Adhikarana 1 (1-2) · Śloka 2
অথাতো রক্তপিত্তপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो रक्तपित्तप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
পাণ্ডুরোগপ্রতিষেধানন্তরং দূষ্যসাম্যাদ্রক্তপিত্তপ্রতিষেধারম্ভো যুক্ত ইত্যত আহ- অথাত ইত্যাদি||১-২||
Adhikarana 2 (3-4) · Śloka 5
ক্রোধশোকভযাযাসবিরুদ্ধান্নাতপানলান্ | কট্বম্ললবণক্ষারতীক্ষ্ণোষ্ণাতিবিদাহিনঃ ||৩|| নিত্যমভ্যসতো দুষ্টো রসঃ পিত্তং প্রকোপযেত্ | বিদগ্ধং স্বগুণৈঃ পিত্তং বিদহত্যাশু শোণিতম্ ||৪|| ততঃ প্রবর্ততে রক্তমূর্ধ্বং চাধো দ্বিধাঽপি বা |৫|
क्रोधशोकभयायासविरुद्धान्नातपानलान् | कट्वम्ललवणक्षारतीक्ष्णोष्णातिविदाहिनः ||३|| नित्यमभ्यसतो दुष्टो रसः पित्तं प्रकोपयेत् | विदग्धं स्वगुणैः पित्तं विदहत्याशु शोणितम् ||४|| ततः प्रवर्तते रक्तमूर्ध्वं चाधो द्विधाऽपि वा |५|
🔊 Audio coming soon
নিদানানন্তরীযকত্বাত্ প্রতিষেধস্যাদৌ রক্তপিত্তনিদানভূতে হেতুসম্প্রাপ্তী আহ- ক্রোধশোকভযাযাসেত্যাদি| ক্রোধাদীনি নিত্যমভ্যস্যতো নিষেবমাণস্য পুরুষস্য দুষ্টিং গতো রসঃ পিত্তং প্রকোপযেত্, ততশ্চ বিদগ্ধং দুষ্টং পিত্তং স্বগুণৈঃ তীক্ষ্ণোষ্ণাদিভিঃ শোণিতং বিদহতি প্রদূষযতি, তত ঊর্ধ্বমধো বা রক্তং প্রবর্তত ইতি পিণ্ডার্থঃ| তীক্ষ্ণমুষ্ণকট্বম্ললবণক্ষারব্যতিরিক্তং জ্যোতিষ্মত্যপামার্গফলাদিকম্| আযাসঃ শ্রমঃ| বিরুদ্ধান্নং হিতাহিতীযোক্তম্| ক্রোধশোকেত্যাদিঃ হেতুঃ, নিত্যমভ্যস্যত ইত্যাদিঃ সম্প্রাপ্তিঃ| ‘কট্বম্ললবণ’- ইত্যত্র কেচিত্ ‘তীক্ষ্ণমুষ্ণাম্ললবণং দিবাস্বপ্নং বিদাহি যত্’ ইতি পঠন্তি||৩-৪||-
Adhikarana 3 (5-6) · Śloka 6
আমাশযাদ্ব্রজেদূর্ধ্বমধঃ পক্বাশযাদ্ব্রজেত্ ||৫|| বিদগ্ধযোর্দ্বযোশ্চাপি দ্বিধাভাগং প্রবর্ততে | কেচিত্ সযকৃতঃ প্লীহ্নঃ প্রবদন্ত্যসৃজো গতিম্ ||৬||
आमाशयाद्व्रजेदूर्ध्वमधः पक्वाशयाद्व्रजेत् ||५|| विदग्धयोर्द्वयोश्चापि द्विधाभागं प्रवर्तते | केचित् सयकृतः प्लीह्नः प्रवदन्त्यसृजो गतिम् ||६||
🔊 Audio coming soon
তদ্রক্তং যথোর্ধ্বমধো বা দ্বিধাঽপি বা প্রবর্ততে তথা দর্শযন্নাহ- আমাশযাদিত্যাদি| যদ্যপি রক্তস্য যকৃত্প্লীহস্থানত্বাদামাশযপক্বাশযাভ্যাং প্রবর্তনং ন সম্ভবতি, তথাঽপি প্রকুপিতরক্তস্য তত্রাপি গমনাত্ প্রবর্তনং তাভ্যাং সম্ভবত্যেব| বিদগ্ধযোশ্চাপ্যুভযোরিতি দুষ্টযোরামপক্বাশযযোরিত্যর্থঃ| তযোশ্চ দুষ্টিঃ দুষ্টরুধিরসংযোগাত্| একীযমতমাহ- কেচিদিত্যাদি| সযকৃতঃ কালখণ্ডসহিতাত্| এতদপ্যনুমতম্, অপ্রতিষেধাত্| অস্মিন্ পাঠে অঙ্গীকৃতেঽপি পূর্ববাক্যেন সহ ন বিরোধঃ, যতো যকৃত্প্লীহাভ্যামেব রক্তং প্রবর্ততে পরমামপক্বাশযমধিষ্ঠায||৫-৬||
Adhikarana 4 (7) · Śloka 7
ঊর্ধ্বং সাধ্যমধোযাপ্যমসাধ্যং যুগপদ্গতম্ |৭|
ऊर्ध्वं साध्यमधोयाप्यमसाध्यं युगपद्गतम् |७|
🔊 Audio coming soon
ত্রিপ্রকারস্য রক্তপিত্তস্য সাধ্যযাপ্যাসাধ্যত্বমাহ- ঊর্ধ্বমিত্যাদি| ঊর্ধ্বং সাধ্যমিতি যদা দৌর্বল্যাদ্যুপদ্রবহীনং মাংসপ্রক্ষালনাভমিত্যাদ্যসাধ্যলক্ষণরহিতমেকদোষানুগং ভবতি তদা সাধ্যং, যদা তু তদেব শান্তিং গত্বা পুনর্ভবতি মার্গান্তরং বা যাতি অল্পোপদ্রবম্ অল্পাসাধ্যলক্ষণযুক্তং দ্বিদোষানুগং চ ভবতি তদা যাপ্যং, যদা চ বহূপদ্রবযুক্তং বহ্বসাধ্যলক্ষণযুক্তং ত্রিদোষানুগতং চ ভবতি তদা অসাধ্যম্| অধো যাপ্যমিতি অল্পোপদ্রবমসাধ্যলক্ষণহীনং দ্বিদোষানুগং চ ভবতি তদা অধোগং যাপ্যং; যদা চ ত্রিদোষানুগমসাধ্যলক্ষণযুক্তং তদা বর্জ্যং, যদা চৈকদোষানুগং নিরুপদ্রবং বর্জ্যলক্ষণাসংযুক্তং তদা সাধ্যম্| অসাধ্যং যুগপদ্গতমিতি যদা ত্রিদোষানুগং বহূপদ্রবমসাধ্যলক্ষণযুক্তং ভবতি তদা অসাধ্যং, যদা চান্যথা তদা যাপ্যমিত্যর্থঃ| যুগপদ্গতম্ উভযমার্গপ্রবৃত্তমিত্যর্থঃ|৭|-
Adhikarana 5 (7) · Śloka 8
সদনং শীতকামিত্বং কণ্ঠধূমাযনং বমিঃ ||৭|| লোহগন্ধিশ্চ নিঃশ্বাসো ভবত্যস্মিন্ ভবিষ্যতি |৮|
