Adhikarana 1 (1-2) · Śloka 2
অথাতো ব্রণাস্রাববিজ্ঞানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो व्रणास्रावविज्ञानीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
আদিশব্দঃ প্রতিজ্ঞাযাং লুপ্তনির্দিষ্টো দ্রষ্টব্যঃ| তেন ব্রণাস্রাবাদিবিজ্ঞানীযমিত্যর্থঃ| এতেন বেদনাদযোঽপি সঙ্গৃহীতা||১-২||
Adhikarana 2 (3) · Śloka 3
ত্বঙ্মাংসসিরাস্নায্বস্থিসন্ধিকোষ্ঠমর্মাণীত্যষ্টৌ ব্রণবস্তূনি | অত্র সর্বব্রণসন্নিবেশঃ ||৩||
त्वङ्मांससिरास्नाय्वस्थिसन्धिकोष्ठमर्माणीत्यष्टौ व्रणवस्तूनि | अत्र सर्वव्रणसन्निवेशः ||३||
🔊 Audio coming soon
ত্বগিত্যাদি| ব্রণবস্তূনি ব্রণাধিষ্ঠানানি| অত্র এষ্বিত্যর্থঃ| ব্রণসন্নিবেশো ব্রণাবস্থানম্||৩||
Adhikarana 3 (4) · Śloka 4
তত্র, আদ্যৈকবস্তুসন্নিবেশী ত্বগ্ভেদী ব্রণঃ সূপচরঃ, শেষাঃ স্বযমবদীর্যমাণা দুরুপচারাঃ ||৪||
तत्र, आद्यैकवस्तुसन्निवेशी त्वग्भेदी व्रणः सूपचरः, शेषाः स्वयमवदीर्यमाणा दुरुपचाराः ||४||
🔊 Audio coming soon
তেষাং মধ্যে একস্মিন্নেব বস্তুনি ব্রণস্য সুখোপচর্যত্বং দর্শযন্নাহ- তত্রেত্যাদি| আদ্যৈকবস্তুসন্নিবেশীতি ত্বক্সন্নিবেশীত্যর্থঃ| ত্বগ্ভেদীতি পুনর্নিযমার্থম্; এতেন ত্বগাশ্রিতমাংসভেদী ন সূপচরঃ| অন্যে তু ‘আদ্যৈকবস্তুসন্নিবেশী ত্বগ্ভেদী চ’ ইত্যনযোঃ পদযোর্মধ্যে একতরপদেনৈব ত্বগ্বস্তু প্রাপ্যতে কিং পদদ্বযেনেতি যত্ পদদ্বযং তদ্গ্রন্থাধিক্যাদর্থাধিক্যং বোধযতি, তেন বিকৃতাকৃতযোঽপি ত্বগ্ভেদিনো ব্রণাঃ সূপচরা ইত্যধিকোঽর্থ উক্তো ভবতি’ ইতি মন্যন্তে| অপরবস্তুসন্নিবেশিনঃ কিংবিশিষ্টা ইত্যাহ- শেষা ইত্যাদি| শেষা ইতি মাংসাদ্যধিষ্ঠানাঃ| স্বযমবদীর্যমাণা ইতি আলেপস্রাবণাদিভির্বিনা স্বযমেব পক্বাঃ পশ্চাদ্ভিন্না ইত্যর্থঃ||৪||
Adhikarana 4 (5) · Śloka 5
তত্রাযতশ্চতুরস্রো বৃত্তস্ত্রিপুটক ইতি ব্রণাকৃতিসমাসঃ, শেষাস্তু বিকৃতাকৃতযো দুরুপক্রমা ভবন্তি ||৫||
तत्रायतश्चतुरस्रो वृत्तस्त्रिपुटक इति व्रणाकृतिसमासः, शेषास्तु विकृताकृतयो दुरुपक्रमा भवन्ति ||५||
🔊 Audio coming soon
