Adhikarana 1 (1-2) · Śloka 2
അഥാതോ യോനിവ്യാപത്പ്രതിഷേധം വ്യാഖ്യാസ്യാമഃ ||൧|| യഥോവാച ഭഗവാന് ധന്വന്തരിഃ ||൨||
अथातो योनिव्यापत्प्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ഗ്രഹോത്പത്ത്യധ്യായാനന്തരം ‘തിര്യഗ്യോനിം മാനുഷം ച’ ഇതി വചനേന യോനേര്നാമസങ്കീര്തനാത് കുമാരജന്മവികാരകാരണത്വാച്ച യോനേര്വ്യാപച്ചികിത്സിതാര്ഥം യോനിവ്യാപത്പ്രതിഷേധാധ്യായാരമ്ഭോ യുജ്യത ഇത്യാഹ- അഥാത ഇത്യാദി| യോനിവ്യാപദോ യോനിരോഗാഃ, തേഷാം പ്രതിഷേധശ്ചികിത്സിതമിതി||൧-൨||
Adhikarana 2 (3) · Śloka 4
പ്രവൃദ്ധലിങ്ഗം പുരുഷം യാऽത്യര്ഥമുപസേവതേ | രൂക്ഷദുര്ബലബാലാ യാ തസ്യാ വായുഃ പ്രകുപ്യതി ||൩|| സ ദുഷ്ടോ യോനിമാസാദ്യ യോനിരോഗായ കല്പതേ |൪|
प्रवृद्धलिङ्गं पुरुषं याऽत्यर्थमुपसेवते | रूक्षदुर्बलबाला या तस्या वायुः प्रकुप्यति ||३|| स दुष्टो योनिमासाद्य योनिरोगाय कल्पते |४|
🔊 Audio coming soon
പ്രവൃദ്ധേത്യാദി| രൂക്ഷദുര്ബലബാലാ യാ സ്ത്രീ പ്രവൃദ്ധലിങ്ഗമതിപ്രലമ്ബമേഹനം പുരുഷമതിശയേന സേവതേ| തസ്യാ വായുഃ പ്രകോപമാപദ്യതേ, സ വായുഃ പ്രകുപിതഃ സന് പിത്തശ്ലേഷ്മാണൌ കോപയതി, അഥവാ വാതഃ പിത്തശ്ലേഷ്മാണൌ സ്വഹേതുഭിഃ കുപിതൌ ഗൃഹീത്വാ യോനിരോഗായ കല്പതേ സമര്ഥോ ഭവതി||൩||-
Adhikarana 3 (4-5) · Śloka 6
ത്രയാണാമപി ദോഷാണാം യഥാസ്വം ലക്ഷണേന തു ||൪|| വിംശതിര്വ്യാപദോ യോനേര്നിര്ദിഷ്ടാ രോഗസങ്ഗ്രഹേ | മിഥ്യാചാരേണ യാഃ സ്ത്രീണാം പ്രദുഷ്ടേനാര്തവേന ച ||൫|| ജായന്തേ ബീജദോഷാച്ച ദൈവാച്ച ശൃണു താഃ പൃഥക് |൬|
त्रयाणामपि दोषाणां यथास्वं लक्षणेन तु ||४|| विंशतिर्व्यापदो योनेर्निर्दिष्टा रोगसङ्ग्रहे | मिथ्याचारेण याः स्त्रीणां प्रदुष्टेनार्तवेन च ||५|| जायन्ते बीजदोषाच्च दैवाच्च शृणु ताः पृथक् |६|
🔊 Audio coming soon
തേഷാം യോനിരോഗാണാം സാമാന്യജ്ഞാനോപായമാഹ- ത്രയാണാമിത്യാദി| യഥാസ്വം ലക്ഷണേന യോനിരോഗം ജാനീയാദിത്യര്ഥഃ||൪-൫||-
