Adhikarana 1 (1-2) · Śloka 2
ಅಥಾತೋ ಭಗನ್ದರಾಣಾಂ ನಿದಾನಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||
View original
अथातो भगन्दराणां निदानं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ಅಥೇತ್ಯಾದಿ||೧-೨||
4. bhagandaranidānam
Adhikarana 2 (3) · Śloka 3
ವಾತಪಿತ್ತಶ್ಲೇಷ್ಮಸನ್ನಿಪಾತಾಗನ್ತುನಿಮಿತ್ತಾಃ ಶತಪೋನಕೋಷ್ಟ್ರಗ್ರೀವಪರಿಸ್ರಾವಿಶಮ್ಬೂಕಾವರ್ತೋನ್ಮಾರ್ಗಿಣೋ ಯಥಾಸಙ್ಖ್ಯಂ ಪಞ್ಚ ಭಗನ್ದರಾ ಭವನ್ತಿ | ತೇ ತು ಭಗಗುದಬಸ್ತಿಪ್ರದೇಶದಾರಣಾಚ್ಚ ‘ಭಗನ್ದರಾ’ ಇತ್ಯುಚ್ಯನ್ತೇ | ಅಭಿನ್ನಾಃ ಪಿಡಕಾಃ, ಭಿನ್ನಾಸ್ತು ಭಗನ್ದರಾಃ ||೩||
View original
वातपित्तश्लेष्मसन्निपातागन्तुनिमित्ताः शतपोनकोष्ट्रग्रीवपरिस्राविशम्बूकावर्तोन्मार्गिणो यथासङ्ख्यं पञ्च भगन्दरा भवन्ति | ते तु भगगुदबस्तिप्रदेशदारणाच्च ‘भगन्दरा’ इत्युच्यन्ते | अभिन्नाः पिडकाः, भिन्नास्तु भगन्दराः ||३||
🔊 Audio coming soon
ವಾತಪಿತ್ತೇತ್ಯಾದಿ| ಸಙ್ಖ್ಯೇಯನಿರ್ದೇಶಾದೇವ ಸಙ್ಖ್ಯಾಸಿದ್ಧೌ ಪಞ್ಚೇತಿವಚನಂ ಶೋಣಿತಜಾದಿನಿಷೇಧಾರ್ಥಮ್| ಭಗನ್ದರನಿರುಕ್ತಿಮಾಹ- ತೇ ತ್ವಿತ್ಯಾದಿ||೩||
Adhikarana 3 (4) · Śloka 4
ತೇಷಾಂ ತು ಪೂರ್ವರೂಪಾಣಿ- ಕಟೀಕಪಾಲವೇದನಾ ಕಣ್ಡೂರ್ದಾಹಃ ಶೋಫಶ್ಚ ಗುದಸ್ಯ ಭವತಿ ||೪||
View original
तेषां तु पूर्वरूपाणि- कटीकपालवेदना कण्डूर्दाहः शोफश्च गुदस्य भवति ||४||
🔊 Audio coming soon
ಪೂರ್ವರೂಪಮಾಹ- ತೇಷಾಂ ತ್ವಿತ್ಯಾದಿ| ತೇಷಾಂ ತು ಪೂರ್ವರೂಪಾಣಿ ‘ಭವನ್ತಿ’ ಇತ್ಯರ್ಥಃ| ಕಟೀಕಪಾಲಃ ಕಟೀಫಲಕಃ||೪||
