Adhikarana 1 (1-2) · Śloka 2
অথাতঃ স্বস্থবৃত্তমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः स्वस्थवृत्तमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
রসভেদবিকল্পানন্তরং পূর্বোক্তক্রমেণৈব স্বস্থবৃত্তারম্ভঃ- অথাত ইত্যাদি| বৃত্তম্ আচারঃ| কেচিত্ স্বস্থরক্ষণীযমিতি পঠিত্বা স্বস্থস্য রক্ষণং যস্মিন্নধ্যাযে স তথা, তং ব্যাখ্যাস্যাম ইতি ব্যাখ্যানযন্তি||১-২||
Adhikarana 2 (3) · Śloka 3
সূত্রস্থানে সমুদ্দিষ্টঃ স্বস্থো ভবতি যাদৃশঃ | তস্য যদ্রক্ষণং তদ্ধি চিকিত্সাযাঃ প্রযোজনম্ ||৩||
सूत्रस्थाने समुद्दिष्टः स्वस्थो भवति यादृशः | तस्य यद्रक्षणं तद्धि चिकित्सायाः प्रयोजनम् ||३||
🔊 Audio coming soon
ইদানীমতিদেশেন স্বস্থলক্ষণং চিকিত্সাপ্রযোজনং চাহ- সূত্রেত্যাদি| সমুদ্দিষ্টঃ ‘সমদোষঃ সমাগ্নিশ্চ’ (সূ. ১৫) ইত্যাদিনা দোষধাতুমলক্ষযবৃদ্ধিবিজ্ঞানীযাধ্যাযে| তাদৃশস্বস্থস্য রক্ষণং ভাবিব্যাধিনিবারণত্বেন পালনম্| হি স্ফুটার্থঃ| যে তু ‘সূত্রস্থান’ ইত্যাদি শ্লোকার্ধং ন পঠন্তি তে ‘সমদোষঃ’ ইত্যাদিকং সূত্রস্থানোক্তং স্বস্থলক্ষণমত্রাপি পঠন্তি, অনুবাদত্বেন ন পৌনরুক্ত্যমিতি মন্যন্তে| ‘চিকিত্সাযাঃ’ প্রযোজনং’ ইত্যত্র ‘চিকিত্সাযাঃ পরং বপুঃ’ ইতি কেচিত্ পঠন্তি||৩||
Adhikarana 3 (4) · Śloka 4
তস্য যদ্বৃত্তমুক্তং হি রক্ষণং চ মযাঽঽদিতঃ | তস্মিন্নর্থাঃ সমাসোক্তা বিস্তরেণেহ বক্ষ্যতে ||৪||
तस्य यद्वृत्तमुक्तं हि रक्षणं च मयाऽऽदितः | तस्मिन्नर्थाः समासोक्ता विस्तरेणेह वक्ष्यते ||४||
🔊 Audio coming soon
ননু, চানাগতবাধ এব স্বস্থবৃত্তস্য দর্শিতত্বাত্ কস্মাত্ পুনরত্র তদভিধানমিত্যাশঙ্ক্যাহ- তস্যেত্যাদি| তস্য স্বস্থস্য| আদিতঃ অনাগতবাধে| তস্মিন্ অনাগতবাধোক্তস্বস্থবৃত্তে| সমাসোক্তাঃ সঙ্ক্ষেপেণৈবোক্তাঃ| ইহ অস্মিন্নধ্যাযে, বক্ষ্যতে ‘স্বস্থবৃতং’ ইতি শেষঃ| কেচিত্ ‘বিস্তরস্তস্য বক্ষ্যতে’ ইতি পঠন্তি, তস্যেতি স্বস্থবৃত্তস্য| অপরে ‘বিস্তরশ্চাত্র বক্ষ্যতে’ ইতি পঠিত্বা তেষামর্থানাং বিস্তরোঽত্র বক্ষ্যতে’ ইতি ব্যাখ্যানযন্তি||৪||
Adhikarana 4 (5) · Śloka 5
যস্মিন্ যস্মিন্নৃতৌ যে যে দোষাঃ কুপ্যন্তি দেহিনাম্ | তেষু তেষু প্রদাতব্যাঃ রসাস্তে তে বিজানতা ||৫||
यस्मिन् यस्मिन्नृतौ ये ये दोषाः कुप्यन्ति देहिनाम् | तेषु तेषु प्रदातव्याः रसास्ते ते विजानता ||५||
🔊 Audio coming soon
ঋত্বাশ্রযং স্বস্থবৃতং সঙ্ক্ষেপেণাহ- যস্মিন্নিত্যাদি| দেহিনামিত্যত্র দেহিশব্দেনামেদোপচারাচ্ছরীরমুচ্যতে; ন আত্মা, তস্য নির্বিকারত্বাত| তেষু তেষ্বিতি ধাতুষু| তে তে রসাঃ তদ্দোষপ্রত্যনীকা রসাঃ| অত্র রসশব্দেন রসবন্তি দ্রব্যাণি ভণ্যন্তে, কেবলরসস্যোপযোগাসম্ভবাত্| বিজানতা বৈদ্যেন||৫||
Adhikarana 5 (6-12) · Śloka 13
প্রক্লিন্নত্বাচ্ছরীরাণাং বর্ষাসু ভিষজা খলু | মন্দেঽগ্নৌ কোপমাযান্তি সর্বেষাং মারুতাদযঃ ||৬|| তস্মাত্ ক্লেদবিশুদ্ধ্যর্থং দোষসংহরণায চ | কষাযতিক্তকটুকৈ রসৈর্যুক্তমপদ্রবম্ ||৭|| নাতিস্নিগ্ধং নাতিরূক্ষমুষ্ণং দীপনমেব চ | দেযমন্নং নৃপতযে যজ্জলং চোক্তমাদিতঃ ||৮|| তপ্তাবরতমম্ভো বা পিবেন্মধুসমাযুতম্ | অহ্নি মেঘানিলাবিষ্টেঽত্যর্থশীতাম্বুসঙ্কুলে ||৯|| তরুণত্বাদ্বিদাহং চ গচ্ছন্ত্যোষধযস্তদা | মতিমাংস্তন্নিমিত্তং চ নাতিব্যাযামমাচরেত্ ||১০|| অত্যম্বুপানাবশ্যাযগ্রাম্যধর্মাতপাংস্ত্যজেত্ | ভূবাষ্পপরিহারার্থং শযীত চ বিহাযসি ||১১|| শীতে সাগ্নৌ নিবাতে চ গুরুপ্রাবরণে গৃহে | যাযান্নাগবধূভিশ্চ প্রশস্তাগুরুভূষিতঃ ||১২|| দিবাস্বপ্নমজীর্ণং চ বর্জযেত্তত্র যত্নতঃ |১৩|
प्रक्लिन्नत्वाच्छरीराणां वर्षासु भिषजा खलु | मन्देऽग्नौ कोपमायान्ति सर्वेषां मारुतादयः ||६|| तस्मात् क्लेदविशुद्ध्यर्थं दोषसंहरणाय च | कषायतिक्तकटुकै रसैर्युक्तमपद्रवम् ||७|| नातिस्निग्धं नातिरूक्षमुष्णं दीपनमेव च | देयमन्नं नृपतये यज्जलं चोक्तमादितः ||८|| तप्तावरतमम्भो वा पिबेन्मधुसमायुतम् | अह्नि मेघानिलाविष्टेऽत्यर्थशीताम्बुसङ्कुले ||९|| तरुणत्वाद्विदाहं च गच्छन्त्योषधयस्तदा | मतिमांस्तन्निमित्तं च नातिव्यायाममाचरेत् ||१०|| अत्यम्बुपानावश्यायग्राम्यधर्मातपांस्त्यजेत् | भूबाष्पपरिहारार्थं शयीत च विहायसि ||११|| शीते साग्नौ निवाते च गुरुप्रावरणे गृहे | यायान्नागवधूभिश्च प्रशस्तागुरुभूषितः ||१२|| दिवास्वप्नमजीर्णं च वर्जयेत्तत्र यत्नतः |१३|
🔊 Audio coming soon