Adhikarana 4 (6-8) · Śloka 9
ഉദാവര്താ തഥാ വന്ധ്യാ വിപ്ലുതാ ച പരിപ്ലുതാ ||൬|| വാതലാ ചേതി വാതോത്ഥാഃ, പിത്തോത്ഥാ രുധിരക്ഷരാ | വാമിനീ സ്രംസിനീ ചാപി പുത്രഘ്നീ പിത്തലാ ച യാ ||൭|| അത്യാനന്ദാ ച യാ യോനിഃ കര്ണിനീ ചരണാദ്വയമ് | ശ്ലേഷ്മലാ ച കഫാജ്ജ്ഞേയാ, ഷണ്ഡാഖ്യാ ഫലിനീ തഥാ ||൮|| മഹതീ സൂചിവക്ത്രാ ച സര്വജേതി ത്രിദോഷജാ |൯|
उदावर्ता तथा वन्ध्या विप्लुता च परिप्लुता ||६|| वातला चेति वातोत्थाः, पित्तोत्था रुधिरक्षरा | वामिनी स्रंसिनी चापि पुत्रघ्नी पित्तला च या ||७|| अत्यानन्दा च या योनिः कर्णिनी चरणाद्वयम् | श्लेष्मला च कफाज्ज्ञेया, षण्डाख्या फलिनी तथा ||८|| महती सूचिवक्त्रा च सर्वजेति त्रिदोषजा |९|
🔊 Audio coming soon
വാതജാഃ പഞ്ച യോനിവ്യാപദ ആഹ- ഉദാവര്തേത്യാദി| ഉദാവര്താ, വന്ധ്യാ, വിപ്ലുതാ, പരിപ്ലുതാ, വാതലാ, ഇതി പഞ്ച വാതോത്ഥാഃ| പിത്തജാഃ പഞ്ചാഹ- രുധിരക്ഷരാ, വാമിനീ, സ്രംസിനീ, പുത്രഘ്നീ, പിത്തലാ, ഇതി പഞ്ച പിത്തോത്ഥാഃ| കഫജാഃ പഞ്ചോച്യന്തേ- അത്യാനന്ദാ, കര്ണിനീ, ചരണാദ്വയം, ശ്ലേഷ്മലാ, ഇതി പഞ്ച കഫോത്ഥാഃ| സന്നിപാതജാഃ പഞ്ചോച്യന്തേ- ഷണ്ഡീ, ഫലിനീ, മഹതീ, സൂചിവക്ത്രാ, സര്വജാ, ഇതി പഞ്ച സന്നിപാതജാഃ||൬-൮||-
Adhikarana 5 (9-11) · Śloka 11
സഫേനിലമുദാവര്താ രജഃ കൃച്ഛ്രേണ മുഞ്ചതി ||൯|| വന്ധ്യാം നഷ്ടാര്തവാം വിദ്യാദ്വിപ്ലുതാം നിത്യവേദനാമ് | പരിപ്ലുതായാം ഭവതി ഗ്രാമ്യധര്മേ രുജാ ഭൃശമ് ||൧൦|| വാതലാ കര്കശാ സ്തബ്ധാ ശൂലനിസ്തോദപീഡിതാ | ചതസൃഷ്വപി ചാദ്യാസു ഭവന്ത്യനിലവേദനാഃ ||൧൧||
सफेनिलमुदावर्ता रजः कृच्छ्रेण मुञ्चति ||९|| वन्ध्यां नष्टार्तवां विद्याद्विप्लुतां नित्यवेदनाम् | परिप्लुतायां भवति ग्राम्यधर्मे रुजा भृशम् ||१०|| वातला कर्कशा स्तब्धा शूलनिस्तोदपीडिता | चतसृष्वपि चाद्यासु भवन्त्यनिलवेदनाः ||११||
🔊 Audio coming soon