Adhikarana 4 (5) · Śloka 5
ತತ್ರಾಪಥ್ಯಸೇವಿನಾಂ ವಾಯುಃ ಪ್ರಕುಪಿತಃ ಸನ್ನಿವೃತ್ತಃ ಸ್ಥಿರೀಭೂತೋ ಗುದಮಭಿತೋಽಙ್ಗುಲೇ ದ್ವ್ಯಙ್ಗುಲೇ ವಾ ಮಾಂಸಶೋಣಿತೇ ಪ್ರದೂಷ್ಯಾರುಣವರ್ಣಾಂ ಪಿಡಕಾಂ ಜನಯತಿ, ಸಾಽಸ್ಯ ತೋದಾದೀನ್ ವೇದನಾವಿಶೇಷಾಞ್ಜನಯತಿ, ಅಪ್ರತಿಕ್ರಿಯಮಾಣಾ ಚ ಪಾಕಮುಪೈತಿ, ಮೂತ್ರಾಶಯಾಭ್ಯಾಸಗತತ್ವಾಚ್ಚ ವ್ರಣಃ ಪ್ರಕ್ಲಿನ್ನಃ ಶತಪೋನಕವದಣುಮುಖೈಶ್ಛಿದ್ರೈರಾಪೂರ್ಯತೇ, ತಾನಿ ಚ ಛಿದ್ರಾಣ್ಯಜಸ್ರಮಚ್ಛಂ ಫೇನಾನುವಿದ್ಧಮಧಿಕಮಾಸ್ರಾವಂ ಸ್ರವನ್ತಿ , ವ್ರಣಶ್ಚ ತಾಡ್ಯತೇ ಭಿದ್ಯತೇ ಛಿದ್ಯತೇ ಸೂಚೀಭಿರಿವ ನಿಸ್ತುದ್ಯತೇ, ಗುದಂ ಚಾವದೀರ್ಯತೇ, ಉಪೇಕ್ಷಿತೇ ಚ ವಾತಮೂತ್ರಪುರೀಷರೇತಸಾಮಪ್ಯಾಗಮಶ್ಚ ತೈರೇವ ಛಿದ್ರೈರ್ಭವತಿ; ತಂ ಭಗನ್ದರಂ ಶತಪೋನಕಮಿತ್ಯಾವಕ್ಷತೇ ||೫||
View original
तत्रापथ्यसेविनां वायुः प्रकुपितः सन्निवृत्तः स्थिरीभूतो गुदमभितोऽङ्गुले द्व्यङ्गुले वा मांसशोणिते प्रदूष्यारुणवर्णां पिडकां जनयति, साऽस्य तोदादीन् वेदनाविशेषाञ्जनयति, अप्रतिक्रियमाणा च पाकमुपैति, मूत्राशयाभ्यासगतत्वाच्च व्रणः प्रक्लिन्नः शतपोनकवदणुमुखैश्छिद्रैरापूर्यते, तानि च छिद्राण्यजस्रमच्छं फेनानुविद्धमधिकमास्रावं स्रवन्ति , व्रणश्च ताड्यते भिद्यते छिद्यते सूचीभिरिव निस्तुद्यते, गुदं चावदीर्यते, उपेक्षिते च वातमूत्रपुरीषरेतसामप्यागमश्च तैरेव छिद्रैर्भवति; तं भगन्दरं शतपोनकमित्यावक्षते ||५||
🔊 Audio coming soon