যথা স্রাবজ্ঞানং চিকিত্সাহেতুস্তথা ব্রণাকৃতিরপীতি তাং দর্শযন্নাহ- তত্রাযত ইত্যাদি| আযতো দীর্ঘঃ, চতুরস্রশ্চতুষ্কোণঃ, বৃত্তো বর্তুলঃ, ত্রিপুটকস্ত্রিকোণঃ, ইতিশব্দ উপসংহারে দোষজব্রণাকৃতীনাং; সমাসঃ সঙ্ক্ষেপঃ| শেষা ইতি উক্তেভ্যোঽন্যে অর্ধচন্দ্রস্বস্তিকাদ্যা ব্রণাকৃতযো বিকৃতা ইত্যর্থঃ||৫||
Adhikarana 5 (6) · Śloka 6
সর্ব এব ব্রণাঃ ক্ষিপ্রং সংরোহন্ত্যাত্মবতাং সুভিষগ্ভিশ্চোপক্রান্তাঃ; অনাত্মবতামজ্ঞৈশ্চোপক্রান্তাঃ প্রদুষ্যন্তি, প্রবৃদ্ধত্বাদ্দোষাণাম্ ||৬||
सर्व एव व्रणाः क्षिप्रं संरोहन्त्यात्मवतां सुभिषग्भिश्चोपक्रान्ताः; अनात्मवतामज्ञैश्चोपक्रान्ताः प्रदुष्यन्ति, प्रवृद्धत्वाद्दोषाणाम् ||६||
🔊 Audio coming soon
ব্রণিনামাত্মবতাং ভিষজাং গুণসম্পদোঽপি চিকিত্সাহেতব ইতি দর্শযন্নাহ- সর্ব ইত্যাদি| আত্মবতাং পথ্যাহারবিহারসেবিনাম্| অনাত্মবতামিতি অহিতাহারবিহারসেবিনাম্| অজ্ঞৈশ্চোপক্রান্তা ইতি চকারেণাত্মবতাং সুভিষগ্ভিরুপক্রান্তানামপি কুষ্ঠিপ্রমেহিণাং তথা কদাচিচ্ছুক্রপ্রবৃত্তিমাত্রাদেব ব্রণদুষ্টিরনুক্তা সমুচ্চীযতে| কুতঃ পুনরনাত্মবতামজ্ঞভিষগুপক্রান্তানাং ব্রণানাং দুষ্টিরিত্যাহ- প্রবৃদ্ধত্বাদ্দোষাণামিতি| অন্যে ত্বেবং যোজযন্তি- ‘ন কেবলমজ্ঞৈরুপক্রান্তা এব প্রদুষ্যন্তি, অপি তু প্রবৃদ্ধত্বাচ্চ দোষাণাম্’ ইতি||৬||
Adhikarana 6 (7) · Śloka 7
তত্রাতিসংবৃতোঽতিবিবৃতোঽতিকঠিনোঽতিমৃদুরুত্সন্নোঽবসন্নোঽতিশীতোঽত্যুষ্ণঃ নগন্ধাত্যর্থদাহপাকরাগবেদনাবানিতি পিত্তেন, শেষাঃ কফেন; উন্মার্গী মুখাত্ মুখান্তরবান্, উত্সঙ্গঃ কোটরঃ’ ইতি চক্রঃ; কৃষ্ণরক্তপীতশুক্লাদীনাং বর্ণানামন্যতমবর্ণো ভৈরবঃ পূতিপূযমাংসসিরাস্নাযুপ্রভৃতিভিঃ পূর্ণঃ পূতিপূযাস্রাব্যুন্মার্গ্যুত্সঙ্গ্যমনোজ্ঞদর্শনগন্ধোঽত্যর্থং বেদনাবান্ দাহপাকরাগকণ্ডূশোফপিডকোপদ্রুতোঽত্যর্থং দুষ্টশোণিতাস্রাবী দীর্ঘকালানুবন্ধী চেতি দুষ্টব্রণলিঙ্গানি | তস্য দোষোচ্ছ্রাযেণ ষট্ত্বং বিভজ্য যথাস্বং প্রতীকারে প্রযতেত ||৭||