വാതജാനാം യോനിവ്യാപദാം പൃഥഗ്ലക്ഷണമാഹ- സഫേനിലമിത്യാദി| യാ ഉദാവര്താ യോനിഃ സാ ഫേനിലം ഫേനസഹിതം രജ ആര്തവം കൃച്ഛ്രേണ ദുഃഖേന മുഞ്ചതി| വിപ്ലുതാ നിത്യം രുജാവതീ, പരിപ്ലുതാ പുനര്വ്യവായ ഏവ പീഡാവതീത്യനയോര്ഭേദഃ| വാതലേത്യാദി| സ്തബ്ധാ തനടിതേവ| ശൂലം വാതശൂലം, നിസ്തോദഃ സൂചീഭിരിവ വ്യധനമ്| കിം വാതലായാമേവാനിലവേദനാ ഭവന്തി ഉതാന്യാസ്വപീത്യാഹ- ചതസൃഷ്വിത്യാദി| ആദ്യാസു ഉദാവര്താദിഷ്വപീത്യര്ഥഃ||൯-൧൧||
Adhikarana 6 (12-14) · Śloka 14
സദാഹം പ്രക്ഷരത്യസ്രം യസ്യാം സാ ലോഹിതക്ഷരാ | സവാതമുദ്ഗിരേദ്ബീജം വാമിനീ രജസാ യുതമ് ||൧൨|| പ്രസ്രംസിനീ സ്യന്ദതേ തു ക്ഷോഭിതാ ദുഃപ്രസൂശ്ച യാ | സ്ഥിതം സ്ഥിതം ഹന്തി ഗര്ഭം പുത്രഘ്നീ രക്തസംസ്രവാത് ||൧൩|| അത്യര്ഥം പിത്തലാ യോനിര്ദാഹപാകജ്വരാന്വിതാ | ചതസൃഷ്വപി ചാദ്യാസു പിത്തലിങ്ഗോച്ഛ്രയോ ഭവേത് ||൧൪||
सदाहं प्रक्षरत्यस्रं यस्यां सा लोहितक्षरा | सवातमुद्गिरेद्बीजं वामिनी रजसा युतम् ||१२|| प्रस्रंसिनी स्यन्दते तु क्षोभिता दुःप्रसूश्च या | स्थितं स्थितं हन्ति गर्भं पुत्रघ्नी रक्तसंस्रवात् ||१३|| अत्यर्थं पित्तला योनिर्दाहपाकज्वरान्विता | चतसृष्वपि चाद्यासु पित्तलिङ्गोच्छ्रयो भवेत् ||१४||
🔊 Audio coming soon
സദാഹമിത്യാദി| അസ്രമ് ആര്തവം, ‘സദാഹം ക്ഷീയതേ രക്തം യസ്യാം സാ ലോഹിതക്ഷയാ’ ഇതി കേചിത് പഠന്തി| ബീജം ശുക്രമ്| ഉദ്ഗിരേത് വമേത്| രജസാ യുതമ് ആര്തവമിശ്രമ്| സ്യന്ദതേ സ്രവതി, ക്ഷോഭിതാ സഞ്ചാലിതാ, ദുഃപ്രസൂഃ ദുഃഖേന പ്രസൂയതേ യാ ഏവംവിധാ യോനിഃ സാ പ്രസ്രംസിനീതി സമ്ബന്ധഃ| ദുഃപ്രസൂശ്ചേത്യത്രാന്യേ ‘ദുഃപ്രജായനാ’ ഇതി പഠന്തി, ദുഷ്ടീഭൂതാപത്യമാര്ഗേതി വ്യാഖ്യാനയന്തി| സ്ഥിതമിത്യാദി| സ്ഥിതം സ്ഥിതം ഗര്ഭം ഹന്തി നോത്പന്നമാത്രമ്| ചതസൃഷു ആദ്യാസു ലോഹിതക്ഷരാദിഷു| പിത്തലിങ്ഗോച്ഛ്രയഃ ഓഷചോഷാദികാ വേദനാഃ||൧൨-൧൪||
Adhikarana 7 (15-17) · Śloka 17
