Adhikarana 1 (1-2) · Śloka 2
অথাতোঽতীসারপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातोऽतीसारप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
জ্বরপ্রতিষেধানন্তরমগ্ন্যুপঘাতপূর্বকত্বসামান্যাদতীসারপ্রতিষেধারম্ভঃ প্রাপ্তঃ- অথেত্যাদি| অতিসরণম্ অতীসারঃ, তস্য প্রতিষেধঃ চিকিত্সিতং; তথা চোক্তং- “অতিরত্যর্থবচনে, সরতির্গতিকর্মণি| তস্মাত্তদত্যন্তসরণাদতীসার ইতি স্মৃতঃ” ইতি||১-২||
Adhikarana 2 (3-5) · Śloka 5
গুর্বতিস্নিগ্ধরূক্ষোষ্ণদ্রবস্থূলাতিশীতলৈঃ | বিরুদ্ধাধ্যশনাজীর্ণৈরসাত্ম্যৈশ্চাপি ভোজনৈঃ ||৩|| স্নেহাদ্যৈরতিযুক্তৈশ্চ মিথ্যাযুক্তৈর্বিষাদ্ভযাত্ | শোকাদ্দুষ্টাম্বুমদ্যাতিপানাত্ সাত্ম্যর্তুপর্যযাত্ ||৪|| জলাতিরমণৈর্বেগবিঘাতৈঃ কৃমিদোষতঃ | নৃণাং ভবত্যতীসারো লক্ষণং তস্য বক্ষ্যতে ||৫||
गुर्वतिस्निग्धरूक्षोष्णद्रवस्थूलातिशीतलैः | विरुद्धाध्यशनाजीर्णैरसात्म्यैश्चापि भोजनैः ||३|| स्नेहाद्यैरतियुक्तैश्च मिथ्यायुक्तैर्विषाद्भयात् | शोकाद्दुष्टाम्बुमद्यातिपानात् सात्म्यर्तुपर्ययात् ||४|| जलातिरमणैर्वेगविघातैः कृमिदोषतः | नृणां भवत्यतीसारो लक्षणं तस्य वक्ष्यते ||५||
🔊 Audio coming soon
যতো বিজ্ঞাতেঽতিসারে চিকিত্সিতং ক্রিযতে, অতস্তদ্বিজ্ঞানার্থং পূর্বং নিদানমাহ- গুর্বতিস্নিগ্ধেত্যাদি| গুরু মাত্রাগুণবিপাকেভ্যঃ| অতিশব্দঃ স্নিগ্ধাদিভিঃ স্থূলান্তৈঃ প্রত্যেকং সম্বধ্যতে| স্থূলং স্থূলাবযবং পিষ্টান্নাদি| যদ্যপি গুরুগ্রহণেনৈব স্নিগ্ধস্থূলযোঃ প্রাপ্তিঃ, তথাঽপ্যতিশযেনাতীসারহেতুত্বাপাদনার্থং তযোর্গ্রহণম্| বিরুদ্ধং হিতাহিতীযোক্তম্, অধ্যশনম্ অজীর্ণভোজনম্, অজীর্ণানি আমবিদগ্ধাদীনি| স্নেহাদ্যৈরিতি স্নেহবমনবিরেচননিরূহানুবাসনৈঃ| অতিযুক্তৈঃ অতিযোগযুক্তৈঃ| মিথ্যাপ্রযুক্তৈঃ অসম্যগ্যুক্তৈঃ, যদ্যপি মিথ্যাপ্রযুক্তৈরিত্যনেনৈবাতিযোগঃ প্রাপ্তস্তথাঽপ্যতিশযেনাতীসারহেতুত্বাপাদনার্থমতিযোগগ্রহণম্| বিষাত্ দূষীবিষাত্| দুষ্টাম্বুমদ্যাতিপানাত্ বীর্যবিপাকস্পর্শৈর্দুষ্টমম্বু, মদ্যং পুনর্দুষ্টং নবং ব্যাপন্নমকালজং বা, তযোরাধিক্যেন পানাত্| সাত্ম্যর্তুপর্যযাত্ সাত্ম্যবিপর্যযাত্ ঋতুবিপর্যযাচ্চেত্যর্থঃ| যদ্যেবং তর্হি অসাত্ম্যৈশ্চাপি ভোজনৈরিতি নিষ্ফলং; তন্ন, বিশেষহেতুত্বাত্| জলাতিরমণৈঃ পানীযাতিক্রীডনৈঃ| বেগবিঘাতৈঃ মূত্রাদিবেগাবরোধৈঃ| কৃমিদোষতঃ কৃমিপ্রকোপাত্| কেচিদাচার্যা গুর্বতিস্নিগ্ধরূক্ষেত্যাদিসূত্রাত্ পূর্বমতীসারস্য প্রাগুত্পত্তিং পঠন্তি, তদ্যথা,- “দীর্ঘসত্রেণ যজতঃ পৃষধ্রস্য মহাত্মনঃ| আলম্ভ্যাঃ পশবঃ ক্ষীণাস্ততো গাবঃ প্রকল্পিতাঃ|| তাসামুপাকৃতানাং চ গবামত্যর্থসেবনাত্| অসাত্ম্যত্বাদথোষ্ণত্বাদ্গৌরবাচ্চ বিশেষতঃ|| অতিস্নেহাচ্চ সঙ্ক্ষীণো জাঠরোঽগ্নিস্তদা কিল| অতীসারঃ পুরোত্পন্নো দোষধাতুমলাশ্রযঃ|| অথ তেনৈব কল্পেন সম্প্রত্যেষ মহাগদঃ”- ইতি||৩-৫||
Adhikarana 3 (6) · Śloka 6
সংশম্যাপান্ধাতুরন্তঃ কৃশানুং বর্চোমিশ্রো মারুতেন প্রণুন্নঃ | বৃদ্ধোঽতীবাধঃ সরত্যেষ যস্মাদ্ব্যাধিং ঘোরং তং ত্বতীসারমাহুঃ ||৬||
संशम्यापान्धातुरन्तः कृशानुं वर्चोमिश्रो मारुतेन प्रणुन्नः | वृद्धोऽतीवाधः सरत्येष यस्माद्व्याधिं घोरं तं त्वतीसारमाहुः ||६||
🔊 Audio coming soon
লক্ষণং তস্য বক্ষ্যতে ইত্যভিধায সম্প্রাপ্তিরপি লক্ষণং ভবত্যতো হেতোর্নিরুক্তিদ্বারেণ সম্প্রাপ্তিমাহ- সংশম্যাপান্ধাতুরিত্যাদি| যস্মাদন্তরগ্নিং সংশম্য অপান্ধাতুরেবম্ভূতোঽতীবাধঃ সরতি তস্মাদতীসারমাচার্যা আহুরিতি পিণ্ডার্থঃ| সংশম্য মন্দীকৃত্য| অপান্ধাতুঃ কাযদ্রবঃ শ্লেষ্মপিত্তরসাদিকঃ| অন্যে তু কফদুষ্টং রসং স্বেদং চাপান্ধাতুশব্দেনাহুঃ| বর্চোমিশ্রঃ পুরীষযুক্তঃ| প্রণুন্নঃ প্রেরিতঃ| বৃদ্ধো বৃদ্ধিং গতঃ||৬||
Adhikarana 4 (7) · Śloka 8
একৈকশঃ সর্বশশ্চাপি দোষৈঃ শোকেনান্যঃ ষষ্ঠ আমেন চোক্তঃ | কেচিত্ প্রাহুর্নৈকরূপপ্রকারং নৈবেত্যেবং কাশিরাজস্ত্ববোচত্ ||৭|| দোষাবস্থাস্তস্য নৈকপ্রকারাঃ কালে কালে ব্যাধিতস্যোদ্ভবন্তি |৮|
एकैकशः सर्वशश्चापि दोषैः शोकेनान्यः षष्ठ आमेन चोक्तः | केचित् प्राहुर्नैकरूपप्रकारं नैवेत्येवं काशिराजस्त्ववोचत् ||७|| दोषावस्थास्तस्य नैकप्रकाराः काले काले व्याधितस्योद्भवन्ति |८|
🔊 Audio coming soon
ইদানীমতীসারাণাং সঙ্খ্যামাহ- একৈকশ ইত্যাদি| সঙ্খ্যেযনির্দেশাদেব সঙ্খ্যাযাং লব্ধাযাং ষষ্ঠ ইতি সঙ্খ্যাকরণং নিযমার্থং; তেন দ্বন্দ্বজা অতীসারা ন ভবন্তি, ব্যাধিস্বভাবাদিতি সূচিতম্| যেঽন্যে তন্ত্রান্তরীযা বাতাদিভির্ব্যস্তৈঃ সমস্তৈশ্চ চত্বারো, ভযশোকাভ্যাং চ দ্বৌ, ইত্যনযা পরিপাট্যা ষট্ত্বং মন্যন্তে, তেষামীদৃশোঽভিপ্রাযঃ- আমজোঽতীসারঃ সন্নিপাতজেঽবরুদ্ধঃ, ‘আমাজীর্ণাত্ প্রদ্রুতাঃ ক্ষোভযন্তঃ’ ইত্যুক্তত্বাত্| কৈশ্চিদ্ধারীতাদিভির্দ্বন্দ্বজাদিভেদেন বহবোঽতিসারাঃ পঠিতাঃ, তে ধন্বন্তরেরনভিমতাঃ, অতস্তন্নিষেধার্থমাহ- কেচিত্ প্রাহুরিত্যাদি| কেচিন্নৈকরূপপ্রকারমতীসারমাহুঃ; কুতঃ? দ্বন্দ্বজরক্তাতীসারাদিভেদেন বহুপ্রকারত্বাত্, কাশিরাজশ্চ তমতীসারমেব দ্বন্দ্বজাদিভেদেন বহুপ্রকারমিতি হেতোর্নৈবাবোচত্; কোঽসৌ হেতুর্যদ্বশাদনন্তপ্রকারং তং নাবোচদিত্যাহ- দোষাবস্থা ইত্যাদি; দোষাবস্থা আমপক্বরক্তাদ্যাঃ, তস্য অতীসারিণঃ, কালে কালে স্বে স্বে কালে; তত্র প্রথমা আমাবস্থা, ততঃ পক্বাবস্থা, তথা পিত্তাতীসারে পিত্তলসেবনাদ্রক্তাতীসারাবস্থা ভবতি; এবমেকদোষাবস্থেঽপ্যতীসারে দোষান্তরানুবন্ধেন দ্বন্দ্বজাভাসতা জ্ঞেযা| এতেনৈতদুক্তম্- অতীসারঃ ষট্প্রকার এব, যাশ্চ আমপক্বরক্তান্যদোষানুবন্ধাদ্যাস্তত্রানেকপ্রকারা অবস্থাস্তা দোষাণামেবেত্যর্থঃ||৭||-
Adhikarana 5 (8) · Śloka 9
হৃন্নাভিপাযূদরকুক্ষিতোদগাত্রাবসাদানিলসন্নিরোধাঃ ||৮|| বিট্সঙ্গ আধ্মানমথাবিপাকো ভবিষ্যতস্তস্য পুরঃসরাণি |৯|
हृन्नाभिपायूदरकुक्षितोदगात्रावसादानिलसन्निरोधाः ||८|| विट्सङ्ग आध्मानमथाविपाको भविष्यतस्तस्य पुरःसराणि |९|
🔊 Audio coming soon
ইদানীমতীসারস্য পূর্বরূপমাহ- হৃন্নাভিপাযূদরেত্যাদি| হৃত্ হৃদযং, পাযু গুদং, তোদশব্দো হৃদাদিভিঃ কুক্ষিপর্যন্তৈঃ প্রত্যেকং সম্বধ্যতে| যদ্যপ্যুদরগ্রহণেনৈব নাভিকুক্ষী অপি প্রাপ্যেতে, তথাঽপি নাভিকুক্ষ্যভিধানং বিশেষেণ তত্র তোদো ভবতীতি দর্শনার্থম্| পুরঃসরাণি পূর্বরূপাণীত্যর্থঃ||৮||-
Adhikarana 6 (9) · Śloka 10
শূলাবিষ্টঃ সক্তমূত্রোঽন্ত্রকূজী স্রস্তাপানঃ সন্নকট্যূরুজঙ্ঘঃ ||৯|| বর্চো মুঞ্চত্যল্পমল্পং সফেনং রূক্ষং শ্যাবং সানিলং মারুতেন |১০|
शूलाविष्टः सक्तमूत्रोऽन्त्रकूजी स्रस्तापानः सन्नकट्यूरुजङ्घः ||९|| वर्चो मुञ्चत्यल्पमल्पं सफेनं रूक्षं श्यावं सानिलं मारुतेन |१०|
🔊 Audio coming soon
ইদানীং বাতাতীসারস্য লক্ষণমাহ- শূলাবিষ্ট ইত্যাদি| শূলাবিষ্টঃ শূলার্দিতঃ| সক্তমূত্রো বিবদ্ধমূত্রঃ| অন্ত্রকূজী গুডগুডশব্দযুক্তঃ| স্রস্তাপানঃ অধশ্চ্যুতগুদঃ| সন্নকট্যূরুজঙ্ঘঃ শিথিলকট্যূরুজঙ্ঘঃ| অল্পমল্পমিতি চান্যাতিসারাপেক্ষযা| সানিলং সশব্দবাতযুতম্| শ্যাবশব্দোঽত্র ব্রণাস্রাবোক্তারুণভস্মকপোতাস্থিবর্ণানুপলক্ষযতি||৯||-
Adhikarana 7 (10) · Śloka 11
দুর্গন্ধ্যুষ্ণং বেগবন্মাংসতোযপ্রখ্যং ভিন্নং স্বিন্নদেহোঽতিতীক্ষ্ণম্ ||১০|| পিত্তাত্ পীতং নীলমালোহিতং বা তৃষ্ণামূর্চ্ছাদাহপাকজ্বরার্তঃ |১১|
दुर्गन्ध्युष्णं वेगवन्मांसतोयप्रख्यं भिन्नं स्विन्नदेहोऽतितीक्ष्णम् ||१०|| पित्तात् पीतं नीलमालोहितं वा तृष्णामूर्च्छादाहपाकज्वरार्तः |११|
🔊 Audio coming soon
পিত্তাতীসারলক্ষণমাহ- দুর্গন্ধীত্যাদি| এবম্ভূতঃ পুরুষ এবম্ভূতং বর্চঃ পিত্তাদতীসার্যত ইতি সম্বন্ধঃ| বেগবত্ অতিশযেন সবেগম্| মাংসতোযপ্রখ্যং মাংসধাবনোদকসদৃশম্| ভিন্নং স্ফুটিতম্, অতিতীক্ষ্ণম্ অতিশযেন তীক্ষ্ণং, তচ্চ মক্ষিকাণামপসর্পণেন জ্ঞেযম্| দাহো গুদে জঠরে বা, পাকো গুদে এব জ্ঞেযঃ||১০||-
Adhikarana 8 (11) · Śloka 12
তন্দ্রানিদ্রাগৌরবোত্ক্লেশসাদী বেগাশঙ্কী সৃষ্টবিট্কোঽপি ভূযঃ ||১১|| শুক্লং সান্দ্রং শ্লেষ্মণা শ্লেষ্মযুক্তং ভক্তদ্বেষী নিঃস্বনং হৃষ্টরোমা |১২|
तन्द्रानिद्रागौरवोत्क्लेशसादी वेगाशङ्की सृष्टविट्कोऽपि भूयः ||११|| शुक्लं सान्द्रं श्लेष्मणा श्लेष्मयुक्तं भक्तद्वेषी निःस्वनं हृष्टरोमा |१२|
🔊 Audio coming soon
শ্লেষ্মাতীসারলক্ষণমাহ- তন্দ্রানিদ্রেত্যাদি| তন্দ্রা শারীরোক্তলক্ষণনিদ্রাভেদঃ, উত্ক্লেশঃ থূত্করণং, সাদী অঙ্গগ্লানিযুক্তঃ| সৃষ্টবিট্ক ইত্যাদি| সৃষ্টবিট্কোঽপি পুরুষো ভূযঃ পুনর্বেগাশঙ্কী ভবতীত্যর্থঃ| সান্দ্রং ঘনম্| নিঃস্বনং নিঃশব্দম্| হৃষ্টরোমা উদ্ধর্ষিতরোমা||১১||-
Adhikarana 9 (12) · Śloka 13
তন্দ্রাযুক্তো মোহসাদাস্যশোষী বর্চঃ কুর্যান্নৈকবর্ণং তৃষার্তঃ ||১২|| সর্বোদ্ভূতে সর্বলিঙ্গোপপত্তিঃ কৃচ্ছ্রশ্চাযং বালবৃদ্ধেষ্বসাধ্যঃ |১৩|
तन्द्रायुक्तो मोहसादास्यशोषी वर्चः कुर्यान्नैकवर्णं तृषार्तः ||१२|| सर्वोद्भूते सर्वलिङ्गोपपत्तिः कृच्छ्रश्चायं बालवृद्धेष्वसाध्यः |१३|
🔊 Audio coming soon
ইদানীং সন্নিপাতাতীসারলক্ষণমাহ- তন্দ্রাযুক্ত ইত্যাদি| নৈকবর্ণং কিং তর্হি সর্বদোষবর্ণম্| সর্বলিঙ্গোপপত্তিঃ সর্বলিঙ্গপ্রাপ্তিঃ||১২||-
Adhikarana 10 (13-14) · Śloka 15
তৈস্তৈর্ভাবৈঃ শোচতোঽল্পাশনস্য বাষ্পাবেগঃ পক্তিমাবিধ্য(শ্য)জন্তোঃ ||১৩|| কোষ্ঠং গত্বা ক্ষোভযত্যস্য রক্তং তচ্চাধস্তাত্ কাকণন্তীপ্রকাশম্ | বর্চোমিশ্রং নিঃপুরীষং সগন্ধং নির্গন্ধং বা সার্যতে তেন কৃচ্ছ্রাত্ ||১৪|| শোকোত্পন্নো দুশ্চিকিত্স্যোঽতিমাত্রং রোগো বৈদ্যৈঃ কষ্ট এষ প্রদিষ্টঃ |১৫|
तैस्तैर्भावैः शोचतोऽल्पाशनस्य बाष्पावेगः पक्तिमाविध्य(श्य)जन्तोः ||१३|| कोष्ठं गत्वा क्षोभयत्यस्य रक्तं तच्चाधस्तात् काकणन्तीप्रकाशम् | वर्चोमिश्रं निःपुरीषं सगन्धं निर्गन्धं वा सार्यते तेन कृच्छ्रात् ||१४|| शोकोत्पन्नो दुश्चिकित्स्योऽतिमात्रं रोगो वैद्यैः कष्ट एष प्रदिष्टः |१५|
🔊 Audio coming soon
শোকজলক্ষণমাহ- তৈস্তৈর্ভাবৈরিত্যাদি| এবম্ভূতস্য পুরুষস্য বাষ্পাবেগঃ কোষ্ঠং গত্বা, পক্তিমাবিধ্য, রক্তমস্য ক্ষোভযতীতি সম্বন্ধঃ| তৈস্তৈর্ভাবৈঃ বন্ধুবিযোগাদিভিঃ, শোচতঃ শোকং কুর্বতঃ, বাষ্পাবেগঃ শোকোত্থতেজ উদ্রেকঃ, পক্তিমগ্নিং পক্তিহেতুত্বাত্, আবিধ্য আকুলীকৃত্য, ক্ষোভযতি| তচ্চেতি রক্তং, অধস্তাদিতি পদং ক্ষোভযতীত্যনেন সম্বন্ধনীযং, অন্যে সার্যতে তেন ইত্যত্র সম্বধ্নন্তি| কাকণন্তী গুঞ্জা| সগন্ধং নির্গন্ধং বেতি সপুরীষাপুরীষত্বাদিত্যর্থঃ| কেচিদত্র অল্পাশনস্যেত্যস্যানন্তরং শোকোত্পন্ন ইত্যতঃ প্রাক্ অন্যথা পঠন্তি ‘শুষ্কং ভুক্তং তেজ ঊষ্মগৃহীতং কোষ্ঠং গত্বা রক্তমত্যর্থমুষ্ণম্| গুঞ্জাপ্রখ্যং প্রেরযেচ্চাপ্যধস্তাদ্বর্চোযুক্তং নিষ্পুরীষং সগন্ধম্|| নির্গন্ধং বা সার্যতে সোঽতিসারঃ’ ইতি| ব্যাখ্যানযন্তি চ,- শুষ্কং শুষ্কতাং গতং, অল্পত্বাত্; ভুক্তং ভোজনং, তেজঃ শোকোত্থং তেজঃ, ঊষ্মগৃহীতম্ ঊষ্মণা গৃহীতম্||১৩-১৪||-
Adhikarana 11 (15-16) · Śloka 16
আমাজীর্ণোপদ্রুতাঃ ক্ষোভযন্তঃ কোষ্ঠং দোষাঃ সম্প্রদুষ্টাঃ সভক্তম্ ||১৫|| নানাবর্ণং নৈকশঃ সারযন্তি কৃচ্ছ্রাজ্জন্তোঃ ষষ্ঠমেনং বদন্তি ||১৬||
आमाजीर्णोपद्रुताः क्षोभयन्तः कोष्ठं दोषाः सम्प्रदुष्टाः सभक्तम् ||१५|| नानावर्णं नैकशः सारयन्ति कृच्छ्राज्जन्तोः षष्ठमेनं वदन्ति ||१६||
🔊 Audio coming soon
আমাতীসারলক্ষণমাহ- আমাজীর্ণেত্যাদি| দোষাঃ সম্প্রদুষ্টাঃ কোষ্ঠং ক্ষোভযন্তঃ সন্তো নানাবর্ণং কৃচ্ছ্রাত্ সরুক্ একশো ন, অপিতু বহুশঃ সারযন্তীতি পিণ্ডার্থঃ| আমাজীর্ণোপদ্রুতাঃ আমাখ্যেনাজীর্ণেনোদীরিতাঃ, ক্ষোভযন্তঃ চালযন্তঃ, ‘মলং’ ইতি শেষঃ| সভক্তং সসিক্থম্| অত্র পুনঃ ষষ্ঠসঙ্খ্যাবচনং নিযমার্থং, তেন ভযস্নেহাজীর্ণবিসূচিকার্শোঽজীর্ণাদিনিমিত্তা অতীসারা ন পৃথগ্গণনীযাঃ, যতস্তে দোষজেষ্বেবান্তর্ভূতাঃ| এনম্ আমজম্| কেচিত্ ‘সম্প্রদুষ্টাঃ সভক্তম্’ ইত্যত্র ‘ধাতুসঙ্ঘান্ মলাংশ্চ’ ইতি পঠন্তি; ধাতুসঙ্ঘান্ রক্তাদীন্, মলান্ পুরীষাদীন্, ‘দূষযিত্বা’ ইতি শেষঃ, ইতি চ ব্যাখ্যানযন্তি| যদ্যপি সর্বাতীসারাণামাদাবামাতীসারত্বং, তথাঽপি প্রভূতামজনিতত্বাদামজস্য পৃথগুপাদানং, এবং সান্নিপাতিকত্বেঽপ্যস্য পৃথগুপাদানং সমাধেযম্||১৫-১৬||
Adhikarana 12 (17) · Śloka 17
সংসৃষ্টমেভির্দোষৈস্তু ন্যস্তমপ্স্ববসীদতি | পুরীষং ভৃশদুর্গন্ধি বিচ্ছিন্নং চামসঞ্জ্ঞকম্ ||১৭||
संसृष्टमेभिर्दोषैस्तु न्यस्तमप्स्ववसीदति | पुरीषं भृशदुर्गन्धि विच्छिन्नं चामसञ्ज्ञकम् ||१७||
🔊 Audio coming soon
ইদানীমামাতীসারস্য লক্ষণমাহ- সংসৃষ্টমেভির্দোষৈরিত্যাদি| সংসৃষ্টমেভির্দোষৈঃ পূর্বনির্দিষ্টৈর্বাতাদিলিঙ্গৈর্গুরুতরৈর্ব্যাপ্তমিত্যর্থঃ| অবসীদতি ব্রুডতি| বিচ্ছিন্নম্ অল্পাল্পপ্রবর্তকং; ‘বিচ্ছিন্নম্’ ইত্যত্র ‘পিচ্ছিলম্’ ইতি কেচিত্ পঠন্তি||১৭||
Adhikarana 13 (18) · Śloka 18
এতান্যেব তু লিঙ্গানি বিপরীতানি যস্য তু | লাঘবং চ মনুষ্যস্য তস্য পক্বং বিনির্দিশেত্ ||১৮||
एतान्येव तु लिङ्गानि विपरीतानि यस्य तु | लाघवं च मनुष्यस्य तस्य पक्वं विनिर्दिशेत् ||१८||
🔊 Audio coming soon