तत्रातिसंवृतोऽतिविवृतोऽतिकठिनोऽतिमृदुरुत्सन्नोऽवसन्नोऽतिशीतोऽत्युष्णः नगन्धात्यर्थदाहपाकरागवेदनावानिति पित्तेन, शेषाः कफेन; उन्मार्गी मुखात् मुखान्तरवान्, उत्सङ्गः कोटरः’ इति चक्रः; कृष्णरक्तपीतशुक्लादीनां वर्णानामन्यतमवर्णो भैरवः पूतिपूयमांससिरास्नायुप्रभृतिभिः पूर्णः पूतिपूयास्राव्युन्मार्ग्युत्सङ्ग्यमनोज्ञदर्शनगन्धोऽत्यर्थं वेदनावान् दाहपाकरागकण्डूशोफपिडकोपद्रुतोऽत्यर्थं दुष्टशोणितास्रावी दीर्घकालानुबन्धी चेति दुष्टव्रणलिङ्गानि | तस्य दोषोच्छ्रायेण षट्त्वं विभज्य यथास्वं प्रतीकारे प्रयतेत ||७||
🔊 Audio coming soon
প্রাযেণ দুষ্টেষ্বেব ব্রণেষু স্রাবা ভবন্তি, অতস্তেষাং দুষ্টব্রণানাং লক্ষণমাহ- তত্রাতিসংবৃত ইত্যাদি| অতিসংবৃতঃ অতিসঙ্কুচিতো বাতেন| অতিবিবৃতো ব্যাত্তমুখঃ পিত্তশোণিতেন| কাঠিন্যং বাতেন| অতিমার্দবং কফেন; অন্যে পিত্তশোণিতেন মার্দবমিচ্ছন্তি| উত্সন্ন উন্নতমাংসঃ, অবসন্নো হীনমাংসো নিম্নাকারঃ, এতৌ রক্তপিত্তেন; অন্যে বাতেনোত্সন্নাবসন্নত্বমিচ্ছন্তি; ‘অত্রোত্সন্নত্বং কফেন’ ইতি কেচিত্| অতিশৈত্যং কফবাতাত্| অত্যৌষ্ণ্যং রক্তপিত্তাত্| কৃষ্ণাদযো বর্ণা যথাসম্ভবং বাতাদিভির্জ্ঞেযাঃ| ভৈরবঃ অনবধারিতলিঙ্গঃ| পূতিপূযমাংসসিরাস্নাযুপ্রভৃতিভিঃ পূর্ণ ইতি পূতিশব্দঃ প্রত্যেকং পূযাদিভিরভিসম্বধ্যতে| ‘পূতিমাংসসিরাস্নাযুপ্রতিপূর্ণ’ ইত্যেকে পঠন্তি; পূতিমাংসসিরাস্নাযুপ্রতিপূর্ণত্বং তস্রাবিত্বং চ যথাসম্ভবং বেদিতব্যম্| উন্মার্গী তির্যগ্গতিঃ| উত্সঙ্গী ঊর্ধ্বগতিঃ; অন্যে পূযোপেক্ষাবদারিতমাংসাদিদেশত্বেনাতিনিম্নত্বাদুত্সঙ্গতুল্যত্বাদুত্সঙ্গঃ, সোঽস্যাস্তীতি উত্সঙ্গী উন্মার্গী; উত্সঙ্গীতি কফেন| অমনোজ্ঞদর্শনগন্ধ ইতি অমনোজ্ঞদর্শনোঽমনোজ্ঞগন্ধশ্চেত্যর্থঃ অমনোজ্ঞদর্শনগন্ধত্বং রক্তপিত্তেন, অন্যে দোষত্রযেণ মন্যন্তে| অত্যর্থং বেদনাবানিতি বাতেন| দাহপাকরাগকণ্ডূশোফেত্যাদি, অত্র দাহাদিভিঃ সহোপদ্রুতশব্দঃ প্রত্যেকং সম্বধ্যতে; অত্র দাহপাকরাগোপদ্রুতত্বং পিত্তরক্তেন, কণ্ডূপদ্রুতত্বং কফেন, শোফোপদ্রুতত্বং বাতেন, পিডকোপদ্রুতত্বং দুষ্টশোণিতাস্রাবশ্চ রক্তপিত্তেন, দীর্ঘকালানুবন্ধিত্বং দোষত্রযেণ| দীর্ঘকালানুবন্ধী চেতি চকারেণ রোপ্যাদযো দুষ্টব্রণবিশেষা গৃহ্যন্তে| রোপ্যলক্ষণং তু “বহিঃশুদ্ধ ইবাভাতি স ব্রণো রোপ্য উচ্যতে” ( চ. চি. অ. ২৫)- ইতি চরকেণোক্তম্| ব্রণদুষ্টৌ চিকিত্সাসূত্রং দর্শযন্নাহ- তস্যেত্যাদি| তস্য ব্রণস্য উচ্ছ্রাযেণ ঔত্কট্যেন ষট্ত্বং বাতপিত্তকফরক্তসন্নিপাতাগন্তুভেদতঃ| যথাস্বং স্বস্য দোষস্যানতিক্রমেণ| প্রতীকারে চিকিত্সিতে, প্রযতেত প্রযত্নং কুর্বীত| অন্যে ত্বত্র ‘দোষোচ্ছ্রাযমবেক্ষ্য’ ইতি পঠন্তি||৭||