আর্তববিধিং সঙ্ক্ষেপেণাভিধাযেদানীং বিস্তরেণাহ- প্রক্লিন্নত্বাদিত্যাদি| প্রক্লিন্নত্বাত্ অত্যন্তার্দ্রত্বাত্| ভিষজেতি পদং ‘দেযমন্নম্’ ইত্যত্র যোজ্যম্| প্রক্লিন্নত্বাদিতি অগ্নিমান্দ্যহেতুঃ, যতোঽম্বুগুণবাহুল্যেনাগ্নিমান্দ্যং ভবতি| ননু, বর্ষাসু সঞ্চযরূপতযা পিত্তমেব কুপিতমস্তি নেতরৌ, তত্ কথং কুপ্যন্তি মারুতাদয ইত্যুক্তং? সত্যং, প্রাবৃট্প্রকুপিতো বাযুরুপশমহেত্বভাবাদ্বর্ষাস্বপি কুপিত এবানুবর্ততে , কফশ্চ মেঘনিঃস্যন্দাদিহেতুভিরসঞ্চিতোঽপি কুপ্যতি , অতো যুক্ত এব দোষত্রযপ্রকোপঃ| অথবা অগ্নিমান্দ্যাদ্দোষত্রযপ্রকোপঃ; তথা চোক্তং, - ‘শমপ্রকোপৌ দোষাণাং সর্বেষামগ্নিসংশ্রিতৌ’ ইতি| তস্মাদিতি যতো বর্ষাসু শরীরক্লেদো দোষপ্রকোপশ্চ ভবতি তস্মাদিত্যর্থঃ| দোষসংরক্ষণং চ সঞ্চযাদিনিবারণেন জ্ঞেযম্| রসৈর্যুক্তমিত্যন্নমিত্যেতস্য বিশেষণম্| অপদ্রাবম্ অপগতদ্রবং, দ্রবহীনমিত্যর্থঃ; অন্যে ‘অথাদ্রবং’ ইতি পঠন্তি, ঈষদ্দ্রবমিতি চ ব্যাখ্যানযন্তি| নাতিস্নিগ্ধং নাতিরূক্ষং সাধারণমিত্যর্থঃ| নৃপতিগ্রহণম্ ঈশ্বরোপলক্ষণার্থম্| যজ্জলং চোক্তমাদিত ইতি ‘বর্ষাস্বন্তরিক্ষং’ ইত্যাদিনা পানীযবর্গে কথিতম্| তপ্তাবরতং শৃতশীতং, তত্ সঞ্চিতপিত্তোপশমনার্থম্| মধুসমাযুতং সমধু, এতচ্চানুবলস্য কফস্যোপশমনার্থম্| ননু, ‘বর্ষাসু ন পিবেত্তোযং’ ইত্যনেন সহ কথমেতন্ন বিরুধ্যতে? উচ্যতে,- ন পিবেদিত্যস্যাল্পপানে ব্যবস্থিতেঃ| তরুণত্বাত্ অভিনবত্বাত্| বিদাহম্ অম্লপাকম্| তদা বর্ষাকালে, তন্নিমিত্তং বিদাহকারণাত্ | নাতিব্যাযামমাচরেদিত্যনেন মৃদুব্যাযামমাচরেদিত্যুক্তং; স চ শরীরক্লেদোপশোষার্থং বহ্নিসন্ধুক্ষণার্থং চ| অবশ্যাযো বিনা মেঘং সূক্ষ্মজলকণানিপাতঃ| গ্রাম্যধর্মো মৈথুনম্| আতপো ঘর্মঃ| তথেতি নাচরেদিত্যর্থঃ| বিহাযঃশব্দেনাত্র ধবলগৃহোপ্ররিভূরভিপ্রেতা, অন্যে মঞ্চাদিকং মন্যন্তে| শীতে সাগ্নিনিবাতগৃহে শযনং বাতকোপোপশমনায| গুরুপ্রাবরণো গুরুবস্ত্রাবৃতাঙ্গঃ পুরুষঃ| গৃহে ইত্যত্রাপি শযীত ইতি যোজ্যম্| যাযাদ্ গচ্ছেত্| নাগবধূভিরিতি হস্তিনীগমনং চ কর্দমাম্বুনোঃ পরিহারার্থম্| প্রশস্তাগুরুভূষিত ইতি অগুরুণঃ, শৈত্যনিবারকত্বাত্ | অজীর্ণং চেতি চকারাত্ পূর্বানিলমুদমন্থং চ বর্জযেত্| সরিজ্জলমবিহিতত্বেনৈব বর্জ্যম্| তত্রেতি বর্ষাসু| অতিব্যাযামাদের্নিষেধ্যগণত্বাদ্দিবাস্বপ্নাজীর্ণযোঃ পৃথগুপাদানমত্যন্তনিষেধার্থম্||৬-১২||-
Adhikarana 6 (13-20) · Śloka 21
সেব্যাঃ শরদি যত্নেন কষাযস্বাদুতিক্তকাঃ ||১৩|| ক্ষীরেক্ষুবিকৃতিক্ষৌদ্রশালিমুদ্গাদিজাঙ্গলাঃ | শ্বেতস্রজশ্চন্দ্রপাদাঃ প্রদোষে লঘু চাম্বরম্ ||১৪|| সলিলং চ প্রসন্নত্বাত্ সর্বমেব তদা হিতম্ | সরঃস্বাপ্লবনং চৈব কমলোত্পলশালিষু ||১৫|| প্রদোষে শশিনঃ পাদাশ্চন্দনং চানুলেপনম্ | তিক্তস্য সর্পিষঃ পানৈরসৃক্স্রাবৈশ্চ যুক্তিতঃ ||১৬|| বর্ষাসূপচিতং পিত্তং হরেচ্চাপি বিরেচনৈঃ | নোপেযাত্তীক্ষ্ণমম্লোষ্ণং ক্ষারং স্বপ্নং দিবাঽঽতপম্ ||১৭|| রাত্রৌ জাগরণং চৈব মৈথুনং চাপি বর্জযেত্ | (স্বাদুশীতজলং মেধ্যং শুচিস্ফটিকনির্মলম্ ||১৮|| শরচ্চন্দ্রাংশুনির্ধৌতমগস্ত্যোদযনির্বিষম্ | প্রসন্নত্বাচ্চ সলিলং সর্বমেব তদা হিতম্ ||১৯|| সচন্দনং সকর্পূরং বাসশ্চামলিনং লঘু | ভজেচ্চ শারদং মাল্যং সীধোঃ পানং চ যুক্তিতঃ ||২০|| পিত্তপ্রশমনং যচ্চ তচ্চ সর্বং সমাচরেত্) |২১|
सेव्याः शरदि यत्नेन कषायस्वादुतिक्तकाः ||१३|| क्षीरेक्षुविकृतिक्षौद्रशालिमुद्गादिजाङ्गलाः | श्वेतस्रजश्चन्द्रपादाः प्रदोषे लघु चाम्बरम् ||१४|| सलिलं च प्रसन्नत्वात् सर्वमेव तदा हितम् | सरःस्वाप्लवनं चैव कमलोत्पलशालिषु ||१५|| प्रदोषे शशिनः पादाश्चन्दनं चानुलेपनम् | तिक्तस्य सर्पिषः पानैरसृक्स्रावैश्च युक्तितः ||१६|| वर्षासूपचितं पित्तं हरेच्चापि विरेचनैः | नोपेयात्तीक्ष्णमम्लोष्णं क्षारं स्वप्नं दिवाऽऽतपम् ||१७|| रात्रौ जागरणं चैव मैथुनं चापि वर्जयेत् | (स्वादुशीतजलं मेध्यं शुचिस्फटिकनिर्मलम् ||१८|| शरच्चन्द्रांशुनिर्धौतमगस्त्योदयनिर्विषम् | प्रसन्नत्वाच्च सलिलं सर्वमेव तदा हितम् ||१९|| सचन्दनं सकर्पूरं वासश्चामलिनं लघु | भजेच्च शारदं माल्यं सीधोः पानं च युक्तितः ||२०|| पित्तप्रशमनं यच्च तच्च सर्वं समाचरेत्) |२१|
🔊 Audio coming soon
বার্ষিকং বিধিমভিধায শারদমাহ- সেব্যা ইত্যাদি| ক্ষীরেক্ষুবিকৃতীত্যত্র বিকৃতিশব্দঃ ক্ষীরেক্ষুভ্যাং সম্বধ্যতে; ক্ষীরবিকৃতিঃ, ইক্ষুবিকৃতিরিতি| ক্ষৌদ্রং মধু| শালযো বিবিধাঃ| মুদ্গাদীনামিত্যাদিশব্দাজ্জীর্ণা যবগোধূমাদযো গৃহ্যন্তে| জাঙ্গলা ইতি এণাদ্যা লাবাদ্যাশ্চ| শ্বেতস্রজঃ শুক্লপুষ্পমালাঃ| চন্দ্রপাদাঃ চন্দ্ররশ্মযঃ| প্রদোষে রাত্রিপ্রথমপ্রহরার্ধে| লঘু চাম্বরং সূক্ষ্মবস্ত্রম্| সলিলং চ প্রসন্নত্বাদিতি| যদ্যপি ‘শরদিসর্বং প্রসন্নত্বাত্’ ইত্যনেনৈব সর্বং জলং প্রাপ্তং, তথাঽপি প্রকরণান্তরত্বাদুপাদানম্| সরঃসু দিব্যখাতেষু| আপ্লবনং প্রতরণম্| কমলোত্পলশালিষু কমলোত্পলভ্রাজিষু , শালিষ্বিত্যত্র শোভিষ্বিতি কেচিত্ পঠন্তি; কমলাদিযুক্তাযা বিশেষেণ পিত্তহরত্বম্| প্রদোষে শশিনঃ পাদা ইতি পুনরভিধানং প্রদোষে এবাবশ্যং চন্দ্রপাদসেবা কার্যা নতু সর্বরাত্রং, অনুবলকফস্যাভিষ্যন্দভযাত্| পিত্তসংশমনমভিধাযেদানীং সংশোধনমাহ- তিক্তস্যেত্যাদি| তিক্তঘৃতপানং কফরক্তপ্রত্যনীকত্বাত্| অসৃঙ্ভোক্ষণং চ রক্তস্য প্রদুষ্টত্বাত্| যুক্তিত ইতি যোগতঃ, অতুরবলাদিকং বীক্ষ্যেত্যর্থঃ| সেব্যমভিধায বর্জ্যমাহ- নোপেযাদিত্যাদি| নোপেযাত্ ন সেবেত| স্বপ্নং দিবেতি দিবাস্বাপম্| মৈথুনং চাপীত্যত্র অপিশব্দাদবশ্যাযপুরোবাতাদিকমপি সমানতন্ত্রোক্তং বর্জযেত্||১৩-২০||-
Adhikarana 7 (21-31) · Śloka 31
