Adhikarana 1 (1-2) · Śloka 2
ಅಥಾತೋ ರೇವತೀಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||
अथातो रेवतीप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ಶಕುನೀಪ್ರತಿಷೇಧಾನನ್ತರಂ ರೇವತ್ಯಾಮಪಿ ಮುಖಪಾಕವಚನಾತ್ ಸವ್ರಣತ್ವೇನೈಕಧರ್ಮತ್ವಾಚ್ಚ ರೇವತೀಪ್ರತಿಷೇಧಾಧ್ಯಾಯೋ ಯುಜ್ಯತ ಇತ್ಯಾಹ- ಅಥಾತ ಇತ್ಯಾದಿ||೧-೨||
Adhikarana 2 (3) · Śloka 3
ಅಶ್ವಗನ್ಧಾ ಚ ಶೃಙ್ಗೀ ಚ ಸಾರಿವಾ ಸಪುನರ್ನವಾ | ಸಹೇ ತಥಾ ವಿದಾರೀ ಚ ಕಷಾಯಾಃ ಸೇಚನೇ ಹಿತಾಃ ||೩||
अश्वगन्धा च शृङ्गी च सारिवा सपुनर्नवा | सहे तथा विदारी च कषायाः सेचने हिताः ||३||
🔊 Audio coming soon
ಅಶ್ವಗನ್ಧೇತ್ಯಾದಿ| ಅಜಶೃಙ್ಗೀ ಕರ್ಕಟಶೃಙ್ಗೀ, ಉತ್ತಮಾರಣೀತ್ಯನ್ಯೇ| ಸಹೇ ಮುದ್ಗಮಾಷಪರ್ಣ್ಯೌ| ಸೇಚನೇ ಹಿತಾಃ ಪ್ರತ್ಯೇಕಂ ಸಮುದಿತಾಶ್ಚ||೩||
Adhikarana 3 (4) · Śloka 4
ತೈಲಮಭ್ಯಞ್ಜನೇ ಕಾರ್ಯಂ ಕುಷ್ಠೇ ಸರ್ಜರಸೇಽಪಿ ಚ | ಪಲಙ್ಕಷಾಯಾಂ ನಲದೇ ತಥಾ ಗಿರಿಕದಮ್ಬಕೇ ||೪||
तैलमभ्यञ्जने कार्यं कुष्ठे सर्जरसेऽपि च | पलङ्कषायां नलदे तथा गिरिकदम्बके ||४||
🔊 Audio coming soon
ತೈಲಮಿತ್ಯಾದಿ| ಸರ್ಜರಸೋ ರಾಲಃ, ಪಲಙ್ಕಷಾ ಗುಗ್ಗುಲುಃ, ನಲದಂ ಜಟಾಮಾಂಸೀ, ಗಿರಿಃ ಗಿರಿಕರ್ಣಿಕಾ; ಅನ್ಯೇ ಗಿರಿಕದಮ್ಬೋ ಮಹಾಕದಮ್ಬಃ ಸ್ವನಾಮಖ್ಯಾತಃ; ಏತೈಃ ಕುಷ್ಠಾದಿಭಿಃ ಕಲ್ಕೀಕೃತೈಸ್ತೈಲಂ ಕಾರ್ಯಮ್||೪||
Adhikarana 4 (5) · Śloka 5
ಧವಾಶ್ವಕರ್ಣಕಕುಭಧಾತಕೀತಿನ್ದುಕೀಷು ಚ | ಕಾಕೋಲ್ಯಾದಿಗಣೇ ಚೈವ ಪಾನೀಯಂ ಸರ್ಪಿರಿಷ್ಯತೇ ||೫||
धवाश्वकर्णककुभधातकीतिन्दुकीषु च | काकोल्यादिगणे चैव पानीयं सर्पिरिष्यते ||५||
🔊 Audio coming soon
ಧವೇತ್ಯಾದಿ| ಅಶ್ವಕರ್ಣೋ ಗರ್ದಭಾಣ್ಡಃ, ಕಕುಭಃ ಅರ್ಜುನಃ| ತತ್ರ ಧವಾದಿಕಷಾಯೇ ಕಾಕೋಲ್ಯಾದಿಕಲ್ಕೇ ಚ ಪಾನೀಯಂ ಸರ್ಪಿಃ ಪಾತವ್ಯಂ ಘೃತಮಿಷ್ಯತೇ| ಅನ್ಯೇ ತು ಕಾಕೋಲ್ಯಾದಿಗಣೇನೈವ ಪಾನೀಯಂ ಘೃತಮಿಚ್ಛನ್ತಿ, ಧವಾಶ್ವಕರ್ಣಾದೀನಿ ಪಶ್ಚಾತ್ತೈಲೇ ಸಮ್ಬನ್ಧನ್ತಿ||೫||