सदनं शीतकामित्वं कण्ठधूमायनं वमिः ||७|| लोहगन्धिश्च निःश्वासो भवत्यस्मिन् भविष्यति |८|
🔊 Audio coming soon
অথ পূর্বরূপমাহ- সদনমিত্যাদি| সদনম্ অঙ্গম্লানিঃ| কণ্ঠধূমাযনং কণ্ঠে ধূমোদ্বমনমিব বেদনেত্যর্থঃ| অস্মিন্ রক্তপিত্তে||৭||-
Adhikarana 6 (8) · Śloka 8
বাহ্যাসৃগ্লক্ষণৈস্তস্য সঙ্খ্যাদোষোচ্ছ্রিতীর্বিদুঃ ||৮||
बाह्यासृग्लक्षणैस्तस्य सङ्ख्यादोषोच्छ्रितीर्विदुः ||८||
🔊 Audio coming soon
রক্তপিত্তস্য সঙ্খ্যাং দোষোচ্ছ্রযং চাতিদেশেনাহ- বাহ্যাসৃগ্লক্ষণৈস্তস্যেত্যাদি| বাহ্যাসৃগ্লক্ষণৈরিতি শোণিতবর্ণনীযোক্তৈঃ ‘ফেনিলমরুণম্’ ইত্যাদিভিঃ, তস্য রক্তপিত্তস্য, সঙ্খ্যা সপ্তবিধা| ননু, পিত্তেন বি দগ্ধেন বিদগ্ধং রক্তং রক্তপিত্তমুচ্যতে, তত্ কথং পিত্তাদপি পৃথগুদ্দিশ্যতে? উচ্যতে, তদ্রক্তান্তরেণ সংসর্গাত্| দোষোচ্ছ্রিতিঃ দোষাধিক্যম্||৮||
Adhikarana 7 (9) · Śloka 9
দৌর্বল্যশ্বাসকাসজ্বরবমথুমদাস্তন্দ্রিতাদাহমূর্চ্ছা ভুক্তে চান্নে বিদাহস্ত্বধৃতিরপি সদা হৃদ্যতুল্যা চ পীডা | তৃষ্ণা কণ্ঠস্য ভেদঃ শিরসি চ দবনং পূতিনিষ্ঠীবনং চ দ্বেষো ভক্তেঽবিপাকো বিরতিরপি রতে রক্তপিত্তোপসর্গাঃ ||৯||
दौर्बल्यश्वासकासज्वरवमथुमदास्तन्द्रितादाहमूर्च्छा भुक्ते चान्ने विदाहस्त्वधृतिरपि सदा हृद्यतुल्या च पीडा | तृष्णा कण्ठस्य भेदः शिरसि च दवनं पूतिनिष्ठीवनं च द्वेषो भक्तेऽविपाको विरतिरपि रते रक्तपित्तोपसर्गाः ||९||
🔊 Audio coming soon
ইদানীং রক্তপিত্তোপদ্রবানাহ- দৌর্বল্যশ্বাসকাসেত্যাদি| বমথুঃ ছর্দিঃ| মদঃ পূগফলেনেব মত্ততা| অধৃতিঃ অসন্তোষঃ| অতুল্যা অসাধারণা| কণ্ঠস্য ভেদঃ কণ্ঠক্ষণনম্| শিরসি চ দবনং সন্তাপঃ| বিরতিরপি রতেঃ সুখস্যাপি বিনাশো ভবতীত্যর্থঃ| উপসর্গা উপদ্রবাঃ| ‘ভুক্তে চান্নে বিদাহ’ ইত্যত্র ‘ভুক্তে ঘোরো বিদাহ’ ইত্যন্যে পঠন্তি| তত্র সপ্তমী ষষ্ঠ্যর্থে, তেন ভুক্তস্য আহারস্য ঘোরো মহান্ বিদাহ ইত্যর্থঃ| ‘কণ্ঠস্য ভেদ’ ইত্যত্র ‘কোষ্ঠস্য ভেদ’ ইত্যপরে পঠন্তি; কোষ্ঠশব্দেন কোষ্ঠস্থো মলস্তস্য ভেদ ইতি চ ব্যাখ্যানযন্তি| তদেতত্ পাঠদ্বযমূর্ধ্বাধঃপ্রবৃত্তিরূপং যথাসম্ভবং বোদ্ধব্যং, একত্র দ্বযোরপ্যনৌপযিকত্বাত্| শিরসি চ দবনমিত্যত্র ‘প্রবিততসিরতা’ ইতি কেচিত্ পঠন্তি, সিরাততগাত্রতেতি ব্যাখ্যানযন্তি| ‘বিরতিরপি রতেঃ’ ইত্যত্র অপরে ‘বিনতিরপি ভবেত্’ ইতি পঠন্তি; বিনতিঃ শরীরস্য বিনমনম্| অপরে ‘বিকৃতিরপি ভবেত্’ ইতি পঠন্তি, তত্রাপি কাযস্যাকুঞ্চনাত্মিকা বিকৃতিরিত্যর্থঃ||৯||
Adhikarana 8 (10) · Śloka 10
মাংসপ্রক্ষালনাভং ক্বথিতমিব চ যত্ কর্দমাম্ভোনিভং বা মেদঃপূযাস্রকল্পং যকৃদিব যদি বা পক্বজম্বূফলাভম্ | যত্ কৃষ্ণং যচ্চ নীলং ভৃশমতিকুণপং যত্র চোক্তা বিকারাস্তদ্বর্জ্যং রক্তপিত্তং সুরপতিধনুষা যচ্চ তুল্যং বিভাতি ||১০||
मांसप्रक्षालनाभं क्वथितमिव च यत् कर्दमाम्भोनिभं वा मेदःपूयास्रकल्पं यकृदिव यदि वा पक्वजम्बूफलाभम् | यत् कृष्णं यच्च नीलं भृशमतिकुणपं यत्र चोक्ता विकारास्तद्वर्ज्यं रक्तपित्तं सुरपतिधनुषा यच्च तुल्यं विभाति ||१०||
🔊 Audio coming soon
অসাধ্যরক্তপিত্তলক্ষণমাহ- মাংসপ্রক্ষালনাভমিত্যাদি| মাংসপ্রক্ষালনাভং মাংসধাবনতোযাভম্| কর্দমাম্ভোনিভং কর্দমেন মিশ্রিতং যদম্ভস্তোযং তন্নিভম্| মেদঃপূযাস্রকল্পং মেদঃপূযরক্তসদৃশমিত্যর্থঃ| অতিকুণপং শটিতশবগন্ধি| উক্তা বিকারা দৌর্বল্যশ্বাসাদযঃ, ‘প্রভূতা’ ইতি বাক্যশেষঃ| তদ্বর্জ্যমিতি ঊর্ধ্বধোমার্গত্বেন সাধ্যং যাপ্যং চ যদুক্তং ভবতি তদপ্যেবংবিধম্ অসাধ্যম্| সুরপতিধনুঃ ইন্দ্রধনুঃ| ‘ক্বথিতমিব চ যত্’ ইত্যত্র ‘ক্বথিতমিব যকৃত্’ ইতি পঠিত্বা পক্বকালখণ্ডতুল্যমিতি ব্যাখ্যানযন্তি||১০||
Adhikarana 9 (11) · Śloka 11
নাদৌ সঙ্গ্রাহ্যমুদ্রিক্তং যদসৃগ্বলিনোঽশ্নতঃ | তত্ পাণ্ডুগ্রহণীকুষ্ঠপ্লীহগুল্মজ্বরাবহম্ ||১১||
