Adhikarana 1 (1-2) · Śloka 2
অথাতস্তৃষ্ণাপ্রতিষেধমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातस्तृष्णाप्रतिषेधमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
পানাত্যযপ্রতিষেধানন্তরং মদ্যহেতুত্বাত্তুল্যচিকিত্সিতত্বাচ্চ তৃষ্ণাপ্রতিষেধারম্ভো যুক্ত ইত্যত আহ- অথাত ইত্যাদি||১-২||
Adhikarana 2 (3) · Śloka 3
সততং যঃ পিবেদ্বারি ন তৃপ্তিমধিগচ্ছতি | পুনঃ কাঙ্ক্ষতি তোযং চ তং তৃষ্ণার্দিতমাদিশেত্ ||৩||
सततं यः पिबेद्वारि न तृप्तिमधिगच्छति | पुनः काङ्क्षति तोयं च तं तृष्णार्दितमादिशेत् ||३||
🔊 Audio coming soon
তৃষ্ণারোগস্বরূপকথনায যাদৃশস্তৃষ্ণার্দিতো ভবতি তাদৃশমাহ- সততং য ইত্যাদি| নাধিগচ্ছতি ন প্রাপ্নোতি||৩||
Adhikarana 3 (4-5) · Śloka 5
সঙ্ক্ষোভশোকশ্রমমদ্যপানাদ্রূক্ষাম্লশুষ্কোষ্ণকটূপযোগাত্ | ধাতুক্ষযাল্লঙ্ঘনসূর্যতাপাত্ পিত্তং চ বাতশ্চ ভৃশং প্রবৃদ্ধৌ ||৪|| স্রোতাংসি সন্দূষযতঃ সমেতৌ যান্যম্বুবাহীনি শরীরিণাং হি | স্রোতঃস্বপাংবাহিষু দূষিতেষু জাযেত তৃষ্ণাঽতিবলা ততস্তু ||৫||
सङ्क्षोभशोकश्रममद्यपानाद्रूक्षाम्लशुष्कोष्णकटूपयोगात् | धातुक्षयाल्लङ्घनसूर्यतापात् पित्तं च वातश्च भृशं प्रवृद्धौ ||४|| स्रोतांसि सन्दूषयतः समेतौ यान्यम्बुवाहीनि शरीरिणां हि | स्रोतःस्वपांवाहिषु दूषितेषु जायेत तृष्णाऽतिबला ततस्तु ||५||
🔊 Audio coming soon
তৃষ্ণাযা হেতুসম্প্রাপ্তী আহ- সঙ্ক্ষোভশোকশ্রমেত্যাদি| সঙ্ক্ষোভঃ অত্যর্থচলনম্| শ্রম আযাসজঃ স্বে(খে)দঃ| সমেতৌ মিলিতৌ| অম্বুবাহীনি স্রোতাংসি জিহ্বাগলতালুক্লোমজানি রসবাহিন্যশ্চ ধমন্যঃ| অতিবলা অতিশযেন বলযুক্তা তৃষ্ণা| সঙ্ক্ষোভেত্যাদিকঃ সূর্যতাপান্তো হেতুঃ, ‘পিত্তং চ বাতশ্চ ভৃশম্’ ইত্যাদিকা ‘জাযেত তৃষ্ণাঽতিবলা ততস্তু’ ইত্যন্তা সম্প্রাপ্তিঃ||৪-৫||
Adhikarana 4 (6) · Śloka 6
তিস্রঃ স্মৃতাস্তাঃ ক্ষতজা চতুর্থী ক্ষযাত্তথাঽন্যাঽঽমসমুদ্ভবা চ | স্যাত্ সপ্তমী ভক্তনিমিত্তজা তু নিবোধ লিঙ্গান্যনুপূর্বশস্তু ||৬||
तिस्रः स्मृतास्ताः क्षतजा चतुर्थी क्षयात्तथाऽन्याऽऽमसमुद्भवा च | स्यात् सप्तमी भक्तनिमित्तजा तु निबोध लिङ्गान्यनुपूर्वशस्तु ||६||
🔊 Audio coming soon
তৃষ্ণাসঙ্খ্যামাহ- তিস্র ইত্যাদি| তিস্র ইতি বাতপিত্তকফৈঃ| যদ্যপি কফস্য স্তৈমিত্যাত্তৃষ্ণাজনকত্বং ন সম্ভবতি, তথাঽপি বৃদ্ধঃ শ্লেষ্মা যদা বাতং পিত্তেন সহ আবৃণোতি তদা তাভ্যাং সংশোষ্যমাণস্তৃষ্ণাং জনযতি| তা ইতি তৃষ্ণাঃ| ক্ষতজা ব্রণনিমিত্তা| চতুর্থীতি চতুর্থগ্রহণাদাদ্যানাং চতসৃণাং তৃষ্ণানাং সুখসাধ্যত্বং রসক্ষযামসমুদ্ভবযোর্দুঃসাধ্যত্বং চ বোধযতি| ক্ষযাত্ রসক্ষযাত্, ‘রসক্ষযাদ্যা ক্ষযসম্ভবা সা’ ইতি বক্ষ্যমাণবচনাত্| অন্যা অপরা| আমসমুদ্ভবা অজীর্ণজা| ভুক্তনিমিত্তজা চেতি স্নিগ্ধাদিভোজননিমিত্তা| যদ্যপি তন্ত্রান্তরে পঞ্চৈব তৃষ্ণা নির্দিষ্টাঃ, তথাঽপ্যত্র নিদানভেদেন চিকিত্সাভেদাত্ সপ্ত নির্দিষ্টাঃ| যা চ স্বভাবজা তস্যা অত্রানধিকারঃ, স্বস্থোজস্করচিকিত্সিতবিষযত্বাত্; যা চ বুভুক্ষাপ্রভবা সা জ্বরাধিকারে সম্যগ্লঙ্ঘনলক্ষণত্বেনোক্তা, তস্যা অপ্যনধিকারত্বেনাগণনং; যা চ পিত্তজ্বরলিঙ্গত্বেন কথিতা সা পৈত্তিকাযামবরুদ্ধা যা চ পানজা সা ক্ষযজাযামবরুদ্ধেতি; অতো ন সঙ্খ্যাতিরেকঃ| নিবোধ জানীহি| অনুপূর্বশঃ যথাক্রমেণ| কেচিত্ ‘লিঙ্গানি তাসাং শৃণু সৌষধানি’ ইতি পঠন্তি||৬||
