সম্প্রচ্ছিতং তদ্বহুশঃ কিলাসং তৈলেন সিক্তং কটুনা প্রযাতি ||২৪||
View original
कषायकल्पेन सुभावितां तु जलं त्वचा चूतहरीतकीनाम् |
तां ताम्रदीपे प्रणिधाय धीमान् वर्तिं वटक्षीरसुभावितां तु ||२३||
आदीप्य तज्जातमसीं गृहीत्वा तां चापि पथ्याम्भसि भावयित्वा |
सम्प्रच्छितं तद्बहुशः किलासं तैलेन सिक्तं कटुना प्रयाति ||२४||
কষাযেত্যাদি| চূতহরীতকীনাং ত্বচা কৃত্বা কষাযকল্পেন ক্বাথকল্পনযা যজ্জলং ক্বাথঃ, তেন সুভাবিতাং পিচুবর্তিং কটুতৈলেন সিক্ত্বা, তাং তাম্রদীপে প্রণিধায স্থাপযিত্বা, আদীপ্য প্রজ্বাল্য, তজ্জাতমসীং গৃহীত্বা, ততো বটক্ষীরসুভাবিতাং কৃত্বা, ততস্তামেব পথ্যাক্বাথেন ভাবযিত্বা, কটুনা তৈলেন সিক্তং কিলাশং বহুশঃ সম্প্রচ্ছিতং তযা লেপিতমপযাতি| “ভাব্যদ্রব্যসমং ক্বাথ্যং ক্বাথশ্চাষ্টাংশশেষিতঃ” ইতি| অযং যোগোঽন্যত্রাপ্যুক্তঃ- “পথ্যাম্রত্বক্কষাযেণ পিচুবর্তিঃ সুভাবিতা| কটুতৈলযুতে তাম্রপাত্রে প্রজ্বালযেত্ততঃ|| মসীং তজ্জাং বটক্ষীরপথ্যাক্বাথেন ভাবযেত্| ম্রক্ষিতং কটুতৈলাক্তং তেন শ্বিত্রং প্রণশ্যতি”- ইতি| গযদাসস্ত- ‘বার্তিং পটবার্তিং পূর্বং বটক্ষীরেণ ভাবযেত্ততঃ কটুতৈলেন’ ইতি ব্যাখ্যানযতি| “তৈলেন সিক্তং কটুনা সমস্তমালেপযেদেবমুপৈতি শান্তিম্”- ইতি কেচিত্ পঠন্তি||২৩-২৪||
Adhikarana 19 (25-26) · Śloka 26
আবল্গুজং বীজমগ্র্যং নদীজং কাকাহ্বানোদুম্বরী যা চ লাক্ষা |
লৌহং চূর্ণং মাগধী তার্ক্ষ্যশৈলং তুল্যাঃ কার্যাঃ কৃষ্ণবর্ণাস্তিলাশ্চ ||২৫||
বর্তিং কৃত্বা তাং গবাং পিত্তপিষ্টাং লেপঃ কার্যঃ শ্বিত্রিণাং শ্বিত্রহারী |
লেপাত্ পিত্তং শৈখিনং শ্বিত্রহারি হ্রীবেরং বা দগ্ধমেতেন যুক্তম্ ||২৬||
View original
आवल्गुजं बीजमग्र्यं नदीजं काकाह्वानोदुम्बरी या च लाक्षा |
लौहं चूर्णं मागधी तार्क्ष्यशैलं तुल्याः कार्याः कृष्णवर्णास्तिलाश्च ||२५||
वर्तिं कृत्वा तां गवां पित्तपिष्टां लेपः कार्यः श्वित्रिणां श्वित्रहारी |
लेपात् पित्तं शैखिनं श्वित्रहारि ह्रीबेरं वा दग्धमेतेन युक्तम् ||२६||
আবল্গুজমিত্যাদি| অগ্র্যং শ্রেষ্ঠং, নদীজং তাপীনদীসমুত্থো মাক্ষিকধাতুঃ, কাকাহ্বানোদুম্বরী কাকসঞ্জ্ঞোদুম্বরিকা, যা চ লাক্ষা সাঽপি তজ্জা সান্নিধ্যাত্, তার্ক্ষ্যশৈলং রসাঞ্জনং, তেস্তুল্যাঃ কৃষ্ণবর্ণাস্তিলাঃ কার্যাঃ, তৈর্বর্তিং কৃত্বা তযা লেপঃ কার্যঃ| অন্যে ‘তাপ্যুদ্ভূতোঽবল্গুজং বীজমগ্র্যং’ ইতি পঠন্তি; তত্রাপি তাপ্যুদ্ভূতো মাক্ষিকধাতুঃ| শিখিন ইদং শৈখিনং পিত্তং মযূরপিত্তমিত্যর্থঃ||২৫-২৬||
Adhikarana 20 (27-28) · Śloka 29
তুত্থালকটুকাব্যোষসিংহার্কহযমারকাঃ |
কুষ্ঠাবল্গুজভল্লাতক্ষীরিণীসর্ষপাঃ স্নুহী ||২৭||
তিল্বকারিষ্টপীলূনাং পত্রাণ্যারগ্বধস্য চ |
বীজং বিডঙ্গাশ্বহন্ত্রোর্হরিদ্রে বৃহতীদ্বযম্ ||২৮||
আভ্যাং শ্বিত্রাণি যোগাভ্যাং লেপান্নশ্যন্ত্যশেষতঃ |২৯|
View original
तुत्थालकटुकाव्योषसिंहार्कहयमारकाः |
कुष्ठावल्गुजभल्लातक्षीरिणीसर्षपाः स्नुही ||२७||
