Adhikarana 1 (1-2) · Śloka 2
অথাতঃ শুক্রশোণিতশুদ্ধিশারীরং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः शुक्रशोणितशुद्धिशारीरं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
সর্বভূতচিন্তাশারীরে ‘শুক্রশোণিতযোঃ সন্নিপাতেষ্বভিব্যজ্যন্তে’ (শা.১) ইতি যদুক্তং তত্র শুক্রশোণিতযোঃ শুদ্ধযোরেব সন্নিপাতেষু ক্ষেত্রজ্ঞা অভিব্যজ্যন্তেঽতস্তযোঃ শুদ্ধিং প্রতিপাদযিতুকামঃ প্রাহ- অথাত ইত্যাদি| শোণিতশব্দোঽত্রার্তবশোণিতে বর্ততে, শুদ্ধির্দুষ্টদোষাসম্পর্কতা||১-২||
Adhikarana 2 (3) · Śloka 3
বাত-পিত্ত-শ্লেষ্ম-কুণপ -গ্রন্থি-পূতিপূয-ক্ষীণ-মূত্রপুরীষরেতসঃ প্রজোত্পাদনে ন সমর্থা ভবন্তি ||৩||
वात-पित्त-श्लेष्म-कुणप -ग्रन्थि-पूतिपूय-क्षीण-मूत्रपुरीषरेतसः प्रजोत्पादने न समर्था भवन्ति ||३||
🔊 Audio coming soon
সা চ শুদ্ধির্বাতাদিদুষ্টশুক্রস্যেতি বাতাদিভিঃ পৃথক্সমুদিতৈর্দুষ্টশুক্রতামাহ- বাতেত্যাদি| এবম্ভূতরেতসঃ পুরুষা গর্ভোত্পত্তৌ ন ক্ষমা ভবন্তীতি পিণ্ডার্থঃ||৩||
Adhikarana 3 (4) · Śloka 4
তেষু বাতবর্ণবেদনং বাতেন, পিত্তবর্ণবেদনং পিত্তেন, শ্লেষ্মবর্ণবেদনং শ্লেষ্মণা, কুণপগন্ধ্যনল্পং চ রক্তেন, গ্রন্থিভূতং শ্লেষ্মবাতাভ্যাং, পূতিপূযনিভং পিত্তশ্লেষ্মভ্যাং, ক্ষীণং প্রাগুক্তং পিত্তমারুতাভ্যাং, মূত্রপুরীষগন্ধি সন্নিপাতেনেতি | তেষু কুণপগ্রন্থিপূতিপূযক্ষীণরেতসঃ কৃচ্ছ্রসাধ্যাঃ, মূত্রপুরীষরেতসস্ত্বসাধ্যা ইতি ||৪||
तेषु वातवर्णवेदनं वातेन, पित्तवर्णवेदनं पित्तेन, श्लेष्मवर्णवेदनं श्लेष्मणा, कुणपगन्ध्यनल्पं च रक्तेन, ग्रन्थिभूतं श्लेष्मवाताभ्यां, पूतिपूयनिभं पित्तश्लेष्मभ्यां, क्षीणं प्रागुक्तं पित्तमारुताभ्यां, मूत्रपुरीषगन्धि सन्निपातेनेति | तेषु कुणपग्रन्थिपूतिपूयक्षीणरेतसः कृच्छ्रसाध्याः, मूत्रपुरीषरेतसस्त्वसाध्या इति ||४||
🔊 Audio coming soon
তেষ্বিত্যাদি| তেষু বাতাদিষু দুষ্টেষু মধ্যে বাতেন যচ্ছুক্রং দূষিতং তদ্বাতবর্ণবেদনং ভবতি| তত্র বাতবর্ণা অরুণকৃষ্ণাদযঃ; যদ্যপ্যব্যক্তস্য বাযোর্বর্ণাসম্ভবঃ, তথাঽপি বাতদুষ্টে দূষ্যেঽরুণকৃষ্ণৌ বাতেন বর্ণৌ ভবত ইত্যদোষঃ| বাতবেদনাস্তোদভেদাদযঃ ; ননু, কথমেকস্মাদ্বাযোরনেকবেদনাবিশেষাস্তোদাদযঃ? সত্যং, বহুকারণপ্রকোপাত্তস্যেতি| গন্ধস্তু বাযোর্নাস্ত্যেব| পিত্তেন যচ্ছুক্রং দূষিতং তত্ পিত্তবর্ণবেদনং ভবতি; পিত্তবর্ণাঃ পীতনীলাদযঃ, পিত্তবেদনা ওষচোষাদযঃ; পিত্তদুষ্টে শুক্রেঽনুক্তোঽপি গন্ধঃ কুণপে পূতিপূযাভে চ বক্ষ্যমাণো দ্রষ্টব্যঃ| শ্লেষ্মণা যচ্ছুক্রং দূষিতং তত্ শ্লেষ্মবর্ণবেদনং ভবতি; শ্লেষ্মবর্ণঃ শুক্লঃ , শ্লেষ্মবেদনাঃ কণ্ড্বাদযঃ, গন্ধস্ত্বনুক্তোঽপি বিস্রো দ্রষ্টব্যঃ| রক্তেন যচ্ছুক্রং দূষিতং তত্ কুণপগন্ধ্যনল্পং চ ভবতি, চকারাচ্ছোণিতবর্ণং পিত্তবেদনং চ; কুণপং শবস্তস্যেব গন্ধোঽস্যেতি কুণপগন্ধি; অনল্পং বহুলম্; অত্র রক্তেনেতি ব্যপদেশো ঘৃততৈলদগ্ধবত্, (অগ্নিদগ্ধঘৃততৈলাভ্যাং দগ্ধং দ্রব্যং ঘৃততৈলদগ্ধমিত্যুচ্যতে ন ত্বগ্নিনা দগ্ধমিতি, তথাঽত্রাপি বাতাদিদূষিতরক্তেন দুষ্টং রক্তদূষিতমিতি ব্যপদেশঃ ,) যতো রক্তস্যাপি দোষা এব দূষযিতারঃ| শ্লেষ্মবাতাভ্যাং যচ্ছুক্রং দূষিতং তদ্গ্রন্থিভূতং গ্রন্থিসদৃশং গ্রন্থিলং ভবতীত্যর্থঃ| পিত্তশ্লেষ্মভ্যাং যদ্দূষিতং তত্ শটিতপূযসদৃশং ভবতি| ক্ষীণং পিত্তমারূতাভ্যাং ভবতি, তস্য লক্ষণং প্রাগ্দোষধাতুমলক্ষযবৃদ্ধিবিজ্ঞানীযে (সূ.১৫) উক্তম্| গ্রন্থ্যাদযস্তু যে দ্বিদোষজাস্তে দ্বিদোষবর্ণবেদনা বোদ্ধব্যাঃ| সন্নিপাতেন যচ্ছুক্রং দূষিতং তন্মূত্রপুরীষগন্ধি ভবতি| তেষাং কৃচ্ছ্রসাধ্যাসাধ্যভেদং দর্শযন্নাহ- তেষ্বিত্যাদি| তেষু মধ্যে কুণপাদযশ্চত্বারঃ কৃচ্ছ্রসাধ্যাঃ, মূত্রপুরীষগন্ধিরন্তিমোঽসাধ্যঃ, শেষা অর্থত এব সাধ্যাঃ||৪||
Adhikarana 4 (5) · Śloka 5
আর্তবমপি ত্রিভির্দোষৈঃ শোণিতচতুর্থৈঃ পৃথগ্দ্বন্দ্বৈঃ সমস্তৈশ্চোপসৃষ্টমবীজং ভবতি; তদপি দোষবর্ণবেদনাদিভির্বিজ্ঞেযম্ | তেষু কুণপগ্রন্থিপূতিপূযক্ষীণমূত্রপুরীষপ্রকাশমসাধ্যং , সাধ্যমন্যচ্চেতি ||৫||
आर्तवमपि त्रिभिर्दोषैः शोणितचतुर्थैः पृथग्द्वन्द्वैः समस्तैश्चोपसृष्टमबीजं भवति; तदपि दोषवर्णवेदनादिभिर्विज्ञेयम् | तेषु कुणपग्रन्थिपूतिपूयक्षीणमूत्रपुरीषप्रकाशमसाध्यं , साध्यमन्यच्चेति ||५||
🔊 Audio coming soon
ইদানীং শুক্রবিষযং প্রতিপাদ্য, আর্তবশোণিতবিষযমপি প্রতিপাদযিতুমাহ- আর্তবমিত্যাদি| আর্তবমপি যদা পৃথগ্দোষৈঃ শোণিতচতুর্থৈর্দ্বন্দ্বৈঃ সমস্তৈশ্চোপসংসৃষ্টং তদাঽবীজং ভবতীত্যর্থপিণ্ডঃ| তস্য বিজ্ঞানোপাযং দর্শযন্নাহ- তদপীত্যাদি| তদপীতি আর্তবমপি| দোষবর্ণবেদনাভিঃ শুক্রদোষে ব্যাখ্যাতাভিঃ| তেষাং সাধ্যাসাধ্যমেদং দর্শযন্নাহ- তেষ্বিত্যাদি| মূত্রপুরীষপ্রকাশমিতি গন্ধবর্ণাদিভির্মূত্রপুরীষতুল্যম্| সাধ্যমন্যচ্চেতি একৈকদোষজনিতত্রযম্| শুক্রার্তবদোষা যাপ্যা ন ভবন্তি, ব্যাধিস্বভাবাত্||৫||
Adhikarana 5 (6-10) · Śloka 11