नादौ सङ्ग्राह्यमुद्रिक्तं यदसृग्बलिनोऽश्नतः | तत् पाण्डुग्रहणीकुष्ठप्लीहगुल्मज्वरावहम् ||११||
🔊 Audio coming soon
আদৌ বলবতি রক্তপিত্তে সঙ্গ্রহণনিষেধমাহ- নাদৌ সঙ্গ্রাহ্যমুদ্রিক্তমিত্যাদি| যত্ রক্তপিত্তম্, উদ্রিক্তম্ অতিশযেন বৃদ্ধিং গতং, তদ্বলযুক্তস্যাশ্নতশ্চ পুরুষস্যাদৌ ন সঙ্গ্রাহ্যং; যস্মাত্তদাদৌ সঙ্গৃহীতং সত্ পাণ্ড্বাদিরোগাবহং ভবতি||১১||
Adhikarana 10 (12) · Śloka 12
অধঃপ্রবৃত্তং বমনৈরূর্ধ্বগং চ বিরেচনৈঃ | জযেদন্যতরদ্বাঽপি ক্ষীণস্য শমনৈরসৃক্ ||১২||
अधःप्रवृत्तं वमनैरूर्ध्वगं च विरेचनैः | जयेदन्यतरद्वाऽपि क्षीणस्य शमनैरसृक् ||१२||
🔊 Audio coming soon
তর্হি তত্র কিং কুর্যাদিত্যাহ- অধঃপ্রবৃত্তং বমনৈরিত্যাদি| সংশোধনার্হস্য বলবতো নরস্যাধোগং রক্তপিত্তং বহুদোষং বমনৈর্জযেত্, এবংবিধস্যোর্ধ্বগং বিরেচনৈরিত্যর্থঃ| ননু, অধোগং বাতানুগং ভবতি, ঊর্ধ্বগং চ কফানুগং, তত্ কথং তযোর্বমনবিরেচনে যুজ্যেতে? সত্যং, ব্যাধিপ্রত্যনীকত্বাদ্যুজ্যেতে এব; তথা চ তন্ত্রান্তরং- “অধোগং বমনৈর্ধীমানূর্ধ্বগং রেচনৈর্জযেত্”- ইতি| অন্যতরদ্বেতি ঊর্ধ্বগমধোগং বা ক্ষীণস্য পুরুষস্য শমনৈর্জযেদিতি ন বমনবিরেকৈঃ; তথা চ তন্ত্রান্তরম্- “ঊর্ধ্বগং বাঽপ্যধোগং বা ক্ষীণস্য শমনৈর্জযেত্”- ইতি||১২||
Adhikarana 11 (13) · Śloka 13
অতিপ্রবৃদ্ধদোষস্য পূর্বং লোহিতপিত্তিনঃ | অক্ষীণবলমাংসাগ্নেঃ কর্তব্যমপতর্পণম্ ||১৩||
अतिप्रवृद्धदोषस्य पूर्वं लोहितपित्तिनः | अक्षीणबलमांसाग्नेः कर्तव्यमपतर्पणम् ||१३||
🔊 Audio coming soon
ইদানীং সংশোধনার্হস্য লঙ্ঘনমপি হিতমিতি দর্শযন্নাহ- অতিপ্রবৃদ্ধদোষস্যেত্যাদি| অপতর্পণং লঙ্ঘনম্||১৩||
Adhikarana 12 (14) · Śloka 14
লঙ্ঘিতস্য ততঃ পেযাং বিদধ্যাত্ স্বল্পতণ্ডুলাম্ | রসযূষৌ প্রদাতব্যৌ সুরাভিস্নেহসংস্কৃতৌ | তর্পণং পাচনং লেহান্ সর্পীংষি বিবিধানি চ ||১৪||
लङ्घितस्य ततः पेयां विदध्यात् स्वल्पतण्डुलाम् | रसयूषौ प्रदातव्यौ सुराभिस्नेहसंस्कृतौ | तर्पणं पाचनं लेहान् सर्पींषि विविधानि च ||१४||
🔊 Audio coming soon
লঙ্ঘনাদনন্তরং কিং কুর্যাদিত্যাহ- লঙ্ঘিতস্যেত্যাদি বিদধ্যাত্ কুর্যাত্| কিং রক্তপিত্তে পেযামেব বিদধ্যাদুতান্যদপীত্যাহ- তর্পণমিত্যাদি| তর্পণমিতি মৃদ্বীকামধুকাদিসাধিতজলেন সশর্করেণালোডিতাঃ সঘৃতক্ষৌদ্রা লাজশক্তবঃ| পাচনং হ্রীবেরচন্দনোশীরপর্পটমুস্তসাধিতজলপানম্| লেহানিতি বক্ষ্যমাণান্ মধুকশোভাঞ্জনকাদিপুষ্পৈঃ কৃতান্ সঘৃতক্ষৌদ্রান্| বিবিধানি সর্পীংষি বাসাঘৃতাদীনি| তত্রাধোগে পেযা হিতা যদি মারুতো বলী ন স্যাত্, মারুতশ্চেদ্বলী ভবতি তদা মাংসরস এব; ঊর্ধ্বগে চ তর্পণং হিতম্| তথা চ তন্ত্রান্তরম্- “অধোবহে যবাগ্বাদি ন চেত্ স্যান্মারুতো বলী| ঊর্ধ্বগে তর্পণং শস্তং যথাদোষমথাপি বা”- ইতি| কেচিত্ ‘লঙ্ঘিতস্য ততো যুক্ত্যা লঘ্বন্নমবচারযেত্’ ইতি পঠন্তি, ব্যাখ্যানযন্তি চ- যুক্ত্যা মাত্রযা প্রত্যনীকং চেত্যর্থঃ||১৪||
Adhikarana 13 (15) · Śloka 15
দ্রক্ষামধুককাশ্মর্যসিতাযুক্তং বিরেচনম্ | যষ্টীমধুকযুক্তং চ সক্ষৌদ্রং বমনং হিতম্ ||১৫||
द्रक्षामधुककाश्मर्यसितायुक्तं विरेचनम् | यष्टीमधुकयुक्तं च सक्षौद्रं वमनं हितम् ||१५||
🔊 Audio coming soon
পূর্বমুদ্দিষ্টং যদ্বমনবিরেচনং তযোর্দ্রব্যাণ্যাহ- দ্রাক্ষামধুককাশ্মর্যেত্যাদি| দ্রাক্ষাদিযুক্তং বিরেচনদ্রব্যকল্পোক্তং মৃদু বিরেচনং, যষ্টীমধুকক্ষৌদ্রযুক্তং বমনদ্রব্যবিকল্পোক্তং মৃদু বমনং হিতম্||১৫||
Adhikarana 14 (16-18) · Śloka 18
পযাংসি শীতানি রসাশ্চ জাঙ্গলাঃ সতীনযূষাশ্চ সশালিষষ্টিকাঃ | পটোলশেলূসুনিষণ্ণযূথিকাবটাতিমুক্তাঙ্কুরসিন্দুবারজম্ ||১৬|| হিতং চ শাকং ঘৃতসংস্কৃতং সদা তথৈব ধাত্রীফলদাডিমান্বিতম্ | রসাশ্চ পারাবতশঙ্খকূর্মজাস্তথা যবাগ্বো বিহিতা ঘৃতোত্তরাঃ ||১৭|| সন্তানিকাশ্চোত্পলবর্গসাধিতে ক্ষীরে প্রশস্তা মধুশর্করোত্তরাঃ | হিমাঃ প্রদেহা মধুরা গণাশ্চ যে ঘৃতানি পথ্যানি রক্তপিত্তিনাম্ ||১৮||
