3. kāsacikitsitādhyāyaḥ

Adhikarana adhyAyopakramaH · Śloka

রক্তপিত্তচিকিত্সিতাদনন্তরং কাসচিকিত্সিতস্যারম্ভঃ| তস্য চ সম্বন্ধো নিদানে স্বযং গ্রন্থকৃতৈবোক্তঃ|

Adhikarana kAsacikitsitAdhyAyaH vAtakAsacikitsA shuddhasya vAtakAsasya cikitsA sapittasya vAtakAsasya cikitsA sakaPasya vAtakAsasya cikitsA (2-3) · Śloka 3

অথাতঃ কাসচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) কেবলানিলজং কাসং স্নেহৈরাদাবুপাচরেত্| বাতঘ্নসিদ্ধৈঃ স্নিগ্ধৈশ্চ পেযাযূষরসাদিভিঃ||১|| লেহৈর্ধূমৈস্তথাঽভ্যঙ্গস্বেদসেকাবগাহনৈঃ| বস্তিভির্বদ্ধবিড্বাতং, সপিত্তং তূর্ধ্বভক্তিকৈঃ||২|| ঘৃতৈঃ ক্ষীরৈশ্চ, সকফং জযেত্স্নেহবিরেচনৈঃ| |৩|

স০-কেবলানিলজং কাসং-দোষান্তরাসংসৃষ্টং, স্নেহৈঃ-বাতঘ্নসিদ্ধৈঃ, আদাবুপাচরেত্| ননু,শুদ্ধস্য বাতস্য স্নেহৈরেব প্রধানোপক্রম আদিমধ্যাবসানেষু, ন পুনরন্য উপক্রমঃ, তস্মাদাদাবির্যনেন নার্থঃ| অত্রোচ্যতে| বাতঃ কেবলো দোষান্তরাবৃতমার্গঃ কাসস্য কারণম্, ন ত্বনাবৃতমার্গঃ| তথা চ কাসসম্প্রাপ্তাবুক্তম্ (হৃ. নি. অ. ৩১১৯)-তত্রাধো বিহতোঽনিলঃ| ঊর্ধ্বংপ্রবৃত্তঃ" ইত্যাদি| এবং বাতস্য বিহতৌ যো দোষঃ কারণং কফাদিঃ, তস্য রূক্ষাদ্যুপক্রমেণৈব শমং কৃত্বাঽনন্তরং কাসেন সহোপক্রমমস্য ভিষজঃ কুর্যুরিতি তেষাং ভ্রান্তিনিরসাড়্থমাদাবিত্যুক্তম্| তথা, পেযাদিভিরুপাচরেত্| তথা, বদ্ধৌ বিড্বাতৌ যস্মিন্কাসে তং বস্তিভিরুপাচরেত্| সপিত্তং চ বাতকাসমূর্ধ্বভক্তিকৈঃ-ভক্তসমনন্তরং পীযমানৈর্ঘৃতৈর্ভোজযেত্ ক্ষীরৈশ্চ| ঊর্ধ্বভক্তিকৈরিতি ঊর্ধ্বভক্তাদিভিঃ| মযুরব্যংসকাদিত্বাত্ সমাসঃ, অধ্যাত্মাদিগ্বাঠ্ঠঞ্| তথা, বাতঘ্নসিদ্ধৈরিত্যেষ্বপি যোজ্যম্| তথা, সকফং বাতকাসং স্নেহবিরেচনৈরুপাচরেত্| অথ স্নেহানাহ

Adhikarana guDUcyAdighRutaM vAtakAsanut (3-4) · Śloka 4

| গুডূচীকণ্টকারীভ্যাং পৃথক্ত্রিংশত্পলাদ্রসে||৩|| প্রস্থঃ সিদ্ধো ঘৃতাদ্বাতকাসনুদ্বহ্নিদীপনঃ| |৪|