Adhikarana 5 (7) · Śloka 7
তাল্বোষ্ঠকণ্ঠাস্যবিশোষদাহাঃ সন্তাপমোহভ্রমবিপ্রলাপাঃ | পূর্বাণি রূপাণি ভবন্তি তাসামুত্পত্তিকালেষু বিশেষতস্তু ||৭||
ताल्वोष्ठकण्ठास्यविशोषदाहाः सन्तापमोहभ्रमविप्रलापाः | पूर्वाणि रूपाणि भवन्ति तासामुत्पत्तिकालेषु विशेषतस्तु ||७||
🔊 Audio coming soon
তৃষ্ণাযাঃ পূর্বরূপমাহ- তাল্বোষ্ঠকণ্ঠাস্যেত্যাদি| বিশোষদাহা ইতি তাল্বাদিভিঃ সহ প্রত্যেকং সম্বধ্যতে| বিশোষো বিশেষেণ শোষঃ| সন্তাপো ঘর্মাদিভিরিব| মোহো বৈচিত্ত্যম্| বিপ্রলাপো বিবিধপ্রকারেণ ভাষণম্| তাসাং তৃষ্ণানাম্| উত্পত্তিকালেষু বিশেষতস্ত্বিতি তানি পূর্বরূপাণি অত্তিশযেনোত্পত্তিকালেষু সম্ভবন্তীত্যর্থঃ||৭||
Adhikarana 6 (8) · Śloka 8
শুষ্কাস্যতা মারুতসম্ভবাযাং তোদস্তথা শঙ্খশিরঃসু চাপি | স্রোতোনিরোধো বিরসং চ বক্ত্রং শীতাভিরদ্ভিশ্চ বিবৃদ্ধিমেতি ||৮||
शुष्कास्यता मारुतसम्भवायां तोदस्तथा शङ्खशिरःसु चापि | स्रोतोनिरोधो विरसं च वक्त्रं शीताभिरद्भिश्च विवृद्धिमेति ||८||
🔊 Audio coming soon
বাতজতৃষ্ণালক্ষণমাহ- শুষ্কাস্যতা মারুতসম্ভবাযামিত্যাদি| শুষ্কাস্যতা মুখশোষঃ| শঙ্খশিরঃসু শঙ্খযোঃ শিরসি চেত্যর্থঃ| স্রোতোনিরোধঃ কর্ণস্রোতোনিরোধঃ | বিরসং বিরুদ্ধরসম্| এতি প্রাপ্নোতি| কেচিত্ ‘শুষ্কাস্যতা’ ইত্যত্র ‘ক্ষামাস্যতা’ ইতি পঠিত্বা বক্তুং চর্বযিতুং চাসামর্থ্যমিতি ব্যাখ্যানযন্তি| ‘শঙ্খশিরঃসু চাপি’ ইত্যত্র ‘শঙ্খশিরোগলেষু’ ইতি কেচিত্ পঠন্তি||৮||
Adhikarana 7 (9) · Śloka 9
মূর্চ্ছাপ্রলাপারুচিবক্ত্রশোষাঃ পীতেক্ষণত্বং প্রততশ্চ দাহঃ | শীতাভিকাঙ্ক্ষা মুখতিক্ততা চ পিত্তাত্মিকাযাং পরিধূপনং চ ||৯||
मूर्च्छाप्रलापारुचिवक्त्रशोषाः पीतेक्षणत्वं प्रततश्च दाहः | शीताभिकाङ्क्षा मुखतिक्तता च पित्तात्मिकायां परिधूपनं च ||९||
🔊 Audio coming soon
পিত্তজতৃষ্ণালক্ষণমাহ- মূর্চ্ছেত্যাদি| মূর্চ্ছা চেতনাচ্যুতিঃ| পীতেক্ষণত্বং পীতনেত্রতা| প্রততঃ সন্ততঃ| শীতাভিকাঙ্ক্ষা শীতেচ্ছা| পরিধূপনং ধূমোদ্বম(হ)নমিব||৯||
Adhikarana 8 (10-11) · Śloka 11
কফাবৃতাভ্যামনিলানলাভ্যাং কফোঽপি শুষ্কঃ প্রকরোতি তৃষ্ণাম্ | নিদ্রা গুরুত্বং মধুরাস্যতা চ তযাঽর্দিতঃ শুষ্যতি চাতিমাত্রম্ ||১০|| কণ্ঠোপলেপো মুখপিচ্ছিলত্বং শীতজ্বরশ্ছর্দিররোচকশ্চ | কফাত্মিকাযাং গুরুগাত্রতা চ শাখাসু শোফস্ত্ববিপাক এব | এতানি রূপাণি ভবন্তি তস্যাং তযাঽর্দিতঃ কাঙ্ক্ষতি নাতি চাম্ভঃ ||১১||
कफावृताभ्यामनिलानलाभ्यां कफोऽपि शुष्कः प्रकरोति तृष्णाम् | निद्रा गुरुत्वं मधुरास्यता च तयाऽर्दितः शुष्यति चातिमात्रम् ||१०|| कण्ठोपलेपो मुखपिच्छिलत्वं शीतज्वरश्छर्दिररोचकश्च | कफात्मिकायां गुरुगात्रता च शाखासु शोफस्त्वविपाक एव | एतानि रूपाणि भवन्ति तस्यां तयाऽर्दितः काङ्क्षति नाति चाम्भः ||११||
🔊 Audio coming soon