तिल्वकारिष्टपीलूनां पत्राण्यारग्वधस्य च |
बीजं विडङ्गाश्वहन्त्रोर्हरिद्रे बृहतीद्वयम् ||२८||
आभ्यां श्वित्राणि योगाभ्यां लेपान्नश्यन्त्यशेषतः |२९|
তুত্থেত্যাদি| আলং হরিতালম্| সিংহো রক্তশোভাঞ্জনঃ | ক্ষীরিণী অর্কপুষ্পী| তুত্থালকটুকেত্যাদিশ্লোকদ্বযেন যোগদ্বযং বোদ্ধব্যম্||২৭-২৮||-
Adhikarana 21 (29-33) · Śloka 33
বাযসীফল্গুতিক্তানাং শতং দত্ত্বা পৃথক্ পৃথক্ ||২৯||
দ্বে লোহরজসঃ প্রস্থে ত্রিফলাত্র্যাঢকং তথা |
ত্রিদ্রোণেঽপাং পচেদ্যাবদ্ভাগৌ দ্বাবসনাদপি ||৩০||
শিষ্টৌ চ বিপচেদ্ভূয এতৈঃ শ্লক্ষ্ণপ্রপেষিতৈঃ |
কল্কৈরিন্দ্রযবব্যোষত্বগ্দারুচতুরঙ্গুলৈঃ ||৩১||
পারাবতপদীদন্তীবাকুচীকেশরাহ্বযৈঃ |
কণ্টকার্যা চ তত্পক্বং ঘৃতং কুষ্ঠিষু যোজযেত্ ||৩২||
দোষধাত্বাশ্রিতং পানাদভ্যঙ্গাত্ত্বগ্গতং তথা |
অপ্যসাধ্যং নৃণাং কুষ্ঠং নাম্না নীলং নিযচ্ছতি ||৩৩||
View original
वायसीफल्गुतिक्तानां शतं दत्त्वा पृथक् पृथक् ||२९||
द्वे लोहरजसः प्रस्थे त्रिफलात्र्याढकं तथा |
त्रिद्रोणेऽपां पचेद्यावद्भागौ द्वावसनादपि ||३०||
शिष्टौ च विपचेद्भूय एतैः श्लक्ष्णप्रपेषितैः |
कल्कैरिन्द्रयवव्योषत्वग्दारुचतुरङ्गुलैः ||३१||
पारावतपदीदन्तीबाकुचीकेशराह्वयैः |
कण्टकार्या च तत्पक्वं घृतं कुष्ठिषु योजयेत् ||३२||
दोषधात्वाश्रितं पानादभ्यङ्गात्त्वग्गतं तथा |
अप्यसाध्यं नृणां कुष्ठं नाम्ना नीलं नियच्छति ||३३||
বাযসী কাকতিক্তা ‘চিরপোটিকা’ ইতি লোকে, ‘কাকমাচী’ ইত্যন্যে; ফল্গুঃ কাকোদুম্বরিকা, ‘অবল্গুঃ’ ইত্যপরে পঠন্তি, অবল্গুঃ বাকুচী; তিক্তা কটুকা| পারাবতপদী ঈষল্লোহিতো হংসপদীভেদঃ| কেশরাহ্বযো বকুলঃ| ত্রিদ্রোণেঽপামিত্যত্র অপাং দ্বিগুণমাত্রা, দ্রবত্বাত্; তেন জলষড্দ্রোণাঃ প্রক্ষিপ্যন্তে| অসনাত্ বীজকসারাদ্দ্বৌ প্রস্থৌ| শিষ্টৌ উর্বরিতৌ দ্বৌ, চতুর্থভাগং সর্পিঃ, সর্পিষশ্চতুর্থাংশমিন্দ্রযবাদিকল্কং প্রক্ষিপ্য বিপচেদিতি||২৯-৩৩||
Adhikarana 22 (34-38) · Śloka 38
ত্রিফলাত্বক্ ত্রিকটুকং সুরসা মদযন্তিকা |
বাযস্যারগ্বধশ্চৈষাং তুলাং কুর্যাত্ পৃথক্ পৃথক্ ||৩৪||
কাকমাচ্যর্কবরুণদন্তীকুটজচিত্রকাত্ |
দার্বীনিদিগ্ধিকাভ্যাং তু পৃথগ্দশপলং তথা ||৩৫||
ত্রিদ্রোণেঽপাং পচেদ্যাবত্ ষট্প্রস্থং পরিশেষিতম্ |
শকৃদ্রসদধিক্ষীরমূত্রাণাং পৃথগাঢকম্ ||৩৬||
তদ্বদ্ধৃতস্য তত্সাধ্যং ভূনিম্বব্যোষচিত্রকৈঃ |
করঞ্জফলনীলিকাশ্যামাবল্গুজপীলুভিঃ ||৩৭||
নীলিনীনিম্বকুসুমৈঃ সিদ্ধং কুষ্ঠাপহং ঘৃতম্ |
ম্রক্ষণাদঙ্গসাবর্ণ্যং শ্বিত্রিণাং জনযেন্নৃণাম্ |
ভগন্দরং কৃমীনর্শো মহানীলং নিযচ্ছতি ||৩৮||
View original
त्रिफलात्वक् त्रिकटुकं सुरसा मदयन्तिका |
वायस्यारग्वधश्चैषां तुलां कुर्यात् पृथक् पृथक् ||३४||
काकमाच्यर्कवरुणदन्तीकुटजचित्रकात् |
दार्वीनिदिग्धिकाभ्यां तु पृथग्दशपलं तथा ||३५||
त्रिद्रोणेऽपां पचेद्यावत् षट्प्रस्थं परिशेषितम् |
शकृद्रसदधिक्षीरमूत्राणां पृथगाढकम् ||३६||
तद्वद्धृतस्य तत्साध्यं भूनिम्बव्योषचित्रकैः |
