Adhikarana 1 (1-2) · Śloka 2
അഥാതഃ ശകുനീപ്രതിഷേധം വ്യാഖ്യാസ്യാമഃ ||൧|| യഥോവാച ഭഗവാന് ധന്വന്തരിഃ ||൨||
अथातः शकुनीप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
സ്കന്ദാപസ്മാരപ്രതിഷേധാനന്തരം ശകുനീപ്രതിഷേധാരമ്ഭഃ, സ്കന്ദാദിഗ്രഹപ്രതിപാദകസൂത്രേऽസ്യാ ഏവാനന്തരോക്തത്വാദിത്യാഹ- അഥാത ഇത്യാദി||൧-൨||
Adhikarana 2 (3) · Śloka 3
ശകുന്യഭിപരീതസ്യ കാര്യോ വൈദ്യേന ജാനതാ | വേതസാമ്രകപിത്ഥാനാം നിഷ്ക്വാഥഃ പരിഷേചനേ ||൩||
शकुन्यभिपरीतस्य कार्यो वैद्येन जानता | वेतसाम्रकपित्थानां निष्क्वाथः परिषेचने ||३||
🔊 Audio coming soon
ശകുനീത്യാദി| അഭിപരീതസ്യ വ്യാപ്തസ്യ, ‘ബാലസ്യ’ ഇതി ശേഷഃ| ജാനതാ ബുദ്ധിമതാ| നിഷ്ക്വാഥഃ പരിഷേചനേ കാര്യ ഇതി സമ്ബന്ധഃ||൩||
Adhikarana 3 (4) · Śloka 4
കഷായമധുരൌസ്തൈലം കാര്യമഭ്യഞ്ജനേ ശിശോഃ |൪|
कषायमधुरौस्तैलं कार्यमभ्यञ्जने शिशोः |४|
🔊 Audio coming soon
കഷായേത്യാദി| കഷായാ വടാദയഃ, മധുരാണി കാകോല്യാദീനി; തത്ര വടാദീനാം കഷായഃ, കാകോല്യാദീനാം ച കല്കഃ, താഭ്യാം തൈലം സാധ്യം; പ്രത്യേകം വടാദീനാം കാകോല്യാദീനാം ച കല്കകഷായൌ കല്പനീയാവിത്യന്യേ|൪|-
Adhikarana 4 (4) · Śloka 5
മധുകോശീരഹ്രീബേരസാരിവോത്പലപദ്മകൈഃ ||൪|| രോധ്രപ്രിയങ്ഗുമഞ്ജിഷ്ഠാഗൈരികൈഃ പ്രദിഹേച്ഛിശുമ് |൫|
मधुकोशीरह्रीबेरसारिवोत्पलपद्मकैः ||४|| रोध्रप्रियङ्गुमञ्जिष्ठागैरिकैः प्रदिहेच्छिशुम् |५|
🔊 Audio coming soon
മധുകേത്യാദി| ഉത്പലം നീലോത്പലമ്| പ്രദിഹേത് ലിമ്പേത്||൪||-
Adhikarana 5 (5) · Śloka 5
വ്രണേഷൂക്താനി ചൂര്ണാനി പഥ്യാനി വിവിധാനി ച ||൫||
व्रणेषूक्तानि चूर्णानि पथ्यानि विविधानि च ||५||
🔊 Audio coming soon
വ്രണേഷ്വിത്യാദി| വ്രണേഷു ശകുനീജുഷ്ടബാലകവ്രണേഷു| ഉക്താനി ചൂര്ണാനി ദ്വിവ്രണീയാധ്യായേ കീര്തിതാനി മിശ്രകോക്താനി ച ശോധനരോപണാനി| പഥ്യാനി വ്രണിതോപാസനീയോക്താനി ശാലിമുദ്ഗദാഡിമസൈന്ധവയവപടോലാദീനി; അന്യേ തു പഥ്യാനീതി ചൂര്ണാനീത്യസ്യ വിശേഷണം കുര്വന്തി, തത്ര ശകുനീജുഷ്ടബാലകവ്രണാനാം സദാഹപാകരക്തസ്രാവഹരാണി ചൂര്ണാനി പ്രയോക്തവ്യാനീതി സമ്ബന്ധനീയമ്||൫||
Adhikarana 6 (6) · Śloka 6
സ്കന്ദഗ്രഹേ ധൂപനാനി താനീഹാപി പ്രയോജയേത് |൬|
स्कन्दग्रहे धूपनानि तानीहापि प्रयोजयेत् |६|
🔊 Audio coming soon
സ്കന്ദേത്യാദി| ധൂപനാനി സര്ഷപാ ഇത്യാദീനി സ്കന്ദഗ്രഹോക്താനി, താനീഹാപി ശകുന്യമപി പ്രയോജയേത്|൬|-
Adhikarana 7 (6) · Śloka 7
ശതാവരീമൃഗൈര്വാരുനാഗദന്തീനിദിഗ്ധികാഃ ||൬|| ലക്ഷ്മണാം സഹദേവാം ച ബൃഹതീം ചാപി ധാരയേത് |൭|
शतावरीमृगैर्वारुनागदन्तीनिदिग्धिकाः ||६|| लक्ष्मणां सहदेवां च बृहतीं चापि धारयेत् |७|
🔊 Audio coming soon
