Adhikarana 1 (1-2) · Śloka 2
অথাতো ভগন্দরাণাং নিদানং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
View original
अथातो भगन्दराणां निदानं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথেত্যাদি||১-২||
4. bhagandaranidānam
Adhikarana 2 (3) · Śloka 3
বাতপিত্তশ্লেষ্মসন্নিপাতাগন্তুনিমিত্তাঃ শতপোনকোষ্ট্রগ্রীবপরিস্রাবিশম্বূকাবর্তোন্মার্গিণো যথাসঙ্খ্যং পঞ্চ ভগন্দরা ভবন্তি | তে তু ভগগুদবস্তিপ্রদেশদারণাচ্চ ‘ভগন্দরা’ ইত্যুচ্যন্তে | অভিন্নাঃ পিডকাঃ, ভিন্নাস্তু ভগন্দরাঃ ||৩||
View original
वातपित्तश्लेष्मसन्निपातागन्तुनिमित्ताः शतपोनकोष्ट्रग्रीवपरिस्राविशम्बूकावर्तोन्मार्गिणो यथासङ्ख्यं पञ्च भगन्दरा भवन्ति | ते तु भगगुदबस्तिप्रदेशदारणाच्च ‘भगन्दरा’ इत्युच्यन्ते | अभिन्नाः पिडकाः, भिन्नास्तु भगन्दराः ||३||
🔊 Audio coming soon
বাতপিত্তেত্যাদি| সঙ্খ্যেযনির্দেশাদেব সঙ্খ্যাসিদ্ধৌ পঞ্চেতিবচনং শোণিতজাদিনিষেধার্থম্| ভগন্দরনিরুক্তিমাহ- তে ত্বিত্যাদি||৩||
Adhikarana 3 (4) · Śloka 4
তেষাং তু পূর্বরূপাণি- কটীকপালবেদনা কণ্ডূর্দাহঃ শোফশ্চ গুদস্য ভবতি ||৪||
View original
तेषां तु पूर्वरूपाणि- कटीकपालवेदना कण्डूर्दाहः शोफश्च गुदस्य भवति ||४||
🔊 Audio coming soon
পূর্বরূপমাহ- তেষাং ত্বিত্যাদি| তেষাং তু পূর্বরূপাণি ‘ভবন্তি’ ইত্যর্থঃ| কটীকপালঃ কটীফলকঃ||৪||
Adhikarana 4 (5) · Śloka 5
তত্রাপথ্যসেবিনাং বাযুঃ প্রকুপিতঃ সন্নিবৃত্তঃ স্থিরীভূতো গুদমভিতোঽঙ্গুলে দ্ব্যঙ্গুলে বা মাংসশোণিতে প্রদূষ্যারুণবর্ণাং পিডকাং জনযতি, সাঽস্য তোদাদীন্ বেদনাবিশেষাঞ্জনযতি, অপ্রতিক্রিযমাণা চ পাকমুপৈতি, মূত্রাশযাভ্যাসগতত্বাচ্চ ব্রণঃ প্রক্লিন্নঃ শতপোনকবদণুমুখৈশ্ছিদ্রৈরাপূর্যতে, তানি চ ছিদ্রাণ্যজস্রমচ্ছং ফেনানুবিদ্ধমধিকমাস্রাবং স্রবন্তি , ব্রণশ্চ তাড্যতে ভিদ্যতে ছিদ্যতে সূচীভিরিব নিস্তুদ্যতে, গুদং চাবদীর্যতে, উপেক্ষিতে চ বাতমূত্রপুরীষরেতসামপ্যাগমশ্চ তৈরেব ছিদ্রৈর্ভবতি; তং ভগন্দরং শতপোনকমিত্যাবক্ষতে ||৫||
View original
तत्रापथ्यसेविनां वायुः प्रकुपितः सन्निवृत्तः स्थिरीभूतो गुदमभितोऽङ्गुले द्व्यङ्गुले वा मांसशोणिते प्रदूष्यारुणवर्णां पिडकां जनयति, साऽस्य तोदादीन् वेदनाविशेषाञ्जनयति, अप्रतिक्रियमाणा च पाकमुपैति, मूत्राशयाभ्यासगतत्वाच्च व्रणः प्रक्लिन्नः शतपोनकवदणुमुखैश्छिद्रैरापूर्यते, तानि च छिद्राण्यजस्रमच्छं फेनानुविद्धमधिकमास्रावं स्रवन्ति , व्रणश्च ताड्यते भिद्यते छिद्यते सूचीभिरिव निस्तुद्यते, गुदं चावदीर्यते, उपेक्षिते च वातमूत्रपुरीषरेतसामप्यागमश्च तैरेव छिद्रैर्भवति; तं भगन्दरं शतपोनकमित्यावक्षते ||५||
