Adhikarana 1 (1-2) · Śloka 2
athātaḥ pramēhanidānaṁ vyākhyāsyāmaḥ ||1|| yathōvāca bhagavān dhanvantariḥ ||2||
View original
अथातः प्रमेहनिदानं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
athāta ityādi||1-2||
6. pramēhanidānam
Adhikarana 2 (3) · Śloka 3
divāsvapnāvyāyāmālasyaprasaktaṁ śītasnigdhamadhuramēdyadravānnapānasēvinaṁ puruṣaṁ jāniyāt pramēhī bhaviṣyatīti ||3||
View original
दिवास्वप्नाव्यायामालस्यप्रसक्तं शीतस्निग्धमधुरमेद्यद्रवान्नपानसेविनं पुरुषं जानियात् प्रमेही भविष्यतीति ||३||
🔊 Audio coming soon
pramēhahētumāha- divāsvapnētyādi| prasaktaṁ prakarṣēṇa saktamatiśayēnānuṣaṅgiṇam| mēdyaṁ mēduraṁ mēdōjanakamityarthaḥ| puruṣaṁ jānīyāt pramēhī bhaviṣyati; tatrāhurēkē- strīṇāṁ pramēhā na bhavanti, tathā ca tantrāntarē- “rajaḥprasēkānnārīṇāṁ māsi māsi viśudhyati| sarvaṁ śarīraṁ dōṣāśca na pramēhantyataḥ striyaḥ” iti; ētattu na yuktaṁ, sarvatantrāprasiddhēḥ pratyakṣavirōdhācca||3||
Adhikarana 3 (4) · Śloka 4
tasya caivampravr̥ttasyāparipakvā ēva vātapittaślēṣmāṇō yadā mēdasā sahaikatvamupētya mūtravāhisrōtāṁsyanusr̥tyādhō gatvā bastērmukhamāśritya nirbhidyantē tadā pramēhāñjanayanti ||4||
View original
तस्य चैवम्प्रवृत्तस्यापरिपक्वा एव वातपित्तश्लेष्माणो यदा मेदसा सहैकत्वमुपेत्य मूत्रवाहिस्रोतांस्यनुसृत्याधो गत्वा बस्तेर्मुखमाश्रित्य निर्भिद्यन्ते तदा प्रमेहाञ्जनयन्ति ||४||
🔊 Audio coming soon
samprāptiṁ darśayannāha- tasyētyādi| aparipakvā āmāḥ| mēdasēti atrāpiśabdō luptō draṣṭavyaḥ, tēna vasādayō grāhyāḥ; anyē ti ‘mēdaścāparipakvaṁ’ iti paṭhanti, cakōrēṇānuktānapi vasādīn samuccinvanti| upētya gatvā| nirbhidyantē niḥsarantītyarthaḥ| anyē tu ‘vinirbhidyāntē’ iti paṭhitvā, ‘tatraiva sthirti kurvanti’ iti tu vyākhyānayanti; aparē ‘atidravatvaṁ yānti’ ityāhuḥ||4||
Adhikarana 4 (5) · Śloka 5
tēṣāṁ tu pūrvarūpāṇi- hastapādataladāhaḥ snigdhapicchilagurutā gātrāṇāṁ madhuraśuklamūtratā tandrā sādaḥ pipāsā durgandhaśca śvāsastālugalajihvādantēṣu malōtpattirjaṭilībhāvaḥ kēśānāṁ vr̥ddhiśca nakhānām ||5||
View original
तेषां तु पूर्वरूपाणि- हस्तपादतलदाहः स्निग्धपिच्छिलगुरुता गात्राणां मधुरशुक्लमूत्रता तन्द्रा सादः पिपासा दुर्गन्धश्च श्वासस्तालुगलजिह्वादन्तेषु मलोत्पत्तिर्जटिलीभावः केशानां वृद्धिश्च नखानाम् ||५||
🔊 Audio coming soon