আমলক্ষণমভিধায পক্বলক্ষণমাহ- এতান্যেবেত্যাদি| এতান্যেব লিঙ্গানি অনন্তরোক্তাপক্বলিঙ্গানি| চকারাত্ কফদুষ্টিরহিতং পুরীষং সমুচ্চীযতে| ‘মনুষ্যস্য’ ইত্যত্র ‘পুরীষস্য’ ইতি কেচিত্ পঠন্তি; ব্যাখ্যানযন্তি চ- যদ্যপি ন্যস্তমপ্স্ববসীদতীত্যস্য বৈপরীত্যেনৈব পুরীষলাঘবং প্রাপ্তং, তথাঽপি পুনর্লাঘবোপাদানং কফদুষ্টিরহিতত্ববোধনায| ননু, কফসংসৃষ্টঃ পক্বোঽপি মলো নিমজ্জতি, তত্ কথং পক্বকফাতীসারজ্ঞানম্? উচ্যতে- তদিতরলক্ষণৈরেব||১৮||
Adhikarana 14 (19-21) · Śloka 21
সর্পির্মেদোবেসবারাম্বুতৈলমজ্জাক্ষীরক্ষৌদ্ররূপং স্রবেদ্যত্ | মঞ্জিষ্ঠাভং মস্তুলুঙ্গোপমং বা বিস্রং শীতং প্রেতগন্ধ্যঞ্জনাভম্ ||১৯|| রাজীমদ্বা চন্দ্রকৈঃ সন্ততং বা পূযপ্রখ্যং কর্দমাভং তথোষ্ণম্ | হন্যাদেতদ্যত্ প্রতীপং ভবেচ্চ ক্ষীণং হন্যুশ্চোপসর্গাঃ প্রভূতাঃ ||২০|| অসংবৃতগুদং ক্ষীণং দুরাধ্মাতমুপদ্রুতম্ | গুদে পক্বে গতোষ্মাণমতীসারকিণং ত্যজেত্ ||২১||
सर्पिर्मेदोवेसवाराम्बुतैलमज्जाक्षीरक्षौद्ररूपं स्रवेद्यत् | मञ्जिष्ठाभं मस्तुलुङ्गोपमं वा विस्रं शीतं प्रेतगन्ध्यञ्जनाभम् ||१९|| राजीमद्वा चन्द्रकैः सन्ततं वा पूयप्रख्यं कर्दमाभं तथोष्णम् | हन्यादेतद्यत् प्रतीपं भवेच्च क्षीणं हन्युश्चोपसर्गाः प्रभूताः ||२०|| असंवृतगुदं क्षीणं दुराध्मातमुपद्रुतम् | गुदे पक्वे गतोष्माणमतीसारकिणं त्यजेत् ||२१||
🔊 Audio coming soon
ইদানীমতীসারাণাং পরিহারার্থমসাধ্যলক্ষণমাহ- সর্পিরিত্যাদি| বেসবারং বিশিষ্টসংস্কারসংস্কৃতং মাংসং খানিস্কাপরপর্যাযং, তেন মিশ্রমম্বু বেসবারাম্বু; রূপশব্দঃ সর্পিরাদিভিঃ প্রত্যেকং সম্বধ্যতে| মস্তুলুঙ্গোঽর্ধবিলীনচতুঃস্নেহাকারো মস্তকমজ্জা তত্সদৃশম্| বিস্রম্ আমগন্ধি, শটিতমৃতকগন্ধতুল্যগন্ধমিত্যর্থঃ| অঞ্জনাভং সৌবীরাঞ্জনাভম্| রাজীমত্ নীলপীতাদিরেখাযুক্তম্| চন্দ্রকৈঃ মযূরপিচ্ছাভৈঃ, সন্ততং ব্যাপ্তম্| যত্ প্রতীপং যথাস্বদোষলিঙ্গেভ্যো বিপরীতলিঙ্গম্, অন্যে তু অরিষ্টলিঙ্গমাহুঃ| উপসর্গা উপদ্রবাঃ, তে চ তন্ত্রান্তরে পঠিতা জ্বরশোফাদযঃ| উক্তং চ,- “শোফং শূলং জ্বরং তৃষ্ণাং শ্বাসং কাসমরোচকম্| ছর্দিং হিক্কাং চ মূর্চ্ছাং চ দৃষ্ট্বাঽতীসারিণং ত্যজেত্” ইতি| প্রভূতা বহবঃ| এতে উপদ্রবাঃ ক্ষীণমতীসারিণং হন্যুরিতি যোজনীযম্| অসংবৃতগুদম্ অসঙ্কুচিতগুদমিত্যর্থঃ| ক্ষীণম্ উত্সাহোপচযবলরহিতং, দুরাত্মানম্ অজিতেন্দ্রিযম্| উপদ্রুতম্ অবারণীযোক্তৈরুপদ্রবৈর্জুষ্টম্| গুদে পক্বে গতোষ্মাণং গুদে পক্বে সতি যস্য ঊষ্মা বহির্নির্গতো বিনষ্টস্তাদৃশমতিসারিণং ত্যজেত্| কেচিত্ ‘দুরাত্মানং’ ইত্যত্র ‘সদাঽঽধ্মাতং’ ইতি পঠন্তি, সদাঽঽধ্মানযুক্তমিতি চ ব্যাখ্যানযন্তি||১৯-২১||
Adhikarana 15 (22-23) · Śloka 23
শরীরিণামতীসারঃ সম্ভূতো যেন কেনচিত্ | দোষাণামেব লিঙ্গানি কদাচিন্নাতিবর্ততে ||২২|| স্নেহাজীর্ণনিমিত্তস্তু বহুশূলপ্রবাহিকঃ | বিসূচিকানিমিত্তস্তু চান্যোঽজীর্ণনিমিত্তজঃ | বিষার্শঃকৃমিসম্ভূতো যথাস্বং দোষলক্ষণঃ ||২৩||
शरीरिणामतीसारः सम्भूतो येन केनचित् | दोषाणामेव लिङ्गानि कदाचिन्नातिवर्तते ||२२|| स्नेहाजीर्णनिमित्तस्तु बहुशूलप्रवाहिकः | विसूचिकानिमित्तस्तु चान्योऽजीर्णनिमित्तजः | विषार्शःकृमिसम्भूतो यथास्वं दोषलक्षणः ||२३||
🔊 Audio coming soon
ইদানীং ষট্সঙ্খ্যাধিক্যশঙ্কানিষেধার্থমিতরাণামতীসারাণাং দোষজেষ্বেবান্তর্ভাবার্থমাহ - শরীরিণামিত্যাদি| যেন কেনচিত্ ‘হেতুনা’ ইতি শেষঃ| যস্মাদ্বহুনিমিত্তজোঽপ্যতীসারো দোষলিঙ্গানি নাতিবর্ততে নাতিক্রামতি তস্মাদ্যথাস্বদোষলক্ষণাদতীসারো জ্ঞেয ইত্যর্থঃ| এতেন ন ষট্সঙ্খ্যাধিক্যম্| কেচিত্ ‘শরীরিণামতীসারঃ’ ইত্যাদিপাঠমামজাতিসারলক্ষণাদনন্তরং পঠন্তি, যুক্তশ্চাযং তথৈব পাঠঃ; পরং জেজ্জটাচার্যবচনানুরোধেনাত্র পঠিতঃ; জেজ্জটাচার্যং বিহাযান্যে টীকাকারা অস্যানন্তরং পাঠং ন পঠন্তি, ক্ষোদক্ষমত্বাভাবাত্||২২-২৩||
Adhikarana 16 (24) · Śloka 24
আমপক্বক্রমং হিত্বা নাতিসারে ক্রিযা যতঃ | অতঃ সর্বেঽতিসারাস্তু জ্ঞেযাঃ পক্বামলক্ষণৈঃ ||২৪||
आमपक्वक्रमं हित्वा नातिसारे क्रिया यतः | अतः सर्वेऽतिसारास्तु ज्ञेयाः पक्वामलक्षणैः ||२४||
🔊 Audio coming soon
ইদানীমামপক্বলক্ষণজ্ঞানে ভিষজো যত্নাতিশযং প্রতিপাদযন্নাহ- আমপক্বক্রমমিত্যাদি| পক্বামলক্ষণৈঃ পূর্বোক্তৈরেব||২৪||
Adhikarana 17 (25) · Śloka 25
তত্রাদৌ লঙ্ঘনং কার্যমতিসারেষু দেহিনাম্ | ততঃ পাচনসংযুক্তো যবাগ্বাদিক্রমো হিতঃ ||২৫||
तत्रादौ लङ्घनं कार्यमतिसारेषु देहिनाम् | ततः पाचनसंयुक्तो यवाग्वादिक्रमो हितः ||२५||
🔊 Audio coming soon
ইদানীং চিকিত্সাবসরঃ- তত্রাদৌ লঙ্ঘনমিত্যাদি| তত্রেতি বাক্যোপক্রমে| লঙ্ঘনম্ উপবাসঃ| আদৌ প্রথমতঃ| যস্মাত্ সর্ব এবাতীসারা আদাবামত্বং ভজন্তেঽত আমশমনার্থমাদৌ লঙ্ঘনং, ততো লঙ্ঘনাদনন্তরম্| আদিশব্দাত্ যূষরসাদযো গৃহ্যন্তে| এতদ্যবাগূযূষরসাদিকং যদ্যস্য হিতং ভবতি তত্তদবস্থাং বুদ্ধ্বা দদ্যাত্| কেচিত্ ‘তত্রাদৌ লঙ্ঘনং কার্যং’ ইত্যস্য স্থানে ‘হিতং লঙ্ঘনমেবাদৌ’ ইত্যাদিপাঠং পঠন্তি, স চ মযা ন দৃষ্ট ইতি ন দর্শিতঃ||২৫||
Adhikarana 18 (26) · Śloka 26
অথবা বামযিত্বাঽঽমে শূলাধ্মাননিপীডিতম্ | পিপ্পলীসৈন্ধবাম্ভোভির্লঙ্ঘনাদ্যৈরুপাচরেত্ ||২৬||
अथवा वामयित्वाऽऽमे शूलाध्माननिपीडितम् | पिप्पलीसैन्धवाम्भोभिर्लङ्घनाद्यैरुपाचरेत् ||२६||
🔊 Audio coming soon
অবস্থাবিশেষেণ পক্ষান্তরমাহ- অথবা বামযিত্বেত্যাদি| আমেঽতীসারে শূলাদিপীডিতং পুরুষং পিপ্পলীসৈন্ধবাম্ভোভির্বামযিত্বা লঙ্ঘনাদ্যৈরুপাচরেদিতি সম্বন্ধঃ| লঙ্ঘনাদ্যৈরিতি লঙ্ঘনস্বেদোষ্ণোদকপানাদিভিঃ| ননু, অগ্নিমান্দ্যাদতীসারপ্রবৃত্তিঃ, তত্ কথমগ্নিমান্দ্যজনকস্য বমনস্য তত্রোপদেশঃ? সত্যম্, অতিপ্রবৃত্তদোষপ্রতিবন্ধার্থং চ বমনং প্রযুজ্যতে||২৬||
Adhikarana 19 (27) · Śloka 27
কার্যং বমনস্যান্তে প্রদ্রবং লঘুভোজনম্ | খডযূষযবাগূষু পিপ্পল্যাদ্যং চ যোজযেত্ ||২৭||
कार्यं वमनस्यान्ते प्रद्रवं लघुभोजनम् | खडयूषयवागूषु पिप्पल्याद्यं च योजयेत् ||२७||
🔊 Audio coming soon
বমনাদনন্তরং যত্ কার্যং তদাহ- কার্যমিত্যাদি| প্রদ্রবং প্রকৃষ্টদ্রবং যবাগূযূষাদি| ননু, ভোজেনাতীসারে দ্রবস্য নিষেধো দর্শিতস্তত্ কথমত্র দ্রবাণাং যবাগ্বাদীনাং প্রযোগঃ? সত্যং, ভোজে কেবলস্যৈব দ্রবস্য নিষেধো ন সংস্কৃতস্যেত্যদোষঃ| অন্যে তু প্রগতদ্রবং প্রদ্রবং কথযন্তি| তন্ন, অতীসারে যবাগূপদেশাত্| খডযূষযবাগূষু পিপ্পল্যাদ্যং চ যোজযেদিতি ষ(খ)ডযূষঃ কপিত্থদাডিমমরিচাদিভিঃ সুপক্বং তক্রম্, অন্যে তু ষডা দাডিমতক্রশাকাদিসংস্কৃতা দ্রবাঃ, যূষা মুদ্গমসূরাদিকৃতাঃ||২৭||
Adhikarana 20 (28) · Śloka 28
অনেন বিধিনা চামং যস্য বৈ নোপশাম্যতি | হরিদ্রাদিং বচাদিং বা পিবেত্ প্রাতঃ স মানবঃ ||২৮||
अनेन विधिना चामं यस्य वै नोपशाम्यति | हरिद्रादिं वचादिं वा पिबेत् प्रातः स मानवः ||२८||
🔊 Audio coming soon
ষডযূষাদিভিরপচ্যমানেঽতীসারে পাচনার্থমাহ- অনেন বিধিনা চামমিত্যাদি| আমম্ আমাতীসারঃ| প্রাতঃশব্দো নিরন্নতাদ্যোতকঃ||২৮||
Adhikarana 21 (29-30) · Śloka 30
আমাতীসারিণাং কার্যং নাদৌ সঙ্গ্রহণং নৃণাম্ | তেষাং দোষা বিবদ্ধাঃ প্রাগ্জনযন্ত্যামযানিমান্ ||২৯|| প্লীহপাণ্ড্বামযানাহমেহকুষ্ঠোদরজ্বরান্ | শোফগুল্মগ্রহণ্যর্শঃশূলালসকহৃদ্গ্রহান্ ||৩০||
आमातीसारिणां कार्यं नादौ सङ्ग्रहणं नृणाम् | तेषां दोषा विबद्धाः प्राग्जनयन्त्यामयानिमान् ||२९|| प्लीहपाण्ड्वामयानाहमेहकुष्ठोदरज्वरान् | शोफगुल्मग्रहण्यर्शःशूलालसकहृद्ग्रहान् ||३०||
🔊 Audio coming soon
আমাতিসারে আদৌ সঙ্গ্রহাদ্দোষমাহ- আমাতীসারিণামিত্যাদি| তেষাম্ আমাতিসারিণাম্| বিবদ্ধা বিশেষেণ বদ্ধা সঙ্গৃহীতা ইত্যর্থঃ| অন্যে আমাতীসারিণামিত্যাদিপাঠস্য স্থানে ‘দোষস্তম্ভনমাদৌ তু ন কর্তব্যং বিজানতা| তস্যাদৌ বধ্যমানস্তু বলী কুর্যাদুপদ্রবান্’ ইতি পঠন্তি| অপরে তু অন্যথা পাঠং পঠন্তি, স চাপ্রসিদ্ধ ইতি ন দর্শিতঃ||২৯-৩০||
Adhikarana 22 (31) · Śloka 31
সশূলং বহুশঃ কৃচ্ছ্রাদ্বিবদ্ধং যোঽতিসার্যতে | দোষান্ সন্নিচিতান্ তস্য পথ্যাভিঃ সম্প্রবর্তযেত্ ||৩১||
सशूलं बहुशः कृच्छ्राद्विबद्धं योऽतिसार्यते | दोषान् सन्निचितान् तस्य पथ्याभिः सम्प्रवर्तयेत् ||३१||
🔊 Audio coming soon
ইদানীমাবস্থিকং ক্রমমাহ- সশূলমিত্যাদি| বিবদ্ধং বিবদ্ধমিব অল্পাল্পপ্রবৃত্তিঃ| সন্নিচিতান্ সঞ্চযগতান্, প্রবৃদ্ধানিত্যর্থঃ| সম্প্রবর্তযেদিত্যত্র বহুশ ইতি সম্বন্ধনীযম্| যস্মাত্ সন্নিচিতাঃ শূলকারিণো দোষা বিরেচনেনাধঃপতন্তি তস্মাদতীসারেঽপি বিরেচনং প্রযুজ্যতে||৩১||
Adhikarana 23 (32) · Śloka 32
যোঽতিদ্রবং প্রভূতং চ পূরীষমতিসার্যতে | তস্যাদৌ বমনং কুর্যাত্ পশ্চাল্লঙ্ঘনপাচনম্ ||৩২||
योऽतिद्रवं प्रभूतं च पूरीषमतिसार्यते | तस्यादौ वमनं कुर्यात् पश्चाल्लङ्घनपाचनम् ||३२||
🔊 Audio coming soon
অপরমাবস্থিকমাহ- যোঽতিদ্রবমিত্যাদি| যস্মাদ্বমনমূর্ধ্বমার্গহরণদ্বারেণোদকধাতোরুচ্ছেদকারী তস্মাত্ প্রযুজ্যতে||৩২||
Adhikarana 24 (33) · Śloka 33
স্তোকং স্তোকং বিবদ্ধং বা সশূলং যোঽতিসার্যতে | অভযাপিপ্পলীকল্কৈঃ সুখোষ্ণৈস্তং বিরেচযেত্ ||৩৩||
स्तोकं स्तोकं विबद्धं वा सशूलं योऽतिसार्यते | अभयापिप्पलीकल्कैः सुखोष्णैस्तं विरेचयेत् ||३३||
🔊 Audio coming soon
স্তোকমিত্যাদি| বাশব্দোঽভযাপিপ্পলীকল্কৈরিত্যত্র সম্বন্ধনীযঃ| যদ্যপি ‘সশূলং বহুশ’ ইত্যনেনৈব স্তোকং বিবদ্ধমিত্যস্যার্থঃ প্রাপ্তঃ, তথাঽপি পিপ্পলীসংযোগস্যাধিকস্য দর্শনার্থং পুনরভিধানম্||৩৩||
Adhikarana 25 (34) · Śloka 34
আমে চ লঙ্ঘনং শস্তমাদৌ পাচনমেব বা |৩৪|
आमे च लङ्घनं शस्तमादौ पाचनमेव वा |३४|
🔊 Audio coming soon
তত্র লঙ্ঘনং পরং যদি তস্যৈব বিকল্পকার্থমাহ- আমে চ লঙ্ঘনমিত্যাদি| আমাতীসারে লঙ্ঘনং কার্যং পরং যদি লঙ্ঘনে ক্ষমং শরীরমন্নানভিলাষশ্চ ভবতি, অতো বিপর্যযে আদৌ পাচনমিতি|৩৪|-
Adhikarana 26 (34) · Śloka 34
যোগাশ্চাত্র প্রবক্ষ্যন্তে ত্বামাতীসারনাশনাঃ ||৩৪||
योगाश्चात्र प्रवक्ष्यन्ते त्वामातीसारनाशनाः ||३४||
🔊 Audio coming soon
যোগাশ্চাত্রেত্যাদি| যোগাঃ পাচনযোগাঃ||৩৪||
Adhikarana 27 (35-46) · Śloka 46
কলিঙ্গাতিবিষাহিঙ্গুসৌবর্চলবচাভযাঃ | দেবদারুবচামুস্তানাগরাতিবিষাভযাঃ ||৩৫|| অভযা ধান্যকং মুস্তং পিপ্পলী নাগরং বচা | নাগরং ধান্যকং মুস্তং বালকং বিল্বমেব চ ||৩৬|| মুস্তং পর্পটকং শুণ্ঠী বচা প্রতিবিষাঽভযা | অভযাঽতিবিষা হিঙ্গু বচা সৌবর্চলং তথা ||৩৭|| চিত্রকঃ পিপ্পলীমূলং বচা কটুকরোহিণী | পাঠা বত্সকবীজানি হরীতক্যো মহৌষধম্ ||৩৮|| মূর্বা নির্দহনী পাঠা ত্র্যূষণং গজপিপ্পলী | সিদ্ধার্থকা ভদ্রদারু শতাহ্বা কটুরোহিণী ||৩৯|| এলা সাবরকং কুষ্ঠং হরিদ্রে কৌটজা যবাঃ | মেষশৃঙ্গী ত্বগেলে চ কৃমিঘ্নং বৃক্ষকাণি চ ||৪০|| বৃক্ষাদনী বীরতরুর্বৃহত্যৌ দ্বে সহে তথা | অরলুত্বক্ তৈন্দুকী চ দাডিমী কৌটজী শমী ||৪১|| পাঠা তেজোবতী মুস্তং পিপ্পলী কৌটজং ফলম্ | পটোলং(লী) দীপ্যকো বিল্বং হরিদ্রে দেবদারু চ ||৪২|| বিডঙ্গমভযা পাঠা শৃঙ্গবেরং ঘনং বচা | বচা বত্সকবীজানি সৈন্ধবং কটুরোহিণী ||৪৩|| হিঙ্গুর্বত্সকবীজানি বচা বিল্বশলাটু চ | নাগরাতিবিষে মুস্তং পিপ্পল্যো বাত্সকং ফলম্ ||৪৪|| মহৌষধং প্রতিবিষা মুস্তং চেত্যামপাচনাঃ | প্রযোজ্যা বিংশতির্যোগাঃ শ্লোকার্ধবিহিতাস্ত্বিমে ||৪৫|| ধান্যাম্লোষ্ণাম্বুমদ্যানাং পিবেদন্যতমেন বা | নিষ্ক্বাথান্ বা পিবেদেষাং সুখোষ্ণান্ সাধু সাধিতান্ ||৪৬||
कलिङ्गातिविषाहिङ्गुसौवर्चलवचाभयाः | देवदारुवचामुस्तानागरातिविषाभयाः ||३५|| अभया धान्यकं मुस्तं पिप्पली नागरं वचा | नागरं धान्यकं मुस्तं वालकं बिल्वमेव च ||३६|| मुस्तं पर्पटकं शुण्ठी वचा प्रतिविषाऽभया | अभयाऽतिविषा हिङ्गु वचा सौवर्चलं तथा ||३७|| चित्रकः पिप्पलीमूलं वचा कटुकरोहिणी | पाठा वत्सकबीजानि हरीतक्यो महौषधम् ||३८|| मूर्वा निर्दहनी पाठा त्र्यूषणं गजपिप्पली | सिद्धार्थका भद्रदारु शताह्वा कटुरोहिणी ||३९|| एला सावरकं कुष्ठं हरिद्रे कौटजा यवाः | मेषशृङ्गी त्वगेले च कृमिघ्नं वृक्षकाणि च ||४०|| वृक्षादनी वीरतरुर्बृहत्यौ द्वे सहे तथा | अरलुत्वक् तैन्दुकी च दाडिमी कौटजी शमी ||४१|| पाठा तेजोवती मुस्तं पिप्पली कौटजं फलम् | पटोलं(ली) दीप्यको बिल्वं हरिद्रे देवदारु च ||४२|| विडङ्गमभया पाठा शृङ्गवेरं घनं वचा | वचा वत्सकबीजानि सैन्धवं कटुरोहिणी ||४३|| हिङ्गुर्वत्सकबीजानि वचा बिल्वशलाटु च | नागरातिविषे मुस्तं पिप्पल्यो वात्सकं फलम् ||४४|| महौषधं प्रतिविषा मुस्तं चेत्यामपाचनाः | प्रयोज्या विंशतिर्योगाः श्लोकार्धविहितास्त्विमे ||४५|| धान्याम्लोष्णाम्बुमद्यानां पिबेदन्यतमेन वा | निष्क्वाथान् वा पिबेदेषां सुखोष्णान् साधु साधितान् ||४६||
🔊 Audio coming soon
