Adhikarana 1 (1-2) · Śloka 2
অথাতো হৃদ্রোগপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो हृद्रोगप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
গুল্মপ্রতিষেধানন্তরং স্থানসামীপ্যান্নামসঙ্কীর্তনাদ্বা হৃদ্রোগপ্রতিষেধো যুক্ত ইত্যত আহ- অথাত ইত্যাদি||১-২||
Adhikarana 2 (3-4) · Śloka 4
বেগাঘাতোষ্ণরূক্ষান্নৈরতিমাত্রোপসেবিতৈঃ | বিরুদ্ধাধ্যশনাজীর্ণৈরসাত্ম্যৈশ্চাপি(তি) ভোজনৈঃ ||৩|| দূষযিত্বা রসং দোষা বিগুণা হৃদযং গতাঃ | কুর্বন্তি হৃদযে বাধাং হৃদ্রোগং তং প্রচক্ষতে ||৪||
वेगाघातोष्णरूक्षान्नैरतिमात्रोपसेवितैः | विरुद्धाध्यशनाजीर्णैरसात्म्यैश्चापि(ति) भोजनैः ||३|| दूषयित्वा रसं दोषा विगुणा हृदयं गताः | कुर्वन्ति हृदये बाधां हृद्रोगं तं प्रचक्षते ||४||
🔊 Audio coming soon
ইদানীং প্রতিজ্ঞানন্তরং পূর্ববদ্ধৃদ্রোগস্য হেতুসম্প্রাপ্তী আহ- বেগেত্যাদি| এতৈর্বেগাঘাতাদিহেতুভির্বিগুণাঃ কুপিতা দোষা হৃদযং গত্বা রসং দূষযিত্বা হৃদযে বাধাং কুর্বন্তি, তং হৃদ্রোগং প্রচক্ষতে আচার্যা ইতি সম্বন্ধঃ| বেগাঘাত ইত্যত্র আঘাতশব্দো দ্বিরাবর্তযিতব্যঃ, তেন বেগাঘাত আঘাতশ্চ; তত্র বেগাঘাতো বেগাবরোধঃ, আঘাতো লগুডাদিপ্রহারঃ| বিরুদ্ধং হিতাহিতীযোক্তম্, অধ্যশনং সাজীর্ণভোজনম্, অজীর্ণম্ আমবিদগ্ধাদিকম্| বাধাগ্রহণং বাধাবৈচিত্র্যজ্ঞাপনার্থম্| বেগাঘাতাদিরসাত্ম্যভোজনান্তো হেতুঃ, দূষযিত্বেত্যাদিকা সম্প্রাপ্তিঃ| হৃদ্রোগে পূর্বরূপানভিধানমব্যক্তলক্ষণানামেব পূর্বরূপত্বেনাভিমতত্বাত্; অন্যে জাতিমাত্রপরিচ্ছেদাত্ পূর্বরূপাবগমঃ||৩-৪||
Adhikarana 3 (5) · Śloka 5
চতুর্বিধঃ স দোষৈঃ স্যাত্ কৃমিভিশ্চ পৃথক্ পৃথক্ | লক্ষণং তস্য বক্ষ্যামি চিকিত্সিতমনন্তরম্ ||৫||
चतुर्विधः स दोषैः स्यात् कृमिभिश्च पृथक् पृथक् | लक्षणं तस्य वक्ष्यामि चिकित्सितमनन्तरम् ||५||
🔊 Audio coming soon
