Adhikarana 1 (1-2) · Śloka 2
అథాతః శీతపూతనాప్రతిషేధం వ్యాఖ్యాస్యామః ||1|| యథోవాచ భగవాన్ ధన్వంతరిః ||2||
अथातः शीतपूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
అంధపూతనాప్రతిషేధానంతరం పూతనాసామాన్యాచ్ఛీతపూతనాప్రతిషేధారంభో యుజ్యత ఇత్యాహ- అథాత ఇత్యాది||1-2||
Adhikarana 2 (3-6) · Śloka 7
కపిత్థం సువహాం బింబీం తథా బిల్వం ప్రచీబలం | నందీం భల్లాతకం చాపి పరిషేకే ప్రయోజయేత్ ||3|| బస్తమూత్రం గవాం మూత్రం ముస్తం చ సురదారు చ | కుష్ఠం చ సర్వగంధాంశ్చ తైలార్థమవచారయేత్ ||4|| రోహిణీసర్జఖదిరపలాశకకుభత్వచః | నిష్క్వాథ్య తస్మిన్నిష్క్వాథే సక్షీరం విపచేద్ఘృతం ||5|| గృధ్రోలూకపురీషాణి బస్తగంధామహేస్త్వచః | నింబపత్రాణి మధుకం ధూపనార్థం ప్రయోజయేత్ ||6|| ధారయేదపి లంబాం చ గుంజాం కాకాదనీం తథా |7|
कपित्थं सुवहां बिम्बीं तथा बिल्वं प्रचीबलम् | नन्दीं भल्लातकं चापि परिषेके प्रयोजयेत् ||३|| बस्तमूत्रं गवां मूत्रं मुस्तं च सुरदारु च | कुष्ठं च सर्वगन्धांश्च तैलार्थमवचारयेत् ||४|| रोहिणीसर्जखदिरपलाशककुभत्वचः | निष्क्वाथ्य तस्मिन्निष्क्वाथे सक्षीरं विपचेद्घृतम् ||५|| गृध्रोलूकपुरीषाणि बस्तगन्धामहेस्त्वचः | निम्बपत्राणि मधुकं धूपनार्थं प्रयोजयेत् ||६|| धारयेदपि लम्बां च गुञ्जां काकादनीं तथा |७|
🔊 Audio coming soon
కపిత్థమిత్యాది| సువహా గోధాపదీ| ప్రచీబలో మత్స్యాక్షకః, కాకజంఘేత్యన్యే| నదీభల్లాతకం నదీపిప్పలికా గండోపలీతి పర్యాయా| సర్వగంధా ఏలాదికాః| అత్ర తైలే కుష్ఠద్వయస్య పాఠో భాగద్వయార్థః| రోహిణీ కట్ఫలః| రోహిణ్యాదిక్వాథే త్రిగుణే క్షీరైకభాగే ఘృతం పచేత్| బస్తగంధా బోథయికా| అహేస్త్వచః సర్పస్య కంచుకాః| లంబా తిక్తాలాబూః| కాకాదనీ కాకతిందుకా||3-6||-
Adhikarana 3 (7-8) · Śloka 8
నద్యాం ముద్గకృతైశ్చాన్నైస్తర్పయేచ్ఛీతపూతనాం ||7|| దేవ్యై దేయశ్చోపహారో వారుణీ రుధిరం తథా | జలాశయాంతే బాలస్య స్నపనం చోపదిశ్యతే ||8||
नद्यां मुद्गकृतैश्चान्नैस्तर्पयेच्छीतपूतनाम् ||७|| देव्यै देयश्चोपहारो वारुणी रुधिरं तथा | जलाशयान्ते बालस्य स्नपनं चोपदिश्यते ||८||
🔊 Audio coming soon
నద్యామిత్యాది| ముద్గకృతైరన్నైః ముద్గకృతైర్భక్ష్యైః, ముద్గోదనేనేతి గయీ| ఉపహారో బలిః| జలాశయాంతే నద్యాః సమీపే||7-8||
Adhikarana 4 (9) · Śloka 9
ముద్గౌదనాశనా దేవీ సురాశోణితపాయినీ | జలాశయాలయా దేవీ పాతు త్వాం శీతపూతనా ||9||
मुद्गौदनाशना देवी सुराशोणितपायिनी | जलाशयालया देवी पातु त्वां शीतपूतना ||९||
🔊 Audio coming soon
రక్షామాహ- ముద్గేత్యాది||9||
Adhikarana puShpikA · Śloka 34
ఇతి సుశ్రుతసంహితాయాముత్తరతంత్రాంతర్గతే కుమారతంత్రే శీతపూతనాప్రతిషేధో నామ(అష్టమోఽధ్యాయః, ఆదితః) చతుస్త్రింశోఽధ్యాయః ||34||
इति सुश्रुतसंहितायामुत्तरतन्त्रान्तर्गते कुमारतन्त्रे शीतपूतनाप्रतिषेधो नाम(अष्टमोऽध्यायः, आदितः) चतुस्त्रिंशोऽध्यायः ||३४||
🔊 Audio coming soon
ఇతి శ్రీడల్హ(హ్ల)ణవిరచితాయాం నిబంధసంగ్రహాఖ్యాయాం సుశ్రుతవ్యాఖ్యాయాముత్తరతంత్రాంతర్గతే కౌమారభృత్యతంత్రే శీతపూతనాప్రతిషేధాధ్యాయశ్చతుస్త్రింశత్తమః||34||