Adhikarana 5 (6-8) · Śloka 9
ಕುಲತ್ಥಾಃ ಶಙ್ಖಚೂರ್ಣಂ ಚ ಪ್ರದೇಹಃ ಸಾರ್ವಗನ್ಧಿಕಃ | ಗೃಧ್ರೋಲೂಕಪುರೀಷಾಣಿ ಯವಾ ಯವಫಲೋ ಘೃತಮ್ ||೬|| ಸನ್ಧ್ಯಯೋರುಭಯೋಃ ಕಾರ್ಯಮೇತದುದ್ಧೂಪನಂ ಶಿಶೋಃ | ವರುಣಾರಿಷ್ಟಕಮಯಂ ರುಚಕಂ ಸೈನ್ದುಕಂ ತಥಾ ||೭|| ಸತತಂ ಧಾರಯೇಚ್ಚಾಪಿ ಕೃತಂ ವಾ ಪೌತ್ರಜೀವಿಕಮ್ | ಶುಕ್ಲಾಃ ಸುಮನಸೋ ಲಾಜಾಃ ಪಯಃ ಶಾಲ್ಯೋದನಂ ತಥಾ ||೮|| ಬಲಿರ್ನಿವೇದ್ಯೋ ಗೋತೀರ್ಥೇ ರೇವತ್ಯೈ ಪ್ರಯತಾತ್ಮನಾ |೯|
कुलत्थाः शङ्खचूर्णं च प्रदेहः सार्वगन्धिकः | गृध्रोलूकपुरीषाणि यवा यवफलो घृतम् ||६|| सन्ध्ययोरुभयोः कार्यमेतदुद्धूपनं शिशोः | वरुणारिष्टकमयं रुचकं सैन्दुकं तथा ||७|| सततं धारयेच्चापि कृतं वा पौत्रजीविकम् | शुक्लाः सुमनसो लाजाः पयः शाल्योदनं तथा ||८|| बलिर्निवेद्यो गोतीर्थे रेवत्यै प्रयतात्मना |९|
🔊 Audio coming soon
ಕುಲತ್ಥಾ ಇತ್ಯಾದಿ| ಶಙ್ಖಚೂರ್ಣಂ ಸುದಗ್ಧಶಙ್ಖಚೂರ್ಣಮ್| ಸರ್ವಗನ್ಧಾ ಏಲಾದಿಕಾಃ, ತೈಃ ಕೃತೋ ಲೇಪಃ ಸಾರ್ವಗನ್ಧಿಕಃ| ಗೃಧ್ರೇತ್ಯಾದಿ| ಯವಾಃ ಪ್ರಸಿದ್ಧಾಃ, ಯವಫಲೋ ವಂಶಃ, ಅನ್ಯೇ ಯವಫಲಾ ದುಗ್ಧಿಕೇತ್ಯಾಹುಃ| ವರುಣಾರಿಷ್ಟಕಮಯಂ ವರುಣನಿಮ್ಬಕಾಷ್ಠಘಟಿತಂ, ರುಚಕಂ ಗ್ರೀವಾಭರಣಂ ಮಣಿಕಸಞ್ಜ್ಞಂ ಧಾರಯೇತ್| ಬ್ರಹ್ಮದೇವಸ್ತ್ವರಿಷ್ಟಂ ಫೇನಿಲಮಾಹ| ಸೈನ್ದುಕಮಿತಿ ಸಿನ್ದುಕೋ ನಿರ್ಗುಣ್ಡೀ, ತತ್ಕಾಷ್ಠಕೃತಂ ರುಚಕಂ; ತತ್ಫಲಕೃತಮಿತ್ಯನ್ಯೇ| ಪುತ್ರಞ್ಜೀವೋ ಮಧ್ಯವರ್ತುಲತೀಕ್ಷ್ಣಾಗ್ರಫಲೋ ಜಮ್ಬೀರಪತ್ರೋ ವೃಕ್ಷಸ್ತತ್ಕಾಷ್ಠಕೃತಂ ರುಚಕಂ, ತತ್ಫಲಕೃತಮಿತ್ಯನ್ಯೇ| ಕೇಚಿದತ್ರಾರಗ್ವಧಂ ಪಠನ್ತಿ| ಶುಕ್ಲೇತ್ಯಾದಿ ಶುಕ್ಲಾಃ ಸುಮನಸಃ ಶ್ವೇತಕುಸುಮಾನಿ| ನಿವೇದ್ಯೋ ದಾತವ್ಯಃ| ಗೋತೀರ್ಥೇ ಸಲಿಲಗೋಪಥೇ| ಪ್ರಯತಾತ್ಮನಾ ಉಪವಾಸಾದಿಪವಿತ್ರೇಣ| ತದುಕ್ತಂ,- “ಸೋಪವಾಸಃ ಶುಚಿರ್ನಕ್ತಂ ಸಶಸ್ತ್ರೋ ನಿರ್ಹರೇದ್ಬಲಿಮ್” ಇತಿ||೬-೮||-