करञ्जफलनीलिकाश्यामावल्गुजपीलुभिः ||३७||
नीलिनीनिम्बकुसुमैः सिद्धं कुष्ठापहं घृतम् |
म्रक्षणादङ्गसावर्ण्यं श्वित्रिणां जनयेन्नृणाम् |
भगन्दरं कृमीनर्शो महानीलं नियच्छति ||३८||
ত্রিফলেত্যাদি| মদযন্তিকা নখাদিরাগজননী ‘মেংহদী’ ইতি প্রসিদ্ধা| বাযসী কাকমাচী| শকৃদাদীনি গবাং গ্রাহ্যাণি| নীলিকা নীলাঞ্জনিকা শারদফলা| নীলিনী নীলিকা| ম্রক্ষণাদভ্যঙ্গাত্| অনার্ষে নীলমহানীলঘৃতে, এতে চেদৃশে জেজ্জটগযদাসাভ্যাং ব্যাখ্যাতে, অতস্তন্মতানুসারিণা মযাঽপি পঠিতে ব্যাখ্যাতে চ| জলাপেক্ষযা ক্বাথ্যদ্রব্যস্যাতিবাহুল্যমত্র যোগে, তস্মাদ্বৃদ্ধবাগ্ভটীযং মহানীলঘৃতং লিখ্যতে; যথা- “মদযন্ত্যাঃ সবাযস্যাঃ সুরভ্যাঃ প্রগ্রহস্য চ| শতং পলানাং প্রত্যেকং বরাযাস্ত্বাঢকত্রযম্|| ব্যাঘ্রীবহ্নিকপোতাবত্সকখদিরার্কমূলদন্ত্যেন্দ্রযঃ| সনিশাদ্বযা দশপলাঃ ক্বাথেঽমীষাং ক্ষিপেত্ পিষ্ট্বা|| বীজং করঞ্জেঙ্গুদশিগ্রুনিম্বান্নীলীং সনীলোত্পলচন্দ্ররেখাম্| শ্যামাং কিরাতং কটুকত্রযং চ পঞ্চাঢকং তত্র চ পঞ্চগব্যাত্|| শমযত্যচিরেণ ঘৃতং মৃদুহুতবহসাধিতং মহানীলম্| ন কিলাসমেব কেবলমপি চ ব্রণগুহ্যরোগবল্মীকান্ ” (অ. সং. চি. ৩২) ইত্যাদি||৩৪-৩৮||
Adhikarana 23 (39) · Śloka 39
মূত্রং গব্যং চিত্রকব্যোষযুক্তং সর্পিঃকুম্ভে ক্ষৌদ্রযুক্তং স্থিতং হি |
পক্ষাদূর্ধ্বং শ্বিত্রিভিঃ পেযমেতত্ |
কুর্যাচ্চাস্মিন্ কুষ্ঠদিষ্টং বিধানম্ ||৩৯||
View original
मूत्रं गव्यं चित्रकव्योषयुक्तं सर्पिःकुम्भे क्षौद्रयुक्तं स्थितं हि |
पक्षादूर्ध्वं श्वित्रिभिः पेयमेतत् |
कुर्याच्चास्मिन् कुष्ठदिष्टं विधानम् ||३९||
মূত্রমিত্যাদি| মূত্রমধুনী তুল্যে| চিত্রকস্য ব্যোষস্য চ তাবতী মাত্রা যাবত্যা কিঞ্চিত্ কটুকত্বমরিষ্টস্য, কুম্ভলেপার্থমেব তদিত্যন্যে| কিলাসে কুষ্ঠচিকিত্সিতমেব সঙ্ক্ষেপার্থমতিদেশেন নির্দিশন্নাহ- কুর্যাচ্চাস্মিন্নিত্যাদি||৩৯||
Adhikarana 24 (40) · Śloka 40
পূতীকার্কস্নুঙ্নরেন্দ্রদ্রুমাণাং মূত্রৈঃ পিষ্টাঃ পল্লবাঃ সৌমনাশ্চ |
লেপঃ শ্বিত্রং হন্তি দদ্রূর্ব্রণাংশ্চ দুষ্টান্যর্শাংস্যেষ নাডীব্রণাংশ্চ ||৪০||
View original
पूतीकार्कस्नुङ्नरेन्द्रद्रुमाणां मूत्रैः पिष्टाः पल्लवाः सौमनाश्च |
लेपः श्वित्रं हन्ति दद्रूर्व्रणांश्च दुष्टान्यर्शांस्येष नाडीव्रणांश्च ||४०||
পূতীকঃ চিরবিল্বঃ| নরেন্দ্রদ্রুম আরগ্বধঃ| সুমনা জাতী||৪০||
Adhikarana 25 (41) · Śloka 41
অস্মাদূর্ধ্বং নিঃস্রুতে দুষ্টরক্তে জাতপ্রাণং সর্পিষা স্নেহযিত্বা |
তীক্ষ্ণৈর্যোগৈশ্ছর্দযিত্বা প্রগাঢং পশ্চাদ্দোষং নির্হরেচ্চাপ্রমত্তঃ ||৪১||
View original
अस्मादूर्ध्वं निःस्रुते दुष्टरक्ते जातप्राणं सर्पिषा स्नेहयित्वा |
तीक्ष्णैर्योगैश्छर्दयित्वा प्रगाढं पश्चाद्दोषं निर्हरेच्चाप्रमत्तः ||४१||
ইদানীমাদাবপি কৃতবমনস্য কৃতবিরেচনস্যাপি কুষ্ঠিনঃ পুনঃ পুনরেব শোধনশোণিতাবসেকযোঃ কর্তব্যতামুপদিশন্নাহ- অস্মাদূর্ধ্বমিত্যাদি||৪১||
Adhikarana 26 (42) · Śloka 42