ಪೂರ್ವರೂಪಾನನ್ತರಂ ಪಿಡಿಕೋತ್ಪತ್ತಿಪಾಕೋಪದ್ರವನಿರುಕ್ತೀದರ್ಶಯನ್ನಾಹ- ತತ್ರಾಪಥ್ಯೇತ್ಯಾದಿ| ಸನ್ನಿವೃತ್ತೌ ವ್ಯಾಘುಟಿತಃ| ಗುದಮಭಿತೋ ಗುದಸ್ಯ ಸರ್ವತಃ; ಅನ್ಯೇ ‘ಗುದಸನ್ನಿಧೌ’ ಇತ್ಯಾಹುಃ| ಅಭ್ಯಾಸಃ ಸಮೀಪಮ್| ಶತಪೋನಕಃ ಶೂಕದೋಷಪರಿಪಠಿತೋ ವ್ಯಾಧಿಃ; ‘ಚಾಲನಿಕಾ’ ಇತಿ ಜೇಜ್ಝಟಃ; ತನ್ನೇಚ್ಛತಿ ಗಯೀ, ಲೋಕಶಾಸ್ತ್ರಯೋಶ್ಚಾಲನಿಕಾಯಾಂ ಶತಪೋನಕಶಬ್ದಸ್ಯಾಪ್ರಸಿದ್ಧತ್ವಾತ್; ‘ಅಶ್ವಪುಚ್ಛಬಾಲರಚಿತಂ ಶತಾಕ್ಷಕಂ’ ಇತ್ಯನ್ಯೇ| ತುದ್ಯತೇ ವ್ಯಥ್ಯತೇ| ತಾಡ್ಯತೇ ದಣ್ಡೇನೇವಾಭಿಹನ್ಯತ ಇತ್ಯರ್ಥಃ| ಭಿದ್ಯತೇ ತ್ವಗ್ವಿದಾರ್ಯತ ಇವ| ಛಿದ್ಯತೇ ದ್ವಿಧಾ ಕ್ರಿಯತ ಇವ||೫||
Adhikarana 5 (6) · Śloka 6
ಪಿತ್ತಂ ತು ಪ್ರಕುಪಿತಮನಿಲೇನಾಧಃ ಪ್ರೇರಿತಂ ಪೂರ್ವವದವಸ್ಥಿತಂ ರಕ್ತಾಂ ತನ್ವೀಮುಚ್ಛ್ರಿತಾಮುಷ್ಟ್ರಗ್ರೀವಾಕಾರಾಂ ಪಿಡಕಾಂ ಜನಯತಿ; ಸಾಽಸ್ಯ ಚೋಷಾದೀನ್ ವೇದನಾವಿಶೇಷಾಞ್ಜನಯತಿ; ಅಪ್ರತಿಕ್ರಿಯಮಾಣಾ ಚ ಪಾಕಮುಪೈತಿ; ವ್ರಣಶ್ಚಾಗ್ನಿಕ್ಷಾರಾಭ್ಯಾಮಿವ ದಹ್ಯತೇ, ದುರ್ಗನ್ಧಮುಷ್ಣಮಾಸ್ರಾವಂ ಸ್ರವತಿ, ಉಪೇಕ್ಷಿತಶ್ಚ ವಾತಮೂತ್ರಪುರೀಷರೇತಾಂಸಿ ವಿಸೃಜತಿ; ತಂ ಭಗನ್ದರಮುಷ್ಟ್ರಗ್ರೀವಮಿತ್ಯಾಚಕ್ಷತೇ ||೬||
View original
पित्तं तु प्रकुपितमनिलेनाधः प्रेरितं पूर्ववदवस्थितं रक्तां तन्वीमुच्छ्रितामुष्ट्रग्रीवाकारां पिडकां जनयति; साऽस्य चोषादीन् वेदनाविशेषाञ्जनयति; अप्रतिक्रियमाणा च पाकमुपैति; व्रणश्चाग्निक्षाराभ्यामिव दह्यते, दुर्गन्धमुष्णमास्रावं स्रवति, उपेक्षितश्च वातमूत्रपुरीषरेतांसि विसृजति; तं भगन्दरमुष्ट्रग्रीवमित्याचक्षते ||६||
🔊 Audio coming soon
ಪಿತ್ತಂ ತ್ವಿತ್ಯಾದಿ| ಪೂರ್ವವದವಸ್ಥಿತಮಿತಿ ಗುದಮಭಿತೋಽಙ್ಗುಲೇ ದ್ವ್ಯಙ್ಗುಲೇ ವೇತ್ಯರ್ಥಃ| ವಿಸೃಜತಿ ಸ್ರವತಿ ವ್ರಣ ಇತಿ ಸಮ್ಬನ್ಧಃ||೬||
Adhikarana 6 (7) · Śloka 7