pūrvarūpamāha- tēṣāmityādi| kēśānāṁ jaṭilībhāvō'nyōnyamilanaṁ, svēdamalabāhulyādrōgaprabhāvācca||5||
Adhikarana 5 (6) · Śloka 6
tatrāvilaprabhūtamūtralakṣaṇāḥ sarva ēva pramēhā bhavanti ||6||
View original
तत्राविलप्रभूतमूत्रलक्षणाः सर्व एव प्रमेहा भवन्ति ||६||
🔊 Audio coming soon
pramēhāṇāṁ sāmānyaṁ lakṣaṇamāha- tatrētyādi| āvilaṁ samalam||6||
Adhikarana 6 (7) · Śloka 7
sarva ēva sarvadōṣasamutthāḥ saha piḍakābhiḥ ||7||
View original
सर्व एव सर्वदोषसमुत्थाः सह पिडकाभिः ||७||
🔊 Audio coming soon
tēṣāṁ pramēhāṇāṁ pramēhapiḍakānāṁ ca dōṣaṁ nirdiśannāha- sarva ēvētyādi| ētēna pramēhāṇāṁ pramēhapiḍakānāṁ ca kuṣṭhavat sarvadōṣajatvamuktam||7||
Adhikarana 7 (8) · Śloka 8
tatra, kaphādudakēkṣuvālikāsurāsikatāśanairlavaṇapiṣṭasāndraśukraphēnamēhā daśa sādhyāḥ, dōṣadūṣyāṇāṁ samakriyatvāt; pittānnīlaharidrāmlakṣāramañjiṣṭhāśōṇitamēhāḥ ṣaḍ yāpyāḥ, dōṣadūṣyāṇāṁ viṣamaktiyatvāt; vātāt sarpirvasākṣaudrahastimēhāścatvārō'sādhyatamāḥ, mahātyayikatvāt ||8||
View original
तत्र, कफादुदकेक्षुवालिकासुरासिकताशनैर्लवणपिष्टसान्द्रशुक्रफेनमेहा दश साध्याः, दोषदूष्याणां समक्रियत्वात्; पित्तान्नीलहरिद्राम्लक्षारमञ्जिष्ठाशोणितमेहाः षड् याप्याः, दोषदूष्याणां विषमक्तियत्वात्; वातात् सर्पिर्वसाक्षौद्रहस्तिमेहाश्चत्वारोऽसाध्यतमाः, महात्ययिकत्वात् ||८||
🔊 Audio coming soon
sarvēṣāṁ sarvadōṣajatvē'pyutkarṣatō dōṣagrahaṇaṁ darśayannāha- tatrētyādi| udakamēhaḥ, ikṣuvālikāmēhaḥ , surāmēhaḥ, sikatāmēhaḥ, śanairmēhaḥ, lavaṇamēhaḥ, piṣṭamēhaḥ, sāndramēhaḥ, śukramēhaḥ, phēnamēhaścēti daśa pramēhāḥ sādhyā yadyatiśayēna mēdō dūṣitaṁ na bhavati| dōṣadūṣyāṇāṁ samakriyatvāditi atra dōṣaḥ ślēṣmā, dūṣyāṇi rasamāṁsamēdōmajjāśukralasīkaujāṁsi, ēṣāṁ kaṭutiktakaṣāyādibhiḥ samaiva kriyā| pittādityādi| yāpyā iti atrāpi yadyatiśayēna bhēdō dūṣitaṁ na bhavati| dōṣadūṣyāṇāṁ viṣamakriyatvāditi atra dōṣaḥ pittaṁ, dūṣyāṇi rasamāṁsādīni, ētēṣāṁ tu viṣamā kriyā pittahantrī rasamāṁsādyutpādikēti| vātādityādi| mahātyayikatvāditi śīghraṁ vināśakāritvāt, mahātyayikatvaṁ punarēṣāmuttarōttarasārataradhātusrāvakaratvāt; viṣamakriyatvāccētyatrāpi sambadhyatē||8||
Adhikarana 8 (9) · Śloka 9
tatra vātapittamēdōbhiranvitaḥ ślēṣmā ślēṣmapramēhāñjanayati, vātakaphaśōṇitamēdōbhiranvitaṁ pittaṁ pittapramēhān, kaphapittavasāmajjamēdōbhiranvitō vāyurvātapramēhān ||9||
View original
