Adhikarana 1 (1-2) · Śloka 2
অথাতঃ শূকদোষনিদানং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातः शूकदोषनिदानं व्याख्यास्यामः ||१||
यथोवाच भगवान् धन्वन्तरिः ||२||
অথাত ইত্যাদি| শূকদোষনিদানমিতি অত্রাদিশব্দো লুপ্তনির্দিষ্টো দ্রষ্টব্যঃ, তেন শূকাদিদোষনিদানমিত্যর্থঃ; আদিশব্দাচ্চ দুষ্টযোনিগূঢান্তর্লোমযোনিদুর্ভগাগমনমভিঘাতশ্চাভিপ্রেতঃ| তন্নেচ্ছতি গযী, দুষ্টযোন্যাদীনামুপদংশহেতুত্বাত্| শূকঃ সজন্তুজলমলঃ, লিঙ্গবৃদ্ধিকরো যোগো বা; দোষোঽত্র দুষ্টিঃ, অসম্যক্করণাদ্বৈকৃতম্; অথবা দোষো বাতাদিঃ, বাতাদিকৃতো বা বিকারঃ; তেষাং লক্ষণস্যৈব নির্দেশান্নিদানং, ন তু হেতোঃ; হেতুঃ পুনরত্র শূক এব, স চ প্রতিজ্ঞাসূত্রেণৈবাভিহিতঃ||১-২||
Adhikarana 2 (3) · Śloka 3
লিঙ্গবৃদ্ধিমিচ্ছতামক্রমপ্রবৃত্তানাং শূকদোষনিমিত্তা দশ চাষ্টৌ চ ব্যাধযো জাযন্তে |
তদ্যথা সর্ষপিকা, অষ্ঠীলিকা, গ্রথিতং, কুম্ভীকা, অলজী, মৃদিতং, সম্মূঢপিডকা, অবমন্থঃ, পুষ্করিকা, স্পর্শহানিঃ, উত্তমা, শতপোনকঃ, ত্বক্পাকঃ, শোণিতার্বুদং, মাংসার্বুদং, মাংসপাকঃ, বিদ্রধিঃ, তিলকালকশ্চেতি ||৩||
View original
लिङ्गवृद्धिमिच्छतामक्रमप्रवृत्तानां शूकदोषनिमित्ता दश चाष्टौ च व्याधयो जायन्ते |
तद्यथा सर्षपिका, अष्ठीलिका, ग्रथितं, कुम्भीका, अलजी, मृदितं, सम्मूढपिडका, अवमन्थः, पुष्करिका, स्पर्शहानिः, उत्तमा, शतपोनकः, त्वक्पाकः, शोणितार्बुदं, मांसार्बुदं, मांसपाकः, विद्रधिः, तिलकालकश्चेति ||३||
তেষাং শূকদোষজানাং ব্যাধীনাং সামান্যাং সম্প্রাপ্তিমাহ- লিঙ্গেত্যাদি| লিঙ্গবৃদ্ধিঃ স্থূলীকরণম্; আযামপরিণাহাভ্যামিত্যন্যে | বাত্স্যাযনাদ্যুক্তলিঙ্গবৃদ্ধিকরযোগস্য অক্রমোঽনাচারঃ; ‘উত্তরবস্তিকর্মণোঽনাচার’ ইত্যন্যে, তন্নেচ্ছতি গযী| সঙ্খ্যেযনির্দেশাদেব সঙ্খ্যাযাং লব্ধাযামষ্টাদশবচনং সঙ্খ্যেযনির্দেশভ্রান্তিনিরাসার্থম্||৩||
Adhikarana 3 (4) · Śloka 4
গৌরসর্ষপতুল্যা তু শূকদুর্ভগ্নহেতুকা |
পিডকা কফরক্তাভ্যাং জ্ঞেযা সর্ষপিকা বুধৈঃ ||৪||
View original
गौरसर्षपतुल्या तु शूकदुर्भग्नहेतुका |
पिडका कफरक्ताभ्यां ज्ञेया सर्षपिका बुधैः ||४||
শূকদুর্ভগ্নহেতুকেতি দুরবচারিতশূকহেতুকেত্যর্থঃ| অন্যে ‘শূকদুর্ভগহেতুকা’ ইতি পঠন্তি, ব্যাখ্যানযন্তি চ- শূকো দুষ্টভগশ্চ হেতুর্যস্যাঃ সা তথা| তন্নেচ্ছতি গযী||৪||