কফজতৃষ্ণালক্ষণমাহ- কফাবৃতাভ্যামিত্যাদি| অনিলানলাভ্যাং বাতপিত্তাভ্যাম্| গুরুত্বমুদরে বোদ্ধব্যম্| তযাঽর্দিতঃ কফতৃষ্ণযা পীডিতঃ| কণ্ঠোপলেপঃ কণ্ঠে মলবৃদ্ধিঃ| মুখপিচ্ছিলত্বং শ্লেষ্মণা লিপ্তমুখত্বম্| শীতজ্বরঃ শীতপূর্বো জ্বরঃ| গুরুগাত্রতা হস্তপাদশিরোগুরুত্বম্| শাখাসু বাহুপাদেষু| শোফঃ শ্বযথুঃ| অবিপাক আহারস্যাপচনম্| নাতিকাঙ্ক্ষতি নাত্যভিলষতীত্যর্থঃ| কেচিদমুং পাঠমন্যথা পঠন্তি- ‘বাষ্পাবরোধাত্ কফসংবৃতেঽগ্নৌ তৃষ্ণা বলাসেন ভবেত্তথা চ’ ইতি; শেষং নিদ্রেত্যাদি সমম্||১০-১১||
Adhikarana 9 (12) · Śloka 12
ক্ষতস্য রুক্শোণিতনির্গমাভ্যাং তৃষ্ণা চতুর্থী ক্ষতজা মতা তু | তযাঽভিভূতস্য নিশাদিনানি গচ্ছন্তি দুঃখং পিবতোঽপি তোযম্ ||১২||
क्षतस्य रुक्शोणितनिर्गमाभ्यां तृष्णा चतुर्थी क्षतजा मता तु | तयाऽभिभूतस्य निशादिनानि गच्छन्ति दुःखं पिबतोऽपि तोयम् ||१२||
🔊 Audio coming soon
ক্ষতজতৃষ্ণালক্ষণমাহ- ক্ষতস্যেত্যাদি| ক্ষতস্য ব্রণিনঃ পুরুষস্য যা তৃষ্ণা ভবেত্ সা চতুর্থী ক্ষতজা| তযা চ পীডিতস্য পুংসঃ তোযং পিবতোঽপি নিশাদিনানি দুঃখং গচ্ছন্তীতি সম্বন্ধঃ||১২||
Adhikarana 10 (13) · Śloka 14
রসক্ষযাদ্যা ক্ষযজা মতা সা তযাঽর্দিতঃ শুষ্যতি দহ্যতে চ | অত্যর্থমাকাঙ্ক্ষতি চাপি তোযং তাং সন্নিপাতাদিতি কেচিদাহুঃ ||১৩|| রসক্ষযোক্তানি চ লক্ষণানি তস্যামশেষেণ ভিষগ্ব্যবস্যেত্ |১৪|
रसक्षयाद्या क्षयजा मता सा तयाऽर्दितः शुष्यति दह्यते च | अत्यर्थमाकाङ्क्षति चापि तोयं तां सन्निपातादिति केचिदाहुः ||१३|| रसक्षयोक्तानि च लक्षणानि तस्यामशेषेण भिषग्व्यवस्येत् |१४|
🔊 Audio coming soon
রসক্ষযাচ্চ ক্ষযজেত্যাদি| মতা কথিতা| আকাঙ্ক্ষতি অভিলষতি| তাং সন্নিপাতাদিতি কেচিদাহুরিতি রাত্র্যহ্নোঃ ষট্সু কালেষ্বত্যর্থং পানীযপানেনাপি তদনুপশমাত্| পরমতমপ্রতিষিদ্ধম্ অনুমতম্| রসক্ষযোক্তানি লক্ষণানি ‘রসক্ষযে হৃত্পীডা কম্পঃ’ ইত্যাদীনি| ‘রসক্ষযোত্থানি’ ইতি কেচিত্ পঠন্তি| তস্যাং ক্ষযজতৃষ্ণাযাম্| ব্যবস্যেত্ জানীযাত্||১৩||-
Adhikarana 11 (14) · Śloka 14
ত্রিদোষলিঙ্গাঽঽমসমুদ্ভবা চ হৃচ্ছূলনিষ্ঠীবনসাদযুক্তা ||১৪||
त्रिदोषलिङ्गाऽऽमसमुद्भवा च हृच्छूलनिष्ठीवनसादयुक्ता ||१४||
🔊 Audio coming soon
আমজতৃষ্ণালক্ষণমাহ- ত্রিদোষলিঙ্গামসমুদ্ভবেত্যাদি| ত্রিদোষলিঙ্গা দোষত্রযলিঙ্গযুক্তা, অজীর্ণতো দোষত্রযকোপাত্| নিষ্ঠীবনং থুগ্থুগিকা| সাদঃ অঙ্গগ্লানিঃ||১৪||
Adhikarana 12 (15) · Śloka 15
স্নিগ্ধং তথাঽম্লং লবণং চ ভুক্তং গুর্বন্নমেবাতিতৃষাং করোতি |১৫|
स्निग्धं तथाऽम्लं लवणं च भुक्तं गुर्वन्नमेवातितृषां करोति |१५|
🔊 Audio coming soon
ভক্তজতৃষ্ণালক্ষণমাহ- স্নিগ্ধং তথাঽম্লমিত্যাদি| তৃষাং তৃষ্ণাম্| এষা কফাত্, বাতপিত্তে তু সর্বাস্বপি কারণে(?)|১৫|-
Adhikarana 13 (15) · Śloka 15
ক্ষীণং বিচিত্তং বধিরং তৃষার্তং বিবর্জযেন্নির্গতজিহ্বমাশু ||১৫||
क्षीणं विचित्तं बधिरं तृषार्तं विवर्जयेन्निर्गतजिह्वमाशु ||१५||
🔊 Audio coming soon
ইদানীমবস্থাযাং সর্বাসাং বর্জনমাহ- ক্ষীণং বিচিত্তমিত্যাদি| বিচিত্তং নষ্টমনস্কম্| তৃষার্তং তৃষ্ণাপীডিতং মনুষ্যম্||১৫||
