Adhikarana 1 (1-2) · Śloka 2
অথাত উন্মাদপ্রতিষেধমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथात उन्मादप्रतिषेधमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অপস্মারপ্রতিষেধানন্তরং মনোগতসাম্যাত্ তুল্যচিকিত্সিতত্বাদুন্মাদপ্রতিষেধারম্ভঃ- অথাত ইত্যাদি| অথাত ইত্যাদিকং পূর্ববদ্ব্যাখ্যেযম্||১-২||
Adhikarana 2 (3) · Śloka 3
মদযন্ত্যুদ্ধ(দ্গ)তা দোষা যস্মাদুন্মার্গমাশ্রিতাঃ | মানসোঽযমতো ব্যাধিরুন্মাদ ইতি কীর্তিতঃ ||৩||
मदयन्त्युद्ध(द्ग)ता दोषा यस्मादुन्मार्गमाश्रिताः | मानसोऽयमतो व्याधिरुन्माद इति कीर्तितः ||३||
🔊 Audio coming soon
ইদানীমুন্মাদং নির্বক্তি- মদযন্তীত্যাদি| মদযন্তি মনোভ্রমণং কুর্বন্তি| উদ্ধতা উপচিতাঃ| অন্যে ‘উদ্গতা’ ইতি পঠন্তি; তত্র উদ্গ্তা উদ্বৃত্তা উন্মার্গমাগতা মনোবহানি স্রোতাংসি প্রাপ্তাঃ| যদ্ধৃদযপ্রদূষণং চেতোমোহনং চ তন্ত্রান্তরে প্রোক্তং, তদত্র উন্মার্গমাগতা ইত্যনেন তথা মদযন্তীত্যনেন চ সঙ্গৃহীতমিতি পৃথঙ্নোক্তম্| অপস্মারোক্তদোষপ্রকোপহেতব উন্মাদেঽপি সান্নিধ্যাদ্বোদ্ধব্যা ইতি শ্রীজেজ্জটাচার্যঃ| উন্মাদহেতবস্তন্ত্রান্তরে যথা- “বিরুদ্ধদুষ্টাশুচিভোজনানি প্রঘর্ষণং দেবগুরুদ্বিজানাম্| উন্মাদহেতুর্ভযহর্ষপূর্বো মনোভিঘাতো বিষমাশ্চ চেষ্টাঃ” (চ. চি. ১) ইতি| প্রবৃদ্ধা দোষা মনোবহস্রোতাংসি প্রাপ্তাঃ সন্তো যস্মান্মনো ভ্রমযন্তি, অতোঽযং মানসো ব্যাধিরিতি সম্বন্ধঃ||৩||
Adhikarana 3 (4-5) · Śloka 5
একৈকশঃ সমস্তৈশ্চ দোষৈরত্যর্থমূর্চ্ছিতৈঃ | মানসেনা চ দুঃখেন স পঞ্চবিধ উচ্যতে ||৪|| বিষাদ্ভবতি ষষ্ঠশ্চ যথাস্বং তত্র ভেষজম্ | স চাপ্রবৃদ্ধস্তরুণো মদসঞ্জ্ঞাং বিভর্তি চ ||৫||
एकैकशः समस्तैश्च दोषैरत्यर्थमूर्च्छितैः | मानसेना च दुःखेन स पञ्चविध उच्यते ||४|| विषाद्भवति षष्ठश्च यथास्वं तत्र भेषजम् | स चाप्रवृद्धस्तरुणो मदसञ्ज्ञां बिभर्ति च ||५||
🔊 Audio coming soon
দোষৈর্মনোদুঃখেন চ পঞ্চবিধমুন্মাদমাহ- একৈকশঃ সমস্তৈশ্চেত্যাদি| একৈকশো দোষৈঃ ত্রযঃ, সমস্তৈর্দোষৈঃ একঃ, মানসদোষদুঃখেন চৈকঃ, এবং স উন্মাদঃ পঞ্চবিধ উচ্যতে| ননু, বিষজোঽপি ষষ্ঠোঽস্তি তত্ কিমিতি সোঽপি স পঞ্চবিধ ইত্যত্রৈব ন নির্দিষ্টঃ? উচ্যতে- তস্য ভিন্নচিকিত্সিতত্বাত্ পৃথঙ্নির্দেশঃ| অত এবাহ- যথাস্বং তত্র ভেষজমিতি| স চাপ্রবৃদ্ধ ইত্যাদি|- স উন্মাদঃ, অপ্রবৃদ্ধঃ অল্পলিঙ্গঃ, তরুণঃ অল্পমাত্রঃ| কৈশ্চিন্মদশব্দেন মদ্যস্য প্রথমো বেগ উচ্যতে , তে তু রোগমেব রোগকারণং মন্যন্তে| অত্র তূত্পন্নমাত্রস্যাল্পলিঙ্গস্য চোন্মাদস্য মদসঞ্জ্ঞা||৪-৫||