তস্য সঙ্খ্যামাহ- চতুর্বিধ ইত্যাদি| স হৃদ্রোগঃ| দোষৈঃ একৈকৈঃ সন্নিপতিতৈশ্চ, কৃমিভিরিতি কৃমিভিঃ সহেত্যর্থঃ| ননু, তন্ত্রান্তরে পঞ্চ হৃদ্রোগাঃ পঠিতাঃ, তত্ কথমত্র চত্বারঃ? সত্যং, ত্রিদোষহৃদ্রোগোত্তরাবস্থৈব কৃমিহৃদ্রোগঃ, তেন ন পঞ্চ হৃদ্রোগাঃ| পৃথক্ পৃথগিত্যাদি| অনন্তরং লক্ষণানন্তরমিত্যর্থঃ||৫||
Adhikarana 4 (6) · Śloka 6
আযম্যতে মারুতজে হৃদযং তুদ্যতে তথা | নির্মথ্যতে দীর্যতে চ স্ফোট্যতে পাট্যতেঽপি চ ||৬||
आयम्यते मारुतजे हृदयं तुद्यते तथा | निर्मथ्यते दीर्यते च स्फोट्यते पाट्यतेऽपि च ||६||
🔊 Audio coming soon
বাতিকহৃদ্রোগলক্ষণমাহ- আযম্যত ইত্যাদি| আযম্যতে দীর্ঘীক্রিযত ইব, মারুতজে হৃদ্রোগে, তুদ্যতে প্রতোদেন ব্যথ্যত ইব, নির্মথ্যতে বিলোড্যত ইব, দীর্যতে আরযেব, পাট্যতে দ্বিধা ক্রিযত ইব||৬||
Adhikarana 5 (7) · Śloka 7
তৃষ্ণোষাদাহচোষাঃ স্যুঃ পৈত্তিকে হৃদযক্লমঃ | ধূমাযনং মূর্চ্ছা চ স্বেদঃ শোষো মুখস্য চ ||৭||
तृष्णोषादाहचोषाः स्युः पैत्तिके हृदयक्लमः | धूमायनं मूर्च्छा च स्वेदः शोषो मुखस्य च ||७||
🔊 Audio coming soon
পৈত্তিকহৃদ্রোগলক্ষণমাহ- তৃষ্ণেত্যাদি| ঊষা প্রাদেশিকো দাহঃ| চোষঃ চূষ্যত ইব বেদনাবিশেষঃ| পৈত্তিকে পিত্তজে হৃদ্রোগে| ধূমাযনং ধূমোদ্বমনমিব||৭||
Adhikarana 6 (8) · Śloka 8
গৌরবং কফসংস্রাবোঽরুচিঃ স্তম্ভোঽগ্নিমার্দবম্ | মাধুর্যমপি চাঽঽস্যস্য বলাসাবততে হৃদি ||৮||
गौरवं कफसंस्रावोऽरुचिः स्तम्भोऽग्निमार्दवम् | माधुर्यमपि चाऽऽस्यस्य बलासावतते हृदि ||८||
🔊 Audio coming soon
শ্লৈষ্মিকহৃদ্রোগলক্ষণমাহ- গৌরবমিত্যাদি| স্তম্ভো জডিমা| বলাসাবততে শ্লেষ্মচ্ছন্নে||৮||
Adhikarana 7 (9) · Śloka 9
উত্ক্লেশঃ ষ্ঠীবনং তোদঃ শূলো হৃল্লাসকস্তমঃ | অরুচিঃ শ্যাবনেত্রত্বং শোষশ্চ কৃমিজে ভবেত্ ||৯||
उत्क्लेशः ष्ठीवनं तोदः शूलो हृल्लासकस्तमः | अरुचिः श्यावनेत्रत्वं शोषश्च कृमिजे भवेत् ||९||
🔊 Audio coming soon
