Adhikarana 1 (1-2) · Śloka 2
অথাতো বিসর্পনাডীস্তনরোগনিদানং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
View original
अथातो विसर्पनाडीस्तनरोगनिदानं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি||১-২||
10. visarpanāḍīstanarōganidānam
Adhikarana 2 (3) · Śloka 3
ত্বঙ্মাংসশোণিতগতাঃ কুপিতাস্তু দোষাঃ সর্বাঙ্গসারিণমিহাস্থিতমাত্মলিঙ্গম্ | কুর্বন্তি বিস্তৃতমনুন্নতমাশু শোফং তং সর্বতো বিসরণাচ্চ বিসর্পমাহুঃ ||৩||
View original
त्वङ्मांसशोणितगताः कुपितास्तु दोषाः सर्वाङ्गसारिणमिहास्थितमात्मलिङ्गम् | कुर्वन्ति विस्तृतमनुन्नतमाशु शोफं तं सर्वतो विसरणाच्च विसर्पमाहुः ||३||
🔊 Audio coming soon
ইদানীং সম্প্রাপ্তিহেতুস্বরূপনিরুক্তীরাহ- ত্বঙ্মাংসেত্যাদি| ত্বঙ্মাংসশোণিতগতাঃ কুপিতা দোষাঃ শোফং কুর্বন্তীতি সম্বন্ধঃ| কিম্ভূতং শোফং? সর্বাঙ্গসারিণম্| ইহ অস্মিঞ্ শাস্ত্রে, তং বিসর্পমাহুরিতি সম্বন্ধঃ| পুনরপি কিম্ভূতম্? অস্থিতম্ অনবস্থিতং, দেশাদ্দেশান্তরগমনাত্; অন্যে তু আস্থিতং প্রাপ্তং; কিং তত্? আত্মলিঙ্গম্; এতেন বাতাদিশোথলিঙ্গং প্রাপ্তমিত্যর্থঃ; অন্যে তু ইহাস্থিতং ক্বচিদেবাবযবে স্থিতমিতি ব্যাখ্যানযন্তি| বিস্তৃতং বিস্তীর্ণম্| অনুন্নতং তনুত্বাচ্ছোফস্য | বিসরণাচ্চেতি চকারাত্ নানাপ্রকারং বিসর্পতীতি সমুচ্চীযতে| ত্বঙ্মাংসশোণিতগতা ইতি সম্প্রাপ্তিঃ| কুপিতা দোষা ইতি হেতুঃ| সর্বাঙ্গসারিণমিত্যাদি স্বরূপম্| সর্বতো বিসরণাচ্চেতি নিরুক্তিঃ||৩||
Adhikarana 3 (4) · Śloka 4
বাতাত্মকোঽসিতমৃদুঃ পরুষোঽঙ্গমর্দসম্ভেদতোদপবনজ্বরলিঙ্গযুক্তঃ | গণ্ডৈর্যদা তু বিষমৈরতিদূষিতত্বাদ্যুক্তঃ স এব কথিতঃ খলু বর্জনীযঃ ||৪||
View original
वातात्मकोऽसितमृदुः परुषोऽङ्गमर्दसम्भेदतोदपवनज्वरलिङ्गयुक्तः | गण्डैर्यदा तु विषमैरतिदूषितत्वाद्युक्तः स एव कथितः खलु वर्जनीयः ||४||
🔊 Audio coming soon
তেষাং দোষভেদেন বিশিষ্টং লক্ষণাং দর্শযন্নাহ- বাতাত্মক ইত্যাদি| অসিতঃ কৃষ্ণঃ| অঙ্গমর্দো বেদনাবিশেষঃ| ইদং শুদ্ধবাতবিসর্পলক্ষণমুক্তম্| গণ্ডৈরিত্যাদি| গণ্ডৈরগ্নিদগ্ধসদৃশৈঃ স্ফোটৈর্যুক্ত ইতি সম্বন্ধঃ| অতিদূষিতত্বাত্ কাভ্যাং? বাতপিত্তাভ্যাম্| ইদং পিত্তানুগতবাতবিসর্পলক্ষণমুক্তম্| অপরে তু সকলেনাপি শ্লোকেন শুদ্ধবাতবিসর্পলক্ষণমাহুঃ, তন্মতেঽতিদূষিতত্বাদ্ বাতেনৈবেতি বোদ্ধব্যম্||৪||