Adhikarana 4 (5) · Śloka 5
কঠিনা বিষমৈরন্তৈর্মারুতস্য প্রকোপতঃ |
শূকৈস্তু বিষসম্ভুগ্নৈঃ পিডকাঽষ্ঠীলিকা ভবেত্ ||৫||
View original
कठिना विषमैरन्तैर्मारुतस्य प्रकोपतः |
शूकैस्तु विषसम्भुग्नैः पिडकाऽष्ठीलिका भवेत् ||५||
কঠিনেত্যাদি| শূকৈরষ্ঠীলিকা ভবেদিতি সম্বন্ধঃ| বিষমৈঃ অপ্রশস্তৈঃ| অন্তৈরিতি কোঽর্থঃ; পতিতৈঃ| অন্যে তু “বিষমৈরন্তৈরুপলক্ষিতা” ইতি ব্যাচক্ষতে; এতেন বিষমান্তসহিতেত্যুক্তম্| বিষসম্ভুগ্নৈঃ বিষেণ কৃত্বা বক্রৈরিত্যর্থঃ||৫||
Adhikarana 5 (6) · Śloka 6
শূকৈর্যত্ পূরিতং শশ্বদ্গ্রথিতং তত্ কফোত্থিতম্ |৬|
View original
शूकैर्यत् पूरितं शश्वद्ग्रथितं तत् कफोत्थितम् |६|
শূকৈরিত্যাদি| শশ্বত্ প্রতিদিনম্, এতেনৈকদিনান্তরপূরণং প্রশস্তমিচ্ছন্তি কামতন্ত্রাচার্যাঃ; নিত্যপূরণাদ্গ্রথিতনাম্নো রোগস্যোত্পত্তিঃ|৬|-
Adhikarana 6 (6) · Śloka 6
কুম্ভীকা রক্তপিত্তোত্থা জাম্ববাস্থিনিভাঽশুভা ||৬||
View original
कुम्भीका रक्तपित्तोत्था जाम्बवास्थिनिभाऽशुभा ||६||
কুম্ভীকেত্যাদি| কুম্ভীকা কুম্ভীফলমিব| অশুভেতি শুভা শুক্লা, তদ্বিরোধেনাশুভা কৃষ্ণেত্যর্থঃ| ইযমপি দুরবচারিতশূকজা| ‘আশুজা’ ইতি কেচিত্ পঠন্তি; তত্র শূকপাতানন্তরং শীঘ্রং জাযত ইত্যর্থঃ||৬||
Adhikarana 7 (7) · Śloka 7
অলজীলক্ষণৈর্যুক্তামলজীং চ বিতর্কযেত্ |
মৃদিতং পীডিতং যত্তু সংরব্ধং বাযুকোপতঃ ||৭||
View original
अलजीलक्षणैर्युक्तामलजीं च वितर्कयेत् |
मृदितं पीडितं यत्तु संरब्धं वायुकोपतः ||७||
অলজীলক্ষণৈঃ প্রমেহপিডকালজীলক্ষণৈরিত্যর্থঃ| ইযমপি দুষ্টশূকাবচারণাজ্জ্ঞেযা| যত্ পুনর্লিঙ্গং পাতিতশূকং সত্ হস্তাভ্যাং ভৃশপীডিতম্, অত এব বাতকোপতঃ সংরব্ধং সশোফং, তন্মৃদিতাখ্যরোগাক্রান্তং জ্ঞেযম্||৭||
Adhikarana 8 (8) · Śloka 8
পাণিভ্যাং ভৃশসম্মূঢে সম্মূঢপিডকা ভবেত্ |৮|
View original
पाणिभ्यां भृशसम्मूढे सम्मूढपिडका भवेत् |८|
ভৃশসম্মূঢে অত্যর্থপিচ্চিতাবনতে, ‘পাতিতশূকে লিঙ্গে’ ইত্যধ্যাহার্যম্| সম্মূঢপিডকা মৃদিতং চ বাতরক্তাত্|৮|-
Adhikarana 9 (8) · Śloka 9
দীর্ঘা বহ্ব্যশ্চ পিডকা দীর্যন্তে মধ্যতস্তু যাঃ ||৮||
সোঽবমন্থঃ কফাসৃগ্ভ্যাং বেদনারোমহর্ষকৃত্ |৯|
View original
दीर्घा बह्व्यश्च पिडका दीर्यन्ते मध्यतस्तु याः ||८||
सोऽवमन्थः कफासृग्भ्यां वेदनारोमहर्षकृत् |९|