দুর্বান্তো বা দুর্বিরিক্তোঽপি বা স্যাত্ কুষ্ঠী দোষৈরুদ্ধতৈর্ব্যাপ্তদেহঃ |
নিঃসন্দিগ্ধং যাত্যসাধ্যত্বমাশু তস্মাত্ কৃত্স্নান্নির্হরেত্তস্য দোষান্ ||৪২||
View original
दुर्वान्तो वा दुर्विरिक्तोऽपि वा स्यात् कुष्ठी दोषैरुद्धतैर्व्याप्तदेहः |
निःसन्दिग्धं यात्यसाध्यत्वमाशु तस्मात् कृत्स्नान्निर्हरेत्तस्य दोषान् ||४२||
কুতঃ পুনরশেষেণ শোণিতং দোষাশ্চ হরণীযা ইত্যাহ- দুর্বান্ত ইত্যাদি| অপিশব্দাদ্দুষ্টশোণিতমনির্হ্রিযমাণমপি||৪২||
Adhikarana 27 (43) · Śloka 43
পক্ষাত্ পক্ষাচ্ছর্দনান্যভ্যুপেযান্মাসান্মাসাত্ স্রংসনং চাপি দেযম্ |
স্রাব্যং রক্তং বত্সরে হি দ্বিরল্পং নস্যং দদ্যাচ্চ ত্রিরাত্রাত্ত্রিরাত্রাত্ ||৪৩||
View original
पक्षात् पक्षाच्छर्दनान्यभ्युपेयान्मासान्मासात् स्रंसनं चापि देयम् |
स्राव्यं रक्तं वत्सरे हि द्विरल्पं नस्यं दद्याच्च त्रिरात्रात्त्रिरात्रात् ||४३||
কেন ক্রমেণ শোধনং শোণিতাবসেচনং চ কর্তব্যমিত্যাহ- পক্ষাদিত্যাদি| বত্সরে হি দ্বিরল্পমিতি বর্ষে দ্বৌ বারৌ ষড্ভিঃ ষড্ভির্মাসৈরিত্যর্থঃ||৪৩||
Adhikarana 28 (44-49) · Śloka 49
পথ্যা ব্যোষং সেক্ষুজাতং সতৈলং লীঢ্বা শীঘ্রং মুচ্যতে কুষ্ঠরোগাত্ |
ধাত্রীপথ্যাক্ষোপকুল্যাবিডঙ্গান্ ক্ষৌদ্রাজ্যাভ্যামেকতো বাঽবলিহ্যাত্ ||৪৪||
পীত্বা মাসং বা পলাংশাং হরিদ্রাং মূত্রেণান্তং পাপরোগস্য গচ্ছেত্ |
এবং পেযশ্চিত্রকঃ শ্লক্ষ্ণপিষ্টঃ পিপ্পল্যো বা পূর্ববন্মূত্রযুক্তাঃ ||৪৫||
তদ্বত্তার্ক্ষ্যং মাসমাত্রং চ পেযং, তেনাজস্রং দেহমালেপযেচ্চ |
আরিষ্টীত্বক্ সাপ্তপর্ণী চ তুল্যা লাক্ষা মুস্তং পঞ্চমূল্যৌ হরিদ্রে ||৪৬||
মঞ্জিষ্ঠাক্ষৌ বাসকো দেবদারু পথ্যাবহ্নী ব্যোষধাত্রীবিডঙ্গাঃ |
সামান্যাংশং যোজযিত্বা বিডঙ্গৈশ্চূর্ণং কৃত্বা তত্পলোন্মানমশ্নন্ ||৪৭||
কুষ্ঠাজ্জন্তুর্মুচ্যতে ত্রৈফলং বা সর্পির্দ্রোণং ব্যোষযুক্তং চ যুঞ্জন্ |
গোমূত্রাম্বুদ্রোণসিদ্ধেঽক্ষপীডে সিদ্ধং সর্পির্নাশযেচ্চাপি কুষ্ঠম্ ||৪৮||
আরগ্বধে সপ্তপর্ণে পটোলে সবৃক্ষকে নক্তমালে সনিম্বে জীর্ণং পক্বং তদ্ধরিদ্রাদ্বযেন হন্যাত্ কুষ্ঠং মুষ্ককে চাপি সর্পিঃ ||৪৯||
View original
पथ्या व्योषं सेक्षुजातं सतैलं लीढ्वा शीघ्रं मुच्यते कुष्ठरोगात् |
धात्रीपथ्याक्षोपकुल्याविडङ्गान् क्षौद्राज्याभ्यामेकतो वाऽवलिह्यात् ||४४||
पीत्वा मासं वा पलांशां हरिद्रां मूत्रेणान्तं पापरोगस्य गच्छेत् |
एवं पेयश्चित्रकः श्लक्ष्णपिष्टः पिप्पल्यो वा पूर्ववन्मूत्रयुक्ताः ||४५||
तद्वत्तार्क्ष्यं मासमात्रं च पेयं, तेनाजस्रं देहमालेपयेच्च |
आरिष्टीत्वक् साप्तपर्णी च तुल्या लाक्षा मुस्तं पञ्चमूल्यौ हरिद्रे ||४६||
मञ्जिष्ठाक्षौ वासको देवदारु पथ्यावह्नी व्योषधात्रीविडङ्गाः |
सामान्यांशं योजयित्वा विडङ्गैश्चूर्णं कृत्वा तत्पलोन्मानमश्नन् ||४७||
कुष्ठाज्जन्तुर्मुच्यते त्रैफलं वा सर्पिर्द्रोणं व्योषयुक्तं च युञ्जन् |
गोमूत्राम्बुद्रोणसिद्धेऽक्षपीडे सिद्धं सर्पिर्नाशयेच्चापि कुष्ठम् ||४८||