Adhikarana 4 (5) · Śloka 5
পিত্তাত্মকো দ্রুতগতির্জ্বরদাহপাকস্ফোটপ্রভেদবহুলঃ ক্ষতজপ্রকাশঃ | দোষপ্রবৃদ্ধিহতমাংসসিরো যদা স্যাত্ স্রোতোজকর্দমনিভো ন তদা স সিধ্যেত্ ||৫||
View original
पित्तात्मको द्रुतगतिर्ज्वरदाहपाकस्फोटप्रभेदबहुलः क्षतजप्रकाशः | दोषप्रवृद्धिहतमांससिरो यदा स्यात् स्रोतोजकर्दमनिभो न तदा स सिध्येत् ||५||
🔊 Audio coming soon
পিত্তাত্মক ইত্যাদি| জ্বরাদিভিঃ প্রভেদান্তৈর্বহুলশব্দঃ প্রত্যেকং সম্বধ্যতে| ক্ষতজপ্রকাশ ইতি রক্তমিব যঃ প্রকাশত ইত্যর্থঃ| পূর্বার্ধেন কেবলপিত্তারব্ধো বিসর্প উক্তঃ| দোষপ্রবৃদ্ধীত্যাদি দোষপ্রবৃদ্ধ্যা পিত্তকফবৃদ্ধ্যা হতং মাংসং সিরাশ্চ যস্মিন্ স তথা| স্রোতোজকর্দমনিভ ইতি অঞ্জনসদৃশকর্দমদ্রব্যতুল্যঃ| অনেনোত্তরার্ধেন কফপৈত্তিকো বিসর্প উক্তঃ||৫||
Adhikarana 5 (6) · Śloka 6
শ্লেষ্মাত্মকঃ সরতি মন্দমশীঘ্রপাকঃ স্নিগ্ধঃ সিতশ্বযথুরল্পরুগুগ্রকণ্ডুঃ |৬|
View original
श्लेष्मात्मकः सरति मन्दमशीघ्रपाकः स्निग्धः सितश्वयथुरल्परुगुग्रकण्डुः |६|
🔊 Audio coming soon
শ্লেষ্মাত্মক ইত্যাদি| সরতি বিসর্পতি| কফবাতাভ্যাং গ্রন্থিবিসর্পঃ, সঃ অসাধ্য এব| স পুরস্তাদেব গ্রন্থিনির্দেশ (?) ইতি নাত্র নির্দিষ্টঃ; অত্রৈব ‘বাতকফবিসর্পলিঙ্গেন নির্দিষ্টেনাবরুধ্যতে’ ইত্যন্যে|৬|-
Adhikarana 6 (6) · Śloka 6
সর্বাত্মকস্ত্রিবিধবর্ণরুজোঽবগাঢঃ পক্বো ন সিধ্যতি চ মাংসসিরাপ্রশাতাত্ ||৬||
View original
सर्वात्मकस्त्रिविधवर्णरुजोऽवगाढः पक्वो न सिध्यति च मांससिराप्रशातात् ||६||
🔊 Audio coming soon
সান্নিপাতিকং দর্শযন্নাহ- সর্বাত্মক ইত্যাদি| ত্রিবিধবর্ণরুজ ইতি প্রত্যেকং বাতাদিদোষনির্দিষ্টকৃষ্ণপীতসিতাদিবর্ণঃ, বাতাদিদোষজনিতবিসর্পনির্দিষ্টতোদদাহকণ্ড্বাদিবেদনশ্চ| অবগাঢোঽভ্যন্তরমূলঃ| প্রশাতঃ শটনং; মাংসসিরাপ্রশাতাত্ পরতো ন সিধ্যতি, মাংসসিরাপ্রশাতাত্ পূর্বং কৃচ্ছ্রতঃ সিধ্যতি||৬||
Adhikarana 7 (7) · Śloka 7
সদ্যঃক্ষতব্রণমুপেত্য নরস্য পিত্তং রক্তং চ দোষবহুলস্য করোতি শোফম্ | শ্যাবং সলোহিতমতিজ্বরদাহপাকং স্ফোটৈঃ কুলত্থসদৃশৈরসিতৈশ্চ কীর্ণম্ ||৭||
View original
सद्यःक्षतव्रणमुपेत्य नरस्य पित्तं रक्तं च दोषबहुलस्य करोति शोफम् | श्यावं सलोहितमतिज्वरदाहपाकं स्फोटैः कुलत्थसदृशैरसितैश्च कीर्णम् ||७||