(হেমন্তঃ শীতলো রূক্ষো মন্দসূর্যোঽনিলাকুলঃ ||২১|| ততস্তু শীতমাসাদ্য বাযুস্তত্র প্রকুপ্যতি | কোষ্ঠস্থঃ শীতসংস্পর্শাদন্তঃপিণ্ডীকৃতোঽনলঃ ||২২|| রসমুচ্ছোষযত্যাশু তস্মাত্ স্নিগ্ধং তদা হিতম্) | হেমন্তে লবণক্ষারতিক্তাম্লকটুকোত্কটম্ ||২৩|| সসর্পিস্তৈলমহিমমশনং হিতমুচ্যতে | তীক্ষ্ণান্যপি চ পানানি পিবেদগুরুভূষিতঃ ||২৪|| তৈলাক্তস্য সুখোষ্ণে চ বারিকোষ্ঠেঽবগাহনম্ | সাঙ্গারযানে মহতি কৌশেযাস্তরণাস্তৃতে ||২৫|| শযীত শযনে তৈস্তৈর্বৃতো গর্ভগৃহোদরে | স্ত্রীঃ শ্লিষ্ট্বাঽগুরুধূপাঢ্যাঃ পীনোরুজঘনস্তনীঃ ||২৬|| প্রকামং চ নিষেবেত মৈথুনং তর্পিতো নৃপঃ | (মধুরং তিক্তকটুকমম্লং লবণমেব চ ||২৭|| অন্নপানং তিলান্ মাষাঞ্ছাকানি চ দধীনি চ | তথেক্ষুবিকৃতীঃ শালীন্ সুগন্ধাংশ্চ নবানপি ||২৮|| প্রসহানূপমাংসানি ক্রব্যাদবিলশাযিনাম্ | ঔদকানাং প্লবানাং চ পাদিনাং চোপসেবযেত্ ||২৯|| মদ্যানি চ প্রসন্নানি যচ্চ কিঞ্চিত্ বলপ্রদম্ | কামতস্তন্নিষেবেত পুষ্টিমিচ্ছন্ হিমাগমে ||৩০|| দিবাস্বপ্নমজীর্ণং চ বর্জযেত্তত্র যত্নতঃ) | এষ এব বিধিঃ কার্যঃ শিশিরে সমুদাহৃতঃ ||৩১||
(हेमन्तः शीतलो रूक्षो मन्दसूर्योऽनिलाकुलः ||२१|| ततस्तु शीतमासाद्य वायुस्तत्र प्रकुप्यति | कोष्ठस्थः शीतसंस्पर्शादन्तःपिण्डीकृतोऽनलः ||२२|| रसमुच्छोषयत्याशु तस्मात् स्निग्धं तदा हितम्) | हेमन्ते लवणक्षारतिक्ताम्लकटुकोत्कटम् ||२३|| ससर्पिस्तैलमहिममशनं हितमुच्यते | तीक्ष्णान्यपि च पानानि पिबेदगुरुभूषितः ||२४|| तैलाक्तस्य सुखोष्णे च वारिकोष्ठेऽवगाहनम् | साङ्गारयाने महति कौशेयास्तरणास्तृते ||२५|| शयीत शयने तैस्तैर्वृतो गर्भगृहोदरे | स्त्रीः श्लिष्ट्वाऽगुरुधूपाढ्याः पीनोरुजघनस्तनीः ||२६|| प्रकामं च निषेवेत मैथुनं तर्पितो नृपः | (मधुरं तिक्तकटुकमम्लं लवणमेव च ||२७|| अन्नपानं तिलान् माषाञ्छाकानि च दधीनि च | तथेक्षुविकृतीः शालीन् सुगन्धांश्च नवानपि ||२८|| प्रसहानूपमांसानि क्रव्यादबिलशायिनाम् | औदकानां प्लवानां च पादिनां चोपसेवयेत् ||२९|| मद्यानि च प्रसन्नानि यच्च किञ्चित् बलप्रदम् | कामतस्तन्निषेवेत पुष्टिमिच्छन् हिमागमे ||३०|| दिवास्वप्नमजीर्णं च वर्जयेत्तत्र यत्नतः) | एष एव विधिः कार्यः शिशिरे समुदाहृतः ||३१||
🔊 Audio coming soon
ইদানীং হৈমন্তিকং বিধিমাহ- হেমন্ত ইত্যাদি| অহিমম্ উষ্ণম্| অশনং ভোজনং, পানানি মদ্যাদীনি| অগুরুভূষিতঃ অগুরুচূর্ণাবলিপ্তঃ| বারিকোষ্ঠে পাষাণাদিবিরচিতে কুশূলাকারে জলপাত্রে| সাঙ্গারযানে অঙ্গারপূর্ণশকটিকাসহিতে, এতদ্গর্ভগৃহোদরে ইত্যেতস্য বিশেষণম্| মহতি বিস্তীর্ণে| কৌশেযাস্তরণাস্তৃতে পট্টবস্ত্রীযতূলিকাচ্ছাদিতে| কৌশেযমিত্যুপলক্ষণং, তেন প্রাবারাজিনাদীনি তন্ত্রান্তরোক্তানি গৃহ্যন্তে| তৈস্তৈরিতি শীতাপহৈস্তন্ত্রান্তরোক্তৈর্বস্ত্রবিশেষৈঃ, বৃত ইতি আচ্ছাদিতাঙ্গঃ পুরুষঃ| গর্ভগৃহোদরে ইতি বৃহদ্গৃহমধ্যে অপরং যত্ ক্ষুদ্রগৃহং তস্যাভ্যন্তরে| গর্ভগৃহোদরে ইত্যুপলক্ষণং, তেন ভূগৃহমপি গৃহ্যতে| শ্লিষ্ট্বা আলিঙ্গ্য| পীনং মাংসলং, ঊরু জানুবঙ্ক্ষণযোর্মধ্যং, জঘনং কঠ্যা অগ্রিমভাগঃ| ননু, তন্ত্রান্তরে ‘গোরসানিক্ষুবিকৃতীঃ’ ইত্যাদিনা যাদৃশ আহারো হেমন্তে দর্শিতস্তাদৃশঃ কিমিতি ন নির্দিষ্টঃ? সত্যং, হেমন্তে সঞ্চীযমানস্য কফস্য শৈত্যাত্ প্রকুপিতস্য বাতস্যোপশমনার্থং সাধারণ এব বিধির্যস্মাদ্যুক্তঃ, অতঃ সাধারণবিধিরত্র নির্দিষ্টো ন তাদৃশ আহারঃ| যদ্যেবং তর্হি তন্ত্রান্তরে তাদৃশ এবাহারঃ কুতো নির্দিষ্ট ইতি চেত্? উচ্যতে- হেমন্তে শীতানিলস্পর্শসংরুদ্ধো বলী বহ্নির্যদি তাদৃশমাহারং ন লভতে তদা ধাতুক্ষযমাবহতি, ধাতুক্ষযাচ্চ তীব্রবাতকোপঃ স্যাদিতি ভযাত্তন্ত্রান্তরে তাদৃশ আহারো দর্শিতঃ| (অথবা যস্মাদ্ধেমন্তে প্রবলাগ্নিত্বাদপথ্যক্ষমো দেহো ভবতি)| কার্তিককুণ্ডোঽমুং পাঠমন্যথা পঠতি, স চাভাবান্ন লিখিতঃ| হেমন্তশিশিরযোস্তুল্যত্বাদ্ধৈমন্তিক এব বিধিঃ শিশিরেঽপি সেব্যঃ; অতঃ শিশিরবিধানং পৃথঙ্গোক্তম্| যত্কেচিদত্র বর্জ্যবিধানং ‘...প্রাগ্বাতং রূক্ষভোজনম্| বাতলানি চ দ্রব্যাণি শীতস্নানং চ বর্জযেত্’ ইতি পঠন্তি; স ত্বনার্ষঃ পাঠঃ, পরম্পরাবিচ্ছেদাস্মরণাত্ সমানতন্ত্রানভিধানাচ্চ||২১-৩১||
Adhikarana 8 (32-39) · Śloka 40
(হেমন্তে নিচিতঃ শ্লেষ্মা শৈত্যাচ্ছীতশরীরিণাম্ | ঔষ্ণ্যাদ্বসন্তে কুপিতঃ কুরুতে চ গদান্ বহূন্ ||৩২|| ততোঽম্লমধুরস্নিগ্ধলবণানি গুরূণি চ | বর্জযেদ্বমনাদীনি কর্মাণ্যপি চ কারযেত্ ||৩৩|| ষষ্টিকান্নং যবাঞ্ছীতান্ মুদ্গান্ নীবারকোদ্রবান্ | লাবাদিবিষ্কিররসৈর্দদ্যাদ্যূষৈশ্চ যুক্তিতঃ ||৩৪|| পটোলনিম্ববার্তাকতিক্তকৈশ্চ হিমাত্যযে | সেবেন্মধ্বাসবারিষ্টান্ সীধুমাধ্বীকমাধবান্ ||৩৫|| ব্যাযামমঞ্জনং ধূমং তীক্ষ্ণং চ কবলগ্রহম্ | সুখাম্বুনা চ সর্বার্থান্ সেবেত কুসুমাগমে) ||৩৬|| তীক্ষ্ণরূক্ষকটুক্ষারকষাযং কোষ্ণমদ্রবম্ | যবমুদ্গমধুপ্রাযং বসন্তে ভোজনং হিতম্ ||৩৭|| ব্যাযমোঽত্র নিযুদ্ধাধ্বশিলানির্ঘাতজো হিতঃ | উত্সাদনং তথা স্নানং বনিতাঃ কাননানি চ ||৩৮|| সেবেত নির্হরেচ্চাপি হেমন্তোপচিতং কফম্ | শিরোবিরেকবমননিরূহকবলাদিভিঃ ||৩৯|| বর্জযেন্মধুরস্নিগ্ধদিবাস্বপ্নগুরুদ্রবান্ |৪০|