पयांसि शीतानि रसाश्च जाङ्गलाः सतीनयूषाश्च सशालिषष्टिकाः | पटोलशेलूसुनिषण्णयूथिकावटातिमुक्ताङ्कुरसिन्दुवारजम् ||१६|| हितं च शाकं घृतसंस्कृतं सदा तथैव धात्रीफलदाडिमान्वितम् | रसाश्च पारावतशङ्खकूर्मजास्तथा यवाग्वो विहिता घृतोत्तराः ||१७|| सन्तानिकाश्चोत्पलवर्गसाधिते क्षीरे प्रशस्ता मधुशर्करोत्तराः | हिमाः प्रदेहा मधुरा गणाश्च ये घृतानि पथ्यानि रक्तपित्तिनाम् ||१८||
🔊 Audio coming soon
বমনবিরেচনদ্রব্যাণ্যভিধায ভোজনদ্রব্যাণি প্রতিপাদযতি- পযাংসীত্যাদি| শীতানি উত্পলাদিদ্রব্যক্বথিতশীতানি, তানি তু পিত্তপ্রাযে| জাঙ্গলরসা এণাদিলাবাদিকৃতাঃ, তে চ বাতানুবন্ধে| সতীনযূষা বর্তুলকলাযযূষাঃ, তে চ কফানুগে রক্তপিত্তে হিতাঃ| পটোলেত্যাদি| শেলূঃ দক্ষিণাপথজং শাকং, শ্লেষ্মান্তকমপরে| সুনিষণ্ণকঃ শিরবালিকা, চতুষ্পর্ণীত্যপরে| অতিমুক্ত আবন্তকঃ| অঙ্কুরাঃ কোমলপল্লবাঃ পটোলাদীনাম্| সিন্দুবারঃ নির্গুণ্ডী| এতান্যপি শাকানি কফানুগে শস্তানীতি| পটোলেত্যত্র কেচিত্ জীবন্তীতি পঠন্তি| রসাশ্চেত্যাদি| জাঙ্গলরসাভিধানেনৈব পারাবতরসস্যাপি পরিগ্রহে তদভিধানং বিশেষেণ রক্তপিত্তে হিতত্বাপাদনার্থম্| ধাত্রীদাডিমে সংস্কারার্থম্| যবাগ্বঃ অভিহিতাঃ| সন্তানিকা ঘৃতস্যোপরিতনঃ স্ত্যানো ভাগঃ| ঘৃতোত্তরা ঘৃতপ্রধানাঃ| হিমাঃ প্রদেহা ইত্যাদি| হিমাঃ প্রদেহাঃ শীতা লেপাঃ; তে চ ন্যগ্রোধাদিপ্রভৃতিশীতলগণকৃতাঃ| মধুরা গণাঃ কাকোল্যাদযঃ| তে চ পানাদিনা যোজ্যাঃ| ঘৃতানি মধুরগণসাধিতানি তন্ত্রান্তরসংবাদাত্| পথ্যানি হিতানি||১৬-১৮||
Adhikarana 15 (19-20) · Śloka 20
মধূকশোভাঞ্জনকোবিদারজৈঃ প্রিযঙ্গুকাযাঃ কুসুমৈশ্চ চূর্ণিতৈঃ | ভিষগ্বিদধ্যাচ্চতুরঃ সমাক্ষিকান্ হিতায লেহানসৃজঃ প্রশান্তযে ||১৯|| লিহ্যাচ্চ দূর্বাবটজাংশ্চ পল্লবান্ মধুদ্বিতীযান্ সিতকর্ণিকস্য চ | হিতং চ খর্জূরফলং সমাক্ষিকং ফলানি চান্যান্যপি তদ্গুণান্যথ ||২০||
मधूकशोभाञ्जनकोविदारजैः प्रियङ्गुकायाः कुसुमैश्च चूर्णितैः | भिषग्विदध्याच्चतुरः समाक्षिकान् हिताय लेहानसृजः प्रशान्तये ||१९|| लिह्याच्च दूर्वावटजांश्च पल्लवान् मधुद्वितीयान् सितकर्णिकस्य च | हितं च खर्जूरफलं समाक्षिकं फलानि चान्यान्यपि तद्गुणान्यथ ||२०||
🔊 Audio coming soon
মধূকেত্যাদি| মধূকাদিপুষ্পৈরেকৈকৈশ্চূর্ণিতৈস্ত্রযো লেহাঃ, প্রিযঙ্গুকাযাঃ কুসুমৈশ্চতুর্থো লেহঃ| অপরানপি লেহানাহ- লিহ্যাদিত্যাদি| দূর্বাবটপল্লবান্ মধুদ্বিতীযান্ লিহ্যাদিত্যেকো যোগঃ| সিতকর্ণিকঃ শ্বেতকর্ণিকারঃ, তস্যাপি পল্লবান্ মধুদ্বিতীযান্ লিহ্যাদিতি দ্বিতীযো যোগঃ| কেচিত্ সমুদিতমেকং যোগং মন্যন্তে; তন্নেচ্ছন্তি নিবন্ধকারাঃ, সমানতন্ত্রসংবাদাত্| ‘দূর্বাবটজাংশ্চ পল্লবান্’ ইত্যত্রাপরে ‘দুগ্ধদ্রুমপল্লবান্’ ইতি পঠিত্বা বটাদিপল্লবানিতি ব্যাচক্ষতে| কিং রক্তপিত্তে এতদেব হিতমুতান্যদপীত্যাহ- হিতমিত্যাদি| সমাক্ষিকং সমধু| অনুক্তসঙ্গ্রহাযাহ- ফলানি চান্যান্যপীত্যাদি| অন্যানি ফলানি কাশ্মর্যাদীনি| তদ্গুণানি খর্জূরফলতুল্যগুণানি||১৯-২০||
Adhikarana 16 (21) · Śloka 21
রক্তাতিসারপ্রোক্তাংশ্চ যোগানত্রাপি যোজযেত্ |২১|
रक्तातिसारप्रोक्तांश्च योगानत्रापि योजयेत् |२१|
🔊 Audio coming soon
ইদানীং রক্তপিত্তেঽতিদেশেন চিকিত্সামাহ- রক্তাতীসারপ্রোক্তাংশ্চেত্যাদি| রক্তাতীসারপ্রোক্তান্ যোগান্ ‘প্রিযালমল্লিকা’ ইত্যাদীন্| অস্যাগ্রে কার্তিককুণ্ডঃ ‘নীলোত্পলানাং মধুনা ভস্ম বাঽপি পরিস্রুতম্’ ইত্যাদিযোগং পঠতি, স চ জেজ্জটাচার্যেণ ‘সক্ষৌদ্রমিন্দীবরভস্ম’ ইত্যাদিনা অগ্রে পঠিতঃ|২১|-
Adhikarana 17 (21-22) · Śloka 22
শুদ্ধেক্ষুকাণ্ডমাপোথ্য নবে কুম্ভে হিমাম্ভসা ||২১|| যোজাযিত্বা ক্ষিপেদ্রাত্রাবাকাশে সোত্পলং তু তত্ | প্রাতঃ স্রুতং ক্ষৌদ্রযুতং পিবেচ্ছোণিতপিত্তবান্ ||২২||