Adhikarana 14 (16) · Śloka 17
তৃষ্ণাভিবৃদ্ধাবুদরে চ পূর্ণে তং বামযেন্মাগধিকোদকেন | বিলোভনং চাত্র হিতং বিধেযং স্যাদ্দাডিমাম্রাতকমাতুলুঙ্গৈঃ ||১৬|| তিস্রঃ প্রযোগৈরিহ সন্নিবার্যাঃ শীতৈশ্চ সম্যগ্রসবীর্যজাতৈঃ |১৭|
तृष्णाभिवृद्धावुदरे च पूर्णे तं वामयेन्मागधिकोदकेन | विलोभनं चात्र हितं विधेयं स्याद्दाडिमाम्रातकमातुलुङ्गैः ||१६|| तिस्रः प्रयोगैरिह सन्निवार्याः शीतैश्च सम्यग्रसवीर्यजातैः |१७|
🔊 Audio coming soon
ইদানীং চিকিত্সাবসরঃ- তৃষ্ণাভিবৃদ্ধাবিত্যাদি| বামযেত্ ছর্দযেত্, পরং ক্ষযজাং বিহায; তত্র হি ক্ষীণধাতুত্বাদ্বমনমনুচিতম্| তথা চ তন্ত্রান্তরম্,- “উল্লেখনং তু তৃষ্ণাসু ক্ষযাদন্যত্র যুজ্যতে”- ইতি| মাগধিকোদকেন পিপ্পলীমিশ্রিতজলেন| বিলোভনং বিশিষ্টো লোভঃ| কৈর্বিলোভনং বিধেযং স্যাদিত্যাহ- দাডিমাম্রাতকেত্যাদি| এতেন তল্লালাস্রাবায তস্য পুরতো দাডিমাদ্যম্লফলমন্যে খাদেযুরিত্যুক্তং, অন্যে নানাপ্রকারাভিঃ কথাভিরপি বিলোভনমিচ্ছন্তি| কেচিদ্বিলোভনমিত্যত্র বিলঙ্ঘনমিতি পঠন্তি; বিলঙ্ঘনং লঘুভোজনং নতু লঙ্ঘনং, তস্য পিত্তকরত্বাদিতি চ ব্যাখ্যানযন্তি| তিস্রঃ বাতপিত্তকফজাস্তৃষ্ণাঃ| সন্নিবার্যা নিবারণীযাঃ| প্রযোগৈঃ বক্ষ্যমাণৈঃ| সম্যগ্রসবীর্যজাতৈরিতি সম্পূর্ণরসবীর্যৈরিত্যর্থঃ||১৬||-
Adhikarana 15 (17) · Śloka 17
গণ্ডূষমম্লৈর্বিরসে চ বক্ত্রে কুর্যাচ্ছুভৈরামলকস্য চূর্ণৈঃ ||১৭||
गण्डूषमम्लैर्विरसे च वक्त्रे कुर्याच्छुभैरामलकस्य चूर्णैः ||१७||
🔊 Audio coming soon
গণ্ডূষমম্লৈরিত্যাদি| অম্লৈঃ মদ্যারনালমাতুলুঙ্গাদিভিঃ| বিরসে চেতি চকার আমলকস্য চূর্ণৈরিত্যত্র দ্রষ্টব্যঃ| তেন ন কেবলমম্লৈর্গণ্ডূষং কুর্যাত্ আমলকস্য চূর্ণৈরপীত্যর্থঃ||১৭||
Adhikarana 16 (18) · Śloka 18
সুবর্ণরূপ্যাদিভিরগ্নিতপ্তৈর্লোষ্টৈঃ কৃতং বা সিকতাদিভির্বা | জলং সুখোষ্ণং শমযেত্তু তৃষ্ণাং সশর্করং ক্ষৌদ্রযুতং হিমং বা ||১৮||
सुवर्णरूप्यादिभिरग्नितप्तैर्लोष्टैः कृतं वा सिकतादिभिर्वा | जलं सुखोष्णं शमयेत्तु तृष्णां सशर्करं क्षौद्रयुतं हिमं वा ||१८||
🔊 Audio coming soon
সুবর্ণরূপ্যাদিভিরিত্যাদি| সুবর্ণাদিভির্লোষ্টৈঃ সিকতাদিভির্বা অগ্নিতপ্তৈঃ কৃতং সংস্কৃতং জলং সুখোষ্ণং পীতং সত্ তৃষ্ণাং শমযেত্, তদেব বা হিমীকৃতং শর্করামধুযুক্তং পীতং স্ত্ তৃষ্ণাং শমযেদিতি পিণ্ডার্থঃ||১৮||
Adhikarana 17 (19) · Śloka 19
পঞ্চাঙ্গিকাঃ পঞ্চগণা য উক্তাস্তেষ্বম্বু সিদ্ধং প্রথমে গণে বা | পিবেত্ সুখোষ্ণং মনুজোঽচিরেণ তৃষো বিমুচ্যেত হি বাতজাযাঃ ||১৯||
पञ्चाङ्गिकाः पञ्चगणा य उक्तास्तेष्वम्बु सिद्धं प्रथमे गणे वा | पिबेत् सुखोष्णं मनुजोऽचिरेण तृषो विमुच्येत हि वातजायाः ||१९||
🔊 Audio coming soon
সামান্যচিকিত্সিতমভিধাযেদানীং বিশিষ্টচিকিত্সিতমাহ- পঞ্চাঙ্গিকাঃ পঞ্চগণা ইত্যাদি| পঞ্চাঙ্গিকাঃ পঞ্চগণা যে উক্তাঃ পঞ্চমূলানি| প্রথমে গণে বিদারিগন্ধাদৌ||১৯||
Adhikarana 18 (20) · Śloka 20
পিত্তঘ্নবর্গৈস্তু কৃতঃ কষাযঃ সশর্করঃ ক্ষৌদ্রযুতঃ সুশীতঃ | পীতস্তৃষাং পিত্তকৃতাং নিহন্তি ক্ষীরং শৃতং বাঽপ্যথ জীবনীযৈঃ ||২০||