স০-গুডূচ্যাঃ কণ্টকার্যাশ্চ পৃথক্-প্রত্যেকং, ত্রিংত্শল্পলং তস্মাদ্যো রসস্তস্মিন্ ঘৃতাত্ প্রস্থঃ সিদ্ধো বাতকাসাদিজিত্| তিস্রোঽপি পঞ্চম্য এতা অপেক্ষিতক্রিযেঽপাদানে বোধ্যাঃ|

Adhikarana kShArAdighRutaM kAsashvAsAdinut (4-6) · Śloka 6

| ক্ষাররাস্নাবচাহিঙ্গুপাঠাযষ্ট্যাহ্বধান্যকৈঃ||৪|| দ্বিশাণৈঃ সর্পিষঃ প্রস্থং পঞ্চকোলযুতৈঃ পচেত্| দশমূলস্য নির্যূহে পীতো মণ্ডানুপাযিনা||৫|| স কাসশ্বাসহ্রত্পার্শ্বগ্রহণীরোগগুল্মনুত্| |৬|

স০-ক্ষারাদিভিঃ পঞ্চকোলযুতৈর্দ্বিশাণমাত্রৈঃ কল্কৈর্দশমূলক্বাথে সর্পিষঃ প্রস্থং পচেত্| স চ-সর্পিঃপ্রস্থো, মণ্ডানুপাযিনা পীতঃ কাসাদিজিত্|

Adhikarana rAsnAdighRutaM pa~jcakAsAdijit (6-9) · Śloka 9

| দ্রোণেঽপাং সাধযেদ্রাস্নাদশমূলশতাবরীঃ||৬|| পলোন্মিতা দ্বিকুডবং কুলত্থং বদরং যবম্| তুলার্ঘং চাজমাংসস্য তেন সাধ্যং ঘৃতাঢকম্||৭|| সমক্ষীরং পলাংশৈশ্চ জীবনীযৈঃ সমীক্ষ্য তত্| প্রযুক্তং বাতরোগেষু পাননাবনবস্তিভিঃ||৮|| পঞ্চকাসান্ শিরঃকম্পং যোনিবঙ্ক্ষণবেদনাম্| সর্বাঙ্গৈকাঙ্গরোগাংশ্চ সপ্লীহোর্ধ্বানিলান্ জযেত্||৯||

স০-রাস্নাদীনি পলোন্মিতানি কুলত্থবদরযবান্ দ্বিকুডবোন্মিতান্ আজমাংসস্য চ পঞ্চাশত্পলানি জলদ্রোণে পাচযেত্| তেন ক্বাথেন ঘৃতাঢকং সাধ্যং তুল্যক্ষীরং পালিকৈর্জীবনীযৈঃ-জীবন্তীকাকোল্যাদিভিঃ (হৃ. সূ. অ. ১৫/৮), তদ্ধৃতং সমীক্ষ্য দেশকালাদীনালোচ্য, পানাদিভিঃ প্রযুক্তং পঞ্চকাসাদীন্ জযতি|

Adhikarana vidAryAdighRutaM kAsajit (10) · Śloka 10

বিদার্যাদিগণক্বাথকল্কসিদ্ধং চ কাসজিত্| |১০|

স০-বিদার্যাদিগণস্য ক্বাথকল্কাভ্যাং চ সিদ্ধং সর্পিঃ কাসজিত্|

Adhikarana ashokabIjAdilehaH (10-11) · Śloka 11

| অশোকবীজক্ষবকজন্তুঘ্নাঞ্জনপদ্মকৈঃ||১০|| সবিডৈশ্চ ঘৃতং সিদ্ধং তচ্চূর্ণং বা ঘৃতপ্লুতম্| লিহ্যাত্পযশ্চানু পিবেদাজং কাসাতিপীডিতঃ||১১||

স০-অশোকবীজাদিভির্বিডসহিতৈর্ঘৃতং সিদ্ধং কাসজিত্| তেষাং বা-অশোকবীজাদীনাং, চূর্ণং ঘৃতপ্লুতং লিহ্যাত্| অনু পশ্চাচ্চ, ছাগং ক্ষীরং কাসেনাতিপীডিতঃ পিবেত্|