তানেব পাচনযোগানাহ- কলিঙ্গেত্যাদি| কলিঙ্গা ইন্দ্রযবাঃ| প্রতিবিষা শ্যামকন্দাঽতিবিষাভেদঃ| মহৌষধং শুণ্ঠী| মূর্বা চোরস্নাযুঃ, নির্দহনী চিত্রকঃ, ত্র্যূষণং ত্রিকটুকম্| সিদ্ধার্থকাঃ শ্বেতসর্ষপাঃ, কটুরোহিণী কটুকা| সাবরকং রোধ্রং, হরিদ্রে হরিদ্রাদ্বযং, কৌটজা যবা ইন্দ্রযবাঃ| মেষশৃঙ্গী কর্কটশৃঙ্গী, ত্বক্ ত্বচা, কৃমিঘ্নং বিডঙ্গং, বৃক্ষকঃ কুটজঃ, বৃক্ষাদনী বন্দাকঃ, বীরতরুঃ শরঃ, বৃহত্যৌ ক্ষুদ্রফলা স্থূলফলা চ, দ্বে সহে মুদ্গপর্ণী মাষপর্ণী চ| অরলুঃ শ্যোনাকভেদঃ তস্য ত্বক্, অন্যে শ্যোনাকমরলুশব্দেনাহুঃ ত্বক্শব্দোঽর্থবশাত্ তিন্দুকী চেত্যাদিষ্বপি সম্বন্ধনীযঃ| তেজোবতী কাকমর্দনিকা| দীপ্যকো যবানী, অন্যে অজমোদামাহুঃ| শৃঙ্গবেরং শুণ্ঠী, বিল্বশলাটু কোমলং বিল্বং, বাত্সকং ফলম্ ইন্দ্রযবাঃ| শ্লোকার্ধবিহিতা অর্ধশ্লোকৈঃ কৃতা ইত্যর্থঃ| ধান্যাম্লাদীনাং মধ্যাদন্যতমেন কলিঙ্গকাদিচূর্ণং পিবেত্| এতেষাং নিষ্ক্বাথান্ সাধু সাধিতান্ মাত্রযা সাধিতান্ পিবেদিতি| এতদ্বৃদ্ধবৈদ্যা নেচ্ছন্তি, বহুদ্রব্যসাধিতাম্বুসংস্কৃতাহারস্যারুচিকরত্বাত্||৩৫-৪৬||
Adhikarana 28 (47-59) · Śloka 59
পযস্যুত্ক্বাথ্য মুস্তানাং বিংশতিং ত্রিগুণাম্ভসি | ক্ষীরাবশিষ্টং তত্পীতং হন্ত্যামং শূলমেব চ ||৪৭|| নিখিলেনোপদিষ্টোঽযং বিধিরামোপশান্তযে | হরীতকীমতিবিষাং হিঙ্গু সৌবর্চলং বচাম্ ||৪৮|| পিবেত্ সুখাম্বুনা জন্তুরামাতীসারপীডিতঃ | পটোলং দীপ্যকং বিল্বং বচাপিপ্পলিনাগরম্ ||৪৯|| মুস্তং কুষ্ঠং বিডঙ্গং চ পিবেদ্বাঽপি সুখাম্বুনা | শৃঙ্গবেরং গুডূচীং চ পিবেদুষ্ণেন বারিণা ||৫০|| লবণান্যথ পিপ্পল্যো বিডঙ্গানি হরীতকী | চিত্রকং শিংশপা পাঠা শার্ঙ্গেষ্টা লবণানি চ ||৫১|| হিঙ্গুর্বৃক্ষকবীজানি লবণানি চ ভাগশঃ | হস্তিদন্ত্যথ পিপ্পল্যঃ কল্কাবক্ষসমৌ স্মৃতৌ ||৫২|| বচা গুডূচীকাণ্ডানি যোগোঽযং পরমো মতঃ | এতে সুখাম্বুনা যোগা দেযাঃ পঞ্চ সতাং মতাঃ ||৫৩|| নিবৃত্তেষ্বামশূলেষু যস্য ন প্রগুণোঽনিলঃ | স্তোকং স্তোকং রুজামচ্চ সশূলং যোঽতিসার্যতে ||৫৪|| সক্ষারলবণৈর্যুক্তং মন্দাগ্নিঃ স পিবেদ্ঘৃতম্ | ক্ষীরনাগরচাঙ্গেরীকোলদধ্যম্লসাধিতম্ ||৫৫|| সর্পিরচ্ছং পিবেদ্বাপি শূলাতীসারশান্তযে | দধ্না তৈলঘৃতং পক্বং সব্যোষাজাতিচিত্রকৈঃ ||৫৬|| সবিল্বপিপ্পলীমূলদাডিমৈর্বা রুগন্বিতৈঃ | নিখিলো বিধিরুক্তোঽযং বাতশ্লেষ্মোপশান্তযে ||৫৭|| তীক্ষ্ণোষ্ণবর্জ্যমেনং তু বিদধ্যাত্পিত্তজে ভিষক্ | যথোক্তমুপবাসান্তে যবাগূশ্চ প্রশস্যতে ||৫৮|| বলযোরংশুমত্যাং চ শ্বদংষ্ট্রবৃহতীষু চ | শতাবর্যাং চ সংসিদ্ধাঃ সুশীতা মধুসংযুতাঃ ||৫৯||
पयस्युत्क्वाथ्य मुस्तानां विंशतिं त्रिगुणाम्भसि | क्षीरावशिष्टं तत्पीतं हन्त्यामं शूलमेव च ||४७|| निखिलेनोपदिष्टोऽयं विधिरामोपशान्तये | हरीतकीमतिविषां हिङ्गु सौवर्चलं वचाम् ||४८|| पिबेत् सुखाम्बुना जन्तुरामातीसारपीडितः | पटोलं दीप्यकं बिल्वं वचापिप्पलिनागरम् ||४९|| मुस्तं कुष्ठं विडङ्गं च पिबेद्वाऽपि सुखाम्बुना | शृङ्गवेरं गुडूचीं च पिबेदुष्णेन वारिणा ||५०|| लवणान्यथ पिप्पल्यो विडङ्गानि हरीतकी | चित्रकं शिंशपा पाठा शार्ङ्गेष्टा लवणानि च ||५१|| हिङ्गुर्वृक्षकबीजानि लवणानि च भागशः | हस्तिदन्त्यथ पिप्पल्यः कल्कावक्षसमौ स्मृतौ ||५२|| वचा गुडूचीकाण्डानि योगोऽयं परमो मतः | एते सुखाम्बुना योगा देयाः पञ्च सतां मताः ||५३|| निवृत्तेष्वामशूलेषु यस्य न प्रगुणोऽनिलः | स्तोकं स्तोकं रुजामच्च सशूलं योऽतिसार्यते ||५४|| सक्षारलवणैर्युक्तं मन्दाग्निः स पिबेद्घृतम् | क्षीरनागरचाङ्गेरीकोलदध्यम्लसाधितम् ||५५|| सर्पिरच्छं पिबेद्वापि शूलातीसारशान्तये | दध्ना तैलघृतं पक्वं सव्योषाजातिचित्रकैः ||५६|| सबिल्वपिप्पलीमूलदाडिमैर्वा रुगन्वितैः | निखिलो विधिरुक्तोऽयं वातश्लेष्मोपशान्तये ||५७|| तीक्ष्णोष्णवर्ज्यमेनं तु विदध्यात्पित्तजे भिषक् | यथोक्तमुपवासान्ते यवागूश्च प्रशस्यते ||५८|| बलयोरंशुमत्यां च श्वदंष्ट्रबृहतीषु च | शतावर्यां च संसिद्धाः सुशीता मधुसंयुताः ||५९||
🔊 Audio coming soon
সশূলেঽতিসারে যোগানাহ- পযসীত্যাদি||৪৭-৫৯||
Adhikarana 29 (60) · Śloka 60
মুদ্গাদিষু চ যূষাঃ স্যুর্দ্রব্যৈরেতৈঃ সুসংস্কৃতাঃ |৬০|
मुद्गादिषु च यूषाः स्युर्द्रव्यैरेतैः सुसंस्कृताः |६०|
🔊 Audio coming soon
যবাগূবিষযে যূষমাহ- মুদ্গাদিষু চেত্যাদি| মুদ্গাদিষ্বিত্যাদিশব্দাত্ বনমুদ্গকলাযমসূরাদিবর্গগ্রহণম্| দ্রব্যৈরেতৈরিতি বলাদিভিঃ| ক্বাথকল্পনা অত্রাপি পূর্ববত্|৬০|-
Adhikarana 30 (60-62) · Śloka 62
মৃদুভির্দীপনৈস্তিক্তৈর্দ্রব্যৈঃ স্যাদামপাচনম্ ||৬০|| হরিদ্রাতিবিষাপাঠাবত্সবীজরসাঞ্জনম্ | রসাঞ্জনং হরিদ্রে দ্বে বীজানি কুটজস্য চ ||৬১|| পাঠা গুডূচী ভূনিম্বস্তথৈব কটুরোহিণী | এতৈঃ শ্লোকার্ধনির্দিষ্টৈঃ ক্বাথাঃ স্যুঃ পিত্তপাচনাঃ ||৬২||
मृदुभिर्दीपनैस्तिक्तैर्द्रव्यैः स्यादामपाचनम् ||६०|| हरिद्रातिविषापाठावत्सबीजरसाञ्जनम् | रसाञ्जनं हरिद्रे द्वे बीजानि कुटजस्य च ||६१|| पाठा गुडूची भूनिम्बस्तथैव कटुरोहिणी | एतैः श्लोकार्धनिर्दिष्टैः क्वाथाः स्युः पित्तपाचनाः ||६२||
🔊 Audio coming soon
পৈত্তিকে আমাতীসারে পরং পাচনমাহ- মৃদুভির্দীপনৈরিত্যাদি| এবংবিশিষ্টৈস্তিক্তৈর্দুরালভাগুডূচ্যতিবিষাপ্রভৃতিভিরামপাচনং পিত্তাতীসারে বোদ্ধব্যম্| ননু, তিক্তানি শীতবীর্যাণি কথমামাতীসারে পাচনানি? উচ্যতে, জ্বরাতীসারাদৌ তিক্তান্যপি পাচনান্যেবাভিমতানি; উক্তং চ,- ‘স্বেদনং লঙ্ঘনং কালো যবাগ্বস্তিক্তকো রসঃ| পাচনান্যবিপক্বানাম্’- ইতি| অন্যে তু তিক্তকানি অর্কাগরুপ্রভৃতীন্যুষ্ণবীর্যাণি পাচনীযানি; নান্যানি, তেষাং শীতবীর্যত্বাত্| অতীসারে অর্কাদীনামযৌগিকত্বাত্তান্যেব তিক্তদ্রব্যাণ্যাহ- হরিদ্রাতিবিষাপাঠেত্যাদি| হরিদ্রাদিভিঃ পিত্তপাচনাঃ ক্বাথাঃ শ্লোকার্ধনির্দিষ্টাঃ স্যুরিতি সম্বন্ধঃ||৬০-৬২||
Adhikarana 31 (63-65) · Śloka 66
মুস্তং কুটজবীজানি ভূনিম্বং সরসাঞ্জনম্ | দার্বী দুরালভা বিল্বং বালকং রক্তচন্দনম্ ||৬৩|| চন্দনং বালকং মুস্তং ভূনিম্বং সদুরালভম্ | মৃণালং চন্দনং রোধ্রং নাগরং নীলমুত্পলম্ ||৬৪|| পাঠা মুস্তং হরিদ্রে দ্বে পিপ্পলী কৌটজং ফলম্ | ফলত্বচং বত্সকস্য শৃঙ্গবেরং ঘনং বচা ||৬৫|| ষডেতেঽভিহিতা যোগাঃ পিত্তাতীসারনাশনাঃ |৬৬|
मुस्तं कुटजबीजानि भूनिम्बं सरसाञ्जनम् | दार्वी दुरालभा बिल्वं वालकं रक्तचन्दनम् ||६३|| चन्दनं वालकं मुस्तं भूनिम्बं सदुरालभम् | मृणालं चन्दनं रोध्रं नागरं नीलमुत्पलम् ||६४|| पाठा मुस्तं हरिद्रे द्वे पिप्पली कौटजं फलम् | फलत्वचं वत्सकस्य शृङ्गवेरं घनं वचा ||६५|| षडेतेऽभिहिता योगाः पित्तातीसारनाशनाः |६६|
🔊 Audio coming soon
অপরান্ যোগান্ সিদ্ধতমান্ সামপিত্তপাচনার্থমাহ- মুস্তমিত্যাদি| ভূনিম্বং কিরাতং, সরসাঞ্জনং রসাঞ্জনসহিতম্| দার্বী দারুহরিদ্রা, বিল্বং বিল্বফলম্| মৃণালং পদ্মনালং, চন্দনং রক্তচন্দনং, রোধ্রং শাবরং, নাগরং শুণ্ঠী| ঘনং মুস্তম্| অভিহিতা যোগাঃ ‘শ্লোকার্ধেন’ ইতি শেষঃ| পূর্বেভ্যো বিংশতিযোগেভ্যো হরিদ্রাতিবিষেত্যাদিযোগাস্তথা মুস্তং কুটজবীজানীত্যাদযো যোগাঃ সিদ্ধতমাঃ, অতঃ পৃথক্ পঠিতাঃ| বাতকফোত্থযোরতীসারযোঃ পাচনেন বাতকফপাকাত্ পিত্তানুবন্ধঃ স্যাত্, অতস্তত্সংশমনার্থং মুস্তং কুটজবীজানীত্যাদযো যোগা নির্দিষ্টা ইতি কেচিদ্ব্যাখ্যানযন্তি| অত এব পক্বাতীসারচিকিত্সিতপ্রকরণাত্ প্রাক্ পিত্তারব্ধপক্বাতীসারস্য চিকিত্সা তৈরভিহিতা||৬৩-৬৫||
Adhikarana 32 (66) · Śloka 66
বিল্বশক্রযবাম্ভোদবালকাতিবিষাকৃতঃ | কষাযো হন্ত্যতীসারং সামং পিত্তসমুদ্ভবম্ ||৬৬||
बिल्वशक्रयवाम्भोदबालकातिविषाकृतः | कषायो हन्त्यतीसारं सामं पित्तसमुद्भवम् ||६६||
🔊 Audio coming soon
অতঃ পরমপরং সিদ্ধতমং যোগমাহ- বিল্বেত্যাদি| বিল্বং বিল্বফলং কোমলং, শক্রযবা ইন্দ্রযবাঃ, অম্ভোদো মুস্তা, অতিবিষাকৃত ইতি কৃতগ্রহণং শীতকষাযাদিনিবৃত্ত্যর্থম্| অযং যোগশ্চিরপ্রবৃত্তেঽপি সামে সশোণিতে দৃশ্যতে||৬৬||
Adhikarana 33 (67) · Śloka 67
মধুকোত্পলবিল্বাব্দহ্রীবেরোশীরনাগরৈঃ | কৃতঃ ক্বাথো মধুযুতঃ পিত্তাতীসারনাশনঃ ||৬৭||
मधुकोत्पलबिल्वाब्दह्रीबेरोशीरनागरैः | कृतः क्वाथो मधुयुतः पित्तातीसारनाशनः ||६७||
🔊 Audio coming soon
মধুকোত্পলবিল্বাব্দেত্যাদি| মধুকং যষ্টীমধু, উত্পলং নীলোত্পলম্| অব্দং মুস্তং, হ্রীবেরং বালকং; মধুকাদিদ্রব্যৈঃ কৃতঃ ক্বাথঃ সুশীতো মধুযুতঃ পিত্তাতীসারনাশনো ভবতীতি সম্বন্ধঃ||৬৭||
Adhikarana 34 (68) · Śloka 68
যদা পক্বোঽপ্যতীসারঃ সরত্যেব মুহুর্মুহুঃ | গ্রহণ্যা মার্দবাজ্জন্তোস্তত্র সংস্তম্ভনং হিতম্ ||৬৮||
यदा पक्वोऽप्यतीसारः सरत्येव मुहुर्मुहुः | ग्रहण्या मार्दवाज्जन्तोस्तत्र संस्तम्भनं हितम् ||६८||
🔊 Audio coming soon
পক্বাতীসারস্য সরণে কিং কার্যমিত্যাহ- যদা পক্বোঽপ্যতীসার ইত্যাদি| গ্রহণ্যা মার্দবাত্ অগ্নিস্তম্ভাত্| সংস্তম্ভনং সঙ্গ্রহণম্||৬৮||
Adhikarana 35 (69-71) · Śloka 71
সমঙ্গা ধাতকীপুষ্পং মঞ্জিষ্ঠা লোধ্রমুস্তকম্ | শাল্মলীবেষ্টকো রোধ্রং বৃক্ষদাডিমযোস্ত্বচৌ ||৬৯|| আম্রাস্থিমধ্যং লোধ্রং চ বিল্বমধ্যং প্রিযঙ্গবঃ | মধুকং শৃঙ্গবেরং চ দীর্ঘবৃন্তত্বগেব চ ||৭০|| চত্বার এতে যোগাঃ স্যুঃ পক্বাতীসারনাশনাঃ | উক্তা য উপযোজ্যাস্তে সক্ষৌদ্রাস্তণ্ডুলাম্বুনা ||৭১||
समङ्गा धातकीपुष्पं मञ्जिष्ठा लोध्रमुस्तकम् | शाल्मलीवेष्टको रोध्रं वृक्षदाडिमयोस्त्वचौ ||६९|| आम्रास्थिमध्यं लोध्रं च बिल्वमध्यं प्रियङ्गवः | मधुकं शृङ्गवेरं च दीर्घवृन्तत्वगेव च ||७०|| चत्वार एते योगाः स्युः पक्वातीसारनाशनाः | उक्ता य उपयोज्यास्ते सक्षौद्रास्तण्डुलाम्बुना ||७१||
🔊 Audio coming soon
তানেব স্তম্ভনযোগানাহ- সমঙ্গা ধাতকীপুষ্পমিত্যাদি| সমঙ্গা লজ্জালুকা, অন্যে বরাহক্রান্তামাহুঃ| শাল্মলীবেষ্টকঃ শাল্মলীনির্যাসকঃ, অন্যে বেষ্টকং বৃন্তমাহুঃ; বৃক্ষঃ কুটজঃ| আম্রাস্থিমধ্যম্ আম্রফলমজ্জা| শৃঙ্গবেরং শুণ্ঠী, দীর্ঘবৃন্তত্বক্ অরলুত্বক্, অন্যে শ্যোনাকত্বগিত্যাহুঃ| চত্বার এতে যোগাঃ শ্লোকার্ধোক্তাঃ| অন্যে তু- ‘সমঙ্গাধাতকীপুষ্পমঞ্জিষ্ঠারোধ্রমুস্তকম্| শাল্মলীবেষ্টকং বাঽপি বিদধ্যাদ্যোগমুত্তমম্’ ইত্যেকেনৈব শাল্মলীবেষ্টকেনাপরং পঞ্চমং যোগং মন্যন্তে; তত এব চ ‘এতে হি পঞ্চযোগাঃ স্যুঃ পক্বাতীসারনাশনাঃ’ ইতি পঠন্তি| সর্বেঽপি পক্বাতীসারনাশনাঃ স্যুঃ| অন্যে তু পিত্তাতীসারনাশনা ইতি ব্যাখ্যানযন্তি| কথমেতে যোগা উপযোজ্যা ইত্যাহ- উক্তা ইত্যাদি| যে যোগাঃ সমঙ্গাদিকা উক্তাস্তে সক্ষৌদ্রাস্তণ্ডুলাম্বুনা উপযোজ্যা ইত্যর্থঃ||৬৯-৭১||
Adhikarana 36 (72) · Śloka 72
মৌস্তং কষাযমেকং বা পেযং মধুসমাযুতম্ | লোধ্রাম্বষ্ঠাপ্রিযঙ্গ্বাদীন্ গণানেবং প্রযোজযেত্ ||৭২||
मौस्तं कषायमेकं वा पेयं मधुसमायुतम् | लोध्राम्बष्ठाप्रियङ्ग्वादीन् गणानेवं प्रयोजयेत् ||७२||
🔊 Audio coming soon
মৌস্তং কষাযমেকমিত্যাদি| কষাযমেকং বেতি কথমেতদুচ্যতে মধুপানীযযোরপি বিদ্যমানত্বাত্? নৈবং, তযোঃ সংস্কারত্বেনাপ্রধানত্বাত্| অযং যোগঃ পক্বপিত্তরক্তাতীসারে বিশেষেণ বোদ্ধব্যঃ; সামান্যে পক্বাতীসারে কেচিন্মন্যন্তে, তথা চোক্তং ‘পক্বাতীসারিণে দেযো মুস্তাক্বাথঃ সমাক্ষিকঃ’ ইতি| রোধ্রাদ্যম্বষ্ঠাদিপ্রিযঙ্গ্বাদীন্ গণানেবমিতি ক্বাথান্ কৃত্বা মধুপ্রক্ষেপেণ সহোপযোজযেদিত্যর্থঃ||৭২||
Adhikarana 37 (73) · Śloka 73
পদ্মাং সমঙ্গাং মধুকং বিল্বজম্বূশলাটু চ | পিবেত্তণ্ডুলতোযেন সক্ষৌদ্রমগদঙ্করম্ ||৭৩||
पद्मां समङ्गां मधुकं बिल्वजम्बूशलाटु च | पिबेत्तण्डुलतोयेन सक्षौद्रमगदङ्करम् ||७३||
🔊 Audio coming soon
পদ্মাং সমঙ্গামিত্যাদি| পদ্মা ভার্গী, সমঙ্গা লজ্জালুকা, বিল্বজম্বূশলাটু চেতি বিল্বফলং কোমলং, জম্বূফলং চ কোমলম্| অগদঙ্করমত্র অতীসারহরমিত্যর্থঃ||৭৩||
Adhikarana 38 (74) · Śloka 75
কচ্ছুরামূলকল্কং বাঽপ্যুদুম্বরফলোপমম্ | পযস্যা চন্দনং পদ্মা সিতামুস্তাব্জকেশরম্ ||৭৪|| পক্বাতিসারং যোগোঽযং জযেত্পীতঃ সশোণিতম্ |৭৫|
कच्छुरामूलकल्कं वाऽप्युदुम्बरफलोपमम् | पयस्या चन्दनं पद्मा सितामुस्ताब्जकेशरम् ||७४|| पक्वातिसारं योगोऽयं जयेत्पीतः सशोणितम् |७५|
🔊 Audio coming soon
কচ্ছুরামূলকল্কং বেত্যাদি| কচ্ছুরা কঙ্কতিকা, তন্মূলকল্কমুদুম্বরফলোপমং কর্ষপ্রমাণং সক্ষৌদ্রং তণ্ডুলাম্বুনা পিবেদিতি সম্বধ্যতে| পযস্যা চন্দনমিত্যাদি| পযস্যা অর্কপুষ্পী, অন্যে দুগ্ধিকামাহুঃ, ক্ষীরকাকোলীমপরে; চন্দনং রক্তচন্দনং, পদ্মা ভার্গী, সিতা শর্করা, অব্জকেশরং পদ্মকেশরম্| সশোণিতমিতি পিত্তাতীসারমেব নতু রক্তাতীসারং, তচ্চিকিত্সাযা বক্ষ্যমাণত্বাত্| ‘পক্বাতীসারং যোগোঽযং’ ইত্যত্রান্যে ‘পিত্তাতীসারং যোগোঽযং’ ইতি পঠন্তি| পীত ইতি ক্বথিতকষাযবিধিনেত্যর্থঃ||৭৪||-
Adhikarana 39 (75) · Śloka 76
নিরামরূপং শূলার্তং লঙ্ঘনাদ্যৈশ্চ কর্ষিতম্ ||৭৫|| নরং রূক্ষমবেক্ষ্যাগ্নিং সক্ষারং পাযযেদ্ঘৃতম্ |৭৬|
निरामरूपं शूलार्तं लङ्घनाद्यैश्च कर्षितम् ||७५|| नरं रूक्षमवेक्ष्याग्निं सक्षारं पाययेद्घृतम् |७६|
🔊 Audio coming soon
ইদানীং ঘৃতপানার্হমতীসারিণমাহ- নিরামরূপমিত্যাদি| পক্বাতীসারপ্রস্তাবে নিরামরূপমিতি প্রাপ্তমতস্তদভিধানমতিশযেন নিরামরূপপ্রাপণার্থম্| অবেক্ষ্যাগ্নিং ‘দীপ্তং’ ইতি শেষঃ| সক্ষারং যবক্ষারসহিতং, স্বর্জিকাক্ষারসহিতমিত্যন্যে| নিরামরূপমিত্যাদ্যারভ্য বাতচিকিত্সিতং শূলস্যান্যথাঽসম্ভূতেরিত্যন্যে বদন্তি||৭৫||-