शुद्धेक्षुकाण्डमापोथ्य नवे कुम्भे हिमाम्भसा ||२१|| योजायित्वा क्षिपेद्रात्रावाकाशे सोत्पलं तु तत् | प्रातः स्रुतं क्षौद्रयुतं पिबेच्छोणितपित्तवान् ||२२||
🔊 Audio coming soon
শুদ্ধেক্ষুকাণ্ডমাপোথ্যেত্যাদি| শুদ্ধেক্ষুকাণ্ডানি নির্বল্কলেক্ষুকাণ্ডানি, আপোথ্য অবক্ষুদ্য| হিমাম্ভসা যোজযিত্বেত্যাদি শীতলজলেন যোজযিত্বা নবে ঘটে রাত্রাবাকাশে নিরাবরণস্থানে ক্ষিপেত্ ধারযেত্, ততশ্চ প্রাতঃকালে স্রুতং গালিতং নীলোত্পলচূর্ণমধুভ্যাং যুতং শোণিতপিত্তবান্ নরঃ পিবেত্||২১-২২||
Adhikarana 18 (23) · Śloka 23
পিবেচ্ছীতকষাযং বা জম্ব্বাম্রার্জুনসম্ভবম্ | উদুম্বরফলং পিষ্ট্বা পিবেত্তদ্রসমেব বা ||২৩||
पिबेच्छीतकषायं वा जम्ब्वाम्रार्जुनसम्भवम् | उदुम्बरफलं पिष्ट्वा पिबेत्तद्रसमेव वा ||२३||
🔊 Audio coming soon
পিবেদিত্যাদি| পিবেদিত্যত্র মধুযুতমিত্যনুক্তমপি সম্বধ্যতে, সমানতন্ত্রসংবাদাত্| উদুম্বরফলমিত্যাদি| উদুম্বরফলং পিষ্ট্বা তদ্রসং গৃহীত্বা মধুযুতং পিবেত্||২৩||
Adhikarana 19 (24-27) · Śloka 27
ত্রপুষীমূলকল্কং বা সক্ষৌদ্রং তণ্ডুলাম্বুনা | পিবেদক্ষসমং কল্কং যষ্টীমধুকমেব বা ||২৪|| চন্দনং মধুকং রোধ্রমেবমেব সমং পিবেত্ | করঞ্জবীজমেবং বা সিতাক্ষৌদ্রযুতং পিবেত্ ||২৫|| মজ্জানমিঙ্গুদযস্যৈবং পিবেন্মধুকসংযুতম্ | সুখোষ্ণং লবণং বীজং কারঞ্জং দধিমস্তুনা ||২৬|| পিবেদ্বাঽপি ত্র্যহং মর্ত্যো রক্তপিত্তাভিপীডিতঃ | রক্তপিত্তহরাঃ শস্তাঃ ষডেতে যোগসত্তমাঃ ||২৭||
त्रपुषीमूलकल्कं वा सक्षौद्रं तण्डुलाम्बुना | पिबेदक्षसमं कल्कं यष्टीमधुकमेव वा ||२४|| चन्दनं मधुकं रोध्रमेवमेव समं पिबेत् | करञ्जबीजमेवं वा सिताक्षौद्रयुतं पिबेत् ||२५|| मज्जानमिङ्गुदयस्यैवं पिबेन्मधुकसंयुतम् | सुखोष्णं लवणं बीजं कारञ्जं दधिमस्तुना ||२६|| पिबेद्वाऽपि त्र्यहं मर्त्यो रक्तपित्ताभिपीडितः | रक्तपित्तहराः शस्ताः षडेते योगसत्तमाः ||२७||
🔊 Audio coming soon
ইদানীং রক্তপিত্তে সিদ্ধতমান্ ষড্যোগানাহ- ত্রপুসীমূলকল্কমিত্যাদি| সক্ষৌদ্রং কর্ষোন্মিতমধুসহিতং, তণ্ডুলাম্বুনা কল্কাচ্চতুর্গুণেনেত্যর্থঃ| অক্ষসমং কর্ষপ্রমাণং, এবমেবেতি সক্ষৌদ্রং তণ্ডুলাম্বুনেত্যর্থঃ| করঞ্জবীজাদিযোগদ্বযং কফানুবন্ধে ঊর্ধ্বগে শস্তম্| মজ্জানমিঙ্গুদস্যেত্যাদি সিতামধুযুতমেব(ক)মেব পিবেদিত্যর্থঃ||২৪-২৭||
Adhikarana 20 (28) · Śloka 28
পথ্যাশ্চৈবাবপীডেষু ঘ্রাণতঃ প্রস্রুতেঽসৃজি |২৮|
पथ्याश्चैवावपीडेषु घ्राणतः प्रस्रुतेऽसृजि |२८|
🔊 Audio coming soon
অনন্তরোক্তাঃ ষড্যোগা ঘ্রাণগে রক্তেঽবপীডনেঽপি যোজ্যা ইত্যাহ- পথ্যা ইত্যাদি| পথ্যা হিতাঃ, অনন্তরোক্তাঃ ত্রপুসীমূলকল্কমিত্যাদি ষড্যোগাঃ ইতি শেষঃ|২৮|-
Adhikarana 21 (28) · Śloka 28
অতিনিস্রুতরক্তো বা ক্ষৌদ্রযুক্তং পিবেদসৃক্ | যকৃদ্বা ভক্ষযেদাজমামং পিত্তসমাযুতম্ ||২৮||
अतिनिस्रुतरक्तो वा क्षौद्रयुक्तं पिबेदसृक् | यकृद्वा भक्षयेदाजमामं पित्तसमायुतम् ||२८||
🔊 Audio coming soon
অসৃগিতি শরীরধাতুসামান্যাত্ এণাদীনামিত্যর্থঃ| যকৃত্ কালখণ্ডম্||২৮||
Adhikarana 22 (29-32) · Śloka 33
পলাশবৃক্ষস্বরসে বিপক্বং সর্পিঃ পিবেত্ ক্ষৌদ্রযুতং সুশীতম্ | বনস্পতীনাং স্বরসৈঃ কৃতং বা সশর্করং ক্ষীরঘৃতং পিবেদ্বা ||২৯|| দ্রাক্ষামুশীরাণ্যথ পদ্মকং সিতা পৃথক্পলাংশান্যুদকে সমাবপেত্ | স্থিতং নিশাং তদ্রুধিরামযং জযেত্ পীতং পযো বাঽম্বুসমং হিতাশিনঃ ||৩০|| তুরঙ্গবর্চঃস্বরসং সমাক্ষিকং পিবেত্ সিতাক্ষৌদ্রযুতং বৃষস্য বা | লিহেত্তথা বাস্তুকবীজচূর্ণং ক্ষৌদ্রান্বিতং তণ্ডুলসাহ্বযং বা ||৩১|| লিহ্যাচ্চ লাজাঞ্জনচূর্ণমেকমেবং সিতাক্ষৌদ্রযুতাং তুগাখ্যাম্ | দ্রাক্ষাং সিতাং তিক্তকরোহিণীং চ হিমাম্বুনা বা মধুকেন যুক্তাম্ ||৩২|| পথ্যামহিংস্রাং রজনীং ঘৃতং চ লিহ্যাত্তথা শোণিতপিত্তরোগী |৩৩|