Adhikarana viDa~ggAdilehaH (12-13) · Śloka 13

বিডঙ্গং নাগরং রাস্না পিপ্পলী হিঙ্গু সৈন্ধবম্| ভার্ঙ্গী ক্ষারশ্চ তচ্চূর্ণং পিবেদ্বা ঘৃতমাত্রযা||১২|| সকফেঽনিলজে কাসে শ্বাসহিধ্মাহতাগ্নিষু| |১৩|

স০-অথবা বিডঙ্গাদিচূর্ণং ঘৃতস্য মাত্রযা-যথাযোগং হ্র্স্বমধ্যোত্তমযা, পিবেত্ বাতজে সকফে কাসে শ্বাসাদিষু চ|

Adhikarana durAlaBAdilehaH (13-14) · Śloka 14

| দুরালভাং শৃঙ্গবেরং শঠীং দ্রাক্ষাং সিতোপলাম্||১৩|| লিহ্যাত্কর্কটশৃঙ্গী চ কাসে তৈলেন বাতজে| |১৪|

স০-দুরালভাদীন্ কর্কটাশৃঙ্গী চ বাতজে কাসে তৈলেন লিহ্যাত্|

Adhikarana duHsparshAdilehaH pippalIshuNThIlehaH BAr~ggIshuNThIlehaH (14-15) · Śloka 15

| দুস্পর্শাং পিপ্পলীং মুস্তাং ভার্ঙ্গী কর্কটকীং শঠীম্||১৪|| পুরাণগুডতৈলাভ্যাং চূর্ণিতান্যবলেহযেত্| তদ্বত্সকৃষ্ণাং শুণ্ঠীং চ সভার্ঙ্গী তদ্বদেব চ||১৫||

স০-দুঃস্পর্শাদীনি চূর্ণিতানি বাতজে কাসে পুরাণগুডতৈলাভ্যামবেলহযেত্| তথৈব পিপ্পলীসহিতাং শুণ্ঠীং পুরাণগুডতৈলাভ্যাং লিহ্যাত্| তদ্বচ্চ পুরাণতৈলাভ্যাং ভার্ঙ্গীংসহিতাং শুণ্ঠীং লেহযেত্|

Adhikarana pippalyAdipAnapa~jcakam (16-17) · Śloka 17

পিবেচ্চ কৃষ্ণং কোষ্ণেন সলিলেন সসৈন্ধবাম্| মস্তুনা সসিতাং শুণ্ঠীং দধ্না বা কণরেণুকাম্||১৬|| পিবেদ্বদরমজ্জ্ঞো বা মদিরাদধিমস্তুভিঃ| অথবা পিপ্পলীকল্কং ঘৃতভৃষ্টং সসৈন্ধবম্||১৭||

স০-পিপ্পলীং কদুষ্ণেন জলেন সৈন্ধবসহিতাং পিবেত্| মস্তুনা সশর্করাং শুণ্ঠীং বা পিবেত্| অথবা দধ্না যুক্তাং পিপ্পলীরেণুকাং পিবেত্| অথবা বদরমজ্জ্ঞো মদিরাদিভিঃ পিবেত্| বহুবচনোপাদানাচ্চ মদিরযা অথবা দধ্না মস্তুনা বেত্যেবং দ্রষ্টব্যম্, ন তু দধ্নো মস্তিবতি| পিপ্লীকল্কং বা ঘৃতভৃষ্টং সৈন্ধবযুক্তং মদিরাদিভিঃ পিবেত্|

Adhikarana sapInase kAse dhUmaH (18) · Śloka 18

কাসী সপীনসো ধূমং স্নৈহিকং বিধিনা পিবেত্| হিধ্মাশ্বাসোক্তধূমাংশ্চ ক্ষীরমাংসরসাশনঃ||১৮||

স০-কাসী পীনসী চ স্নৈহিকং ধূমং বিধিনা পিবেত্| ক্ষীরমাংসরসাশনো হিধ্মোক্তান্ শ্বাসোক্তাংশ্চ ধূমান্ পিবেত্|