Adhikarana 4 (6-7) · Śloka 7
মোহোদ্বেগৌ স্বনঃ শ্রোত্রে গাত্রাণামপকর্ষণম্ | অত্যুত্সাহোঽরুচিশ্চান্নে স্বপ্নে কলুষভোজনম্ ||৬|| বাযুনোন্মথনং চাপি ভ্রমশ্চক্রগতস্য বা | যস্য স্যাদচিরেণৈব উন্মাদং সোঽধিগচ্ছতি ||৭||
मोहोद्वेगौ स्वनः श्रोत्रे गात्राणामपकर्षणम् | अत्युत्साहोऽरुचिश्चान्ने स्वप्ने कलुषभोजनम् ||६|| वायुनोन्मथनं चापि भ्रमश्चक्रगतस्य वा | यस्य स्यादचिरेणैव उन्मादं सोऽधिगच्छति ||७||
🔊 Audio coming soon
ইদানীং পূর্বরূপমাহ- মোহোদ্বেগাবিত্যাদি| মোহো মনসো বৈচিত্ত্যম্| স্বনঃ শ্রোত্রে কর্ণযোঃ শব্দঃ| গাত্রাণামপকর্ষণং দুর্বলীভবনম্| কলুষভোজনং সমলভোজনম্| বাযুনোন্মথনম্ আকুলীকরণং, ‘হৃদযস্য’ ইতি শেষঃ| চক্রগতস্য বেত্যত্র বাশব্দ ইবার্থে, তেন কুলালচক্রস্থিতস্যেব ভ্রম ইত্যর্থঃ| যস্য পুরুষস্য মোহোদ্বেগাদিকং স্যাত্, সোঽচিরেণৈব উন্মাদমধিগচ্ছতি প্রাপ্নোতীতি সম্বন্ধঃ| অচিরেণৈব উন্মাদমিত্যত্র ছন্দোভঙ্গভযাদসংহিতানির্দেশঃ||৬-৭||
Adhikarana 5 (8) · Śloka 8
রূক্ষচ্ছবিঃ পরুষবাগ্ধমনীততো বা শীতাতুরঃ কৃশতনুঃ স্ফুরিতাঙ্গসন্ধিঃ | আস্ফোটযত্যটতি গাযতি নৃত্যশীলো বিক্রোশতি ভ্রমতি চাপ্যনিলপ্রকোপাত্ ||৮||
रूक्षच्छविः परुषवाग्धमनीततो वा शीतातुरः कृशतनुः स्फुरिताङ्गसन्धिः | आस्फोटयत्यटति गायति नृत्यशीलो विक्रोशति भ्रमति चाप्यनिलप्रकोपात् ||८||
🔊 Audio coming soon
পূর্বরূপানন্তরং বাতজমুন্মাদমাহ- রূক্ষচ্ছবিরিত্যাদি| পরুষবাক্ কর্কশবচনঃ| ধমনীততঃ সিরাব্যাপ্তঃ| শীতাতুরঃ শীতপীডিত ইত্যর্থঃ| ‘শ্বাসাতুর’ ইত্যন্যে পঠন্তি| বিক্রোশতি রোদিতি| ভ্রমতি কম্পতে, অটতীত্যনেন চলনস্যোক্তত্বাত্| কেচিত্ রূক্ষচ্ছবিরিত্যাদিশ্লোকার্ধং ন পঠন্তি; জেজ্জটাচার্যাস্তু রূক্ষচ্ছবিরিত্যাদি শ্লোকার্ধং পঠন্তি, অনিলাদিতি সিদ্ধে অনিলপ্রকোপাদিতি প্রকোপগ্রহণাত্ পারুষ্যকার্কশ্যারুণবর্ণতা জীর্ণে বলবত্ত্বং চ গৃহ্যতে ইতি ব্যাখ্যানযন্তি||৮||
Adhikarana 6 (9) · Śloka 9
তৃট্স্বেদদাহবহুলো বহুভুগ্বিনিদ্রশ্ছাযাহিমানিলজলান্তবিহারসেবী | তীক্ষ্ণো হিমাম্বুনিচযেঽপি স বহ্নিশঙ্কী পিত্তাদ্দিবা নভসি পশ্যতি তারকাশ্চ ||৯||
तृट्स्वेददाहबहुलो बहुभुग्विनिद्रश्छायाहिमानिलजलान्तविहारसेवी | तीक्ष्णो हिमाम्बुनिचयेऽपि स वह्निशङ्की पित्ताद्दिवा नभसि पश्यति तारकाश्च ||९||
🔊 Audio coming soon
