Adhikarana 1 (1-2) · Śloka 2
অথাতঃ শকুনীপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः शकुनीप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
স্কন্দাপস্মারপ্রতিষেধানন্তরং শকুনীপ্রতিষেধারম্ভঃ, স্কন্দাদিগ্রহপ্রতিপাদকসূত্রেঽস্যা এবানন্তরোক্তত্বাদিত্যাহ- অথাত ইত্যাদি||১-২||
Adhikarana 2 (3) · Śloka 3
শকুন্যভিপরীতস্য কার্যো বৈদ্যেন জানতা | বেতসাম্রকপিত্থানাং নিষ্ক্বাথঃ পরিষেচনে ||৩||
शकुन्यभिपरीतस्य कार्यो वैद्येन जानता | वेतसाम्रकपित्थानां निष्क्वाथः परिषेचने ||३||
🔊 Audio coming soon
শকুনীত্যাদি| অভিপরীতস্য ব্যাপ্তস্য, ‘বালস্য’ ইতি শেষঃ| জানতা বুদ্ধিমতা| নিষ্ক্বাথঃ পরিষেচনে কার্য ইতি সম্বন্ধঃ||৩||
Adhikarana 3 (4) · Śloka 4
কষাযমধুরৌস্তৈলং কার্যমভ্যঞ্জনে শিশোঃ |৪|
कषायमधुरौस्तैलं कार्यमभ्यञ्जने शिशोः |४|
🔊 Audio coming soon
কষাযেত্যাদি| কষাযা বটাদযঃ, মধুরাণি কাকোল্যাদীনি; তত্র বটাদীনাং কষাযঃ, কাকোল্যাদীনাং চ কল্কঃ, তাভ্যাং তৈলং সাধ্যং; প্রত্যেকং বটাদীনাং কাকোল্যাদীনাং চ কল্ককষাযৌ কল্পনীযাবিত্যন্যে|৪|-
Adhikarana 4 (4) · Śloka 5
মধুকোশীরহ্রীবেরসারিবোত্পলপদ্মকৈঃ ||৪|| রোধ্রপ্রিযঙ্গুমঞ্জিষ্ঠাগৈরিকৈঃ প্রদিহেচ্ছিশুম্ |৫|
मधुकोशीरह्रीबेरसारिवोत्पलपद्मकैः ||४|| रोध्रप्रियङ्गुमञ्जिष्ठागैरिकैः प्रदिहेच्छिशुम् |५|
🔊 Audio coming soon
মধুকেত্যাদি| উত্পলং নীলোত্পলম্| প্রদিহেত্ লিম্পেত্||৪||-
Adhikarana 5 (5) · Śloka 5
ব্রণেষূক্তানি চূর্ণানি পথ্যানি বিবিধানি চ ||৫||
व्रणेषूक्तानि चूर्णानि पथ्यानि विविधानि च ||५||
🔊 Audio coming soon
ব্রণেষ্বিত্যাদি| ব্রণেষু শকুনীজুষ্টবালকব্রণেষু| উক্তানি চূর্ণানি দ্বিব্রণীযাধ্যাযে কীর্তিতানি মিশ্রকোক্তানি চ শোধনরোপণানি| পথ্যানি ব্রণিতোপাসনীযোক্তানি শালিমুদ্গদাডিমসৈন্ধবযবপটোলাদীনি; অন্যে তু পথ্যানীতি চূর্ণানীত্যস্য বিশেষণং কুর্বন্তি, তত্র শকুনীজুষ্টবালকব্রণানাং সদাহপাকরক্তস্রাবহরাণি চূর্ণানি প্রযোক্তব্যানীতি সম্বন্ধনীযম্||৫||
Adhikarana 6 (6) · Śloka 6
স্কন্দগ্রহে ধূপনানি তানীহাপি প্রযোজযেত্ |৬|
स्कन्दग्रहे धूपनानि तानीहापि प्रयोजयेत् |६|
🔊 Audio coming soon
স্কন্দেত্যাদি| ধূপনানি সর্ষপা ইত্যাদীনি স্কন্দগ্রহোক্তানি, তানীহাপি শকুন্যমপি প্রযোজযেত্|৬|-
Adhikarana 7 (6) · Śloka 7
শতাবরীমৃগৈর্বারুনাগদন্তীনিদিগ্ধিকাঃ ||৬|| লক্ষ্মণাং সহদেবাং চ বৃহতীং চাপি ধারযেত্ |৭|
शतावरीमृगैर्वारुनागदन्तीनिदिग्धिकाः ||६|| लक्ष्मणां सहदेवां च बृहतीं चापि धारयेत् |७|
