Adhikarana 1 (1-2) · Śloka 2
ಅಥಾತಃ ಶೀತಪೂತನಾಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||
अथातः शीतपूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ಅನ್ಧಪೂತನಾಪ್ರತಿಷೇಧಾನನ್ತರಂ ಪೂತನಾಸಾಮಾನ್ಯಾಚ್ಛೀತಪೂತನಾಪ್ರತಿಷೇಧಾರಮ್ಭೋ ಯುಜ್ಯತ ಇತ್ಯಾಹ- ಅಥಾತ ಇತ್ಯಾದಿ||೧-೨||
Adhikarana 2 (3-6) · Śloka 7
ಕಪಿತ್ಥಂ ಸುವಹಾಂ ಬಿಮ್ಬೀಂ ತಥಾ ಬಿಲ್ವಂ ಪ್ರಚೀಬಲಮ್ | ನನ್ದೀಂ ಭಲ್ಲಾತಕಂ ಚಾಪಿ ಪರಿಷೇಕೇ ಪ್ರಯೋಜಯೇತ್ ||೩|| ಬಸ್ತಮೂತ್ರಂ ಗವಾಂ ಮೂತ್ರಂ ಮುಸ್ತಂ ಚ ಸುರದಾರು ಚ | ಕುಷ್ಠಂ ಚ ಸರ್ವಗನ್ಧಾಂಶ್ಚ ತೈಲಾರ್ಥಮವಚಾರಯೇತ್ ||೪|| ರೋಹಿಣೀಸರ್ಜಖದಿರಪಲಾಶಕಕುಭತ್ವಚಃ | ನಿಷ್ಕ್ವಾಥ್ಯ ತಸ್ಮಿನ್ನಿಷ್ಕ್ವಾಥೇ ಸಕ್ಷೀರಂ ವಿಪಚೇದ್ಘೃತಮ್ ||೫|| ಗೃಧ್ರೋಲೂಕಪುರೀಷಾಣಿ ಬಸ್ತಗನ್ಧಾಮಹೇಸ್ತ್ವಚಃ | ನಿಮ್ಬಪತ್ರಾಣಿ ಮಧುಕಂ ಧೂಪನಾರ್ಥಂ ಪ್ರಯೋಜಯೇತ್ ||೬|| ಧಾರಯೇದಪಿ ಲಮ್ಬಾಂ ಚ ಗುಞ್ಜಾಂ ಕಾಕಾದನೀಂ ತಥಾ |೭|
कपित्थं सुवहां बिम्बीं तथा बिल्वं प्रचीबलम् | नन्दीं भल्लातकं चापि परिषेके प्रयोजयेत् ||३|| बस्तमूत्रं गवां मूत्रं मुस्तं च सुरदारु च | कुष्ठं च सर्वगन्धांश्च तैलार्थमवचारयेत् ||४|| रोहिणीसर्जखदिरपलाशककुभत्वचः | निष्क्वाथ्य तस्मिन्निष्क्वाथे सक्षीरं विपचेद्घृतम् ||५|| गृध्रोलूकपुरीषाणि बस्तगन्धामहेस्त्वचः | निम्बपत्राणि मधुकं धूपनार्थं प्रयोजयेत् ||६|| धारयेदपि लम्बां च गुञ्जां काकादनीं तथा |७|
🔊 Audio coming soon
ಕಪಿತ್ಥಮಿತ್ಯಾದಿ| ಸುವಹಾ ಗೋಧಾಪದೀ| ಪ್ರಚೀಬಲೋ ಮತ್ಸ್ಯಾಕ್ಷಕಃ, ಕಾಕಜಙ್ಘೇತ್ಯನ್ಯೇ| ನದೀಭಲ್ಲಾತಕಂ ನದೀಪಿಪ್ಪಲಿಕಾ ಗಣ್ಡೋಪಲೀತಿ ಪರ್ಯಾಯಾ| ಸರ್ವಗನ್ಧಾ ಏಲಾದಿಕಾಃ| ಅತ್ರ ತೈಲೇ ಕುಷ್ಠದ್ವಯಸ್ಯ ಪಾಠೋ ಭಾಗದ್ವಯಾರ್ಥಃ| ರೋಹಿಣೀ ಕಟ್ಫಲಃ| ರೋಹಿಣ್ಯಾದಿಕ್ವಾಥೇ ತ್ರಿಗುಣೇ ಕ್ಷೀರೈಕಭಾಗೇ ಘೃತಂ ಪಚೇತ್| ಬಸ್ತಗನ್ಧಾ ಬೋಥಯಿಕಾ| ಅಹೇಸ್ತ್ವಚಃ ಸರ್ಪಸ್ಯ ಕಞ್ಚುಕಾಃ| ಲಮ್ಬಾ ತಿಕ್ತಾಲಾಬೂಃ| ಕಾಕಾದನೀ ಕಾಕತಿನ್ದುಕಾ||೩-೬||-