🔊 Audio coming soon
সদ্য ইত্যাদি| দোষবহুলস্য পিত্তং রক্তং চ শোফং করোতীতি সম্বন্ধঃ| কিং কৃত্বা? সদ্যঃক্ষতব্রণমুপেত্য প্রাপ্য| কিম্ভূতং শোফং? শ্যাবমিত্যাদিবিশেষণবিশিষ্টম্| দোষবহুলস্যেতি কুষ্ঠবাতরক্তদিপূর্বরূপাদিদোষদূষিতধাতোঃ, তদুক্তং তযোঃ পূর্বরূপে ‘ক্ষতবিসর্পণম্’ (নি. ৫) ইতি; অন্যে তু ত্রিদোষবহুলস্যেত্যর্থমাহুঃ| কীর্ণং ব্যাপ্তম্||৭||
Adhikarana 8 (8) · Śloka 8
সিধ্যন্তি বাতকফপিত্তকৃতা বিসর্পাঃ সর্বাত্মকঃ ক্ষতকৃতশ্চ ন সিদ্ধিমেতি | পৈত্তানিলাবপি চ দর্শিতপূর্বলিঙ্গৌ সর্বে চ মর্মসু ভবন্তি হি কৃচ্ছ্রসাধ্যাঃ ||৮||
View original
सिध्यन्ति वातकफपित्तकृता विसर्पाः सर्वात्मकः क्षतकृतश्च न सिद्धिमेति | पैत्तानिलावपि च दर्शितपूर्वलिङ्गौ सर्वे च मर्मसु भवन्ति हि कृच्छ्रसाध्याः ||८||
🔊 Audio coming soon
তেষাং সাধ্যাসাধ্যাত্বমাহ- সিধ্যন্তীত্যাদি| ন সিদ্ধিমেতি ন সাধ্যতাং যাতি| দর্শিতপূর্বলিঙ্গা ইতি গণ্ডযুক্তো বাতবিসর্পঃ, স্রোতোজকর্দমনিভঃ পিত্তবিসর্প ইতি| অন্যে তু ‘পিত্তাত্মকোঽঞ্জনবপুশ্চ তথা ন সিধ্যেত্’ ইতি পঠন্তি, চকারেণ গণ্ডৈর্যদাঽতিবিষমৈরিত্যেবংবিশিষ্টো বাতিকোঽপ্যসাধ্য ইতি সমুচ্চীযত ইতি ব্যাখ্যানযন্তি| গণ্ডৈর্যদা তু বিষমৈরিত্যাদিনা বাতজস্য, স্রোতোজকর্দমনিভৈরিত্যাদিনা| পিত্তজস্যাসাধ্যত্বমুক্তং যত্ পুনরুচ্যতে তত্ ক্ষতজস্যাসাধ্যতাপ্রসঙ্গেন, প্রসঙ্গোক্তং চ ন পৌনরুক্ত্যমর্হতি||৮||
Adhikarana 9 (9) · Śloka 10
শোফং ন পক্বমিতি পক্বমুপেক্ষতে যো যো বা ব্রণং প্রচুরপূযমসাধুবৃত্তঃ | অভ্যন্তরং প্রবিশতি প্রবিদার্য তস্য স্থানানি পূর্ববিহিতানি ততঃ স পূযঃ ||৯|| তস্যাতিমাত্রগমনাদ্গতিরিত্যতশ্চ নাডীব যদ্বহতি তেন মতা তু নাডী |১০|
View original
शोफं न पक्वमिति पक्वमुपेक्षते यो यो वा व्रणं प्रचुरपूयमसाधुवृत्तः | अभ्यन्तरं प्रविशति प्रविदार्य तस्य स्थानानि पूर्वविहितानि ततः स पूयः ||९|| तस्यातिमात्रगमनाद्गतिरित्यतश्च नाडीव यद्वहति तेन मता तु नाडी |१०|
🔊 Audio coming soon