ভবন্তি চাত্র- তেষ্বাদ্যাঞ্ শুক্রদোষাংস্ত্রীন্ স্নেহস্বেদাদিভির্জযেত্ | ক্রিযাবিশেষৈর্মতিমাংস্তথা চোত্তরবস্তিভিঃ ||৬|| পাযযেত নরং সর্পির্ভিষক্ কুণপরেতসি | ধাতকীপুষ্পখদিরদাডিমার্জুনসাধিতম্ ||৭|| পাযযেদথবা সর্পিঃ শালসারাদিসাধিতম্ | গ্রন্থিভূতে শটীসিদ্ধং পালাশে বাঽপি ভস্মনি ||৮|| পরূষকবটাদিভ্যাং পূযপ্রখ্যে চ সাধিতম্ | প্রাগুক্তং বক্ষ্যতে যচ্চ তত্ কার্যং ক্ষীণরেতসি ||৯|| বিট্প্রভে পাযযেত্ সিদ্ধং চিত্রকোশীরহিঙ্গুভিঃ | স্নিগ্ধং বান্তং বিরিক্তং চ নিরূঢমনুবাসিতম্ ||১০|| যোজযেচ্ছুক্রদোষার্তং সম্যগুত্তরবস্তিনা |১১|
भवन्ति चात्र- तेष्वाद्याञ् शुक्रदोषांस्त्रीन् स्नेहस्वेदादिभिर्जयेत् | क्रियाविशेषैर्मतिमांस्तथा चोत्तरबस्तिभिः ||६|| पाययेत नरं सर्पिर्भिषक् कुणपरेतसि | धातकीपुष्पखदिरदाडिमार्जुनसाधितम् ||७|| पाययेदथवा सर्पिः शालसारादिसाधितम् | ग्रन्थिभूते शटीसिद्धं पालाशे वाऽपि भस्मनि ||८|| परूषकवटादिभ्यां पूयप्रख्ये च साधितम् | प्रागुक्तं वक्ष्यते यच्च तत् कार्यं क्षीणरेतसि ||९|| विट्प्रभे पाययेत् सिद्धं चित्रकोशीरहिङ्गुभिः | स्निग्धं वान्तं विरिक्तं च निरूढमनुवासितम् ||१०|| योजयेच्छुक्रदोषार्तं सम्यगुत्तरबस्तिना |११|
🔊 Audio coming soon
ইদানীং শুক্রদোষাণাং চিকিত্সামাহ- ভবন্তীত্যাদি| তেষু শুক্রদোষেষু মধ্যে, আদ্যাংস্ত্রীঞ্ শুক্রদোষান্ স্নেহস্বেদাদিভিঃ ক্রিযাবিশেষৈর্জযেদিতি সম্বন্ধঃ| আদিগ্রহণাদ্বমনবিরেচননিরূহানুবাসনোত্তরবস্তযো যথাদোষং শমনানি চাবগন্তব্যানি| পুনরুত্তরবস্তিকথনং ক্রিযাসু প্রাধান্যসূচনার্থম্| পাযযেতেত্যাদি| ধাতক্যাদেঃ কল্ককষাযাভ্যাং সাধিতম্| সালসারাদিসাধিতমিত্যত্রাপি কল্ককষাযাভ্যামেব| গ্রন্থীত্যাদি| শটীসিদ্ধমিতি শট্যাঃ কল্ককষাযাভ্যাং সিদ্ধম্| পালাশে বেত্যাদি পলাশভস্মাঢকং ষড্ভিঃ সলিলাঢকৈঃ ক্বথিতং পাদশেষং সপ্তকৃত্বঃ পরিস্রুতমাঢকশেষং প্রস্থঘৃতপাকায প্রযোজ্যম্| পরূষকবটাদিভ্যামিত্যাদি| পরূষকবটাদিভ্যামিতি পরূষকাদিন্যগ্রোধাদিগণাভ্যামিত্যর্থঃ| প্রাগুক্তমিত্যাদি|- প্রাগুক্তং স্বযোনিবর্ধনং দ্রব্যম্| বক্ষ্যতে যচ্চেতি যচ্চ ক্ষীণবলীযেঽধ্যাযে বাজীকরণে (চি.২৬) বক্ষ্যতে| বিডিত্যাদি| বিট্প্রভে মূত্রপুরীষপ্রকাশে রেতসি| বিড্গ্রহণেনাত্র পুরীষং মূত্রং চ গৃহ্যতে, মলমূত্রমাত্রবাচকত্বাদ্বিট্শব্দস্য| সর্পিরিত্যত্রাপ্যনুবর্তনীযম্| বিণ্মূত্রাভেঽসাধ্যেঽপি দুঃখকারিবিট্গন্ধাপনযনার্থং চিত্রকাদিভিঃ কল্কীকৃতৈর্ঘৃতং পেযং ন তু সর্বথা সিদ্ধ্যর্থং, “অসাধ্যো নৈতি সাধ্যত্বং” ইতি বচনাত্| সর্বেষাং কুণপাদীনাং সামান্যং চিকিত্সিতমাহ- স্নিগ্ধমিত্যাদি||৬-১০||-
Adhikarana 6 (11) · Śloka 12
স্ফটিকাভং দ্রবং স্নিগ্ধং মধুরং মধুগন্ধি চ ||১১|| শুক্রমিচ্ছন্তি, কেচিত্তু তৈলক্ষৌদ্রনিভং তথা |১২|
स्फटिकाभं द्रवं स्निग्धं मधुरं मधुगन्धि च ||११|| शुक्रमिच्छन्ति, केचित्तु तैलक्षौद्रनिभं तथा |१२|
🔊 Audio coming soon
ইদানীমদুষ্টশুক্রস্য লক্ষণমাহ- স্ফটিকেত্যাদি| ইদানীমেকীযমতমাহ- কেচিদিত্যাদি||১১||-
Adhikarana 7 (12-16) · Śloka 16
বিধিমুত্তরবস্ত্যন্তং কুর্যাদার্তবশুদ্ধযে ||১২|| স্ত্রীণাং স্নেহাদিযুক্তানাং চতসৃষ্বার্তবার্তিষু | কুর্যাত্কল্কান্ পিচূংশ্চাপি পথ্যান্যাচমনানি চ ||১৩|| গ্রন্থিভূতে পিবেত্ পাঠাং ত্র্যূষণং বৃক্ষকাণি চ | দুর্গন্ধিপূযসঙ্কাশে মজ্জতুল্যে তথাঽঽর্তবে ||১৪|| পিবেদ্ভদ্রশ্রিযঃ ক্বাথং চন্দনক্বাথমেব চ | শুক্রদোষহরাণাং চ যথাস্বমবচারণম্ ||১৫|| যোগানাং শুদ্ধিকরণং শেষাস্বপ্যার্তবার্তিষু | অন্নং শালিযবং মদ্যং হিতং মাংসং চ পিত্তলম্ ||১৬||
विधिमुत्तरबस्त्यन्तं कुर्यादार्तवशुद्धये ||१२|| स्त्रीणां स्नेहादियुक्तानां चतसृष्वार्तवार्तिषु | कुर्यात्कल्कान् पिचूंश्चापि पथ्यान्याचमनानि च ||१३|| ग्रन्थिभूते पिबेत् पाठां त्र्यूषणं वृक्षकाणि च | दुर्गन्धिपूयसङ्काशे मज्जतुल्ये तथाऽऽर्तवे ||१४|| पिबेद्भद्रश्रियः क्वाथं चन्दनक्वाथमेव च | शुक्रदोषहराणां च यथास्वमवचारणम् ||१५|| योगानां शुद्धिकरणं शेषास्वप्यार्तवार्तिषु | अन्नं शालियवं मद्यं हितं मांसं च पित्तलम् ||१६||
🔊 Audio coming soon
উত্তরবস্ত্যন্তম্ উত্তরবস্ত্যবসানং; তত্র যথাদোষং বমনাদি, উত্তরবস্তিঃ পুনঃ সর্বেষ্বেব, বাতাদিহরক্বাথস্নেহাভ্যাং নৈরূহিকঃ স্নৈহিকশ্চ| আর্তবগ্রহণাদেব স্ত্রীগ্রহণে লব্ধে পুনঃ স্ত্রীগ্রহণং সমত্বাগতযৌবনপ্রাপণার্থম্| চতসৃষ্বিতি বাতপিত্তশ্লেষ্মশোণিতকৃতাসু| গযী তু, চতসৃষ্বিত্যত্র চতুর্থীং শোণিতপ্রকৃতিভূতবিস্রগন্ধিশোণিতার্তবার্তিং মন্যতে, তস্যা এব সাধ্যত্বাত্; ন তু কুণপগন্ধ্যার্তবার্তিং, তস্যাসাধ্যত্বাত্| কল্কাদযস্তু যোনিব্যাপত্সু কথিতা বাতাদিদোষহরদ্রব্যকৃতাঃ| আচমনং যোনিপ্রক্ষালনোদকং , তদপি বাতাদিদোষহরদ্রব্যকৃতম্| গ্রন্থীত্যাদি| দুর্গন্ধিপূযসঙ্কাশে পূতিগন্ধিপূযোপমে কফপিত্তদুষ্টে ইত্যর্থঃ| মজ্জতুল্যে ত্রিদোষমলিনে| তথাশব্দাদ্দুর্গন্ধে ইত্যত্রাপি যোজনীযং, তেন মূত্রপুরীষগন্ধিনীতি গম্যতে| গযী ত্বত্র “দুর্গন্ধে কুণপগন্ধিনি, পূযসঙ্কাশে পূতিপূযোপমে , মজ্জতুল্যে ত্রিদোষমলিনে” ইতি ব্যাখ্যাতি| ক্ষীণং চ প্রাগুক্তমিত্যগ্রে সূচযিষ্যতি| অত্র কুণপাদীনাং পঞ্চানামসাধ্যানামপি দুর্গন্ধাপনযনার্থং চিকিত্সিতপ্রতিপাদনং ন তু সর্বথা সিদ্ধ্যর্থং, তেষামসাধ্যত্বাত্| ভদ্রশ্রিযং শ্রীচন্দনং, চন্দনং রক্তচন্দনং; গযী তু ভদ্রশ্রিযং শ্বেতচন্দনং, চন্দনং গোশীর্ষাখ্যং চন্দনবরং নতু রক্তচন্দনং, তস্য হি গন্ধাপহরণশক্তেরভাবাত্| বাতাদিদুষ্টার্তবার্তিষ্বন্যামপি চিকিত্সামতিদেশেন নির্দিশন্নাহ- শুক্রদোষহরাণামিত্যাদি| শুক্রদোষহরাণাং স্নেহস্বেদাদিপূর্বাণাং, যথাস্বং যথাদোষম্| যোগানাং রসাযনবাজীকরণমূত্রদোষপ্রতিষেধোক্তানাম্| শেষাসু বাতাদ্যেকৈকদোষজনিতাস্বার্তবার্তিষু| শুদ্ধিকরণমবচারণং কার্যমিতি সম্বন্ধঃ| অশেষার্তবদুষ্টীনাং পথ্যমাহ- অন্নমিত্যাদি| অন্নং ভোজনার্থম্||১২-১৬||