ಶ್ಲೇಷ್ಮಾ ತು ಪ್ರಕುಪಿತಃ ಸಮೀರಣೇನಾಧಃ ಪ್ರೇರಿತಃ ಪೂರ್ವವದವಸ್ಥಿತಃ ಶುಕ್ಲಾವಭಾಸಾಂ ಸ್ಥಿರಾಂ ಕಣ್ಡೂಮತೀಂ ಪಿಡಕಾಂ ಜನಯತಿ, ಸಾಽಸ್ಯ ಕಣ್ಡ್ವಾದೀನ್ ವೇದನಾವಿಶೇಷಾಞ್ಜನಯತಿ, ಅಪ್ರತಿಕ್ರಿಯಮಾಣಾಂ ಚ ಪಾಕಮುಪೈತಿ, ವ್ರಣಶ್ಚ ಕಠಿನಃ ಸಂರಮ್ಭೀ ಕಣ್ಡೂಪ್ರಾಯಃ ಪಿಚ್ಛಿಲಮಜಸ್ರಮಾಸ್ರಾವಂ ಸ್ರವತಿ, ಉಪೇಕ್ಷಿತಶ್ಚ ವಾತಮೂತ್ರಪುರೀಷರೇತಾಂಸಿ ವಿಸೃಜತಿ; ತಂ ಭಗನ್ದರಂ ಪರಿಸ್ರಾವಿಣಮಿತ್ಯಾಚಕ್ಷತೇ ||೭||
View original
श्लेष्मा तु प्रकुपितः समीरणेनाधः प्रेरितः पूर्ववदवस्थितः शुक्लावभासां स्थिरां कण्डूमतीं पिडकां जनयति, साऽस्य कण्ड्वादीन् वेदनाविशेषाञ्जनयति, अप्रतिक्रियमाणां च पाकमुपैति, व्रणश्च कठिनः संरम्भी कण्डूप्रायः पिच्छिलमजस्रमास्रावं स्रवति, उपेक्षितश्च वातमूत्रपुरीषरेतांसि विसृजति; तं भगन्दरं परिस्राविणमित्याचक्षते ||७||
🔊 Audio coming soon
ಶ್ಲೇಷ್ಮೇತ್ಯಾದಿ| ಸಂರಮ್ಭೀ ಶೋಫವಾನ್| ಕಣ್ಡೂಪ್ರಾಯಃ ಖರ್ಜೂಬಹುಲಃ| ಪರಿಸ್ರಾವೀತ್ಯೇವಂಶೀಲಃ ಪರಿಸ್ರಾವೀ||೭||
Adhikarana 7 (8) · Śloka 8
ವಾಯುಃ ಪ್ರಕುಪಿತಃ ಪ್ರಕುಪಿತೌ ಪಿತ್ತಶ್ಲೇಷ್ಮಾಣೌ ಪರಿಗೃಹ್ಯಾಧೋ ಗತ್ವಾ ಪೂರ್ವವದವಸ್ಥಿತಃ ಪಾದಾಙ್ಗುಷ್ಠಾಗ್ರಪ್ರಮಾಣಾಂ ಸರ್ವಲಿಙ್ಗಾಂ ಪಿಡಕಾಂ ಜನಯತಿ, ಸಾಽಸ್ಯ ತೋದದಾಹಕಣ್ಡ್ವಾದೀನ್ ವೇದನಾವಿಶೇಷಾಞ್ಜನಯತಿ, ಅಪ್ರತಿಕ್ರಿಯಮಾಣಾ ಚ ಪಾಕಮುಪೈತಿ, ವ್ರಣಶ್ಚ ನಾನಾವಿಧವರ್ಣಮಾಸ್ರಾವಂ ಸ್ರವತಿ, ಪೂರ್ಣನದೀಶಮ್ಬೂಕಾವರ್ತವಚ್ಚಾತ್ರ ಸಮುತ್ತಿಷ್ಠನ್ತಿ ವೇದನಾವಿಶೇಷಾಃ; ತಂ ಭಗನ್ದರಂ ಶಮ್ಬೂಕಾವರ್ತಮಿತ್ಯಾಚಕ್ಷತೇ ||೮||
View original