Adhikarana 40 (76) · Śloka 77
বলাবৃহত্যংশুমতীকচ্ছুরামূলসাধিতম্ ||৭৬|| মধূক্ষিতং সমধুকং পিবেচ্ছূলৈরভিদ্রুতঃ |৭৭|
बलाबृहत्यंशुमतीकच्छुरामूलसाधितम् ||७६|| मधूक्षितं समधुकं पिबेच्छूलैरभिद्रुतः |७७|
🔊 Audio coming soon
বলাবৃহত্যংশুমতীত্যাদি| ‘ঘৃতং’ ইত্যনুবর্ততে| মধূক্ষিতম্ ঈষন্মাত্রমধুযুক্তমিত্যর্থঃ| সমধুকং যষ্টীমধুসহিতং, বক্ষ্যমাণযোগে যষ্টীমধুকস্য প্রক্ষেপদর্শনাদত্রাপি প্রক্ষেপঃ| শূলৈরভিদ্রুতঃ শূলৈরার্তঃ||৭৬||-
Adhikarana 41 (77-78) · Śloka 79
দার্বীবিল্বকণাদ্রাক্ষাকটুকেন্দ্রযবৈর্ঘৃতম্ ||৭৭|| সাধিতং হন্ত্যতীসারং বাতপিত্তকফাত্মকম্ | দধ্না চাম্লেন সম্পক্বং সব্যোষাজাজিচিত্রকম্ ||৭৮|| সচব্যপিপ্পলীমূলং দাডিমৈর্বা রুগর্দিতঃ |৭৯|
दार्वीबिल्वकणाद्राक्षाकटुकेन्द्रयवैर्घृतम् ||७७|| साधितं हन्त्यतीसारं वातपित्तकफात्मकम् | दध्ना चाम्लेन सम्पक्वं सव्योषाजाजिचित्रकम् ||७८|| सचव्यपिप्पलीमूलं दाडिमैर्वा रुगर्दितः |७९|
🔊 Audio coming soon
দার্বীবিল্বকণাদ্রাক্ষেত্যাদি| দার্বী দারুহরিদ্রা, কণা পিপ্পলী| অতীসারং বাতপিত্তকফাত্মকং ব্যস্তৈঃ সমস্তৈশ্চ দোষৈরারব্ধম্||৭৭-৭৮||-
Adhikarana 42 (79) · Śloka 80
পযো ঘৃতং চ মধু চ পিবেচ্ছূলৈরভিদ্রুতঃ ||৭৯|| সিতাজমোদকট্বঙ্গমধুকৈরবচূর্ণিতম্ |৮০|
पयो घृतं च मधु च पिबेच्छूलैरभिद्रुतः ||७९|| सिताजमोदकट्वङ्गमधुकैरवचूर्णितम् |८०|
🔊 Audio coming soon
পযো ঘৃতমিত্যাদি| ক্ষীরঘৃতমধূনি সমাংশানি শর্করাজমোদারলুযষ্টীমধুকৈশ্চূর্ণিতৈরবচূর্ণ্য শূলৈরভিদ্রুতঃ পিবেদিতি সম্বন্ধঃ||৭৯||-
Adhikarana 43 (80) · Śloka 81
অবেদনং সুসম্পক্বং দীপ্তাগ্নেঃ সুচিরোত্থিতম্ ||৮০|| নানাবর্ণমতীসারং পুটপাকৈরুপাচরেত্ |৮১|
अवेदनं सुसम्पक्वं दीप्ताग्नेः सुचिरोत्थितम् ||८०|| नानावर्णमतीसारं पुटपाकैरुपाचरेत् |८१|
🔊 Audio coming soon
পুটপাকস্য বিষযমাহ- অবেদনং সুসম্পক্বমিত্যাদি| নানাবর্ণমিত্যনেন সান্নিপাতিকোঽতীসারঃ পুটপাকস্য বিষয ইতি দর্শিতম্||৮০||-
Adhikarana 44 (81-83) · Śloka 84
ত্বক্পিণ্ডং দীর্ঘবৃন্তস্য পদ্মকেসরসংযুতম্ ||৮১|| কাশ্মরীপদ্মপত্রৈশ্চাবেষ্ট্য সূত্রেণ সন্দৃঢম্ | মৃদাঽবলিপ্তং সুকৃতমঙ্গারেষ্ববকূলযেত্ ||৮২|| স্বিন্নমুদ্ধৃত্য নিষ্পীড্য রসমাদায তং ততঃ | শীতং মধুযুতং কৃত্বা পাযযেতোদরামযে ||৮৩|| জীবন্তীমেষশৃঙ্গ্যাদিষ্বেবং দ্রব্যেষু সাধযেত্ |৮৪|
त्वक्पिण्डं दीर्घवृन्तस्य पद्मकेसरसंयुतम् ||८१|| काश्मरीपद्मपत्रैश्चावेष्ट्य सूत्रेण सन्दृढम् | मृदाऽवलिप्तं सुकृतमङ्गारेष्ववकूलयेत् ||८२|| स्विन्नमुद्धृत्य निष्पीड्य रसमादाय तं ततः | शीतं मधुयुतं कृत्वा पाययेतोदरामये ||८३|| जीवन्तीमेषशृङ्ग्यादिष्वेवं द्रव्येषु साधयेत् |८४|
🔊 Audio coming soon
পুটপাকবিধিমাহ- ত্বক্পিণ্ডমিত্যাদি| দীর্ঘবৃন্তস্য অরলুকস্য| অবকূলযেত্ পচেত্| উদরামযোঽত্র অতীসারঃ| অরলুকস্য ত্বচং পদ্মকেসরং চ সমভাগং গৃহীত্বা সম্পিষ্ট্বা তত্পিণ্ডং পদ্মকাশ্মরীপত্রপুটকে নিক্ষিপ্য সূত্রেণাবেষ্ট্য মৃত্তিকযা নির্ধূমখদিরাঙ্গারেষু তাবত্ পচেদ্ যাবদ্বাহ্যে রক্তবর্ণতা ভবতি, ততোঽঙ্গারেভ্য আকৃষ্য তত্পিণ্ডং নিষ্পীড্য স্বরসং গৃহীত্বা শীতীভূতং চ কর্ষপ্রমিতমধুসহিতমতীসারে ক্বাথমাত্রযা পাযযেত্| অনেন বিধিনা সর্বপুটপাককল্পনা| যে চ সুকৃতমিতি কুশবেষ্টিতমিতি ব্যাখ্যানযন্তি, তন্মতে ‘সূত্রেণাবেষ্ট্য’ ইতি পাঠো নাস্তি| জীবন্তীমেষশৃঙ্গ্যাদিষ্বেবমিত্যাদি| জীবন্তী উত্তরাপথে মহাকন্দা কর্কোটিকাসদৃশপত্রা, লাটবিষযে তু মূলিনী মহাপ্রতানা| আদিশব্দাত্ পাঠাশটীপ্রভৃতীনাং গ্রহণম্| এবমিতি যথা অরলুত্বক্পুটপাকবিধিরেবমত্রাপীত্যর্থঃ| অন্যে ত্বেবং পঠন্তি- ‘জীবন্তীমেষশৃঙ্গেষু চৈবং বৃন্তেষু কারযেত্’ ইতি||৮১-৮৩||-
Adhikarana 45 (84-85) · Śloka 86
তিত্তিরিং লুঞ্চিতং সম্যক্ নিষ্কৃষ্টান্ত্রং তু পূরযেত্ ||৮৪|| ন্যগ্রোধাদিত্বচাং কল্কৈঃ পূর্ববচ্চাবকূলযেত্ | রসমাদায তস্যাথ সুস্বিন্নস্য সমাক্ষিকম্ ||৮৫|| শর্করোপহিতং শীতং পাযযেতোদরামযে |৮৬|
तित्तिरिं लुञ्चितं सम्यक् निष्कृष्टान्त्रं तु पूरयेत् ||८४|| न्यग्रोधादित्वचां कल्कैः पूर्ववच्चावकूलयेत् | रसमादाय तस्याथ सुस्विन्नस्य समाक्षिकम् ||८५|| शर्करोपहितं शीतं पाययेतोदरामये |८६|
🔊 Audio coming soon
তিত্তিরিং লুঞ্চিতমিত্যাদি| তিত্তিরিং কৃষ্ণতিত্তিরিং; নিষ্কৃষ্টান্ত্রমিত্যুপলক্ষণং, তেন তুণ্ডপাদবর্জিতমিতি চ লভ্যতে| পূর্ববচ্চাবকূলযেদিতি কৃষ্ণতিত্তিরিং পাদতুণ্ডান্ত্রবর্জিতং কৃত্বা ন্যগ্রোধাদিবল্কলকল্কেন কোষ্ঠং পূরযিত্বা কাশ্মরীপদ্মপত্রপুটকে নিক্ষিপ্য কুশৈরাবেষ্ট্য মৃত্তিকযা লিপ্ত্বা খদিরাঙ্গারেষু পচেত্; স্বরসপ্রমাণং মধুশর্করাপ্রক্ষেপপ্রমাণং পূর্ববদিতি| শ্রীব্রহ্মদেবস্তু ব্যাখ্যানযতি- ন্যগ্রোধাদীত্যাদিশব্দাত্ পলাশনন্দীবৃক্ষাদীনাং গ্রহণং, কুতঃ? তেষাং সঙ্গ্রাহকত্বাত্; নতু সামস্ত্যেন ন্যগ্রোধাদিগণস্য; কুতঃ? স্তম্ভকত্বাত্; তথা চোক্তং- “সঙ্গ্রাহি স্তম্ভনাদ্ভিন্নং যথা তদভিদধ্মহে| আগ্নেযগুণভূযিষ্ঠং তোযাংশং পরিশোষযেত্|| সঙ্গৃহ্ণাতি মলং তত্স্যাদ্গ্রাহি শুণ্ঠ্যাদযো যথা| সমীরগুণভূযিষ্ঠং শীতত্বাদ্যন্নভস্বতঃ|| বিধায বৃদ্ধিং স্তভ্নাতি স্তম্ভনং তদ্যথা বটঃ” ইতি| অযং চ বাতপিত্তাতীসারে কর্তব্যঃ||৮৪-৮৫||-
Adhikarana 46 (86-87) · Śloka 88
লোধ্রচন্দনযষ্ট্যাহ্বদার্বীপাঠাসিতোত্পলান্ ||৮৬|| তণ্ডুলোদকসম্পিষ্টান্ দীর্ঘবৃন্তত্বগন্বিতান্ | পূর্ববত্ কূলিতাত্তস্মাদ্রসমাদায শীতলম্ ||৮৭|| মধ্বাক্তং পাযযেচ্চৈতত্ কফপিত্তোদরামযে |৮৮|
लोध्रचन्दनयष्ट्याह्वदार्वीपाठासितोत्पलान् ||८६|| तण्डुलोदकसम्पिष्टान् दीर्घवृन्तत्वगन्वितान् | पूर्ववत् कूलितात्तस्माद्रसमादाय शीतलम् ||८७|| मध्वाक्तं पाययेच्चैतत् कफपित्तोदरामये |८८|
🔊 Audio coming soon
লোধ্রচন্দনযষ্ট্যাহ্বেত্যাদি| লোধ্রাদিনীলোত্পলান্তানরলুত্বক্সহিতান্ তণ্ডুলোদকসম্পিষ্টান্ পূর্ববত্কূলিতান্ পুটপাকবিধিনা পক্বান্, অস্মাত্ পিষ্টস্বিন্নরোধ্রাদিকল্কাত্ রসং গৃহীত্বা শীতং মধুযুতং পাযযেদিতি সম্বন্ধঃ||৮৬-৮৭||-
Adhikarana 47 (88) · Śloka 89
এবং প্ররোহৈঃ কুর্বীত বটাদীনাং বিধানবত্ ||৮৮|| পুটপাকান্ যথাযোগং জাঙ্গলোপহিতান্ শুভান্ |৮৯|
एवं प्ररोहैः कुर्वीत वटादीनां विधानवत् ||८८|| पुटपाकान् यथायोगं जाङ्गलोपहितान् शुभान् |८९|
🔊 Audio coming soon
এবং প্ররোহৈরিত্যাদি| এবং পূর্বোক্তপ্রকারেণ, বটাদীনাং প্ররোহৈঃ শাখাধোভাগনিঃসৃতজটাভিরিত্যর্থঃ| আদিশব্দাত্ প্লক্ষগর্দভাণ্ডাদিপ্ররোহাণাং গ্রহণম্| বিধানবত্ যথাযোগমবস্থাপেক্ষমিত্যর্থঃ| জাঙ্গলোপহিতানিতি অত্র জাঙ্গলশব্দেন লাবককপিঞ্জলাদীনাং গ্রহণং, লঘুত্বাত্| বটাদ্যবরোহজাঙ্গলমাংসপুটপাককল্পনা পূর্ববত্||৮৮||-
Adhikarana 48 (89-90) · Śloka 90
বহুশ্লেষ্ম সরক্তং চ মন্দবাতং চিরোত্থিতম্ ||৮৯|| কৌটজং ফাণিতং বাঽপি হন্ত্যতীসারমোজসা | অম্বষ্ঠাদিমধুযুতং পিপ্পল্যাদিসমন্বিতম্ ||৯০||
बहुश्लेष्म सरक्तं च मन्दवातं चिरोत्थितम् ||८९|| कौटजं फाणितं वाऽपि हन्त्यतीसारमोजसा | अम्बष्ठादिमधुयुतं पिप्पल्यादिसमन्वितम् ||९०||
🔊 Audio coming soon
বহুশ্লেষ্ম সরক্তমিত্যাদি| ফাণিতমিব ফাণিতং, স্ত্যানমধ্বাকৃতি| ওজসা শক্ত্যা আত্মপ্রভাবেণ| অত্র কল্পনা- বৃহত্ফলশুক্লকুসুমস্নিগ্ধপত্রস্য পুন্নামধেযস্য কুটজস্য বল্কং গৃহীত্বা ষোডশগুণে অষ্টগুণে চতুর্গুণে বা জলে ক্বাথযিত্বা অর্ধাবশিষ্টং ক্বাথমাদায বস্ত্রগালিতং কৃত্বা পুনস্তাবত্ পচেত্ যাবত্ পক্বফাণিতাকৃতিঃ স্যাত্, ততস্তন্মধ্যেঽম্বষ্ঠাদিমধুপিপ্পল্যাদিচূর্ণং চতুর্থাংশং নিক্ষিপ্য অবতার্যমিতি| অন্যে তু কুটজত্বক্স্বরসং গৃহীত্বা তাবত্ ক্বাথযেদ্যাবত্ ফাণিতাকৃতির্ভবতীতি ব্যাখ্যানযন্তি||৮৯-৯০||
Adhikarana 49 (91) · Śloka 91
পৃশ্নিপর্ণীবলাবিল্ববালকোত্পলধান্যকৈঃ | সনাগরৈঃ পিবেত্ পেযাং সাধিতামুদরামযী ||৯১||
पृश्निपर्णीबलाबिल्ववालकोत्पलधान्यकैः | सनागरैः पिबेत् पेयां साधितामुदरामयी ||९१||
🔊 Audio coming soon
পৃশ্নিপর্ণীত্যাদি| বিল্বং বিল্বফলং কোমলং, উত্পলং নীলোত্পলং, সনাগরৈঃ সশুণ্ঠীকৈঃ| উদরামযী অতীসারী| পেযার্থং ক্বাথকল্পনা পূর্ববত্||৯১||
Adhikarana 50 (92) · Śloka 93
অরলুত্বক্ প্রিযঙ্গুং চ মধুকং দাডিমাঙ্কুরান্ | আবাপ্য পিষ্ট্বা দধনি যবাগূং সাধযেদ্দ্রবাম্ ||৯২|| এষা সর্বানতীসারান্ হন্তি পক্বানসংশযম্ |৯৩|
अरलुत्वक् प्रियङ्गुं च मधुकं दाडिमाङ्कुरान् | आवाप्य पिष्ट्वा दधनि यवागूं साधयेद्द्रवाम् ||९२|| एषा सर्वानतीसारान् हन्ति पक्वानसंशयम् |९३|
🔊 Audio coming soon
অরলুত্বগিত্যাদি| দাডিমাঙ্কুরান্ দাডিমকোমলপত্রাণি| অরলুত্বগাদীন্ পিষ্ট্বা দধনি নিক্ষিপ্য যবাগূং সাধযেদিত্যর্থঃ| অত্র পিষ্ট্বেতি যদুক্তং তদরলুত্বগাদিক্বাথেন যবাগূসাধননিষেধার্থম্| সাধযেদ্দ্রবামিতি যথা নাতিসান্দ্রা ভবতীত্যর্থঃ| এষা যবাগূঃ| পক্বাতিসারপ্রস্তাবাত্ পক্বাভিধানস্য প্রাপ্তস্য পুনর্গ্রহণেন এষা যবাগূঃ পক্বাতীসারে অতিশযেন হিতেতি জ্ঞাপযতি||৯২||-
Adhikarana 51 (93-94) · Śloka 94
রসাঞ্জনং সাতিবিষং ত্বগ্বীজং কৌটজং তথা ||৯৩|| ধাতকী নাগরং চৈব পাযযেত্তণ্ডুলাম্বুনা | সশূলং রক্তজং ঘ্নন্তি এতে মধুসমাযুতাঃ ||৯৪||
रसाञ्जनं सातिविषं त्वग्बीजं कौटजं तथा ||९३|| धातकी नागरं चैव पाययेत्तण्डुलाम्बुना | सशूलं रक्तजं घ्नन्ति एते मधुसमायुताः ||९४||
🔊 Audio coming soon
রসাঞ্জনমিত্যাদি| এতে যোগাঃ| সশূলং রক্তজং ‘অতীসারং’ ইতি শেষঃ| অন্যে তু ‘হন্তি যোগোঽযং মধুসংযুতঃ’ ইতি পঠিত্বা এক এব যোগোঽযমিতি মন্যন্তে||৯৩-৯৪||
Adhikarana 52 (95) · Śloka 96
মধুকং বিল্বপেশী চ শর্করামধুসংযুতা | অতীসারং নিহন্যুশ্চ শালিষষ্টিকযোঃ কণাঃ ||৯৫|| তদ্বল্লীঢং মধুযুতং বদরীমূলমেব তু |৯৬|
मधुकं बिल्वपेशी च शर्करामधुसंयुता | अतीसारं निहन्युश्च शालिषष्टिकयोः कणाः ||९५|| तद्वल्लीढं मधुयुतं बदरीमूलमेव तु |९६|
🔊 Audio coming soon
মধুকমিত্যাদি| শালিষষ্টিকযোঃ কণাঃ ইতি অত্রাপি শর্করামধুসংযুতা ইতি সম্বন্ধনীযম্| অযমপরো যোগো মধুকং বিল্বপেশী চেত্যাদিযোগস্যাগ্রে কৈশ্চিত্ পঠ্যতে| তদ্যথা- ‘যোগান্ সাঙ্গ্রাহিকাংশ্চান্যান্ পিবেত্ সক্ষৌদ্রশর্করান্| ন্যগ্রোধাদিষু কুর্যাচ্চ পুটপাকান্ যথেরিতান্’- ইতি||৯৫||-
Adhikarana 53 (96) · Śloka 97
বদর্যর্জুনজম্ব্বাম্রশল্লকীবেতসত্বচঃ ||৯৬|| শর্করাক্ষৌদ্রসংযুক্তাঃ পীতা ঘ্নন্ত্যুদরামযম্ |৯৭|
बदर्यर्जुनजम्ब्वाम्रशल्लकीवेतसत्वचः ||९६|| शर्कराक्षौद्रसंयुक्ताः पीता घ्नन्त्युदरामयम् |९७|
🔊 Audio coming soon
বদর্যর্জুনেত্যাদি| অর্জুনঃ ককুভঃ; বদর্যাদীনাং ত্বচঃ শর্করাক্ষৌদ্রযুতাঃ পীতা উদরামযমতীসারং ঘ্নন্তীত্যর্থঃ||৯৬||-
Adhikarana 54 (97) · Śloka 98
এতৈরেব যবাগূংশ্চ ষডান্ যূষাংশ্চ কারযেত্ ||৯৭|| পানীযানি চ তৃষ্ণাসু দ্রব্যেষ্বেতেষু বুদ্ধিমান্ |৯৮|
एतैरेव यवागूंश्च षडान् यूषांश्च कारयेत् ||९७|| पानीयानि च तृष्णासु द्रव्येष्वेतेषु बुद्धिमान् |९८|
🔊 Audio coming soon
এতৈরেব যবাগূংশ্চেত্যাদি| এতৈরেব বদর্যাদিভিঃ| ষডা দাডিমগোরসাদিনা ঘনপল্লবফলাদিভিঃ কৃতাঃ| ‘রসাঞ্জনং সাতিবিষং’ ইত্যাদিকং ‘দ্রব্যেষ্বেতেষু বুদ্ধিমান্’ ইত্যন্তং রক্তাতীসারচিকিত্সিতং কার্তিকাচার্যো ন পঠতি, রক্তাতীসারস্যানঙ্গীকৃতত্বাত্; পিত্তাতীসারাবস্থাযাং চ যো রক্তাতীসারস্তস্য চিকিত্সা ‘পিত্তাতিসারী যো মর্ত্য’ ইত্যাদিনা বক্ষ্যমাণাঽস্তি; শ্রীজেজ্জটাচার্যেণৈষ পাঠো বিভৃশ্যৈব সর্বোঽপি পঠিতস্তন্মতানুসারিণা শ্রীব্রহ্মদেবেনাপি||৯৭||-
Adhikarana 55 (98) · Śloka 99
কৃতং শাল্মলিবৃন্তেষু কষাযং হিমসঞ্জ্ঞিতম্ ||৯৮|| নিশাপর্যুষিতং পেযং সক্ষৌদ্রং মধুকান্বিতম্ |৯৯|
कृतं शाल्मलिवृन्तेषु कषायं हिमसञ्ज्ञितम् ||९८|| निशापर्युषितं पेयं सक्षौद्रं मधुकान्वितम् |९९|
🔊 Audio coming soon
কৃতং শাল্মলিবৃন্তেষু কষাযমিত্যাদি| কষাযং হিমসঞ্জ্ঞিতমিতি শীতকষাযমিত্যর্থঃ; নতু ক্বথিতং, হিমশব্দোপাদানাত্| শীতকষাযবিধিমাহ- দ্রব্যচূর্ণমুপাদায অহোরাত্রং তুল্যে জলে স্থাপযেত্, ততো মৃদিতং বস্ত্রপূতং পলচতুষ্টযপ্রমাণং মধু যষ্ঠীমধু চ কর্ষপ্রমাণং প্রক্ষিপ্য পেযমিত্যর্থঃ||৯৮||-
Adhikarana 56 (99-102) · Śloka 102
বিবদ্ধবাতবিট্ শূলপরীতঃ সপ্রবাহিকঃ ||৯৯|| সরক্তপিত্তশ্চ পযঃ পিবেত্তৃষ্ণাসমন্বিতঃ | যথাঽমৃতং তথা ক্ষীরমতীসারেষু পূজিতম্ ||১০০|| চিরোত্থিতেষু তত্ পেযমপাং ভাগৈস্ত্রিভিঃ শৃতম্ | দোষশেষং হরেত্তদ্ধি তস্মাত্পথ্যতমং স্মৃতম্ ||১০১|| হিতঃ স্নেহবিরেকো বা বস্তযঃ পিচ্ছিলাশ্চ যে | পিচ্ছিলস্বরসে সিদ্ধং হিতং চ ঘৃতমুচ্যতে ||১০২||
विबद्धवातविट् शूलपरीतः सप्रवाहिकः ||९९|| सरक्तपित्तश्च पयः पिबेत्तृष्णासमन्वितः | यथाऽमृतं तथा क्षीरमतीसारेषु पूजितम् ||१००|| चिरोत्थितेषु तत् पेयमपां भागैस्त्रिभिः शृतम् | दोषशेषं हरेत्तद्धि तस्मात्पथ्यतमं स्मृतम् ||१०१|| हितः स्नेहविरेको वा बस्तयः पिच्छिलाश्च ये | पिच्छिलस्वरसे सिद्धं हितं च घृतमुच्यते ||१०२||
🔊 Audio coming soon