(हेमन्ते निचितः श्लेष्मा शैत्याच्छीतशरीरिणाम् | औष्ण्याद्वसन्ते कुपितः कुरुते च गदान् बहून् ||३२|| ततोऽम्लमधुरस्निग्धलवणानि गुरूणि च | वर्जयेद्वमनादीनि कर्माण्यपि च कारयेत् ||३३|| षष्टिकान्नं यवाञ्छीतान् मुद्गान् नीवारकोद्रवान् | लावादिविष्किररसैर्दद्याद्यूषैश्च युक्तितः ||३४|| पटोलनिम्बवार्ताकतिक्तकैश्च हिमात्यये | सेवेन्मध्वासवारिष्टान् सीधुमाध्वीकमाधवान् ||३५|| व्यायाममञ्जनं धूमं तीक्ष्णं च कवलग्रहम् | सुखाम्बुना च सर्वार्थान् सेवेत कुसुमागमे) ||३६|| तीक्ष्णरूक्षकटुक्षारकषायं कोष्णमद्रवम् | यवमुद्गमधुप्रायं वसन्ते भोजनं हितम् ||३७|| व्यायमोऽत्र नियुद्धाध्वशिलानिर्घातजो हितः | उत्सादनं तथा स्नानं वनिताः काननानि च ||३८|| सेवेत निर्हरेच्चापि हेमन्तोपचितं कफम् | शिरोविरेकवमननिरूहकवलादिभिः ||३९|| वर्जयेन्मधुरस्निग्धदिवास्वप्नगुरुद्रवान् |४०|
🔊 Audio coming soon
বসন্তবিধিমাহ- ঔষ্ণ্যাদিত্যাদি| কোষ্ণম্ ঈষদুষ্ণম্| অদ্রবং দ্রবরহিতম্| যবমুদ্গমধুপ্রাযং যবাদিবহুলম্| ব্যাযামঃ শরীরাযাসজনকং কর্ম| অত্র বসন্তে| নিযুদ্ধাদিকং ব্যাযাম ইত্যেতস্য বিবরণম্| নিযুদ্ধং বাহুযুদ্ধম্, অধ্বা মার্গগমনং, শিলানির্ঘাতঃ পাষাণাস্ফালনম্| উত্সাদনম্ উদ্বর্তনম্| বনিতাঃ স্ত্রিযঃ| সংশমনমভিধায সংশোধনমাহ- নির্হরেচ্চাপীত্যাদি| শিরোবিরেকঃ নস্যম্| যদ্যপি বাহুল্যেন বাতে নিরূহোঽভিহিতঃ, তথাঽপি সর্বদোষহরত্বাত্ কফেঽপি যোজ্যঃ| তথা চ, - “বস্তির্বাতে চ পিত্তে চ কফে রক্তে চ শস্যতে” ইত্যাদি| কবলো গণ্ডূষভেদঃ| বর্জ্যমাহ- বর্জযেদিত্যাদি| মধুরাদিবর্জনম্ উত্ক্লেশপরিহারার্থম্| কেচিদত্র ‘হেমন্তে নিচিতঃ শ্লেষ্মা’ ইত্যাদিকং পাঠং পঠন্তি, স চ গ্রন্থগৌরবভযাত্ পরিত্যক্তঃ||৩২-৩৯||-
Adhikarana 9 (40) · Śloka 41
ব্যাযামমুষ্ণমাযাসং মৈথুনং পরিশোষি চ ||৪০|| রসাংশ্চাগ্নিগুণোদ্রিক্তান্ নিদাঘে পরিবর্জযেত্ |৪১|
व्यायाममुष्णमायासं मैथुनं परिशोषि च ||४०|| रसांश्चाग्निगुणोद्रिक्तान् निदाघे परिवर्जयेत् |४१|
🔊 Audio coming soon
যস্মাদ্গ্রীষ্মে ব্যাযামাদিসেবনাত্তীব্রতরা রোগা ভবন্ত্যতো ব্যাযামাদিসেবাং ত্যজেদিতি প্রতিপাদনার্থং গ্রৈষ্মং বিধিং বিবক্ষুরাদৌ বর্জনীযানাহ- ব্যাযামমিত্যাদি| তত্রাযাসস্যাল্পক্লেশতযা ব্যযামতো ভেদঃ| উষ্ণম্ আতপাদিকম্| মৈথুনমিতি যদ্যপি পূর্বমনাগতাবাধে গ্রীষ্মকালে পক্ষান্মৈথুনমুক্তং, তথাঽপ্যত্র যত্তস্য সর্বথা নিষেধাভিধানং তদ্গ্রীষ্মস্যাতিরূক্ষতাপ্রতিপাদনার্থম্| পরিশোষি শোষণাত্মকম্ | অগ্নিগুণোদ্রিক্তা রসাঃ কট্বম্ললবণাঃ||৪০||
Adhikarana 10 (41-45) · Śloka 46
সরাংসি সরিতো বাপীর্বনানি রুচিরাণি চ ||৪১|| চন্দনানি পরার্ধ্যানি স্রজঃ সকমলোত্পলাঃ | তালবৃন্তানিলাহারাংস্তথা শীতগৃহাণি চ ||৪২|| ঘর্মকালে নিষেবেত বাসাংসি সুলঘূনি চ | শর্করাখণ্ডদিগ্ধানি সুগন্ধীনি হিমানি চ ||৪৩|| পানকানি চ সেবেত মন্থাংশ্চাপি সশর্করান্ | ভোজনং চ হিতং শীতং সঘৃতং মধুরদ্রবম্ ||৪৪|| শৃতেন পযসা রাত্রৌ শর্করামধুরেণ চ | প্রত্যগ্রকুসুমাকীর্ণে শযনে হর্ম্যসংস্থিতে ||৪৫|| শযীত চন্দনার্দ্রাঙ্গঃ স্পৃশ্যমানোঽনিলৈঃ সুখৈঃ |৪৬|
सरांसि सरितो वापीर्वनानि रुचिराणि च ||४१|| चन्दनानि परार्ध्यानि स्रजः सकमलोत्पलाः | तालवृन्तानिलाहारांस्तथा शीतगृहाणि च ||४२|| घर्मकाले निषेवेत वासांसि सुलघूनि च | शर्कराखण्डदिग्धानि सुगन्धीनि हिमानि च ||४३|| पानकानि च सेवेत मन्थांश्चापि सशर्करान् | भोजनं च हितं शीतं सघृतं मधुरद्रवम् ||४४|| शृतेन पयसा रात्रौ शर्करामधुरेण च | प्रत्यग्रकुसुमाकीर्णे शयने हर्म्यसंस्थिते ||४५|| शयीत चन्दनार्द्राङ्गः स्पृश्यमानोऽनिलैः सुखैः |४६|
🔊 Audio coming soon
অতঃপরং সেবনীযানাহ- সরাংসীত্যাদি| সরাংসি অমনুষ্যখাতানি জলাধারাণি, সরিত্ নদী, বাপী পাষাণাদিবদ্ধা সসোপানা স্বল্পা জলাধারিকা| বনানি রুচিরাণীতি সচ্ছাযানি মনোহরাণি কাননানি| পরার্ধ্যানি উত্কৃষ্টানি| তালবৃন্তানিলান্ তালপত্রবিরচিতব্যজনপবনান্| দিগ্ধানি যুক্তানি| সুগন্ধীনি কর্পূরাদিবাসিতানি| হিমানি শীতলানি| পানকানি চেতি চকারান্মদ্যোচিতস্য বহূদকং মদ্যং কেচিদিচ্ছন্তি| মধুরদ্রবো রসালপানকাদির্যত্র ভোজনে তন্মধুরদ্রবম্| মন্থান্ জলঘৃতাক্তসক্তূন্| শৃতেন পযসা ক্বথিতেন দুগ্ধেন| ভোজনং রাত্রৌ হিতমিত্যুক্তে দিবা মন্থাদিপানমেবেতি গম্যতে| তথা চ তন্ত্রান্তরং- “দিবা পানানি শীতানি হিতং রাত্রৌ চ ভোজনম্| সসর্পিঃশর্করং শীতং শৃতেন পযসা যুতম্” ইতি| প্রত্যগ্রকুসুমাকীর্ণে ইতি নূতনপুষ্পাস্তৃতে| হর্ম্যসংশ্রিতে ধবলগৃহোপরিস্থিতে| শযীতেত্যত্রাপি রাত্রাবিতি সম্বধ্যতে; তেন রাত্রৌ হর্ম্যপৃষ্ঠে শযীত, দিবা তু শীতগৃহে| তথা চ তন্ত্রান্তরম্- ‘দিবা শীতগৃহে নিদ্রাং নিশি চন্দ্রাংশুশীতলে| ভজেচ্চন্দনদিগ্ধাঙ্গঃ প্রবাতে হর্ম্যমস্তকে’ (চ. সূ. ৬) ইতি| সুখৈঃ সুখোত্পাদকৈঃ| অত্র কেচিদ্বহূনি পাঠান্তরাণি মন্যন্তে; তানি তু বিস্তরভযান্ন লিখিতানি||৪১-৪৫||-