Adhikarana mAMsarasayUShAH (19) · Śloka 19

গ্রাম্যানূপৌদকৈঃ শালিযবগোধূমষষ্টিকান্| রসৈর্মাষাত্মগুপ্তানাং যূষৈর্বা ভোজযেদ্ধিতান্||১৯||

স০-গ্রাম্যাদিজৈর্মাসরসৈরথবা মাষাত্মগুপ্তানাং যূষৈঃ শাল্যাদীন্ হিতানাশযেত্| হিতানিতি দেশকালাদিসাত্ম্যবশাত্ যবা (শাল্যা) দ্যন্যতমং যত্ পথ্যং তদ্ভুঞ্জীতেতি প্রতিপাদযতি|

Adhikarana yavAnyAdipeyA (20-21) · Śloka 21

যবানীপিপ্পলীবিল্বমধ্যনাগরচিত্রকৈঃ| রাস্নাজাজীপৃথক্পর্ণীপলাশশঠিপৌষ্করৈঃ||২০|| সিদ্ধাং স্নিগ্ধাম্ললবণাং পেযামনিলজে পিবেত্| কটিহৃত্পার্শ্বকোষ্ঠার্তিশ্বাসহিধ্মাপ্রণাশনীম্||২১||

স০-যবান্যাদিভিঃ সিদ্ধাং স্নিগ্ধামম্ললবণাং পেযাং বাতজেকাসে পিবেত্| কিম্ভূতাম্ ? কট্যাদ্যার্তিশ্বাসহিধ্মাপ্রণাশনীম্|

Adhikarana dashamUlAdipeyA (22) · Śloka 22

দশমূলরসে তদ্বত্ পঞ্চকোলগুডান্বিতাম্| পিবেত্পেযাং|২২|

স০-তদ্বত্-পূর্বোক্তগুণাম্, দশমূলক্বাথে সিদ্ধাং পঞ্চকোলগুডযুতাং পেযাং পিবেত্|

Adhikarana kShaireyIpeyA (22) · Śloka 22

| সমতিলাং ক্ষৈরেযীং বা সসৈন্ধবাম্||২২||

স০-ক্ষৈরেযীং-ক্ষীরসংস্কৃতাং বা পেযাং, বাতজে কাসে পিবেত্| কিম্ভূতাম্ ? সমতিলাং,-তিলসহিতাং| তথা, সসৈন্ধবাম্|

Adhikarana mAMsapeyA (23) · Śloka 23

মাত্স্যকৌক্কুটবারাহৈর্মাংসৈর্বা সাজ্যসৈন্ধবাম্| |২৩|

স০-অথবা মাত্স্যাদ্যৈর্মাংসৈঃ সাধিতাং সঘৃতসৈন্ধবাং পেযাং পিবেত্|

Adhikarana shAkAni (23-24) · Śloka 24

| বাস্তুকো বাযসীশাকং কাসঘ্নঃ সুনিষণ্ণকঃ||২৩|| কণ্টকার্যাঃ ফলং পত্রং বালং শুষ্কং চ মূলকম্| |২৪|

স০-বাস্তুকাদযঃ শাকবিশেষাঃ|

Adhikarana snehAH BakShyAH (24) · Śloka 24

| স্নেহাস্তৈলাদযোভক্ষ্যাঃ ক্ষীরেক্ষুরসগৌডিকাঃ||২৪||

স০-তৈলাদযঃ স্নেহাঃ| সং-ভক্ষ্যাঃ ক্ষীরাদিসম্বন্ধিনো হিতাঃ| ক্ষীরং চেক্ষুরসশ্চ গুডশ্চ, তেষামিমে ক্ষীরেক্ষুরসগৌডিকাঃ| "দ্বন্দ্বান্তে পদং যচ্ছ্রূযতে তত্সর্বৈঃ সম্বধ্যতে " ইতি ভাষ্যকারবচনাত্ সর্বৈরপ্যত্র সম্বন্ধঃ| তেন ক্ষীরসম্বন্ধিন ইক্ষুরসসম্বন্ধিনো গুডসম্বন্ধিনশ্চ ভক্ষ্যা হিতা ইত্যবতিষ্ঠতে|