आरग्वधे सप्तपर्णे पटोले सवृक्षके नक्तमाले सनिम्बे जीर्णं पक्वं तद्धरिद्राद्वयेन हन्यात् कुष्ठं मुष्कके चापि सर्पिः ||४९||
প্রাযোগিকানেব যোগান্নির্দিশন্নাহ- পথ্যেত্যাদি| সেক্ষুজাতং সগুডম্| তৈলগুডযোঃ কুষ্ঠকারিত্বেঽপি হরীতকীত্রিকটুসংযুক্তযোঃ কুষ্ঠহারিত্বং, সংযোগশক্তেরচিন্ত্যত্বাত্| অন্যে ত্বেবং পঠন্তি- “পথ্যাব্যোষং তৈলযুক্তং গুডং চ নিত্যং খাদন্মুচ্যতে কুষ্ঠরোগাত্”- ইতি| ধাত্রীত্যাদি| অক্ষো বিভীতকঃ| পীত্বেত্যাদি| পলাংশাং পলমেব অংশো যস্যাঃ সা তথা তাং পলপরিমাণামিত্যর্থঃ| এবমিত্যাদি এবং পূর্বোক্তপ্রকারেণ| পিপ্পল্য ইত্যাদি| পূর্ববত্ হরিদ্রাবত্ ক্রমেণ পলমাত্রাং মাসমেব| তদ্বদিত্যাদি|- তদ্বত্ তার্ক্ষ্যং তথা রসাঞ্জনমপ্যভ্যাসেন পলমাত্রং মাসং পেযম্| ত্রীণ্যপ্যেতানি কুষ্ঠহরাণি রসাযনান্যপি| তেনাজস্রমিত্যাদি| তেন অনন্তরোক্তেন রসাঞ্জনেন| আরিষ্টীত্বগিত্যাদি| অত্রাপি ক্রমাভ্যাসেন পলং পলং মাসমেব| ত্রৈফলং বেত্যাদি| ‘কুষ্ঠাজ্জন্তুর্মুচ্যতে’ ইত্যধ্যাহারঃ| অন্যে ত্বন্যথা পঠন্তি ব্যাখ্যানযন্তি চ, স চ বিস্তরভযান্ন লিখিতঃ| গোমূত্রেত্যাদি| গোমূত্রমেবাম্বু গোমূত্রাম্বু, গোমূত্রেণৈব ক্বাথো নির্বর্ত্য ইত্যর্থঃ; গোমূত্রাম্বুনোস্তুল্যযোর্দ্রোণ ইত্যেকে| অক্ষপীডো যবতিক্তা| সামান্যপরিভাষাকল্পেন সর্পিঃ সাধনীযম্| আরগ্বধে ইত্যাদি| ব্যাধিঘাতাদিভির্মুষ্ককান্তৈঃ সামান্যপরিভাষাকল্পনযা| ব্যাধিঘাতাদ্যং ঘৃতং দহ্যমানস্য পিত্তকুষ্ঠিনঃ| “বাসাদার্বীতিক্তবল্লীকরঞ্জব্যাধিঘ্নাগ্নিক্ষারবৃক্ষাদিভিশ্চ| বত্সাখ্যানারিষ্টসপ্তচ্ছদৈশ্চ সিদ্ধং সর্পিঃ সর্বকুষ্ঠং নিহন্তি”- ইতি তন্ত্রান্তরপঠিতো যোগো ন সৌশ্রুতঃ, জেজ্জটাচার্যেণানুক্তত্বান্ন পঠনীযঃ||৪৪-৪৯||
Adhikarana 29 (50) · Śloka 50
রোধ্রারিষ্টং পদ্মকং রক্তসারঃ সপ্তাহ্বাক্ষৌ বৃক্ষকো বীজকশ্চ |
যোজ্যাঃ স্নানে দহ্যমানস্য জন্তোঃ পেযা বা স্যাত্ ক্ষৌদ্রযুক্তা ত্রিভণ্ডী ||৫০||
View original
रोध्रारिष्टं पद्मकं रक्तसारः सप्ताह्वाक्षौ वृक्षको बीजकश्च |
योज्याः स्नाने दह्यमानस्य जन्तोः पेया वा स्यात् क्षौद्रयुक्ता त्रिभण्डी ||५०||
তস্যৈব বহুপিত্তস্যাবলবতো দাহপ্রশমনহেতুং নির্দিশন্নাহ- রোধ্রেত্যাদি| সপ্তাহ্বঃ সপ্তপর্ণঃ| রোধ্রাদিভিঃ ষডঙ্গোদককল্পনযা ন তু কষাযকল্পনযা, নাপি কষাযেণ স্নানম্| তস্যৈব বহুপিত্তস্য বলবতো দাহপ্রশমনহেতুং নির্দিশন্নাহ- পেযা বেত্যাদি| ত্রিভণ্ডী ত্রিবৃত্; কোষ্ঠবলাপেক্ষযা ত্রিবৃতো মাত্রা||৫০||
Adhikarana 30 (51) · Śloka 51
খাদেত্ কুষ্ঠী মাংসশা(পা)তে পুরাণান্ মুদ্গান্ সিদ্ধান্নিম্বতোযে সতৈলান্ |৫১|
View original
खादेत् कुष्ठी मांसशा(पा)ते पुराणान् मुद्गान् सिद्धान्निम्बतोये सतैलान् |५१|
পিত্তকুষ্ঠিনাং মাংসক্ষরণে কৃমিসম্ভবেঽপি পানং নির্দিশন্নাহ- খাদেদিত্যাদি| ষডঙ্গকল্পেন নিম্বতোযং পরিকল্প্য মুদ্গানাং সাধনম্|৫১|-
Adhikarana 31 (51-53) · Śloka 53