নাডীং নির্দিশন্নাহ- শোফমিত্যাদি| ব্রণমিত্যত্রোপেক্ষত ইতি সম্বন্ধঃ| অসাধুবৃত্তঃ অহিতাহারাচারঃ| স্থানানি ত্বগাদীনি ব্রণবাস্তুশব্দাভিহিতানি| তস্য পূযস্য| অতশ্চেতি চকারো নাডীনিরুক্তিপক্ষান্তরসমুচ্চযে| তামেব নাডীনিরুক্তিমাহ- নাডীব যদ্বহতি তেন মতা তু নাডী; যেন হেতুনা নাডীবত্ প্রণালীবদ্বহতি যাতি তেন হেতুনা নাডী মতেত্যর্থঃ| শোফং ন পক্বমিত্যাদি হেতুঃ, অভ্যন্তরমিত্যাদি সম্প্রাপ্তিঃ, নাডীবেত্যাদি নিরুক্তিঃ||৯||
Adhikarana 10 (10) · Śloka 10
দোষৈস্ত্রিভির্ভবতি সা পৃথগেকশশ্চ সম্মূর্চ্ছিতৈরপি চ শল্যনিমিত্ততোঽন্যা ||১০||
View original
दोषैस्त्रिभिर्भवति सा पृथगेकशश्च सम्मूर्च्छितैरपि च शल्यनिमित्ततोऽन्या ||१०||
🔊 Audio coming soon
সঙ্খ্যাং নিযমযন্নাহ- দোষৈরিত্যাদি| দোষৈঃপৃথগিতি তিস্রঃ, একশশ্চ সন্নিপতিতৈরন্যা, অপরাশ্চ তিস্রঃ| সম্মূর্চ্ছিতৈরপি চ দ্বিদোষসংযোগোত্থাঃ; অন্যথা অপিচকারৌ নিরর্থকৌ স্যাতাম্| সম্মূর্চ্ছিতৈর্মিশ্রীভূতৈরিত্যর্থঃ| শল্যনিমিত্ততোঽন্যা অভিঘাতজাঽপরেত্যর্থঃ| গযী তু ত্রিভির্দোষৈঃ পৃথক্ তিস্রঃ, একশশ্চ সম্মূর্চ্ছিতৈরন্যা সান্নিপাতিকী, শল্যনিমিত্তা চ পঞ্চমীতি পঞ্চৈব নাড্য ইতি ব্যাখ্যানযতি||১০||
Adhikarana 11 (11) · Śloka 11
তত্রানিলাত্ পরুষসূক্ষ্মমুখী সশূলা ফেনানুবিদ্ধমধিকং স্রবতি ক্ষপাযাম্ |১১|
View original
तत्रानिलात् परुषसूक्ष्ममुखी सशूला फेनानुविद्धमधिकं स्रवति क्षपायाम् |११|
🔊 Audio coming soon
তেষাং বাতাদীনাং প্রত্যেকং বিশিষ্টং লক্ষণমাহ- তত্রানিলাদিত্যাদি| ফেনানুবিদ্ধং ফেনমিশ্রম্|১১|-
Adhikarana 12 (11) · Śloka 11
তৃট্তাপতোদসদনজ্বরভেদহেতুঃ পীতং স্রবত্যধিকমুষ্ণমহঃসু পিত্তাত্ ||১১||
View original
तृट्तापतोदसदनज्वरभेदहेतुः पीतं स्रवत्यधिकमुष्णमहःसु पित्तात् ||११||
🔊 Audio coming soon
তৃট্তাপেত্যাদি| তৃট্তাপাদীনাং হেতুঃ তৃষাদীন্ করোতীত্যর্থঃ||১১||
Adhikarana 13 (12) · Śloka 12
জ্ঞেযা কফাদ্বহুঘনার্জুনপিচ্ছিলাস্রা রাত্রিস্রুতিঃ স্তিমিতরুক্কঠিনা সকণ্ডূঃ |১২|
View original
ज्ञेया कफाद्बहुघनार्जुनपिच्छिलास्रा रात्रिस्रुतिः स्तिमितरुक्कठिना सकण्डूः |१२|
🔊 Audio coming soon
জ্ঞেযা কফাদিত্যাদি| বহুঘনার্জুনপিচ্ছিলাস্রেতি বিপুলসান্দ্রধবলপিচ্ছিলস্রাবেত্যর্থঃ| অত্রাস্রশব্দঃ স্রাববাচী চিন্ত্য এব| অন্যে তু ‘কফাদ্বহুঘনার্জুনপিচ্ছিলস্রুত্’ ইতি পঠন্তি, তত্র স্রুত্ স্রাব ইত্যর্থঃ| স্তিমিতরুগিতি মন্দবেদনেত্যর্থঃ|১২|-
Adhikarana 14 (12) · Śloka 12