Adhikarana 11 (46-54) · Śloka 55
তাপাত্যযে হিতা নিত্যং রসা যে গুরবস্ত্রযঃ ||৪৬|| পযো মাংসরসাঃ কোষ্ণাস্তৈলানি চ ঘৃতানি চ | বৃংহণং চাপি যত্কিঞ্চিদভিষ্যন্দি তথৈব চ ||৪৭|| নিদাঘোপচিতং চৈব প্রকুপ্যন্তং সমীরণম্ | নিহন্যাদনিলঘ্নেন বিধিনা বিধিকোবিদঃ ||৪৮|| নদীজলং রূক্ষমুষ্ণমুদমন্থং তথাঽঽতপম্ | ব্যাযামং চ দিবাস্বপ্নং ব্যবাযং চাত্র বর্জযেত্ ||৪৯|| নবান্নরূক্ষশীতাম্বুসক্তূংশ্চাপি বিবর্জযেত্ | যবষষ্টিকগোধূমান্ শালীংশ্চাপ্যনবাংস্তথা ||৫০|| হর্ম্যমধ্যে নিবাতে চ ভজেচ্ছয্যাং মৃদূত্তরাম্ | সবিষপ্রাণিবিণ্মূত্রলালাদিষ্ঠীবনাদিভিঃ ||৫১|| সমাপ্লুতং তদা তোযমান্তরীক্ষং বিষোপমম্ | বাযুনা বিষদুষ্টেন প্রাবৃষেণ্যেন দূষিতম্ ||৫২|| তদ্ধি সর্বোপযোগেষু তস্মিন্ কালে বিবর্জযেত্ | অরিষ্টাসবমৈরেযান্ সোপদংশাংস্তু যুক্তিতঃ ||৫৩|| পিবেত্ প্রাবৃষি জীর্ণাংস্তু রাত্রৌ তানপি বর্জযেত্ | নিরূহৈর্বস্তিভিশ্চান্যৈস্তভাঽন্যৈর্মারুতাপহৈঃ ||৫৪|| কুপিতং শমযেদ্বাযুং বার্ষিকং চাচরেদ্বিধিম্ |৫৫|
तापात्यये हिता नित्यं रसा ये गुरवस्त्रयः ||४६|| पयो मांसरसाः कोष्णास्तैलानि च घृतानि च | बृंहणं चापि यत्किञ्चिदभिष्यन्दि तथैव च ||४७|| निदाघोपचितं चैव प्रकुप्यन्तं समीरणम् | निहन्यादनिलघ्नेन विधिना विधिकोविदः ||४८|| नदीजलं रूक्षमुष्णमुदमन्थं तथाऽऽतपम् | व्यायामं च दिवास्वप्नं व्यवायं चात्र वर्जयेत् ||४९|| नवान्नरूक्षशीताम्बुसक्तूंश्चापि विवर्जयेत् | यवषष्टिकगोधूमान् शालींश्चाप्यनवांस्तथा ||५०|| हर्म्यमध्ये निवाते च भजेच्छय्यां मृदूत्तराम् | सविषप्राणिविण्मूत्रलालादिष्ठीवनादिभिः ||५१|| समाप्लुतं तदा तोयमान्तरीक्षं विषोपमम् | वायुना विषदुष्टेन प्रावृषेण्येन दूषितम् ||५२|| तद्धि सर्वोपयोगेषु तस्मिन् काले विवर्जयेत् | अरिष्टासवमैरेयान् सोपदंशांस्तु युक्तितः ||५३|| पिबेत् प्रावृषि जीर्णांस्तु रात्रौ तानपि वर्जयेत् | निरूहैर्बस्तिभिश्चान्यैस्तभाऽन्यैर्मारुतापहैः ||५४|| कुपितं शमयेद्वायुं वार्षिकं चाचरेद्विधिम् |५५|
🔊 Audio coming soon
এবং নৈদাঘং বিধিমুপদিশ্যাধুনা প্রাবৃষেণ্যং ব্রবীতি- তাপাত্যয ইত্যাদি| গুরবস্ত্রযো রসা মধুরাম্ললবণাঃ| বৃংহণং চাপি যত্কিঞ্চিদভিষ্যন্দি তথৈব চেতি আদানকর্শিতস্যপ্যাযনার্থম্| যদ্যপি মধুরত্বেনৈব পযঃপ্রভৃতিকং প্রাপ্তং তথাঽপি তেষামুপাদানমত্যন্তহিতত্বাপাদনার্থম্| বৃংহণং চাত্যর্থকর্শিতস্যোপচযার্থম্| যত্ কিঞ্চিদিতি তৃপ্তিজনকম্| নিদাঘোপচিতং গ্রীষ্মকালসঞ্চিতং, প্রকুপ্যন্তং প্রকোপং গচ্ছন্তং, সমীরণং বাতম্| অনিলঘ্নেন বিধিনা স্নেহস্বেদাদিনা| বিধিকোবিদো বিধানপণ্ডিতঃ| অত্রাপি কেচিত্ পাঠান্তরং পঠন্তি, তদপি গ্রন্থগৌরবভযাত্ত্যক্তম্| ননু, বর্ষাহেমন্তগ্রীষ্মেষু দোষসঞ্চয এব বমনাদিনা সংশোধনং নিষেবতঃ শরদ্বসন্তপ্রাবৃট্সু দোষপ্রকোপ এব নাস্তি, কুতস্তত্রোক্তো বিধিঃ সার্থকঃ, তথা চান্যত্রাপ্যুক্তং, - ‘সঞ্চযেঽপহৃতা দোষা লভন্তে নোত্তরা গতীঃ’- ইতি| নৈবং, হেত্বন্তরবশাদ্যত্র সঞ্চযপূর্বকঃ প্রকোপস্তত্র প্রতিদোষপ্রকোপং সঞ্চয এব বিধিঃ সংশোধনাখ্য উক্তঃ; যস্তু সঞ্চযো যথর্তুবিধিসেবিনঃ, তত্র স্বস্থবৃত্তবিধিনা সংশমনং কার্যম্||৪৬-৫৪||-
Adhikarana 12 (55) · Śloka 56
ঋতাবৃতৌ য এতেন বিধিনা বর্ততে নরঃ ||৫৫|| ঘোরানৃতুকৃতান্ রোগান্নাপ্নোতি স কদাচন |৫৬|
ऋतावृतौ य एतेन विधिना वर्तते नरः ||५५|| घोरानृतुकृतान् रोगान्नाप्नोति स कदाचन |५६|
🔊 Audio coming soon
এবমার্তববিধিমভিধাযেদানীং তমনুসরতো মানবস্য স্বাস্থ্যলাভমাহ- ঋতাবৃতাবিত্যাদি| এতেন অনন্তরোক্তেন| ঋতুকৃতানিতি ঋতুকৃতশীতোষ্ণাদিভিঃ কৃতান্| রোগান্ জ্বরাদিকান্| কার্তিকস্ত ‘দোষান্’ ইতি পঠিত্বা দোষান্ বাতাদীন্ বিকৃতানিতি ব্যাখ্যানযতি| অন্যে তু ব্যাখ্যানযন্তি- ঋতকৃতানিতি কৃতশব্দস্যাদৌ বিশব্দৌ লুপ্তো দ্রষ্টব্যঃ, তেন ঋতুবিকৃতিকৃতান্ বাতাদিদোষান্নাপ্নুযাদিত্যর্থঃ||৫৫|-
Adhikarana 13 (56) · Śloka 56
অত ঊর্ধ্বং দ্বাদশাশনপ্রবিচারান্ বক্ষ্যামঃ | তত্র শীতোষ্ণস্নিগ্ধরূক্ষদ্রবশুষ্কৈককালিকদ্বিকালিকৌষধযুক্তমাত্রাহীনদোষপ্রশমনবৃত্ত্যর্থাঃ ||৫৬||
अत ऊर्ध्वं द्वादशाशनप्रविचारान् वक्ष्यामः | तत्र शीतोष्णस्निग्धरूक्षद्रवशुष्कैककालिकद्विकालिकौषधयुक्तमात्राहीनदोषप्रशमनवृत्त्यर्थाः ||५६||
🔊 Audio coming soon
অতঃ পরমশনপ্রবিচারান্ বিবক্ষুরাহ- অত ঊর্ধ্বমিত্যাদি| অশনং ভোজনং, বিচারোঽত্র পৃথগ্ভাবঃ| ননু , দ্বাদশাশনপ্রবিচারস্য রোগবিষযত্বাত্ স্বস্থবৃত্তেঽশনপ্রবিভাগবিধানমযুক্তং? উচ্যতে- স্বস্থেঽপি বযঃপ্রকৃতিভেদেন সাত্ম্যাসাত্ম্যতযা চাহারপ্রবিচারস্যৌচিত্যাত্| তানেব দ্বাদশাশনপ্রবিভাগানাহ- তত্রেত্যদি| তত্র তেষু দ্বাদশাশনপ্রবিভাগেষু, শীতাদযো দ্বাদশবিধা আহারা অপি বৃত্ত্যর্থাঃ||৫৬||
Adhikarana 14 (57) · Śloka 57
তৃষ্ণোষ্ণমদদাহার্তান্ রক্তপিত্তবিষাতুরান্ | মূর্চ্ছার্তান্ স্ত্রীষু চ ক্ষীণান্ শীতৈরন্নৈরুপাচরেত্ ||৫৭||