বহ্ব্যঃ প্রভূতাঃ| অবমন্থোঽপি স্থূলীকরণশূককর্মাপচারেণ জ্ঞেযঃ||৮||-
Adhikarana 10 (9) · Śloka 10
পিত্তশোণিতসম্ভূতা পিডকা পিডকাচিতা ||৯||
পদ্মপুষ্করসংস্থানা জ্ঞেযা পুষ্করিকেতি সা |১০|
View original
पित्तशोणितसम्भूता पिडका पिडकाचिता ||९||
पद्मपुष्करसंस्थाना ज्ञेया पुष्करिकेति सा |१०|
পদ্মপুষ্করং পদ্মকর্ণিকা| এষাঽপি শূককর্মাপচারজা জ্ঞেযা||৯||-
Adhikarana 11 (10) · Śloka 10
জনযেত্ স্পর্শহানিং তু শোণিতং শূকদূষিতম্ ||১০||
View original
जनयेत् स्पर्शहानिं तु शोणितं शूकदूषितम् ||१०||
জনযেদিত্যাদি| স্পর্শহানিং স্পর্শহানিনামানং ব্যাধিবিশেষম্| শূকদূষিতং শূকেন দুষ্টিং নীতম্||১০||
Adhikarana 12 (11) · Śloka 11
মুদ্গমাষোপমা রক্তা পিডকা রক্তপিত্তজা |
উত্তমৈষা তু বিজ্ঞেযা শূকাজীর্ণনিমিত্তজা ||১১||
View original
मुद्गमाषोपमा रक्ता पिडका रक्तपित्तजा |
उत्तमैषा तु विज्ञेया शूकाजीर्णनिमित्तजा ||११||
মুদ্গেত্যাদি| উত্তমা ব্যাধিবিশেষঃ| শূকাজীর্ণনিমিত্তজেতি শূকাজীর্ণং পুনঃ পুনর্দুরবচারিতশূকবিকৃতিলক্ষণ এব পরিণামঃ, তদেব নিমিত্তং, ততো জাতেতি; অন্যে তু “শূকাজীর্ণং শূকেনাজীর্ণং প্রতিক্ষণপাতিতশূকনিমিত্তাভ্যাং রক্তপিতাভ্যাং জাযতে” ইত্যাহুঃ||১১||
Adhikarana 13 (12) · Śloka 12
ছিদ্রৈরণুমুখৈর্বস্তু চিতং যস্য সমন্ততঃ |
বাতশোণিতজো ব্যাধির্বিজ্ঞেযঃ শতপোনকঃ ||১২||
View original
छिद्रैरणुमुखैर्वस्तु चितं यस्य समन्ततः |
वातशोणितजो व्याधिर्विज्ञेयः शतपोनकः ||१२||
ছিদ্রৈরিত্যাদি| ছিদ্রৈঃ দুরবচারিতশূকনিমিত্তবাতশোণিতজৈঃ| বস্তু অধিষ্ঠানমিত্যর্থঃ||১২||
Adhikarana 14 (13) · Śloka 13
পিত্তরক্তকৃতো জ্ঞেযস্ত্বক্পাকো জ্বরদাহবান্ |১৩|
View original
पित्तरक्तकृतो ज्ञेयस्त्वक्पाको ज्वरदाहवान् |१३|
পিত্তরক্তেত্যাদি| পিত্তরক্তকৃত ইতি দুরবচারিতশূকজনিতপিত্তশোণিতজ ইত্যর্থঃ| গযী তু দুরবচারিতশূকদূষিতবাতপিত্তজ ইত্যাহঃ|১৩|-
Adhikarana 15 (13) · Śloka 13
কৃষ্ণৌঃ স্ফোটৈঃ সরক্তৈশ্চ পিডকাভিশ্চ পীডিতম্ |
যস্য বস্তু রুজশ্চোগ্রা জ্ঞেযং তচ্ছোণিতার্বুদম্ ||১৩||
View original
कृष्णौः स्फोटैः सरक्तैश्च पिडकाभिश्च पीडितम् |
यस्य वस्तु रुजश्चोग्रा ज्ञेयं तच्छोणितार्बुदम् ||१३||
কৃষ্ণৈরিত্যাদি| যস্য বস্তু অধিষ্ঠানং স্ফোটৈঃ পিডকাভিশ্চ পীডিতং ভবতি তচ্ছোণিতার্বুদং জ্ঞেযমিতি সম্বন্ধঃ| অযমপি দুরবচারিতশূকেভ্যঃ||১৩||