পিত্তোন্মাদমাহ- তৃট্স্বেদেত্যাদি| তৃট্স্বেদদাহবহুল ইতি বহুলশব্দঃ তৃডাদিভিঃ প্রত্যেকং সম্বধ্যতে| সেবীশব্দঃ ছাযাদিভিঃ সম্বধ্যতে| জলান্তবিহারসেবীতি পানীযসমীপবিচরণশীল ইত্যর্থঃ| তীক্ষ্ণঃ কোপনঃ| অপি চেতি চকারাত্ পীতনযনত্বাদি বিজ্ঞেযম্| দিবা দিনে| নভসি আকাশে||৯||
Adhikarana 7 (10) · Śloka 10
ছর্দ্যগ্নিসাদসদনারুচিকাসযুক্তো যোষিদ্বিবিক্তরতিরল্পমতিপ্রচারঃ | নিদ্রাপরোঽল্পকথনোঽল্পভুগুষ্ণসেবী রাত্রৌ ভৃশং ভবতি চাপি কফপ্রকোপাত্ ||১০||
छर्द्यग्निसादसदनारुचिकासयुक्तो योषिद्विविक्तरतिरल्पमतिप्रचारः | निद्रापरोऽल्पकथनोऽल्पभुगुष्णसेवी रात्रौ भृशं भवति चापि कफप्रकोपात् ||१०||
🔊 Audio coming soon
কফোন্মাদমাহ- ছর্দ্যগ্নীত্যাদি| অগ্নিসাদঃ অগ্নিমান্দ্যম্| সদনম্ অঙ্গানামনুত্সাহঃ| যোষিত্সু বিবিক্তে একান্তে চ রতির্যস্য স যোষিদ্বিবিক্তরতিঃ| অল্পমতিপ্রচার ইতি অল্পমতিরল্পপ্রচারশ্চ| অল্পকথনঃ অল্পভাষণঃ| রাত্রৌ ভৃশং ভবতি চেতি চকারো রাত্রৌ ইত্যস্যাগ্রে দ্রষ্টব্যঃ, তেন রাত্রৌ ভুক্তে চ ভৃশং ভবতীতি সিদ্ধম্| অপিশব্দাচ্চ নখাদিশৌক্ল্যাদিকং জ্ঞেযম্||১০||
Adhikarana 8 (11) · Śloka 11
সর্বাত্মকে পবনপিত্তকফা যথাস্বং সংহর্ষিতা ইব চ লিঙ্গমুদীরযন্তি ||১১||
सर्वात्मके पवनपित्तकफा यथास्वं संहर्षिता इव च लिङ्गमुदीरयन्ति ||११||
🔊 Audio coming soon
সান্নিপাতিকমাহ- সর্বাত্মকে ইত্যাদি| সর্বাত্মকে সান্নিপাতিকে উন্মাদে পবনপিত্তকফাঃ সংহর্ষিতা ইব যথাস্বং লিঙ্গমুদীরযন্তীতি সম্বন্ধঃ| সংহর্ষিতা ইবেতি স্পর্ধাবন্ত ইব সর্বেঽপ্যতিশযেন কুপিতা ইত্যর্থঃ| অযং পাঠো নিবন্ধকারৈঃ পঠিতো ব্যাখ্যাতশ্চ| অন্যে ত্বেবং পঠন্তি,- ‘সর্বাত্মকে ত্রিভিরপি ব্যতিমিশ্রিতানি রূপাণি বাতকফপিত্তকৃতানি বিদ্যাত্| সম্পূর্ণলক্ষণমসাধ্যমুদাহরন্তি সর্বাত্মকং ক্বচিদপি প্রবদন্তি সাধ্যম্’ ইতি| অযং চ শ্রীজেজ্জটেন একীযমতেন দর্শিতো ন তু ব্যাখ্যাতঃ, তস্মাদেকীযমতেনৈবাস্য সম্বন্ধঃ কথ্যতে| প্রত্যেকং বাতাদিকৃতানি রূপাণি ব্যতিমিশ্রিতানি সর্বাত্মকে উন্মাদে বিদ্যাদিতি সম্বন্ধঃ| এবং সম্বন্ধে ত্রিভিরপীত্যনেন কিং প্রযোজনম্? উচ্যতে- ত্রিভিরপি স্বহেতুভিঃ কুপিতৈরিতি জ্ঞাপনার্থম্| অস্যাগ্রে ত এবং পঠন্তি ‘সম্পূর্ণলক্ষণমসাধ্যমুদাহরন্তি সর্বাত্মকং ক্বচিদপি প্রদিশন্তি সাধ্যম্’ ইতি||১১||
Adhikarana 9 (12) · Śloka 12
চৌরৈর্নরেন্দ্রপুরুষৈররিভিস্তথাঽন্যৈর্বিত্রাসিতস্য ধনবান্ধবসঙ্ক্ষযাদ্বা | গাঢং ক্ষতে মনসি চ প্রিযযা রিরংসোর্জাযেত চোত্কটতরো মনসো বিকারঃ ||১২||