Adhikarana 6 (9-11) · Śloka 11
ಸಙ್ಗಮೇ ಚ ಭಿಷಕ್ ಸ್ನಾನಂ ಕುರ್ಯಾದ್ಧಾತ್ರೀಕುಮಾರಯೋಃ ||೯|| ನಾನಾವಸ್ತ್ರಧರಾ ದೇವೀ ಚಿತ್ರಮಾಲ್ಯಾನುಲೇಪನಾ | ಚಲತ್ಕುಣ್ಡಲಿನೀ ಶ್ಯಾಮಾ ರೇವತೀ ತೇ ಪ್ರಸೀದತು ||೧೦|| ಉಪಾಸತೇ ಯಾಂ ಸತತಂ ದೇವ್ಯೋ ವಿವಿಧಭೂಷಣಾಃ | ಲಮ್ಬಾ ಕರಾಲಾ ವಿನತಾ ತಥೈವ ಬಹುಪುತ್ರಿಕಾ | ರೇವತೀ ಶುಷ್ಕನಾಮಾ ಯಾ ಸಾ ತೇ ದೇವೀ ಪ್ರಸೀದತು ||೧೧||
सङ्गमे च भिषक् स्नानं कुर्याद्धात्रीकुमारयोः ||९|| नानावस्त्रधरा देवी चित्रमाल्यानुलेपना | चलत्कुण्डलिनी श्यामा रेवती ते प्रसीदतु ||१०|| उपासते यां सततं देव्यो विविधभूषणाः | लम्बा कराला विनता तथैव बहुपुत्रिका | रेवती शुष्कनामा या सा ते देवी प्रसीदतु ||११||
🔊 Audio coming soon
ಸಙ್ಗಮ ಇತ್ಯಾದಿ| ಸಙ್ಗಮೇ ನದೀದ್ವಯಮೇಲಕೇ| ರಕ್ಷಾಮನ್ತ್ರಮಾಹ- ನಾನೇತ್ಯಾದಿ| ಅಪರಾ ದೇವ್ಯೋ ವಿವಿಧಭೂಷಣಾ ಯಾಂ ರೇವತೀಮುಪಾಸತೇ ಸೇವನ್ತೇ ಸಾ ದೇವೀ ಭೋ ಬಾಲಕ ತೇ ತವ ಪ್ರಸಾದಂ ಕರೋತು ಲೋಕೇ ಪ್ರಸಾದಕರಾ ಭವತು| ರೇವತೀ ಶುಷ್ಕನಾಮಾ ಶುಷ್ಕರೇವತೀತ್ಯರ್ಥಃ||೯-೧೧||
Adhikarana puShpikA · Śloka 31
ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇ ರೇವತೀಪ್ರತಿಷೇಧೋ ನಾಮ (ಪಞ್ಚಮೋಽಧ್ಯಾಯಃ, ಆದಿತಃ) ಏಕತ್ರಿಂಶೋಽಧ್ಯಾಯಃ ||೩೧||
इति सुश्रुतसंहितायामुत्तरतन्त्रान्तर्गते कुमारतन्त्रे रेवतीप्रतिषेधो नाम (पञ्चमोऽध्यायः, आदितः) एकत्रिंशोऽध्यायः ||३१||
🔊 Audio coming soon
ಇತಿ ಶ್ರೀಡಲ್ಹ(ಹ್ಲ)ಣವಿರಚಿತಾಯಾಂ ನಿಬನ್ಧಸಙ್ಗ್ರಹಾಖ್ಯಾಯಾಂ ಸುಶ್ರುತವ್ಯಾಖ್ಯಾಯಾಮುತ್ತರತನ್ತ್ರಾನ್ತರ್ಗತೇ ಕೌಮಾರಭೃತ್ಯತನ್ತ್ರೇ ರೇವತೀಪ್ರತಿಷೇಧೋ ನಾಮೈಕತ್ರಿಂಶತ್ತಮೋಽಧ್ಯಾಯಃ||೩೧||