वायुः प्रकुपितः प्रकुपितौ पित्तश्लेष्माणौ परिगृह्याधो गत्वा पूर्ववदवस्थितः पादाङ्गुष्ठाग्रप्रमाणां सर्वलिङ्गां पिडकां जनयति, साऽस्य तोददाहकण्ड्वादीन् वेदनाविशेषाञ्जनयति, अप्रतिक्रियमाणा च पाकमुपैति, व्रणश्च नानाविधवर्णमास्रावं स्रवति, पूर्णनदीशम्बूकावर्तवच्चात्र समुत्तिष्ठन्ति वेदनाविशेषाः; तं भगन्दरं शम्बूकावर्तमित्याचक्षते ||८||
🔊 Audio coming soon
‘ಪೂರ್ಣನದೀಶಮ್ಬೂಕಾವರ್ತವನ್ನೈರನ್ತರ್ಯೇಣ ವೇದನಾ ಉತ್ತಿಷ್ಠನ್ತಿ’ ಇತ್ಯೇಕೇ; ಅನ್ಯೇ ತು ‘ತಥಾವಿಧಗತ್ಯಾರಮ್ಭಕಸ್ಯ ಶೋಫಸ್ಯ ಪೂರ್ಣನದ್ಯಾವರ್ತಶಮ್ಬೂಕಾವರ್ತಾಕಾರೇಣೇವಾವಗತ್ವಾದವಗಾಢವೇದನಾ ಭವನ್ತೀತ್ಯರ್ಥಃ’| ಶಮ್ಬೂಕಾಃ ಶಙ್ಖಾಃ||೮||
Adhikarana 8 (9) · Śloka 9
ಮೂಢೇನ ಮಾಂಸಲುಬ್ಧೇನ ಯದಸ್ಥಿಶಲ್ಯಮನ್ನೇನ ಸಹಾಭ್ಯವಹೃತಂ ಯದಾಽವಗಾಢಪುರೀಷೋನ್ಮಿಶ್ರಮಪಾನೇನಾಧಃಪ್ರೇರಿತಮಸಮ್ಯಗಾಗತಂ ಗುದಮಪಕ್ಷಿಣೋತಿ ತದಾ ಕ್ಷತನಿಮಿತ್ತಃ ಕೋಥ ಉಪಜಾಯತೇ, ತಸ್ಮಿಂಶ್ಚ ಕ್ಷತೇ ಪೂಯರುಧಿರಾವಕೀರ್ಣಮಾಂಸಕೋಥೇ ಭೂಮಾವಿವ ಜಲಪ್ರಕ್ಲಿನ್ನಾಯಾಂ ಕ್ರಿಮಯಃ ಸಞ್ಜಾಯನ್ತೇ, ತೇ ಭಕ್ಷಯನ್ತೋ ಗುದಮನೇಕಧಾ ಪಾರ್ಶ್ವತೋ ದಾರಯನ್ತಿ, ತಸ್ಯ ತೈರ್ಮಾರ್ಗೈಃ ಕೃಮಿಕೃತೈರ್ವಾತಮೂತ್ರಪುರೀಷರೇತಾಂಸ್ಯಭಿನಿಃಸರನ್ತಿ; ತಂ ಭಗನ್ದರಮುನ್ಮಾರ್ಗಿಣಮಿತ್ಯಾಚಕ್ಷತೇ ||೯||
View original
मूढेन मांसलुब्धेन यदस्थिशल्यमन्नेन सहाभ्यवहृतं यदाऽवगाढपुरीषोन्मिश्रमपानेनाधःप्रेरितमसम्यगागतं गुदमपक्षिणोति तदा क्षतनिमित्तः कोथ उपजायते, तस्मिंश्च क्षते पूयरुधिरावकीर्णमांसकोथे भूमाविव जलप्रक्लिन्नायां क्रिमयः सञ्जायन्ते, ते भक्षयन्तो गुदमनेकधा पार्श्वतो दारयन्ति, तस्य तैर्मार्गैः कृमिकृतैर्वातमूत्रपुरीषरेतांस्यभिनिःसरन्ति; तं भगन्दरमुन्मार्गिणमित्याचक्षते ||९||