Adhikarana 7 (8) · Śloka 8
অত ঊর্ধ্বং সর্বস্রাবান্ বক্ষ্যামঃ- তত্র ঘৃষ্টাসু ছিন্নাসু বা ত্বক্ষু স্ফোটে ভিন্নে বিদারিতে বা সলিলপ্রকাশো ভবত্যাস্রাবঃ কিঞ্চিদ্বিস্রঃ পীতাবভাসশ্চ; মাংসগতঃ সর্পিঃপ্রকাশঃ সান্দ্রঃ শ্বেতঃ পিচ্ছিলশ্চ; সিরাগতঃ সদ্যশ্ছিন্নাসু সিরাসু রক্তাতিপ্রবৃত্তিঃ পক্বাসু চ তোযনাডীভিরিব তোযাগমনং পূযস্য, আস্রাবশ্চাত্র তনুর্বিচ্ছিন্নঃ পিচ্ছিলোঽবলম্বী শ্যাবোঽবশ্যাযপ্রতিমশ্চ; স্নাযুগতঃ স্নিগ্ধো ঘনঃ সিঙ্ঘাণকপ্রতিমঃ সরক্তশ্চ; অস্থিগতোঽস্থন্যভিহতে স্ফুটিতে ভিন্নে দোষাবদারিতে বা দোষভক্ষিতত্বাদস্থি নিঃসারং শুক্তিধৌতমিবাভাতি , আস্রাবশ্চাত্র মজ্জমিশ্রঃ সরুধিরঃ স্নিগ্ধশ্চ; সন্ধিগতঃ পীড্যমানো ন প্রবর্ততে, আকুঞ্চনপ্রসারণোন্নমনবিনমনপ্রধাবনোত্কাসনপ্রবাহণৈশ্চ স্রবতি, আস্রাবশ্চাত্র পিচ্ছিলোঽবলম্বী সরুধিরোন্মথিতশ্চ ; কোষ্ঠগতোঽসৃঙ্মূত্রপুরীষপূযোদকানি স্রবতি; মর্মগতস্ত্বগাদিষ্ববরুদ্ধত্বান্নোচ্যতে | তত্র ত্বগাদিগতানামাস্রাবাণাং যথাক্রমং পারুষ্যশ্যাবাবশ্যাযদধিমস্তুক্ষারোদকমাংসধাবনপুলাকোদকসন্নিভত্বানি মারুতাদ্ভবন্তি; পিত্তাদ্গোমেদকগোমূত্রভস্মশঙ্খকষাযোদকমাধ্বীকতৈলসন্নিভত্বানি; পিত্তবদ্রক্তাদতিবিস্রত্বং চ; কফান্নবনীতকাসীসমজ্জপিষ্টতিলনালিকেরোদকবরাহবসাসন্নিভত্বানি; সন্নিপাতান্নালিকেরোদকৈর্বারুকরসকাঞ্জিকপ্রসাদারুকোদকপ্রিযঙ্গুফলযকৃন্মুদ্গযূষসবর্ণত্বানীতি ||৮||
अत ऊर्ध्वं सर्वस्रावान् वक्ष्यामः- तत्र घृष्टासु छिन्नासु वा त्वक्षु स्फोटे भिन्ने विदारिते वा सलिलप्रकाशो भवत्यास्रावः किञ्चिद्विस्रः पीतावभासश्च; मांसगतः सर्पिःप्रकाशः सान्द्रः श्वेतः पिच्छिलश्च; सिरागतः सद्यश्छिन्नासु सिरासु रक्तातिप्रवृत्तिः पक्वासु च तोयनाडीभिरिव तोयागमनं पूयस्य, आस्रावश्चात्र तनुर्विच्छिन्नः पिच्छिलोऽवलम्बी