ত্রিদোষজহৃদ্রোগলক্ষণমাহ- উত্ক্লেশ ইত্যাদি| ষ্ঠীবনং থূত্করণম্| হৃল্লাসো লালাস্রুতিঃ| তমঃ অন্ধকারদর্শনং শ্বাসো বা| তম ইত্যত্র ‘সান্নিপাতিকে ভবেত্’ ইতি বাক্যশেষঃ| তত্র তোদশূলৌ বাতেন, উত্ক্লেশহৃল্লাসষ্ঠীবনানি শ্লেষ্মণা, তমঃ পিত্তেনেতি| কেচিত্ ‘অরুচিঃ শ্যাবনেত্রত্বং শোষশ্চ কৃমিজে ভবেত্’ ইত্যন্তং সান্নিপাতিকহৃদ্রোগলক্ষণং মন্যন্তে| ত্রিদোষজহৃদ্রোগস্যৈবাপচারাত্ ক্রিমীন্ প্রাপ্তস্য লক্ষণমাহ- অরুচিরিত্যাদি| কৃমিজে ইতি ত্রিদোষজহৃদ্রোগ এবাপচারেণোত্তরাবস্থাযাং কৃমিনিপাতাত্ কৃমিজ ইত্যুচ্যতে| তথা চ তন্ত্রান্তরম্- “ত্রিদোষজে তু হৃদ্রোগে যো দুরাত্মা নিষেবতে| তিলক্ষীরগুডাদীনি গ্রন্থিস্তস্যোপজাযতে|| মর্মৈকদেশে সঙ্ক্লেদং রসশ্চাপ্যুপগচ্ছতি| সঙ্ক্লেদাত্ কৃমযশ্চাস্য ভবন্ত্যুপহতাত্মনঃ”- ইতি, অতো ন সঙ্খ্যাতিরেকঃ| কেচিত্ সান্নিপাতিকো হৃদ্রোগো ব্যাধিস্বভাবান্ন ভবত্যেবেত্যাহুঃ; তন্ন, সমানতন্ত্রে ত্রিদোষজদর্শনাত্||৯||
Adhikarana 8 (10) · Śloka 10
ভ্রমক্লমৌ সাদশোষৌ জ্ঞেযাস্তেষামুপদ্রবাঃ |১০|
भ्रमक्लमौ सादशोषौ ज्ञेयास्तेषामुपद्रवाः |१०|
🔊 Audio coming soon
বাতাদিজানাং কৃমিহীনানাং হৃদ্রোগিণামুপদ্রবানাহ- ভ্রমেত্যাদি| ভ্রমঃ চক্রারূঢস্যেব ভ্রমণং, ক্লমঃ অনাযাসঃ শ্রমঃ| সাদঃ অঙ্গসাদঃ| শোষো মুখস্য ধাতূনাং চ| যদ্যপি ভ্রমাদযো বাতপিত্তাত্মকাস্তথাঽপি ব্যাধিস্বভাবাচ্ছ্লৈষ্মিকেঽপি ভবন্তি|১০|-
Adhikarana 9 (10) · Śloka 10
কৃমিজে কৃমিজাতীনাং শ্লৈষ্মিকাণাং চ যে মতাঃ ||১০||
कृमिजे कृमिजातीनां श्लैष्मिकाणां च ये मताः ||१०||
🔊 Audio coming soon
কৃমিজস্যোপদ্রবানাহ- কৃমিজে কৃমিজাতীনামিত্যাদি| শ্লৈষ্মিকাণামিতি কৃমিজাতীনামিত্যস্য বিশেষণম্| তেন শ্লৈষ্মিকাণাং কৃমিজাতীনাং য এব উপদ্রবাস্ত এব কৃমিজে হৃদ্রোগে মতা ইত্যর্থঃ||১০||
Adhikarana 10 (11-13) · Śloka 13
বাতোপসৃষ্টে হৃদযে বামযেত্ স্নিগ্ধমাতুরম্ | দ্বিপঞ্চমূলক্বাথেন সস্নেহলবণেন তু ||১১|| পিপ্পল্যেলাবচাহিঙ্গুযবভস্মানি সৈন্ধবম্ | সৌবর্চলমথো শুণ্ঠীমজমোদাং চ চূর্ণিতম্ ||১২|| ফলধান্যাম্লকৌলত্থদধিমদ্যাসবাদিভিঃ | পাযযেত বিশুদ্ধং চ স্নেহেনান্যতমেন বা ||১৩||