चौरैर्नरेन्द्रपुरुषैररिभिस्तथाऽन्यैर्वित्रासितस्य धनबान्धवसङ्क्षयाद्वा | गाढं क्षते मनसि च प्रियया रिरंसोर्जायेत चोत्कटतरो मनसो विकारः ||१२||
🔊 Audio coming soon
মনোদুঃখজমুন্মাদং প্রতিপাদযিতুকামঃ পূর্বং মনসো দুঃখকরান্ হেতূন্ বিকারোত্পত্তিসহিতানাহ- চৌরৈরিত্যাদি| অরিভিঃ শত্রুভিঃ তথাঽন্যৈরিতি অতিশযরৌদ্রৈঃ অকারণবৈরিভিঃ শার্দূলাদিভির্বা| গাঢম্ অত্যর্থং, ক্ষতে পীডিতে, প্রিযযা রিরংসোঃ প্রিযযা সহ রন্তুমিচ্ছোঃ; ‘তস্যা অপ্রাপ্তৌ’ ইত্যধ্যাহার্যম্| মনসি গাঢং ক্ষতে ইতি বোধ্যম্| মনসো বিকারো মানস উন্মাদঃ||১২||
Adhikarana 10 (13) · Śloka 13
চিত্রং স জল্পতি মনোনুগতং বিসঞ্জ্ঞো গাযত্যথো হসতি রোদিতি মূঢসঞ্জ্ঞঃ |১৩|
चित्रं स जल्पति मनोनुगतं विसञ्ज्ञो गायत्यथो हसति रोदिति मूढसञ्ज्ञः |१३|
🔊 Audio coming soon
তস্য লক্ষণমাহ- চিত্রমিত্যাদি| চিত্রং নানাপ্রকারম্| মনোনুগতমিতি যদেবাস্য মনসি স্থিতং তদবুদ্ধিপূর্বকং যত্কিঞ্চিদেব জল্পতি| মনোনুগতং বিসঞ্জ্ঞো গাযতি উদ্ভ্রান্তস্মৃতিত্বাদ্বিসঞ্জ্ঞো গাযতি; বিসঞ্জ্ঞো বিপরীতসঞ্জ্ঞঃ, নতু বিগতসঞ্জ্ঞঃ, ভাষণগানাদিকরণাত্| মূঢসঞ্জ্ঞ ইতি চ পদং হেতুফলভাবেন সমর্থনীযম্ |১৩|
Adhikarana 11 (13) · Śloka 13
রক্তেক্ষণো হতবলেন্দ্রিযভাঃ সুদীনঃ শ্যাবাননো বিষকৃতেঽথ ভবেত্ পরাসুঃ ||১৩||
रक्तेक्षणो हतबलेन्द्रियभाः सुदीनः श्यावाननो विषकृतेऽथ भवेत् परासुः ||१३||
🔊 Audio coming soon
বিষোন্মাদমাহ- রক্তেক্ষণ ইত্যাদি| হতবলেন্দ্রিযভা ইতি বলম্ উত্সাহোপচযলক্ষণম্, ইন্দ্রিযাণি চক্ষুরাদীনি, ভাঃ কান্তিঃ| অন্যে তু ‘হতবলেন্দ্রিযবাক্’ ইতি পঠন্তি, ব্যাখ্যানযন্তি চ- বাগিত্যুপাদানম্ অত্যর্থং বাগুপঘাতসূচনার্থম্, অন্যথেন্দ্রিগ্রহণেনৈব সিদ্ধেঃ| সুদীনঃ সুষ্ঠু গ্লানঃ| শ্যাবানন ইতি ধবলকপিলকৃষ্ণমিশ্রবর্ণমুখঃ| অথ ভবেত্ পরাসুরিতি উপেক্ষণান্ম্রিযত ইত্যর্থঃ| অন্যে ‘বিষকৃতেন ভবেদ্বিসঞ্জ্ঞঃ’ ইতি পঠন্তি; তত্র বিসঞ্জ্ঞো বিপরীতসঞ্জ্ঞঃ; বিষমত্র দূষীবিষম্||১৩||
Adhikarana 12 (14-15) · Śloka 15
স্নিগ্ধং স্বিন্নং তু মনুজমুন্মাদার্তং বিশোধযেত্ | তীক্ষ্ণৈরুভযতোভাগৈঃ শিরসশ্চ বিরেচনৈঃ ||১৪|| বিবিধৈরবপীডৈশ্চ সর্ষপস্নেহসংযুতৈঃ | যোজযিত্বা তু তচ্চূর্ণং ঘ্রাণে তস্য প্রযোজযেত্ ||১৫||
स्निग्धं स्विन्नं तु मनुजमुन्मादार्तं विशोधयेत् | तीक्ष्णैरुभयतोभागैः शिरसश्च विरेचनैः ||१४|| विविधैरवपीडैश्च सर्षपस्नेहसंयुतैः | योजयित्वा तु तच्चूर्णं घ्राणे तस्य प्रयोजयेत् ||१५||