पलाशवृक्षस्वरसे विपक्वं सर्पिः पिबेत् क्षौद्रयुतं सुशीतम् | वनस्पतीनां स्वरसैः कृतं वा सशर्करं क्षीरघृतं पिबेद्वा ||२९|| द्राक्षामुशीराण्यथ पद्मकं सिता पृथक्पलांशान्युदके समावपेत् | स्थितं निशां तद्रुधिरामयं जयेत् पीतं पयो वाऽम्बुसमं हिताशिनः ||३०|| तुरङ्गवर्चःस्वरसं समाक्षिकं पिबेत् सिताक्षौद्रयुतं वृषस्य वा | लिहेत्तथा वास्तुकबीजचूर्णं क्षौद्रान्वितं तण्डुलसाह्वयं वा ||३१|| लिह्याच्च लाजाञ्जनचूर्णमेकमेवं सिताक्षौद्रयुतां तुगाख्याम् | द्राक्षां सितां तिक्तकरोहिणीं च हिमाम्बुना वा मधुकेन युक्ताम् ||३२|| पथ्यामहिंस्रां रजनीं घृतं च लिह्यात्तथा शोणितपित्तरोगी |३३|
🔊 Audio coming soon
বনস্পতীনাং বটাদীনাম্| ক্ষীরঘৃতং ক্ষীরোত্থং ঘৃতম্| পযো বাঽম্বুসমমিতি দুগ্ধং জলং চ তুল্যমিত্যর্থঃ| কেচিদেবং পঠন্তি- ‘বাসাকষাযং সসিতং পিবেদ্বা তুরঙ্গবর্চঃস্বরসং সমাক্ষিকম্’ ইতি| লিহেত্তথা বাস্তুকবীজচূর্ণমিত্যাদি|- বাস্তুকবীজচূর্ণং টঙ্কবাস্তুকবীজচূর্ণং ক্ষৌদ্রান্বিতং লিহেত্| তণ্ডুলসাহ্বযং বেতি তণ্ডুলীযং ক্ষৌদ্রান্বিতং বা লিহ্যাদিত্যর্থঃ| কেচিদেবং পঠন্তি- ‘সতণ্ডুলীযং মধুনাঽবলেহযেত্ সিতাযুতং বাস্তুকমূলমেব বা’ ইতি| লিহ্যাচ্চেত্যাদি| লাজা ভৃষ্টধান্যানি| অঞ্জনং রসাঞ্জনম্| একং প্রধানং, এবং ক্ষাদ্রেণেত্যর্থঃ| ‘লাজাঞ্জনচূর্ণম্’ ইত্যত্র ‘কালাঞ্জনচূর্ণম্’ ইতি কেচিত্ পঠন্তি; তত্র কালাঞ্জনং সৌবীরাঞ্জনম্| সিতাক্ষৌদ্রযুতমিত্যাদি| তুগাখ্যা বংশরোচনানুকারি পার্থিবং দ্রব্যং, অন্যে বংশরোচনামাহুঃ; তাং চ শর্করাক্ষৌদ্রযুতাং লিহ্যাত্| দ্রাক্ষাং সিতামিত্যাদি| দ্রাক্ষাদীনি ত্রীণি দ্রব্যাণি যষ্টীমধুকেন যুতানি শীতোদকেন বা লিহ্যাত্| পথ্যামিত্যাদি| পথ্যা হরীতকী, রজনী হরিদ্রা, এতানি হরীতকীপ্রভৃতীনি দ্রব্যাণি ঘৃতেন সহ লিহ্যাত্| অযং যোগঃ কণ্ঠগে প্রসৃতে চ রক্তপিত্তে যোজ্যঃ| কেচিত্ ‘রজনীং ঘৃতং চ’ ইত্যত্র ‘রজনীদ্বযং চ’ ইতি পঠন্তি, তে চ শীতোদকেনৈব লেহ্যমিচ্ছন্তি; অযং পাঠঃ সমানতন্ত্রবিরোধাদন্যায্যঃ||২৯-৩২||-
Adhikarana 23 (33) · Śloka 34
বাসাকষাযোত্পলমৃত্প্রিযঙ্গুরোধ্রাঞ্জনাম্ভোরুহকেশরাণি ||৩৩|| পীত্বা সিতাক্ষৌদ্রযুতানি জহ্যাত্ পিত্তাসৃজো বেগমুদীর্ণমাশু |৩৪|
वासाकषायोत्पलमृत्प्रियङ्गुरोध्राञ्जनाम्भोरुहकेशराणि ||३३|| पीत्वा सिताक्षौद्रयुतानि जह्यात् पित्तासृजो वेगमुदीर्णमाशु |३४|
🔊 Audio coming soon
ইদানীং বেগবতি রক্তপিত্তে সিদ্ধতমং যোগমাহ- বাসাকষাযোত্পলেত্যাদি| উত্পলং নীলোত্পলং মৃত্ কেদারমৃত্তিকা, অম্ভোরুহকেশরং পদ্মকেশরম্| কল্পনামাহ- পীত্বা সিতাক্ষৌদ্রযুতানি জহ্যাদিত্যাদি| বাসাকষাযমুত্পলমৃদাদিচূর্ণপ্রক্ষেপং সিতাক্ষৌদ্রযুতং পীত্বা নরো রক্তপিত্তস্যোদীর্ণমুদ্রিক্তং বেগমাশু জহ্যাত্ শীঘ্রং পরিত্যজেত্||৩৩||-
Adhikarana 24 (34) · Śloka 35
গাযত্রিজম্ব্বর্জুনকোবিদারশিরীষরোধ্রাশনশাল্মলীনাম্ ||৩৪|| পুষ্পাণি শিগ্রোশ্চ বিচূর্ণ্য লেহো মধ্বন্বিতঃ শোণিতপিত্তরোগে |৩৫|
गायत्रिजम्ब्वर्जुनकोविदारशिरीषरोध्राशनशाल्मलीनाम् ||३४|| पुष्पाणि शिग्रोश्च विचूर्ण्य लेहो मध्वन्वितः शोणितपित्तरोगे |३५|
🔊 Audio coming soon
গাযত্রিজম্ব্বর্জুনকোবিদারেত্যাদি| গাযত্রী খদিরঃ, অর্জুনঃ ককুভঃ, কোবিদারঃ কাঞ্চনারঃ, অশনো বীজকঃ| শিগ্রুঃ শোভাঞ্জনকঃ||৩৪||-
Adhikarana 25 (35) · Śloka 36
সক্ষৌদ্রমিন্দীবরভস্মবারি করঞ্জবীজং মধুসর্পিষী চ ||৩৫|| জম্ব্বর্জুনাম্রক্বথিতং চ তোযং ঘ্নন্তি ত্রযঃ পিত্তমসৃক্ চ যোগাঃ |৩৬|
सक्षौद्रमिन्दीवरभस्मवारि करञ्जबीजं मधुसर्पिषी च ||३५|| जम्ब्वर्जुनाम्रक्वथितं च तोयं घ्नन्ति त्रयः पित्तमसृक् च योगाः |३६|
🔊 Audio coming soon