চূর্ণাদীনভিধায ক্ষীরপানস্য বিষযমাহ- বিবদ্ধবাতবিট্ শূলপরীত ইত্যাদি| বিবদ্ধঃ অবরুদ্ধো বাতোবিট্ চ যস্য সঃ, তথা শূলপরীতঃ, তথা প্রবাহিকাযুক্তঃ, তথা রক্তপিত্তান্বিত ইতি বিষযচতুষ্টযমস্য ক্ষীরস্য| পযঃ পিবেদিত্যুক্তং তত্ কীদৃশং পেযমিত্যাহ- অপাং ভাগৈরিত্যাদি; অপাং ভাগৈরিত্যুপাদানাত্ কেবলজলেন ক্ষীরসাধনমত্রোক্তম্| দোষশেষহারিত্বং ক্ষীরস্য প্রভাবাত্| তত্ ক্ষীরম্| হি যস্মাদর্থে| স্নেহবিরকোঽত্র বিরেচনীযদ্রব্যসংস্কৃতেন স্নেহেন স্বভাবেন বিরেচনস্নেহেন বা| বস্তযঃ পিচ্ছিলাশ্চ যে বস্তযো বস্তিবিকারোক্তবক্ষ্যমাণাশ্চ| পিচ্ছিলা অরলুশাল্মলীপ্রভৃতযঃ, তেষাং স্বরসে সিদ্ধং ঘৃতং বস্তৌ হিতমিত্যর্থঃ||৯৯-১০২||
Adhikarana 57 (103) · Śloka 104
শকৃতা যস্তু সংসৃষ্টমতিসার্যেত শোণিতম্ | প্রাক্ পশ্চাদ্বা পুরীষস্য সরুক্ সপরিকর্তিকঃ ||১০৩|| ক্ষীরিশুঙ্গাশৃতং সর্পিঃ পিবেত্ সক্ষৌদ্রশর্করম্ |১০৪|
शकृता यस्तु संसृष्टमतिसार्येत शोणितम् | प्राक् पश्चाद्वा पुरीषस्य सरुक् सपरिकर्तिकः ||१०३|| क्षीरिशुङ्गाशृतं सर्पिः पिबेत् सक्षौद्रशर्करम् |१०४|
🔊 Audio coming soon
অবস্থাবশেন চিকিত্সিতমাহ- শকৃতেত্যাদি| শকৃতা পুরীষেণ সংসৃষ্টং সরুক্ সশূলং, সপরিকর্তিকঃ বস্তিগুদমেঢ্রেষু পরিকৃন্তনমিব বাতবেদনা পরিকর্তিকা তত্সহিত ইত্যর্থঃ| ক্ষীরিশুঙ্গঃ বটাশ্বত্থাদীনাং নূতনপত্রাঙ্কুরাঃ| ঘৃতপাকপ্রমাণং স্নেহাধ্যাযোক্তং, ক্ষৌদ্রশর্করাপ্রক্ষেপঃ প্রত্যেকং কর্ষপ্রমাণঃ||১০৩||-
Adhikarana 58 (104-105) · Śloka 105
দার্বীত্বক্পিপ্পলীশুণ্ঠীলাক্ষাশক্রযবৈর্ঘৃতম্ ||১০৪|| সংযুক্তং ভদ্ররোহিণ্যা পক্বং পেযাদিমিশ্রিতম্ | ত্রিদোষমপ্যতীসারং পীতং হন্তি সুদারুণম্ ||১০৫||
दार्वीत्वक्पिप्पलीशुण्ठीलाक्षाशक्रयवैर्घृतम् ||१०४|| संयुक्तं भद्ररोहिण्या पक्वं पेयादिमिश्रितम् | त्रिदोषमप्यतीसारं पीतं हन्ति सुदारुणम् ||१०५||
🔊 Audio coming soon
তস্যামেবাবস্থাযামপরমপি ঘৃতমাহ- দার্বীত্বগিত্যাদি| দার্বীত্বক্ দারুহরিদ্রাত্বক্| অন্যে দার্বী দারুহারিদ্রা, ত্বক্ ত্বচমাহুঃ| ভদ্ররোহিণী কটুকা| দার্বীত্বগাদিভির্ভদ্ররোহিণীপর্যন্তৈঃ স্নেহচতুর্থাংশৈরুদকচতুর্গুণং ঘৃতং পক্বং পেযাযবাগূপ্রভৃতিভির্যুক্তং পীতং ত্রিদোষমপ্যতীসারং হন্তীতি সম্বন্ধঃ||১০৪-১০৫||
Adhikarana 59 (106) · Śloka 106
গৌরবে বমনং পথ্যং যস্য স্যাত্ প্রবলঃ কফঃ | জ্বরে দাহে সবিড্বন্ধে মারুতাদ্রক্তপিত্তবত্ ||১০৬||
गौरवे वमनं पथ्यं यस्य स्यात् प्रबलः कफः | ज्वरे दाहे सविड्बन्धे मारुताद्रक्तपित्तवत् ||१०६||
🔊 Audio coming soon
প্রাগামাবস্থাযাং বমনমভিধাযেদানীং পক্বাবস্থাযামপি বমনমাহ- গৌরবে বমনমিত্যাদি| গৌরবে জঠরগৌরবে, রক্তপিত্তবদিতি যথা রক্তপিত্তেঽধোগতে বমনং তথা অতীসারেঽপি গৌরবাদিযুক্তে যস্য পুরুষস্য প্রবলঃ কফো ভবেত্, মারুতাত্ বিড্বন্ধে চ সতি বমনং পথ্যমিতি সম্বন্ধঃ| ননু বমনং কথমতীসারঘ্নম্? উচ্যতে- দ্রবশ্লেষ্মণঃ ক্ষযাদ্বিপরীতমার্গচিকিত্সাপ্রভাবাদ্বা||১০৬||
Adhikarana 60 (107) · Śloka 107
সম্পক্বে বহুদোষে চ বিবন্ধে মূত্রশোধনৈঃ | কার্যমাস্থাপনং ক্ষিপ্রং তথা চৈবানুবাসনম্ ||১০৭||
सम्पक्वे बहुदोषे च विबन्धे मूत्रशोधनैः | कार्यमास्थापनं क्षिप्रं तथा चैवानुवासनम् ||१०७||
🔊 Audio coming soon
আস্থাপনানুবাসনবিষযমাহ- সম্পক্বেত্যাদি| সম্পক্বে ‘অতীসারে’ ইতি শেষঃ| বিবন্ধে অধোবাতাদীনামপ্রবৃত্তৌ| মূত্রশোধনৈঃ তৃণপঞ্চমূলীপাষাণভেদগোক্ষুরপ্রভৃতিভিঃ| আস্থাপনং নিরূহঃ||১০৭||
Adhikarana 61 (108) · Śloka 108
প্রবাহণে গুদভ্রংশে মূত্রাঘাতে কটিগ্রহে | মধুরাম্লৈঃ শৃতং তৈলং সর্পির্বাঽপ্যনুবাসনম্ ||১০৮||
प्रवाहणे गुदभ्रंशे मूत्राघाते कटिग्रहे | मधुराम्लैः शृतं तैलं सर्पिर्वाऽप्यनुवासनम् ||१०८||
🔊 Audio coming soon
অনুবাসনস্যাপরং বিষযমাহ- প্রবাহণে ইত্যাদি| গুদভ্রংশে গুদনিঃসরণে, মধুরৈঃ কাকোল্যাদিভিঃ, অম্লৈঃ বীজপূরককপিত্থচুক্রিকাবৃক্ষাম্লকাঞ্জিকাদিভিঃ||১০৮||
Adhikarana 62 (109) · Śloka 109
গুদপাকস্তু পিত্তেন যস্য স্যাদহিতাশিনঃ | তস্য পিত্তহরাঃ সেকাস্তত্সিদ্ধাশ্চানুবাসনাঃ ||১০৯||
गुदपाकस्तु पित्तेन यस्य स्यादहिताशिनः | तस्य पित्तहराः सेकास्तत्सिद्धाश्चानुवासनाः ||१०९||
🔊 Audio coming soon
গুদপাক ইত্যাদি| যস্য অতীসারিণঃ, অহিতাশিনঃ অপথ্যভোজিনঃ| তত্র গুদপাকে পিত্তহরাঃ সেকাঃ ক্ষীরেক্ষুরসশর্করোদকমধুরৌষধকষাযৈঃ কৃতাঃ, তত্সিদ্ধাঃ পিত্তহরৈঃ সিদ্ধা অনুবাসনাঃ স্নেহাঃ| যদ্যপি গুদপাকঃ পিত্তেনৈব স্যাত্তথাঽপি ‘গুদে পক্বে গতোষ্মাণমতীসারকিণং ত্যজেত্’ ইতি যো গুদপাকোঽভিহিতস্তত্পরিহারার্থমহিতাশিত্বেন প্রকুপিতপিত্তজনিতগুদপাকচিকিত্সার্থং চ ‘গুদপাকস্তু পিত্তেন’ ইত্যুক্তম্||১০৯||
Adhikarana 63 (110) · Śloka 110
দধিমণ্ডসুরাবিল্বসিদ্ধং তৈলং সমারুতে | ভোজনে চ হিতং ক্ষীরং কচ্ছুরামূলসাধিতম্ ||১১০||
दधिमण्डसुराबिल्वसिद्धं तैलं समारुते | भोजने च हितं क्षीरं कच्छुरामूलसाधितम् ||११०||
🔊 Audio coming soon
তৈলানুবাসনবিষযমাহ- দধীত্যাদি| দধিমণ্ডো দধিমস্তু| দধিমণ্ডাদিভিঃ সিদ্ধং তৈলমনুবাসনে দেযমিত্যর্থঃ| সমারুতে ‘অতীসারে’ ইতি শেষঃ| কচ্ছুরা কঙ্কতিকা, ‘শূকশিম্বা’ ইত্যেকে, ‘দুরালভা’ ইত্যন্যে||১১০||
Adhikarana 64 (111) · Śloka 111
অল্পাল্পং বহুশো রক্তং সরুগ্য উপবেশ্যতে | যদা বাযুর্বিবদ্ধশ্চ পিচ্ছাবস্তিস্তদা হিতঃ ||১১১||
अल्पाल्पं बहुशो रक्तं सरुग्य उपवेश्यते | यदा वायुर्विबद्धश्च पिच्छाबस्तिस्तदा हितः ||१११||
🔊 Audio coming soon
পিচ্ছাবস্তের্বিষযমাহ- অল্পাল্পমিত্যাদি| বহুশো বহূন্ বারান্, সরুক্ সবেদনং, য উপবেশ্যতে অতিসার্যতে, তস্য তদা পিচ্ছাবস্তির্হিত ইতি সম্বন্ধঃ| পিচ্ছাবস্তিঃ পিচ্ছিলদ্রব্যৈঃ কৃতঃ; স চ ‘বদর্যৈরাবতীশেলুশাল্মলী’ (চি. ৩৮) ইত্যাদিনা নিরূহক্রমোক্তঃ; জেজ্জটাচার্যস্তু ‘অত্রৈবাধ্যাযে বক্ষ্যমাণানাং ‘কপিত্থশাল্মলীফঞ্জী’ ইত্যাদিদ্রব্যাণাং কল্কপিণ্ডং পুটপাকবিধিনা সংস্বেদ্য নিষ্পীড্য রসমানীয তেন রসেন সক্ষীরেণ পিচ্ছাবস্তির্দেযঃ, অথবা কপিত্থাদিদ্রব্যকল্কং ক্ষীরেণালোড্য পিচ্ছাবস্তির্দেযঃ’ ইতি মন্যতে||১১১||
Adhikarana 65 (112) · Śloka 112
প্রাযেণ গুদদৌর্বল্যং দীর্ঘকালাতিসারিণাম্ | ভবেত্তস্মাদ্ধিতং তেষাং গুদে তৈলাবচারণম্ ||১১২||
प्रायेण गुददौर्बल्यं दीर्घकालातिसारिणाम् | भवेत्तस्माद्धितं तेषां गुदे तैलावचारणम् ||११२||
🔊 Audio coming soon
দীর্ঘকালাতিসারিণাং গুদদৌর্বল্যে চিকিত্সিতমাহ- প্রাযেণ গুদদৌর্বল্যমিত্যাদি| তৈলাবচারণং পিচুসেকানুবাসনৈঃ; সদাহে গুদদৌর্বল্যে পুনর্ঘৃতমবচারণীযম্||১১২||
Adhikarana 66 (113) · Śloka 113
কপিত্থশাল্মলীফঞ্জীবটকার্পাসদাডিমাঃ | যূথিকা কচ্ছুরা শেলুঃ শণশ্চুচ্চূশ্চ দাধিকাঃ ||১১৩||
कपित्थशाल्मलीफञ्जीवटकार्पासदाडिमाः | यूथिका कच्छुरा शेलुः शणश्चुच्चूश्च दाधिकाः ||११३||
🔊 Audio coming soon
অতীসারশূলে চিকিত্সিতমাহ- কপিত্থশাল্মলীত্যাদি| ফঞ্জী পাঠাভেদঃ, অন্যে ভার্গীমাহুঃ| কচ্ছুরা কঙ্কতিকা, অন্যে দুরালভামাহুঃ| শেলুঃ শ্লেষ্মাতকঃ| দাধিকা দধ্না সংস্কৃতাঃ| হিতশব্দোঽত্র বক্ষ্যমাণঃ সম্বধ্যতে, স চার্থাদ্বহুবচনান্তো দ্রষ্টব্যঃ| কপিত্থাদযশ্চুচ্চূপর্যন্তা দধ্না সংস্কৃতা হিতা ইত্যর্থঃ||১১৩||
Adhikarana 67 (114) · Śloka 115
শালপর্ণী পৃশ্নিপর্ণী বৃহতী কণ্টকারিকা | বলাশ্বদংষ্ট্রাবিল্বানি পাঠানাগরধান্যকম্ ||১১৪|| এষ আহারসংযোগে হিতঃ সর্বাতিসারিণাম্ |১১৫|
शालपर्णी पृश्निपर्णी बृहती कण्टकारिका | बलाश्वदंष्ट्राबिल्वानि पाठानागरधान्यकम् ||११४|| एष आहारसंयोगे हितः सर्वातिसारिणाम् |११५|
🔊 Audio coming soon
পেযাদ্যুপযোগদ্রব্যাণ্যাহ- শালপর্ণীত্যাদি| এষ শালপর্ণ্যাদিঃ| আহারসংযোগে পেযাদিসংস্কারে; সংস্কারশ্চ শালপর্ণ্যাদিদ্রব্যপলচতুষ্টযং জলাঢকে সাধযিত্বা অর্ধশৃতেন তেন পেযাদি সাধনীযং; বৃদ্ধবৈদ্যাস্তু বহুদ্রব্যসাধিতাম্বুসংস্কৃতাহারস্যারুচিকরত্বাদাঢকেঽম্ভসি পলমাত্রং দ্রব্যং সাধযন্তি| ভক্তাদিসাধনে দ্রবপ্রমাণং তন্ত্রান্তরাজ্জ্ঞেযং; তথা হি- “ভক্তং পঞ্চগুণে তোযে যবাগূং ষড্গুণে পচেত্| চতুর্দশগুণে পেযাং বিলেপীং চ চতুর্গুণে”- ইতি| এষ শালপর্ণ্যাদির্দশাঙ্গত্বেন প্রসিদ্ধঃ||১১৪||-
Adhikarana 68 (115) · Śloka 115
তিলকল্কো হিতশ্চাত্র মৌদ্গো মুদ্গরসস্তথা ||১১৫||
तिलकल्को हितश्चात्र मौद्गो मुद्गरसस्तथा ||११५||
🔊 Audio coming soon
তিলকল্ক ইত্যাদি| মৌদ্গো মুদ্গস্য কল্কঃ||১১৫||
Adhikarana 69 (116) · Śloka 117
পিত্তাতিসারী যো মর্ত্যঃ পিত্তলান্যতিষেবতে | পিত্তং প্রদুষ্টং তস্যাশু রক্তাতীসারমাবহেত্ ||১১৬|| জ্বরং শূলং তৃষাং দাহং গুদপাকং চ দারুণম্ |১১৭|
पित्तातिसारी यो मर्त्यः पित्तलान्यतिषेवते | पित्तं प्रदुष्टं तस्याशु रक्तातीसारमावहेत् ||११६|| ज्वरं शूलं तृषां दाहं गुदपाकं च दारुणम् |११७|
🔊 Audio coming soon
ইদানীং পিত্তাতীসারস্যৈবাবস্থাবিশেষং রক্তাতীসারমাহ- পিত্তাতিসারী যো মর্ত্য ইত্যাদি| পিত্তলান্যেবেতি অন্নপানাদীনি| দারুণং কষ্টসাধ্যম্||১১৬||-
Adhikarana 70 (117-118) · Śloka 119
যো রক্তং শকৃতঃ পূর্বং পশ্চাদ্বা প্রতিসার্যতে ||১১৭|| স পল্লবৈর্বটাদীনাং সসর্পিঃ সাধিতং পযঃ | পিবেত্ সশর্করাক্ষৌদ্রমথবাঽপ্যভিমথ্য তত্ ||১১৮|| নবনীতমথো লিহ্যাত্তক্রং চানুপিবেত্ততঃ |১১৯|
यो रक्तं शकृतः पूर्वं पश्चाद्वा प्रतिसार्यते ||११७|| स पल्लवैर्वटादीनां ससर्पिः साधितं पयः | पिबेत् सशर्कराक्षौद्रमथवाऽप्यभिमथ्य तत् ||११८|| नवनीतमथो लिह्यात्तक्रं चानुपिबेत्ततः |११९|
🔊 Audio coming soon
পিত্তাতীসারস্যৈবাবস্থান্তরমভিধায চিকিত্সিতমাহ- যো রক্তমিত্যাদি| সঃ পিত্তাতীসারযুক্তঃ পুরুষঃ| বটাদীনাং ন্যগ্রোধাদীনাম্; অত্র ন্যগ্রোধাদিপল্লবানাং পলার্ধং, ক্ষীরপলচতুষ্টযং, চতুর্গুণং জলং চ দত্ত্বা সাধযিত্বা ক্ষীরাবশেষং গ্রাহ্যং, তচ্চ ঘৃতকর্ষৈকযুতং মধ্যাগ্নিঃ পিবেত্| অভিমথ্য বিলোড্য| তত্ক্ষীরং তদুত্পন্নং নবনীতং চ শর্করামধুযুতং লিহ্যাদিত্যর্থঃ| অন্যে তু বটাদিপল্লবশৃতং ক্ষীরং মধুঘৃতশর্করাদিযুক্তং পিবেদিতি মন্যন্তে; তত এব চ নবনীতং কেবলং লিহ্যাত্, ততস্তক্রং পিবেদিতি বদন্তি||১১৭-১১৮||-
Adhikarana 71 (119) · Śloka 120
প্রিযালশাল্মলীপ্লক্ষশল্লকীতিনিশত্বচঃ ||১১৯|| ক্ষীরে বিমৃদিতাঃ পীতাঃ সক্ষৌদ্রা রক্তনাশনাঃ |১২০|
प्रियालशाल्मलीप्लक्षशल्लकीतिनिशत्वचः ||११९|| क्षीरे विमृदिताः पीताः सक्षौद्रा रक्तनाशनाः |१२०|
🔊 Audio coming soon
প্রিযালশাল্মলীপ্লক্ষেত্যাদি| প্রিযালাদীনাং ত্বচঃ পৃথক্ পৃথক্ পেযাঃ সামস্ত্যেন বা| প্রিযালঃ চারঃ, প্লক্ষঃ পর্কটী, তিনিশঃ স্যন্দনঃ| ক্ষীরে অজাক্ষীরে, তন্ত্রান্তরোক্তত্বাত্| বিমৃদিতা আলোডিতাঃ| সক্ষৌদ্রা মধুসহিতাঃ||১১৯||-
Adhikarana 72 (120) · Śloka 121
মধুকং শর্করাং লোধ্রং পযস্যামথ সারিবাম্ ||১২০|| পিবেচ্ছাগেন পযসা সক্ষৌদ্রং রক্তনাশনম্ |১২১|
मधुकं शर्करां लोध्रं पयस्यामथ सारिवाम् ||१२०|| पिबेच्छागेन पयसा सक्षौद्रं रक्तनाशनम् |१२१|
🔊 Audio coming soon
মধুকং শর্করাং লোধ্রমিত্যাদি| পযস্যা অর্কপুষ্পী||১২০||-
Adhikarana 73 (121) · Śloka 122
মঞ্জিষ্ঠাং সারিবাং লোধ্রং পদ্মকং কুমুদোত্পলম্ ||১২১|| পিবেত্ পদ্মাং চ দুগ্ধেন ছাগেনাসৃক্প্রশান্তযে |১২২|
मञ्जिष्ठां सारिवां लोध्रं पद्मकं कुमुदोत्पलम् ||१२१|| पिबेत् पद्मां च दुग्धेन छागेनासृक्प्रशान्तये |१२२|
🔊 Audio coming soon
মঞ্জিষ্ঠাং সারিবামিত্যাদি| পদ্মকং প্রসিদ্ধং, কুমুদং শ্বেতম্, উত্পলং নীলং, পদ্মা ভার্গী| মঞ্জিষ্ঠাদীনি কল্কীকৃতানি চূর্ণিতানি বা ছাগদুগ্ধেন পিবেদিত্যর্থঃ||১২১||-
Adhikarana 74 (122-124) · Śloka 124
শর্করোত্পললোধ্রাণি সমঙ্গা মধুকং তিলাঃ ||১২২|| তিলাঃ কৃষ্ণাঃ সযষ্ট্যাহ্বাঃ সমঙ্গা চোত্পলানি চ | তিলা মোচরসো লোধ্রং তথৈব মধুকোত্পলম্ ||১২৩|| কচ্ছুরা তিলকল্কশ্চ যোগাশ্চত্বার এব চ | আজেন পযসা পেযাঃ সরক্তে মধুসংযুতাঃ ||১২৪||
शर्करोत्पललोध्राणि समङ्गा मधुकं तिलाः ||१२२|| तिलाः कृष्णाः सयष्ट्याह्वाः समङ्गा चोत्पलानि च | तिला मोचरसो लोध्रं तथैव मधुकोत्पलम् ||१२३|| कच्छुरा तिलकल्कश्च योगाश्चत्वार एव च | आजेन पयसा पेयाः सरक्ते मधुसंयुताः ||१२४||
🔊 Audio coming soon
শর্করোত্পললোধ্রাণীত্যাদি| সমঙ্গা বরাহক্রান্তা| তিলাঃ কৃষ্ণাঃ কৃষ্ণতিলাঃ, সযষ্ট্যাহ্বা যষ্টীমধুসহিতাঃ| মোচরসঃ শাল্মলীনির্যাসঃ| কচ্ছুরা কঙ্কতিকা| সরক্তে পুরীষে ‘স্রবতি ’ ইতি শেষঃ| শর্করেত্যাদিচত্বারো যোগাঃ শ্লোকার্ধিকা মধুসহিতাঃ সরক্তে পুরীষে ছাগদুগ্ধেন পেযা ইত্যর্থঃ||১২২-১২৪||
Adhikarana 75 (125) · Śloka 125
দ্রবে সরক্তে স্রবতি বালবিল্বং সফাণিতম্ | সক্ষৌদ্রতৈলং প্রাগেব লিহ্যাদাশু হিতং হি তত্ ||১২৫||
द्रवे सरक्ते स्रवति बालबिल्वं सफाणितम् | सक्षौद्रतैलं प्रागेव लिह्यादाशु हितं हि तत् ||१२५||
🔊 Audio coming soon
সরক্তে অদ্রবে চ পুরীষে সরতি চিকিত্সিতমভিধায সরক্তদ্রবাতীসারিণশ্চিকিত্সিতমাহ- দ্রবে সরক্তে ইত্যাদি| দ্রবে দ্রবমলে, ‘উদকধাতৌ’ ইত্যন্যে| ফাণিতং কাকবী, সক্ষৌদ্রতৈলং মধুতৈলসহিতং, প্রাগেবেতি ভোজনাত্ পূর্বং হিতম্| ‘আশু হিতম্’ ইত্যত্র ‘হিতকরম্’ ইত্যন্যে পঠন্তি||১২৫||