അത്യാനന്ദാ ന സന്തോഷം ഗ്രാമ്യധര്മേണ ഗച്ഛതി | കര്ണിന്യാം കര്ണികാ യോനൌ ശ്ലേഷ്മാസൃഗ്ഭ്യം പ്രജായതേ ||൧൫|| മൈഥുനേऽചരണാ പൂര്വം പുരുഷാദതിരിച്യതേ | ബഹുശശ്ചാതിചരണാദന്യാ ബീജം ന വിന്ദതി ||൧൬|| ശ്ലേഷ്മലാ പിച്ഛിലാ യോനിഃ കണ്ഡൂയുക്താऽതിശീതലാ | ചതസൃഷ്വപി ചാദ്യാസു ശ്ലേഷ്മലിങ്ഗോച്ഛ്രിതിര്ഭവേത് ||൧൭||
अत्यानन्दा न सन्तोषं ग्राम्यधर्मेण गच्छति | कर्णिन्यां कर्णिका योनौ श्लेष्मासृग्भ्यं प्रजायते ||१५|| मैथुनेऽचरणा पूर्वं पुरुषादतिरिच्यते | बहुशश्चातिचरणादन्या बीजं न विन्दति ||१६|| श्लेष्मला पिच्छिला योनिः कण्डूयुक्ताऽतिशीतला | चतसृष्वपि चाद्यासु श्लेष्मलिङ्गोच्छ्रितिर्भवेत् ||१७||
🔊 Audio coming soon
അത്യാനന്ദേത്യാദി| ഗ്രാമ്യധര്മേണ മൈഥുനേന| കര്ണികാ മാംസകന്ദീ| മൈഥുനേത്യാദി| പൂര്വാ ചരണീ അതിരിച്യതേ മൈഥുനാചരണേऽധികാ ഭവതി; അന്യേ ‘മൈഥുനേऽചരണാ പൂര്വം’ ഇതി പഠന്തി, ശേഷം സമമ്| പുരുഷാത് പൂര്വമതിരിച്യതേ, അത്യര്ഥം കണ്ഡൂയത ഇത്യര്ഥഃ| ബഹുശോ അതിചരണാത് മൈഥുനാത്, അന്യാ അതിചരണാ, ബീജം ഗര്ഭാങ്കുരജനനം, ന വിന്ദതി ന പ്രാപ്നോതി| ‘ബഹുശശ്ചാതിചരണീ തയോര്ബീജം ന തിഷ്ഠതി’ ഇതി കേചിത് പഠന്തി, അതിചരണാ ബഹുശോ മൈഥുനം വ്രജതി, തയോശ്ചരണാതിചരണയോര്ബീജം ന തിഷ്ഠതി, സ്ഥിതിം ന കരോതീത്യര്ഥഃ| ശ്ലേഷ്മലേത്യാദി| ആദ്യാസു അത്യാനന്ദാദിഷു ശ്ലേഷ്മലിങ്ഗോച്ഛ്രിതിഃ പൈച്ഛില്യകണ്ഡ്വാദികാഃ||൧൫-൧൭||
Adhikarana 8 (18-20) · Śloka 20
അനാര്തവസ്തനാ ഷണ്ഡീ ഖരസ്പര്ശാ ച മൈഥുനേ | അതികായഗൃഹീതായാസ്തരുണ്യാഃ ഫലിനീ ഭവേത് ||൧൮|| വിവൃതാऽതിമഹായോനിഃ സൂചീവക്ത്രാऽതിസംവൃതാ | സര്വലിങ്ഗസമുത്ഥാനാ സര്വദോഷപ്രകോപജാ ||൧൯|| ചതസൃഷ്വപി ചാദ്യാസു സര്വലിങ്ഗോച്ഛ്രിതിര്ഭവേത് | പഞ്ചാസാധ്യാ ഭവന്തീമാ യോനയഃ സര്വദോഷജാഃ ||൨൦||
अनार्तवस्तना षण्डी खरस्पर्शा च मैथुने | अतिकायगृहीतायास्तरुण्याः फलिनी भवेत् ||१८|| विवृताऽतिमहायोनिः सूचीवक्त्राऽतिसंवृता | सर्वलिङ्गसमुत्थाना सर्वदोषप्रकोपजा ||१९|| चतसृष्वपि चाद्यासु सर्वलिङ्गोच्छ्रितिर्भवेत् | पञ्चासाध्या भवन्तीमा योनयः सर्वदोषजाः ||२०||