Adhikarana 3 (7-8) · Śloka 8
ನದ್ಯಾಂ ಮುದ್ಗಕೃತೈಶ್ಚಾನ್ನೈಸ್ತರ್ಪಯೇಚ್ಛೀತಪೂತನಾಮ್ ||೭|| ದೇವ್ಯೈ ದೇಯಶ್ಚೋಪಹಾರೋ ವಾರುಣೀ ರುಧಿರಂ ತಥಾ | ಜಲಾಶಯಾನ್ತೇ ಬಾಲಸ್ಯ ಸ್ನಪನಂ ಚೋಪದಿಶ್ಯತೇ ||೮||
नद्यां मुद्गकृतैश्चान्नैस्तर्पयेच्छीतपूतनाम् ||७|| देव्यै देयश्चोपहारो वारुणी रुधिरं तथा | जलाशयान्ते बालस्य स्नपनं चोपदिश्यते ||८||
🔊 Audio coming soon
ನದ್ಯಾಮಿತ್ಯಾದಿ| ಮುದ್ಗಕೃತೈರನ್ನೈಃ ಮುದ್ಗಕೃತೈರ್ಭಕ್ಷ್ಯೈಃ, ಮುದ್ಗೋದನೇನೇತಿ ಗಯೀ| ಉಪಹಾರೋ ಬಲಿಃ| ಜಲಾಶಯಾನ್ತೇ ನದ್ಯಾಃ ಸಮೀಪೇ||೭-೮||
Adhikarana 4 (9) · Śloka 9
ಮುದ್ಗೌದನಾಶನಾ ದೇವೀ ಸುರಾಶೋಣಿತಪಾಯಿನೀ | ಜಲಾಶಯಾಲಯಾ ದೇವೀ ಪಾತು ತ್ವಾಂ ಶೀತಪೂತನಾ ||೯||
मुद्गौदनाशना देवी सुराशोणितपायिनी | जलाशयालया देवी पातु त्वां शीतपूतना ||९||
🔊 Audio coming soon
ರಕ್ಷಾಮಾಹ- ಮುದ್ಗೇತ್ಯಾದಿ||೯||
Adhikarana puShpikA · Śloka 34
ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇ ಶೀತಪೂತನಾಪ್ರತಿಷೇಧೋ ನಾಮ(ಅಷ್ಟಮೋಽಧ್ಯಾಯಃ, ಆದಿತಃ) ಚತುಸ್ತ್ರಿಂಶೋಽಧ್ಯಾಯಃ ||೩೪||
इति सुश्रुतसंहितायामुत्तरतन्त्रान्तर्गते कुमारतन्त्रे शीतपूतनाप्रतिषेधो नाम(अष्टमोऽध्यायः, आदितः) चतुस्त्रिंशोऽध्यायः ||३४||
🔊 Audio coming soon
ಇತಿ ಶ್ರೀಡಲ್ಹ(ಹ್ಲ)ಣವಿರಚಿತಾಯಾಂ ನಿಬನ್ಧಸಙ್ಗ್ರಹಾಖ್ಯಾಯಾಂ ಸುಶ್ರುತವ್ಯಾಖ್ಯಾಯಾಮುತ್ತರತನ್ತ್ರಾನ್ತರ್ಗತೇ ಕೌಮಾರಭೃತ್ಯತನ್ತ್ರೇ ಶೀತಪೂತನಾಪ್ರತಿಷೇಧಾಧ್ಯಾಯಶ್ಚತುಸ್ತ್ರಿಂಶತ್ತಮಃ||೩೪||