श्यावोऽवश्यायप्रतिमश्च; स्नायुगतः स्निग्धो घनः सिङ्घाणकप्रतिमः सरक्तश्च; अस्थिगतोऽस्थन्यभिहते स्फुटिते भिन्ने दोषावदारिते वा दोषभक्षितत्वादस्थि निःसारं शुक्तिधौतमिवाभाति , आस्रावश्चात्र मज्जमिश्रः सरुधिरः स्निग्धश्च; सन्धिगतः पीड्यमानो न प्रवर्तते, आकुञ्चनप्रसारणोन्नमनविनमनप्रधावनोत्कासनप्रवाहणैश्च स्रवति, आस्रावश्चात्र पिच्छिलोऽवलम्बी सरुधिरोन्मथितश्च ; कोष्ठगतोऽसृङ्मूत्रपुरीषपूयोदकानि स्रवति; मर्मगतस्त्वगादिष्ववरुद्धत्वान्नोच्यते | तत्र त्वगादिगतानामास्रावाणां यथाक्रमं पारुष्यश्यावावश्यायदधिमस्तुक्षारोदकमांसधावनपुलाकोदकसन्निभत्वानि मारुताद्भवन्ति; पित्ताद्गोमेदकगोमूत्रभस्मशङ्खकषायोदकमाध्वीकतैलसन्निभत्वानि; पित्तवद्रक्तादतिविस्रत्वं च; कफान्नवनीतकासीसमज्जपिष्टतिलनालिकेरोदकवराहवसासन्निभत्वानि; सन्निपातान्नालिकेरोदकैर्वारुकरसकाञ्जिकप्रसादारुकोदकप्रियङ्गुफलयकृन्मुद्गयूषसवर्णत्वानीति ||८||
🔊 Audio coming soon
অত্র ব্রণদুষ্টিরসূত্রিতাঽপ্যুক্তা, তাং নির্দিশ্য ব্রণাস্রাবান্নির্দিশন্নাহ- অত ঊর্ধ্বমিত্যাদি| সর্বস্রাবানিতি সর্বব্রণবস্তূনাং সর্বদোষাণামাগন্তোশ্চ ব্রণস্য স্রাবানিত্যর্থঃ| ঘৃষ্টাসু ছিন্নাস্বিত্যাগন্তোঃ, ত্বক্ষ্বিতি সম্বন্ধঃ; বহুবচনং তু সপ্তত্বগপেক্ষযা| অত্র ত্বগ্গ্রহণাল্লক্ষণযা রসাধিষ্ঠানো ব্রণ উক্তঃ| স্ফোটে ইতি ত্বক্স্থিতে ব্রণে, ভিন্নে স্বযং ভিন্নে, বিদারিতে যত্নেন বিদারিতে ইত্যর্থঃ; অত্র ভিন্নে বিদারিতে ইতি শারীরব্রণস্য| সলিলপ্রকাশ ইতি উদকরসযোরচ্ছযোস্ত্বচামধিষ্ঠানত্বাত্| বিস্র আমগন্ধিঃ, পীতাবভাসঃ পাকারম্ভকেণ পিত্তেনেত্যর্থঃ| মাংসগত ইতি মাংসগত আস্রাব ইত্যর্থঃ| সর্পিঃপ্রকাশস্ত্রাবত্বমাগন্তোঃ| সান্দ্রশ্বেতপিচ্ছিলত্বং শারীরস্য| সিরাগত ইত্যাদি সিরাগ্রহণেন রক্তাধিষ্ঠানো ব্রণ উক্তঃ; সদ্যশ্ছিন্নাস্বিত্যাগন্তোঃ; পক্বাস্বিত্যাদি শারীরস্য| বিচ্ছিন্ন ইতি অল্পাল্পপ্রবর্তনম্| অবলম্বী অবলম্বনশীলঃ| স্নাযুগত ইত্যাদি স্নাযুগ্রহণেন মেদোঽধিষ্ঠানো ব্রণ উক্তঃ, অন্যে তু ‘মেদোমজ্জানৌ ঘৃতবদ্বিলীযেতে,অতো ব্রণাধিষ্ঠানত্বং নৈব তযোঃ’ ইতি