Adhikarana 76 (126) · Śloka 126
কোশকারং ঘৃতে ভৃষ্টং লাজচূর্ণং সিতা মধু | সশূলং রক্তপিত্তোত্থং লীঢং হন্ত্যুদরামযম্ ||১২৬||
कोशकारं घृते भृष्टं लाजचूर्णं सिता मधु | सशूलं रक्तपित्तोत्थं लीढं हन्त्युदरामयम् ||१२६||
🔊 Audio coming soon
কোশকারমিত্যাদি| কোশকার ইক্ষুভেদঃ | অত্র বিধিঃ- নিস্ত্বচং কোশকারস্য সূক্ষ্মখণ্ডং ঘৃতে ভৃষ্ট্বা পেষযিত্বা লাজশর্করাচূর্ণমিশ্রং মধুনা লিহন্ রক্তপিত্তোত্থং সশূলমুদরামযমতীসারং হন্তীত্যর্থঃ||১২৬||
Adhikarana 77 (127) · Śloka 127
বিল্বমধ্যং সমধুকং শর্করাক্ষৌদ্রসংযুতম্ | তণ্ডুলাম্বুযুতো যোগঃ পিত্তরক্তোত্থিতং জযেত্ ||১২৭||
बिल्वमध्यं समधुकं शर्कराक्षौद्रसंयुतम् | तण्डुलाम्बुयुतो योगः पित्तरक्तोत्थितं जयेत् ||१२७||
🔊 Audio coming soon
বিল্বমধ্যমিত্যাদি| অবস্থাবশেন পিত্তাদ্রক্তাদ্বা উত্থিতং, ন তু রক্তপিত্তাভ্যামেবোত্থিতং, এবং সত্যতীসারাণাং সপ্তত্বং স্যাত্||১২৭||
Adhikarana 78 (128) · Śloka 128
যোগান্ সাঙ্গ্রাহিকাংশ্চান্যান্ পিবেত্সক্ষৌদ্রশর্করান্ | ন্যগ্রোধাদিষু কুর্যাচ্চ পুটপাকান্ যথেরিতান্ ||১২৮||
योगान् साङ्ग्राहिकांश्चान्यान् पिबेत्सक्षौद्रशर्करान् | न्यग्रोधादिषु कुर्याच्च पुटपाकान् यथेरितान् ||१२८||
🔊 Audio coming soon
অত্র সাঙ্গ্রাহিকানিতি সামান্যোক্তাবপি পিত্তাতিসারোক্তানিতি প্রত্যেতব্যম্, ঔপযিকত্বাত্| ননু, ন্যগ্রোধাদিষু পুটপাকা দর্শিতাঃ, তত্কথং পুনরভিধীযন্তে? উচ্যতে- ন্যগ্রোধাদিষু কুর্যাচ্চেতি যথেরিতান্ পুটপাকান্ কুর্যাদিতি যোজনাত্||১২৮||
Adhikarana 79 (129) · Śloka 129
গুদপাকে চ যে উক্তাস্তেঽত্রাপি বিধযঃ স্মৃতাঃ |১২৯|
गुदपाके च ये उक्तास्तेऽत्रापि विधयः स्मृताः |१२९|
🔊 Audio coming soon
গুদপাকে চেত্যাদি| যে উক্তাঃ সেকাদযস্তে পিত্তরক্তোত্থিতেঽতীসারে হিতাঃ|১২৯|-
Adhikarana 80 (129) · Śloka 129
রুজাযাং চাপ্রশাম্যন্ত্যাং পিচ্ছাবস্তির্হিতো ভবেত্ ||১২৯||
रुजायां चाप्रशाम्यन्त्यां पिच्छाबस्तिर्हितो भवेत् ||१२९||
🔊 Audio coming soon
অবস্থাবশেন পুনঃ পিচ্ছাবস্তিমাহ- রুজাযামিত্যাদি||১২৯||
Adhikarana 81 (130-131) · Śloka 131
সক্তবিড্ দোষবহুলং দীপ্তাগ্নির্যোঽতিসার্যতে | বিডঙ্গত্রিফলাকৃষ্ণাকষাযৈস্তং বিরেচযেত্ ||১৩০|| অথবৈরণ্ডসিদ্ধেন পযসা কেবলেন বা | যবাগূর্বিতরেচ্চাস্য বাতঘ্নৈর্দীপনৈঃ কৃতাঃ ||১৩১||
सक्तविड् दोषबहुलं दीप्ताग्निर्योऽतिसार्यते | विडङ्गत्रिफलाकृष्णाकषायैस्तं विरेचयेत् ||१३०|| अथवैरण्डसिद्धेन पयसा केवलेन वा | यवागूर्वितरेच्चास्य वातघ्नैर्दीपनैः कृताः ||१३१||
🔊 Audio coming soon
ইদানীমবস্থাপেক্ষমতীসারে বিরেচনমাহ- সক্তবিডিত্যাদি| সক্তবিট্ বিবদ্ধপুরীষঃ| দোষবহুলমিতি দোষশব্দোঽত্র পুরীষবচনঃ, তেন পুরীষবহুলমিত্যর্থঃ| তম্ অতীসারিণং, বিডঙ্গাদিকষাযৈর্বিরেচযেদিত্যর্থঃ| অথবেত্যাদি| এরণ্ডমূলসিদ্ধেন কেবলেন ক্ষীরেণ বিরেচযেদিতি সম্বন্ধঃ| বিরেচিতস্য কিং কার্যমিত্যাহ- যবাগূরিত্যাদি| বাতঘ্নৈর্দীপনৈরিতি শালিপর্ণ্যাদিভিঃ| ননু, ‘স্তোকং স্তোকং বিবদ্ধম্’ ইত্যাদাবসম্যক্প্রবর্তমানে পুরীষে বিরেচনমুক্তম্, অত্রাতিপ্রবর্তমানে কথং বিরেকঃ? উচ্যতে- অত্রাতীসারাতিপ্রবর্তকস্য প্রকুপিতপিত্তস্য বিরেচনেন নিরাকরণাদিত্যদোষঃ||১৩০-১৩১||
Adhikarana 82 (132) · Śloka 132
দীপ্তাগ্নির্নিষ্পুরীষো যঃ সার্যতে ফেনিলং শকৃত্ | স পিবেত্ ফাণিতং শুণ্ঠীদধিতৈলপযোঘৃতম্ ||১৩২||
दीप्ताग्निर्निष्पुरीषो यः सार्यते फेनिलं शकृत् | स पिबेत् फाणितं शुण्ठीदधितैलपयोघृतम् ||१३२||
🔊 Audio coming soon
অতোঽতীসারস্যৈবাবস্থান্তরান্বিতস্য নিঃসারকসঞ্জ্ঞকস্য লক্ষণং চিকিত্সিতং চাহ- দীপ্তাগ্নির্নিষ্পুরীষো য ইত্যাদি| নিষ্পুরীষঃ ক্ষীণবর্চাঃ, ফেনিলং শকৃত্ ফেনবত্ পুরীষমিত্যর্থঃ| ফাণিতং কাকবী, তৈলং তিলতৈলং, পযো দুগ্ধং, ফাণিতমিত্যাদিকং ঘৃতান্তমেকীকৃত্য পিবেদিত্যর্থঃ||১৩২||
Adhikarana 83 (133) · Śloka 133
স্বিন্নানি গুডতৈলাভ্যাং ভক্ষযেদ্বদরাণি চ |১৩৩|
स्विन्नानि गुडतैलाभ्यां भक्षयेद्बदराणि च |१३३|
🔊 Audio coming soon
অত্রৈব দ্বিতীযং যোগমাহ- স্বিন্নানীত্যাদি|১৩৩|-
Adhikarana 84 (133) · Śloka 133
স্বিন্নানি পিষ্টবদ্বাঽপি সমং বিল্বশলাটুভিঃ ||১৩৩||
स्विन्नानि पिष्टवद्वाऽपि समं बिल्वशलाटुभिः ||१३३||
🔊 Audio coming soon
তৃতীযযোগমাহ- স্বিন্নানীত্যাদি| স্বিন্নানি ‘বদরাণি’ ইতি শেষঃ| পিষ্টবদিতি পিষ্টস্বেদনবিধিনেত্যর্থঃ| সমং বিল্বশলাটুভিঃ বালবিল্বফলৈঃ সহেত্যর্থঃ| এতেন বিল্বশলাটুভিঃ সহ বদরাণি পিষ্টস্বেদনবিধিনা স্বিন্নানি শীতীভূতানি গুডতৈলাভ্যামশ্নীযাদিত্যর্থঃ| অন্যে ত্বন্যথা পঠন্তি- ‘সুস্বিন্নান্ পিষ্টবদ্বাঽপি মাষান্ বিল্বশলাটুভিঃ’ ইতি| মাষানিতি ক্ষীণপুরীষস্য পুরীষজননার্থং মাষোপদেশঃ||১৩৩||
Adhikarana 85 (134) · Śloka 134
দধ্নোপযুজ্য কুল্মাষান্ শ্বেতামনুপিবেত্ সুরাম্ |১৩৪|
दध्नोपयुज्य कुल्माषान् श्वेतामनुपिबेत् सुराम् |१३४|
🔊 Audio coming soon
চতুর্থং যোগমাহ- দধ্নোপযুজ্যেত্যাদি| কুল্মাষান্ আস্তরস্বিন্নান্ যবপিষ্টমযান্| শ্বেতাং সুরাং পৈষ্টীম্| কুল্মাষান্ দধ্না সহোপযুজ্য পৈষ্টীং সুরাং পিবেদিত্যর্থঃ|১৩৪|-
Adhikarana 86 (134) · Śloka 135
শশমাংসং সরুধিরং সমঙ্গাং সঘৃতং দধি ||১৩৪|| খাদেদ্বিপাচ্য সেবেত মৃদ্বন্নং শকৃতঃ ক্ষযে |১৩৫|
शशमांसं सरुधिरं समङ्गां सघृतं दधि ||१३४|| खादेद्विपाच्य सेवेत मृद्वन्नं शकृतः क्षये |१३५|
🔊 Audio coming soon
পঞ্চমং যোগমাহ- শশমাংসমিত্যাদি| সমঙ্গা লজ্জালুকা, দধিসংযুতং কল্কং শশরুধিরেণৈব প্রাশ্নীযান্মলসঙ্ক্ষযে ইতি| অন্যে ‘সমঙ্গাং’ ইত্যত্র ‘সমাংশং’ ইতি পঠন্তি, ব্যাখ্যানযন্তি চ- শশমাংসরুধিরেণ সমাংশং তুল্যং কৃত্বা সঘৃতং সদধি বিপাচ্য খাদেদিত্যর্থঃ| সেবেত মৃদ্বন্নমিতি মৃদ্বন্নমত্র পুরীষজনকং মাষাদিকং সংস্কৃতম্| শকৃতঃ ক্ষযে পুরীষক্ষযে||১৩৪||-
Adhikarana 87 (135) · Śloka 136
সংস্কৃতো যমকে মাষযবকোলরসঃ শুভঃ ||১৩৫|| ভোজনার্থং প্রদাতব্যো দধিদাডিমসাধিতঃ |১৩৬|
संस्कृतो यमके माषयवकोलरसः शुभः ||१३५|| भोजनार्थं प्रदातव्यो दधिदाडिमसाधितः |१३६|
🔊 Audio coming soon
বর্চঃক্ষযে যূষপ্রযোগমাহ- সংস্কৃত ইত্যাদি| যমকে ঘৃততৈলে, রসোঽত্র ক্বাথঃ; মাষাদিযূষো ঘৃততৈলসংস্কৃতো দধিদাডিমাভ্যাং সহ সাধিতশ্চ ক্ষীণপুরীষস্য ভোজনার্থং প্রদাতব্য ইত্যর্থঃ||১৩৫||-
Adhikarana 88 (136) · Śloka 137
বিডং বিল্বশলাটূনি নাগরং চাম্লপেষিতম্ ||১৩৬|| দধ্নঃ সরশ্চ যমকে ভৃষ্টো বর্চঃক্ষযে হিতঃ |১৩৭|
विडं बिल्वशलाटूनि नागरं चाम्लपेषितम् ||१३६|| दध्नः सरश्च यमके भृष्टो वर्चःक्षये हितः |१३७|
🔊 Audio coming soon
ক্ষীণবর্চসঃ অপরং যোগমাহ- বিডমিত্যাদি| বিডং লবণভেদঃ, দধ্নঃ সরো দধ্ন উপরিতনো ভাগঃ| যমকে ঘৃততৈলে||১৩৬||-
Adhikarana 89 (137) · Śloka 137
সশূলং ক্ষীণবর্চা যো দীপ্তাগ্নিরতিসার্যতে | স পিবেদ্দীপনৈর্যুক্তং সর্পিঃ সঙ্গ্রাহকৈঃ সহ ||১৩৭||
सशूलं क्षीणवर्चा यो दीप्ताग्निरतिसार्यते | स पिबेद्दीपनैर्युक्तं सर्पिः सङ्ग्राहकैः सह ||१३७||
🔊 Audio coming soon
বিশিষ্টাবস্থাহিতমষ্টমযোগমাহ- সশূলমিত্যাদি| দীপনৈঃ চিত্রকাদিভিঃ, সঙ্গ্রাহকৈঃ ধাতকীবিল্বশলাটুপ্রভৃতিভিঃ| যঃ ক্ষীণপুরীষো দীপ্তাগ্নিরতিসার্যতে স চিত্রকাদিধাতক্যাদিদ্রব্যচূর্ণযুক্তমপক্বমেব সর্পিঃ পিবেদিত্যর্থঃ||১৩৭||
Adhikarana 90 (138) · Śloka 138
বাযুঃ প্রবৃদ্ধো নিচিতং বলাসং নুদত্যধস্তাদহিতাশনস্য | প্রবাহমাণস্য মুহুর্মলাক্তং প্রবাহিকাং তাং প্রবদন্তি তজ্জ্ঞাঃ ||১৩৮||
वायुः प्रवृद्धो निचितं बलासं नुदत्यधस्तादहिताशनस्य | प्रवाहमाणस्य मुहुर्मलाक्तं प्रवाहिकां तां प्रवदन्ति तज्ज्ञाः ||१३८||
🔊 Audio coming soon
ইদানীং প্রবাহিকাসঞ্জ্ঞমতীসারভেদমাহ- বাযুরিত্যাদি| নিচিতং সঞ্চযপ্রাপ্তং, বলাসং শ্লেষ্মাণং, নুদতি প্রেরযতি, অধস্তাদ্ গুদমার্গে, প্রবাহমাণস্য প্রের্যমাণস্য, মুহুঃ বারংবারং, মলাক্তম্ ঈষত্পুরীষমিশ্রং, ‘শ্লেষ্মাণং’ ইতি শেষঃ; এতেনৈতদুক্তং ভবতি- যত্র রোগে বাতপ্রেরিতং কফং পুরুষঃ প্রেরযতি, তাং প্রবাহিকাং কফং প্রবাহমাণস্য প্রের্যমাণস্য তজ্জ্ঞাঃ প্রবদন্তীতি সম্বন্ধঃ| বলাসমিত্যুপলক্ষণং, তেন পিত্তং রক্তং বা নিচিতমিতি জ্ঞেযম্||১৩৮||
Adhikarana 91 (139) · Śloka 140
প্রবাহিকা বাতকৃতা সশূলা পিত্তাত্ সদাহা সকফা কফাচ্চ | সশোণিতা শোণিতসম্ভবা তু তাঃ স্নেহরূক্ষপ্রভবা মতাস্তু ||১৩৯|| তাসামতীসারবদাদিশেচ্চ লিঙ্গং ক্রমং চামবিপক্বতাং চ |১৪০|
प्रवाहिका वातकृता सशूला पित्तात् सदाहा सकफा कफाच्च | सशोणिता शोणितसम्भवा तु ताः स्नेहरूक्षप्रभवा मतास्तु ||१३९|| तासामतीसारवदादिशेच्च लिङ्गं क्रमं चामविपक्वतां च |१४०|
🔊 Audio coming soon
বাতাদিভেদেন প্রবাহিকামাহ- প্রবাহিকা বাতকৃতেত্যাদি| স্নেহরূক্ষপ্রভবা ইতি স্নেহরূক্ষাভ্যাং প্রভবো যাসাং তাস্তথা; এতচ্চ প্রাযিকম্| তাঃ প্রবাহিকাঃ| তাসামিত্যাদি| তাসাং প্রবাহিকাণাং; যদ্যপি বাতাদিভেদেন প্রাগেব প্রবাহিকাণাং লক্ষণমুক্তং তথাঽপ্যতীসারবদাদিশেচ্চ লিঙ্গমিত্যভিধানমধিকলিঙ্গজ্ঞাপনার্থম্| ক্রমং ক্রিযাক্রমম্| আমবিপক্বতাম্ আমতাং বিপক্বতাং চেত্যর্থঃ||১৩৯||-
Adhikarana 92 (140) · Śloka 141
ন শান্তিমাযাতি বিলঙ্ঘনৈর্যা যোগৈরুদীর্ণা যদি পাচনৈর্বা ||১৪০|| তাং ক্ষীরমেবাশু শৃতং নিহন্তি তৈলং তিলাঃ পিচ্ছিলবস্তযশ্চ |১৪১|
न शान्तिमायाति विलङ्घनैर्या योगैरुदीर्णा यदि पाचनैर्वा ||१४०|| तां क्षीरमेवाशु शृतं निहन्ति तैलं तिलाः पिच्छिलबस्तयश्च |१४१|
🔊 Audio coming soon
লঙ্ঘনাদ্যুপক্রমৈর্যা প্রবাহিকা ন প্রশাম্যতি তাং কথং চিকিত্সেদিত্যাহ- ন শান্তিমিত্যাদি| উদীর্ণা উত্কটা যা প্রবাহিকা লঙ্ঘনৈঃ পাচনযোগৈর্বা শান্তিং ন যাতি তাং ক্ষীরাদিকং হন্তীতি সম্বন্ধঃ||১৪০||-
Adhikarana 93 (141-142) · Śloka 143
আর্দ্রৈঃ কুশৈঃ সম্পরিবেষ্টিতানি বৃন্তান্যথার্দ্রাণি হি শাল্মলীনাম্ ||১৪১|| পক্বানি সম্যক্ পুটপাকযোগেনাপোথ্য তেভ্যো রসমাদদীত | ক্ষীরং শৃতং তৈলহবির্বিমিশ্রং কল্কেন যষ্টীমধুকস্য বাঽপি ||১৪২|| বস্তিং বিদধ্যাদ্ভিষগপ্রমত্তঃ প্রবাহিকামূত্রপুরীষসঙ্গে |১৪৩|
आर्द्रैः कुशैः सम्परिवेष्टितानि वृन्तान्यथार्द्राणि हि शाल्मलीनाम् ||१४१|| पक्वानि सम्यक् पुटपाकयोगेनापोथ्य तेभ्यो रसमाददीत | क्षीरं शृतं तैलहविर्विमिश्रं कल्केन यष्टीमधुकस्य वाऽपि ||१४२|| बस्तिं विदध्याद्भिषगप्रमत्तः प्रवाहिकामूत्रपुरीषसङ्गे |१४३|
🔊 Audio coming soon
পিচ্ছাবস্তিমাহ- আর্দ্রৈঃ কুশৈরিত্যাদি| বস্তিং পিচ্ছাবস্তিম্; অস্য প্রমাণং নিরূহোক্তবিধিনোক্তং (চি. ৩৮) জ্ঞাতব্যম্| অপ্রমত্তঃ সাবধানঃ||১৪১-১৪২||-
Adhikarana 94 (143) · Śloka 144
দ্বিপঞ্চমূলীক্বথিতেন শূলে প্রবাহমাণস্য সমাক্ষিকেণ ||১৪৩|| ক্ষীরেণ চাস্থাপনমগ্র্যমুক্তং... |১৪৪|
द्विपञ्चमूलीक्वथितेन शूले प्रवाहमाणस्य समाक्षिकेण ||१४३|| क्षीरेण चास्थापनमग्र्यमुक्तं... |१४४|
🔊 Audio coming soon
অবস্থাবিশেষে আস্থাপনোপদেশমাহ- দ্বিপঞ্চমূলীত্যাদি| দ্বিপঞ্চমূলীক্বথিতেন দশমূলীক্বথিতেন| আস্থাপনং নিরূহঃ| অগ্র্যং শ্রেষ্ঠম্| ক্ষীরপাককল্পেন দশমূলীসাধিতেন ক্ষীরেণ মধুসহিতেনাস্থাপনং শ্রেষ্ঠমুক্তং, প্রবাহমাণস্য শূলে ভবতীতি সম্বন্ধঃ||১৪৩||-
Adhikarana 95 (144) · Śloka 144
...তৈলেন যুঞ্জ্যাদনুবাসনং চ |১৪৪|
...तैलेन युञ्ज्यादनुवासनं च |१४४|
🔊 Audio coming soon
অনুবাসনমাহ- তৈলেনেত্যাদি| দ্বিপঞ্চমূলীসাধিতক্ষীরসিদ্ধেন তৈলেনানুবাসনং যুঞ্জ্যাদিত্যর্থঃ; ন পুনরপক্বতৈলেন, তস্য ব্যাপত্করত্বাত্|১৪৪|-
Adhikarana 96 (144) · Śloka 144
বাতঘ্নবর্গে লবণেষু চৈব তৈলং চ সিদ্ধং হিতমন্নপানে ||১৪৪||
वातघ्नवर्गे लवणेषु चैव तैलं च सिद्धं हितमन्नपाने ||१४४||
🔊 Audio coming soon
অন্নসংস্কারার্থং পানার্থং চ তৈলমাহ- বাতঘ্নবর্গে ইত্যাদি| বাতঘ্নবর্গে বিদারিগন্ধাদৌ, লবণেষু সৈন্ধবসৌবর্চলাদিষু; অত্র বিদারিগন্ধাদিক্বাথেন সৈন্ধবাদ্যাবাপেন সিদ্ধং তৈলমন্নসংস্কারে পানে চ হিতমিত্যর্থঃ| অন্যে তু ‘লবণেষু চ’ ইত্যত্র ‘মধুরেষু’ ইতি পঠন্তি, এবমন্যত্র দৃষ্টত্বাত্||১৪৪||
Adhikarana 97 (145) · Śloka 145
লোধ্রং বিডং বিল্বশলাটু চৈব লিহ্যাচ্চ তৈলেন কটুত্রিকাঢ্যম্ |১৪৫|
लोध्रं विडं बिल्वशलाटु चैव लिह्याच्च तैलेन कटुत्रिकाढ्यम् |१४५|
🔊 Audio coming soon
লেহপ্রযোগমাহ- লোধ্রং বিডমিত্যাদি| কটুত্রিকাঢ্যমিতি ত্রিকটুপ্রধানং স্পষ্টত্রিকটুকমিত্যর্থঃ|১৪৫|-
Adhikarana 98 (145-149) · Śloka 149
দধ্না সসারেণ সমাক্ষিকেণ ভুঞ্জীত নিশ্চা(স্সা)রকপীডিতস্তু ||১৪৫|| সুতপ্তকুপ্যক্বথিতেন বাঽপি ক্ষীরেণ শীতেন মধুপ্লুতেন | শূলার্দিতো ব্যোষবিদারিগন্ধাসিদ্ধেন দুগ্ধেন হিতায ভোজ্যঃ ||১৪৬|| বাতঘ্নসাঙ্গ্রাহিকদীপনীযৈঃ কৃতান্ ষডাংশ্চাপ্যুপভোজযেচ্চ | খাদেচ্চ মত্স্যান্ রসমাপ্নুযাচ্চ বাতঘ্নসিদ্ধং সঘৃতং সতৈলম্ ||১৪৭|| এণাব্যজানাং তু বটপ্রবালৈঃ সিদ্ধানি সার্ধং পিশিতানি খাদেত্ | মেধ্য(দ্য)স্য সিদ্ধং ত্বথ বাঽপি রক্তং বস্তস্য দধ্না ঘৃততৈলযুক্তম্ ||১৪৮|| খাদেত্ প্রদেহৈঃ শিখিলাবজৈর্বা ভুঞ্জীত যূষৈর্দধিভিশ্চ মুখ্যৈঃ | মাষান্ সুসিদ্ধান্ ঘৃতমণ্ডযুক্তান্ খাদেচ্চ দধ্না মরিচোপদংশান্ ||১৪৯||
दध्ना ससारेण समाक्षिकेण भुञ्जीत निश्चा(स्सा)रकपीडितस्तु ||१४५|| सुतप्तकुप्यक्वथितेन वाऽपि क्षीरेण शीतेन मधुप्लुतेन | शूलार्दितो व्योषविदारिगन्धासिद्धेन दुग्धेन हिताय भोज्यः ||१४६|| वातघ्नसाङ्ग्राहिकदीपनीयैः कृतान् षडांश्चाप्युपभोजयेच्च | खादेच्च मत्स्यान् रसमाप्नुयाच्च वातघ्नसिद्धं सघृतं सतैलम् ||१४७|| एणाव्यजानां तु वटप्रवालैः सिद्धानि सार्धं पिशितानि खादेत् | मेध्य(द्य)स्य सिद्धं त्वथ वाऽपि रक्तं बस्तस्य दध्ना घृततैलयुक्तम् ||१४८|| खादेत् प्रदेहैः शिखिलावजैर्वा भुञ्जीत यूषैर्दधिभिश्च मुख्यैः | माषान् सुसिद्धान् घृतमण्डयुक्तान् खादेच्च दध्ना मरिचोपदंशान् ||१४९||
🔊 Audio coming soon
লোধ্রাদিকং লীঢ্বা ভোজনমাহ- দধ্না সসারেণেত্যাদি| দধ্না সসারেণ উপরিতনস্নিগ্ধভাগসরাখ্যসহিতেন, সমাক্ষিকেণ মধুসহিতেন, এবংবিধেন দধ্না সহ ভোজনং কুর্বীতেত্যর্থঃ| নিশ্চারকঃ প্রবাহিকাভেদঃ পুরীষক্ষযাপরপর্যাযঃ, তেন পীডিতঃ;- অন্যে তু নিশ্চারকাভিধানেন অতিসারঃ প্রবাহিকা চোচ্যতে ইতি মন্যন্তে, অত্রোক্তযোগানামুভযহিতত্বাপাদনার্থম্| নন্বযমর্থঃ ‘তাসামতীসারবদাদিশেচ্চ’ ইত্যনেন প্রাপ্তঃ, পুনরত্রাভিধানেন কিং প্রযোজনম্? উচ্যতে- অত্রোক্তযোগাঃ প্রবাহিকাযাং বিশেষেণ হিতা ইতি জ্ঞাপনার্থম্| সুতপ্তেত্যাদি|- সুতপ্তসুবর্ণরূপ্যেতরলোহপ্রক্ষেপক্বথিতেন ক্ষীরেণ; অন্যে ত্বঘটিতং রূপ্যাদিকং কুপ্যমাচক্ষতে; কেচিত্ কুপ্যস্থানে কূর্পমিতি পঠন্তি ব্যাখ্যানযন্তি চ- কূর্পো দক্ষিণাপথে পাষাণবিশেষঃ শঙ্খমুণ্ডাকৃতিঃ রসাযনবাদেষু প্রযুজ্যতে| এবংবিধেন ক্ষীরেণ বা ভুঞ্জীতেতি সম্বধ্যতে| ব্যোষং ত্রিকটু| বিদারিগন্ধেত্যত্র আদিশব্দো লুপ্তো জ্ঞেযঃ, তেন বিদারিগন্ধাদিগণো গৃহ্যতে| ত্রিকটুবিদারিগন্ধাদিগণসিদ্ধেন ক্ষীরেণ শূলার্দিতো নিশ্চারকী হিতায ভোজ্য ইতি সম্বন্ধঃ| বাতঘ্নেত্যাদি|- বাতঘ্নানি শালপর্ণ্যাদীনি, ভদ্রদার্বাদীনীত্যন্যে; সাঙ্গ্রাহিকাণি বিল্বপাঠাচাঙ্গেরীপ্রভৃতীনি; দীপনীযানি চিত্রকশুণ্ঠ্যাদীনি| ষডা সদাডিমা গোরসাদানা ঘনাঃ| কৃতাঃ সংস্কৃতাঃ| মত্স্যান্ সাঙ্গ্রাহিকান্ রোহিতশকুলাদীন্| রসং লাবাদিমাংসরসম্| আপ্নুযাত্ পিবেত্, ধাতূনামনেকার্থত্বাত্| বাতঘ্নানি শালপর্ণীপৃশ্নিপর্ণীবৃহত্যাদীনি, তৈঃ সিদ্ধং; বদরাদিসংস্কৃতমিত্যন্যে ব্যাখ্যানযন্তি| সঘৃতং সতৈলমিতি ঘৃততৈলেন ভৃষ্টং, বাতঘ্নসিদ্ধং ঘৃততৈলভৃষ্টং মাংসরসমাপ্নুযাদিতি সম্বন্ধঃ| এণাব্যজানামিত্যাদি|- এণঃ কৃষ্ণসারঃ, অবিঃ ভেডঃ, অজা ছাগী, বটপ্রবালৈঃ বটকোমলপল্লবৈঃ, পিশিতানি মাংসানি; এণাদীনাং পিশিতানি বটপ্রবালৈঃ সহ সিদ্ধানি খাদেদিতি সম্বন্ধঃ| মেধ্যস্যেত্যাদি|- মেধো যজ্ঞস্তদর্হো মেধ্যঃ তস্য; এতেন মেদুরস্যেত্যুক্তং, যজ্ঞে তস্যার্হত্বাত্| রক্তং স্ত্যানং রক্তম্, অত এব খাদেদিত্যুপপন্নম্| বস্তস্য ছাগস্য| দধ্নেতি দধ্না সহিতমিত্যর্থঃ| ‘মেধ্যস্য’ ইত্যত্রান্যে ‘মেধ্যং চ’ ইতি পঠন্তি; তত্র মেধ্যমিতি রক্তস্য বিশেষণম্; মেধ্যস্য বস্তস্য রক্তং, ঘৃততৈলমৃষ্টং দধ্না সংস্কৃতং খাদেদিতি সম্বন্ধঃ| খাদেত্ প্রদেহৈরিত্যাদি| পাকেন ঘনীভূতা রসাঃ প্রদেহাঃ, তৈঃ| শিখী মযূরঃ, কুক্কুট ইত্যন্যে| প্রলেপৈরিত্যন্যে পঠন্তি| (তত্রাপি স এবার্থঃ| শিখিলাবজৈঃ প্রদেহৈশ্চ সহ সংস্কৃতং তদ্রক্তং খাদেদিতি সম্বধ্নীযাত্; অন্যে প্রদেহৈরিতি ভুঞ্জীতেত্যত্র সম্বধ্নন্তি|) যূষৈঃ মাষাদিযূষৈঃ | মাষানিত্যাদি|- সুসিদ্ধান্ সুস্বিন্নান্, ঘৃতমণ্ডস্তু ঘৃতস্য স্ত্যানস্য উপরিস্থো ভাগস্তেন যুক্তান্, মরিচোপদংশান্ মরিচাবচূর্ণিতান্; সুস্বিন্নান্ মাষান্ ঘৃতমণ্ডমিশ্রান্ মরিচাবচূর্ণিতান্ খাদেদিতি সম্বন্ধঃ||১৪৫-১৪৯||
Adhikarana 99 (150) · Śloka 151
মহারুজে মূত্রকৃচ্ছ্রে ভিষগ্ বস্তিং প্রদাপযেত্ | পযোমধুঘৃতোন্মিশ্রং মধুকোত্পলসাধিতম্ ||১৫০|| স বস্তিঃ শমযেত্তস্য রক্তং দাহমথো জ্বরম্ |১৫১|
महारुजे मूत्रकृच्छ्रे भिषग् बस्तिं प्रदापयेत् | पयोमधुघृतोन्मिश्रं मधुकोत्पलसाधितम् ||१५०|| स बस्तिः शमयेत्तस्य रक्तं दाहमथो ज्वरम् |१५१|
🔊 Audio coming soon
আহারমুপদিশ্য বস্তিমাহ- মহারুজে ইত্যাদি| বস্তিং নিরূহম্| মধুকং যষ্টীমধু, উত্পলং নীলোত্পলম্| মধুকনীলোত্পলসাধিতেন ক্বাথেন ক্ষীরমধুঘৃতোন্মিশ্রিতেন বস্তিং ভিষক্ প্রদাপযেত্, স চ দত্তঃ সন্ রক্তমিত্যাদিকং শমযেদিতি সম্বন্ধঃ| যদ্যপি প্রবাহিকাযাং প্রাগেব বস্তিরভিহিতস্তত্প্রসঙ্গেনৈতাবপি বস্তী অভিধেযৌ ভবতঃ, তথাঽপ্যত্র বিশিষ্টাবস্থাযাং নিশ্চারকসঞ্জ্ঞাযাং মহারুজাদ্যনুবন্ধে বিশিষ্টৌ বস্তী প্রতিপাদিতৌ||১৫০||-
Adhikarana 100 (151) · Śloka 152
মধুরৌষধসিদ্ধং চ হিতং তস্যানুবাসনম্ ||১৫১|| রাত্রাবহনি বা নিত্যং রুজার্তো যো ভবেন্নরঃ |১৫২|
मधुरौषधसिद्धं च हितं तस्यानुवासनम् ||१५१|| रात्रावहनि वा नित्यं रुजार्तो यो भवेन्नरः |१५२|
🔊 Audio coming soon
নিরূহবস্তিমভিধাযানুবাসনমাহ- মধুরৌষধসিদ্ধমিত্যাদি| মধুরৌষধানি কাকোল্যাদীনি তৈঃ সিদ্ধং; রুজার্তো যো নরো ভবেত্ তস্য মধুরৌষধসিদ্ধমনুবাসনং রাত্রৌ দিনে বা হিতমিতি সম্বন্ধঃ| যদ্যপি রাত্রাবনুবাসনং নিষিদ্ধং তথাঽপি নিত্যং শূলার্তে রুগ্দাহজ্বরসদ্ভাবে সতি রাত্রাবপি দেযম্||১৫১||-
Adhikarana 101 (152-153) · Śloka 153
যথা যথা সতৈলঃ স্যাদ্বাতশান্তিস্তথা তথা ||১৫২|| প্রশান্তে মারুতে চাপি শান্তিং যাতি প্রবাহিকা | তস্মাত্ প্রবাহিকারোগে মারুতং শমযেদ্ভিষক্ ||১৫৩||
यथा यथा सतैलः स्याद्वातशान्तिस्तथा तथा ||१५२|| प्रशान्ते मारुते चापि शान्तिं याति प्रवाहिका | तस्मात् प्रवाहिकारोगे मारुतं शमयेद्भिषक् ||१५३||
🔊 Audio coming soon
প্রবাহিকারোগেঽনুবাসনসাফল্যমাহ- যথেত্যাদি| যাতি উপশান্তিং গচ্ছতীত্যর্থঃ||১৫২-১৫৩||
Adhikarana 102 (154) · Śloka 154
পাঠাজমোদাকুটজোত্পলং চ শুণ্ঠী সমা মাগধিকাশ্চ পিষ্টাঃ | সুখাম্বুপীতাঃ শমযন্তি রোগং... |১৫৪|
पाठाजमोदाकुटजोत्पलं च शुण्ठी समा मागधिकाश्च पिष्टाः | सुखाम्बुपीताः शमयन्ति रोगं... |१५४|
🔊 Audio coming soon
প্রবাহিকারোগে দীপনীযৌষধমাহ- পাঠাজমোদেত্যাদি| সুখাম্বু ঈষদুষ্ণাম্বু| পাঠাদযঃ পিপ্পল্যন্তাঃ সমাস্তুল্যাঃ পিষ্টাঃ সুখাম্বুনা পীতা রোগং প্রবাহিকাখ্যং শমযন্তীতি সম্বন্ধঃ|১৫৪|-
Adhikarana 103 (154) · Śloka 154
... মেধ্যাণ্ডসিদ্ধং সঘৃতং পযো বা ||১৫৪||
... मेध्याण्डसिद्धं सघृतं पयो वा ||१५४||
🔊 Audio coming soon
মেধ্যাণ্ডসিদ্ধমিত্যাদি| মেধ্যাণ্ডং ছাগলাণ্ডং, তত্সিদ্ধং পযঃ ক্ষীরং সঘৃতং প্রবাহিকাং শমযেদিত্যত্রাপি সম্বধ্যতে| ক্ষীরপাকবিধিঃ প্রাগুক্তঃ||১৫৪||
Adhikarana 104 (155) · Śloka 155
শুণ্ঠীং ঘৃতং সক্ষবকং সতৈলং বিপাচ্য লীঢ্বাঽঽমযমাশু হন্যাত্ |১৫৫|
शुण्ठीं घृतं सक्षवकं सतैलं विपाच्य लीढ्वाऽऽमयमाशु हन्यात् |१५५|
🔊 Audio coming soon
শুণ্ঠীমিত্যাদি| ক্ষবকঃ ছিক্কাকরঃ ফণিজ্জকাকারো লোকে ‘ছিঙ্কিনী’ ইতি প্রসিদ্ধঃ| অত্র বিধিঃ- শুণ্ঠীক্ষবককল্কং সঘৃততৈলমবলেহবিধিনা বিপাচ্য লীঢ্বা আমযং প্রবহিকাখ্যমাশু হন্যাদিতি সম্বন্ধঃ|১৫৫|-
Adhikarana 105 (155) · Śloka 156
গজাশনাকুম্ভিকদাডিমানাং রসৈঃ কৃতা তৈলঘৃতে সদধ্নি ||১৫৫|| বিল্বান্বিতা পথ্যতমা যবাগূ... |১৫৬|
गजाशनाकुम्भिकदाडिमानां रसैः कृता तैलघृते सदध्नि ||१५५|| बिल्वान्विता पथ्यतमा यवागू... |१५६|
🔊 Audio coming soon
গজাশনেত্যাদি| গজাশনা শল্লকী, কুম্ভিকা পানীযকুম্ভিকা, রসৈঃ ক্বাথৈঃ, কৃতা সংস্কৃতা| বিল্বান্বিতা বিল্বগর্ভান্বিতা| শল্লক্যাদিক্বাথৈর্বিল্বগর্ভান্বিতা তৈলঘৃতে সংস্কৃতা দধ্নি সিদ্ধা যবাগূঃ পথ্যতমেতি সম্বন্ধঃ||১৫৫||-
Adhikarana 106 (156) · Śloka 156
...র্ধারোষ্ণদুগ্ধস্য তথা চ পানম্ |১৫৬|
...र्धारोष्णदुग्धस्य तथा च पानम् |१५६|
🔊 Audio coming soon
প্রবাহিকাযাং ক্ষীরপানস্য পথ্যতমত্বমাহ- ধারোষ্ণদুগ্ধস্যেত্যাদি| তথেতি পথ্যতমমিত্যর্থঃ|১৫৬|-
Adhikarana 107 (156-157) · Śloka 157
লঘূনি পথ্যান্যথ দীপনানি স্নিগ্ধানি ভোজ্যান্যুদরামযেষু ||১৫৬|| হিতায নিত্যং বিতরেদ্বিভজ্য যোগাংশ্চ তাংস্তান্ ভিষগপ্রমত্তঃ ||১৫৭||
लघूनि पथ्यान्यथ दीपनानि स्निग्धानि भोज्यान्युदरामयेषु ||१५६|| हिताय नित्यं वितरेद्विभज्य योगांश्च तांस्तान् भिषगप्रमत्तः ||१५७||
🔊 Audio coming soon
ইদানীমুপসংহারমাহ- লঘূনীত্যাদি| ভোজ্যানি ভোজনপ্রকারান্| উদরামযেষু অতীসারপ্রবাহিকাখ্যেষু| বিতরেত্ দদ্যাত্| বিভজ্যেতি দোষবিশেষমবস্থাং চ| অন্যে তু ‘পথ্যানি যোগাংশ্চ বিভজ্য’ ইতি সম্বধ্নন্তি| যোগাংশ্চ তাংস্তানিতি লঘুদীপনস্নিগ্ধান্| অপ্রমত্তঃ সাবধানঃ||১৫৬-১৫৭||
Adhikarana 108 (158) · Śloka 158
তৃষ্ণাপনযনী লঘ্বী দীপনী বস্তিশোধনী | জ্বরে চৈবাতিসারে চ যবাগূঃ সর্বদা হিতা ||১৫৮||
तृष्णापनयनी लघ्वी दीपनी बस्तिशोधनी | ज्वरे चैवातिसारे च यवागूः सर्वदा हिता ||१५८||
🔊 Audio coming soon
একান্তহিতত্বার্থং যবাগ্বা গুণকীর্তনমাহ- তৃষ্ণাপনযনীত্যাদি| তৃষ্ণাপনযনী পিপাসাহরী| সর্বদা সর্বাস্ববস্থাসু, যতো জ্বরাতিসারযোরগ্নিমান্দ্যং ভবতি, যবাগূশ্চাগ্নিদীপ্তিকরী, অতঃ সর্বদা হিতা||১৫৮||
Adhikarana 109 (159) · Śloka 160
রূক্ষাজ্জাতে ক্রিযা স্নিগ্ধা রূক্ষা স্নেহনিমিত্তজে | ভযজে সান্ত্বনাপূর্বা শোকজে শোকনাশিনী ||১৫৯|| বিষার্শঃকৃমিসম্ভূতে হিতা চোভযশর্মদা |১৬০|
रूक्षाज्जाते क्रिया स्निग्धा रूक्षा स्नेहनिमित्तजे | भयजे सान्त्वनापूर्वा शोकजे शोकनाशिनी ||१५९|| विषार्शःकृमिसम्भूते हिता चोभयशर्मदा |१६०|
🔊 Audio coming soon
রোগপ্রত্যনীকং চিকিত্সিতমভিধায হেতুবিপরীতমাহ- রৌক্ষ্যাদিত্যাদি| রূক্ষাজ্জাতে ‘অতীসারে’ ইতি শেষঃ; স্নিগ্ধা ক্রিযা ‘হিতা’ ইতি শেষঃ| ভযজে অতীসারে সান্ত্বনাপূর্বা শা(সা)মপ্রযোগপূর্বা| শোকজে পুত্রমিত্রকলত্রাদিবিযোগজে| বিষাদিসম্ভূতেঽতীসারে উভযশর্মদা বিষার্শঃকৃমিহিতা তজ্জনিতাতিসারে হিতা চেত্যর্থঃ; এতেন হেতুব্যাধিপ্রত্যনীকা ক্রিযোক্তা||১৫৯||-
Adhikarana 110 (160) · Śloka 160
ছর্দিমূর্চ্ছাতৃডাদ্যাংশ্চ সাধযেদবিরোধতঃ ||১৬০||
छर्दिमूर्च्छातृडाद्यांश्च साधयेदविरोधतः ||१६०||
🔊 Audio coming soon
অতীসারোপদ্রবচিকিত্সিতমাহ- ছর্দীত্যাদি| অবিরোধতঃ ইতি ‘মূলব্যাধেঃ’ ইতি শেষঃ||১৬০||
Adhikarana 111 (161) · Śloka 161
সমবাযে তু দোষাণাং পূর্বং পিত্তমুপাচরেত্ | জ্বরে চৈবাতিসারে চ সর্বত্রান্যত্র মারুতম্ ||১৬১||
समवाये तु दोषाणां पूर्वं पित्तमुपाचरेत् | ज्वरे चैवातिसारे च सर्वत्रान्यत्र मारुतम् ||१६१||
🔊 Audio coming soon
নন্বতীসারে ত্রযাণাং দোষাণাং দ্বযোর্বা সংযোগে পূর্বং কো দোষ উপচর্যত ইত্যাহ- সমবাযে তু দোষাণামিত্যাদি| সমবাযোঽত্র সংযোগঃ| দোষাণামিতি ত্রযাণাং দ্বযোর্বা| কিং দোষাণাং সংযোগে সর্বত্রাপি পূর্বং পিত্তমুপচরণীযমিত্যাহ- জ্বরে চৈবেত্যাদি| সর্বত্রান্যত্র মারুতমিতি জ্বরাতীসারৌ বিহাযান্যেষু রোগেষু সর্বত্র বাতমুপাচরেদিত্যর্থঃ| যদ্যপি জ্বরচিকিত্সিতে ‘শমযেত্’ পিত্তমেবাদৌ ইত্যাদিনা জ্বরে দোষাণাং সমবাযে পূর্বং পিত্তমুপাচরেদিতি প্রোক্তং, তথাঽপ্যত্র ‘জ্বরে চৈব’ ইতি পুনর্যদুক্তং তজ্জ্বরেঽতিশযেন পূর্বং পিত্তমুপাচরেদিতি প্রতিপাদনার্থম্| যে চ তন্ত্রান্তরীযা অতীসারে পূর্বং বাতোপক্রমমিচ্ছন্তি তেষামযমভিপ্রাযঃ- যত্রাতীসারে কফবাতসমবাযঃ স্যাত্তত্র পূর্বং বাতমুপাচরেত্, যস্মাত্ পাচনেন আমকফক্ষযাদ্বাযোর্বৃদ্ধিঃ||১৬১||
Adhikarana 112 (162) · Śloka 162
যস্যোচ্চারং বিনা মূত্রং সম্যগ্বাযুশ্চ গচ্ছতি | দীপ্তাগ্নের্লঘুকোষ্ঠস্য স্থিতস্তস্যোদরামযঃ ||১৬২||
यस्योच्चारं विना मूत्रं सम्यग्वायुश्च गच्छति | दीप्ताग्नेर्लघुकोष्ठस्य स्थितस्तस्योदरामयः ||१६२||
🔊 Audio coming soon
ইদানীমতীসারনিবৃত্তিলক্ষণমাহ- যস্যোচ্চারমিত্যাদি| উচ্চারং পুরীষম্| সম্যগিতি প্রবৃত্তিশঙ্কারহিতম্| বাতোঽত্র অধোবাতঃ| দীপ্তাগ্নেরিতি প্রথমাবস্থাপেক্ষযা; তেন অতীসারে নিবৃত্তেঽপি মন্দাগ্নেরিতি বক্ষ্যমাণং ন বিরুধ্যতে| লঘুকোষ্ঠস্য উদরগৌরবরহিতস্য| স্থিতো নিবৃত্তঃ| উদরামযঃ অতীসারঃ||১৬২||
Adhikarana 113 (163) · Śloka 163
কর্মজা ব্যাধযঃ কেচিদ্দোষজাঃ সন্তি চাপরে | কর্মদোষোদ্ভবাশ্চান্যে... |১৬৩|
कर्मजा व्याधयः केचिद्दोषजाः सन्ति चापरे | कर्मदोषोद्भवाश्चान्ये... |१६३|
🔊 Audio coming soon
অবশ্যং বক্তব্যত্বাদস্য বস্তুন এষ প্রদেশ ইত্যতোঽত্র ব্যাধীনাং কর্মজাদিভেদেন ত্রৈবিধ্যমাহ- কর্মজা ব্যাধয ইত্যাদি| তত্র পথ্যরতানাং সদ্বৃত্তরতানাং শাস্ত্রোক্তাহারবিহারসেবিনাং হেমন্তশিশিরে রক্তপিত্তাদ্যুত্পদ্যতে, বসন্তে বাতব্যাধ্যুত্পত্তিঃ, প্রাবৃষি শ্লেষ্মব্যাধ্যুত্পত্তিরিত্যাদযো নিমিত্তমন্তরেণ যে চোত্পদ্যন্তে তে কর্মজাঃ; যান্ পুনরসাত্ম্যেন্দ্রিযার্থসংযোগপ্রজ্ঞাপরাধপরিণামলক্ষণৈঃ মিথ্যাহারবিহারৈঃ শাস্ত্রবিরুদ্ধৈরাসেব্যমানৈর্দোষাঃ কুপিতা ব্যাধীন্ জনযন্তি তে দোষজাঃ; উভযহেতুজাঃ কর্মদোষজাঃ|১৬৩|-