तत्र वातपित्तमेदोभिरन्वितः श्लेष्मा श्लेष्मप्रमेहाञ्जनयति, वातकफशोणितमेदोभिरन्वितं पित्तं पित्तप्रमेहान्, कफपित्तवसामज्जमेदोभिरन्वितो वायुर्वातप्रमेहान् ||९||
🔊 Audio coming soon
idānīṁ sarvēṣāmēva sarvajatvaṁ prakaṭayannāha- tatrētyādi||9||
Adhikarana 9 (10) · Śloka 10
tatra, śvētamavēdanamudakasadr̥śamudakamēhī mēhati; ikṣurasatulyamikṣuvālikāmēhī; surātulyaṁ surāmēhī; sarujaṁ sikatānuviddhaṁ sikatāmēhī; śanaiḥ sakaphaṁ mr̥tsnaṁ śanairmēhī; viśadaṁ lavaṇatulyaṁ lavaṇamēhī; hr̥ṣṭarōmā piṣṭarasatulyaṁ piṣṭamēhī; āvilaṁ sāndraṁ sāndramēhī; śukratulyaṁ śukramēhī; stōkaṁ stōkaṁ saphēnamacchaṁ phēnamēhī mēhati ||10||
View original
तत्र, श्वेतमवेदनमुदकसदृशमुदकमेही मेहति; इक्षुरसतुल्यमिक्षुवालिकामेही; सुरातुल्यं सुरामेही; सरुजं सिकतानुविद्धं सिकतामेही; शनैः सकफं मृत्स्नं शनैर्मेही; विशदं लवणतुल्यं लवणमेही; हृष्टरोमा पिष्टरसतुल्यं पिष्टमेही; आविलं सान्द्रं सान्द्रमेही; शुक्रतुल्यं शुक्रमेही; स्तोकं स्तोकं सफेनमच्छं फेनमेही मेहति ||१०||
🔊 Audio coming soon
kaphajānāmanukramēṇa lakṣaṇaṁ darśayannāha- tatrētyādi| sikatānuviddhaṁ vālukāmiśram| mr̥tsnaṁ picchilam| lavaṇatulyaṁ lavaṇāmbutulyam| hr̥ṣṭarōmā prāptarōmañcaḥ| puṣṭarasatulyaṁ piṣṭamiśrōdakatulyam| āvilamatyarthaṁ kaluṣaṁ, punarvacanāt| mēhati mūtrayatītyarthaḥ||10||
Adhikarana 10 (11) · Śloka 11
ata ūrdhvaṁ pittanimittān vakṣyāmaḥ- saphēnamacchaṁ nīlaṁ nīlamēhī mēhati; sadāhaṁ haridrābhaṁ haridrāmēhī; amlarasagandhamamlamēhī; srutakṣārapratimaṁ kṣāramēhī; mañjiṣṭhōdakaprakāśaṁ mañjiṣṭhāmēhī; śōṇitaprakāśaṁ śōṇitamēhī mēhati ||11||
View original
अत ऊर्ध्वं पित्तनिमित्तान् वक्ष्यामः- सफेनमच्छं नीलं नीलमेही मेहति; सदाहं हरिद्राभं हरिद्रामेही; अम्लरसगन्धमम्लमेही; स्रुतक्षारप्रतिमं क्षारमेही; मञ्जिष्ठोदकप्रकाशं मञ्जिष्ठामेही; शोणितप्रकाशं शोणितमेही मेहति ||११||
🔊 Audio coming soon
ata ityādi| srutakṣārapratimaṁ galitakṣāradravatulyam| mañjiṣṭhōdakaprakāśaṁ śōṇitaprakāśaṁ ca mūtraṁ raktapittē'pi bhavati, tat kō'yaṁ pramēhaviśēṣaḥ? atrōcyatē- raktapittē pramēhapūrvarūpaṁ na bhavati, mañjiṣṭhāśōṇitamēhayōstu pramēhapūrvarūpasambhava iti viśōṣaḥ||11||
Adhikarana 11 (12) · Śloka 12
ata ūrdhvaṁ vātanimittān vakṣyāmaḥ- sarpiḥprakāśaṁ sarpirmēhī mēhati; vasāprakāśaṁ vasāmēhī; kṣaudrarasavarṇaṁ kṣaudramēhī; mattamātaṅgavadanuprabandhaṁ hastimēhī mēhati ||12||