নিম্বক্বাথং জাতসত্ত্বঃ পিবেদ্বা ক্বাথং বাঽর্কালর্কসপ্তচ্ছদানাম্ ||৫১||
জগ্ধেষ্বঙ্গেষ্বশ্বমারস্য মূলং লেপো যুক্তঃ স্যাদ্বিডঙ্গৈঃ সমূত্রৈঃ |
মূত্রৈশ্চৈনং সেচযেদ্ভোজযেচ্চ সর্বাহারান্ সম্প্রযুক্তান্ বিডঙ্গৈঃ ||৫২||
কারঞ্জং বা সার্ষপং বা ক্ষতেষু ক্ষেপ্যং তৈলং শিগ্রুকোশাম্রযোর্বা |
পক্বং সর্বৈর্বা কটূষ্ণৈঃ সতিক্তৈঃ শেষং চ স্যাদ্দুষ্টবত্ সংবিধানম্ ||৫৩||
View original
निम्बक्वाथं जातसत्त्वः पिबेद्वा क्वाथं वाऽर्कालर्कसप्तच्छदानाम् ||५१||
जग्धेष्वङ्गेष्वश्वमारस्य मूलं लेपो युक्तः स्याद्विडङ्गैः समूत्रैः |
मूत्रैश्चैनं सेचयेद्भोजयेच्च सर्वाहारान् सम्प्रयुक्तान् विडङ्गैः ||५२||
कारञ्जं वा सार्षपं वा क्षतेषु क्षेप्यं तैलं शिग्रुकोशाम्रयोर्वा |
पक्वं सर्वैर्वा कटूष्णैः सतिक्तैः शेषं च स्याद्दुष्टवत् संविधानम् ||५३||
নিম্বেত্যাদি| জাতসত্ত্বো জাতকৃমিঃ| ক্বাথং বেত্যাদি| জাতকৃমিরেব পিবেত্| জগ্ধেষ্বিত্যাদি| কৃমিজগ্ধেষ্বঙ্গেষু হযমারস্য মূলং সকৃমিহরং গোমূত্রেণ পিষ্ট্বা লেপযেত্| মূত্রৈরিত্যাদি| তত্রৈব গোমূত্রপরিষেচনম্| ভোজযেদিত্যাদি| করঞ্জসর্ষপশোভাঞ্জনকোশাম্রবীজতৈলানি স্বভাবতো দুষ্টব্রণযোগীনি, তানি চাপক্বান্যেব| পক্বমিত্যাদি|- তান্যেব সর্বৈঃ কটুকৈর্মরিচাদিভিঃ, তিক্তৈস্তু নিম্বাদিভিঃ, সামান্যকষাযপরিভাষযা কষাযীকৃতৈঃ পক্বানীতি | অত্র পাঠান্তরমপ্যস্তি, তদ্বিস্তরভযান্ন লিখিতম্| শেষমিত্যাদি| দুষ্টবদ্ দুষ্টব্রণবত্, তুল্যচিকিত্সিতত্বাত্| অন্যে ত্বত্র “শেষং চ স্যাত্ পূর্ববত্ সংবিধানম্” ইতি পঠন্তি| তত্রাপি পূর্বশব্দেন দুষ্টব্রণবিধিরুচ্যতে| অন্যে তু পঠন্তি ‘কুষ্ঠবত্ সংবিধানম্’ ইতি, তন্নেচ্ছতি গযী||৫১-৫৩||
Adhikarana 32 (54-63) · Śloka 64
সপ্তপর্ণকরঞ্জার্কমালতীকরবীরজম্ |
স্নুহীশিরীষাযোর্মূলং চিত্রকাস্ফোতযোরপি ||৫৪||
বিষলাঙ্গলবজ্রাখ্যকাসীসালমনঃশিলাঃ |
করঞ্জবীজং ত্রিকটু ত্রিফলাং রজনীদ্বযম্ ||৫৫||
সিদ্ধার্থকান্ বিডঙ্গানি প্রপুন্নাডং চ সংহরেত্ |
মূত্রপিষ্টৈঃ পচেদেতৈস্তৈলং কুষ্ঠবিনাশনম্ ||৫৬||
এতদ্বজ্রকমভ্যঙ্গান্নাডীদুষ্টব্রণাপহম্ |
সিদ্ধার্থকঃ করঞ্জৌ দ্বৌ দ্বে হরিদ্রে রসাঞ্জনম্ ||৫৭||
কুটজশ্চ প্রপুন্নাডসপ্তপর্ণৌ মৃগাদনী |
লাক্ষা সর্জরসোঽর্কশ্চ সাস্ফোতারগ্বধৌ স্নুহী ||৫৮||
শিরীষস্তুবরাখ্যস্তু কুটজারুষ্করৌ বচা |
কুষ্ঠং কৃমিঘ্নং মঞ্জিষ্ঠা লাঙ্গলী চিত্রকং তথা ||৫৯||
মালতী কটুতুম্বী চ গন্ধাহ্বা মূলকং তথা |
সৈন্ধবং করবীরশ্চ গৃহধূমং বিষং তথা ||৬০||
কম্পিল্লকং সসিন্দূরং তেজোহ্বাতুত্থকাহ্বযে |
সমভাগানি সর্বাণি কল্কপেষ্যাণি কারযেত্ ||৬১||
গোমূত্রং দ্বিগুণং দদ্যাত্তিলতৈলাচ্চতুর্গুণম্ |
কারঞ্জং যা মহাবীর্যং সার্ষপং বা মহাগুণম্ ||৬২||
অভ্যঙ্গাত্ সর্বকুষ্ঠানি গণ্ডমালাভগন্দরান্ |
নাডীদুষ্টব্রণান্ ঘোরান্ নাশযেন্নাত্র সংশযঃ ||৬৩||
মহাবজ্রকমিত্যেতন্নাম্না তৈলং মহাগুণম্ |৬৪|
View original
सप्तपर्णकरञ्जार्कमालतीकरवीरजम् |
स्नुहीशिरीषायोर्मूलं चित्रकास्फोतयोरपि ||५४||