বদন্তি| সিঙ্ঘাণকো রক্তমিশ্রো ঘনীভূতঃ শ্লেষ্মা| অস্থিগত ইত্যাদি| অভিহতে ইতি অভিঘাতজে ব্রণে, ভিন্নে বিদারিতে চেতি শারীরে| অস্থি নিঃসারং কোঽর্থঃ? লঘু; ‘ভবতি’ ইত্যধ্যাহারঃ| শুক্তিধৌতমিবাভাতি শুক্তিরিব শোভতে তথা ধৌতমিব শোভতেঽস্থীতি সম্বধ্যতে| সন্ধিগত ইত্যাদি| উন্নমনমিতি বাহুজঙ্ঘাদীনামূর্ধ্বং নযনম্| বিনমনং গাত্রাণামধঃপ্রাপণম্| প্রবাহণমিতি কুন্থনম্| সরুধিরোন্মথিতশ্চেতি রুধিরেণৈবোন্মথিতশ্চ| কোষ্ঠগত ইত্যাদি কোষ্ঠগত ইতি মলধাতুসমুদাযাধিষ্ঠানো ব্রণ উক্তঃ| উদকমত্র রসক্লেদ এব গৃহ্যতে পীতং বা| মর্মগত ইত্যাদি| অবরুদ্ধ ইতি সঙ্গৃহীত ইত্যর্থঃ| দোষাস্রাবান্নির্দিশন্নাহ-তত্র ত্বগাদিগতানামিত্যাদি| তত্র মর্মবর্জিতেষু সপ্তসু ত্বগাদিব্রণবস্তুষু বাতপিত্তকফসন্নিপাতানাং সপ্ত সপ্ত স্রাবা যথাক্রমেণ দ্রষ্টব্যা ইত্যেকে; অন্যে তু ত্বগাদিষু বাতাদিলিঙ্গানাং মধ্যে কিঞ্চিত্ ক্বচিদিতি বর্ণযন্তি| পিত্তাদ্গোমেদেত্যাদি|- গোমেদক ইতি মণিরাপীতঃ| এর্বারুকরসঃ কর্কটিকারসঃ; কাঞ্জিকপ্রসাদ ইতি কাঞ্জিকস্যোপর্যচ্ছঃ; আরুকমনেনৈব নাম্না প্রসিদ্ধম্||৮||
Adhikarana 8 (9-10) · Śloka 10
শ্লোকৌ চাত্র ভবতঃ- পক্বাশযাদসাধ্যস্তু পুলাকোদকসন্নিভঃ | ক্ষারোদকনিভঃ স্রাবো বর্জ্যো রক্তাশযাত্স্রবন্ ||৯|| আমাশযাত্ কলাযাম্ভোনিভশ্চ ত্রিকসন্ধিজঃ | স্রাবানেতান্ পরীক্ষ্যাদৌ ততঃ কর্মাচরেদ্ভিষক্ ||১০||
श्लोकौ चात्र भवतः- पक्वाशयादसाध्यस्तु पुलाकोदकसन्निभः | क्षारोदकनिभः स्रावो वर्ज्यो रक्ताशयात्स्रवन् ||९|| आमाशयात् कलायाम्भोनिभश्च त्रिकसन्धिजः | स्रावानेतान् परीक्ष्यादौ ततः कर्माचरेद्भिषक् ||१०||
🔊 Audio coming soon
স্থানভেদাত্ স্রাবস্যাসাধ্যত্বখ্যাপনায শ্লোকৌ প্রাহ- পক্বাশযাদিত্যাদি| পুলাকোদকং গবেধুকোদকং, গবেধুকস্তৃণবিশেষঃ, ‘জলগোধূম’ ইতি লোকে; অন্যে তু পুলাকশব্দেনাপ্রাপ্তপাকং ধান্যমাহুঃ| আমাশযাদিত্যাদি| কলাযোঽত্র ত্রিপুটকঃ| ত্রিকসন্ধিজ ইতি বাহুগ্রীবাস্থিত্রযসঙ্ঘাতোঽত্র ত্রিকং, তস্য সন্ধৌ জাত ইতি||৯-১০||
Adhikarana 9 (11) · Śloka 11