🔊 Audio coming soon
শতাবরীত্যাদি| মৃগৈর্বারুঃ ইন্দ্রবারুণী, নাগদন্তী দন্তিনী, সহদেবা পীতপুষ্পা বলা, বৃহতী স্থূলফলা||৬||-
Adhikarana 8 (7) · Śloka 8
তিলতণ্ডুলকং মাল্যং হরিতালং মনঃশিলা ||৭|| বলিরেষ করঞ্জেষু নিবেদ্যো নিযতাত্মনা |৮|
तिलतण्डुलकं माल्यं हरितालं मनःशिला ||७|| बलिरेष करञ्जेषु निवेद्यो नियतात्मना |८|
🔊 Audio coming soon
তিলেত্যাদি| এষ তিলতণ্ডুলকমিত্যাদিকো বলিঃ| করঞ্জেষু নক্তমালেষু| নিযতাত্মনা সংযতেন্দ্রিযেণ ‘করঞ্জেষু’ ইত্যত্রান্যে ‘নিকুঞ্জেষু’ ইতি পঠন্তি, নিকুঞ্জেষু বনেষু||৭||-
Adhikarana 9 (8) · Śloka 8
নিষ্কুটে চ প্রযোক্তব্যং স্নানমস্য যথাবিধি ||৮||
निष्कुटे च प्रयोक्तव्यं स्नानमस्य यथाविधि ||८||
🔊 Audio coming soon
নিষ্কুটে ইত্যাদি| নিষ্কুটে গৃহোপবনে, অন্যে নিষ্কুটং বনগহনমাহুঃ| যথাবিধীতি স্কন্দগ্রহোক্তো বিধিঃ; তেন শালিযবরচিতমণ্ডলে গাযত্র্যভিমন্ত্রতেন জলেন স্নানমিতি লভ্যতে||৮||
Adhikarana 10 (9) · Śloka 9
স্কন্দাপস্মারশমনং ঘৃতং চাপীহ পূজিতম্ |৯|
स्कन्दापस्मारशमनं घृतं चापीह पूजितम् |९|
🔊 Audio coming soon
স্কন্দেত্যাদি| ঘৃতং দেবদারুণি রাস্নাযামিত্যাদিকং, চকারোঽত্র সোমবল্লযাদীনামপি ধারণং সমুচ্চিনোতি| জেজ্জটস্তু স্কন্দগ্রহে ধূপনানীত্যাদিকধূপনপাঠান্তে ইদং ঘৃতং পঠতি|৯|-
Adhikarana 11 (9) · Śloka 9
কুর্যাচ্চ বিবিধাং পূজাং শকুন্যাঃ কুসুমৈঃ শুভৈঃ ||৯||
कुर्याच्च विविधां पूजां शकुन्याः कुसुमैः शुभैः ||९||
🔊 Audio coming soon
কুর্যাদিত্যাদি| কুসুমৈঃ শুভৈরিতি জাতীপুষ্পনীলোত্পলাদিভিঃ||৯||
Adhikarana 12 (10-11) · Śloka 11
অন্তরীক্ষচরা দেবী সর্বালঙ্কারভূষিতা | অযোমুখী তীক্ষ্ণতুণ্ডা শকুনী তে প্রসীদতু ||১০|| দুর্দর্শনা মহাকাযা পিঙ্গাক্ষী ভৈরবস্বরা | লম্বোদরী শঙ্কুকর্ণী শকুনী তে প্রসীদতু ||১১||
अन्तरीक्षचरा देवी सर्वालङ्कारभूषिता | अयोमुखी तीक्ष्णतुण्डा शकुनी ते प्रसीदतु ||१०|| दुर्दर्शना महाकाया पिङ्गाक्षी भैरवस्वरा | लम्बोदरी शङ्कुकर्णी शकुनी ते प्रसीदतु ||११||
🔊 Audio coming soon
বালকরক্ষামাহ- অন্তরীক্ষেত্যাদি||১০-১১||
Adhikarana puShpikA · Śloka 30
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে শকুনীপ্রতিষেধো নাম (চতুর্থোঽধ্যাযঃ, আদিতঃ) ত্রিংশোঽধ্যাযঃ ||৩০||
इति सुश्रुतसंहितायामुत्तरतन्त्रान्तर्गते कुमारतन्त्रे शकुनीप्रतिषेधो नाम (चतुर्थोऽध्यायः, आदितः) त्रिंशोऽध्यायः ||३०||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে শকুনীপ্রতিষেধো নাম ত্রিংশত্তমোঽধ্যাযঃ||৩০||