वातोपसृष्टे हृदये वामयेत् स्निग्धमातुरम् | द्विपञ्चमूलक्वाथेन सस्नेहलवणेन तु ||११|| पिप्पल्येलावचाहिङ्गुयवभस्मानि सैन्धवम् | सौवर्चलमथो शुण्ठीमजमोदां च चूर्णितम् ||१२|| फलधान्याम्लकौलत्थदधिमद्यासवादिभिः | पाययेत विशुद्धं च स्नेहेनान्यतमेन वा ||१३||
🔊 Audio coming soon
ইদানীং বাতহৃদ্রোগচিকিত্সামাহ- বাতোপসৃষ্টে ইত্যাদি| বাতোপসৃষ্টে হৃদযে বাতহৃদ্রোগে ইত্যর্থঃ| যদ্যপি বাতে বমনং ন শস্তং, তথাঽপি বাতস্য কফস্থানগণত্বাদত্র বমনং শস্তমেব, তথা পিত্তজেঽপি| বমনানন্তরং যত্ কার্যং তদাহ- পিপ্পলীত্যাদি| যবভস্ম যবক্ষারঃ| ফলানি মাতুলুঙ্গাদিফলানি, তেষাং রসোঽভিপ্রেতঃ| মদ্যাসবৌ মদ্যবর্গোক্তৌ| স্নেহেনান্যতমেন বা চতুঃস্নেহমধ্যে একেন স্নেহেনেত্যর্থঃ||১১-১৩||
Adhikarana 11 (14) · Śloka 14
ভোজযেজ্জীর্ণশাল্যন্নং জাঙ্গলৈঃ সঘৃতৈ রসৈঃ | বাতঘ্নসিদ্ধং তৈলং চ দদ্যাদ্বস্তিং প্রমাণতঃ ||১৪||
भोजयेज्जीर्णशाल्यन्नं जाङ्गलैः सघृतै रसैः | वातघ्नसिद्धं तैलं च दद्याद्बस्तिं प्रमाणतः ||१४||
🔊 Audio coming soon
বাতহৃদ্রোগে পথ্যমাহ- ভোজযেদিত্যাদি| কিং বাতহৃদ্রোগে এতদেব কার্যমুতান্যদপীত্যাহ- বাতঘ্নসিদ্ধমিত্যাদি| বাতঘ্নসিদ্ধং ভদ্রদার্বাদিপক্বম্| প্রমাণতঃ যথাপ্রমাণম্||১৪||
Adhikarana 12 (15) · Śloka 16
শ্রীপর্ণীমধুকক্ষৌদ্রসিতোত্পলজলৈর্বমেত্ | পিত্তোপসৃষ্টে হৃদযে সেবেত মধুরৈঃ শৃতম্ ||১৫|| ঘৃতং কষাযাংশ্চোদ্দিষ্টান্ পিত্তজ্বরবিনাশনান্ |১৬|
श्रीपर्णीमधुकक्षौद्रसितोत्पलजलैर्वमेत् | पित्तोपसृष्टे हृदये सेवेत मधुरैः शृतम् ||१५|| घृतं कषायांश्चोद्दिष्टान् पित्तज्वरविनाशनान् |१६|
🔊 Audio coming soon
পিত্তহৃদ্রোগে বমনমাহ- শ্রীপর্ণীত্যাদি| শ্রীপর্ণী কাশ্মরী, মধুকং যষ্টীমধু, সিতা শর্করা, উত্পলং কুষ্ঠম্| অত্র জলশব্দো ন ক্বাথত্বেন সর্বত্র সম্বন্ধনীযঃ, ক্ষৌদ্রাদীনাং ক্বাথেঽনুপযোগাত্| সেবেত মধুরৈরিত্যাদি| মধুরৈঃ শৃতং কাকোল্যাদিভিঃ পক্বম্| পিত্তজ্বরবিনাশনান্ কষাযান্ ‘চন্দনোশীরশ্রীপর্ণী’- ইত্যাদিনোক্তান্||১৫||-
Adhikarana 13 (16) · Śloka 17