🔊 Audio coming soon
ಉನ್ಮಾರ್ಗಿಣಃ ಸಮ್ಪ್ರಾಪ್ತಿ ದರ್ಶಯನ್ನಾಹ- ಮೂಢೇನೇತ್ಯಾದಿ| ಮೂಢೇನ ಅಜ್ಞಾತೇನ| ಅಪಕ್ಷಿಣೋತಿ ಸಕ್ಷತಂ ಕರೋತಿ| ಕೋಥಃ ಪೂತಿಭಾವಃ| ಪಾರ್ಶ್ವತೋ ದಾರಯನ್ತಿ ಪಕ್ಷತೋ ದಾರಯನ್ತಿ| ಅಸ್ಯಾಗ್ರೇ ಅರ್ಶೋಭಗನ್ದರಂ ಕೇಚಿತ್ ಪಠನ್ತಿ; ತನ್ನ, ಸರ್ವೈರ್ನಿಬನ್ಧಕಾರೈರ್ನಿರಾಕೃತತ್ವಾತ್||೯||
Adhikarana 9 (10-11) · Śloka 11
ಭವನ್ತಿ ಚಾತ್ರ- ಉತ್ಪದ್ಯತೇಽಲ್ಪರುಕ್ ಶೋಫಾತ್ ಕ್ಷಿಪ್ರಂ ಚಾಪ್ಯುಪಶಾಮ್ಯತಿ | ಪಾಯ್ವನ್ತದೇಶೇ ಪಿಡಕಾ ಸಾ ಜ್ಞೇಯಾಽನ್ಯಾ ಭಗನ್ದರಾತ್ ||೧೦|| ಪಾಯೋಃ ಸ್ಯಾದ್ ದ್ವ್ಯಙ್ಗುಲೇ ದೇಶೇ ಗೂಢಮೂಲಾ ಸರುಗ್ಜ್ವರಾ | ಭಾಗನ್ದರೀತಿ ವಿಜ್ಞೇಯಾ ಪಿಡಕಾಽತೋ ವಿಪರ್ಯಯಾತ್ ||೧೧||
View original
भवन्ति चात्र- उत्पद्यतेऽल्परुक् शोफात् क्षिप्रं चाप्युपशाम्यति | पाय्वन्तदेशे पिडका सा ज्ञेयाऽन्या भगन्दरात् ||१०|| पायोः स्याद् द्व्यङ्गुले देशे गूढमूला सरुग्ज्वरा | भागन्दरीति विज्ञेया पिडकाऽतो विपर्ययात् ||११||
🔊 Audio coming soon
ಅಭಾಗನ್ದರೀಂ ಭಾಗನ್ದರೀಂ ಚ ಪಿಡಕಾಮಾಹ- ಭವನ್ತಿ ಚಾತ್ರೇತ್ಯಾದಿ| ಪಾಯ್ವನ್ತದೇಶೇ ಪಿಡಕಾ ಶೋಫಾದುತ್ಪದ್ಯತ ಇತಿ ಸಮ್ಬನ್ಧಃ| ಅಲ್ಪರುಕ್ ಅಲ್ಪವೇದನಾ, ಪಾಯ್ವನ್ತದೇಶೇ ಗುದಸ್ಯಾನ್ತೇ, ಅನ್ಯಾ ಭಗನ್ದರಾತ್ ಅಪರಾ ಭಗನ್ದರೇಭ್ಯ ಇತ್ಯರ್ಥಃ| ಏತೇನಾಭಾಗನ್ದರೀ ಪಿಡಕೋಕ್ತಾ, ಯತೋಽಸ್ಯಾ ಭಗನ್ದರೋ ನೋತ್ಪದ್ಯತೇ| ಅತೋಽಭಾಗನ್ದರ್ಯಾಃ ಪಿಡಕಾಯಾಃ, ವಿಪರ್ಯಯಾತ್ ವಿಪರೀತತ್ವಾತ್, ಭಾಗನ್ದರೀತಿ ಭಗನ್ದರಕರೀ ಭವತೀತ್ಯರ್ಥಃ||೧೦-೧೧||