দোষদ্বযাভিহিতলক্ষণদর্শনেন তিস্রো গতীর্ব্যতিকরপ্রভবাস্তু বিদ্যাত্ ||১২||
View original
दोषद्वयाभिहितलक्षणदर्शनेन तिस्रो गतीर्व्यतिकरप्रभवास्तु विद्यात् ||१२||
🔊 Audio coming soon
দ্বন্দ্বজা আহ- দোষদ্বযাভিহিতেত্যাদি| ব্যতিকরপ্রভবা দ্বন্দ্বজাঃ; বাতপিত্তজা, পিত্তকফজা, বাতকফজা চেতি তিস্রঃ| গযী তু দোষদ্বযাভিহিতেত্যাদি দ্বন্দ্বজানাং লক্ষণং ন পঠতি||১২||
Adhikarana 15 (13) · Śloka 13
দাহজ্বরশ্বসনমূর্চ্ছনবক্ত্রশোষা যস্যাং ভবন্ত্যভিহিতানি চ লক্ষণানি | তামাদিশেত্ পবনপিত্তকফপ্রকোপাদ্ধোরামসুক্ষযকরীমিব কালরাত্রিম্ ||১৩||
View original
दाहज्वरश्वसनमूर्च्छनवक्त्रशोषा यस्यां भवन्त्यभिहितानि च लक्षणानि | तामादिशेत् पवनपित्तकफप्रकोपाद्धोरामसुक्षयकरीमिव कालरात्रिम् ||१३||
🔊 Audio coming soon
সান্নিপাতিকীমাহ- দাহজ্বরেত্যাদি| অসুক্ষযকরীং প্রাণাপহারিণীং; কামিব? কালরাত্রিমিব যমভগিনীমিব||১৩||
Adhikarana 16 (14) · Śloka 14
নষ্টং কথঞ্চিদনুমার্গমুদীরিতেষু স্থানেষু শল্যমচিরেণ গতিং করোতি | সা ফেনিলং মথিতমচ্ছমসৃগ্বিমিশ্রমুষ্ণং স্রবেত সহসা সরুজা চ নিত্যম্ ||১৪||
View original
नष्टं कथञ्चिदनुमार्गमुदीरितेषु स्थानेषु शल्यमचिरेण गतिं करोति | सा फेनिलं मथितमच्छमसृग्विमिश्रमुष्णं स्रवेत सहसा सरुजा च नित्यम् ||१४||
🔊 Audio coming soon
শল্যনিমিত্তাং দর্শযন্নাহ- নষ্টমিত্যাদি| উদীরিতেষু স্থানেষু ত্বগাদিষু| মথিতমুন্মথিতমিব| উষ্ণমুষ্ণস্পর্শং; ‘স্রাবং’ ইত্যধ্যাহারঃ||১৪||
Adhikarana 17 (15) · Śloka 15
যাবত্যো গতযো যৈশ্চ কারণৈঃ সম্ভবন্তি হি | তাবন্তঃ স্তনরোগাঃ স্যুঃ স্ত্রীণাং তৈরেব হেতুভিঃ ||১৫||
View original
यावत्यो गतयो यैश्च कारणैः सम्भवन्ति हि | तावन्तः स्तनरोगाः स्युः स्त्रीणां तैरेव हेतुभिः ||१५||
🔊 Audio coming soon
ইদানীং স্তনরোগাণাং সঙ্খ্যাং হেতুং চ দর্শযন্নাহ- যাবত্য ইত্যাদি| যাবত্যো যাবত্প্রমাণা গতযঃ, যৈশ্চ কারণৈর্বাতপিত্তকফসন্নিপাতাভিঘাতৈঃ, তাবন্তঃ তাবত্প্রমাণাঃ||১৫||
Adhikarana 18 (16) · Śloka 16
ধমন্যঃ সংবৃতদ্বারাঃ কন্যানাং স্তনসংশ্রিতাঃ | দোষাবিসরণাত্তাসাং ন ভবন্তি স্তনামযাঃ ||১৬||
View original
धमन्यः संवृतद्वाराः कन्यानां स्तनसंश्रिताः | दोषाविसरणात्तासां न भवन्ति स्तनामयाः ||१६||
🔊 Audio coming soon
