Adhikarana 1 (1-2) · Śloka 2
অথাতোঽন্ধপূতনাপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातोऽन्धपूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
পূতনাপ্রতিষেধানন্তরং পূতনাসামান্যাদন্ধপূতনাপ্রতিষেধারম্ভো যুজ্যত ইত্যাহ- অথাত ইত্যাদি||১-২||
Adhikarana 2 (3) · Śloka 3
তিক্তকদ্রুমপত্রাণাং কার্যঃ ক্বাথোঽবসেচনে |৩|
तिक्तकद्रुमपत्राणां कार्यः क्वाथोऽवसेचने |३|
🔊 Audio coming soon
তিক্তকেত্যাদি| তিক্তকদ্রুমা নিম্বাদযঃ, তত্পত্রক্বাথেন পরিষেকঃ কার্যঃ|৩|-
Adhikarana 3 (3-4) · Śloka 5
সুরা সৌবীরকং কুষ্ঠং হরিতালং মনঃশিলা ||৩|| তথা সর্জরসশ্চৈব তৈলার্থমুপদিশ্যতে | পিপ্পল্যঃ পিপ্পলীমূলং বর্গো মধুরকো মধু ||৪|| শালপর্ণী বৃহত্যৌ চ ঘৃতার্থমুপদিশ্যতে |৫|
सुरा सौवीरकं कुष्ठं हरितालं मनःशिला ||३|| तथा सर्जरसश्चैव तैलार्थमुपदिश्यते | पिप्पल्यः पिप्पलीमूलं वर्गो मधुरको मधु ||४|| शालपर्णी बृहत्यौ च घृतार्थमुपदिश्यते |५|
🔊 Audio coming soon
সুরেত্যাদি| সৌবীরকং বিরেচনাধ্যাযোপদিষ্টকাঞ্জিকপ্রকারঃ| অত্র তৈলে সুরাসৌবীরকে তৈলাত্ প্রত্যেকং চতুর্গুণে, কুষ্ঠাদীনি কল্কদ্রব্যাণি চতুর্থাংশানি| পিপ্পল্য ইত্যাদি| বর্গো মধুরকঃ কাকোল্যাদিঃ, বর্গগ্রহণং যথালাভনিষেধার্থং, পিপ্পল্যাদীনাং কল্কক্বাথাভ্যাং ঘৃতং বিপাচ্য শীতীভূতে ঘৃতে মধু ক্ষিপেত্| ইদং ঘৃতং পানায||৩-৪||-
Adhikarana 4 (5) · Śloka 5
সর্বগন্ধৈঃ প্রদেহশ্চ গাত্রেষ্বক্ষ্ণোশ্চ শীতলৈঃ ||৫||
सर्वगन्धैः प्रदेहश्च गात्रेष्वक्ष्णोश्च शीतलैः ||५||
🔊 Audio coming soon
সর্বেত্যাদি| প্রদেহো লেপঃ| শীতলৈরন্যৈরপি দ্রব্যৈঃ||৫||
Adhikarana 5 (6) · Śloka 6
পুরীষং কৌক্কুটং কেশাংশ্চর্ম সর্পত্বচং তথা | জীর্ণাং চ ভিক্ষুসঙ্ঘাটীং ধূমনাযোপকল্পযেত্ ||৬||
पुरीषं कौक्कुटं केशांश्चर्म सर्पत्वचं तथा | जीर्णां च भिक्षुसङ्घाटीं धूमनायोपकल्पयेत् ||६||
🔊 Audio coming soon
পুরীষং কৌক্কুটমিতি কুক্কুটপুরীষং, কেশাংশ্চর্ম চ কুক্কুটস্য, কেশাশ্চর্ম চ মানুষস্যেত্যেকে; কেচিত্ চর্মেতি সর্পস্য বদন্তি, তেন চর্ম ত্বক্ কঞ্চুলিকা সর্পস্য| জীর্ণাং চ ভিক্ষুসঙ্ঘাটীমিতি ভিক্ষুরত্র শাক্যভিক্ষুর্বৌদ্ধাখ্যঃ পরিব্রাজকশ্চ, তযোর্জীর্ণসঙ্ঘাটী জীর্ণবস্ত্রং; তদেকদেশো গৃহ্যতে, একদেশেঽপি সমুদাযপ্রবৃত্তেঃ; ভিক্ষুরত্র শাক্যভিক্ষুরেবেতি জেজ্জটঃ||৬||
Adhikarana 6 (7-9) · Śloka 9
কুক্কুটীং মর্কটীং শিম্বীমনন্তাং চাপি ধারযেত্ | মাংসমামং তথা পক্বং শোণিতং চ চতুষ্পথে ||৭|| নিবেদ্যমন্তশ্চ গৃহে শিশো রক্ষানিমিত্ততঃ | শিশোশ্চ স্নপনং কুর্যাত্ সর্বগন্ধোদকৈঃ শুভৈঃ ||৮|| করালা পিঙ্গলা মুণ্ডা কষাযাম্বরবাসিনী | দেবী বালমিমং প্রীতা সংরক্ষত্বন্ধপূতনা ||৯||
कुक्कुटीं मर्कटीं शिम्बीमनन्तां चापि धारयेत् | मांसमामं तथा पक्वं शोणितं च चतुष्पथे ||७|| निवेद्यमन्तश्च गृहे शिशो रक्षानिमित्ततः | शिशोश्च स्नपनं कुर्यात् सर्वगन्धोदकैः शुभैः ||८|| कराला पिङ्गला मुण्डा कषायाम्बरवासिनी | देवी बालमिमं प्रीता संरक्षत्वन्धपूतना ||९||
🔊 Audio coming soon
কুক্কুটীমিত্যাদি| কুক্কুটী স্ফটিকরচিতকুক্কুটাণ্ডসদৃশকন্দা কুক্কুটীশরীরবত্ কুসুমচিত্রা বল্লী| মর্কটী কপিকচ্ছুঃ, মর্কটমূলীত্যন্যে, শুকশিম্বীত্যপরে| অনন্তা সারিবা| অন্তশ্চ খণ্ডগৃহাভ্যন্তরে| শিশোশ্চেতি চকারাত্ ধাত্র্যাশ্চ স্নপনম্| সর্বগন্ধা এলাদিকাঃ| দেবী প্রীতা সতী ইমং বালং রক্ষত্বিতি সম্বন্ধঃ||৭-৯||
Adhikarana puShpikA · Śloka 33
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রেঽন্ধপূতনাপ্রতিষেধো নাম (সপ্তমোঽধ্যাযঃ, আদিতঃ) ত্রযস্ত্রিংশোঽধ্যাযঃ ||৩৩||
इति सुश्रुतसंहितायामुत्तरतन्त्रान्तर्गते कुमारतन्त्रेऽन्धपूतनाप्रतिषेधो नाम (सप्तमोऽध्यायः, आदितः) त्रयस्त्रिंशोऽध्यायः ||३३||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রেঽন্ধপূতনাপ্রতিষেধো নাম ত্রযস্ত্রিংশত্তমোঽধ্যাযঃ||৩৩||