विषलाङ्गलवज्राख्यकासीसालमनःशिलाः |
करञ्जबीजं त्रिकटु त्रिफलां रजनीद्वयम् ||५५||
सिद्धार्थकान् विडङ्गानि प्रपुन्नाडं च संहरेत् |
मूत्रपिष्टैः पचेदेतैस्तैलं कुष्ठविनाशनम् ||५६||
एतद्वज्रकमभ्यङ्गान्नाडीदुष्टव्रणापहम् |
सिद्धार्थकः करञ्जौ द्वौ द्वे हरिद्रे रसाञ्जनम् ||५७||
कुटजश्च प्रपुन्नाडसप्तपर्णौ मृगादनी |
लाक्षा सर्जरसोऽर्कश्च सास्फोतारग्वधौ स्नुही ||५८||
शिरीषस्तुवराख्यस्तु कुटजारुष्करौ वचा |
कुष्ठं कृमिघ्नं मञ्जिष्ठा लाङ्गली चित्रकं तथा ||५९||
मालती कटुतुम्बी च गन्धाह्वा मूलकं तथा |
सैन्धवं करवीरश्च गृहधूमं विषं तथा ||६०||
कम्पिल्लकं ससिन्दूरं तेजोह्वातुत्थकाह्वये |
समभागानि सर्वाणि कल्कपेष्याणि कारयेत् ||६१||
गोमूत्रं द्विगुणं दद्यात्तिलतैलाच्चतुर्गुणम् |
कारञ्जं या महावीर्यं सार्षपं वा महागुणम् ||६२||
अभ्यङ्गात् सर्वकुष्ठानि गण्डमालाभगन्दरान् |
नाडीदुष्टव्रणान् घोरान् नाशयेन्नात्र संशयः ||६३||
महावज्रकमित्येतन्नाम्ना तैलं महागुणम् |६४|
সপ্তপর্ণেত্যাদি| মালতী জাতী| স্নুহী সেহুণ্ডঃ| আস্ফোতা সারিবা| বিষং প্রসিদ্ধম্| লাঙ্গলশব্দেন কলিহারিকোচ্যতে| বজ্রাখ্যঃ দ্বিতীযসেহুণ্ডঃ| আলং হরিতালম্| শেষং প্রসিদ্ধম্| স্নেহচতুর্থাংশো ভেষজকল্কঃ, স্নেহাচ্চতুর্গুণো দ্রবঃ, ইতি ন্যাযেন পক্তব্যম্| বজ্রতৈলে গোমূত্রেণৈব দ্রবকার্যম্| তৈলং তিলতৈলম্| গযী তু বজ্রকতৈলে দুষ্টব্রণাধিকারাত্ প্রাগপি সর্ষপতৈলস্য বিধানাত্ সর্ষপতৈলং বিপাচ্যমাহ| অস্যাগ্রে কেচিন্মহাবজ্রকং পঠন্তি, তচ্চ নিবন্ধকারৈর্ন পঠিতম্||৫৪-৬৩||-
Adhikarana 33 (64-65) · Śloka 66
পিত্তাবাপৈর্মূত্রপিষ্টৈস্তৈলং লাক্ষাদিকৈঃ কৃতম্ ||৬৪||
সপ্তাহং কটুকালাব্বাং নিদধীত চিকিত্সকঃ |
পীতবন্তং ততো মাত্রাং তেনাভ্যক্তং চ মানবম্ ||৬৫||
শাযযেদাতপে তস্য দোষা গচ্ছন্তি সর্বশঃ |৬৬|
View original
पित्तावापैर्मूत्रपिष्टैस्तैलं लाक्षादिकैः कृतम् ||६४||
सप्ताहं कटुकालाब्वां निदधीत चिकित्सकः |
पीतवन्तं ततो मात्रां तेनाभ्यक्तं च मानवम् ||६५||
शाययेदातपे तस्य दोषा गच्छन्ति सर्वशः |६६|
কুষ্ঠদুষ্টব্রণে বহিঃশোধনং তৈলং নির্দিশ্যান্তঃশোধনার্থং তৈলমুদ্দিশন্নাহ- পিত্তেত্যাদি| পিত্তাবাপৈঃ গোপিত্তাবাপৈঃ| মূত্রং গোমূত্রং, তচ্চ তৈলাচ্চতুর্গুণম্| তৈলং তিলতৈলম্| লাক্ষাদিকো ‘লাক্ষারেবতকুটজাশ্বমারকট্ফল’ (সূ. ৩৮) ইত্যাদিকো দ্রব্যসঙ্গ্রহণীযোক্তঃ; অথবাঽত্রৈব পঠিতো লাক্ষাসর্জরসরসাঞ্জনপ্রপুন্নাডধান্যাশ্বমারকার্ককুটজারেবাতাদিকঃ, দ্বযোরপ্যল্পান্তরত্বাত্| কৃতং সংস্কৃতমিত্যর্থঃ| দোষা গচ্ছন্তি সর্বশঃ ঊর্ধ্বমধস্তির্যগিত্যর্থঃ; গযী তু সর্বশ ইতি বহ্বর্থে শস্, বৈফল্যগমনাপেক্ষযা কৃত্স্নশ ইত্যর্থঃ||৬৪-৬৫||-
Adhikarana 34 (66) · Śloka 67
স্রুতদোষং সমুত্থাপ্য স্নাতং খদিরবারিণা ||৬৬||
যবাগূং পাযযেদেনং সাধিতাং খদিরাম্বুনা |৬৭|
View original
स्रुतदोषं समुत्थाप्य स्नातं खदिरवारिणा ||६६||