पित्तघ्नवर्गैस्तु कृतः कषायः सशर्करः क्षौद्रयुतः सुशीतः | पीतस्तृषां पित्तकृतां निहन्ति क्षीरं शृतं वाऽप्यथ जीवनीयैः ||२०||
🔊 Audio coming soon
পিত্তজতৃষ্ণাচিকিত্সিতমাহ- পিত্তঘ্নবর্গৈস্ত্বিত্যাদি| পিত্তঘ্নবর্গৈঃ উত্পলসারিবাদিকাকোল্যাদিভিঃ| কৃতঃ সংস্কৃতঃ| জীবনীযৈঃ কাকোল্যাদিভিঃ||২০||
Adhikarana 19 (21) · Śloka 21
বিল্বাঢকীকন্যকপঞ্চমূলীদর্ভেষু সিদ্ধং কফজাং নিহন্তি | হিতং ভবেচ্ছর্দনমেব চাত্র তপ্তেন নিম্বপ্রসবোদকেন ||২১||
बिल्वाढकीकन्यकपञ्चमूलीदर्भेषु सिद्धं कफजां निहन्ति | हितं भवेच्छर्दनमेव चात्र तप्तेन निम्बप्रसवोदकेन ||२१||
🔊 Audio coming soon
কফজতৃষ্ণাচিকিত্সিতমাহ- বিল্বাঢকীকন্যকপঞ্চমূলীত্যাদি| কন্যকপঞ্চমূলী লঘুপঞ্চমূলম্| অত্র কফজতৃষ্ণাযাম্| নিম্বপ্রসবোদকেন নিম্বপল্লবোদকেন| কেচিত্ ‘বিল্বাঢকীকণ্টকপঞ্চমূলীদর্ভেষু’ ইতি পঠন্তি| কণ্টকিপঞ্চমূলং করমর্দকত্রিকণ্টকেত্যাদিনোক্তম্| অপরে ‘বিল্বাঢকীকণ্টকপঞ্চকোলদর্ভেষু ’ ইতি পঠন্তি| তং চ পাঠং কার্তিককুণ্ডো নেচ্ছতি, সর্বতৃষ্ণাসু পিত্তসদ্ভাবেন পঞ্চকোলস্যানুচিতত্বাত্||২১||
Adhikarana 20 (22) · Śloka 22
সর্বাসু তৃষ্ণাস্বথবাঽপি পৈত্তং কুর্যাদ্বিধিং তেন হি তা ন সন্তি |২২|
सर्वासु तृष्णास्वथवाऽपि पैत्तं कुर्याद्विधिं तेन हि ता न सन्ति |२२|
🔊 Audio coming soon
ইদানীং সর্বতৃষ্ণাসু পিত্তঘ্নো বিধিঃ কার্য ইতি দর্শযন্নাহ- সর্বাসু তৃষ্ণাস্বথবেত্যাদি| পৈত্তং বিধিং বক্ষ্যমাণং মধুরশীতাদিভিঃ পানালেপনপরিষেকাদিকম্| তেন পৈত্তেন বিধিনা, হি যস্মাত্ তাঃ তৃষ্ণাঃ, ন সন্তি ন ভবন্তি|২২|-
Adhikarana 21 (22) · Śloka 23
পর্যাগতোদুম্বরজো রসস্তু সশর্করস্তত্ক্বথিতোদকং বা ||২২|| বর্গস্য সিদ্ধস্য চ সারিবাদেঃ পাতব্যমম্ভঃ শিশিরং তৃষার্তৈঃ |২৩|
पर्यागतोदुम्बरजो रसस्तु सशर्करस्तत्क्वथितोदकं वा ||२२|| वर्गस्य सिद्धस्य च सारिवादेः पातव्यमम्भः शिशिरं तृषार्तैः |२३|
🔊 Audio coming soon
অপরমপি সর্বতৃষ্ণাসু বিধিমাহ- পর্যাগতোদুম্বরজ ইত্যাদি| পর্যাগতোদুম্বরজো রস ইতি পক্বোদুম্বরস্বরসঃ| তত্ক্বথিতোদকং পক্বোদুম্বরক্বথিতজলম্| সুদ্ধস্য ক্বাথপানপরিভাষযা| শিশিরং শীতলম্||২২||-
Adhikarana 22 (23) · Śloka 23
কশেরুশৃঙ্গাটকপদ্মমোচবিসেক্ষুসিদ্ধং ক্ষতজাং নিহন্তি ||২৩||
कशेरुशृङ्गाटकपद्ममोचबिसेक्षुसिद्धं क्षतजां निहन्ति ||२३||
🔊 Audio coming soon
ক্ষতজতৃষ্ণাচিকিত্সিতমাহ- কশেরুশৃঙ্গাটকেত্যাদি| মোচা কদলী| বিসং পদ্মমূলম্| সিদ্ধমিত্যত্র ‘তোযং’ ইতি শেষঃ||২৩||
Adhikarana 23 (24) · Śloka 25
লাজোত্পলোশীরকুচন্দনানি দত্ত্বা প্রবাতে নিশি বাসযেত্তু | তদুত্তমং তোযমুদারগন্ধি সিতাযুতং ক্ষৌদ্রযুতং বদন্তি ||২৪|| দ্রাক্ষাপ্রগাঢং চ হিতায বৈদ্যস্তৃষ্ণার্দিতেভ্যো বিতরেন্নরেভ্যঃ |২৫|
लाजोत्पलोशीरकुचन्दनानि दत्त्वा प्रवाते निशि वासयेत्तु | तदुत्तमं तोयमुदारगन्धि सितायुतं क्षौद्रयुतं वदन्ति ||२४|| द्राक्षाप्रगाढं च हिताय वैद्यस्तृष्णार्दितेभ्यो वितरेन्नरेभ्यः |२५|