तृष्णोष्णमददाहार्तान् रक्तपित्तविषातुरान् | मूर्च्छार्तान् स्त्रीषु च क्षीणान् शीतैरन्नैरुपाचरेत् ||५७||
🔊 Audio coming soon
স্বস্থবৃত্তাধিকারে শীতাদীনামাহারাণাং ক্রমেণ বিষযানাহ- (শীতাহারবিষযমাহ)- তৃষ্ণেত্যাদি| শীতৈরিতি তৃষ্ণাদিক্ষীণান্তৈঃ প্রত্যেকং সম্বধ্যতে; তৃষ্ণাদিপীডিতান্ নরান্ শীতস্পর্শৈঃ শীতবীর্যৈশ্চান্নপানৈরুপাচরেদিত্যর্থঃ| মদো মদ্যশোণিতোত্থো বিকারঃ| অন্নৈরিতি বহুবচনেন পানস্যাপি স্বীকারঃ||৫৭||
Adhikarana 15 (58) · Śloka 58
কফবাতামযাবিষ্টান্ বিরিক্তান্ স্নেহপাযিনঃ | অক্লিন্নকাযাংশ্চ নরানুষ্ণৈরন্নৈরুপাচরেত্ ||৫৮||
कफवातामयाविष्टान् विरिक्तान् स्नेहपायिनः | अक्लिन्नकायांश्च नरानुष्णैरन्नैरुपाचरेत् ||५८||
🔊 Audio coming soon
অষ্ণাহারবিষযমাহ- কফেত্যাদি| কফবাতামযাবিষ্টানিতি কফবাতরোগাক্রান্তান্| অক্লিন্নকাযানিতি ক্লেদরহিতশরীরান্||৫৮||
Adhikarana 16 (59) · Śloka 59
বাতিকান্ রূক্ষদেহাংশ্চ ব্যবাযোপহতাংস্তথা | ব্যাযামিনশ্চাপি নরান্ স্নিগ্ধৈরন্নৈরুপাচরেত্ ||৫৯||
वातिकान् रूक्षदेहांश्च व्यवायोपहतांस्तथा | व्यायामिनश्चापि नरान् स्निग्धैरन्नैरुपाचरेत् ||५९||
🔊 Audio coming soon
স্নিগ্ধাহারবিষযমাহ- বাতিকানিত্যাদি| বাতিকানিতি বাতপ্রকৃতীন্| বাতিকানামেব রূক্ষদেহত্বাদ্ বাতিকানিত্যেতাবতৈব রূক্ষদেহানিতি সিদ্ধং, বিশেষেণাভিধানমবাতিকানামপি নিমিত্ততো রূক্ষদেহতাপন্নানাং স্নিগ্ধান্নেনোপচরণার্থম্||৫৯||
Adhikarana 17 (60) · Śloka 60
মেদসাঽভিপরীতাংস্তু স্নিগ্ধান্মেহাতুরানপি | কফাভিপন্নদেহাংশ্চ রূক্ষৈরন্নৈরুপাচরেত্ ||৬০||
मेदसाऽभिपरीतांस्तु स्निग्धान्मेहातुरानपि | कफाभिपन्नदेहांश्च रूक्षैरन्नैरुपाचरेत् ||६०||
🔊 Audio coming soon
রূক্ষভোজনবিষযমাহ- মেদসাঽভিপরীতানিত্যাদি| মেদসাঽভিপরীতানিতি মেদোব্যাপ্তশরীরানিত্যর্থঃ| কফাভিপন্নদেহান্ কফব্যাপ্তশরীরান্| স্নিগ্ধানিতি স্নিগ্ধশরীরান্| কার্তিকস্ত স্নিগ্ধানিত্যত্র স্থূলানিতি পঠিত্বা ব্যাখ্যানযতি- মেদসাঽভিপরীতানিত্যুক্তে স্থূলানিতি লব্ধে তদভিধানং মেদোদুষ্টিভ্যো বিশেষেণ স্থাল্যে রূক্ষভোজনপ্রতিপাদনার্থম্||৬০||
Adhikarana 18 (61) · Śloka 61
শুষ্কদেহান্ পিপাসার্তান্ দুর্বলানপি চ দ্রবৈঃ |৬১|
शुष्कदेहान् पिपासार्तान् दुर्बलानपि च द्रवैः |६१|
🔊 Audio coming soon
দ্রবভোজনবিষযমাহ- শুষ্কদেহানিত্যাদি| শুষ্কদেহাদিকান্ দ্রববহুলৈরন্নৈরুপাচরেত্|৬১|-
Adhikarana 19 (61) · Śloka 61
প্রক্লিন্নকাযান্ ব্রণিনঃ শুষ্কৈর্মেহিন এব চ ||৬১||
प्रक्लिन्नकायान् व्रणिनः शुष्कैर्मेहिन एव च ||६१||
🔊 Audio coming soon
শুষ্কাহারবিষযমাহ- প্রক্লিন্নেত্যাদি| প্রক্লিন্নকাযানিতি কুষ্ঠিপ্রভৃতীন্ কুথিতশরীরন্| ব্রণিন ইতি ক্লিন্নব্রণযুক্তান্| ব্রণিতোপাসনীযে ব্রণিনো দ্রবোত্তরমশনমুক্তং, তদক্লিন্নশুদ্ধব্রণবিষযম্| যদা প্রক্লিন্নকাযানিতি ব্রণিন ইত্যস্য বিশেষণং তদ অব্রণানাং ক্লিন্নকাযানাং শুষ্কান্নৈরুপচরণং ন স্যাত্, ন চ তথেষ্যতে, তস্মান্নৈবং বিশেষণম্; অত্র তু সক্লেদত্বাচ্ছুষ্কং ব্যবস্থিতমিতি||৬১||
Adhikarana 20 (62) · Śloka 62
এককালং ভবেদ্দেযো দুর্বলাগ্নিবিবৃদ্ধযে |৬২|
एककालं भवेद्देयो दुर्बलाग्निविवृद्धये |६२|
🔊 Audio coming soon
এককালমিত্যাদি| এককালমপি হীনমাত্র এব আহারো দাতব্যঃ, বক্ষ্যমাণবাক্যাত্| ‘দুর্বলাগ্নিবিবৃদ্ধযে’ ইত্যত্র ‘দুর্বলাযাগ্নিবৃদ্ধযে’ ইতি কেচিত্ পঠন্তি| তত্র দুর্বলশব্দেনৈব দেহদৌর্বল্যাদগ্নিদৌর্বল্যমিচ্ছন্তি|৬২|-
Adhikarana 21 (62) · Śloka 62
সমাগ্নযে তথাঽঽহারো দ্বিকালমপি পূজিতঃ ||৬২||
समाग्नये तथाऽऽहारो द्विकालमपि पूजितः ||६२||
🔊 Audio coming soon
সমাগ্নয ইত্যাদি| ন কেবলং দ্বিকালমপি তু ‘অন্নেন কুক্ষের্দ্বাবংশৌ’ ইত্যাদ্যুক্তমাত্রান্বিতোঽপীত্যশব্দেন সমুচ্চীযতে||৬২||
Adhikarana 22 (63) · Śloka 63
ঔষধদ্বেষিণে দেযস্তথৌষধসমাযুতঃ |৬৩|
औषधद्वेषिणे देयस्तथौषधसमायुतः |६३|
🔊 Audio coming soon
ঔষধদ্বেষিণ ইত্যাদি| ঔষধসমাযুতঃ ‘আহার’ ইতি শেষঃ|৬৩|-
Adhikarana 23 (63) · Śloka 63
মন্দাগ্নযে রোগিণে চ মাত্রাহীনঃ প্রশস্যতে ||৬৩||
मन्दाग्नये रोगिणे च मात्राहीनः प्रशस्यते ||६३||
🔊 Audio coming soon
হীনমাত্রস্য ভোজনস্য বিষযমাহ- মন্দাগ্নয ইত্যাদি| মন্দানলায রোগযুক্তায চ মাত্রাহীন আহারো দেযঃ; পরমেককালমেব, পূর্ববাক্যাত্||৬৩||
Adhikarana 24 (64) · Śloka 64
যথর্তুদত্তস্ত্বাহারো দোষপ্রশমনঃ স্মৃতঃ |৬৪|
यथर्तुदत्तस्त्वाहारो दोषप्रशमनः स्मृतः |६४|
🔊 Audio coming soon
যথার্ত্বিত্যাদি| যথর্তুদত্ত ইতি ঋতুং ঋতুং প্রতি যথাভিহিতো যথাপ্রবৃত্ত আহারো দোষপ্রশমনঃ কথিত ইত্যর্থঃ|৬৪|-
Adhikarana 25 (64) · Śloka 64
অতঃ পরং তু স্বস্থানাং বৃত্ত্যর্থং সর্ব এব চ | প্রবিচারানিমানেবং দ্বাদশাত্র প্রযোজযেত্ ||৬৪||
अतः परं तु स्वस्थानां वृत्त्यर्थं सर्व एव च | प्रविचारानिमानेवं द्वादशात्र प्रयोजयेत् ||६४||
🔊 Audio coming soon