তৃপ্তস্য চ রসৈর্মুখ্যৈর্মধুরৈঃ সঘৃতৈর্ভিষক্ ||১৬|| সক্ষৌদ্রং বিতরেদ্বস্তৌ তৈলং মধুকসাধিতম্ |১৭|
तृप्तस्य च रसैर्मुख्यैर्मधुरैः सघृतैर्भिषक् ||१६|| सक्षौद्रं वितरेद्बस्तौ तैलं मधुकसाधितम् |१७|
🔊 Audio coming soon
পিত্তহৃদ্রোগে স্নেহবস্তিমাহ- তৃপ্তস্যেত্যাদি| রসৈর্মুখ্যৈঃ এণাদিমাংসরসৈঃ| মধুরৈঃ অম্লাদিসংস্কৃতৈঃ| মধুকসাধিতমেকেনৈব যষ্টীমধুকেন পক্বং; অন্যে জীবনীযসাধিতমাহুঃ||১৬||-
Adhikarana 14 (17-19) · Śloka 19
বচানিম্বকষাযাভ্যাং বান্তং হৃদি কফাত্মকে ||১৭|| চূর্ণং তু পাযযেতোক্তং বাতজে ভোজযেচ্চ তম্ | ফলাদিমথ মুস্তাদিং ত্রিফলাং বা পিবেন্নরঃ ||১৮|| শ্যামাত্রিবৃত্কল্কযুতং ঘৃতং বাঽপি বিরেচনম্ | বলাতৈলৈর্বিদধ্যাচ্চ বস্তিং বস্তিবিশারদঃ ||১৯||
वचानिम्बकषायाभ्यां वान्तं हृदि कफात्मके ||१७|| चूर्णं तु पाययेतोक्तं वातजे भोजयेच्च तम् | फलादिमथ मुस्तादिं त्रिफलां वा पिबेन्नरः ||१८|| श्यामात्रिवृत्कल्कयुतं घृतं वाऽपि विरेचनम् | बलातैलैर्विदध्याच्च बस्तिं बस्तिविशारदः ||१९||
🔊 Audio coming soon
শ্লৈষ্মিকহৃদ্রোগে চিকিত্সামাহ- বচেত্যাদি| শ্লেষ্মহৃদ্রোগে বচানিম্বকষাযাভ্যাং বান্তং বাতজে হৃদ্রোগে উক্তং ‘চূর্ণং পিপ্পল্যেলা’- ইত্যাদিকং পাযযেদিতি পিণ্ডার্থঃ| ন কেবলং তচ্চূর্ণং পাযযেত্ ভোজযেচ্চ তমিতি তং বাতজে হৃদ্রোগে উক্তং চূর্ণং ভোজযেচ্চ ভক্তেন সহ খাদেদিত্যর্থঃ| ফলাদিমথ মুস্তাদিমিত্যাদি|- ফলাদিঃ মদনফলাদিঃ সংশোধনসংশমনীযোক্তঃ| মুস্তাদিঃ দ্রব্যসঙ্গ্রহণীযোক্তঃ| শ্যামাত্রিবৃত্কল্কযুতমিত্যাদি|- শ্যামা বৃদ্ধদারকঃ| অত্র পিবেদিতি সম্বধ্যতে| বলাতৈলৈরিত্যাদি| বাতাদিচিকিত্সিতং সর্বমেবানুক্তমপি ত্রিদোষজে কার্যম্||১৭-১৯||
Adhikarana 15 (20-22) · Śloka 22
কৃমিহৃদ্রোগিণং স্নিগ্ধং ভোজযেত্ পিশিতৌদনম্ | দধ্না চ পললোপেতং ত্র্যহং, পশ্চাদ্বিরেচযেত্ ||২০|| সুগন্ধিভিঃ সলবণৈর্যোগৈঃ সাজাজিশর্করৈঃ | বিডঙ্গগাঢং ধান্যাম্লং পাযযেতাপ্যনন্তরম্ ||২১|| হৃদযস্থাঃ পতন্ত্যেবমধস্তাত্ ক্রিমযো নৃণাম্ | যবান্নং বিতরেচ্চাস্য সবিডঙ্গমতঃ পরম্ ||২২||