Adhikarana 8 (17) · Śloka 17
শশাসৃক্প্রতিমং যত্তু যদ্বা লাক্ষারসোপমম্ | তদার্তবং প্রশংসন্তি যদ্বাসো ন বিরঞ্জযেত্ ||১৭||
शशासृक्प्रतिमं यत्तु यद्वा लाक्षारसोपमम् | तदार्तवं प्रशंसन्ति यद्वासो न विरञ्जयेत् ||१७||
🔊 Audio coming soon
অদুষ্টার্তবস্য লক্ষণমাহ- শশাসৃগিত্যাদি| যদার্তবং বাসঃ- স্থিতং শুষ্কমুদকপ্রক্ষালিতং বাসো ন বিরঞ্জযেত্ রাগোপেতং বস্ত্রং ন কুর্যাত্ তত্ প্রশংসন্তি, ‘গর্ভজননায’ ইতি শেষঃ||১৭||-
Adhikarana 9 (18-20) · Śloka 21
তদেবাতিপ্রসঙ্গেন প্রবৃত্তমনৃতাবপি | অসৃগ্দরং বিজানীযাদতোঽন্যদ্রক্তলক্ষণাত্ ||১৮|| অসৃগ্দরো ভবেত্ সর্বঃ সাঙ্গমর্দঃ সবেদনঃ | তস্যাতিবৃত্তৌ দৌর্বল্যং ভ্রমো মূর্চ্ছা তমস্তৃষা ||১৯|| দাহঃ প্রলাপঃ পাণ্ডুত্বং তন্দ্রা রোগাশ্চ বাতজাঃ | তরুণ্যা হিতসেবিন্যাস্তমল্পোপদ্রবং ভিষক্ ||২০|| রক্তপিত্তবিধানেন যথাবত্ সমুপাচরেত্ |২১|
तदेवातिप्रसङ्गेन प्रवृत्तमनृतावपि | असृग्दरं विजानीयादतोऽन्यद्रक्तलक्षणात् ||१८|| असृग्दरो भवेत् सर्वः साङ्गमर्दः सवेदनः | तस्यातिवृत्तौ दौर्बल्यं भ्रमो मूर्च्छा तमस्तृषा ||१९|| दाहः प्रलापः पाण्डुत्वं तन्द्रा रोगाश्च वातजाः | तरुण्या हितसेविन्यास्तमल्पोपद्रवं भिषक् ||२०|| रक्तपित्तविधानेन यथावत् समुपाचरेत् |२१|
🔊 Audio coming soon
তস্যৈবাতিপ্রবৃত্তস্যাসৃগ্দরত্বং, তত্র চ দোষদুষ্টিলক্ষণমাহ- তদেবাতিপ্রসঙ্গেনেত্যাদি| তদেব আর্তবমেব, ন তু রক্তপিত্তম্| ঋতাবতিপ্রসঙ্গেনেতি অতিপ্রাচুর্যেণ দীর্ঘকালানুবন্ধেন বা (চ), প্রবৃত্তং স্রুতম্| ন পরমৃতাবেবেত্যাহ- অনৃতাবপীতি|- অনৃতাবল্পমপ্যদীর্ঘকালমপি প্রবৃত্তমসৃগ্দরং বিজানীযাত্| কিংস্বরূপং তদিত্যাহ- অত ইত্যাদি| অত এতস্মাত্ শশাসৃক্প্রতিমমিত্যাদিবাক্যপ্রতিপাদিতাদ্রক্তলক্ষণাত্, অন্যত্ অন্যাদৃক্লক্ষণং ‘ফেনিলং শীঘ্রমচ্ছম্’ (সূ.১৪) ইত্যাদিবাক্যেন শোণিতবর্ণনীযে যাদৃশমভিহিতং তাদৃশমিত্যর্থঃ| দোষানুবন্ধকৃতং লক্ষণমতিদেশেন নির্দিশ্য ব্যাধিস্বভাবকৃতং সামান্যং লক্ষণমাহ- অসৃগিত্যাদি| অঙ্গমর্দো বেদনাবিশেষঃ| সবেদনঃ সশূলঃ| তস্যাতিস্রুতস্য লক্ষণমাহ- তস্যেত্যাদি| অতিবৃত্তৌ অতিপ্রবৃত্তাবিত্যর্থঃ| তমোঽন্ধকারদর্শনং, শ্বাসো বা| প্রলাপোঽসম্বদ্ধভাষণম্| তন্দ্রা নিদ্রাভেদঃ| বাতজা রোগা আক্ষেপকাদযঃ| যস্যা যদ্রূপং যাদৃশেন প্রকারেণোপচরণীযং তদাহ- তরুণ্যা ইত্যাদি| তরুণ্যাঃ ষোডশবর্ষপ্রাপ্তাযাঃ, হিতসেবিন্যাঃ পথ্যাশিন্যাঃ||১৮-২০||-
Adhikarana 10 (21-23) · Śloka 23
দোষৈরাবৃতমার্গত্বাদার্তবং নশ্যতি স্ত্রিযাঃ ||২১|| তত্র মত্স্যকুলত্থাম্লতিলমাষসুরা হিতাঃ | পানে মূত্রমুদশ্বিচ্চ দধি শুক্তং চ ভোজনে ||২২|| ক্ষীণং প্রাগীরিতং রক্তং সলক্ষণচিকিত্সিতম্ | তথাঽপ্যত্র বিধাতব্যং বিধানং নষ্টরক্তবত্ ||২৩||
दोषैरावृतमार्गत्वादार्तवं नश्यति स्त्रियाः ||२१|| तत्र मत्स्यकुलत्थाम्लतिलमाषसुरा हिताः | पाने मूत्रमुदश्विच्च दधि शुक्तं च भोजने ||२२|| क्षीणं प्रागीरितं रक्तं सलक्षणचिकित्सितम् | तथाऽप्यत्र विधातव्यं विधानं नष्टरक्तवत् ||२३||
🔊 Audio coming soon
অতিপ্রবৃত্তিলক্ষণামার্তবস্য বিকৃতিং নির্দিশ্যাপ্রবৃত্তিলক্ষণাং সচিকিত্সিতাং নির্দিশন্নাহ- দোষৈরিত্যাদি| অত্র দোষাঃ কফো বাযুর্বাতকফৌ চ; ন তু পিত্তং, পিত্তবৃদ্ধৌ তস্যাতিপ্রবৃত্তিবৃদ্ধ্যোরুক্তত্বাত্, কুলত্থাদিবাতকফহরদ্রব্যাবচারণাচ্চ| নশ্যতীতি প্রবর্তমানং ন দৃশ্যতে, ন তু সর্বথা ক্ষযং যাতি| অম্লং কাঞ্জিকং, মূত্রং গোমূত্রম্| উদশ্বিত্ অর্ধোদকং তক্রম্| শুক্তং চুক্রম্| পুনরুক্তিশঙ্কাং নিরস্যন্নাহ- ক্ষীণমিত্যাদি| যদ্যপি প্রাগ্দোষধাতুমলক্ষযবৃদ্ধিবিজ্ঞানীযে ক্ষীণলক্ষণং সচিকিত্সিতমভিহিতং, তথাঽপ্যত্রোপাদানান্নষ্টরক্তবন্নষ্টার্তববিধানং কর্তব্যম্| রক্তমার্তবরক্তম্||২১-২৩||
Adhikarana 11 (24) · Śloka 24
এবমদুষ্টশুক্রঃ শুদ্ধার্তবা চ ||২৪||
एवमदुष्टशुक्रः शुद्धार्तवा च ||२४||
🔊 Audio coming soon
প্রকরণপ্রযোজনমুপসংহরন্নাহ- এবমিত্যাদি| এবং পূর্বোক্তেন প্রকারেণ, অদুষ্টশুক্রঃ পুরুষঃ, শুদ্ধার্তবা চ স্ত্রী, ‘ভবতি’ ইত্যত্রাধ্যাহারঃ||২৪||
Adhikarana 12 (25-30) · Śloka 30