Adhikarana 114 (163) · Śloka 164
... কর্মজাস্তেষ্বহেতুকাঃ ||১৬৩|| নশ্যন্তি ত্বক্রিযাভিস্তে ক্রিযাভিঃ কর্মসঙ্ক্ষযে |১৬৪|
... कर्मजास्तेष्वहेतुकाः ||१६३|| नश्यन्ति त्वक्रियाभिस्ते क्रियाभिः कर्मसङ्क्षये |१६४|
🔊 Audio coming soon
তেষাং মধ্যে কর্মজানাং তত্র লক্ষণমাহ- কর্মজাস্তেষ্বহেতুকাঃ; তেষু কর্মজাদিষু ত্রিষু কর্মজা অহেতুকা দোষাগন্তুহেতুরহিতাঃ| নশ্যন্তীত্যাদি তে কর্মজাঃ, তু পুনঃ, অক্রিযাভিঃ অচিকিত্সাভিঃ, ক্রিযাভিঃ প্রাযশ্চিত্তজপহোমোপহারাদিরূপাভিঃ| কর্মসঙ্ক্ষযে ব্যাধিজনককর্মক্ষযে| যে ব্যাধযোঽহেতুকা উত্পদ্যন্তে অক্রিযাভিশ্চ কর্মক্ষযে সতি নশ্যন্তি তে কর্মজা ইতি সম্বন্ধঃ||১৬৩||-
Adhikarana 115 (164) · Śloka 164
শাম্যন্তি দোষসম্ভূতা দোষসঙ্ক্ষযহেতুভিঃ ||১৬৪||
शाम्यन्ति दोषसम्भूता दोषसङ्क्षयहेतुभिः ||१६४||
🔊 Audio coming soon
দোষজানাং লক্ষণমাহ- শাম্যন্তীত্যাদি| যে দোষসঙ্ক্ষযহেতুভিঃ শাম্যন্তি তে দোষজা ইত্যর্থঃ||১৬৪||
Adhikarana 116 (165) · Śloka 165
তেষামল্পনিদানা যে প্রতিকষ্টা ভবন্তি চ | মৃদবো বহুদোষা বা কর্মদোষোদ্ভবাস্তু তে ||১৬৫||
तेषामल्पनिदाना ये प्रतिकष्टा भवन्ति च | मृदवो बहुदोषा वा कर्मदोषोद्भवास्तु ते ||१६५||
🔊 Audio coming soon
কর্মদোষজানাং লক্ষণমাহ- তেষামিত্যাদি| তেষাং কর্মাদিজানাম্| অল্পনিদানা অল্পকারণা অল্পোত্পাদকদোষাঃ| প্রতিকষ্টা ইতি প্রতিশব্দ ইত্থম্ভূতার্থে; তেনেত্থম্ভূতা অপি যে কষ্টা ভবন্তি, বহুদোষারব্ধাশ্চ যে মৃদবো ভবন্তি, তে কর্মদোষোদ্ভবা ব্যাধয ইতি সম্বন্ধঃ||১৬৫||
Adhikarana 117 (166) · Śloka 166
কর্মদোষক্ষযকৃতা তেষাং সিদ্ধির্বিধীযতে |১৬৬|
कर्मदोषक्षयकृता तेषां सिद्धिर्विधीयते |१६६|
🔊 Audio coming soon
কর্মদোষোদ্ভবানাং চিকিত্সিতমাহ- কর্মেত্যাদি| তেষাম্ উভযজানাম্| কর্মদোষক্ষযকৃতা ইতি কর্মক্ষযকৃতা যাগদানমন্ত্রবল্যুপহারদেবতারাধনগুরুপূজনাদিনা, দোষক্ষযকৃতা স্নেহস্বেদনবমনাদিনা| সিদ্ধিঃ সাধনং, বিধীযতে ক্রিযতে|১৬৬|-
Adhikarana 118 (166) · Śloka 166
দুষ্যতি গ্রহণী জন্তোরগ্নিসাদনহেতুভিঃ ||১৬৬||
दुष्यति ग्रहणी जन्तोरग्निसादनहेतुभिः ||१६६||
🔊 Audio coming soon
প্রকৃতমিদানীং প্রস্তূযতে- তত্রানুত্পন্নাতীসারস্যাপি গ্রহণীরোগসম্ভবমাহ- দুষ্যতীত্যাদি| দুষ্যতি বিকৃতিং যাতি| গ্রহণী পিত্তধরা কলা বহ্ন্যধিষ্ঠানত্বেন সঞ্জাতা | জন্তোঃ প্রাণিনঃ, অগ্নিসাদনহেতুভিঃ অগ্নিনির্বাপণকারণৈঃ, এতেনাতীসারং বিনাঽপি গ্রহণীরোগসম্ভব উক্তঃ||১৬৬||
Adhikarana 119 (167-168) · Śloka 168
অতিসারে নিবৃত্তেঽপি মন্দাগ্নেরহিতাশিনঃ | ভূযঃ সন্দূষিতো বহ্নির্গ্রহণীমভিদূষযেত্ ||১৬৭|| তস্মাত্কার্যঃ পরীহারস্ত্বতীসারে বিরিক্তবত্ | যাবন্ন প্রকৃতিস্থঃ স্যাদ্দোষতঃ প্রাণতস্তথা ||১৬৮||
अतिसारे निवृत्तेऽपि मन्दाग्नेरहिताशिनः | भूयः सन्दूषितो वह्निर्ग्रहणीमभिदूषयेत् ||१६७|| तस्मात्कार्यः परीहारस्त्वतीसारे विरिक्तवत् | यावन्न प्रकृतिस्थः स्याद्दोषतः प्राणतस्तथा ||१६८||
🔊 Audio coming soon
উত্পন্নাতীসারস্য যথা গ্রহণীরোগোত্পত্তিস্তথা দর্শযন্নাহ- অতীসারে ইত্যাদি| নিবৃত্তেঽপীতি অপিশব্দাদনিবৃত্তেঽপি| ভূযঃ পুনরপি| গ্রহণীমিতি অগ্ন্যধিষ্ঠানম্| তস্মাদিত্যাদি যস্মাত্ পুনর্দূষিতো বহ্নির্গ্রহণ্যাখ্যমধিষ্ঠানং দূষযতি তস্মাদতীসারে বিরিক্তবত্ পরীহারঃ কার্য ইতি সম্বন্ধঃ| পরীহারকালাবধিমাহ- যাবদিত্যাদি||১৬৭-১৬৮||
Adhikarana 120 (169) · Śloka 169
ষষ্ঠী পিত্তধরা নাম যা কলা পরিকীর্তিতা | পক্বামাশযমধ্যস্থা গ্রহণী সা প্রকীর্তিতা ||১৬৯||
षष्ठी पित्तधरा नाम या कला परिकीर्तिता | पक्वामाशयमध्यस्था ग्रहणी सा प्रकीर्तिता ||१६९||
🔊 Audio coming soon
অথ কেযং গ্রহণী যাং দূষিতো বহ্নির্দূষযতীত্যাহ- ষষ্ঠী পিত্তধরেত্যাদি| যা কলা পরিকীর্তিতা গর্ভব্যাকরণে শারীরে প্রোক্তা||১৬৯||
Adhikarana 121 (170) · Śloka 170
গ্রহণ্যা বলমগ্নির্হি স চাপি গ্রহণীং শ্রিতঃ | তস্মাত্ সন্দূষিতে বহ্নৌ গ্রহণী সম্প্রদুষ্যতি ||১৭০||
ग्रहण्या बलमग्निर्हि स चापि ग्रहणीं श्रितः | तस्मात् सन्दूषिते वह्नौ ग्रहणी सम्प्रदुष्यति ||१७०||
🔊 Audio coming soon
যথাঽগ্নৌ দূষিতে সতি গ্রহণী প্রদুষ্যতি তথা দর্শযতি- গ্রহণ্যা ইত্যাদি| হি যস্মাদর্থে, যস্মাদ্গ্রহণ্যা অগ্ন্যধিষ্ঠানভূতাযা বলমগ্নিঃ স, চাপ্যগ্নির্গ্রহণীং শ্রিতো গ্রহণীমাশ্রিতঃ, তস্মাদগ্নৌ প্রদূষিতে গ্রহণী সম্প্রদুষ্যতীতি||১৭০||
Adhikarana 122 (171-172) · Śloka 172
একশঃ সর্বশশ্চৈব দোষৈরত্যর্থমুচ্ছ্রিতৈঃ | সা দুষ্টা বহুশো ভুক্তমামমেব বিমুঞ্চতি ||১৭১|| পক্বং বা সরুজং পূতি মুহুর্বদ্ধং মুহুর্দ্রবম্ | গ্রহণীরোগমাহুস্তমাযুর্বেদবিদো জনাঃ ||১৭২||
एकशः सर्वशश्चैव दोषैरत्यर्थमुच्छ्रितैः | सा दुष्टा बहुशो भुक्तमाममेव विमुञ्चति ||१७१|| पक्वं वा सरुजं पूति मुहुर्बद्धं मुहुर्द्रवम् | ग्रहणीरोगमाहुस्तमायुर्वेदविदो जनाः ||१७२||
🔊 Audio coming soon
কৈঃ প্রদুষ্যতীত্যাহ- একশ ইত্যাদি| অত্যর্থমুচ্ছ্রিতৈঃ অত্যন্তবৃদ্ধৈঃ, একশো বাতাদিভিঃ, সর্বশঃ সর্বৈর্দোষৈঃ, সা গ্রহণী দুষ্টা সতী ভুক্তমন্নং, বহুশো বহূন্ বারান্, আমমপক্বমেব বিমুঞ্চতি| কিং সা দুষ্টা সতী আমমেব পরং বিমুঞ্চতীত্যাহ- পক্বং বেত্যাদি| আযুর্বেদবিদঃ অষ্টাঙ্গজ্ঞাঃ||১৭১-১৭২||
Adhikarana 123 (173) · Śloka 173
তস্যোত্পত্তৌ বিদাহোঽন্নে সদনালস্যতৃট্ক্লমাঃ | বলক্ষযোঽরুচিঃ কাসঃ কর্ণক্ষ্বেডোঽন্ত্রকূজনম্ ||১৭৩||
तस्योत्पत्तौ विदाहोऽन्ने सदनालस्यतृट्क्लमाः | बलक्षयोऽरुचिः कासः कर्णक्ष्वेडोऽन्त्रकूजनम् ||१७३||
🔊 Audio coming soon
অতো গ্রহণীরোগস্য পূর্বরূপমাহ- তস্যোত্পত্তাবিত্যাদি| তস্য গ্রহণীরোগস্য| বিদাহোঽন্নে অন্নং ভুক্তং বিদহ্যতীত্যর্থঃ| সদনম্ অঙ্গসাদঃ, আলস্যম্ অনুত্সাহঃ, তৃট্ পিপাসা, ক্লমো বিনাঽপি ব্যাযামং শ্রমঃ| কর্ণক্ষ্বেডঃ অনেকবিধহুঙ্কারাদিশব্দশ্রবণম্| ‘বিদাহোঽন্নে’ ইত্যত্রান্যে ‘বিদাহোঽন্তঃ’ ইতি পঠন্তি, অন্তঃকোষ্ঠেঽন্নং বিদাহমাপাদযতীতি ব্যাখ্যানযন্তি চ||১৭৩||
Adhikarana 124 (174-175) · Śloka 175
অথ জাতে ভবেজ্জন্তুঃ শূনপাদকরঃ কৃশঃ | পর্বরুগ্লৌল্যতৃট্ছর্দিজ্বরারোচকদাহবান্ ||১৭৪|| উদ্গিরেচ্ছুক্ততিক্তাম্ললোহধূমামগন্ধিকম্ | প্রসেকমুখবৈরস্যতমকারুচিপীডিতঃ ||১৭৫||
अथ जाते भवेज्जन्तुः शूनपादकरः कृशः | पर्वरुग्लौल्यतृट्छर्दिज्वरारोचकदाहवान् ||१७४|| उद्गिरेच्छुक्ततिक्ताम्ललोहधूमामगन्धिकम् | प्रसेकमुखवैरस्यतमकारुचिपीडितः ||१७५||
🔊 Audio coming soon
পূর্বরূপানন্তরং রূপমাহ- অথেত্যাদি| পর্বরুক্ সন্ধিপীডা, লৌল্যং সর্বরসেষু লোলুপত্বম্| উদ্গিরেত্ বমেত্| শুক্তং চুক্রম্| গন্ধশব্দো লোহাদিভিঃ প্রত্যেকং সম্বধ্যতে| প্রসেকো লালাস্রাবঃ| তমকঃ শ্বাসবিশেষঃ, অন্যে তু তমকং মোহমাচক্ষতে| পীডিতশব্দঃ প্রসেকাদিভিঃ প্রত্যেকং সম্বধ্যতে| অত্র পাঠে ‘নির্মাসো বা কৃশঃ’ ইত্যন্যে পঠন্তি, তত্র নির্মাংসঃঅত্যন্তক্ষীণমাংসঃ, কৃশঃ অল্পমাংসঃ| অত্রারোচকশব্দোপাদানাদেবারুচিঃ প্রাপ্তা, পুনররুচ্যভিধানমস্মিন্ রোগেঽরুচেরবশ্যম্ভাবসূচনার্থম্||১৭৪-১৭৫||
Adhikarana 125 (176) · Śloka 176
বাতাচ্ছূলাধিকৈঃ পাযুহৃত্পার্শ্বোদরমস্তকৈঃ | পিত্তাত্ সদাহৈর্গুরুভিঃ কফাত্ত্রিভ্যস্ত্রিলক্ষণৈঃ ||১৭৬||
वाताच्छूलाधिकैः पायुहृत्पार्श्वोदरमस्तकैः | पित्तात् सदाहैर्गुरुभिः कफात्त्रिभ्यस्त्रिलक्षणैः ||१७६||
🔊 Audio coming soon
অত ঊর্ধ্বং বাতাদিভেদেন গ্রহণীলক্ষণান্যাহ- বাতাদিত্যাদি| পাযুঃ গুদঃ, হৃত্ হৃদযং, পার্শ্বে দ্বে; পায্বাদিমস্তকান্তৈঃ শূলাধিকৈর্বাতাদ্গ্রহণীরোগো জ্ঞাতব্য ইতি; এবং সর্বত্র সম্বন্ধনীযম্| এভিরেব পায্বাদিভিঃ সদাহৈঃ পিত্তাদ্গ্রহণী, গুরুভিঃ পায্বাদিভিঃ কফাত্, ত্রিলক্ষণৈরিতি শূলাধিকৈঃ সদাহৈর্গুরুভিঃ পায্বাদিভিঃ; ত্রিভ্যো দোষেভ্যঃ, ‘গ্রহণী’ ইতি শেষঃ||১৭৬||
Adhikarana 126 (177) · Śloka 177
দোষবর্ণৈর্নখৈস্তদ্বদ্বিণ্মূত্রনযনাননৈঃ | হৃত্পাণ্ডূদরগুল্মার্শঃপ্লীহাশঙ্খী চ মানবঃ ||১৭৭||
दोषवर्णैर्नखैस्तद्वद्विण्मूत्रनयनाननैः | हृत्पाण्डूदरगुल्मार्शःप्लीहाशङ्खी च मानवः ||१७७||
🔊 Audio coming soon
কিমেতৈরেব লক্ষণৈর্গ্রহণীরোগো জ্ঞেযোঽথবাঽন্যৈরপীত্যাহ- দোষবর্ণৈরিত্যাদি| দোষবর্ণৈরিতি কৃষ্ণারুণনীলপীতরক্তাসিতপাণ্ডুভির্নখৈঃ, তদ্বদিতি কৃষ্ণাদিবর্ণৈর্বিডাদিভিশ্চ ‘গ্রহণীরোগো জ্ঞেয’ ইতি শেষঃ| হৃত্পাণ্ডূদরাদিরোগাশঙ্কী চ মানবো ভবতি, ‘প্রবর্ধমানে গ্রহণীরোগে’ ইতি বাক্যশেষঃ||১৭৭||
Adhikarana 127 (178-180) · Śloka 181
যথাদোষোচ্ছ্রযং তস্য বিশুদ্ধস্য যথাক্রমম্ | পেযাদিং বিতরেত্ সম্যগ্দীপনীযোপসম্ভৃতম্ ||১৭৮|| ততঃ পাচনসঙ্গ্রাহিদীপনীযগণত্রযম্ | পিবেত্ প্রাতঃ সুরারিষ্টস্নেহমূত্রসুখাম্বুভিঃ ||১৭৯|| তক্রেণ বাঽথ তক্রং বা কেবলং হিতমুচ্যতে | কৃমিগুল্মোদরার্শোঘ্নীঃ ক্রিযাশ্চাত্রাবচারযেত্ ||১৮০|| চূর্ণং হিঙ্গ্বাদিকং চাত্র ঘৃতং বা প্লীহনাশনম্ |১৮১|
यथादोषोच्छ्रयं तस्य विशुद्धस्य यथाक्रमम् | पेयादिं वितरेत् सम्यग्दीपनीयोपसम्भृतम् ||१७८|| ततः पाचनसङ्ग्राहिदीपनीयगणत्रयम् | पिबेत् प्रातः सुरारिष्टस्नेहमूत्रसुखाम्बुभिः ||१७९|| तक्रेण वाऽथ तक्रं वा केवलं हितमुच्यते | कृमिगुल्मोदरार्शोघ्नीः क्रियाश्चात्रावचारयेत् ||१८०|| चूर्णं हिङ्ग्वादिकं चात्र घृतं वा प्लीहनाशनम् |१८१|
🔊 Audio coming soon
অত ঊর্ধ্বং গ্রহণীরোগচিকিত্সিতমাহ- যথেত্যাদি| দোষোচ্ছ্রযো দোষোদ্রেকঃ| তস্যেতি গ্রহণীরোগিণঃ| তত্র যথাদোষোচ্ছ্রযং বিশুদ্ধস্যেতি বাতোদ্রেকে নিরূহেণ, পিত্তোদ্রেকে বিরেকেণ, কফোদ্রেকে বমনেন| যথাক্রমমিতি যথাস্বং শুদ্ধিপ্রকরণোক্তক্রমেণেত্যর্থঃ| পেযাদিমিত্যাদিশব্দাত্ বিলেপীযূষমৃদ্বোদনাদিকম্| বিতরেত্ দদ্যাত্| সম্যক্ যথোক্তম্| দীপনীযোপসম্ভৃতমিতি পঞ্চকোলাদ্যগ্নিদীপনদ্রব্যযুক্তম্| ‘যথাদোষোচ্ছ্রযং’ ইত্যত্রান্যে ‘যথাদোষবলং’ ইতি পঠন্তি, তত্র দোষবলানতিক্রমেণ বিশুদ্ধস্যেত্যর্থঃ| তত ইত্যাদি| তত ইতি পেযাদিক্রমানন্তরম্| পাচনসঙ্গ্রাহিদীপনীযগণত্রযমিতি গণশব্দঃ প্রত্যেকং সম্বধ্যতে; তেন পাচনদ্রব্যগণো হরিদ্রাদিঃ, সঙ্গ্রাহীগণঃ অম্বষ্ঠাদিঃ, দীপনীযগণঃ পিপ্পল্যাদিঃ; এতদ্গণত্রযং দোষকালসাত্ম্যাদ্যপেক্ষযা সুরারিষ্টাদিভিস্তক্রান্তৈঃ প্রাতঃ পিবেদিত্যর্থঃ| তক্রং বেত্যাদি সঙ্গ্রাহিদীপনীযলঘুত্বাত্ “একা শান্তিরনেকস্য” ইতি বচনাত্| ক্রিম্যাদিঘ্নী ক্রিযাঽত্রাপি করণীযেত্যাহ- ক্রিমীত্যাদি| অত্রেতি গ্রহণীরোগে| অবচারযেত্ প্রযোজযেত্| ননু, গ্রহণীরোগো বাতাদিভেদেন চতুর্বিধঃ প্রোক্তঃ, তত্কথং চিকিত্সিতং তথা নোক্তং? উচ্যতে- যথাদোষোচ্ছ্রযমিত্যত্রাপ্যনুবর্তনীযম্; তেন ক্রিম্যাদিঘ্নী ক্রিযা যথাদোষোচ্ছ্রযমবচারযেদিতি ন দোষঃ| হিঙ্গ্বাদিচূর্ণাদিকং গ্রহণ্যামপ্যতিদিশন্নাহ- চূর্ণমিত্যাদি| হিঙ্গ্বাদিচূর্ণং মহাবাতব্যাধ্যুক্তং, ঘৃতং বা প্লীহনাশনমিতি ষট্পলাদিকং, অবচারযেদিত্যত্রাপি সম্বধ্যতে||১৭৮-১৮০||-
Adhikarana 128 (181) · Śloka 182
কল্কেন মগধাদেশ্চ চাঙ্গেরীস্বরসেন চ ||১৮১|| চতুর্গুণেন দধ্না চ ঘৃতং সিদ্ধং হিতং ভবেত্ |১৮২|
कल्केन मगधादेश्च चाङ्गेरीस्वरसेन च ||१८१|| चतुर्गुणेन दध्ना च घृतं सिद्धं हितं भवेत् |१८२|
🔊 Audio coming soon
চাঙ্গেরীঘৃতমাহ- কল্কেনেত্যাদি| মগধাদেঃ পিপ্পল্যাদেঃ| চাঙ্গেরী অম্লপত্রিকা, তস্যাঃ স্বরসেন স্নেহচতুর্গুণেন, পিপ্পল্যাদিকল্কেন স্নেহচতুর্থাংশেন, দধ্না চ চতুর্গুণেন, সিদ্ধং ঘৃতং হিতং ভবেদিত্যর্থঃ||১৮১||
Adhikarana 129 (182) · Śloka 182
সর্বথা দীপনং সর্বং গ্রহণীরোগিণাং হিতম্ ||১৮২||
सर्वथा दीपनं सर्वं ग्रहणीरोगिणां हितम् ||१८२||
🔊 Audio coming soon
ইদানীং গ্রহণীরোগেঽশেষসঙ্গ্রহার্থমাহ- সর্বথেত্যাদি| সর্বথা সর্বপ্রকারেণ| দীপনম্ অগ্নিদীপনম্; যত্ অগ্নিদীপনং তত্সর্বং গ্রহণীরোগিণাং সর্বথা হিতমিতি সম্বন্ধঃ||১৮২||
Adhikarana 130 (183) · Śloka 183
জ্বরাদীনবিরোধাচ্চ সাধযেত্ স্বৈশ্চিকিত্সিতৈঃ ||১৮৩||
ज्वरादीनविरोधाच्च साधयेत् स्वैश्चिकित्सितैः ||१८३||
🔊 Audio coming soon
অতোঽনন্তরং গ্রহণীরোগোপদ্রবাণাং জ্বরারোচকাদীনাং প্রতিকারমাহ- জ্বরাদীনিত্যাদি| জ্বরাদীনিত্যাদিশব্দাদরোচকশূলকরপাদশোফাদীনাং গ্রহণম্| অবিরোধাচ্চেতি ‘মূলব্যাধেঃ’ ইতি শেষঃ| যদ্যপি নিবন্ধকারৈরযমধ্যাযো ব্যস্তপাঠেন পঠিতস্তথাঽপি মযা মদ্গুরুণা যেন ক্রমেণোপদিষ্টস্তথাঽযং পঠিতো ব্যাখ্যাতশ্চ||১৮৩||
Adhikarana puShpikA · Śloka 40
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রেঽতিসারপ্রতিষেধো নাম (দ্বিতীযোঽধ্যাযঃ, আদিতঃ) চত্বারিংশোঽধ্যাযঃ ||৪০||
इति सुश्रुतसंहितायामुत्तरतन्त्रान्तर्गते कायचिकित्सातन्त्रेऽतिसारप्रतिषेधो नाम (द्वितीयोऽध्यायः, आदितः) चत्वारिंशोऽध्यायः ||४०||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতকাযচিকিত্সাযামতিসারপ্রতিষেধাধ্যাযশ্চত্বারিংশত্তমঃ||৪০||