অত ইত্যাদি| অতঃ পরমিতি অনন্তরোক্তাদ্দোষপ্রমনাহারাত্ পরমূর্ধ্বম্| বৃত্ত্যর্থমিতি শরীরধারণার্থম্| স্বস্থানামিতি সমধাতূনাং সমদোষপ্রকৃতীনাং চ| সর্ব এবেতি সমসর্বরস আহারঃ স্মৃত ইত্যর্থঃ||৬৪||
Adhikarana 26 (65) · Śloka 65
অত ঊর্ধ্বং দশৌষধকালান্ বক্ষ্যামঃ | তত্রাভক্তং প্রাগ্ভক্তমধোভক্তং মধ্যেভক্তমন্তরাভক্তং সভক্তং সামুদ্গং মুহুর্মুহুর্গ্রাসং গ্রাসান্তরং চেতি দশৌষধকালাঃ ||৬৫||
अत ऊर्ध्वं दशौषधकालान् वक्ष्यामः | तत्राभक्तं प्राग्भक्तमधोभक्तं मध्येभक्तमन्तराभक्तं सभक्तं सामुद्गं मुहुर्मुहुर्ग्रासं ग्रासान्तरं चेति दशौषधकालाः ||६५||
🔊 Audio coming soon
অতো দশৌষধকালান্নির্দিশন্নাহ - অত ঊর্ধ্বমিত্যাদি| তেষ্বৌষধকালেষ্বভক্তাদিকং দশপ্রকারমৌষধং যোজ্যম্| ঔষধকালান্ প্রত্যেকং নির্দিশন্নাহ- তত্রেত্যাদি| ‘অভক্তম্’ ইত্যস্য স্থানে ‘নির্ভক্তম্’ ইত্যন্তে পঠন্তি||৬৫||
Adhikarana 27 (66) · Śloka 66
তত্রাভক্তং তু যত্ কেবলমেবৌষধমুপযুজ্যতে ||৬৬||
तत्राभक्तं तु यत् केवलमेवौषधमुपयुज्यते ||६६||
🔊 Audio coming soon
তত্রাভক্তমিত্যাদেরৌষধকালোদ্দেশস্য প্রপঞ্চমাহ- তত্রাভক্তমিত্যাদি| তত্র তেষ্বভক্তাদিষু মধ্যে যত্ কেবলমন্নরহিতমৌষধমুপযুজ্যতে তদভক্তম্||৬৬||
Adhikarana 28 (67) · Śloka 67
বীর্যাধিকং ভবতি ভেষজমন্নহীনং হন্যাত্তথাঽঽমযমসংশযমাশু চৈব | তদ্বালবৃদ্ধবনিতামৃদবস্তু পীত্বা গ্লানিং পরাং সমুপযান্তি বলক্ষযং চ ||৬৭||
वीर्याधिकं भवति भेषजमन्नहीनं हन्यात्तथाऽऽमयमसंशयमाशु चैव | तद्बालवृद्धवनितामृदवस्तु पीत्वा ग्लानिं परां समुपयान्ति बलक्षयं च ||६७||
🔊 Audio coming soon
অভক্তস্য স্বরূপমভিধায গুণং বিষযং চ প্রতিপাদযন্নাহ- বীর্যাধিকমিত্যাদি| বনিতা স্ত্রী, মৃদবঃ সুকুমারাঃ| বলাদীনামভক্তৌষধনিষেধমভিদধদ্বালাদিভ্য ইতরং তু অভক্তবিষযং বোধযতি| তত্রাভক্তং ত্বিত্যাদিকং ভাষ্যং, বীর্যাধিকমিত্যাদিকা গুণাঃ, বলবৃদ্ধবনিতামৃদুবিপর্যযো বিষযঃ| কার্তিকস্তু সর্বেষামভক্তাদীনাং প্রাগেব স্বরূপমভিধায পশ্চাত্ সর্বেষাং গুণান্ বিষযাংশ্চ প্রতিপাদযতি||৬৭||
Adhikarana 29 (68) · Śloka 68
প্রাগ্ভক্তং নাম যত্ প্রাগ্ভক্তস্যোপযুজ্যতে ||৬৮||
प्राग्भक्तं नाम यत् प्राग्भक्तस्योपयुज्यते ||६८||
🔊 Audio coming soon
প্রাগ্ভক্তস্যেতি ভক্তস্যাদাবিত্যর্থঃ||৬৮||
Adhikarana 30 (69) · Śloka 69
শীঘ্রং বিপাকমুপযাতি বলং ন হিংস্যাদন্নাবৃতং ন চ মুহুর্বদনান্নিরেতি | প্রাগ্ভক্তসেবিতমথৌষধমেতদেব দদ্যাচ্চ বৃদ্ধশিশুভীরুকৃশাঙ্গনাভ্যঃ ||৬৯||
शीघ्रं विपाकमुपयाति बलं न हिंस्यादन्नावृतं न च मुहुर्वदनान्निरेति | प्राग्भक्तसेवितमथौषधमेतदेव दद्याच्च वृद्धशिशुभीरुकृशाङ्गनाभ्यः ||६९||
🔊 Audio coming soon
প্রাগ্ভক্তস্য গুণং বিষযং চাহ শীঘ্রমিত্যাদি| আহারাবৃতত্বান্মুহুর্মুহুর্বারংবারং বক্ত্রাদ্বহির্ন নিরেতি| বিপাকং সুখপরিণামম্| ন চেতি নিরেতীত্যত্র সম্বধ্যতে| বদনাত্ মুখকুহরাত্| নিরেতি নির্গচ্ছতি| ঔষধমেতদেবেতি প্রাগ্ভক্তাখ্যমৌষধম্||৬৯||
Adhikarana 31 (70) · Śloka 70
অধোভক্তং নাম- যদধো ভক্তস্যেতি ||৭০||
अधोभक्तं नाम- यदधो भक्तस्येति ||७०||
🔊 Audio coming soon
অধোভক্তস্য স্বরূপমাহ- অধোভক্তমিত্যাদি| অধোভক্তস্যেতি ভোজনান্ত ইত্যর্থঃ||৭০||
Adhikarana 32 (71) · Śloka 71
মধ্যেভক্তং নাম- যন্মধ্যে ভক্তস্য পীযতে ||৭১||
मध्येभक्तं नाम- यन्मध्ये भक्तस्य पीयते ||७१||
🔊 Audio coming soon
মধ্যেভক্তমাহ- মাধ্যেভক্তমিত্যাদি||৭১||
Adhikarana 33 (72) · Śloka 72
পীতং যদন্নমুপযুজ্য তদূর্ধ্বকাযে হন্যাদ্গদান্ বহুবিধাংশ্চ বলং দদাতি | মধ্যে তু পীতমপহন্ত্যবিসারিভাবাদ্যে মধ্যদেহমভিভূয ভবন্তি রোগাঃ ||৭২||
पीतं यदन्नमुपयुज्य तदूर्ध्वकाये हन्याद्गदान् बहुविधांश्च बलं ददाति | मध्ये तु पीतमपहन्त्यविसारिभावाद्ये मध्यदेहमभिभूय भवन्ति रोगाः ||७२||
🔊 Audio coming soon
অধোভক্তমধ্যেভক্তযোর্গুণমাহ- পীতমিত্যাদি| বলং দদাতীতি ঊর্ধ্বকায এব| মধ্যে তু পীতং ‘ভক্তস্য’ ইতি শেষঃ| অবিসারিভাবাত্ অবিপ্রসরণস্বভাবাত্| মধ্যদেশং কোষ্ঠম্| অভিভূয ব্যাপ্য||৭২||
Adhikarana 34 (73) · Śloka 73
অন্তরাভক্তং নাম - যদন্তরা পীযতে পূর্বাপরযোর্ভক্তযোঃ ||৭৩||
अन्तराभक्तं नाम - यदन्तरा पीयते पूर्वापरयोर्भक्तयोः ||७३||
🔊 Audio coming soon
অন্তরাভক্তমাহ অন্তরাভক্তমিত্যাদি| অন্তরাভক্তং যত্ পূর্বাপরযোর্ভক্তযোরন্তরা মধ্যে পীযতে, পূর্বাপরযোরিতি প্রাতঃসাযন্তনযোর্ভেজনযোরিত্যর্থঃ||৭৩||
Adhikarana 35 (74) · Śloka 74
সভক্তং নাম - যত্ সহ ভক্তেন ||৭৪||
सभक्तं नाम - यत् सह भक्तेन ||७४||
🔊 Audio coming soon
সভক্তমাহ- সভক্তমিত্যাদি| সভক্তং ভক্তেন সহ সাধিতং, ভক্তযুক্তং বা||৭৪||
Adhikarana 36 (75) · Śloka 75
পথ্যং সভক্তমবলাবলযোর্হি নিত্যং তদ্দ্বেষিণামপি তথা শিশুবৃদ্ধযোশ্চ | হৃদ্যং মনোবলকরং ত্বথ দীপনং চ পথ্যং সদা ভবতি চান্তরভক্তকং যত্ ||৭৫||
पथ्यं सभक्तमबलाबलयोर्हि नित्यं तद्द्वेषिणामपि तथा शिशुवृद्धयोश्च | हृद्यं मनोबलकरं त्वथ दीपनं च पथ्यं सदा भवति चान्तरभक्तकं यत् ||७५||