🔊 Audio coming soon
পূর্বরূপানন্তরং পিডিকোত্পত্তিপাকোপদ্রবনিরুক্তীদর্শযন্নাহ- তত্রাপথ্যেত্যাদি| সন্নিবৃত্তৌ ব্যাঘুটিতঃ| গুদমভিতো গুদস্য সর্বতঃ; অন্যে ‘গুদসন্নিধৌ’ ইত্যাহুঃ| অভ্যাসঃ সমীপম্| শতপোনকঃ শূকদোষপরিপঠিতো ব্যাধিঃ; ‘চালনিকা’ ইতি জেজ্ঝটঃ; তন্নেচ্ছতি গযী, লোকশাস্ত্রযোশ্চালনিকাযাং শতপোনকশব্দস্যাপ্রসিদ্ধত্বাত্; ‘অশ্বপুচ্ছবালরচিতং শতাক্ষকং’ ইত্যন্যে| তুদ্যতে ব্যথ্যতে| তাড্যতে দণ্ডেনেবাভিহন্যত ইত্যর্থঃ| ভিদ্যতে ত্বগ্বিদার্যত ইব| ছিদ্যতে দ্বিধা ক্রিযত ইব||৫||
Adhikarana 5 (6) · Śloka 6
পিত্তং তু প্রকুপিতমনিলেনাধঃ প্রেরিতং পূর্ববদবস্থিতং রক্তাং তন্বীমুচ্ছ্রিতামুষ্ট্রগ্রীবাকারাং পিডকাং জনযতি; সাঽস্য চোষাদীন্ বেদনাবিশেষাঞ্জনযতি; অপ্রতিক্রিযমাণা চ পাকমুপৈতি; ব্রণশ্চাগ্নিক্ষারাভ্যামিব দহ্যতে, দুর্গন্ধমুষ্ণমাস্রাবং স্রবতি, উপেক্ষিতশ্চ বাতমূত্রপুরীষরেতাংসি বিসৃজতি; তং ভগন্দরমুষ্ট্রগ্রীবমিত্যাচক্ষতে ||৬||
View original
पित्तं तु प्रकुपितमनिलेनाधः प्रेरितं पूर्ववदवस्थितं रक्तां तन्वीमुच्छ्रितामुष्ट्रग्रीवाकारां पिडकां जनयति; साऽस्य चोषादीन् वेदनाविशेषाञ्जनयति; अप्रतिक्रियमाणा च पाकमुपैति; व्रणश्चाग्निक्षाराभ्यामिव दह्यते, दुर्गन्धमुष्णमास्रावं स्रवति, उपेक्षितश्च वातमूत्रपुरीषरेतांसि विसृजति; तं भगन्दरमुष्ट्रग्रीवमित्याचक्षते ||६||
🔊 Audio coming soon
পিত্তং ত্বিত্যাদি| পূর্ববদবস্থিতমিতি গুদমভিতোঽঙ্গুলে দ্ব্যঙ্গুলে বেত্যর্থঃ| বিসৃজতি স্রবতি ব্রণ ইতি সম্বন্ধঃ||৬||
Adhikarana 6 (7) · Śloka 7
শ্লেষ্মা তু প্রকুপিতঃ সমীরণেনাধঃ প্রেরিতঃ পূর্ববদবস্থিতঃ শুক্লাবভাসাং স্থিরাং কণ্ডূমতীং পিডকাং জনযতি, সাঽস্য কণ্ড্বাদীন্ বেদনাবিশেষাঞ্জনযতি, অপ্রতিক্রিযমাণাং চ পাকমুপৈতি, ব্রণশ্চ কঠিনঃ সংরম্ভী কণ্ডূপ্রাযঃ পিচ্ছিলমজস্রমাস্রাবং স্রবতি, উপেক্ষিতশ্চ বাতমূত্রপুরীষরেতাংসি বিসৃজতি; তং ভগন্দরং পরিস্রাবিণমিত্যাচক্ষতে ||৭||
View original
श्लेष्मा तु प्रकुपितः समीरणेनाधः प्रेरितः पूर्ववदवस्थितः शुक्लावभासां स्थिरां कण्डूमतीं पिडकां जनयति, साऽस्य कण्ड्वादीन् वेदनाविशेषाञ्जनयति, अप्रतिक्रियमाणां च पाकमुपैति, व्रणश्च कठिनः संरम्भी कण्डूप्रायः पिच्छिलमजस्रमास्रावं स्रवति, उपेक्षितश्च वातमूत्रपुरीषरेतांसि विसृजति; तं भगन्दरं परिस्राविणमित्याचक्षते ||७||