ঋতৌ প্রথমদিবসাত্ প্রভৃতি ব্রহ্মচারিণী দিবাস্বপ্নাঞ্জনাশ্রুপাতস্নানানুলেপনাভ্যঙ্গনখচ্ছেদনপ্রধাবনহসনকথনাতিশব্দশ্রবণাবলেখনানিলাযাসান্ পরিহরেত্ | কিং কারণং? দিবা স্বপন্ত্যাঃ স্বাপশীলঃ, অঞ্জনাদন্ধঃ, রোদনাদ্বিকৃতদৃষ্টিঃ, স্নানানুলেপনাদ্দুঃখশীলঃ , তৈলাভ্যঙ্গাত্ কুষ্ঠী, নখাপকর্তনাত্ কুনখী, প্রধাবনাচ্চঞ্চলঃ, হসনাচ্ছ্যাবদন্তৌষ্ঠতালুজিহ্বঃ, প্রলাপী চাতিকথনাত্ , অতিশব্দশ্রবণাদ্বধিরঃ, অবলেখনাত্ খলতিঃ, মারুতাযাসসেবনাদুন্মত্তো গর্ভো ভবতীত্যেবমেতান্ পরিহরেত্ | দর্ভসংস্তরশাযিনীং করতলশরাবপর্ণান্যতমভোজিনীং হবিষ্যং, ত্র্যহং চ ভর্তুঃ সংরক্ষেত্ | ততঃ শুদ্ধস্নাতাং চতুর্থেঽহন্যহতবাসঃসমলঙ্কৃতাং কৃতমঙ্গলস্বস্তিবাচনাং ভর্তারং দর্শযেত্ | তত্ কস্য হেতোঃ? ||২৫|| পূর্বং পশ্যেদৃতুস্নাতা যাদৃশং নরমঙ্গনা | তাদৃশং জনযেত্ পুত্রং ভর্তারং দর্শযেদতঃ ||২৬|| ততো বিধানং পুত্রীযমুপাধ্যাযঃ সমাচরেত্ | কর্মান্তে চ ক্রমং হ্যেতমারভেত বিচক্ষণঃ ||২৭|| ততোঽপরাহ্ণে পুমান্ মাসং ব্রহ্মচারী সর্পিঃস্নিগ্ধঃ সর্পিঃক্ষীরাভ্যাং শাল্যোদনং ভুক্ত্বা মাসং ব্রহ্মচারিণীং তৈলস্নিগ্ধাং তৈলমাষোত্তরাহারাং নারীমুপেযাদ্রাত্রৌ সামভিরভিবিশ্বাস্য ; বিকল্প্যৈবং চতুর্থ্যাং ষষ্ঠ্যামষ্টম্যাং দশম্যাং দ্বাদশ্যাং চোপেযাদিতি পুত্রকামঃ ||২৮|| এষূত্তরোত্তরং বিদ্যাদাযুরারোগ্যমেব চ | প্রজাসৌভাগ্যমৈশ্বর্যং বলং চ দিবসেষু বৈ ||২৯|| অতঃ পরং পঞ্চম্যাং সপ্তম্যাং নবম্যামেকাদশ্যাং চ স্ত্রীকামঃ; ত্রযোদশীপ্রভৃতযো নিন্দ্যাঃ ||৩০||
ऋतौ प्रथमदिवसात् प्रभृति ब्रह्मचारिणी दिवास्वप्नाञ्जनाश्रुपातस्नानानुलेपनाभ्यङ्गनखच्छेदनप्रधावनहसनकथनातिशब्दश्रवणावलेखनानिलायासान् परिहरेत् | किं कारणं? दिवा स्वपन्त्याः स्वापशीलः, अञ्जनादन्धः, रोदनाद्विकृतदृष्टिः, स्नानानुलेपनाद्दुःखशीलः , तैलाभ्यङ्गात् कुष्ठी, नखापकर्तनात् कुनखी, प्रधावनाच्चञ्चलः, हसनाच्छ्यावदन्तौष्ठतालुजिह्वः, प्रलापी चातिकथनात् , अतिशब्दश्रवणाद्बधिरः, अवलेखनात् खलतिः, मारुतायाससेवनादुन्मत्तो गर्भो भवतीत्येवमेतान् परिहरेत् | दर्भसंस्तरशायिनीं करतलशरावपर्णान्यतमभोजिनीं हविष्यं, त्र्यहं च भर्तुः संरक्षेत् | ततः शुद्धस्नातां चतुर्थेऽहन्यहतवासःसमलङ्कृतां कृतमङ्गलस्वस्तिवाचनां भर्तारं दर्शयेत् | तत् कस्य हेतोः? ||२५|| पूर्वं पश्येदृतुस्नाता यादृशं नरमङ्गना | तादृशं जनयेत् पुत्रं भर्तारं दर्शयेदतः ||२६|| ततो विधानं पुत्रीयमुपाध्यायः समाचरेत् | कर्मान्ते च क्रमं ह्येतमारभेत विचक्षणः ||२७|| ततोऽपराह्णे पुमान् मासं ब्रह्मचारी सर्पिःस्निग्धः सर्पिःक्षीराभ्यां शाल्योदनं भुक्त्वा मासं ब्रह्मचारिणीं तैलस्निग्धां तैलमाषोत्तराहारां नारीमुपेयाद्रात्रौ सामभिरभिविश्वास्य ; विकल्प्यैवं चतुर्थ्यां षष्ठ्यामष्टम्यां दशम्यां द्वादश्यां चोपेयादिति पुत्रकामः ||२८|| एषूत्तरोत्तरं विद्यादायुरारोग्यमेव च | प्रजासौभाग्यमैश्वर्यं बलं च दिवसेषु वै ||२९|| अतः परं पञ्चम्यां सप्तम्यां नवम्यामेकादश्यां च स्त्रीकामः; त्रयोदशीप्रभृतयो निन्द्याः ||३०||
🔊 Audio coming soon
ঋতৌ পুত্রীযমাচারং নির্দিশন্নাহ - ঋতাবিত্যাদি| ঋতুকালে প্রথমদিবসং মর্যাদীকৃত্য নারী ব্রহ্মচারিণী স্যাত্| ঋতুদর্শনাত্ পূর্বং মাসং ব্রহ্মচর্যস্য বক্ষ্যমাণস্য বিশিষ্টপ্রজোত্পাদনং প্রযোজনম্| অস্মিংশ্চ ঋতুদর্শনে দিনত্রযং ব্রহ্মচর্যস্য স্বযমেবাচার্যোঽগ্রে প্রযোজনং কথযিষ্যতি| দিবাস্বপ্নাদীংশ্চ পরিহরেত্| অতিকথনং বহুভাষণম্| অবলেখনং কঙ্কতিকাদিনা কেশসম্মার্জনম্| আযাসঃ কষ্টম্| কিং কারণমিত্যাদি| উন্মত্তো বাতলঃ| পরিহার্যমুক্ত্বা ভর্তারং প্রতি নার্যাঃ করণীযং নির্দিশন্নাহ- দর্ভেত্যাদি| হবিষ্যং সঘৃতশাল্যোদনাদি ক্ষীরসংস্কৃতং, যবান্নমিত্যেকে| ভর্তুঃ সংরক্ষেত্ ‘বৈদ্য’ ইতি শেষঃ, তস্মৈ দর্শনমপি ন দাপযেদিত্যর্থঃ| তত ইত্যাদি| শুদ্ধা জীর্ণশোণিতাপগমেন, অনন্তরং স্নাতা; তদুক্তং- “নবে ঋতৌ চ সঞ্জাতে বিগতে জীর্ণশোণিতে| নারী ভবতি সংশুদ্ধা পুংসা সংসৃজ্যতে তদা”- ইতি| দর্শযেদিত্যত্র ‘বৈদ্য’ ইতি শেষঃ| তত্ কস্য হেতোরিত্যত্র তচ্ছব্দঃ সম্বোধনে, তেনাহো কস্য হেতোঃ| অন্যে তু ‘অত্রাপি’ ইতি প্রশ্নার্থং পঠন্তি| তত্রাপি প্রশ্নে| পূর্বমিত্যাদি| পুত্রেভ্যো হিতং পুত্রীযমিতি| গযী তু “তত্রাচার্যো ব্রাহ্মণপ্রযুক্তোঽনুপহতাশ্বেতবস্ত্রেণ সংবীতশ্চার্ষভে চর্মণ্যুপবিষ্টো, রাজন্যপ্রযুক্তো বৈযাঘ্রে আনডুহে বা, বৈশ্যপ্রযুক্তো রৌরবে, শূদ্রপ্রযুক্তো বাস্তে বা, চতুর্হস্তং স্থণ্ডিলমুপলিপ্যোল্লিখ্য দর্ভৈরাস্তীর্য বেণুযূপং দক্ষিণেন ব্রহ্মাণং ব্যবস্থাপ্য শুক্লকুসুমগন্ধবলিভিরভ্যর্চ্যাগ্নিং প্রণীয সংস্কৃত্য পালাশীভিঃ সমিদ্ভিরগ্নিমুপসমাধায মন্ত্রোদকপূর্ণপাত্রমগ্নেরগ্রেস্থাপযিত্বা পুত্রজন্মাশাস্যাজ্যং জুহুযান্মহাব্যাহৃতিভিঃ, যোষিচ্চ পুত্রার্থিনী সহ ভর্ত্রা পশ্চিমতোঽগ্নেঃ ঋত্বিজো দক্ষিণতঃ সমুপবিশেত্, ততোঽস্যা ব্রাহ্মণঃ প্রজাপতিমুদ্দিশ্য যথাভিলষিতসম্পাদনায মনসা যোনৌ কাম্যামিষ্টিং নির্বপেত্, অনযোর্বিষ্ণুর্যোনিং কল্পযতু ত্বষ্টা রূপাণি নিবিশত্বিতি; ততঃ স্থালীপাকমভিধার্য ত্রির্জুহুযাত্, যথাম্নাযং চোপমন্ত্রিতমুদকপাত্রমস্মৈ দদ্যাত্, সর্বানুদকার্থান্ কুরুষ্বেতি; ততঃ সমাপ্তে কর্মণি পূর্বং দক্ষিণং পাদমভিহনন্তী প্রদক্ষিণমগ্নিমুপক্রমেত্, ততঃ পরিক্রম্য ব্রাহ্মণান্ স্বস্তি বাচযিত্বা সহ ভর্ত্রা আজ্যশেষং প্রাশ্নীযাত্, পূর্বং পুমান্, জঘন্যং স্ত্রী, ন চোচ্ছিষ্টমবশেষযেদিতি পুত্রীযবিধানম্”- ইতি| কর্মান্তে পুত্রীযবিধানান্তে, এতং ক্রমং বক্ষ্যমাণম্| তমেব ক্রমং বক্তুমাহ- ততোঽপরাহ্ণে ইত্যাদি| পুংসো মাসব্রহ্মচারিত্বেন স্ত্রিযা অপি ব্রহ্মচারিত্বে লব্ধে মাসং ব্রহ্মচারিণীমিতি যদুক্তং তন্মনঃসঙ্কল্পমাত্রস্যাপি নিরাসার্থম্| তৈলমাষোত্তরাহারাং তৈলমাষপ্রধানাহারাম্| উপেযাত্ গচ্ছেত্| সামান্যাপত্যজননকালমৃতুসঞ্জ্ঞং নির্দিশ্যাপত্যবিশেষজননসমর্থকালমুদ্দিশন্নাহ- বিকল্প্যৈবমিত্যাদি| এষু দিবসেষূত্তরোত্তরমাযুরিত্যাদিকং বিদ্যাদিত্যেবং বিকল্প্য বিচার্য চতুর্থ্যাদিষু রাত্রিষু নারীমুপেযাত্| অতঃ পরং পঞ্চম্যাং সপ্তম্যাং নবম্যামেকাদশ্যাং চ স্ত্রীকামঃ, উপেযাদিত্যত্রাপি সম্বধ্যতে||২৫-৩০||