ശതാവരീത്യാദി| മൃഗൈര്വാരുഃ ഇന്ദ്രവാരുണീ, നാഗദന്തീ ദന്തിനീ, സഹദേവാ പീതപുഷ്പാ ബലാ, ബൃഹതീ സ്ഥൂലഫലാ||൬||-
Adhikarana 8 (7) · Śloka 8
തിലതണ്ഡുലകം മാല്യം ഹരിതാലം മനഃശിലാ ||൭|| ബലിരേഷ കരഞ്ജേഷു നിവേദ്യോ നിയതാത്മനാ |൮|
तिलतण्डुलकं माल्यं हरितालं मनःशिला ||७|| बलिरेष करञ्जेषु निवेद्यो नियतात्मना |८|
🔊 Audio coming soon
തിലേത്യാദി| ഏഷ തിലതണ്ഡുലകമിത്യാദികോ ബലിഃ| കരഞ്ജേഷു നക്തമാലേഷു| നിയതാത്മനാ സംയതേന്ദ്രിയേണ ‘കരഞ്ജേഷു’ ഇത്യത്രാന്യേ ‘നികുഞ്ജേഷു’ ഇതി പഠന്തി, നികുഞ്ജേഷു വനേഷു||൭||-
Adhikarana 9 (8) · Śloka 8
നിഷ്കുടേ ച പ്രയോക്തവ്യം സ്നാനമസ്യ യഥാവിധി ||൮||
निष्कुटे च प्रयोक्तव्यं स्नानमस्य यथाविधि ||८||
🔊 Audio coming soon
നിഷ്കുടേ ഇത്യാദി| നിഷ്കുടേ ഗൃഹോപവനേ, അന്യേ നിഷ്കുടം വനഗഹനമാഹുഃ| യഥാവിധീതി സ്കന്ദഗ്രഹോക്തോ വിധിഃ; തേന ശാലിയവരചിതമണ്ഡലേ ഗായത്ര്യഭിമന്ത്രതേന ജലേന സ്നാനമിതി ലഭ്യതേ||൮||
Adhikarana 10 (9) · Śloka 9
സ്കന്ദാപസ്മാരശമനം ഘൃതം ചാപീഹ പൂജിതമ് |൯|
स्कन्दापस्मारशमनं घृतं चापीह पूजितम् |९|
🔊 Audio coming soon
സ്കന്ദേത്യാദി| ഘൃതം ദേവദാരുണി രാസ്നായാമിത്യാദികം, ചകാരോऽത്ര സോമവല്ലയാദീനാമപി ധാരണം സമുച്ചിനോതി| ജേജ്ജടസ്തു സ്കന്ദഗ്രഹേ ധൂപനാനീത്യാദികധൂപനപാഠാന്തേ ഇദം ഘൃതം പഠതി|൯|-
Adhikarana 11 (9) · Śloka 9
കുര്യാച്ച വിവിധാം പൂജാം ശകുന്യാഃ കുസുമൈഃ ശുഭൈഃ ||൯||
कुर्याच्च विविधां पूजां शकुन्याः कुसुमैः शुभैः ||९||
🔊 Audio coming soon
കുര്യാദിത്യാദി| കുസുമൈഃ ശുഭൈരിതി ജാതീപുഷ്പനീലോത്പലാദിഭിഃ||൯||
Adhikarana 12 (10-11) · Śloka 11
അന്തരീക്ഷചരാ ദേവീ സര്വാലങ്കാരഭൂഷിതാ | അയോമുഖീ തീക്ഷ്ണതുണ്ഡാ ശകുനീ തേ പ്രസീദതു ||൧൦|| ദുര്ദര്ശനാ മഹാകായാ പിങ്ഗാക്ഷീ ഭൈരവസ്വരാ | ലമ്ബോദരീ ശങ്കുകര്ണീ ശകുനീ തേ പ്രസീദതു ||൧൧||
अन्तरीक्षचरा देवी सर्वालङ्कारभूषिता | अयोमुखी तीक्ष्णतुण्डा शकुनी ते प्रसीदतु ||१०|| दुर्दर्शना महाकाया पिङ्गाक्षी भैरवस्वरा | लम्बोदरी शङ्कुकर्णी शकुनी ते प्रसीदतु ||११||
🔊 Audio coming soon
ബാലകരക്ഷാമാഹ- അന്തരീക്ഷേത്യാദി||൧൦-൧൧||
Adhikarana puShpikA · Śloka 30
ഇതി സുശ്രുതസംഹിതായാമുത്തരതന്ത്രാന്തര്ഗതേ കുമാരതന്ത്രേ ശകുനീപ്രതിഷേധോ നാമ (ചതുര്ഥോऽധ്യായഃ, ആദിതഃ) ത്രിംശോऽധ്യായഃ ||൩൦||
इति सुश्रुतसंहितायामुत्तरतन्त्रान्तर्गते कुमारतन्त्रे शकुनीप्रतिषेधो नाम (चतुर्थोऽध्यायः, आदितः) त्रिंशोऽध्यायः ||३०||
🔊 Audio coming soon
ഇതി ശ്രീഡല്ഹ(ഹ്ല)ണവിരചിതായാം നിബന്ധസങ്ഗ്രഹാഖ്യായാം സുശ്രുതവ്യാഖ്യായാമുത്തരതന്ത്രാന്തര്ഗതേ കൌമാരഭൃത്യതന്ത്രേ ശകുനീപ്രതിഷേധോ നാമ ത്രിംശത്തമോऽധ്യായഃ||൩൦||