🔊 Audio coming soon
নিদানং নির্দিশ্য চিকিত্সামাহ- স্নিগ্ধমিত্যাদি| তীক্ষ্ণৈরুভযতোভাগৈরিতি বিষাণিকাদেবদালিকাকারবেল্লিকাদিভিঃ| শিরসশ্চ বিরেচনৈরিতি বিডঙ্গতণ্ডুলাদিভিঃ| বিবিধৈঃ নানাপ্রকারৈঃ| অবপীডৈঃ নস্যভেদৈঃ| চেতোবিকারশমনৈঃ অমানুষোপসর্গপ্রতিষেধোক্তৈঃ| সর্ষপস্নেহসংযুতৈঃ অবপীডৈরিত্যর্থঃ| যোজযিত্বেতি উন্মাদার্তে| তু পুনঃ| তচ্চূর্ণং সর্ষপস্নেহসংযুক্তম্| উন্মাদার্তস্য বমনাদিনা হৃদযকোষ্ঠেন্দ্রিযশিরঃশুদ্ধৌ মনঃপ্রসাদাত্ স্মৃতিসঞ্জ্ঞালাভাদুন্মাদোপশম ইতি ব্যপদেশঃ||১৪-১৫||
Adhikarana 13 (16) · Śloka 16
সততং ধূপযেচ্চৈনং শ্বগোমাংসৈঃ সুপূতিভিঃ | সর্ষপানাং চ তৈলেন নস্যাভ্যঙ্গৌ হিতৌ সদা ||১৬||
सततं धूपयेच्चैनं श्वगोमांसैः सुपूतिभिः | सर्षपानां च तैलेन नस्याभ्यङ्गौ हितौ सदा ||१६||
🔊 Audio coming soon
ধূপনস্যাভ্যঙ্গানাহ- সততমিত্যাদি| এনম্ উন্মাদার্তম্| সুপূতিভিঃ সুষ্ঠু শটিতৈঃ| শটিতৈশ্চাপি ধূপনেন মনঃ প্রকৃতিমাযাতি, প্রভাবাত্||১৬||
Adhikarana 14 (17-19) · Śloka 20
দর্শযেদদ্ভুতান্যস্য বদেন্নাশং প্রিযস্য বা | ভীমাকারৈর্নরৈর্নাগৈর্দান্তৈর্ব্যালৈশ্চ নির্বিষৈঃ ||১৭|| ভীষযেত্ সংযতং পাশৈঃ কশাভির্বাঽথ তাডযেত্ | যন্ত্রযিত্বা সুগুপ্তং বাং ত্রাসযেত্তং তৃণাগ্নিনা ||১৮|| জলেন তর্জযেদ্বাঽপি রজ্জুঘাতৈর্বিভাবযেত্ | বলবাংশ্চাপি সংরক্ষেত্ জলেঽন্তঃ পরিবাসযেত্ | প্রতুদেদারযা চৈনং মর্মাঘাতং বিবর্জযেত্ | বেশ্মনোঽন্তঃ প্রবিশ্যৈনং রক্ষংস্তদ্বেশ্ম দীপযেত্ ||১৯|| সাপিধানে জরত্কূপে সততং বা নিবাসযেত্ |২০|
दर्शयेदद्भुतान्यस्य वदेन्नाशं प्रियस्य वा | भीमाकारैर्नरैर्नागैर्दान्तैर्व्यालैश्च निर्विषैः ||१७|| भीषयेत् संयतं पाशैः कशाभिर्वाऽथ ताडयेत् | यन्त्रयित्वा सुगुप्तं वां त्रासयेत्तं तृणाग्निना ||१८|| जलेन तर्जयेद्वाऽपि रज्जुघातैर्विभावयेत् | बलवांश्चापि संरक्षेत् जलेऽन्तः परिवासयेत् | प्रतुदेदारया चैनं मर्माघातं विवर्जयेत् | वेश्मनोऽन्तः प्रविश्यैनं रक्षंस्तद्वेश्म दीपयेत् ||१९|| सापिधाने जरत्कूपे सततं वा निवासयेत् |२०|
🔊 Audio coming soon
দর্শযেদিত্যাদি| অদ্ভুতানি অদৃষ্টপূর্বাণি ভীষণানি| অস্য উন্মাদার্তস্য| নাশং বিনাশং প্রিযস্য বস্তুনো বদেত্| ভীমাকারৈ রৌদ্ররূপৈঃ| নাগৈঃ হস্তিভিঃ| দান্তৈঃ শিক্ষাবদ্ভিঃ| ব্যালৈঃ সর্পৈঃ| নির্বিষৈঃ গোনসাদিভিঃ| ভীষযেত্ ভযমুত্পাদযেত্| পাশৈঃ নিগডাদিভিঃ| সংযতং বদ্ধম্| কশাভিঃ চর্মযষ্টিভিঃ| নিগডাদিবন্ধনং ভ্রান্তমনসঃ কূপাগ্ন্যাদিপ্রবেশনিরাসার্থং ক্রিযাসুখকরত্বার্থং চ| প্রতুদেত্ ব্যথযেত্| আরযা তীক্ষ্ণাগ্রযা শলাকযা| এনম্ উন্মাদিনং, বেশ্মনো গৃহস্য, অন্তঃ মধ্যে, প্রবেশ্য রক্ষন্, তদ্বেশ্ম দীপযেত্ প্রজ্বালযেত্| কূপে নির্জলে জলেন বর্জিতে| জলেন তর্জযেদ্বাঽপীতি তপ্তেনেতি দ্রষ্টব্যং, তপ্তমপি বিশেষবৃত্তেঃ; যত উক্তং তন্ত্রান্তরে- “কপিকচ্ছ্বাঽথবা তপ্তৈর্লোহতৈলজলৈঃ স্পৃশেত্|” (বা. উ. ৬) ইতি||১৭-১৯||
Adhikarana 15 (20-29) · Śloka 29
ত্র্যহাত্ত্র্যহাদ্যবাগূশ্চ তর্পণান্ বা প্রদাপযেত্ ||২০|| কেবলানম্বুযুক্তান্ বা কুল্মাষান্ বা বহুশ্রুতঃ | হৃদ্যং যদ্দীপনীযং চ তত্পথ্যং তস্য ভো(যো)জযেত্ | (বিডঙ্গত্রিফলামুস্তমঞ্জিষ্ঠাদাডিমোত্পলৈঃ | শ্যামৈলবালুকৈলাভিশ্চন্দনামরদারুভিঃ ||২২|| বর্হিষ্ঠরজনীকুষ্ঠপর্ণিনীসারিবাদ্বযৈঃ | হরেণুকাত্রিবৃদ্দন্তীবচাতালীসকেশরৈঃ ||২৩|| দ্বিক্ষীরং সাধিতং সর্পির্মালতীকুসুমৈঃ সহ | গুল্মকাসজ্বরশ্বাসক্ষযোন্মাদনিবারণম্ ||২৪|| এতদেব হি সম্পক্বং জীবনীযোপসম্ভৃতম্ | চতুর্গুণেন দুগ্ধেন মহাকল্যাণমুচ্যতে ||২৫|| অপস্মারং গ্রহং শোষং ক্লৈব্যং কার্শ্যমবীজতাম্ | ঘৃতমেতন্নিহন্ত্যাশু যে চাদৌ গদিতা গদাঃ ||২৬|| বর্হিষ্ঠকুষ্ঠমঞ্জিষ্ঠাকটুকৈলানিশাহ্বযৈঃ | তগরত্রিফলাহিঙ্গুবাজিগন্ধামরদ্রুমৈঃ ||২৭|| বচাঽজমোদাকাকোলীমেদামধুকপদ্মকৈঃ | সশর্করং হিতং সর্পিঃ পক্বং ক্ষীরচতুর্গুণম্ ||২৮|| বালানাং গ্রহজুষ্টানাং পুংসা দুষ্টাল্পরেতসাম্ | খ্যাতং ফলঘৃতং স্ত্রীণাং বন্ধ্যানাং চাশু গর্ভদম্) ||২৯||
त्र्यहात्त्र्यहाद्यवागूश्च तर्पणान् वा प्रदापयेत् ||२०|| केवलानम्बुयुक्तान् वा कुल्माषान् वा बहुश्रुतः | हृद्यं यद्दीपनीयं च तत्पथ्यं तस्य भो(यो)जयेत् | (विडङ्गत्रिफलामुस्तमञ्जिष्ठादाडिमोत्पलैः | श्यामैलवालुकैलाभिश्चन्दनामरदारुभिः ||२२|| बर्हिष्ठरजनीकुष्ठपर्णिनीसारिवाद्वयैः | हरेणुकात्रिवृद्दन्तीवचातालीसकेशरैः ||२३|| द्विक्षीरं साधितं सर्पिर्मालतीकुसुमैः सह | गुल्मकासज्वरश्वासक्षयोन्मादनिवारणम् ||२४|| एतदेव हि सम्पक्वं जीवनीयोपसम्भृतम् | चतुर्गुणेन दुग्धेन महाकल्याणमुच्यते ||२५|| अपस्मारं ग्रहं शोषं क्लैब्यं कार्श्यमबीजताम् | घृतमेतन्निहन्त्याशु ये चादौ गदिता गदाः ||२६|| बर्हिष्ठकुष्ठमञ्जिष्ठाकटुकैलानिशाह्वयैः | तगरत्रिफलाहिङ्गुवाजिगन्धामरद्रुमैः ||२७|| वचाऽजमोदाकाकोलीमेदामधुकपद्मकैः | सशर्करं हितं सर्पिः पक्वं क्षीरचतुर्गुणम् ||२८|| बालानां ग्रहजुष्टानां पुंसा दुष्टाल्परेतसाम् | ख्यातं फलघृतं स्त्रीणां वन्ध्यानां चाशु गर्भदम्) ||२९||