Adhikarana pAnAni (25) · Śloka 25

দধিমস্ত্বারনালাম্লফলাম্বুমদিরাঃ পিবেত্| |২৫|

স০-তথা, দধিমস্ত্বাদীনি পিবেত্| ইতি বাতজে কাসে প্রাযেণোপযোগ্যন্নপানমুদ্দিষ্টম্|

Adhikarana pittakAsacikitsA sakaPe pittakAse vamanam (25-26) · Śloka 26

| পিত্তকাসে তু সকফে বমনং সর্পিষা হিতম্||২৫|| তথা মদনকাশ্মর্যমধুকক্বথিতৈর্জলৈঃ| ফলযষ্ট্যাহ্বকল্কৈর্বা বিদারীক্ষুরসাপ্লুতৈঃ||২৬||

স০-পিত্তজে কাসে, কিম্ভূতে ? সকফে-কফযুক্তে, তু সর্পিষা বমনং হিতম্| অত এব বক্ষ্যতি (শ্লো.২৭)-"পিত্তকাসে তনুকফে ত্রিবৃতাং" ইতি| তস্মাদত্রার্থাত্ বহুকফত্বং বোধ্যম্| ন কেবলং সর্পিষা বমনং হিতম্| যাবন্মদনাদিভিঃ ক্বথিতৈর্জলৈর্বমনমবস্থাবশাদ্ধিতম্, অথবা মদনফলমধুককল্কৈর্বিদার্যাদিরসাপ্লুতৈর্বমনং হিতম্|

Adhikarana tanukaphe pittakAse virecanam,ghanakaphe pittakAse virecanam (27) · Śloka 27

পিত্তকাসে তনুকফে ত্রিবৃতাং মধুরৈর্যুতাম্| যুঞ্জ্যাদ্বিরেকায যুতাং ঘনশ্লেষ্মণি তিক্তকৈঃ||২৭||

স০-পিত্তজে কাসে তনুকফে-ঘনশ্লেষ্মণি, ত্রিবৃতাং মধুরৈর্যুতাং বিরেকায যুঞ্জ্যাত্| ঘনে তু কফে তিক্তকৈঃ সহ ত্রিবৃতাং যুঞ্জ্যাত্|

Adhikarana tanukaPe pittakAse saMsarjanam ghanakaPe pittakAse saMsarjanam (28) · Śloka 28

হৃতদোষো হিমং স্বাদু স্নিগ্ধং সংসর্জনং ভজেত্| ঘনে কফে তু শিশিরং রূক্ষং তিক্তোপসংহিতম্||২৮||

স০-হৃতদোষো নরো হিমং মধুরং স্নিগ্ধং সংসর্জনং-বিরেকাদনন্তরং পেযাদিক্রমং, ভজেত্| ঘনে তু কফে শীতং তথা রূক্ষং তিক্তযুতং সংসর্জনং ভজেত্|

Adhikarana shuddhepittakAse lehaH sakaPe pittakAse lehaH savAte pittakAse lehaH (29) · Śloka 29

লেহঃ পৈত্তে সিতাধাত্রীক্ষৌদ্রদ্রাক্ষাহিমোত্পলৈঃ| সকফে সাব্দমরিচঃ সঘৃতঃ সানিলে হিতঃ||২৯||

স০-পিত্তকাসে সিতাদিভির্লেহো হিতঃ| সকফে পিত্তে সাব্দ মরিচো লেহো হিতঃ| সানিলে পিত্তে সঘৃতো লেহো হিতঃ|