Adhikarana 13 (31) · Śloka 31
তত্র প্রথমে দিবসে ঋতুমত্যাং মৈথুনগমনমনাযুষ্যং পুংসাং ভবতি, যশ্চ তত্রাধীযতে গর্ভঃ স প্রসবমানো বিমুচ্যতে ; দ্বিতীযেঽপ্যেবং সূতিকাগৃহে বা; তৃতীযেঽপ্যেবমসম্পূর্ণাঙ্গোঽল্পাযুর্বা ভবতি; চতুর্থে তু সম্পূর্ণাঙ্গো দীর্ঘাযুশ্চ ভবতি | ন চ প্রবর্তমানে রক্তে বীজং প্রবিষ্টং গুণকরং ভবতি, যথা নদ্যাং প্রতিস্রোতঃ প্লাবিদ্রব্যং প্রক্ষিপ্তং প্রতিনিবর্ততে নোর্ধ্বং গচ্ছতি তদ্বদেতদ্দ্রষ্টব্যম্ | তস্মান্নিযমবতীং ত্রিরাত্রং পরিহরেত্ | অতঃ পরং মাসাদুপেযাত্ ||৩১||
तत्र प्रथमे दिवसे ऋतुमत्यां मैथुनगमनमनायुष्यं पुंसां भवति, यश्च तत्राधीयते गर्भः स प्रसवमानो विमुच्यते ; द्वितीयेऽप्येवं सूतिकागृहे वा; तृतीयेऽप्येवमसम्पूर्णाङ्गोऽल्पायुर्वा भवति; चतुर्थे तु सम्पूर्णाङ्गो दीर्घायुश्च भवति | न च प्रवर्तमाने रक्ते बीजं प्रविष्टं गुणकरं भवति, यथा नद्यां प्रतिस्रोतः प्लाविद्रव्यं प्रक्षिप्तं प्रतिनिवर्तते नोर्ध्वं गच्छति तद्वदेतद्द्रष्टव्यम् | तस्मान्नियमवतीं त्रिरात्रं परिहरेत् | अतः परं मासादुपेयात् ||३१||
🔊 Audio coming soon
তত্রেত্যাদি| তত্রেতি প্রথমদিবসে| বিমুচ্যতে ‘প্রাণৈঃ’ ইতি শেষঃ| দ্বিতীযে ইত্যাদি| এবমিতি পূর্বোক্তং ভবতীত্যর্থঃ| সূতিকাগৃহে বা দশদিবসাভ্যন্তরং বা গর্ভঃ প্রাণৈর্বিমুচ্যত ইত্যর্থঃ| ন চ প্রবর্তমানে ইত্যাদি| প্রতিস্রোতঃ ধারাসম্মুখমিত্যর্থঃ| প্লাবিদ্রব্যং প্রতরণশীলং বস্তু| প্রতিনিবর্ততে ব্যাঘুটতি| গযী তু ‘তত্র প্রথমদিবসে’ ইত্যাদি ‘তস্মান্নিযমবতীং ত্রিরাত্রং পরিহরেত্’ ইতি যাবদ্গ্রন্থমগ্রেতনেঽধ্যাযে ‘ঋতুস্তু দ্বাদশরাত্রং ভবতি দৃষ্টার্তবঃ’ ইত্যস্যাগ্রে পঠতি| অতঃ পরমিত্যাদি| মাসাদিতি ‘ঊর্ধ্বম্’ ইতি শেষঃ| অর্বাগ্গমনং তু গর্ভদ্বারবিঘট্টনেন স্থিতমপি গর্ভং চ্যাবযতি| কেচিত্তু ‘অতঃ পরং মাসাদুপেযাত্’ ইত্যত্র ‘পরতস্তু পুষ্পদর্শনেনাগর্ভলাভনিশ্চয এব, লব্ধগর্ভাং তু নৈব’ ইতি পঠন্তি, ‘উপেযাত্’ ইত্যধ্যাহৃত্য চ ব্যাখ্যানযন্তি||৩১||
Adhikarana 14 (32) · Śloka 32
লব্ধগর্ভাযাশ্চৈতেষ্বহঃসু লক্ষ্মণাবটশুঙ্গসহদেবাবিশ্বদেবানামন্যতমাং ক্ষীরেণাভিষুত্য ত্রীংশ্চতুরো বা বিন্দূন্ দদ্যাদ্দক্ষিণে নাসাপুটে পুত্রকামাযৈ , ন চ তান্নিষ্ঠীবেত্ ||৩২||
लब्धगर्भायाश्चैतेष्वहःसु लक्ष्मणावटशुङ्गसहदेवाविश्वदेवानामन्यतमां क्षीरेणाभिषुत्य त्रींश्चतुरो वा बिन्दून् दद्याद्दक्षिणे नासापुटे पुत्रकामायै , न च तान्निष्ठीवेत् ||३२||
🔊 Audio coming soon
লব্ধগর্ভাযা ইত্যাদি| লক্ষ্মণালক্ষণং তু- “পুত্রকাকারক্তাল্পবিন্দুভির্লাঞ্ছিতচ্ছদা| লক্ষ্মণা পুত্রজননী বস্তগন্ধাকৃতির্ভবেত্- ” ইতি| তাং চ শরত্কালে পুষ্পফলোপেতাং দৃষ্ট্বাশনিদিনে সন্ধ্যাযাং তস্যাশ্চতুর্ভাগেষু খদিরকীলকান্নিখাযাপরেদ্যুর্হস্তমূলপুষ্যৈর্যোগং গতে দিবাকরে মন্ত্রবদ্গৃহীত্বা সমানবর্ণবত্সাযা গোঃ ক্ষীরেণ যথাবিধি নস্যং দদ্যাত্| বটশুঙ্গো বটপ্ররোহঃ| সহদেবা বলাভেদঃ পীতপুষ্পা ‘কাঙ্কহী’ ইতি লোকে| বিশ্বদেবা গাঙ্গেরুকী ‘গুডশর্করা’ ইতি লোকে, অন্যে সিতকুসুমাং বলামাহুঃ| অভিষুত্য পেষযিত্বা| ন চ তান্ নিষ্ঠীবেত্ ন থুত্কুর্যাত্| চকারাদলব্ধগর্ভাযাঃ পূর্বমেব লক্ষ্মণাদীনাং নস্যদানং সহস্রাভিহুতং গর্ভগ্রহণায পশ্চাদ্গ্রাম্যধর্মসেবনমিতি| তদুক্তং তন্ত্রান্তরং- “পূর্বমৌষধং সহস্রাভিহুতং কৃত্বা মঙ্গল্যদেশে গোঃ ক্ষীরেণ পেষযিত্বা তস্মাত্ ত্রীন্ বিন্দূন্ দক্ষিণে নাসাপুটে দদ্যাত্, ন নিষ্ঠীবেত্তান্ কণ্ঠপ্রাপ্তান্, সা পঞ্চদিনানি পযসোদনমশ্নীযাত্, তদূর্ধ্বং গ্রাম্যধর্মসেবনম্”- ইতি| লব্ধগর্ভাযাশ্চ লক্ষ্মণাদিনস্যদানং গর্ভস্থাপনার্থং, স্থিতগর্ভাযাশ্চ মাসত্রযাল্পান্তরে পুত্রাপত্যজননার্থং নস্যদানমিতি||৩২||
Adhikarana 15 (33) · Śloka 33
ধ্রুবং চতুর্ণাং সান্নিধ্যাদ্গর্ভঃ স্যাদ্বিধিপূর্বকম্ | ঋতুক্ষেত্রাম্বুবীজানাং সামগ্র্যাদঙ্কুরো যথা ||৩৩||
ध्रुवं चतुर्णां सान्निध्याद्गर्भः स्याद्विधिपूर्वकम् | ऋतुक्षेत्राम्बुबीजानां सामग्र्यादङ्कुरो यथा ||३३||
🔊 Audio coming soon
নাত্রৈকমেব শুক্রশোণিতং গর্ভজননং কিং তর্হি সামগ্র্যেবেতি দর্শযন্নাহ- ধ্রুবমিত্যাদি| যথা- ঋতুক্ষেত্রাম্বুবীজানাং সামগ্র্যাদনুপঘাতাদঙ্কুরো জাযতে, এবং ধ্রুবং নিশ্চিতং চতুর্ণামৃত্বাদীনাং নৈকদ্বিত্রিসঙ্খ্যানাং বিধিপূর্বকং সান্নিধ্যাদ্যথোক্তসংযোগাদ্গর্ভো জাযতে| ঋতুরঙ্গনাযা রজঃসমযঃ, ক্ষেত্রং গর্ভাশযঃ, অম্বু পুনরাহারপাকজো ব্যাপী রসধাতুঃ, বীজং স্ত্রীপুংসযোরার্তবশুক্রে||৩৩||