🔊 Audio coming soon
আহারং নির্দিশন্নাহ- ত্র্যহাদিত্যাদি| ত্র্যহাদেকান্তরেণেত্যর্থঃ| তর্পণান্ কেবলান্ সক্তূনম্বুনা যুক্তান্ দদ্যাদিতি সম্বন্ধঃ| অন্যে তর্পণমিতি পঠিত্বা তর্পণং লাজা ইতি ব্যাখ্যানযন্তি| কুল্মাষান্ বেতি যবপিষ্টমযান্ ভক্ষ্যান্| অত্র যবাগ্বাদ্যুপদেশো মধ্যমন্দবলবগ্নিসাত্ম্যাদ্যপেক্ষযা| বহুশ্রুতো বহুবিচক্ষণো ভিষক্| হৃদ্যং হৃদযহিতং যত্ তত্ স্রোতঃশুদ্ধ্যর্থং দেযম্| অস্যাগ্রে কেচিত্ কল্যাণকং পঠন্তি; তন্ন, জ্বরপ্রতিষেধে তস্য পঠিতত্বাত্; তত্র ত্বতিকান্তাবেক্ষণতন্ত্রযুক্ত্যাঽতিদেষ্টব্যং ফলঘৃতমিতি কেচিত্ পঠন্তি; তচ্চ ন পঠনীযং, সর্বনিবন্ধকারৈর্নিষদ্ধত্বাত্||২০-২৯||
Adhikarana 16 (30-32) · Śloka 32
ব্রাহ্মীমৈন্দ্রীং বিডঙ্গানি ব্যোষং হিঙ্গু সুরাং জটাম্ | বিষঘ্নীং লশুনং রাস্নাং বিশল্যাং সুরসাং বচাম্ ||৩০|| জ্যোতিষ্মতীং নাগরং চ অনন্তামভযাং তথা | সৌরাষ্ট্রীং চ সমাংশানি গজমূত্রেণ পেষযেত্ ||৩১|| ছাযাবিশুষ্কাস্তদ্বর্তীর্যোজযেদ্বিধিকোবিদঃ | অবপীডেঽঞ্জনেঽভ্যঙ্গে নস্যে ধূমে প্রলেপনে ||৩২||
ब्राह्मीमैन्द्रीं विडङ्गानि व्योषं हिङ्गु सुरां जटाम् | विषघ्नीं लशुनं रास्नां विशल्यां सुरसां वचाम् ||३०|| ज्योतिष्मतीं नागरं च अनन्तामभयां तथा | सौराष्ट्रीं च समांशानि गजमूत्रेण पेषयेत् ||३१|| छायाविशुष्कास्तद्वर्तीर्योजयेद्विधिकोविदः | अवपीडेऽञ्जनेऽभ्यङ्गे नस्ये धूमे प्रलेपने ||३२||
🔊 Audio coming soon
ব্রাহ্মীত্যাদি| ব্রাহ্মী মণ্ডূকপর্ণী, অন্যে লবণিকামাহুঃ| ঐন্দ্রী ইন্দ্রবারুণী, অন্যে মত্স্যাক্ষকভেদমাহুঃ| সুরা সুরাহ্বং, অন্তলোপাত্; অন্যে তু ইন্দ্রসুরা ইন্দ্রবারুণী, ইন্দ্রশব্দলোপাত্| জটা জটামাংসী| বিষঘ্নী হরিদ্রা, অন্যে নির্বিষামাহুঃ| বিশল্যা গুডূচী| সুরসা তুলসী| জ্যোতিষ্মতী কাকমর্দনী| নাগরং শুণ্ঠী| অত্রান্যে ‘নাগবিন্নাম্’ ইতি পঠন্তি, নাগবিন্না ইন্দ্রবারুণীভেদঃ, বৃশ্চিকপত্রিকেত্যপরে| অনন্তা উত্পলসারিবা| অভযা হরীতকী| সৌরাষ্ট্রী তুবরিকা| বিধিকোবিদো বিধিজ্ঞো বৈদ্যঃ||৩০-৩২||
Adhikarana 17 (33) · Śloka 33
উরোপাঙ্গললাটেষু সিরাশ্চাস্য বিমোক্ষযেত্ |৩৩|
उरोपाङ्गललाटेषु सिराश्चास्य विमोक्षयेत् |३३|
🔊 Audio coming soon
উরোপাঙ্গেত্যাদি| উরঃ স্তনযোরন্তরালম্| অত্রাপাঙ্গশব্দঃ শঙ্খে বর্ততে, সামীপ্যাত্; ন ত্বপাঙ্গঃ শঙ্খসন্ধিঃ; কুতঃ? তত্রৈকস্যা এব ব্যধ্যসিরাযা নির্দিষ্টত্বাত্| অস্য উন্মাদিনঃ| ভূতবিদ্যাসিদ্ধান্তাদুরঃপ্রভৃতিষু সিরাব্যধনসুক্তং, সিরাব্যধবিধিতশ্চ শঙ্খসন্ধৌ ; অতোঽত্র উন্মাদে উভযত্রাপি সিরাব্যধনমিষ্টম্|৩৩|-