অত ঊর্ধ্বং সর্বব্রণবেদনা বক্ষ্যামঃ- তোদনভেদনতাডনচ্ছেদনাযামনমন্থনবিক্ষেপণচুমুচুমাযননির্দহনাবভঞ্জনস্ফোটন বিদারণোত্পাটনকম্পনবিবিধশূলবিশ্লেষণবিকিরণস্তম্ভনপূরণস্বপ্নাকুঞ্জনাঙ্কু শিকাঃ সম্ভবন্তি, অনিমিত্তবিবিধবেদনাপ্রাদুর্ভাবো বা মুহুর্মুহুর্যত্রাগচ্ছন্তি বেদনাবিশেষাস্তং বাতিকমিতি বিদ্যাত্; ওষচোষপরিদাহধূমাযনানি যত্র গাত্রমঙ্গারাবকীর্ণমিব পচ্যতে যত্র চোষ্মাভিবৃদ্ধিঃ ক্ষতে ক্ষারাবসিক্তবচ্চ বেদনাবিশেষাস্তং পৈত্তিকমিতি বিদ্যাত্; পিত্তবদ্রক্তসমুত্থং জানীযাত্; কণ্ডূর্গুরুত্বং সুপ্তত্বমুপদেহোঽল্পবেদনত্বং স্তম্ভঃ শৈত্যং চ যত্র তং শ্লৈষ্মিকমিতি বিদ্যাত্; যত্র সর্বাসাং বেদনানামুত্পত্তিস্তং সান্নিপাতিকমিতি বিদ্যাত্ ||১১||
अत ऊर्ध्वं सर्वव्रणवेदना वक्ष्यामः- तोदनभेदनताडनच्छेदनायामनमन्थनविक्षेपणचुमुचुमायननिर्दहनावभञ्जनस्फोटन विदारणोत्पाटनकम्पनविविधशूलविश्लेषणविकिरणस्तम्भनपूरणस्वप्नाकुञ्जनाङ्कु शिकाः सम्भवन्ति, अनिमित्तविविधवेदनाप्रादुर्भावो वा मुहुर्मुहुर्यत्रागच्छन्ति वेदनाविशेषास्तं वातिकमिति विद्यात्; ओषचोषपरिदाहधूमायनानि यत्र गात्रमङ्गारावकीर्णमिव पच्यते यत्र चोष्माभिवृद्धिः क्षते क्षारावसिक्तवच्च वेदनाविशेषास्तं पैत्तिकमिति विद्यात्; पित्तवद्रक्तसमुत्थं जानीयात्; कण्डूर्गुरुत्वं सुप्तत्वमुपदेहोऽल्पवेदनत्वं स्तम्भः शैत्यं च यत्र तं श्लैष्मिकमिति विद्यात्; यत्र सर्वासां वेदनानामुत्पत्तिस्तं सान्निपातिकमिति विद्यात् ||११||
🔊 Audio coming soon
স্রাবানন্তরং বাতাদিবেদনা নির্দিশন্নাহ- অত ঊর্ধ্বমিত্যাদি| তোদনং সূচিভিরিব; ভেদনং ত্বগ্বিদারণমিব বেদনাবিশেষঃ; তাডনং দণ্ডাদিভিরাহন্যত ইবেত্যর্থঃ; ছেদনং দ্বিধা ক্রিযত ইব শস্ত্রাদিভিঃ; আযামনং সঙ্কুচিতাঙ্গদেশস্য দীর্ঘীকরণমিব; মন্থনং মন্থনকাদিভির্ব্রণান্তর্মথ্যত ইব; বিক্ষেপণং প্রের্যত ইব; চুমুচুমাযনং সর্ষপরাজিকাকল্কলিপ্ত ইব; নির্দহনং নিঃশেষং বহ্নিনা দহ্যত ইব; অবভঞ্জনং সঞ্চূর্ণ্যত ইব; স্ফোটনং পাষাণাদিভিরিব; বিদারণং নখাদিভিশ্চীর্যত ইব; উত্পাটনম্ ঊর্ধ্বমাকৃষ্যত ইব; কম্পনং বেপ্যত ইব; বিবিধশূলবিশ্লেষণং নানাপ্রকারার্তিশূলাহতগাত্রস্যেব বেদনাবিশেষঃ; বিকিরণং ব্রণাবযবা নানাস্থানেষু