🔊 Audio coming soon
শ্লেষ্মেত্যাদি| সংরম্ভী শোফবান্| কণ্ডূপ্রাযঃ খর্জূবহুলঃ| পরিস্রাবীত্যেবংশীলঃ পরিস্রাবী||৭||
Adhikarana 7 (8) · Śloka 8
বাযুঃ প্রকুপিতঃ প্রকুপিতৌ পিত্তশ্লেষ্মাণৌ পরিগৃহ্যাধো গত্বা পূর্ববদবস্থিতঃ পাদাঙ্গুষ্ঠাগ্রপ্রমাণাং সর্বলিঙ্গাং পিডকাং জনযতি, সাঽস্য তোদদাহকণ্ড্বাদীন্ বেদনাবিশেষাঞ্জনযতি, অপ্রতিক্রিযমাণা চ পাকমুপৈতি, ব্রণশ্চ নানাবিধবর্ণমাস্রাবং স্রবতি, পূর্ণনদীশম্বূকাবর্তবচ্চাত্র সমুত্তিষ্ঠন্তি বেদনাবিশেষাঃ; তং ভগন্দরং শম্বূকাবর্তমিত্যাচক্ষতে ||৮||
View original
वायुः प्रकुपितः प्रकुपितौ पित्तश्लेष्माणौ परिगृह्याधो गत्वा पूर्ववदवस्थितः पादाङ्गुष्ठाग्रप्रमाणां सर्वलिङ्गां पिडकां जनयति, साऽस्य तोददाहकण्ड्वादीन् वेदनाविशेषाञ्जनयति, अप्रतिक्रियमाणा च पाकमुपैति, व्रणश्च नानाविधवर्णमास्रावं स्रवति, पूर्णनदीशम्बूकावर्तवच्चात्र समुत्तिष्ठन्ति वेदनाविशेषाः; तं भगन्दरं शम्बूकावर्तमित्याचक्षते ||८||
🔊 Audio coming soon
‘পূর্ণনদীশম্বূকাবর্তবন্নৈরন্তর্যেণ বেদনা উত্তিষ্ঠন্তি’ ইত্যেকে; অন্যে তু ‘তথাবিধগত্যারম্ভকস্য শোফস্য পূর্ণনদ্যাবর্তশম্বূকাবর্তাকারেণেবাবগত্বাদবগাঢবেদনা ভবন্তীত্যর্থঃ’| শম্বূকাঃ শঙ্খাঃ||৮||
Adhikarana 8 (9) · Śloka 9
মূঢেন মাংসলুব্ধেন যদস্থিশল্যমন্নেন সহাভ্যবহৃতং যদাঽবগাঢপুরীষোন্মিশ্রমপানেনাধঃপ্রেরিতমসম্যগাগতং গুদমপক্ষিণোতি তদা ক্ষতনিমিত্তঃ কোথ উপজাযতে, তস্মিংশ্চ ক্ষতে পূযরুধিরাবকীর্ণমাংসকোথে ভূমাবিব জলপ্রক্লিন্নাযাং ক্রিমযঃ সঞ্জাযন্তে, তে ভক্ষযন্তো গুদমনেকধা পার্শ্বতো দারযন্তি, তস্য তৈর্মার্গৈঃ কৃমিকৃতৈর্বাতমূত্রপুরীষরেতাংস্যভিনিঃসরন্তি; তং ভগন্দরমুন্মার্গিণমিত্যাচক্ষতে ||৯||
View original
मूढेन मांसलुब्धेन यदस्थिशल्यमन्नेन सहाभ्यवहृतं यदाऽवगाढपुरीषोन्मिश्रमपानेनाधःप्रेरितमसम्यगागतं गुदमपक्षिणोति तदा क्षतनिमित्तः कोथ उपजायते, तस्मिंश्च क्षते पूयरुधिरावकीर्णमांसकोथे भूमाविव जलप्रक्लिन्नायां क्रिमयः सञ्जायन्ते, ते भक्षयन्तो गुदमनेकधा पार्श्वतो दारयन्ति, तस्य तैर्मार्गैः कृमिकृतैर्वातमूत्रपुरीषरेतांस्यभिनिःसरन्ति; तं भगन्दरमुन्मार्गिणमित्याचक्षते ||९||
🔊 Audio coming soon
উন্মার্গিণঃ সম্প্রাপ্তি দর্শযন্নাহ- মূঢেনেত্যাদি| মূঢেন অজ্ঞাতেন| অপক্ষিণোতি সক্ষতং করোতি| কোথঃ পূতিভাবঃ| পার্শ্বতো দারযন্তি পক্ষতো দারযন্তি| অস্যাগ্রে অর্শোভগন্দরং কেচিত্ পঠন্তি; তন্ন, সর্বৈর্নিবন্ধকারৈর্নিরাকৃতত্বাত্||৯||