Adhikarana 18 (33) · Śloka 33
অপস্মারক্রিযাং চাপি গ্রহোদ্দিষ্টাং চ কারযেত্ ||৩৩||
अपस्मारक्रियां चापि ग्रहोद्दिष्टां च कारयेत् ||३३||
🔊 Audio coming soon
ইদানীমতিদেশচিকিত্সিতমাহ- অপস্মারেত্যাদি| অত্রাপস্মারক্রিযাযা অতিদেশেন বাতাদিজোন্মাদচিকিত্সিতং প্রাপ্তং, অতোঽত্র চিকিত্সাদৌ পৃথগ্দোষজচিকিত্সিতং নোক্তম্| এবমন্যদপ্যনুক্তং পূরণীযম্||৩৩||
Adhikarana 19 (34) · Śloka 34
শান্তদোষং বিশুদ্ধং চ স্নেহবস্তিভিরাচরেত্ |৩৪|
शान्तदोषं विशुद्धं च स्नेहबस्तिभिराचरेत् |३४|
🔊 Audio coming soon
শান্তদোষমিত্যাদি| শান্তদোষং শান্তোন্মাদং, বিশুদ্ধং বমনাদিনা, স্নেহবস্তিভিরাচরেদিতি পুনরুন্মাদোদ্গমনিষেধার্থম্|৩৪|-
Adhikarana 20 (34-35) · Śloka 35
উন্মাদেষু চ সর্বেষু কুর্যাচ্চিত্তপ্রসাদনম্ | মৃদুপূর্বাং মদেঽপ্যেবং ক্রিযাং মৃদ্বীং প্রযোজযেত ||৩৪|| শোকশল্যং ব্যপনযেদুন্মাদে পঞ্চমে ভিষক্ | বিষজে মৃদুপূর্বাং চ বিষঘ্নীং কারযেত্ ক্রিযাম্ ||৩৫||
उन्मादेषु च सर्वेषु कुर्याच्चित्तप्रसादनम् | मृदुपूर्वां मदेऽप्येवं क्रियां मृद्वीं प्रयोजयेत ||३४|| शोकशल्यं व्यपनयेदुन्मादे पञ्चमे भिषक् | विषजे मृदुपूर्वां च विषघ्नीं कारयेत् क्रियाम् ||३५||
🔊 Audio coming soon
উন্মাদেষ্বিত্যাদি| মৃদুপূর্বাং মৃদুসংশোধনপূর্বাং, কিযাং মৃদ্বীং মৃদ্বঞ্জনাভ্যঞ্জনাদিকাং, প্রযোজযেদিতি সম্বন্ধঃ| এবং পূর্বপ্রকারেণেত্যর্থঃ| শোকশল্যং ব্যপনযেদিত্যাদি ব্যপনযেদিতি ইষ্টপ্রাপণসান্ত্বনাশ্বাসনাদিভিঃ| পঞ্চমে মনোদুঃখজে| বিষজে মৃদুপূর্বামিত্যাদি| মৃদুপূর্বাং মৃদুশোধনপূর্বাং, বিষঘ্নীং ক্রিযাং কল্পোপদিষ্টাং, কারযেদিতি||৩৪-৩৫||
Adhikarana puShpikA · Śloka 62
ইতি সুশ্রুতসংহিতাযামুত্তরতন্ত্রান্তর্গতে ভূতবিদ্যাতন্ত্রে উন্মাদপ্রতিষেধো নাম (তৃতীযোঽধ্যাযঃ, আদিতঃ) দ্বিষষ্টিতমোঽধ্যাযঃ ||৬২||
इति सुश्रुतसंहितायामुत्तरतन्त्रान्तर्गते भूतविद्यातन्त्रे उन्मादप्रतिषेधो नाम (तृतीयोऽध्यायः, आदितः) द्विषष्टितमोऽध्यायः ||६२||
🔊 Audio coming soon
নিবন্ধান্ নিখিলান্ দৃষ্ট্বা বৈদ্যঃ শ্রীভরতাত্মজঃ| ভূতবিদ্যাস্পদং স্পষ্টং চক্রে শ্রীডল্হণঃ সুধীঃ||১|| ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রে উন্মাদপ্রতিষেধো নাম দ্বিষষ্টিতমোঽধ্যাযঃ সমাপ্তঃ||৬২||