Adhikarana 16 (34) · Śloka 34
এবং জাতা রূপবন্তঃ সত্ত্ববন্তশ্চিরাযুষঃ | ভবন্ত্যৃণস্য মোক্তারঃ সত্পুত্রাঃ পুত্রিণে হিতাঃ ||৩৪||
एवं जाता रूपवन्तः सत्त्ववन्तश्चिरायुषः | भवन्त्यृणस्य मोक्तारः सत्पुत्राः पुत्रिणे हिताः ||३४||
🔊 Audio coming soon
বিধিপূর্বকস্য গর্ভস্য ফলং দর্শযন্নাহ- এবমিত্যাদি| রূপমত্রাবযবসন্নিবেশো লোচনসুখপ্রদঃ| সত্ত্ববন্তো রজস্তমোভ্যামনভিভূতাঃ| ঋণস্য মোক্তার ইতি পিতৄণামৃণত্রযমোক্ষণশীলাঃ| সত্পুত্রা ইতি সাধবঃ পুত্রাঃ||৩৪||
Adhikarana 17 (35) · Śloka 35
তত্র তেজোধাতুর্বর্ণানাং প্রভবঃ, স যদা গর্ভোত্পত্তাবব্ধাতুপ্রাযো ভবতি তদা গর্ভং গৌরং করোতি, পৃথিবীধাতুপ্রাযঃ কৃষ্ণং, পৃথিব্যাকাশধাতুপ্রাযঃ কৃষ্ণশ্যামং, তোযাকাশধাতুপ্রাযো গৌরশ্যামম্ | ‘যাদৃগ্বর্ণমাহারমুপসেবতে গর্ভিণী তাদৃগ্বর্ণপ্রসবা ভবতি’ ইত্যেকে ভাষন্তে | তত্র দৃষ্টিভাগমপ্রতিপন্নং তেজো জাত্যন্ধং করোতি, তদেব রক্তানুগতং রক্তাক্ষং, পিত্তানুগতং পিঙ্গাক্ষং, শ্লেষ্মানুগতং শুক্লাক্ষং, বাতানুগতং বিকৃতাক্ষমিতি ||৩৫||
तत्र तेजोधातुर्वर्णानां प्रभवः, स यदा गर्भोत्पत्तावब्धातुप्रायो भवति तदा गर्भं गौरं करोति, पृथिवीधातुप्रायः कृष्णं, पृथिव्याकाशधातुप्रायः कृष्णश्यामं, तोयाकाशधातुप्रायो गौरश्यामम् | ‘यादृग्वर्णमाहारमुपसेवते गर्भिणी तादृग्वर्णप्रसवा भवति’ इत्येके भाषन्ते | तत्र दृष्टिभागमप्रतिपन्नं तेजो जात्यन्धं करोति, तदेव रक्तानुगतं रक्ताक्षं, पित्तानुगतं पिङ्गाक्षं, श्लेष्मानुगतं शुक्लाक्षं, वातानुगतं विकृताक्षमिति ||३५||
🔊 Audio coming soon
এবংবিধপূর্বজন্মানাং রূপবত্ত্বমুক্ত্বা, রূপং চ তৈজসবর্ণাদিপ্রভাস্বরত্বমতো বর্ণসম্ভবহেতুং দর্শযন্নাহ- তত্রেত্যাদি| তেজোধাতুঃ তেজোভূতম্| বর্ণানাং প্রভবঃ কারণম্| স তেজোধাতুঃ| গর্ভোত্পত্তৌ গর্ভাধানকালে, যদা অব্ধাতুপ্রাযো ভবতি আপ্যধাতুবহুলো ভবতীত্যর্থঃ| একীযমতমাহ- যাদৃগিত্যাদি| তেজোধাতুরূপবর্ণপ্রসঙ্গেনৈতন্মযাদ্যধিষ্ঠানবিকৃত্যা জাত্যন্ধরক্তপিঙ্গশুক্লবিকৃতাক্ষাণাং সম্ভবং দর্শযন্নাহ- তত্র দৃষ্টীত্যাদি| চতুর্থে মাসি কস্যচিত্ পূর্বকর্মবশাদ্দৃষ্টিভাগং চক্ষুরিন্দ্রিযাধিষ্ঠানম্, অপ্রতিপন্নমপ্রাপ্তং তেজো, জাত্যন্ধং জন্মান্ধং করোতি||৩৫||
Adhikarana 18 (36) · Śloka 36
ভবন্তি চাত্র- ঘৃতপিণ্ডো যথৈবাগ্নিমাশ্রিতঃ প্রবিলীযতে | বিসর্পত্যার্তবং নার্যাস্তথা পুংসাং সমাগমে ||৩৬||
भवन्ति चात्र- घृतपिण्डो यथैवाग्निमाश्रितः प्रविलीयते | विसर्पत्यार्तवं नार्यास्तथा पुंसां समागमे ||३६||
🔊 Audio coming soon
ননু, পুরাণমার্তবমুপচযাদ্দিনত্রযং স্রুত্বা স্বযমেব বিনিবৃত্তং, নূতনং ত্বল্পং স্ত্যানীভূতমিব প্রবর্তিতুমক্ষমং, তত্ কথমার্তবসঞ্চারো যেন তত্সংসৃষ্টং শুক্রং গর্ভজননসমর্থং ভবতীত্যাশঙ্ক্যাহ- ঘৃতেত্যাদি| পুংসাং সমাগমে ইন্দ্রিযদ্বযসঙ্ঘর্ষজেনোষ্মণা বিলীনমার্তবং বিসর্পতি| তচ্চ বিসর্পিতং শুক্রোপগতং গর্ভাশযমনুপ্রাপ্তং জীবোপগতং গর্ভসম্ভবহেতুর্ভবতি| আর্তবমৃতুকালজং শোণিতং, শুক্রমপ্যাসাং পুংসাং সমাগমে ক্ষরতি, ন তু তদ্গর্ভোপযোগীতি তত্ক্ষরণপ্রতিপাদনং ন যুক্তম্| তথাচ বৃদ্ধবাগ্ভটঃ- “যোষিতোঽপি স্রবন্ত্যেব শুক্রং পুংসাং সমাগমে| তন্ন গর্ভস্য কিঞ্চিত্তু করোতীতি ন চিন্ত্যতে”- (অ. সং. শা. ১)| ইতি||৩৬||
Adhikarana 19 (37) · Śloka 37
বীজেঽন্তর্বাযুনা ভিন্নে দ্বৌ জীবৌ কুক্ষিমাগতৌ | যমাবিত্যভিধীযেতে ধর্মেতরপুরঃসরৌ ||৩৭||
बीजेऽन्तर्वायुना भिन्ने द्वौ जीवौ कुक्षिमागतौ | यमावित्यभिधीयेते धर्मेतरपुरःसरौ ||३७||
🔊 Audio coming soon
গর্ভদ্বযোত্পত্তিহেতুমাহ- বীজে ইত্যাদি| ধর্মেতরপুরঃসরৌ ধর্মাধর্মপুরোগামিনৌ| গযী তু, ধর্মেতরোঽধর্মঃ, তত্পুরঃসরৌ অধর্মপুরোগামিনৌ; ন তু ধর্মাধর্মপুরঃসরৌ; যতঃ শ্রুতিস্মৃতিষ্বধর্মাদেব যমোত্পত্তিরিষ্টা; অত এব তদুত্পত্তৌ প্রাযশ্চিত্তমপ্যুপদিষ্টমিতি ব্যাখ্যাতি||৩৭||
Adhikarana 20 (38) · Śloka 38
পিত্রোরত্যল্পবীজত্বাদাসেক্যঃ পুরুষো ভবেত্ | স শুক্রং প্রাশ্য লভতে ধ্বজোচ্ছ্রাযমসংশযম্ ||৩৮||
पित्रोरत्यल्पबीजत्वादासेक्यः पुरुषो भवेत् | स शुक्रं प्राश्य लभते ध्वजोच्छ्रायमसंशयम् ||३८||
🔊 Audio coming soon
পিত্রোরিত্যাদি| পিত্রোঃ পিতৃমাত্রোরত্যল্পবীজত্বাদাসেক্যঃ পুরুষো ভবেত্ আসেক্যো নাম পুরুষো জাযতে| স শুক্রং প্রাশ্যেতি স পুরুষোঽন্যপুরুষান্নিজমুখেন ব্যবাযং কারযিত্বা ততঃ সিক্তং শুক্রং প্রাশ্য আস্বাদ্য ধ্বজোচ্ছ্রাযং লিঙ্গোত্থানং লভতে; আসেক্যনামাঽযং ষণ্ঢো মুখযোন্যপরপর্যাযঃ||৩৮||
Adhikarana 21 (39) · Śloka 39
যঃ পূতিযোনৌ জাযেত স সৌগন্ধিকসঞ্জ্ঞিতঃ | স যোনিশেফসোর্গন্ধমাঘ্রায লভতে বলম্ ||৩৯||
यः पूतियोनौ जायेत स सौगन्धिकसञ्ज्ञितः | स योनिशेफसोर्गन्धमाघ्राय लभते बलम् ||३९||
🔊 Audio coming soon
যঃ পূতিযোনাবিত্যাদি| যোনিশেফসোর্গন্ধমাঘ্রায সিঙ্ঘিত্বা; অযং সৌগন্ধিকনামা ষণ্ঢো নাসাযোন্যপরপর্যাযঃ||৩৯||
Adhikarana 22 (40) · Śloka 40
স্বে গুদেঽব্রহ্মচর্যাদ্যঃ স্ত্রীষু পুংবত্ প্রবর্ততে | কুম্ভীকঃ স তু বিজ্ঞেযঃ... |৪০|
स्वे गुदेऽब्रह्मचर्याद्यः स्त्रीषु पुंवत् प्रवर्तते | कुम्भीकः स तु विज्ञेयः... |४०|