Adhikarana 10 (12) · Śloka 12
ಯಾನಯಾನಾನ್ಮಲೋತ್ಸರ್ಗಾತ್ ಕಣ್ಡೂರುಗ್ದಾಹಶೋಫವಾನ್ | ಪಾಯುರ್ಭವೇದ್ರುಜಃ ಕಟ್ಯಾಂ ಪೂರ್ವರೂಪಂ ಭಗನ್ದರೇ ||೧೨||
View original
यानयानान्मलोत्सर्गात् कण्डूरुग्दाहशोफवान् | पायुर्भवेद्रुजः कट्यां पूर्वरूपं भगन्दरे ||१२||
🔊 Audio coming soon
ಯೋನೇತ್ಯಾದಿ| ಯಾನಯಾನಾತ್ ರಥಾದಿಗಮನಾತ್| ಮಲೋತ್ಸರ್ಗಾತ್ ಪುರೀಷತ್ಯಾಗಾತ್| ಕಣ್ಡೂರುಗ್ದಾಹಶೋಫವಾನ್ ಪಾಯುರ್ಭವೇತ್, ತತೋಽನನ್ತರಂ ಕಟ್ಯಾಂ ಕಣ್ಡೂರುಗ್ದಾಹಶೋಫಾದಿಕಂ ಪೂರ್ವರೂಪಂ ಭವೇತ್| ಅಯಂ ವಾ ಪಠನೀಯಃ ಪೂರ್ವೋ ವಾ; ಪೂರ್ವರೂಪಗ್ರನ್ಥದ್ವಯಂ ವಾ ಪಠನೀಯಂ, ಪೂರ್ವಶ್ಚಾಪ್ರಸಿದ್ಧಃ, ಅಯಂ ತು ಪ್ರಸಿದ್ಧಃ||೧೨||
Adhikarana 11 (13) · Śloka 13
ಘೋರಾಃ ಸಾಧಯಿತುಂ ದುಃಖಾಃ ಸರ್ವ ಏವ ಭಗನ್ದರಾಃ | ತೇಷ್ವಸಾಧ್ಯಸ್ತ್ರಿದೋಷೋತ್ಥಃ ಕ್ಷತಜಶ್ಚ ಭಗನ್ದರಃ ||೧೩||
View original
घोराः साधयितुं दुःखाः सर्व एव भगन्दराः | तेष्वसाध्यस्त्रिदोषोत्थः क्षतजश्च भगन्दरः ||१३||
🔊 Audio coming soon
ತತ್ರ ಕೇಷಾಞ್ಚಿದಸಾಧ್ಯತ್ವಂ ದರ್ಶಯನ್ನಾಹ- ಘೋರಾ ಇತ್ಯಾದಿ| ಘೋರಾ ದುಃಖಪ್ರದಾಃ| ಸಾಧಯಿತುಂ ದುಃಖಾಃ ಕಷ್ಟಸಾಧ್ಯಾಃ, ‘ಭವನ್ತಿ’ ಇತ್ಯಧ್ಯಾಹಾರಃ||೧೩||
Adhikarana puShpikA · Śloka 4
ಇತಿ ಸುಶ್ರುತಸಂಹಿತಾಯಾಂ ನಿದಾನಸ್ಥಾನೇ ಭಗನ್ದರನಿದಾನಂ ನಾಮ ಚತುರ್ಥೋಽಧ್ಯಾಯಃ ||೪||
View original
इति सुश्रुतसंहितायां निदानस्थाने भगन्दरनिदानं नाम चतुर्थोऽध्यायः ||४||
🔊 Audio coming soon
ಇತಿ ಶ್ರೀಡಹ್ಲಣವಿರಚಿತಾಯಾಂ ನಿಬನ್ಧಸಙ್ಗ್ರಹಾಖ್ಯಾಯಾಂ ಸುಶ್ರುತವ್ಯಾಖ್ಯಾಯಾಂ ನಿದಾನಸ್ಥಾನೇ ಚತುರ್ಥೋಽಧ್ಯಾಯಃ||೪||