🔊 Audio coming soon
സാന്നിപാതികാഃ പഞ്ചോച്യന്തേ| വന്ധ്യാഷണ്ഡ്യോഃ സസ്തനത്വനിസ്തനത്വേ വിശേഷതഃ| സ്വരസ്പര്ശാ ചേതി ചകാരാന്മൈഥുനദ്വേഷനിഷേധഃ| അതികായോ ബൃഹത്സാധനോ നരസ്തേന ഗൃഹീതായാ ഫലിനീതി സഞ്ജ്ഞാ, ‘അഫലിനീ’ ഇത്യന്യേ പഠന്തി, തത്ര അതികായഗൃഹീതാ യാ തരുണീ സാ അഫലിനീ അപ്രജാ ഇതി വ്യാഖ്യാ| അതിവിവൃതാ മഹായോനിരുച്യതേ| സൂചീവക്ത്രാ അതിസംവൃതാ അത്യര്ഥസങ്കുചിതമുഖീ, സങ്കുചിതമുഖേത്യുച്യതേ| സര്വലിങ്ഗാ സര്വചിഹ്നാ, സര്വസമുത്ഥാനാ സര്വകാരണാ, യാ സാ സര്വജാ കഥ്യതേ| ചതസൃഷ്വിത്യാദി| ചതസൃഷ്വപി ചാദ്യാസു ഷണ്ഡീപ്രഭൃതിഷു; സര്വലിങ്ഗോച്ഛ്രിതിരിതി രൌക്ഷ്യതോദാദികാ വാതലിങ്ഗോച്ഛ്രിതയഃ, ചോഷാദികാഃ പിത്തലിങ്ഗോച്ഛ്രിതയഃ, സ്നേഹകണ്ഡ്വാദികാഃ ശ്ലേഷ്മലിങ്ഗോച്ഛ്രിതയശ്ച||൧൮-൨൦||
Adhikarana 9 (21) · Śloka 21
പ്രതിദോഷം തു സാധ്യാസു സ്നേഹാദിക്രമ ഇഷ്യതേ | ദദ്യാദുത്തരബസ്തീംശ്ച വിശേഷേണ യഥോദിതാന് ||൨൧||
प्रतिदोषं तु साध्यासु स्नेहादिक्रम इष्यते | दद्यादुत्तरबस्तींश्च विशेषेण यथोदितान् ||२१||
🔊 Audio coming soon
പ്രതീത്യാദി| സാധ്യാസു യോനിവ്യാപത്സു പ്രതിദോഷം യഃ സ്നേഹാദിക്രമഃ സ ഇഷ്യത ഇത്യര്ഥഃ| ഏതേന യസ്യ ദോഷസ്യ യഃ പ്രത്യനീകഃ സ്നേഹസ്തേന സ്നേഹേന സംസ്നേഹ്യ സംസ്വേദ്യ തതോ വമനാദീന് സാധ്യാസ്വവചാരയേദിത്യര്ഥഃ| യഥോദിതാനിതി വാതാദിഭേദേനേത്യര്ഥഃ||൨൧||
Adhikarana 10 (22-23) · Śloka 24
കര്കശാം ശീതലാം സ്തബ്ധാമല്പസ്പര്ശാം ച മൈഥുനേ | കുമ്ഭീസ്വേദൈരുപചരേത് സാനൂപൌദകസംയുതൈഃ ||൨൨|| മധുരൌഷധസംയുക്താന് വേശവാരാംശ്ച യോനിഷു | നിക്ഷിപേദ്ധാരയേച്ചാപി പിചുതൈലമതന്ദ്രിതഃ ||൨൩|| ധാവനാനി ച പഥ്യാനി കുര്വീതാപൂരണാനി ച |൨൪|
कर्कशां शीतलां स्तब्धामल्पस्पर्शां च मैथुने | कुम्भीस्वेदैरुपचरेत् सानूपौदकसंयुतैः ||२२|| मधुरौषधसंयुक्तान् वेशवारांश्च योनिषु | निक्षिपेद्धारयेच्चापि पिचुतैलमतन्द्रितः ||२३|| धावनानि च पथ्यानि कुर्वीतापूरणानि च |२४|
