Adhikarana 1 (1-2) · Śloka 2
অথাতঃ পূতনাপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः पूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
রেবতীপ্রতিষেধানন্তরং স্ত্রীগ্রহসামান্যাত্ পূতনাপ্রতিষেধারম্ভো যুজ্যত ইত্যাহ- অথাত ইত্যাদি||১-২||
Adhikarana 2 (3-4) · Śloka 4
কপোতবঙ্কাঽরলুকো বরুণঃ পারিভদ্রকঃ | আস্ফোতা চৈব যোজ্যাঃ স্যুর্বালানাং পরিষেচনে ||৩|| বচা বযঃস্থা গোলোমী হরিতালং মনঃশিলা | কুষ্ঠং সর্জরসশ্চৈব তৈলর্থে বর্গ ইষ্যতে ||৪||
कपोतवङ्काऽरलुको वरुणः पारिभद्रकः | आस्फोता चैव योज्याः स्युर्बालानां परिषेचने ||३|| वचा वयःस्था गोलोमी हरितालं मनःशिला | कुष्ठं सर्जरसश्चैव तैलर्थे वर्ग इष्यते ||४||
🔊 Audio coming soon
কপোতবঙ্কেত্যাদি| কপোতবঙ্কা কবডবঙ্কেতি লোকে প্রসিদ্ধা ব্রহ্মসুবর্চলাপরপর্যাযা| আস্ফোতা সারিবা| বযস্থা ব্রাহ্মী, অন্যে গুডূচীমাহুঃ| গোলোমী দূর্বা| বর্গ ইষ্যতে ইতি বর্গগ্রহণং যথালাভং প্রক্ষেপার্থম্| বচাদীনাং কল্ককষাযাভ্যাং তৈলসাধ্যম্||৩-৪||
Adhikarana 3 (5-7) · Śloka 7
হিতং ঘৃতং তুগাক্ষীর্যাং সিদ্ধং মধুরকেষু চ | কুষ্ঠতালীশখদিরচন্দনস্যন্দনে তথা ||৫|| দেবদারুবচাহিঙ্গুকুষ্ঠং গিরিকদম্বকঃ | এলা হরেণবশ্চাপি যোজ্যা উদ্ধূপনে সদা ||৬|| গন্ধনাকুলিকুম্ভীকে মজ্জানো বদরস্য চ | কর্কটাস্থি ঘৃতং চাপি ধূপনং সর্ষপৈঃ সহ ||৭||
हितं घृतं तुगाक्षीर्यां सिद्धं मधुरकेषु च | कुष्ठतालीशखदिरचन्दनस्यन्दने तथा ||५|| देवदारुवचाहिङ्गुकुष्ठं गिरिकदम्बकः | एला हरेणवश्चापि योज्या उद्धूपने सदा ||६|| गन्धनाकुलिकुम्भीके मज्जानो बदरस्य च | कर्कटास्थि घृतं चापि धूपनं सर्षपैः सह ||७||
🔊 Audio coming soon
হিতমিত্যাদি| তুগাক্ষীরী বংশলোচনা, মধুরকেষু কাকোল্যাদিষু; কাকোল্যাদিপাঠাত্তুগাক্ষীরী প্রাপ্তা, পৃথক্পাঠো ভাগদ্বযার্থং কুষ্ঠতালীশাদীনাং যথালাভনিষেধার্থো বা, যে তুগাক্ষীরীং বংশরোচনানুকারিপার্থিবদ্রব্যং মন্যন্তে তন্মতে দ্বিরুক্তির্নাস্তি| কল্ককষাযাভ্যাং সিদ্ধং ঘৃতং হিতমিতি সম্বন্ধঃ| গিরিকদম্বকো মহাকদম্বঃ| গন্ধনাকুলী সুগন্ধা রাস্না| কুম্ভিকা জলজা| জেজ্জটাচার্যস্তু ন পঠত্যেতদ্দেবদার্বাদিযোগদ্বযমপি, গযী তু পঠতি||৫-৭||
Adhikarana 4 (8) · Śloka 8
কাকাদনীং চিত্রফলাং বিম্বীং গুঞ্জাং চ ধারযেত্ | মত্স্যৌদনং চ কুর্বীত কৃশরাং পললং তথা | শরাবসম্পুটে কৃত্বা বলিং শূন্যগৃহে হরেত্ ||৮||
काकादनीं चित्रफलां बिम्बीं गुञ्जां च धारयेत् | मत्स्यौदनं च कुर्वीत कृशरां पललं तथा | शरावसम्पुटे कृत्वा बलिं शून्यगृहे हरेत् ||८||
🔊 Audio coming soon
কাকাদনীমিত্যাদি| কাকাদনী কাকতিন্দুকঃ, ‘কালা’ ইত্যন্যে; চিত্রফলা ইন্দ্রবারুণী, চিত্রাণ্ডিকেত্যন্যে| মত্স্যৌদনং মত্স্যভক্তং; পললং তিলপিষ্টম্| ‘শূন্যগৃহে হরেত্’ ইত্যত্র ‘শূন্যগৃহেতরে’ ইত্যন্যে, তত্রেতরে খণ্ডগৃহে| কেচিদত্রেদৃশং পঠন্তি ‘হরেদ্বলিং চোত্কুরটে’ ইত্যাদি; তত্রোত্কুরটঃ শূন্যাগারঃ, শূন্যারাম ইত্যন্যে||৮||
Adhikarana 5 (9-11) · Śloka 11
উচ্ছিষ্টেনাভিষেকেণ শিশোঃ স্নপনমিষ্যতে | পূজ্যা চ পূতনা দেবী বলিভিঃ সোপহারকৈঃ ||৯|| মলিনাম্বরসংবীতা মলিনা রূক্ষমূর্ধজা | শূন্যাগারাশ্রিতা দেবী দারকং পাতু পূতনা ||১০|| দুর্দর্শনা সুদুর্গন্ধা করালা মেঘকালিকা | ভিন্নগারাশ্রযা দেবী দারকং পাতু পূতনা ||১১||
उच्छिष्टेनाभिषेकेण शिशोः स्नपनमिष्यते | पूज्या च पूतना देवी बलिभिः सोपहारकैः ||९|| मलिनाम्बरसंवीता मलिना रूक्षमूर्धजा | शून्यागाराश्रिता देवी दारकं पातु पूतना ||१०|| दुर्दर्शना सुदुर्गन्धा कराला मेघकालिका | भिन्नगाराश्रया देवी दारकं पातु पूतना ||११||
🔊 Audio coming soon
উচ্ছিষ্টেনেত্যাদি| উচ্ছিষ্টেনাভিষেকেণ আচমনোদকেনেত্যর্থঃ| পূর্বকল্পেন স্নানম্| রক্ষামন্ত্রঃ- মলিনেত্যাদি||৯-১১||
Adhikarana puShpikA · Śloka 32
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে (ষষ্ঠোঽধ্যাযঃ, আদিতঃ) দ্বাত্রিংশোঽধ্যাযঃ ||৩২||
इति सुश्रुतसंहितायामुत्तरतन्त्रान्तर्गते कुमारतन्त्रे (षष्ठोऽध्यायः, आदितः) द्वात्रिंशोऽध्यायः ||३२||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে পূতনাপ্রতিষেধো নাম দ্বাত্রিংশত্তমোঽধ্যাযঃ||৩২||