🔊 Audio coming soon
ইদানীং ক্ষতজতৃষ্ণাযাং যোগান্তরমাহ- লাজোত্পলোশীরকুচন্দনানীত্যাদি| এতানি লাজোত্পলাদীনি দত্ত্বা তোযং জলং প্রবাতে নিশি বাসযেত্, ততশ্চ তদুদকমুদারগন্ধি সুগন্ধিপুষ্পাধিবাসিতং সিতাক্ষৌদ্রযুতং ক্ষতজতৃষ্ণাযামুত্তমং বদন্তি| তদুদকং যথা প্রযুজ্যতে তদা(থা)হ- দ্রাক্ষাপ্রগাঢমিত্যাদি| কেচিদনন্তরোক্তং ‘কশেরুশৃঙ্গাটক’- ইত্যাদিকং তথা ‘লাজোত্পলোশীরকুচন্দনানি’ ইত্যাদিকং চৈকত্র কৃত্বাঽন্যথা পঠন্তি, তে চ কশের্বাদিসিদ্ধে তোযে লাজোত্পলাদীনি দত্ত্বা নিশি বাসযেদিতি যোজযন্তি; তে চ কশের্বাদিকং ‘কুর্যাত্ কষাযাণি যথেরিতানি’ ইতি পর্যন্তং সামান্যতৃষ্ণাচিকিত্সিতমিতি মন্যন্তে, স চ পাঠোঽভাবান্ন দর্শিতঃ||২৪||-
Adhikarana 24 (25) · Śloka 26
সসারিবাদৌ তৃণপঞ্চমূলে তথোত্পলাদৌ প্রথমে গণে চ ||২৫|| কুর্যাত্ কষাযং চ যথেরিতেন ... |২৬|
ससारिवादौ तृणपञ्चमूले तथोत्पलादौ प्रथमे गणे च ||२५|| कुर्यात् कषायं च यथेरितेन ... |२६|
🔊 Audio coming soon
ক্ষতজতৃষ্ণাযামপরাণ্যপি যোগান্তরাণ্যাহ- সসারিবাদৌ তৃণপঞ্চমূলে ইত্যাদি| সসারিবাদৌ সারিবাদিগণসহিতে| এতদ্বিশেষণং তৃণপঞ্চমূলোত্পলাদীনাম্| তৃণপঞ্চমূলে কুশকাশনলদর্ভেত্যাদিকে| উত্পলাদৌ উত্পলরক্তোত্পলেত্যাদিকে| প্রথমো গণো বিদারিগন্ধাদিঃ| যথেরিতেনেতি পূর্বোক্তবিধানেন| এতেন লাজাদি দত্ত্বা প্রবাতে নিশি বাসনং শর্করাদিপ্রক্ষেপশ্চ লভ্যতে| ‘যথেরিতেন’ ইত্যত্র কেচিত্ ‘যথৈতদুক্তম্’ ইতি পঠন্তি; তত্রাপি স এবার্থঃ||২৫||-
Adhikarana 25 (26) · Śloka 26
... মধূকপুষ্পাদিষু চাপরেষু | রাজাদনক্ষীরিকপীতনেষু ষট্ পানকান্যত্র হিতানি চ স্যুঃ ||২৬||
... मधूकपुष्पादिषु चापरेषु | राजादनक्षीरिकपीतनेषु षट् पानकान्यत्र हितानि च स्युः ||२६||
🔊 Audio coming soon
ক্ষতজতৃষ্ণাযাং ষট্পানকান্যাহ- মধূকপুষ্পাদিষ্বিত্যাদি| মধূকপুষ্পাদিষু মধূকশোভাঞ্জনকোবিদারপ্রিযঙ্গুপুষ্পেষু চতুর্ষু রক্তপিত্তঘ্নগণপঠিতেষু; অন্যে মধূকপুষ্পদ্রাক্ষাকাশ্মর্যখর্জূরেষু চতুর্ষু রক্তপিত্তপঠিতেষ্বিতি বদন্তি| রাজাদনঃ চারঃ, অন্যে ক্ষীরিকামাহুঃ| ক্ষীরিকপীতন আর্দ্রশিরীষঃ, অন্যে ক্ষীরীতি দ্রব্যান্তরমিচ্ছন্তি; তথা সতি সপ্তদ্রব্যত্বেন সঙ্খ্যাতিরেকঃ স্যাত্| পানকানি কষাযাণি| অত্রাপি যথেরিতেনেতি যোজ্যং; তেন লাজাদি দত্ত্বা প্রবাতে নিশি বাসনং শর্করাদিপ্রক্ষেপশ্চ গৃহ্যতে| অত্র ক্ষতজতৃষ্ণাযাম্| কেচিত্ ‘সসারিবাদৌ’ ইত্যাদিনা ‘ক্ষীরিকপীতনেষু’ ইতি পর্যন্তেন ষট্পানকানি বদন্তি; তন্ন, সারিবাদেস্তৃণপঞ্চমূলাদীনাং বিশেষণত্বেনোক্তত্বাত্ পঞ্চ পানকানি স্যুঃ| অপরে তু কুশের্বাদিমারভ্য ষট্পানকানীচ্ছন্তি; তদপি ন, তস্য পৃথগ্দর্শিতত্বাত্||২৬||
Adhikarana 26 (27) · Śloka 27
সতুণ্ডিকেরাণ্যথবা পিবেত্তু পিষ্টানি কার্পাসসমুদ্ভবানি |২৭|
सतुण्डिकेराण्यथवा पिबेत्तु पिष्टानि कार्पाससमुद्भवानि |२७|
🔊 Audio coming soon
ক্ষতজতৃষ্ণাযামপরমপি যোগান্তরমাহ- সতুণ্ডিকেরাণ্যথবেত্যাদি| তুণ্ডিকেরী বনকার্পাসী| কার্পাসসমুদ্ভবানি কার্পাসফলানি| এতেন বনগ্রাম্যকার্পাসীফলানি পিষ্টানি পাতব্যানি| কার্তিককুণ্ডস্তু ‘সর্বাসু তৃষ্ণাস্বথবা’ ইত্যাদিকং’ ‘কার্পাসসমুদ্ভবানি’ ইত্যন্তং সর্বাসু তৃষ্ণাসু চিকিত্সিতং মন্যতে|২৭|-