View original
अत ऊर्ध्वं वातनिमित्तान् वक्ष्यामः- सर्पिःप्रकाशं सर्पिर्मेही मेहति; वसाप्रकाशं वसामेही; क्षौद्ररसवर्णं क्षौद्रमेही; मत्तमातङ्गवदनुप्रबन्धं हस्तिमेही मेहति ||१२||
🔊 Audio coming soon
ata ityādi| anuprabandhaṁ satatam||12||
Adhikarana 12 (13) · Śloka 13
makṣikōpasarpaṇamālasyaṁ māṁsōpacayaḥ pratiśyāyaḥ śaithilyārōcakāvipākāḥ kaphaprasēkacchardinidrākāsaśvāsāścēti ślēṣmajānāmupadravāḥ; vr̥ṣaṇayōravadaraṇaṁ bastibhēdō mēḍhratōdō hr̥di śūlamamlīkājvarātīsārārōcakā vamathuḥ paridhūpanaṁ dāhō mūrcchā pipāsā nidrānāśaḥ pāṇḍurōgaḥ pītaviṇmūtranētratvaṁ cēti paittikānāṁ; hr̥dgrahō laulyamanidrā stambhaḥ kampaḥ śūlaṁ baddhapurīṣatvaṁ cēti vātajānām | ēvamētē viṁśati pramēhāḥ sōpadravā vyākhyātāḥ ||13||
View original
मक्षिकोपसर्पणमालस्यं मांसोपचयः प्रतिश्यायः शैथिल्यारोचकाविपाकाः कफप्रसेकच्छर्दिनिद्राकासश्वासाश्चेति श्लेष्मजानामुपद्रवाः; वृषणयोरवदरणं बस्तिभेदो मेढ्रतोदो हृदि शूलमम्लीकाज्वरातीसारारोचका वमथुः परिधूपनं दाहो मूर्च्छा पिपासा निद्रानाशः पाण्डुरोगः पीतविण्मूत्रनेत्रत्वं चेति पैत्तिकानां; हृद्ग्रहो लौल्यमनिद्रा स्तम्भः कम्पः शूलं बद्धपुरीषत्वं चेति वातजानाम् | एवमेते विंशति प्रमेहाः सोपद्रवा व्याख्याताः ||१३||
🔊 Audio coming soon
idānīṁ pratidōṣamupadravān darśayannāha- makṣikōpasarpaṇamityādi| avadaraṇaṁ vidaraṇam| amlīkā amlōdgāraḥ| vamathuḥ chardiḥ| paridhūpanaṁ samantatastāpaḥ| dāhō'gnidagdhasyēva| laulyaṁ sarvarasābhikāṅkṣā vātajagrahaṇīvat||13||
Adhikarana 13 (14) · Śloka 14
tatra vasāmēdōbhyāmabhipannaśarīrasya tribhirdōṣaiścānugatadhātōḥ pramēhiṇō daśa piḍakā jāyantē | tadyathā- śarāvikā, sarṣapikā, kacchapikā, jālinī, vinatā, putriṇī, masūrikā, alajī, vidārikā, vidradhikā cēti ||14||
View original
तत्र वसामेदोभ्यामभिपन्नशरीरस्य त्रिभिर्दोषैश्चानुगतधातोः प्रमेहिणो दश पिडका जायन्ते | तद्यथा- शराविका, सर्षपिका, कच्छपिका, जालिनी, विनता, पुत्रिणी, मसूरिका, अलजी, विदारिका, विद्रधिका चेति ||१४||
🔊 Audio coming soon
piḍakānāmupadravaviśēṣāṇāṁ samprāptiṁ darśayannāha- tatrētyādi| vasā māṁsasnēhaḥ, ‘sakalaśarīsnēhaḥ’ ityanyē| abhipannaśarīrasya vyāptaśarīrasya| anugatadhātōrvyāptadhātōḥ| piḍakāstu prāyēṇādhaḥkāya ēva| tāsāṁ piḍakānāṁ nāmānyāha- tadyathētyādi||14||
Adhikarana 14 (15-19) · Śloka 19