Adhikarana 9 (10-11) · Śloka 11
ভবন্তি চাত্র- উত্পদ্যতেঽল্পরুক্ শোফাত্ ক্ষিপ্রং চাপ্যুপশাম্যতি | পায্বন্তদেশে পিডকা সা জ্ঞেযাঽন্যা ভগন্দরাত্ ||১০|| পাযোঃ স্যাদ্ দ্ব্যঙ্গুলে দেশে গূঢমূলা সরুগ্জ্বরা | ভাগন্দরীতি বিজ্ঞেযা পিডকাঽতো বিপর্যযাত্ ||১১||
View original
भवन्ति चात्र- उत्पद्यतेऽल्परुक् शोफात् क्षिप्रं चाप्युपशाम्यति | पाय्वन्तदेशे पिडका सा ज्ञेयाऽन्या भगन्दरात् ||१०|| पायोः स्याद् द्व्यङ्गुले देशे गूढमूला सरुग्ज्वरा | भागन्दरीति विज्ञेया पिडकाऽतो विपर्ययात् ||११||
🔊 Audio coming soon
অভাগন্দরীং ভাগন্দরীং চ পিডকামাহ- ভবন্তি চাত্রেত্যাদি| পায্বন্তদেশে পিডকা শোফাদুত্পদ্যত ইতি সম্বন্ধঃ| অল্পরুক্ অল্পবেদনা, পায্বন্তদেশে গুদস্যান্তে, অন্যা ভগন্দরাত্ অপরা ভগন্দরেভ্য ইত্যর্থঃ| এতেনাভাগন্দরী পিডকোক্তা, যতোঽস্যা ভগন্দরো নোত্পদ্যতে| অতোঽভাগন্দর্যাঃ পিডকাযাঃ, বিপর্যযাত্ বিপরীতত্বাত্, ভাগন্দরীতি ভগন্দরকরী ভবতীত্যর্থঃ||১০-১১||
Adhikarana 10 (12) · Śloka 12
যানযানান্মলোত্সর্গাত্ কণ্ডূরুগ্দাহশোফবান্ | পাযুর্ভবেদ্রুজঃ কট্যাং পূর্বরূপং ভগন্দরে ||১২||
View original
यानयानान्मलोत्सर्गात् कण्डूरुग्दाहशोफवान् | पायुर्भवेद्रुजः कट्यां पूर्वरूपं भगन्दरे ||१२||
🔊 Audio coming soon
যোনেত্যাদি| যানযানাত্ রথাদিগমনাত্| মলোত্সর্গাত্ পুরীষত্যাগাত্| কণ্ডূরুগ্দাহশোফবান্ পাযুর্ভবেত্, ততোঽনন্তরং কট্যাং কণ্ডূরুগ্দাহশোফাদিকং পূর্বরূপং ভবেত্| অযং বা পঠনীযঃ পূর্বো বা; পূর্বরূপগ্রন্থদ্বযং বা পঠনীযং, পূর্বশ্চাপ্রসিদ্ধঃ, অযং তু প্রসিদ্ধঃ||১২||
Adhikarana 11 (13) · Śloka 13
ঘোরাঃ সাধযিতুং দুঃখাঃ সর্ব এব ভগন্দরাঃ | তেষ্বসাধ্যস্ত্রিদোষোত্থঃ ক্ষতজশ্চ ভগন্দরঃ ||১৩||
View original
घोराः साधयितुं दुःखाः सर्व एव भगन्दराः | तेष्वसाध्यस्त्रिदोषोत्थः क्षतजश्च भगन्दरः ||१३||
🔊 Audio coming soon
তত্র কেষাঞ্চিদসাধ্যত্বং দর্শযন্নাহ- ঘোরা ইত্যাদি| ঘোরা দুঃখপ্রদাঃ| সাধযিতুং দুঃখাঃ কষ্টসাধ্যাঃ, ‘ভবন্তি’ ইত্যধ্যাহারঃ||১৩||
Adhikarana puShpikA · Śloka 4
ইতি সুশ্রুতসংহিতাযাং নিদানস্থানে ভগন্দরনিদানং নাম চতুর্থোঽধ্যাযঃ ||৪||
View original
इति सुश्रुतसंहितायां निदानस्थाने भगन्दरनिदानं नाम चतुर्थोऽध्यायः ||४||
🔊 Audio coming soon
ইতি শ্রীডহ্লণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং নিদানস্থানে চতুর্থোঽধ্যাযঃ||৪||