Adhikarana 16 (14) · Śloka 14
মাংসদোষেণ জানীযাদর্বুদং মাংসসম্ভবম্ |১৪|
View original
मांसदोषेण जानीयादर्बुदं मांससम्भवम् |१४|
মাংসেত্যাদি| মাংসদোষেণ মাংসবৃদ্ধ্যা| ইদমপি দুরবচারিতশূকে লিঙ্গে প্রহারাদিভির্জাযতে|১৪|-
Adhikarana 17 (14) · Śloka 15
শীর্যন্তে যস্য মাংসানি যত্র সর্বাশ্চ বেদনাঃ ||১৪||
বিদ্যাত্তং মাংসপাকং তু সর্বদোষকৃতং ভিষক্ |১৫|
View original
शीर्यन्ते यस्य मांसानि यत्र सर्वाश्च वेदनाः ||१४||
विद्यात्तं मांसपाकं तु सर्वदोषकृतं भिषक् |१५|
শীর্যন্তে গলন্তি| এষোঽপি দুরবচারিতশূকদূষিতদোষজঃ||১৪||-
Adhikarana 18 (15) · Śloka 15
বিদ্রধিং সন্নিপাতেন যথোক্তমভিনির্দিশেত্ ||১৫||
View original
विद्रधिं सन्निपातेन यथोक्तमभिनिर्दिशेत् ||१५||
বিদ্রধিমিত্যাদি| অযমপি দুরবচারিতশূকদূষিতদোষত্রযজঃ||১৫||
Adhikarana 19 (16-17) · Śloka 17
কৃষ্ণানি চিত্রাণ্যথবা শূকানি সবিষাণি চ |
পাতিতানি পচন্ত্যাশু মেঢ্রং নিরবশেষতঃ ||১৬||
কালানি ভূত্বা মাংসানি শীর্যন্তে যস্য দেহিনঃ |
সন্নিপাতসমুত্থানং তং বিদ্যাত্তিলকালকম্ ||১৭||
View original
कृष्णानि चित्राण्यथवा शूकानि सविषाणि च |
पातितानि पचन्त्याशु मेढ्रं निरवशेषतः ||१६||
कालानि भूत्वा मांसानि शीर्यन्ते यस्य देहिनः |
सन्निपातसमुत्थानं तं विद्यात्तिलकालकम् ||१७||
কৃষ্ণানীত্যাদি| কৃষ্ণানি কৃষ্ণবর্ণানি| চিত্রাণি শুক্লপীতনীলাদিবর্ণানীত্যর্থঃ| কালানি পরিণততিলফলবর্ণানি| শীর্যন্তে গলন্তি||১৬-১৭||
Adhikarana 20 (18) · Śloka 18
তত্র মাংসার্বুদং যচ্চ মাংসপাকশ্চ যঃ স্মৃতঃ |
বিদ্রধিশ্চ ন সিধ্যন্তি যে চ স্যুস্তিলকালকাঃ ||১৮||
View original
तत्र मांसार्बुदं यच्च मांसपाकश्च यः स्मृतः |
विद्रधिश्च न सिध्यन्ति ये च स्युस्तिलकालकाः ||१८||
শূকদোষজানামসাধ্যান্নির্দিশন্নাহ- তত্রেত্যাদি| যে চেতি চকারাত্ কদাচিত্ সিধ্যন্তীত্যুক্তম্||১৮||
Adhikarana puShpikA · Śloka 14
ইতি সুশ্রুতসংহিতাযাং নিদানস্থানে শূকদোষনিদানং নাম চতুর্দশোঽধ্যাযঃ ||১৪||
View original
इति सुश्रुतसंहितायां निदानस्थाने शूकदोषनिदानं नाम चतुर्दशोऽध्यायः ||१४||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং নিদানস্থানে চতুর্দশোঽধ্যাযঃ||১৪||