🔊 Audio coming soon
স্বে গুদে ইত্যাদি| যঃ পুরুষঃ স্বে গুদে স্বকীযপাযৌ, অব্রহ্মচর্যাত্ অন্যপুরুষপার্শ্বাদ্ব্যবাযং কারযিত্বা পশ্চাত্ স্ত্রীষু বিষযে পুমানিব প্রবর্ততে পুরুষবদ্ব্যবাযং করোতি স কুম্ভীকনামা ষণ্ঢো জ্ঞেযঃ| অন্যে তু “প্রথমং স্ত্রীষু বিষযে তাসামেব স্বকীযগুদবিবরে পশুবত্ পৃষ্ঠভাগে শিথিলেনৈব মেহনেন প্রবর্ততে| কিন্নিমিত্তমেতদিত্যাহ- ব্রহ্মচর্যাত্ ক্লৈব্যবশসঞ্জাতাপ্রবৃত্তিত্বাত্| ততশ্চানযা বিপ্রকৃত্যা ধ্বজোচ্ছ্রাযে সঞ্জাতে স এব স্ত্রীষু পুরুষবত্ প্রবর্ততে স কুম্ভীকনামা নপুংসকভেদঃ”| গুদযোনিরযম্| অস্যোত্পত্তিহেতুস্তন্ত্রান্তরে বর্ণিতো যথা- “মাতুর্ব্যবাযপ্রতিঘেন বক্রী স্যাদ্বীজদৌর্বল্যতযা পিতুশ্চ” (চ.শা.১) ইতি| গযী তু কুম্ভীকোত্পত্তিহেতৌ কাশ্যপোক্তং শ্লোকমাহ| যথা- “অরজস্কাং যদা নারীং শ্লেষ্মরেতা ব্রজেদৃতৌ| অন্যসক্তা ভবেত্ প্রীতির্জাযতে কুম্ভিলস্তদা” ইতি||৪০||-
Adhikarana 23 (40-41) · Śloka 41
...ঈর্ষ্যকং শৃণু চাপরম্ ||৪০|| দৃষ্ট্বা ব্যবাযমন্যেষাং ব্যবাযে যঃ প্রবর্ততে | ঈর্ষ্যকঃ স তু বিজ্ঞেযঃ,... |৪১|
...ईर्ष्यकं शृणु चापरम् ||४०|| दृष्ट्वा व्यवायमन्येषां व्यवाये यः प्रवर्तते | ईर्ष्यकः स तु विज्ञेयः,... |४१|
🔊 Audio coming soon
ঈর্ষ্যকমিত্যাদি| দৃগ্যোনিরযমীর্ষ্যকাপরপর্যাযঃ| অত্রাপি তন্ত্রান্তরপঠিতো হেতুর্যথা- “ঈর্ষ্যাভিভূতাবপি মন্দহর্ষাবীর্ষ্যাহ্বযস্যাপি বদন্তি হেতুম্”- (চ.শা.২) ইতি||৪০-৪১||-
Adhikarana 24 (41-42) · Śloka 42
...ষণ্ঢকং শৃণু পঞ্চমম্ ||৪১|| যো ভার্যাযামৃতৌ মোহাদঙ্গনেব প্রবর্ততে | ততঃ স্ত্রীচেষ্টিতাকারো জাযতে ষণ্ঢসঞ্জ্ঞিতঃ ||৪২||
...षण्ढकं शृणु पञ्चमम् ||४१|| यो भार्यायामृतौ मोहादङ्गनेव प्रवर्तते | ततः स्त्रीचेष्टिताकारो जायते षण्ढसञ्ज्ञितः ||४२||
🔊 Audio coming soon
ষণ্ঢকমিত্যাদি| যঃ পুমান্ মোহবশাদৃতৌ ভার্যাবিষযেঽঙ্গনাবদুত্তানো ভূত্বা ব্যাপিপর্তি| ততঃ স্ত্রীচেষ্টিতাকারঃ ষণ্ঢো জাযতে| স পুমান্ স্ত্র্যাকৃতিঃ স্ত্রীচেষ্টিতশ্চ স্ত্রীবদধোভূতঃ স্বমেঢ্রস্যোর্ধ্বপ্রদেশেঽপরপুরুষাদ্ বীর্যচ্যুতিং কারযতি||৪১-৪২||
Adhikarana 25 (43) · Śloka 43
ঋতৌ পুরুষবদ্বাঽপি প্রবর্তেতাঙ্গনা যদি | তত্র কন্যা যদি ভবেত্ সা ভবেন্নরচেষ্টিতা ||৪৩||
ऋतौ पुरुषवद्वाऽपि प्रवर्तेताङ्गना यदि | तत्र कन्या यदि भवेत् सा भवेन्नरचेष्टिता ||४३||
🔊 Audio coming soon
নরষণ্ঢং প্রদিশ্য নারীষণ্ঢং নির্দিশন্নাহ- ঋতাবিত্যাদি| যত্র পুনরবলা ঋতৌ পুরুষমধঃ কৃত্বা ব্যাপারং কুরুতে যদি তত্র কন্যা ভবতি, সা নরচেষ্টিতা স্ত্রীরূপাঽপি পুংবত্ স্ত্রিযমারুহ্য তদ্যোনৌ স্বযোনিঘর্ষণং করোতি||৪৩||
Adhikarana 26 (44) · Śloka 44
আসেক্যশ্চ সুগন্ধী চ কুম্ভীকশ্চের্ষ্যকস্তথা | সরেতসস্ত্বমী জ্ঞেযা অশুক্রঃ ষণ্ঢসঞ্জ্ঞিতঃ ||৪৪||
आसेक्यश्च सुगन्धी च कुम्भीकश्चेर्ष्यकस्तथा | सरेतसस्त्वमी ज्ञेया अशुक्रः षण्ढसञ्ज्ञितः ||४४||
🔊 Audio coming soon
উক্তমেব সুখস্মরণায সঙ্গ্রহশ্লোকেনাহ- আসেক্য ইত্যাদি||৪৪||
Adhikarana 27 (45) · Śloka 45
অনযা বিপ্রকৃত্যা তু তেষাং শুক্রবহাঃ সিরাঃ | হর্ষাত্ স্ফুটত্বমাযান্তি ধ্বজোচ্ছ্রাযস্ততো ভবেত্ ||৪৫||
अनया विप्रकृत्या तु तेषां शुक्रवहाः सिराः | हर्षात् स्फुटत्वमायान्ति ध्वजोच्छ्रायस्ततो भवेत् ||४५||
🔊 Audio coming soon
যদি তেষাং শুক্রমস্তি তত্ কিং ষণ্ঢত্বমুচ্যতে? ইত্যাশঙ্ক্যাহ- অনযেত্যাদি| বিপ্রকৃত্যেতি বিরুদ্ধযা বিশিষ্টযা বা প্রকৃত্যা| এতে পুরুষদোষাঃ, যোষিতামপ্যেত এব দ্রষ্টব্যাঃ, চরকেণ “নরনারীষণ্ঢৌ” (চ.শা.২) ইত্যুক্তেঃ||৪৫||
Adhikarana 28 (46) · Śloka 46
আহারাচারচেষ্টাভির্যাদৃশীভিঃ সমন্বিতৌ | স্ত্রীপুংসৌ সমুপেযাতাং তযোঃ পুত্রোঽপি তাদৃশঃ ||৪৬||
आहाराचारचेष्टाभिर्यादृशीभिः समन्वितौ | स्त्रीपुंसौ समुपेयातां तयोः पुत्रोऽपि तादृशः ||४६||
🔊 Audio coming soon
অনুক্তং কাযবাঙ্মনসাং ভেদস্য হেতুং দর্শযন্নাহ- আহারেত্যাদি| সমুপেযাতাং সংযোগং গচ্ছেতাম্||৪৬||
Adhikarana 29 (47) · Śloka 47
যদা নার্যাবুপেযাতাং বৃষস্যন্ত্যৌ কথঞ্চন | মুঞ্চতঃ শুক্রমন্যোন্যমনস্থিস্তত্র জাযতে ||৪৭||
यदा नार्यावुपेयातां वृषस्यन्त्यौ कथञ्चन | मुञ्चतः शुक्रमन्योन्यमनस्थिस्तत्र जायते ||४७||
🔊 Audio coming soon
অতিশযেনৈব পাপেন ষণ্ঢাদপি নিকৃষ্টানাং বিকৃতাপত্যানামুত্পত্তিহেতুং নির্দিশন্নাহ- যদেত্যাদি| উপেযাতাং সংযোগং কুর্যাতাম্| বৃষস্যন্ত্যৌ রতার্থিন্যৌ| অনস্থিরিতি ঈষদর্থে নঞ্, তেনাল্পকোমলাস্থিঃ||৪৭||
Adhikarana 30 (48-49) · Śloka 49
ঋতুস্নাতা তু যা নারী স্বপ্নে মৈথুনমাবহেত্ | আর্তবং বাযুরাদায কুক্ষৌ গর্ভং করোতি হি ||৪৮|| মাসি মাসি বিবর্ধেত গর্ভিণ্যা গর্ভলক্ষণম্ | কললং জাযতে তস্যা বর্জিতং পৈতৃকৈর্গুণৈঃ ||৪৯||
ऋतुस्नाता तु या नारी स्वप्ने मैथुनमावहेत् | आर्तवं वायुरादाय कुक्षौ गर्भं करोति हि ||४८|| मासि मासि विवर्धेत गर्भिण्या गर्भलक्षणम् | कललं जायते तस्या वर्जितं पैतृकैर्गुणैः ||४९||
🔊 Audio coming soon