🔊 Audio coming soon
অন্তরাভক্তসভক্তযোর্গুণবিষযাবাহ- হৃদ্যমিত্যাদি| হৃদ্যং হৃদযায হিতম্| মনোবলকরমিতি মনোবলং মনঃসামর্থ্যং, তত্করোতীত্যর্থঃ| অবলাবলযোরিতি স্ত্রীদুর্বলযোরিত্যর্থঃ| তদ্দ্বেষিণামিতি ভেষজদ্বেষিণামিত্যর্থঃ||৭৫||
Adhikarana 37 (76-77) · Śloka 77
সামুদ্গং নাম - যদ্ভক্তস্যাদাবন্তে চ পীযতে ||৭৬|| দোষে দ্বিধা প্রবিসৃতে তু সমুদ্গসঞ্জ্ঞমাদ্যন্তযোর্যদশনস্য নিষেব্যতে তু ||৭৭||
सामुद्गं नाम - यद्भक्तस्यादावन्ते च पीयते ||७६|| दोषे द्विधा प्रविसृते तु समुद्गसञ्ज्ञमाद्यन्तयोर्यदशनस्य निषेव्यते तु ||७७||
🔊 Audio coming soon
সামুদ্গমাহ- সামুদ্গমিত্যাদি| দ্বিধা প্রবিসৃতে ঊর্ধ্বাধঃপ্রসৃতে ইত্যর্থঃ| দোষে সমুদ্গসঞ্জ্ঞং নিষেব্যতে ইতি সম্বন্ধঃ| ননু, সামুদ্গবিবরণে ভক্তস্যাদাবন্তে চেত্যুপাদানাত্ ‘আদ্যন্তযোর্যদশনস্য’ ইতি গতার্থম্? উচ্যতে- চূর্ণকল্কাদীনামপি সমুদ্গসঞ্জ্ঞার্থং পুনরুক্তিঃ, অন্যথাঽনন্তরোক্তস্য ‘পীতং’ ইত্যস্যানুবর্তনাত্ পানস্যৈব সমুদ্গসঞ্জ্ঞা স্যাত্||৭৬-৭৭||
Adhikarana 38 (78-79) · Śloka 79
মুহুর্মুহুর্নাম - সভক্তমভক্তং বা যদৌষধং মুহুর্মুহুরুপযুজ্যতে ||৭৮|| শ্বাসে মুহুর্মুহুরতিপ্রসৃতে চ কাসে হিক্কাবমীষু স বদন্ত্যুপযোজ্যমেতত্ ||৭৯||
मुहुर्मुहुर्नाम - सभक्तमभक्तं वा यदौषधं मुहुर्मुहुरुपयुज्यते ||७८|| श्वासे मुहुर्मुहुरतिप्रसृते च कासे हिक्कावमीषु स वदन्त्युपयोज्यमेतत् ||७९||
🔊 Audio coming soon
মুহুর্মুহুরৌষধমাহ- মুহুর্মুহুরিত্যাদি| মুহুর্মুহুঃ ভক্তসহিতং ভক্তরহিতং বা যদৌষধং বারং বারং প্রযুজ্যতে তন্মুহুর্মুহুরিত্যর্থঃ| মুহুর্মুহুরিত্যেতচ্ছ্বাসকাসাদিষূপযোজ্যম্||৭৮-৭৯||
Adhikarana 39 (80) · Śloka 80
গ্রাসং তু- যত্পিণ্ডব্যামিশ্রম্ ||৮০||
ग्रासं तु- यत्पिण्डव्यामिश्रम् ||८०||
🔊 Audio coming soon
গ্রাসমাহ- পিণ্ডব্যামিশ্রমিতি কবলব্যামিশ্রমিত্যর্থঃ| তন্ত্রান্তরদর্শনাত্ গ্রাসং গ্রাসমিতি বোদ্ধব্যম্||৮০||
Adhikarana 40 (81) · Śloka 81
গ্রাসান্তরং তু যদ্গ্রাসান্তরেষু ||৮১||
ग्रासान्तरं तु यद्ग्रासान्तरेषु ||८१||
🔊 Audio coming soon
গ্রাসান্তরমাহ- গ্রাসান্তরেষ্বিতি কবলান্তরেষ্বিত্যর্থঃ||৮১||
Adhikarana 41 (82) · Śloka 82
গ্রাসেষু চূর্ণমবলাগ্নিষু দীপনীযং বাজীকরাণ্যপি তু যোজযিতুং যতেত | গ্রাসান্তরেষু বিতরেদ্বমনীযধূমান্ শ্বাসাদিষু প্রথিতদৃষ্টগুণাংশ্চ লেহান্ ||৮২||
ग्रासेषु चूर्णमबलाग्निषु दीपनीयं वाजीकराण्यपि तु योजयितुं यतेत | ग्रासान्तरेषु वितरेद्वमनीयधूमान् श्वासादिषु प्रथितदृष्टगुणांश्च लेहान् ||८२||
🔊 Audio coming soon
অনযোর্বিষযমাহ- গ্রাসেষ্বিত্যাদি| অবলাগ্নিষু দুর্বলাগ্নিষু| বমনীযধূমানিতি স্নাযুচর্মখুরপ্রভৃতিভিঃ কৃতান্||৮২||
Adhikarana 42 (83) · Śloka 83
এবমেতে দশৌষধকালাঃ ||৮৩||
एवमेते दशौषधकालाः ||८३||
🔊 Audio coming soon
সাম্প্রতং সঙ্গ্রহমাহ- এবমিত্যাদি||৮৩||
Adhikarana 43 (84) · Śloka 84
বিসৃষ্টে বিণ্মূত্রে বিশদকরণে দেহে চ সুলঘৌ বিশুদ্ধে চোদ্গারে হৃদি সুবিমলে বাতে চ সরতি | তথাঽন্নশ্রদ্ধাযাং ক্লমপরিগমে কুক্ষৌ চ শিথিলে প্রদেযস্ত্বাহারো ভবতি ভিষজাং কালঃ স তু মতঃ ||৮৪||
विसृष्टे विण्मूत्रे विशदकरणे देहे च सुलघौ विशुद्धे चोद्गारे हृदि सुविमले वाते च सरति | तथाऽन्नश्रद्धायां क्लमपरिगमे कुक्षौ च शिथिले प्रदेयस्त्वाहारो भवति भिषजां कालः स तु मतः ||८४||
🔊 Audio coming soon
এবমৌষধকালান্ প্রদর্শ্যাঽধুনাঽঽহারস্য শ্রেযস্করত্বাত্তত্কালমাহ- বিসৃষ্টে ইত্যাদি| (প্রত্যর্তুবিহিতাহারো হি কালোপযুক্তঃ সুখত্বায সম্পদ্যতে, অতস্তত্কালং নিযমযন্নাহ বিসৃষ্টে ইত্যাদি|) বিসৃষ্টে বিণ্মূত্রে ইতি প্রবৃতে বিণ্মূত্রে| বিশদকরণে ইতি বিশদানি করণানি যস্মিন্ দেহে স বিশদকরণঃ তস্মিন্, বিশদেন্দ্রিযে ইত্যর্থঃ| দেহে সুলঘাবিতি শরীরে গুরুত্বরহিতে ইত্যর্থঃ| বিশুদ্ধে চোদ্গারে ইতি মধুরাম্লধূমগন্ধিবিযুক্তে ইত্যর্থঃ| হৃদি সুবিমলে ইতি নিরাকুলে হৃদযে ইত্যর্থঃ| বাতে সরতীতি অধঃ প্রবহতি বাতে ইত্যর্থঃ| অন্নশ্রদ্ধাযাং ভক্তাকাঙ্ক্ষাযামিত্যর্থঃ| ক্লমপরিগমে ইতি অনাযাসশ্রমরহিতে ইত্যর্থঃ| কুক্ষৌ চ শিথিলে ইতি বুভুক্ষোদযাত্ স্রস্তে কুক্ষৌ স্তব্ধতারহিতে ইত্যর্থঃ| আহারো দাতব্যো ভবতি ভিষজা বৈদ্যেন, যতঃ কালঃ স তু মতঃ স এব মত ইত্যর্থঃ| তু শব্দোঽত্র অবধারণার্থঃ| ভিষগ্গ্রহণং বৈদ্যপ্রত্যবেক্ষিতস্যাহারস্য ভোজ্যত্বপ্রতিপাদনার্থম্||৮৪||
Adhikarana puShpikA · Śloka 64
ইতি সুশ্রুতসংহিতাযামুত্তরতন্ত্রে তন্ত্রভূষণাধ্যাযেষু স্বস্ববৃত্তাধ্যাযো নাম(দ্বিতীযোঽধ্যাযঃ, আদিতঃ) চতুঃষষ্টিতমোঽধ্যাযঃ ||৬৪||
इति सुश्रुतसंहितायामुत्तरतन्त्रे तन्त्रभूषणाध्यायेषु स्वस्ववृत्ताध्यायो नाम(द्वितीयोऽध्यायः, आदितः) चतुःषष्टितमोऽध्यायः ||६४||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যামুত্তরতন্ত্রে চতুঃষষ্টিতমোঽধ্যাযঃ||৬৪||