বিকীর্যন্ত ইবেতি; স্তম্ভনং স্তব্ধতা; পূরণং ভরণং; স্বপনং প্রসুপ্তিঃ; আকুঞ্চনং কুটিলীকরণমিব; অঙ্কুশিকা খল্লীবিশেষঃ, অন্যে ‘অঙ্কুশনিপাতাকর্ষণমিবাঙ্কুশিকা’ ইত্যাচক্ষতে| ওষচোষপরিদাহেত্যাদি|- ওষ একদেশিকো দাহঃ; চোষ আচূষণসমত্বাদিত্যেকে, পিপাসেত্যন্যে; পরি সমন্ততো দাহঃ পরিদাহঃ; ধূমাযনং ধূমোদ্বমনমিবাঙ্গানাম্| কণ্ডুর্গুরুত্বমিত্যাদি|-সুপ্তত্বং নখমক্ষিকামশকাদিদংশবেদনানভিজ্ঞত্বম্; উপদেহো লিপ্তমিবেতি||১১||
Adhikarana 10 (12) · Śloka 12
অত ঊর্ধ্বং ব্রণবর্ণান্ বক্ষ্যামঃ- ভস্মকপোতাস্থিবর্ণঃ পরুষোঽরুণঃ কৃষ্ণ ইতি মারুতজস্যঃ নীলঃ পীতো হরিতঃ শ্যাবঃ কৃষ্ণো রক্তঃ পিঙ্গলঃ কপিল ইতি রক্তপিত্তসমুত্থযোঃ; শ্বেতঃ স্নিগ্ধঃ পাণ্ডুরিতি শ্লেষ্মজস্য; সর্ববর্ণোপেতঃ সান্নিপাতিক ইতি ||১২||
अत ऊर्ध्वं व्रणवर्णान् वक्ष्यामः- भस्मकपोतास्थिवर्णः परुषोऽरुणः कृष्ण इति मारुतजस्यः नीलः पीतो हरितः श्यावः कृष्णो रक्तः पिङ्गलः कपिल इति रक्तपित्तसमुत्थयोः; श्वेतः स्निग्धः पाण्डुरिति श्लेष्मजस्य; सर्ववर्णोपेतः सान्निपातिक इति ||१२||
🔊 Audio coming soon
বেদনাঃ প্রতিপাদ্য ব্রণবর্ণান্নির্দিশন্নাহ- অত ঊর্ধ্বমিত্যাদি| দোষদূষ্যসংযোগরাশেরন্যত্বান্মারুতজেঽপি ব্রণে বর্ণসদ্ভাবঃ||১২||
Adhikarana 11 (13) · Śloka 13
ভবতি চাত্র- ন কেবলং ব্রণেষূক্তো বেদনাবর্ণসঙ্গ্রহঃ | সর্বশোফবিকারেষু ব্রণবল্লক্ষযেদ্ভিষক্ ||১৩||
भवति चात्र- न केवलं व्रणेषूक्तो वेदनावर्णसङ्ग्रहः | सर्वशोफविकारेषु व्रणवल्लक्षयेद्भिषक् ||१३||
🔊 Audio coming soon
সামান্যব্রণনির্দিষ্টান্ দোষদুষ্টিস্রাববেদনাবর্ণান্ শোফবিশেষেষ্বপি বিদ্রধ্যলজীগ্রন্থ্যাদিষু নির্দিশন্নাহ- ন কেবলং ব্রণেষূক্ত ইত্যাদি| শোথবিকারেষ্বিতি শোথারব্ধবিকারেষু বিদ্রধ্যাদিষ্বিতি||১৩||
Adhikarana puShpikA · Śloka 22
ইতি সুশ্রুতসংহিতাযাং সূত্রস্থানে ব্রণাস্রাববিজ্ঞানীযো নাম দ্বাবিংশতিতমোঽধ্যাযঃ ||২২||
इति सुश्रुतसंहितायां सूत्रस्थाने व्रणास्रावविज्ञानीयो नाम द्वाविंशतितमोऽध्यायः ||२२||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে দ্বাবিংশতিতমোঽধ্যাযঃ||২২||