🔊 Audio coming soon
കര്കശാമിത്യാദി| അല്പസ്പര്ശാമിതി അതിവ്യവായക്രുദ്ധവാതജനിതസുപ്തിത്വാത്| ‘ശീതലാം’ ഇത്യത്രാന്യേ തു ‘തുമുലാമ്’ ഇതി പഠന്തി, തത്ര ശൂലതോദവേദനാസങ്കുലാമിതി വ്യാഖ്യാ| കുമ്ഭീസ്വേദൈഃ ആനൂപൌദകമാംസവാതഘ്നദ്രവ്യക്വാഥപൂര്ണാം കുമ്ഭീം കൃത്വാ ഭൂമൌ നിഖന്യ തദുപരി ശയ്യാം സംസ്ഥാപ്യാഗ്നിസന്തപ്തലൌഹപാഷാണഗുഡകാന് ക്വാഥേ നിക്ഷിപ്യ തദുത്ഥിതൈര്ബാഷ്പസ്വേദൈര്യോനിപ്രദേശമാത്രഗാമിഭിരുപചരേത്; അന്യേ തു കുമ്ഭീം വാതഹരദ്രവ്യാനൂപൌദകമാംസപൂര്ണാം സജലാം കൃത്വാ പ്രവൃത്തോഷ്മാണം ഗൃഹ്ണീയാദിതി വ്യാഖ്യാനയന്തി| ഉപനാഹവിശേഷമാഹ- മധുരേത്യാദി| മധുരാണി കാകോല്യാദീനി കല്കീകൃതാനി, തൈര്യുക്താന് വേശവാരാന് കൃതാന്നവര്ഗോക്താന് യോനിഷു നിക്ഷിപേത്, പിചുതൈലം പിചുനാ തുലകേന തൈലം വാതഘ്നദ്രവ്യക്വാഥസിദ്ധം യോനിഷു ധാരയേത്| അതന്ദ്രിതോ നിരന്തരകാരീത്യര്ഥഃ | പിചുതൈലം ബലാശൃതമിത്യന്യേ| ധാവനാനി പ്രക്ഷാലനാനി| പഥ്യാനി വാതഹരൌഷധസിദ്ധാനീത്യര്ഥഃ||൨൨-൨൩||-
Adhikarana 11 (24) · Śloka 24
ഓഷചോഷാന്വിതാസൂക്തം കുര്യാച്ഛീതം വിധിം ഭിഷക് ||൨൪||
ओषचोषान्वितासूक्तं कुर्याच्छीतं विधिं भिषक् ||२४||
🔊 Audio coming soon
ശീതം വിധിം രക്തപിത്തഹരമ്||൨൪||
Adhikarana 12 (25) · Śloka 25
ദുര്ഗന്ധാം പിച്ഛിലാം ചാപി ചൂര്ണൈഃ പഞ്ചകഷായജൈഃ | പൂരയേദ്രാജവൃക്ഷാദികഷായൈശ്ചാപി ധാവനമ് ||൨൫||
दुर्गन्धां पिच्छिलां चापि चूर्णैः पञ्चकषायजैः | पूरयेद्राजवृक्षादिकषायैश्चापि धावनम् ||२५||
🔊 Audio coming soon
ദുര്ഗന്ധാം പിത്തേന, പിച്ഛിലാം കഫേന| പഞ്ച കഷായാ ന്യഗ്രോധോദുമ്ബരപ്ലക്ഷാശ്വത്ഥഗര്ദഭാണ്ഡാഃ| തച്ചൂര്ണേന യോനിം പൂരയേത്| രാജവൃക്ഷാദിഃ ആരഗ്വധാദിഃ||൨൫||
Adhikarana 13 (26) · Śloka 26
യോന്യാം തു പൂയസ്രാവിണ്യാം ശോധനദ്രവ്യസമ്ഭൃതൈഃ | സഗോമൂത്രൈഃ സലവണൈഃ ശോധനം ഹിതമിഷ്യതേ ||൨൬||