ইদানীং সমানাযামপি জাতাবসম্ভূতগর্ভাণাং তে রোগা ন ভবন্তীতি দর্শযন্নাহ- ধমন্য ইত্যাদি| কন্যানামসম্ভূতগর্ভাণাং স্ত্রীণামিত্যর্থঃ| অবিসরণম্ অপ্রসরণম্||১৬||
Adhikarana 19 (17) · Śloka 17
তাসামেব প্রজাতানাং গর্ভিণীনাং চ তাঃ পুনঃ | স্বভাবাদেব বিবৃতা জাযন্তে সম্ভবন্ত্যতঃ ||১৭||
View original
तासामेव प्रजातानां गर्भिणीनां च ताः पुनः | स्वभावादेव विवृता जायन्ते सम्भवन्त्यतः ||१७||
🔊 Audio coming soon
তাসামেব সগর্ভাণাং প্রজাতানাং চ তা এব ধমন্যো বিবৃতদ্বারা ভবন্তীতি দর্শযন্নাহ- তাসামেবেত্যাদি| প্রজাতানাং প্রসূতানাম্| তা ইতি ধমন্যঃ| বিবৃতাঃ প্রসৃতদ্বারাঃ, জাযন্তে ভবন্তীত্যর্থঃ| সম্ভবন্তীতি ‘স্তনরোগা’ ইতি শেষঃ||১৭||
Adhikarana 20 (18) · Śloka 18
রসপ্রসাদো মধুরঃ পক্বাহারনিমিত্তজঃ | কৃত্স্নদেহাত্ স্তনৌ প্রাপ্তঃ স্তন্যমিত্যভিধীযতে ||১৮||
View original
रसप्रसादो मधुरः पक्वाहारनिमित्तजः | कृत्स्नदेहात् स्तनौ प्राप्तः स्तन्यमित्यभिधीयते ||१८||
🔊 Audio coming soon
‘সক্ষীরৌ বাঽপ্যদুগ্ধৌ বা প্রাপ্য দোষা’ ইতি স্ত্রীক্ষীরস্য স্তনরোগাণাং হেতুত্বেনোক্তত্বাত্ স্ত্রীক্ষীরস্যৈব সম্ভবমাহ- রসপ্রসাদ ইত্যাদি|- রসপ্রসাদঃ রসস্য প্রসাদো ধাম সারস্তেজ ইত্যর্থঃ| পক্বাহারনিমিত্তজ ইতি প্রাধান্যাত্ পক্বাহারনিমিত্তশব্দেন রসঃ কথ্যতে, তেন রসজ ইত্যর্থঃ| স্তন্যনিরুক্তিমাহ- কৃত্স্নদেহাদিত্যাদি| রসধাতোর্ব্যানবিক্ষিপ্তস্য সর্বদেহগতত্বাত্||১৮||
Adhikarana 21 (19-22) · Śloka 23
বিশস্তেষ্বপি গাত্রেষু যথা শুক্রং ন দৃশ্যতে | সর্বদেহাশ্রিতত্বাচ্চ শুক্রলক্ষণমুচ্যতে ||১৯|| তদেব চেষ্টযুবতের্দর্শনাত্ স্মরণাদপি | শব্দসংশ্রবণাত্ স্পর্শাত্ সংহর্ষাচ্চ প্রবর্ততে ||২০|| সুপ্রসন্নং মনস্তত্র হর্ষণে হেতুরুচ্যতে | আহাররসযোনিত্বাদেবং স্তন্যমপি স্ত্রিযাঃ ||২১|| তদেবাপত্যসংস্পর্শাদ্দর্শনাত্ স্মরণাদপি | গ্রহণাচ্চ শরীরস্য শুক্রবত্ সম্প্রবর্ততে ||২২|| স্নেহো নিরন্তরস্তত্র প্রস্রবে হেতুরুচ্যতে |২৩|
View original
विशस्तेष्वपि गात्रेषु यथा शुक्रं न दृश्यते | सर्वदेहाश्रितत्वाच्च शुक्रलक्षणमुच्यते ||१९|| तदेव चेष्टयुवतेर्दर्शनात् स्मरणादपि | शब्दसंश्रवणात् स्पर्शात् संहर्षाच्च प्रवर्तते ||२०|| सुप्रसन्नं मनस्तत्र हर्षणे हेतुरुच्यते | आहाररसयोनित्वादेवं स्तन्यमपि स्त्रियाः ||२१|| तदेवापत्यसंस्पर्शाद्दर्शनात् स्मरणादपि | ग्रहणाच्च शरीरस्य शुक्रवत् सम्प्रवर्तते ||२२|| स्नेहो निरन्तरस्तत्र प्रस्रवे हेतुरुच्यते |२३|