Adhikarana 27 (27) · Śloka 27
ক্ষতোদ্ভবাং রুগ্বিনিবারণেন জযেদ্রসানামসৃজশ্চ পানৈঃ ||২৭||
क्षतोद्भवां रुग्विनिवारणेन जयेद्रसानामसृजश्च पानैः ||२७||
🔊 Audio coming soon
ক্ষতজতৃষ্ণাযামপরমপি চিকিত্সাবিশেষমাহ- ক্ষতোদ্ভবামিত্যাদি| রুগ্বিনিবারণেন ক্ষতোদ্ভবরুগপনযনেন| রসানাং মাংসরসানাম্| অসৃজ ইতি এণাদিশোণিতস্যেত্যর্থঃ||২৭||
Adhikarana 28 (28) · Śloka 28
ক্ষযোত্থিতাং ক্ষীরঘৃতং নিহন্যান্মাংসোদকং বা মধুকোদকং বা |২৮|
क्षयोत्थितां क्षीरघृतं निहन्यान्मांसोदकं वा मधुकोदकं वा |२८|
🔊 Audio coming soon
ক্ষযজাযাস্তৃষ্ণাযাশ্চিকিত্সিতমাহ- ক্ষযোত্থিতাং ক্ষীরঘৃতমিত্যাদি| ক্ষীরঘৃতং ক্ষীরমথনোদ্ভূতং ঘৃতং ক্ষীরমিশ্রিতং ঘৃতং বা| মাংসোদকং মাংসরসস্যাচ্ছো ভাগঃ সৌরাবাখ্যঃ| মধুকোদকং যষ্টীমধুকোদকম্| কেচিদত্র মাষোদকমিতি পঠিত্বা মাষযূষমিতি ব্যাখ্যানযন্তি|২৮|-
Adhikarana 29 (28) · Śloka 29
আমোদ্ভবাং বিল্ববচাযুতৈস্তু জযেত্ কষাযৈরথ দীপনীযৈঃ ||২৮|| আম্রাতভল্লাতবলাযুতানি পিবেত্ কষাযাণ্যথ দীপনানি |২৯|
आमोद्भवां बिल्ववचायुतैस्तु जयेत् कषायैरथ दीपनीयैः ||२८|| आम्रातभल्लातबलायुतानि पिबेत् कषायाण्यथ दीपनानि |२९|
🔊 Audio coming soon
আমজাযাশ্চিকিত্সামাহ- আমোদ্ভবামিত্যাদি| দীপনীযৈঃ পিপ্পল্যাদিদ্রব্যকৃতৈঃ| আম্রাতেত্যাদি| আম্রাতকাদিযুতানি দীপনানি কষাযাণি আমজতৃষ্ণাযাং পিবেদিত্যর্থঃ||২৮||-
Adhikarana 30 (29) · Śloka 29
গুর্বন্নজাতাং বমনৈর্জযেচ্চ ক্ষযাদৃতে সর্বকৃতাং চ তৃষ্ণাম্ ||২৯||
गुर्वन्नजातां वमनैर्जयेच्च क्षयादृते सर्वकृतां च तृष्णाम् ||२९||
🔊 Audio coming soon
ভক্তজতৃষ্ণাচিকিত্সামাহ- গুর্বন্নজাতামিত্যাদি| গুর্বন্নজাতাং তৃষ্ণাং বমনৈর্জযেদিত্যর্থঃ| কিং গুর্বন্নজাতামেব বমনৈর্জযেদুতান্যামপীত্যাহ- ক্ষযাদিত্যাদি| ক্ষযাদৃতে ইতি ক্ষযজাং বিহায, সর্বদোষারব্ধাং তৃষ্ণামপি বমনৈর্জযেদিতি পিণ্ডার্থঃ| ক্ষযজাঽপি সর্বদোষারব্ধা, তস্যাং ক্ষীণধাতুত্বাদ্বমনং ন কার্যমিতি দ্যোতনার্থং ক্ষযাদৃতে ইতি কৃতম্| সর্বকৃতাম্ আমজামিত্যর্থঃ, তস্যা অপি দোষত্রযোত্পন্নত্বাত্| অন্যে তু ‘ক্ষযাদৃতে সর্বকৃতাশ্চ তৃষ্ণা’ ইতি পঠন্তি, ক্ষযজাং বিহায অন্যাঃ সর্বা অপি তৃষ্ণা বমনৈর্জযেদিতি ব্যাখ্যানযন্তি||২৯||
Adhikarana 31 (30) · Śloka 30
শ্রমোদ্ভবাং মাংসরসো নিহন্তি গুডোদকং বাঽপ্যথবাঽপি মন্থঃ |৩০|
श्रमोद्भवां मांसरसो निहन्ति गुडोदकं वाऽप्यथवाऽपि मन्थः |३०|
🔊 Audio coming soon
তৃষ্ণাপ্রসঙ্গেন শ্রমাদিজাতানামপি তৃষ্ণানাং প্রতীকারমাহ- শ্রমোদ্ভবামিত্যাদি| মন্থঃ ‘সক্তবঃ সর্পিষাঽভ্যক্তা’ ইত্যাদ্যুক্তঃ| যদা শ্রমজতৃষ্ণা বাতোল্বণা ভবতি তদা তাং মাংসরসো নিহন্তি, যদা পিত্তোল্বণা তদা মন্থ ইতি তাত্পর্যার্থঃ|৩০|-
Adhikarana 32 (30) · Śloka 30
ভক্তোপরোধাত্তৃষিতো যবাগূমুষ্ণাং পিবেন্মন্থমথো হিমং চ ||৩০||
भक्तोपरोधात्तृषितो यवागूमुष्णां पिबेन्मन्थमथो हिमं च ||३०||
🔊 Audio coming soon