कृमिहृद्रोगिणं स्निग्धं भोजयेत् पिशितौदनम् | दध्ना च पललोपेतं त्र्यहं, पश्चाद्विरेचयेत् ||२०|| सुगन्धिभिः सलवणैर्योगैः साजाजिशर्करैः | विडङ्गगाढं धान्याम्लं पाययेताप्यनन्तरम् ||२१|| हृदयस्थाः पतन्त्येवमधस्तात् क्रिमयो नृणाम् | यवान्नं वितरेच्चास्य सविडङ्गमतः परम् ||२२||
🔊 Audio coming soon
কৃমিহৃদ্রোগচিকিত্সামাহ- কৃমিহৃদ্রোগিণমিত্যাদি| পিশিতৌদনং সপললং দধ্না সহ ক্রিমিহৃদ্রোগিণং ত্র্যহং ভোজযেত্ কৃমীণামুত্ক্লেশনার্থং; পিশিতং মাংসং, পললোপেতং ভৃষ্টতিলচূর্ণযুক্তম্| ক্রিম্যুত্ক্লেশানন্তরং কিং কুর্যাদিত্যাহ- পশ্চাদিত্যাদি| সুগন্ধিভির্যোগৈঃ বিরেচনকল্পোক্তৈঃ ‘শর্করাক্ষৌদ্রসংযুক্তং’ ইত্যাদিভিঃ| সলবণৈর্যোগৈরিতি ‘সমাস্ত্রিবৃন্নাগরকাভযাঃ স্যুঃ’ ইত্যাদিভিঃ| সাজাজিশর্করৈরিতি সুগন্ধিযোগসলবণযোগবিশেষণং, সাজাজিকানাং বৈরেচনিকানামনির্দেশাত্; তেন, অজাজিশর্করাসহিতৈঃ সুগন্ধিভির্যোগৈরথবা সলবণৈরপ্যজাদিযুক্তৈর্বিরেচযেত্| পীতবিরেকস্যানুপানমাহ- বিডঙ্গগাঢমিত্যাদি| বিডঙ্গগাঢং বিডঙ্গোত্কটম্| ধান্যাম্লং কাঞ্জিকম্| এবং পূর্বোক্তেন বিধানেন| কেচিত্ ‘সলবণৈঃ’ ইত্যত্র ‘সপললৈঃ’ ইতি পঠিত্বা সভৃষ্টতিলকল্কৈঃ সুগন্ধিভির্যোগৈর্বিরেচযেদিতি ব্যাখ্যানযন্তি| কৃমিহৃদ্রোগে বমনং ন যোজ্যং, কৃমিজর্জরহৃদযত্বাত্; অত এব সুগন্ধিযোগৈর্বিরেচনমুক্তং, বমনশঙ্কাভযাত্| ধান্যাম্লপানাদনন্তরং কিং কুর্যাদিত্যাহ- যবান্নং বিতরেদিত্যাদি| বিতরেত্ দদ্যাত্| অত ইতি বিরেকাত্||২০-২২||
Adhikarana puShpikA · Śloka 43
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে হৃদ্রোগপ্রতিষেধো নাম (পঞ্চমোঽধ্যাযঃ, আদিতঃ) ত্রিচত্বারিংশোঽধ্যাযঃ ||৪৩||
इति सुश्रुतसंहितायामुत्तरतन्त्रान्तर्गते कायचिकित्सातन्त्रे हृद्रोगप्रतिषेधो नाम (पञ्चमोऽध्यायः, आदितः) त्रिचत्वारिंशोऽध्यायः ||४३||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কাযচিকিত্সাতন্ত্রে হৃদ্রোগপ্রতিষেধো নাম ত্রিচত্বারিংশত্তমোঽধ্যাযঃ||৪৩||