🔊 Audio coming soon
তস্য শরীরাভ্যন্তরস্থস্যাদৃশ্যস্যাপি প্রসিদ্ধোপমানেন প্রবর্তনে হেতুং দর্শযন্নাহ- বিশস্তেষ্বপীত্যাদি| শুক্রলক্ষণং ‘স্তন্যমুচ্যতে’ ইতি শেষঃ| কুত ইত্যাহ- যথা শুক্রং বিশস্তেষু ছিন্নেষ্বপি গাত্রেষু ন দৃশ্যতে, তস্মাদ্বিতীযং হেতুমাহ- সর্বদেহাশ্রিতত্বাদিতি, শুক্রবত্ সমস্তশরীরাশ্রিতত্বাত্| শুক্রদৃষ্টান্তেন স্তন্যস্যাভ্যন্তরদর্শনং প্রতিপাদ্য তেনৈব দৃষ্টান্তেন সামগ্রীতস্তস্য প্রবর্তনাদ্বহিঃ প্রত্যক্ষতাং প্রতিপাদযন্নাহ- তদেবেত্যাদি| তদেব শুক্রং প্রবর্ততে বহির্নিঃসরতি| সংহর্ষাদ্ বিশিষ্টস্পর্শসঙ্কল্পলক্ষণাত্| বিশিষ্টস্পর্শসঙ্কল্পে হেতুচতুষ্টযং দর্শযন্নাহ- ইষ্টযুবতেরিত্যাদি| ইষ্টযুবতিদর্শনাদিহেতুচতুষ্টযেন যঃ সংহর্ষঃ স সুপ্রসন্ন এব মনসি ভবতীতি মনসোঽপি সুপ্রসন্নস্য কারণত্বং দর্শযন্নাহ- সুপ্রসন্নমিত্যাদি| সুপ্রসন্নমীর্ষ্যাদ্যনভিভূতম্| এবং স্তন্যমপি স্ত্রিযাঃ প্রবর্ততে, শুক্রমাহাররসযোনিত্বাত্ প্রবর্ততে স্তন্যমপি তথা, তস্মাত্ প্রবর্ততে| ননু শুক্রমাহারযোন্যপি সংহর্ষাত্ কারণাত্ প্রবর্ততে, অত্র চ কিং কারণমিত্যাহ- তদেবেত্যাদি| তদেব স্তন্যং শুক্রবত্ সম্প্রবর্ততে| অপত্যসংস্পর্শাদিকারণচতুষ্টযেঽপি স্নেহো মূলকারণমিতি তদেব দর্শযন্নাহ- স্নেহ ইত্যাদি| প্রস্রবে স্তন্যস্রবণে| অত্রাপি চত্বারো হেতবঃ, পরমিষ্টযুবতিস্থানেঽত্রাপত্যগ্রহণং, মূলহেতুহর্ষস্থানে স্নেহঃ||১৯-২২||-
Adhikarana 22 (23-24) · Śloka 24
তত্ কষাযং ভবেদ্বাতাত্ ক্ষিপ্তং চ প্লবতেঽম্ভসি ||২৩|| পিত্তাদম্লং সকটুকং রাজ্যোঽম্ভসি চ পীতিকাঃ | কফাদ্ঘনং পিচ্ছিলং চ জলে চাপ্যবসীদতি | সর্বৈর্দুষ্টৈঃ সর্বলিঙ্গমভিঘাতাচ্চ দুষ্যতি ||২৪||
View original
तत् कषायं भवेद्वातात् क्षिप्तं च प्लवतेऽम्भसि ||२३|| पित्तादम्लं सकटुकं राज्योऽम्भसि च पीतिकाः | कफाद्घनं पिच्छिलं च जले चाप्यवसीदति | सर्वैर्दुष्टैः सर्वलिङ्गमभिघाताच्च दुष्यति ||२४||
🔊 Audio coming soon