ভক্তোপরোধাদিত্যাদি| ভক্তোপরোধাত্ আহারনিরোধাত্| উষ্ণাং যবাগূং বাতোত্কটাযাং, হিমং মন্থং চ পিত্তোত্কটাযাং, পিবেদিতি পর্যবসিতোঽর্থঃ||৩০||
Adhikarana 33 (31) · Śloka 31
যা স্নেহপীতস্য ভবেচ্চ তৃষ্ণা তত্রোষ্ণমম্ভঃ প্রপিবেন্মনুষ্যঃ |৩১|
या स्नेहपीतस्य भवेच्च तृष्णा तत्रोष्णमम्भः प्रपिबेन्मनुष्यः |३१|
🔊 Audio coming soon
যা স্নেহপীতস্য ভবেদিত্যাদি| যদ্যপি ‘স্নেহপীতস্য চেত্তৃষ্ণা পিবেত্’ ইত্যাদিনৈব স্নেহজতৃষ্ণাচিকিত্সিতং প্রাগুক্তং, তথাঽপি প্রকরণান্তরত্বাদ্দার্ঢ্যার্থং পুনরুক্তম্|৩১|-
Adhikarana 34 (31) · Śloka 31
মদ্যোদ্ভবামর্ধজলং নিহন্তি মদ্যং তৃষাং যাঽপি চ মদ্যপস্য ||৩১||
मद्योद्भवामर्धजलं निहन्ति मद्यं तृषां याऽपि च मद्यपस्य ||३१||
🔊 Audio coming soon
মদ্যোদ্ভবামর্ধজলমিত্যাদি| যদ্যপি মদাত্যযপ্রস্তাবে মদ্যজতৃষ্ণাচিকিত্সিতমুক্তং, তথাঽপ্যধিকরণবশাত্ পুনরুক্তমতো ন দোষঃ||৩১||
Adhikarana 35 (32) · Śloka 32
তৃষ্ণোদ্ভবাং হন্তি জলং সুশীতং সশর্করং সেক্ষুরসং তথাঽম্ভঃ |৩২|
तृष्णोद्भवां हन्ति जलं सुशीतं सशर्करं सेक्षुरसं तथाऽम्भः |३२|
🔊 Audio coming soon
তৃষ্ণোদ্ভবামিত্যাদি| তৃষ্ণোদ্ভবামিতি হৃদ্রোগকর্ষিতস্য পুরুষস্যোত্তরকালোত্পন্নামিত্যর্থঃ| সশর্করং সুশীতং পানীযং তথা ইক্ষুরসসহিতং চ পানীযং তৃষ্ণোদ্ভবাং তৃষ্ণাং হন্তীতি পিণ্ডার্থঃ| কার্তিককুণ্ডস্তু ‘শ্রমোদ্ভবাং মাংসরসো নিহন্তি’ ইত্যারভ্য তৃষ্ণোদ্ভবাং হন্তি জলং সুশীতং সশর্করং সেক্ষুরসং তথাঽম্ভঃ’ ইতি যাবন্ন পঠতি; অস্মাভিস্তু শ্রীজেজ্জটেন পঠিতত্বাত্ পঠিতঃ|৩২|-
Adhikarana 36 (32) · Śloka 32
স্বৈঃ স্বৈঃ কষাযৈর্বমনানি তাসাং তথা জ্বরোক্তানি চ পাচনানি ||৩২||
स्वैः स्वैः कषायैर्वमनानि तासां तथा ज्वरोक्तानि च पाचनानि ||३२||
🔊 Audio coming soon
পূর্বং তৃষ্ণাসু বমনান্যুক্তানি, তানি চ যৈর্দ্রব্যৈঃ ক্রিযন্তে তান্যাহ- স্বৈঃ স্বৈরিত্যাদি| স্বৈঃ স্বৈঃ কষাযৈঃ আত্মীযৈরাত্মীযৈঃ ক্বাথৈঃ; এতেনৈতদুক্তং- যাসু ছর্দিষু শমনায যে কষাযা উক্তাস্তৈরেব বমনানি তাসু যোজ্যানি, তথা জ্বরোক্তানি পাচনানি চ কার্যাণি||৩২||
Adhikarana 37 (33) · Śloka 33
লেপাবগাহৌ পরিষেচনানি কুর্যাত্তথা শীতগৃহাণি চাপি | সংশোধনং ক্ষীররসৌ ঘৃতানি সর্বাসু লেহান্মধুরান্ হিমাংশ্চ ||৩৩||
लेपावगाहौ परिषेचनानि कुर्यात्तथा शीतगृहाणि चापि | संशोधनं क्षीररसौ घृतानि सर्वासु लेहान्मधुरान् हिमांश्च ||३३||
🔊 Audio coming soon
সর্বতৃষ্ণাসু পিত্তহরো বিধিঃ কার্য ইতি যত্ প্রাগুক্তং তমেব পিত্তহরবিধিমাহ- লেপাবগাহাবিত্যাদি| সংশোধনং বিরেচনং, পিত্তহরত্বাত্||৩৩||
Adhikarana puShpikA · Śloka 48
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে (দশমোঽধ্যাযঃ, আদিতঃ) অষ্টচত্বারিংশোঽধ্যাযঃ ||৪৮||
इति सुश्रुतसंहितायामुत्तरतन्त्रान्तर्गते कायचिकित्सातन्त्रे (दशमोऽध्यायः, आदितः) अष्टचत्वारिंशोऽध्यायः ||४८||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কাযচিকিত্সাতন্ত্রে তৃষ্ণাপ্রতিষেধো নামাষ্টচত্বারিংশত্তমোঽধ্যাযঃ||৪৮||