यवागूं पाययेदेनं साधितां खदिराम्बुना |६७|
স্রুতদোষমিত্যাদি| খদিরবারিণা খদিরোদকেন ষডঙ্গোদককল্পনযা কল্পিতেন| উষ্ণাভিতপ্তস্য শীতখদিরাম্বুনা স্নানং কথং ক্রিযতে? আতপসন্তপ্তস্য শীতোদকস্নানং কুষ্ঠাক্ষিরোগকৃদিতি চেত্; তন্ন, তত্র তোযাবগাহো নিষিদ্ধঃ, ন পুনস্তোযপরিষেকঃ| “স্রুতদোষং ততঃ স্নাতং শীতেন খদিরাম্বুনা” ইতি ক্বচিত্ পাঠঃ||৬৬||
Adhikarana 35 (67) · Śloka 68
এবং সংশোধনে বর্গে কুষ্ঠঘ্নেষ্বৌষধেষু চ ||৬৭||
কুর্যাত্তৈলানি সর্পীংষি প্রদেহোদ্ধর্ষণানি চ |৬৮|
View original
एवं संशोधने वर्गे कुष्ठघ्नेष्वौषधेषु च ||६७||
कुर्यात्तैलानि सर्पींषि प्रदेहोद्धर्षणानि च |६८|
এবমিত্যাদি| সংশোধনে বর্গে ইতি সংশোধনসংশমনীযাধ্যাযোক্তানি ত্রিবৃদাদীনি| কুষ্ঠঘ্নেষ্বৌষধেষু চেতি খদিরাদিষ্বপি||৬৭||-
Adhikarana 36 (68) · Śloka 68
প্রাতঃ প্রাতশ্চ সেবেত যোগান্ বৈরেচনাঞ্ শুভান্ |
পঞ্চ ষট্ সপ্ত চাষ্টৌ বা যৈরুত্থানং ন গচ্ছতি ||৬৮||
View original
प्रातः प्रातश्च सेवेत योगान् वैरेचनाञ् शुभान् |
पञ्च षट् सप्त चाष्टौ वा यैरुत्थानं न गच्छति ||६८||
ইদানীং বহুদোষাণামাভ্যাসিকমনুলোমনমাহ- প্রাতরিত্যাদি||৬৮||
Adhikarana 37 (69) · Śloka 69
কারভং বা পিবেন্মূত্রং জীর্ণে তত্ক্ষীরভোজনম্ |
জাতসত্ত্বানি কুষ্ঠানি মাসৈঃ ষড্ভিরপোহতি ||৬৯||
View original
कारभं वा पिबेन्मूत्रं जीर्णे तत्क्षीरभोजनम् |
जातसत्त्वानि कुष्ठानि मासैः षड्भिरपोहति ||६९||
কারভমিত্যাদি| করভা উষ্ট্রী| অযং প্রযোগো ন সৌশ্রুত ইতি জেজ্জটঃ, গযদাসেন ব্যাখ্যাতত্বান্মযাঽপি ব্যাখ্যাতঃ||৬৯||
Adhikarana 38 (70-71) · Śloka 71
দিদৃক্ষুরন্তং কুষ্ঠস্য খদিরং কুষ্ঠপীডিতঃ |
সর্বথৈব প্রযুঞ্জীত স্নানপানাশনাদিষু ||৭০||
যথা হন্তি প্রবৃদ্ধত্বাত্ কুষ্ঠমাতুরমোজসা |
তথা হন্ত্যুপযুক্তস্তু খদিরঃ কুষ্ঠমোজসা ||৭১||
View original
दिदृक्षुरन्तं कुष्ठस्य खदिरं कुष्ठपीडितः |
सर्वथैव प्रयुञ्जीत स्नानपानाशनादिषु ||७०||
यथा हन्ति प्रवृद्धत्वात् कुष्ठमातुरमोजसा |
तथा हन्त्युपयुक्तस्तु खदिरः कुष्ठमोजसा ||७१||
কুষ্ঠেষু খদিরস্য সর্বথোপযোগিত্বং দর্শযন্নাহ- দিদৃক্ষুরিত্যাদি| দিদৃক্ষুর্দ্রষ্টুমিচ্ছুঃ| অন্তং বিনাশম্| খদিরঃ কুষ্ঠমোজসা ইত্যত্র ওজঃশব্দেন প্রভাবো বীর্যং শক্তিরুচ্যতে||৭০-৭১||
Adhikarana 39 (72) · Śloka 72
নীচরোমনখঃ শ্রান্তো হিতাশ্যৌষধতত্পরঃ |
যোষিন্মাংসসুরাবর্জী কুষ্ঠী কুষ্ঠমপোহতি ||৭২||
View original
नीचरोमनखः श्रान्तो हिताश्यौषधतत्परः |
योषिन्मांससुरावर्जी कुष्ठी कुष्ठमपोहति ||७२||
ইদানীং প্রতিষেধবিধিমাহ- নীচরোমেত্যাদি||৭২||
Adhikarana puShpikA · Śloka 9
ইতি সুশ্রুতসংহিতাযাং চিকিত্সাস্থানে কুষ্ঠচিকিত্সিতং নাম নবমোঽধ্যাযঃ ||৯||
View original
इति सुश्रुतसंहितायां चिकित्सास्थाने कुष्ठचिकित्सितं नाम नवमोऽध्यायः ||९||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং চিকিত্সাস্থানে নবমোঽধ্যাযঃ||৯||