ইদানীং রক্তপিত্তে ত্রীন্ যোগানাহ- সক্ষৌদ্রমিন্দীবরভস্মেত্যাদি| ইন্দীবরভস্মবারি ইন্দীবরক্ষারোদকং সক্ষৌদ্রং পিবেদিত্যেকো যোগঃ| করঞ্জবীজং মধুসর্পিষা চেতি করঞ্জবীজং মধুসর্পিষা বা লিহ্যাদিতি দ্বিতীযো যোগঃ| জম্ব্বর্জুনাম্রক্বথিতং তোযমিত্যাদি|- জম্ব্বাদিক্বথিতং তোযং সক্ষৌদ্রং পিবেদিতি তৃতীযো যোগঃ| এষু মধ্যে অন্ত্যৌ যোগৌ কণ্ঠান্তঃস্থিতে রক্তপিত্তে যোজ্যৌ||৩৫||-
Adhikarana 26 (36) · Śloka 37
মূলানি পুষ্পাণি চ মাতুলুঙ্গ্যাঃ পিষ্ট্বা পিবেত্তণ্ডুলধাবনেন ||৩৬|| ঘ্রাণপ্রবৃত্তে জলমাশু দেযং সশর্করং নাসিকযা পযো বা |৩৭|
मूलानि पुष्पाणि च मातुलुङ्ग्याः पिष्ट्वा पिबेत्तण्डुलधावनेन ||३६|| घ्राणप्रवृत्ते जलमाशु देयं सशर्करं नासिकया पयो वा |३७|
🔊 Audio coming soon
মূলানীত্যাদি| মাতুলুঙ্গো বীজপূরকঃ, ‘মধুকর্কটী’ ইতি অন্যে| ঘ্রাণপ্রবৃত্তে জলমাশু দেযমিত্যাদি| ঘ্রাণপ্রবৃত্তে রক্তপিত্তে সশর্করং পানীযং দুগ্ধং বা সশর্করং নাসিকযা দেযম্| কেচিত্ ‘নাসিকযা’ ইত্যত্র ‘নাসিকযোঃ’ ইতি পঠন্তি||৩৬||-
Adhikarana 27 (37) · Śloka 37
দ্রাক্ষারসং ক্ষীরঘৃতং পিবেদ্বা সশর্করং চেক্ষুরসং হিমং বা ||৩৭||
द्राक्षारसं क्षीरघृतं पिबेद्वा सशर्करं चेक्षुरसं हिमं वा ||३७||
🔊 Audio coming soon
ঘ্রাণপ্রবৃত্তেঽপরমপি নস্যযোগমাহ- দ্রাক্ষারসমিত্যাদি| দ্রাক্ষারসং সশর্করং নাসিকযা পিবেত্, ক্ষীরঘৃতং ক্ষীরমথনোদ্ভূতং তদ্বা সশর্করং নাসিকযা পিবেত্, ইক্ষুরসং হিমং বা তথৈব পিবেত্, ইত্থং ত্রযো যোগাঃ কল্পনীযাঃ| তথা চ তন্ত্রান্তরং- “দ্রাক্ষারসস্য নস্যং নস্যং বা ক্ষীরসর্পিষঃ সপদি| ইক্ষো রসস্য নস্যং সশর্করং রক্তনুদ্ভবতি”- ইতি||৩৭||
Adhikarana 28 (38) · Śloka 38
শীতোপচারং মধুরং চ কুর্যাদ্বিশেষতঃ শোণিতপিত্তরোগে |৩৮|
शीतोपचारं मधुरं च कुर्याद्विशेषतः शोणितपित्तरोगे |३८|
🔊 Audio coming soon
সর্বতন্ত্রোক্তচিকিত্সাসঙ্গ্রহার্থমাহ- শীতোপচারমিত্যাদি| শীতোপচারং দাহাদিষু বাহ্যেঽপি কুর্যাদিতি|৩৮|-
Adhikarana 29 (38) · Śloka 39
দ্রাক্ষাঘৃতক্ষৌদ্রসিতাযুতেন বিদারিগন্ধাদিবিপাচিতেন ||৩৮|| ক্ষীরেণ চাস্থাপনমগ্র্যমুক্তং হিতং ঘৃতং চাপ্যনুবাসনার্থম্ |৩৯|
द्राक्षाघृतक्षौद्रसितायुतेन विदारिगन्धादिविपाचितेन ||३८|| क्षीरेण चास्थापनमग्र्यमुक्तं हितं घृतं चाप्यनुवासनार्थम् |३९|
🔊 Audio coming soon
রক্তপিত্তে আস্থাপনার্থং ক্ষীরমনুবাসনার্থং চ ঘৃতমাহ- দ্রাক্ষেত্যাদি| বিদারিগন্ধাদিগণসাধিতেন ক্ষীরেণ ঘৃতক্ষৌদ্রসিতাযুতেনাস্থাপনং রক্তপিত্তেঽগ্র্যমুক্তং, তথা চানুবাসনার্থং ঘৃতং হিতম্| তচ্চ ঘৃতং যষ্টীমধুকসাধিতং, অপক্বস্য স্নেহস্য ব্যাপত্করত্বাত্| অন্যে বিদারিগন্ধাদিসাধিতক্ষীরেণ ঘৃতপাকমিচ্ছন্তি||৩৮||-
Adhikarana 30 (39-41) · Śloka 42
প্রিযঙ্গুরোধ্রাঞ্জনগৈরিকোত্পলৈঃ সুবর্ণকালীযকরক্তচন্দনৈঃ ||৩৯|| সিতাশ্বগন্ধাম্বুদযষ্টিকাহ্বযৈর্মৃণালসৌগন্ধিকতুল্যপেষিতৈঃ | নিরূহ্য চৈনং পযসা সমাক্ষিকৈর্ঘৃতপ্লুতৈঃ শীতজলাবসেচিতম্ ||৪০|| ক্ষীরৌদনং ভুক্তমথানুবাসযেদ্ঘৃতেন যষ্টীমধুসাধিতেন চ | অধোবহং শোণিতমেষ নাশযেত্তথাঽতিসারং রুধিরস্য দুস্তরম্ ||৪১|| বিরেকযোগে ত্বতি চৈব শস্যতে... |৪২|
प्रियङ्गुरोध्राञ्जनगैरिकोत्पलैः सुवर्णकालीयकरक्तचन्दनैः ||३९|| सिताश्वगन्धाम्बुदयष्टिकाह्वयैर्मृणालसौगन्धिकतुल्यपेषितैः | निरूह्य चैनं पयसा समाक्षिकैर्घृतप्लुतैः शीतजलावसेचितम् ||४०|| क्षीरौदनं भुक्तमथानुवासयेद्घृतेन यष्टीमधुसाधितेन च | अधोवहं शोणितमेष नाशयेत्तथाऽतिसारं रुधिरस्य दुस्तरम् ||४१|| विरेकयोगे त्वति चैव शस्यते... |४२|
🔊 Audio coming soon