योन्यां तु पूयस्राविण्यां शोधनद्रव्यसम्भृतैः | सगोमूत्रैः सलवणैः शोधनं हितमिष्यते ||२६||
🔊 Audio coming soon
ശോധനദ്രവ്യാണി മിശ്രകോക്താനി||൨൬||
Adhikarana 14 (27-30) · Śloka 30
ബൃഹതീഫലകല്കസ്യ ദ്വിഹരിദ്രായുതസ്യ ച | കണ്ഡൂമതീമല്പസ്പര്ശാം പൂരയേദ്ധൂപയേത്തഥാ ||൨൭|| വര്തിം പ്രദദ്യാത് കര്ണിന്യാം ശോധനദ്രവ്യസമ്ഭൃതാമ് | പ്രസ്രംസിനീം ഘൃതാഭ്യക്താം ക്ഷീരസ്വിന്നാം പ്രവേശയേത് ||൨൮|| പിധായ വേശവാരേണ തതോ ബന്ധം സമാചരേത് | പ്രതിദോഷം വിദധ്യാച്ച സുരാരിഷ്ടാസവാന് ഭിഷക് ||൨൯|| പ്രാതഃ പ്രാതര്നിഷേവേത രസോനാദുദ്ധൃതം രസമ് | ക്ഷീരമാംസരസപ്രായമാഹാരം വിദധീത ച ||൩൦||
बृहतीफलकल्कस्य द्विहरिद्रायुतस्य च | कण्डूमतीमल्पस्पर्शां पूरयेद्धूपयेत्तथा ||२७|| वर्तिं प्रदद्यात् कर्णिन्यां शोधनद्रव्यसम्भृताम् | प्रस्रंसिनीं घृताभ्यक्तां क्षीरस्विन्नां प्रवेशयेत् ||२८|| पिधाय वेशवारेण ततो बन्धं समाचरेत् | प्रतिदोषं विदध्याच्च सुरारिष्टासवान् भिषक् ||२९|| प्रातः प्रातर्निषेवेत रसोनादुद्धृतं रसम् | क्षीरमांसरसप्रायमाहारं विदधीत च ||३०||
🔊 Audio coming soon
തഥാശബ്ദാദ്ധൂപനമപി ബൃഹതീഫലാദിഭിരേവ||൨൭-൩൦||
Adhikarana 15 (31-32) · Śloka 32
ശുക്രാര്തവാദയോ ദോഷാഃ സ്തനരോഗാശ്ച കീര്തിതാഃ | ക്ലൈബ്യസ്ഥാനാനി മൂഢസ്യ ഗര്ഭസ്യ വിധിരേവ ച ||൩൧|| ഗര്ഭിണീപ്രതിരോഗേഷു ചികിത്സാ ചാപ്യുദാഹൃതാ | സര്വഥാ താം പ്രയുഞ്ജീത യോനിവ്യാപത്സു ബുദ്ധിമാന് | അപപ്രജാതാരോഗാംശ്ച ചികിത്സേദുത്തരാദ്ഭിഷക് ||൩൨||
शुक्रार्तवादयो दोषाः स्तनरोगाश्च कीर्तिताः | क्लैब्यस्थानानि मूढस्य गर्भस्य विधिरेव च ||३१|| गर्भिणीप्रतिरोगेषु चिकित्सा चाप्युदाहृता | सर्वथा तां प्रयुञ्जीत योनिव्यापत्सु बुद्धिमान् | अपप्रजातारोगांश्च चिकित्सेदुत्तराद्भिषक् ||३२||
🔊 Audio coming soon