śarāvamātrā tadrūpā nimnamadhyā śarāvikā | gaurasarṣapasaṁsthānā tatpramāṇā ca sārṣapī ||15|| sadāhā kūrmasaṁsthānā jñēyā kacchapikā budhaiḥ | jālinī tīvradāhā tu māṁsajālasamāvr̥tā ||16|| mahatī piḍakā nīlā piḍakā vinatā smr̥tā | mahatyalpācitā jñēyā piḍakā sā tu putriṇī ||17|| masūrasamasaṁsthānā jñēyā sā tu masūrikā | raktā sitā sphōṭavatī dāruṇā tvalajī bhavēt ||18|| vidārīkandavadvr̥ttā kaṭhinā ca vidārikā | vidradhērlakṣaṇairyuktā jñēyā vidradhikā budhaiḥ ||19||
View original
शरावमात्रा तद्रूपा निम्नमध्या शराविका | गौरसर्षपसंस्थाना तत्प्रमाणा च सार्षपी ||१५|| सदाहा कूर्मसंस्थाना ज्ञेया कच्छपिका बुधैः | जालिनी तीव्रदाहा तु मांसजालसमावृता ||१६|| महती पिडका नीला पिडका विनता स्मृता | महत्यल्पाचिता ज्ञेया पिडका सा तु पुत्रिणी ||१७|| मसूरसमसंस्थाना ज्ञेया सा तु मसूरिका | रक्ता सिता स्फोटवती दारुणा त्वलजी भवेत् ||१८|| विदारीकन्दवद्वृत्ता कठिना च विदारिका | विद्रधेर्लक्षणैर्युक्ता ज्ञेया विद्रधिका बुधैः ||१९||
🔊 Audio coming soon
tāsāṁ lakṣaṇāmāha- śarāvamātrētyādi| gaurasarṣapasaṁsthānā gaurasarṣapākarā| jālinityādi| yadyapi ‘yē yanmayāsmr̥tā mēhāstēṣāmētāstu taktr̥tāḥ’- ityagrē vakṣyatē, tathā'pi jālinī pittēttarā jñēyā, tadvacanasya bāhulyēnōktatvāt| mahatī sthūlā| alpācitēti sūkṣmapiḍakāvēṣṭitā||15-19||
Adhikarana 15 (20) · Śloka 20
yē yanmayāḥ smr̥tā mēhāstēṣāmētāstu tatkr̥tāḥ |20|
View original
ये यन्मयाः स्मृता मेहास्तेषामेतास्तु तत्कृताः |२०|
🔊 Audio coming soon
piḍakājanakān dōṣānāha- yē ityādi| yē yanmayā yaddōṣārabdhāḥ| tēṣāṁ pramēhāṇām| ētā iti piḍakāḥ|20|-
Adhikarana 16 (20) · Śloka 20
gudē hr̥di śirasyaṁsē pr̥ṣṭhē marmaṇi cōtthitāḥ | sōpadravā durbalāgnēḥ piḍakāḥ parivarjayēt ||20||
View original
गुदे हृदि शिरस्यंसे पृष्ठे मर्मणि चोत्थिताः | सोपद्रवा दुर्बलाग्नेः पिडकाः परिवर्जयेत् ||२०||
🔊 Audio coming soon
tāsāmasādhyatāṁ darśayannāha- gudē hr̥dītyādi| aṁsō bāhuśiraḥ| sōpadravā iti “tr̥ṭkāsamāṁsasaṅkōthamōhahikkāmadajvarāḥ| visarpamarmarōdhāḥ piḍakānāmupadravāḥ” (ca. sū. 17)| ‘sōpadravālpakāyāgnēḥ piḍakāḥ parivarjayēt’ iti kēcit paṭhanti| tatra sōpadrava iti puruṣaviśēṣaṇam||20||
Adhikarana 17 (21) · Śloka 21
kr̥tsnaṁ śarīraṁ niṣpīḍya mēdōmajjavasāyutaḥ | adhaḥ prakramatē vāyustēnāsādhyāstu vātajāḥ ||21||
View original
कृत्स्नं शरीरं निष्पीड्य मेदोमज्जवसायुतः | अधः प्रक्रमते वायुस्तेनासाध्यास्तु वातजाः ||२१||
