Adhikarana 1 (1-2) · Śloka 2
അഥാതഃ ശീതപൂതനാപ്രതിഷേധം വ്യാഖ്യാസ്യാമഃ ||൧|| യഥോവാച ഭഗവാന് ധന്വന്തരിഃ ||൨||
अथातः शीतपूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
അന്ധപൂതനാപ്രതിഷേധാനന്തരം പൂതനാസാമാന്യാച്ഛീതപൂതനാപ്രതിഷേധാരമ്ഭോ യുജ്യത ഇത്യാഹ- അഥാത ഇത്യാദി||൧-൨||
Adhikarana 2 (3-6) · Śloka 7
കപിത്ഥം സുവഹാം ബിമ്ബീം തഥാ ബില്വം പ്രചീബലമ് | നന്ദീം ഭല്ലാതകം ചാപി പരിഷേകേ പ്രയോജയേത് ||൩|| ബസ്തമൂത്രം ഗവാം മൂത്രം മുസ്തം ച സുരദാരു ച | കുഷ്ഠം ച സര്വഗന്ധാംശ്ച തൈലാര്ഥമവചാരയേത് ||൪|| രോഹിണീസര്ജഖദിരപലാശകകുഭത്വചഃ | നിഷ്ക്വാഥ്യ തസ്മിന്നിഷ്ക്വാഥേ സക്ഷീരം വിപചേദ്ഘൃതമ് ||൫|| ഗൃധ്രോലൂകപുരീഷാണി ബസ്തഗന്ധാമഹേസ്ത്വചഃ | നിമ്ബപത്രാണി മധുകം ധൂപനാര്ഥം പ്രയോജയേത് ||൬|| ധാരയേദപി ലമ്ബാം ച ഗുഞ്ജാം കാകാദനീം തഥാ |൭|
कपित्थं सुवहां बिम्बीं तथा बिल्वं प्रचीबलम् | नन्दीं भल्लातकं चापि परिषेके प्रयोजयेत् ||३|| बस्तमूत्रं गवां मूत्रं मुस्तं च सुरदारु च | कुष्ठं च सर्वगन्धांश्च तैलार्थमवचारयेत् ||४|| रोहिणीसर्जखदिरपलाशककुभत्वचः | निष्क्वाथ्य तस्मिन्निष्क्वाथे सक्षीरं विपचेद्घृतम् ||५|| गृध्रोलूकपुरीषाणि बस्तगन्धामहेस्त्वचः | निम्बपत्राणि मधुकं धूपनार्थं प्रयोजयेत् ||६|| धारयेदपि लम्बां च गुञ्जां काकादनीं तथा |७|
🔊 Audio coming soon
കപിത്ഥമിത്യാദി| സുവഹാ ഗോധാപദീ| പ്രചീബലോ മത്സ്യാക്ഷകഃ, കാകജങ്ഘേത്യന്യേ| നദീഭല്ലാതകം നദീപിപ്പലികാ ഗണ്ഡോപലീതി പര്യായാ| സര്വഗന്ധാ ഏലാദികാഃ| അത്ര തൈലേ കുഷ്ഠദ്വയസ്യ പാഠോ ഭാഗദ്വയാര്ഥഃ| രോഹിണീ കട്ഫലഃ| രോഹിണ്യാദിക്വാഥേ ത്രിഗുണേ ക്ഷീരൈകഭാഗേ ഘൃതം പചേത്| ബസ്തഗന്ധാ ബോഥയികാ| അഹേസ്ത്വചഃ സര്പസ്യ കഞ്ചുകാഃ| ലമ്ബാ തിക്താലാബൂഃ| കാകാദനീ കാകതിന്ദുകാ||൩-൬||-
Adhikarana 3 (7-8) · Śloka 8
നദ്യാം മുദ്ഗകൃതൈശ്ചാന്നൈസ്തര്പയേച്ഛീതപൂതനാമ് ||൭|| ദേവ്യൈ ദേയശ്ചോപഹാരോ വാരുണീ രുധിരം തഥാ | ജലാശയാന്തേ ബാലസ്യ സ്നപനം ചോപദിശ്യതേ ||൮||
नद्यां मुद्गकृतैश्चान्नैस्तर्पयेच्छीतपूतनाम् ||७|| देव्यै देयश्चोपहारो वारुणी रुधिरं तथा | जलाशयान्ते बालस्य स्नपनं चोपदिश्यते ||८||
🔊 Audio coming soon
നദ്യാമിത്യാദി| മുദ്ഗകൃതൈരന്നൈഃ മുദ്ഗകൃതൈര്ഭക്ഷ്യൈഃ, മുദ്ഗോദനേനേതി ഗയീ| ഉപഹാരോ ബലിഃ| ജലാശയാന്തേ നദ്യാഃ സമീപേ||൭-൮||
Adhikarana 4 (9) · Śloka 9
മുദ്ഗൌദനാശനാ ദേവീ സുരാശോണിതപായിനീ | ജലാശയാലയാ ദേവീ പാതു ത്വാം ശീതപൂതനാ ||൯||
मुद्गौदनाशना देवी सुराशोणितपायिनी | जलाशयालया देवी पातु त्वां शीतपूतना ||९||
🔊 Audio coming soon
രക്ഷാമാഹ- മുദ്ഗേത്യാദി||൯||
Adhikarana puShpikA · Śloka 34
ഇതി സുശ്രുതസംഹിതായാമുത്തരതന്ത്രാന്തര്ഗതേ കുമാരതന്ത്രേ ശീതപൂതനാപ്രതിഷേധോ നാമ(അഷ്ടമോऽധ്യായഃ, ആദിതഃ) ചതുസ്ത്രിംശോऽധ്യായഃ ||൩൪||
इति सुश्रुतसंहितायामुत्तरतन्त्रान्तर्गते कुमारतन्त्रे शीतपूतनाप्रतिषेधो नाम(अष्टमोऽध्यायः, आदितः) चतुस्त्रिंशोऽध्यायः ||३४||
🔊 Audio coming soon
ഇതി ശ്രീഡല്ഹ(ഹ്ല)ണവിരചിതായാം നിബന്ധസങ്ഗ്രഹാഖ്യായാം സുശ്രുതവ്യാഖ്യായാമുത്തരതന്ത്രാന്തര്ഗതേ കൌമാരഭൃത്യതന്ത്രേ ശീതപൂതനാപ്രതിഷേധാധ്യായശ്ചതുസ്ത്രിംശത്തമഃ||൩൪||