স্তন্যস্য প্রভবং প্রবর্তনং চাভিধায প্রকৃতিমভিধাতুকামঃ পরিত্যাজ্যতযা প্রথমং বিকৃতিং দর্শযন্নাহ- তদিত্যাদি| ক্ষিপ্তং চেতি চকারেণানুক্তমপি তনুত্বাদিকং সমুচ্চীযতে| সকটুকম্ ঈষত্তিক্তং, তিক্তেঽপি কটুশব্দস্য প্রবৃত্তেঃ| অম্ভসি চেতি চকারান্নীললোহিতাশ্চ রাজ্যো দ্রষ্টব্যাঃ| পিচ্ছিলং চেতি চকারেণ দোষসম্প্লবঃ সূচ্যতে| অবসীদতি বুডতি| অভিঘাতাত্ পতনপীডনাদিকাত্||২৩-২৪||
Adhikarana 23 (25) · Śloka 25
যত্ ক্ষীরমুদকে ক্ষিপ্তমেকীভবতি পাণ্ডুরম্ | মধুরং চাবিবর্ণং চ প্রসন্নং তদ্বিনির্দিশেত্ ||২৫||
View original
यत् क्षीरमुदके क्षिप्तमेकीभवति पाण्डुरम् | मधुरं चाविवर्णं च प्रसन्नं तद्विनिर्दिशेत् ||२५||
🔊 Audio coming soon
নির্দোষস্য স্তন্যস্য লক্ষণমাহ- যদিত্যাদি| একীভবতি একত্বং যাতি মিলতীত্যর্থঃ| অবিবর্ণম্ ঈষত্পীতাদিবর্ণম্| প্রসন্নং প্রকৃতিস্থম্||২৫||
Adhikarana 24 (26) · Śloka 26
সক্ষীরৌ বাঽপ্যদুগ্ধৌ বা প্রাপ্য দোষঃ স্তনৌ স্ত্রিযাঃ | রক্তং মাংসং চ সন্দূষ্য স্তনরোগায কল্পতে ||২৬||
View original
सक्षीरौ वाऽप्यदुग्धौ वा प्राप्य दोषः स्तनौ स्त्रियाः | रक्तं मांसं च सन्दूष्य स्तनरोगाय कल्पते ||२६||
🔊 Audio coming soon
স্তনরোগহেতুং স্তন্যং প্রকৃতিবিকৃতিভিরভিনির্দিশ্য স্তনরোগসম্প্রাপ্তিং দর্শযন্নাহ- সক্ষীরাবিত্যাদি| সক্ষীরৌ গর্ভিণ্যাঃ, তস্যা দোহস্যাসম্ভবাত্| অদুগ্ধৌ প্রসূতাযাঃ, তস্যা দোহস্য সম্ভবাত্| তত্র যদা দোহ্যাবদুগ্ধৌ ভবতঃ, তদা ক্ষীরভরপীডিতা দোষাঃ কুপিতাঃ স্তনরোগায জাযন্তে| স্তনরোগায কল্পতে স্তনরোগার্থে সমর্থো ভবতি||২৬||
Adhikarana 25 (27) · Śloka 27
পঞ্চানামপি তেষাং তু হিত্বা শোণিতবিদ্রধিম্ | লক্ষণানি সমানানি বাহ্যবিদ্রধিলক্ষণৈঃ ||২৭||
View original
पञ्चानामपि तेषां तु हित्वा शोणितविद्रधिम् | लक्षणानि समानानि बाह्यविद्रधिलक्षणैः ||२७||
🔊 Audio coming soon
তেষামপি সঙ্ক্ষেপার্থং লক্ষণমতিদেশেন নির্দিশন্নাহ- পঞ্চানামপীত্যাদি| তেষাং স্তনরোগাণাম্| সমানানি তুল্যানি, ‘ভবন্তি’ ইত্যধ্যাহারঃ||২৭||
Adhikarana puShpikA · Śloka 10
ইতি সুশ্রুতসংহিতাযাং নিদানস্থানে বিসর্পনাডীস্তনরোগনিদানং নাম দশমোঽধ্যাযঃ ||১০||
View original
इति सुश्रुतसंहितायां निदानस्थाने विसर्पनाडीस्तनरोगनिदानं नाम दशमोऽध्यायः ||१०||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং নিদানস্থানে দশমোঽধ্যাযঃ||১০||