🔊 Audio coming soon
vātajānāmasādhyatvē hētuṁ darśayannāha- kr̥tsnaṁ śarīramityādi| kr̥tsnaṁ śarīraṁ niṣpīḍyēti niścyōtayitvā mūtramārgēṇa samastān dhātūn pravāhayitvētyarthaḥ| vasētyupalakṣaṇaṁ, tēna ōjōlasīkayōrgrahaṇam| adhaḥ prakramatē adhaḥ sphītībhavati prabalībhavatītyarthaḥ| gayadāsācāryastu āpātanikāpūrvaṁ pramēhapūrvarūpāṇāmityādiślōkatrayamanyathā paṭhati| asādhyāstviti pūrvahētubhyāṁ cēti tuśabdārthaḥ||21||
Adhikarana 18 (22) · Śloka 22
pramēhapūrvarūpāṇāmākr̥tiryatra dr̥śyatē | kiñciccāpyadhikaṁ mūtraṁ taṁ pramēhiṇamādiśēt ||22||
View original
प्रमेहपूर्वरूपाणामाकृतिर्यत्र दृश्यते | किञ्चिच्चाप्यधिकं मूत्रं तं प्रमेहिणमादिशेत् ||२२||
🔊 Audio coming soon
idānīṁ pramēhahētuyuktasya puruṣasya sāmānyākārēṇa lakṣaṇamāha- pramēhapūrvarūpāṇāmityādi||22||
Adhikarana 19 (23) · Śloka 23
kr̥tsnānyardhāni vā yasmin pūrvarūpāṇi mānavē | pravr̥ttamūtramatyarthaṁ taṁ pramēhiṇamādirōt ||23||
View original
कृत्स्नान्यर्धानि वा यस्मिन् पूर्वरूपाणि मानवे | प्रवृत्तमूत्रमत्यर्थं तं प्रमेहिणमादिरोत् ||२३||
🔊 Audio coming soon
pramēhasya pūrvōktasāmānyalakṣaṇasya śēṣaṁ lakṣaṇamāha- kr̥tsnānītyādi| gayadāsastvāpātanikāpūrvaṁ pramēhapūrvarūpāṇītyādiślōkamanyathā paṭhati; yathā- idānīṁ pramēhapiḍakācikitsitanirdēśyamarthaṁ pañcaguṇāśrayaṁ pūrvarūpaśōphapiḍakāvasthākhyaṁ pratipādayannāha- pramēhapūrvarūpāṇāmityādi| tasminmēhō bhaviṣyatīti mēhasya tat pūrvarūpam| tatra ca pūrvarūpē'patarpaṇaṁ vanaspatikaṣāyapānādikaṁ ca kartavyam| pravr̥ttamūtramatyarthamiti rūpajñānam| tatra rūpacikitsāviśēṣaḥ| taduktam- “ēvamakurvatastasya hīna prathamakarmaguṇasya madhurāhārasya mūtraṁ svēdaḥ ślēṣmā ca madhurībhavati, pramēhaścābhivyaktō bhavati, tatrōbhayataḥ saṁśōdhanam; ēvamakurvatastasya dōṣāḥ pravr̥ddhā māṁsaśōṇitē pradūṣya śōthaṁ janayantyupadravāṁśca kāṁścit, tatrōktaḥ pratīkāraḥ sirāmōkṣaśca; ētadapyakurvataḥ piḍakāḥ, tatkarmāpyakurvataḥ pañcatvam ” (ci. 19) iti||23||
Adhikarana 20 (24) · Śloka 24
piḍakāpīḍitaṁ gāḍhamupasr̥ṣṭamupadravaiḥ | madhumēhinamācaṣṭē sa cāsādhyaḥ prakīrtitaḥ ||24||
View original
पिडकापीडितं गाढमुपसृष्टमुपद्रवैः | मधुमेहिनमाचष्टे स चासाध्यः प्रकीर्तितः ||२४||
🔊 Audio coming soon