ശുക്രേത്യാദി| ശുക്രാര്തവാദയോ ദോഷാഃ ശുക്രശോണിതശുദ്ധിശാരീരേ സലക്ഷണചികിത്സിതാ ഉക്താഃ; ആദിശബ്ദാദ്ധാത്രീസ്തന്യദോഷാശ്ച| സ്തനരോഗാ വിസര്പനാഡീസ്തനരോഗനിദാനേ, തച്ചികിത്സിതേ തച്ചികിത്സാ ഉക്താ| ക്ലൈബ്യസ്ഥാനാനി ക്ലൈബ്യകാരണാനി ക്ഷീണബലീയവാജീകരണോദിതാനി| മൂഢഗര്ഭസ്യേതി സ്ഥാനാനീത്യത്രാപി സമ്ബധ്യതേ, തേന മൂഢഗര്ഭസ്യ സ്ഥാനാനി കാരണാനി, വിധിരേവ ച ക്രിയാ ചേത്യര്ഥഃ| ഏതദ്ദ്വയം മൂഢഗര്ഭനിദാനേ തച്ചികിത്സിതേ ചോക്തമ്| ഗര്ഭിണീപ്രതിരോഗേഷ്വിതി ഗര്ഭിണീപ്രതിരോഗേഷു ഗര്ഭിണ്യാ മാസാനുമാസം പ്രതിരോഗേഷു രക്തസ്രാവാദിഷു ചികിത്സോക്താ| ചികിത്സാ ചേതി ചകാരാദ്ഗര്ഭിണ്യാഃ സ്വസ്ഥായാ അപി ചികിത്സാ ഉദാഹൃതാ ഗര്ഭിണീവ്യാകരണശാരീരേ| കേചിത് ‘ഗര്ഭിണീപ്രതിരോഗേഷു’ ഇത്യത്ര ‘ഗര്ഭിണീപ്രതിമാസേഷു’ ഇതി പഠന്തി| താം ചികിത്സാം യോനിവ്യാപത്സ്വപി സര്വഥാ പ്രയുഞ്ജീതേത്യര്ഥഃ| അപപ്രജാതാ അകാലപ്രസൂതാ, തസ്യാ രോഗാന് ജ്വരാദികാന്| താനുത്തരാദുത്തരതന്ത്രോക്തജ്വരാദിചികിത്സിതാത്| രോഗാംശ്ചേതി ചകാര ഉത്തരതന്ത്രാദിത്യത്ര യോജനീയഃ| തേനാപപ്രജാതാരോഗാനുത്തരാദുത്തരതന്ത്രോക്താച്ചികിത്സേത്, ചകാരാദപതാനകാദീന് സംഹിതോക്തേന വിധിനാ ചികിത്സേദിത്യര്ഥഃ| അന്യേ തു ‘ഉത്തരാന്’ ഇതി പഠന്തി, ഉത്തരകാലഭാവിനോऽപതാനകാദീന് ഭിഷക് ചികിത്സേത്, ‘സ്വൈശ്ചികിത്സിതൈഃ’ ഇതി ശേഷഃ||൩൧-൩൨||
Adhikarana puShpikA · Śloka 2
ഇതി സുശ്രുതസംഹിതായാമുത്തരതന്ത്രാന്തര്ഗതേ കുമാരതന്ത്രേ യോനിവ്യാപത്പ്രതിഷേധോ നാമ(ദ്വാദശോऽധ്യായഃ, ആദിതോऽ)ഷ്ടത്രിംശത്തമോऽധ്യായഃ ||൩൮|| ഉത്തരതന്ത്രേ ദ്വിതീയം കൌമാരതന്ത്രം സമാപ്തമ് ||൨||
इति सुश्रुतसंहितायामुत्तरतन्त्रान्तर्गते कुमारतन्त्रे योनिव्यापत्प्रतिषेधो नाम(द्वादशोऽध्यायः, आदितोऽ)ष्टत्रिंशत्तमोऽध्यायः ||३८|| उत्तरतन्त्रे द्वितीयं कौमारतन्त्रं समाप्तम् ||२||
🔊 Audio coming soon
ഇതി ശ്രീഡല്ഹ(ഹ്ല)ണവിരചിതായാം നിബന്ധസങ്ഗ്രഹാഖ്യായാം സുശ്രുതവ്യായാമുത്തരതന്ത്രാന്തര്ഗതേ കൌമാരഭൃത്യതന്ത്രേ യോനിവ്യാപത്പ്രതിഷേധാധ്യായോऽഷ്ടത്രിംശത്തമഃ||൩൮||