athātō miśrakacikitsitaṁ vyākhyāsyāmaḥ ||1|| yathōvāca bhagavān dhanvantariḥ ||2|| pālyāmayāstu visrāvyā ityuktaṁ prāṅnibōdha tān | paripōṭastathōtpāta unmanthō duḥkhavardhanaḥ ||3|| pañcamaḥ parilēhī ca karṇapālyāṁ gadāḥ smr̥tāḥ | saukumāryāccirōtsr̥ṣṭē sahasā'bhipravardhitē ||4|| karṇaśōphō bhavēt pālyāṁ sarujaḥ paripōṭavān | kr̥ṣṇāruṇanibhaḥ stabdhaḥ sa vātāt paripōṭakaḥ ||5|| gurvābharaṇasaṁyōgāttāḍanāddharṣaṇādapi | śōphaḥ pālyāṁ bhavēcchyāvō dāhapākarunānvitaḥ ||6|| raktō vā raktapittābhyāmutpātaḥ sa gadō mataḥ | balādvardhayataḥ karṇaṁ pālyāṁ vāyuḥ prakupyati ||7|| gr̥hītvā sakaphaṁ kuryācchōphaṁ tadvarṇavēdanam | unmanthakaḥ sakaṇḍūkō vikāraḥ kaphavātajaḥ ||8|| vardhamānē yadā karṇē kaṇḍūdāharuganvitaḥ | śōphō bhavati pākaśca tvaksthō'sau duḥkhavardhanaḥ ||9|| kaphāsr̥kkr̥mayaḥ kuryuḥ sarṣapābhā vikāriṇīḥ | srāviṇīḥ piḍakāḥ pālyāṁ kaṇḍūdāharuganvitāḥ ||10|| kaphāsr̥kkr̥misambhūtaḥ sa visarpannitastataḥ | lihyāt saśaṣkulīṁ pālīṁ parilēhīti sa smr̥taḥ ||11|| pālyāmayā hyamī ghōrā narasyāpratikāriṇaḥ | mithyāhārabihārasya pāliṁ hiṁsyurupēkṣitāḥ ||12||
View original
अथातो मिश्रकचिकित्सितं व्याख्यास्यामः ||१|| यथोवाच भगवान् धन्वन्तरिः ||२|| पाल्यामयास्तु विस्राव्या इत्युक्तं प्राङ्निबोध तान् | परिपोटस्तथोत्पात उन्मन्थो दुःखवर्धनः ||३|| पञ्चमः परिलेही च कर्णपाल्यां गदाः स्मृताः | सौकुमार्याच्चिरोत्सृष्टे सहसाऽभिप्रवर्धिते ||४|| कर्णशोफो भवेत् पाल्यां सरुजः परिपोटवान् | कृष्णारुणनिभः स्तब्धः स वातात् परिपोटकः ||५|| गुर्वाभरणसंयोगात्ताडनाद्धर्षणादपि | शोफः पाल्यां भवेच्छ्यावो दाहपाकरुनान्वितः ||६|| रक्तो वा रक्तपित्ताभ्यामुत्पातः स गदो मतः | बलाद्वर्धयतः कर्णं पाल्यां वायुः प्रकुप्यति ||७|| गृहीत्वा सकफं कुर्याच्छोफं तद्वर्णवेदनम् | उन्मन्थकः सकण्डूको विकारः कफवातजः ||८|| वर्धमाने यदा कर्णे कण्डूदाहरुगन्वितः | शोफो भवति पाकश्च त्वक्स्थोऽसौ दुःखवर्धनः ||९|| कफासृक्कृमयः कुर्युः सर्षपाभा विकारिणीः | स्राविणीः पिडकाः पाल्यां कण्डूदाहरुगन्विताः ||१०|| कफासृक्कृमिसम्भूतः स विसर्पन्नितस्ततः | लिह्यात् सशष्कुलीं पालीं परिलेहीति स स्मृतः ||११|| पाल्यामया ह्यमी घोरा नरस्याप्रतिकारिणः | मिथ्याहारबिहारस्य पालिं हिंस्युरुपेक्षिताः ||१२||
Meaning of the śloka
Now the chapter on the treatment of miscellaneous disorders is explained, as taught by Bhagavān Dhanvantari. The disorders of the earlobe, previously said to require drainage, are paripoṭa, utpāta, unmantha, duḥkhavardhana and parilehī. Paripoṭa is described as a painful, cracked, stiff, dark-red swelling caused by vāta when a delicate earlobe, left unstretched for a long time, is suddenly enlarged. Utpāta is a dusky or red swelling with burning, suppuration and pain, arising from heavy ornaments, striking or friction and attributed to rakta and pitta. When the ear is forcibly enlarged, aggravated vāyu together with kapha produces a swollen, discoloured and painful earlobe; this itching kapha-vāta disorder is unmanthaka. Duḥkhavardhana is a superficial swelling and suppuration accompanied by itching, burning and pain while the ear is being enlarged. In parilehī, kapha, blood and kṛmi produce changing, discharging, mustard-seed-like eruptions of the earlobe with itching, burning and pain; the disorder spreads and, as it were, consumes the lobe together with the outer ear. These grave earlobe diseases can damage the lobe when neglected in a person following unsuitable diet and conduct.
🔊 Audio coming soon
Hide commentary
cirōtsr̥ṣṭō bahukālaṁ yāvat parityaktaḥ, saukumāryahētutvāt| śaṣkulī bāhyapālyadhiṣṭhānaṁ||1-12||
Meaning of the commentary
The commentary explains cirotsṛṣṭa as an earlobe that has been left alone or unstretched for a long period, emphasizing that its resulting delicacy contributes to the disorder. It identifies śaṣkulī as the outer part of the ear associated with the earlobe.
Key terms
- paripoTaka (paripoṭaka)
- A vāta-attributed painful, cracked and stiff swelling of the earlobe.
- utpAta (utpāta)
- An earlobe swelling associated here with trauma, burning, suppuration, pain, rakta and pitta.
- unmanthaka
- An itching earlobe disorder attributed to kapha and vāta after forced enlargement.
- duHkhavardhana (duḥkhavardhana)
- A superficial swelling and suppuration arising during enlargement of the ear, with itching, burning and pain.
- parilehI (parilehī)
- A spreading earlobe disorder with discharging eruptions, itching, burning and pain, attributed to kapha, blood and kṛmi.
- shaShkulI (śaṣkulī)
- The outer ear structure adjoining the earlobe, according to the commentary.