sarvapramēhāṇāmavasthāntaraprāptānāṁ sajñāntaramasadhyitvaṁ ca darśayannāha- piḍakāpīḍitamityādi| sa cēti cakāra utpattau vātajānāmasādhyatvaṁ samuccinōti| atpattau ca sahajō yāpyatvādasādhyaḥ, pittajaḥ punarasādhyataraḥ, vātajaḥ punarutpattikramēṇāsādhyatamaḥ||24||
Adhikarana 21 (25) · Śloka 25
sa cāpi gamanāt sthānaṁ sthānādāsanamicchati | āsanādr̥ṇutē śayyāṁ śayanāt svapnamicchati ||25||
View original
स चापि गमनात् स्थानं स्थानादासनमिच्छति | आसनादृणुते शय्यां शयनात् स्वप्नमिच्छति ||२५||
🔊 Audio coming soon
idānīṁ madhumēhinō vihārākhyaṁ pañcavidhikriyāśrayaṁ liṅgaṁ darśayannāha- sa cāpītyādi| sthānamūrdhvabhavanamicchatīti sambandhaḥ| vr̥ṇutē prārthayatē| śayanāt śayyātaḥ||25||
Adhikarana 22 (26) · Śloka 26
yathā hi varṇānāṁ pañcānāmutkarṣāpakarṣakr̥tēna saṁyōgaviśēṣēṇa śabalababhrukapilakapōtamēcakādīnāṁ varṇānāmanēkēṣāmutpattirbhavati, ēvamēva dōṣadhātumalāhāraviśēṣēṇōtkarṣāpakarṣakr̥tēna saṁyōgaviśēṣēṇa pramēhāṇāṁ nānākaraṇaṁ bhavati ||26||
View original
यथा हि वर्णानां पञ्चानामुत्कर्षापकर्षकृतेन संयोगविशेषेण शबलबभ्रुकपिलकपोतमेचकादीनां वर्णानामनेकेषामुत्पत्तिर्भवति, एवमेव दोषधातुमलाहारविशेषेणोत्कर्षापकर्षकृतेन संयोगविशेषेण प्रमेहाणां नानाकरणं भवति ||२६||
🔊 Audio coming soon
idānīṁ dōṣāṇāṁ trayāṇāmapi yathā viṁśatipramēhasambhavastathōpamānēnāha- yatētyādi| pañcānāṁ varṇānāṁ sitaharitakr̥ṣṇapītaraktānām| utkarṣāpakarṣakr̥tēna vr̥ddhihrāsakr̥tēna| babhruḥ kapilapiṅgalaḥ, kapōtaḥ kapōtābhaḥ, mēcakaḥ śyāmalaḥ| malagrahaṇamupadhātubhūtavasālasīkayōrudakasya cōpalakṣaṇam||26||
Adhikarana 23 (27) · Śloka 27
bhavati cātra- sarva ēva pramēhāstu kālēnāpratikurvataḥ | madhumēhatvamāyānti tadā'sādhyā bhavanti hi ||27||
View original
भवति चात्र- सर्व एव प्रमेहास्तु कालेनाप्रतिकुर्वतः | मधुमेहत्वमायान्ति तदाऽसाध्या भवन्ति हि ||२७||
🔊 Audio coming soon
idānīṁ sarvēṣvēva pramēhēṣu pūrvarūpādīnāmupēkṣālakṣaṇamanarthaṁ darśayannāha- bhavati cātrētyādi| kālaḥ prathamakriyākālādikaḥ| apratikurvataḥ apratikriyamāṇasya||27||
Adhikarana puShpikA · Śloka 6
iti suśrutasaṁhitāyāṁ nidānasthānē pramēhanidānaṁ nāma ṣaṣṭhō'dhyāyaḥ ||6||
View original
इति सुश्रुतसंहितायां निदानस्थाने प्रमेहनिदानं नाम षष्ठोऽध्यायः ||६||
🔊 Audio coming soon
iti śrīḍahla(lha)ṇaviracitāyāṁ nibandhasaṅgrahākhyāyāṁ suśrutavyākhyāyāṁ nidānasthānē ṣaṣṭhō'dhyāyaḥ||6||