অপরেঽপি রক্তপিত্তে আস্থাপনানুবাসনে আহ- প্রিযঙ্গুরোধ্রাঞ্জনগৈরিকোত্পলৈরিত্যাদি| অঞ্জনং সৌবীরাঞ্জনম্| গৈরিকং সামান্যগৈরিকম্| উত্পলং নীলোত্পলং; নাগকেশরমপরে| সুবর্ণং সুবর্ণগৈরিকম্, অন্তলোপাত্| কালীযকং দারুহরিদ্রানুকারি দ্রব্যম্| অম্বুদো মুস্তা| যষ্টিকাহ্বযো মধুযষ্টিকা| মৃণালং পদ্মকেশরম্| সৌগন্ধিকং কুমুদভেদঃ| প্রিযঙ্গ্বাদিভিঃ সৌগন্ধিকান্তৈস্তুল্যৈঃ পেষিতৈঃ কল্কীকৃতৈঃ সমঘৃতৈঃ পযসা সহৈনং রক্তপিত্তিনং নিরূহযেত্| ততশ্চ শীতলজলাবসেচিতং ক্ষীরৌদনং ভুক্তং পুরুষং যষ্টীমধুকসাধিতেন ঘৃতেনানুবাসযেত্| অধোবহং শোণিতমধোগং রক্তপিত্তম্| এষ আস্থাপনানুবাসনপ্রযোগঃ| অতিসারং রুধিরস্যেতি রক্তাতিসারমিত্যর্থঃ| বিরেকযোগে ত্বতীতি বিরেকাতিযোগে||৩৯-৪১||-
Adhikarana 31 (42) · Śloka 42
... বাম্যশ্চ রক্তে বিজিতে বলান্বিতঃ ||৪২||
... वाम्यश्च रक्ते विजिते बलान्वितः ||४२||
🔊 Audio coming soon
বাম্যশ্চ রক্তে ইত্যাদি| নিরূহনানুবাসনাভ্যাং বিজিতে রক্তপিত্তে সতি বলান্বিতঃ পুরুষো বাম্যো বামনীযঃ, অধোমার্গপ্রবৃত্তিনিবারণার্থম্| অত্র কার্তিককুণ্ডেন বহূক্তং, তচ্চ গ্রন্থগৌরবভযাত্ পরিহৃতম্||৪২||
Adhikarana 32 (43) · Śloka 43
এবংবিধা উত্তরবস্তযশ্চ মূত্রাশযস্থে রুধিরে বিধেযাঃ |৪৩|
एवंविधा उत्तरबस्तयश्च मूत्राशयस्थे रुधिरे विधेयाः |४३|
🔊 Audio coming soon
বিশিষ্টস্থানগে রক্তপিত্তে বিশিষ্টচিকিত্সামাহ- এবংবিধা উত্তরতবস্তযশ্চেত্যাদি| এবংবিধা অনন্তরোক্তাস্থাপনানুবাসনতুল্যাঃ| মূত্রাশযস্থে বস্তিস্থে মূত্রস্রোতঃপ্রবৃত্তে চ|৪৩|-
Adhikarana 33 (43) · Śloka 43
প্রবৃত্তরক্তেষু চ পাযুজেষু কুর্যাদ্বিধানং খলু রক্তপৈত্তম্ ||৪৩||
प्रवृत्तरक्तेषु च पायुजेषु कुर्याद्विधानं खलु रक्तपैत्तम् ||४३||
🔊 Audio coming soon
অর্শসঃ অতিপ্রবৃত্তৌ চ রক্তপিত্তচিকিত্সিতমতিদিশন্নাহ- প্রবৃত্তরক্তেষ্বিত্যাদি| পাযুজেষু অর্শঃসু||৪৩||
Adhikarana 34 (44) · Śloka 44
বিধিশ্চাসৃগ্দরেঽপ্যেষ স্ত্রীণাং কার্যো বিজানতা | শস্ত্রকর্মণি রক্তং চ যস্যাতীব প্রবর্ততে ||৪৪||
विधिश्चासृग्दरेऽप्येष स्त्रीणां कार्यो विजानता | शस्त्रकर्मणि रक्तं च यस्यातीव प्रवर्तते ||४४||
🔊 Audio coming soon
বিধিশ্চাসৃগ্দরেঽপ্যেষ ইত্যাদি| এষ বিধিঃ অধোগরক্তপিত্তঘ্নো বিধিঃ| বিজানতা বৈদ্যেন অসৃগ্দরে কার্যঃ| ন কেবলমসৃগ্দরে এব এষ বিধিঃ কার্যঃ কিন্তু যস্য শস্ত্রকর্মণি কৃতে অতিরক্তং প্রবর্ততে তস্যাপ্যেষ এব বিধিঃ কার্যঃ| কেচিদত্রৈবাসৃগ্দরলক্ষণং পঠন্তি| তদ্যথা- ‘দহেদধো বঙ্ক্ষণদেশমস্যাঃ শ্রোণীং চ পৃষ্ঠং চ তথৈব বৃক্কৌ | অসৃগ্দরং চাপি করোতি নার্যা গর্ভাশযার্তিং ত্বচিরেণ ঘোরাম্’- ইতি| যে ত্বত্র পঠন্তি তে শুক্রশোণিতশুদ্ধাবসৃগ্দরলক্ষণং ন পঠন্তি||৪৪||
Adhikarana 35 (45) · Śloka 45
ত্রযাণামপি দোষাণাং শোণিতেঽপি চ সর্বশঃ | লিঙ্গান্যালোক্য কর্তব্যং চিকিত্সিতমনন্তরম্ ||৪৫||
त्रयाणामपि दोषाणां शोणितेऽपि च सर्वशः | लिङ्गान्यालोक्य कर्तव्यं चिकित्सितमनन्तरम् ||४५||
🔊 Audio coming soon
কিং রক্তপিত্তঘ্নো বিধিঃ রক্তপিত্তাখ্যে রোগেঽসৃগ্দরে শস্ত্রকর্মণ্যতিরক্তপ্রবৃত্তৌ চাবিশেষেণৈব কার্য উত কিঞ্চিদপেক্ষ্যেত্যাহ- ত্রযাণামপি দোষাণামিত্যাদি| ত্রযাণামপি দোষাণাং পৃথগ্দ্বন্দ্বসমস্তানাং লিঙ্গানি শোণিতবর্ণনীযোক্তানি শোণিতে সর্বশ আলোক্যানন্তরং চিকিত্সিতং কর্তব্যং, অসৃগ্দরে বা শস্ত্রকর্মণি রক্তাতিপ্রবৃত্তৌ রক্তপিত্তঘ্নো বিধিঃ কার্য ইত্যর্থঃ| অত্রাধোবহস্য নাশনং যাপনং বাঽভিপ্রেতং, তেন সান্নিপাতিকস্যাক্ষীণমাংসাগ্নের্যাপ্যত্বমভিপ্রেতম্| অত্র কার্তিককুণ্ড আপাতনিকাপূর্বং গর্ভিণীত্যাদিপাঠং পঠতি, স চাভাবান্ন লিখিতঃ||৪৫||
Adhikarana puShpikA · Śloka 45
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে রক্তপিত্তপ্রতিষেধো নাম (সপ্তমোঽধ্যাযঃ, আদিতঃ) পঞ্চচত্বারিংশত্তমোঽধ্যাযঃ ||৪৫||
इति सुश्रुतसंहितायामुत्तरतन्त्रान्तर्गते कायचिकित्सातन्त्रे रक्तपित्तप्रतिषेधो नाम (सप्तमोऽध्यायः, आदितः) पञ्चचत्वारिंशत्तमोऽध्यायः ||४५||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রে কাযচিকিত্সাযাং পঞ্চচত্বারিংশত্তমোঽধ্যাযঃ||৪৫||