ঋতুস্নাতেত্যাদি| আর্তবমৃতুকালজং শুদ্ধশোণিতম্| কললং সিঙ্ঘাণপ্রখ্যম্| পৈতৃকৈর্গুণৈরিতি কেশশ্মশ্রুলোমনখদন্তসিরাস্নাযুধমনীরেতঃপ্রভৃতিভিঃ| ইমৌ দ্বাবপি শ্লোকৌ জেজ্ঝটাচার্যেণ ন পঠিতৌ||৪৮-৪৯||
Adhikarana 31 (50) · Śloka 50
সর্পবৃশ্চিককূষ্মাণ্ডবিকৃতাকৃতযশ্চ যে | গর্ভাস্ত্বেতে স্ত্রিযাশ্চৈব জ্ঞেযাঃ পাপকৃতো ভৃশম্ ||৫০||
सर्पवृश्चिककूष्माण्डविकृताकृतयश्च ये | गर्भास्त्वेते स्त्रियाश्चैव ज्ञेयाः पापकृतो भृशम् ||५०||
🔊 Audio coming soon
সর্পেত্যাদি| সর্পাদিরূপা যে গর্ভাস্তত্প্রসবিত্র্যাঃ স্ত্রিযাঃ পাপকৃতঃ পাপোত্পাদিতা জ্ঞেযাঃ| ননু, মানুষশরীরাত্ কথং সর্পাদীনামুত্পত্তিরিত্যাহ- পাপকৃতো ভৃশমিতি; কর্মজমেবৈতদ্বৈচিত্র্যমিত্যর্থঃ||৫০||
Adhikarana 32 (51) · Śloka 51
গর্ভো বাতপ্রকোপেণ দৌহৃদে বাঽবমানিতে | ভবেত্ কুব্জঃ কুণিঃ পঙ্গুর্মূকো মিন্মিণ এব বা ||৫১||
गर्भो वातप्रकोपेण दौहृदे वाऽवमानिते | भवेत् कुब्जः कुणिः पङ्गुर्मूको मिन्मिण एव वा ||५१||
🔊 Audio coming soon
ইদানীং গর্ভস্থকুব্জাদীনাং দৃষ্টামেব বাতাদিদোষদুষ্টিং হেতুং চ নির্দিশন্নাহ- গর্ভ ইত্যাদি| দৌহৃদে বাঽবমানিত ইতি গর্ভিণ্যাঃ শ্রদ্ধাযাং খণ্ডিতাযাম্| কুণিঃ বিকলপাণিঃ ||৫১||
Adhikarana 33 (52) · Śloka 52
মাতাপিত্রোস্তু নাস্তিক্যাদশুভৈশ্চ পুরাকৃতৈঃ | বাতাদীনাং প্রকোপেণ গর্ভো বৈকৃতমাপ্নুযাত্ ||৫২||
मातापित्रोस्तु नास्तिक्यादशुभैश्च पुराकृतैः | वातादीनां प्रकोपेण गर्भो वैकृतमाप्नुयात् ||५२||
🔊 Audio coming soon
কিমাত্মীযেনৈবাশুভেন কর্মণা গর্ভ এবংবিধো ভবতি, উতান্যাপরাধাদপীত্যাশঙ্ক্যাহ- মাতাপিত্রোরিত্যাদি| নাস্তিক্যাদিতি নাস্তি পরলোকো নাস্তি দত্তমিত্যাদি মতির্যেষাং তে নাস্তিকাঃ, তেষাং ভাবো নাস্তিক্যং, তস্মাত্||৫২||
Adhikarana 34 (53) · Śloka 53
মলাল্পত্বাদযোগাচ্চ বাযোঃ পক্বাশযস্য চ | বাতমূত্রপুরীষাণি ন গর্ভস্থঃ করোতি হি ||৫৩||
मलाल्पत्वादयोगाच्च वायोः पक्वाशयस्य च | वातमूत्रपुरीषाणि न गर्भस्थः करोति हि ||५३||
🔊 Audio coming soon
অথ কস্মাদ্গর্ভাশযস্থো বাতাদিকং ন করোতীত্যাহ- মলাল্পত্বাদিত্যাদি| বাযোরযোগাদিতি নঞযমিষদর্থে, তেনেষদ্যোগাত্||৫৩||
Adhikarana 35 (54) · Śloka 54
জরাযুণা মুখে চ্ছন্নে কণ্ঠে চ কফবেষ্টিতে | বাযোর্মার্গনিরোধাচ্চ ন গর্ভস্থঃ প্ররোদিতি ||৫৪||
जरायुणा मुखे च्छन्ने कण्ठे च कफवेष्टिते | वायोर्मार्गनिरोधाच्च न गर्भस्थः प्ररोदिति ||५४||
🔊 Audio coming soon
জরাযুণেত্যাদি| বাযোর্মার্গনিরোধাদিতি ঘোষজনকস্য বাযোর্মার্গনিরোধাদিত্যর্থঃ| নিশ্বাসাদিরূপস্য তু বাযোর্নিঃসরণমগ্রে বক্ষ্যতি, যতস্তদভাবে জীবিতাভাব এব ভবতি গর্ভস্য||৫৪||
Adhikarana 36 (55) · Śloka 55
নিঃশ্বাসোচ্ছ্বাসসঙ্ক্ষোভস্বপ্নান্ গর্ভোঽধিগচ্ছতি | মাতুর্নিশ্বসিতোচ্ছ্বাসসঙ্ক্ষোভস্বপ্নসম্ভবান্ ||৫৫||
निःश्वासोच्छ्वाससङ्क्षोभस्वप्नान् गर्भोऽधिगच्छति | मातुर्निश्वसितोच्छ्वाससङ्क्षोभस्वप्नसम्भवान् ||५५||
🔊 Audio coming soon
নিঃশ্বাসেত্যাদি| সঙ্ক্ষোভঃ সঞ্চলনম্| মাতা যাশ্চেষ্টা নিঃশ্বাসাদিকাঃ কুরুতে তা গর্ভোঽপি করোতীত্যর্থঃ||৫৫||
Adhikarana 37 (56) · Śloka 56
সন্নিবেশঃ শরীরাণাং দন্তানাং পতনোদ্ভবৌ | তলেষ্বসম্ভবো যশ্চ রোম্ণামেতত্ স্বভাবতঃ ||৫৬||
सन्निवेशः शरीराणां दन्तानां पतनोद्भवौ | तलेष्वसम्भवो यश्च रोम्णामेतत् स्वभावतः ||५६||
🔊 Audio coming soon
শরীরাবযবানাং চরণাদীনাং সন্নিবেশাদৌ হেতুং নির্দিশন্নাহ- সন্নিবেশ ইত্যাদি| সন্নিবেশো রচনাবিশেষঃ| শরীরাণাং শরীরাবযবানাং চরণাদীনাম্| তলেষ্বিতি হস্তপাদতলেষু||৫৬||
Adhikarana 38 (57) · Śloka 57
ভাবিতাঃ পূর্বদেহেষু সততং শাস্ত্রবুদ্ধযঃ | ভবন্তি সত্ত্বভূযিষ্ঠাঃ পূর্বজাতিস্মরা নরাঃ ||৫৭||
भाविताः पूर्वदेहेषु सततं शास्त्रबुद्धयः | भवन्ति सत्त्वभूयिष्ठाः पूर्वजातिस्मरा नराः ||५७||
🔊 Audio coming soon
ইত্থং কাযে বিশেষং নির্দিশ্যাত্মনো গুণভূতাযা বুদ্ধেরপি ভাবনাবলবিশেষেণ বিশেষং নির্দিশন্নাহ- ভাবিতা ইত্যাদি| পূর্বদেহেষ্বতিক্রান্তশরীরেষু, সততমনবরতং, যে ভাবিতাঃ শাস্ত্রভাবনযা ভাবিতান্তঃকরণাঃ, তে শাস্ত্রবুদ্ধযো ভবন্তি| তথাভাবিতা এব যে সত্ত্ববহুলাস্তে রজস্তমসোরাবরকযোরভাবাত্ পূর্বামতিক্রান্তামপি জাতিং স্মরন্তি||৫৭||
Adhikarana 39 (58) · Śloka 58
কর্মণা চোদিতো যেন তদাপ্নোতি পুনর্ভবে | অভ্যস্তাঃ পূর্বদেহে যে তানেব ভজতে গুণান্ ||৫৮||
कर्मणा चोदितो येन तदाप्नोति पुनर्भवे | अभ्यस्ताः पूर्वदेहे ये तानेव भजते गुणान् ||५८||
🔊 Audio coming soon
কাযে যোঽসৌ শরীরসন্নিবেশাদিস্তথা দোষকোপেন কুব্জখঞ্জাদি, তথা বাচি মূকমিন্মিণত্বাদি, মনসি চ শাস্ত্রজ্ঞানপূর্বজাতিস্মরণং, সর্বমেব স্বভাবাদিসিদ্ধমপি কর্মণৈবেত্যাহ- কর্মণেত্যাদি| কুতস্তদাপ্নোতীত্যাহ- অভ্যস্তা ইত্যাদি||৫৮||
Adhikarana puShpikA · Śloka 2
ইতি সুশ্রুতসংহিতাযাং শারীরস্থানে শুক্রশোণিতশুদ্ধিশারীরং নাম দ্বিতীযোঽধ্যাযঃ ||২||
इति सुश्रुतसंहितायां शारीरस्थाने शुक्रशोणितशुद्धिशारीरं नाम द्वितीयोऽध्यायः ||२||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং শারীরস্থানে দ্বিতীযোঽধ্যাযঃ||২||