Adhikarana mRudvIkAdilehaH (30) · Śloka 30

মৃদ্বীকার্ধশতং ত্রিংশত্পিপ্পলীঃ শর্করাপলম্| লেহযেন্মধুনা|৩০|

স০-তথা, মৃদ্বীকাগুলিকাঃ পঞ্চাশত্ ত্রিংশত্পিপ্পলীঃ শর্করাপলং চ মধুনা লেহযেত্|

Adhikarana goshakRudrasalehaH (30) · Śloka 30

| গোর্বা ক্ষীরপস্য শকৃদ্রসম্||৩০||

স০-গোর্বা বত্সস্য ক্ষীরপস্য-ক্ষীরবৃত্তেঃ, শকৃদ্রসং মধুনা লেহযেত্|

Adhikarana tvagelAdilehaH (31-32) · Śloka 32

ত্বগেলাব্যোষমৃদ্বীকাপিপ্পলীমূলপৌষ্করৈঃ| লাজমুস্তাশঠীরাস্নাধাত্রীফলবিভীতকৈঃ||৩১|| শর্করাক্ষৌদ্রসর্পির্ভির্লেহো হৃদ্রোগকাসহা| |৩২|

স০-ত্বগেলাদিভির্লেহো হৃদ্রোগকাসহা ভবতি|

Adhikarana ghanakaPa pittakAse annapAnaM tanukaPe pittakAse annapAnam (32-34) · Śloka 34

| মধুরৈর্জাঙ্গলরসৈর্যবশ্যামাককোদ্রবাঃ||৩২|| মুদ্গাদিযূষৈঃ শাকৈশ্চ তিক্তকৈর্মাত্রযা হিতাঃ| ঘনশ্লেষ্মণি লেহাশ্চ তিক্তকা মধুসংযুতাঃ||৩৩|| শালযঃ স্যুস্তনুকফে ষষ্টিকাশ্চ রসাদিভিঃ| |৩৪|

স০-ঘনশ্লেষ্মণি পিত্তকাসে জাঙ্গলৈ রসৈর্মধুরৈস্তথা মুদ্গকুলত্থাদিযূষৈস্তথা তিক্তৈঃ শাকৈশ্চ সহ যবাদযো মাত্রযা-পরিমিতাঃ, হিতাঃ| ঘনশ্লেষ্মণি লেহাশ্চ তিক্তদ্রব্যযুক্তাঃ| তনুকফে পিত্তে শালযঃ ষষ্টিকাশ্চ রসাদিভির্হিতাঃ স্যুঃ-ভবেযুঃ|

Adhikarana anupAnAni (34) · Śloka 34

| শর্করাম্ভোঽনুপানার্থং দ্রাক্ষেক্ষুস্বরসাঃ পযঃ||৩৪||

স০-অনুপানার্থং শর্করাম্ভো হিতম্, দ্রাক্ষেক্ষুস্বরসাঃ পযশ্চ|

Adhikarana mAMsarasakShIrapeyAyUShAH (35) · Śloka 35

কাকোলীবৃহতীমেদাদ্বযৈঃ সবৃষনাগরৈঃ| পিত্তকাসে রসক্ষীরপেযাযূষান্ প্রকল্পযেত্||৩৫||

স০-কাকোল্যাদিভির্মাংসরসাদীন্ পিত্তকাসে প্রকল্পযেত্|

Adhikarana kShIrAntaraM peyAntaram (36-37) · Śloka 37

দ্রাক্ষাং কণাং পঞ্চমূলং তৃণাখ্যং চ পচেজ্জলে| তেন ক্ষীরং শৃতং শীতং পিবেত্সমধুশর্করম্||৩৬|| সাধিতাং তেন পেযাং বা সুশীতাং মধুনাঽন্বিতাম্| |৩৭|

স০-পিত্তকাসে তথা দ্রাক্ষাদীন্ চতুর্গুণে জলে পচেত্| তেন পাদাবশিষ্টেন দ্রাক্ষাদীনাং ক্বাথেন, সমং ক্ষীরং ক্বথিতং [ শীতং ] মধুশর্করাযুতং পিবেত্| তেন বা-জলেন, সাধিতাং পেযাং সুশীতাং মাক্ষিকযুতাং পিবেত্|

Adhikarana pAnakam (37-38) · Śloka 38

| শঠীহ্নীবেরবৃহতীশর্করাবিশ্বভেষজম্||৩৭|| পিষ্ট্বা রসং পিবেত্পূতং বস্ত্রেণ ঘৃতমূর্চ্ছিতম্| |৩৮|

স০-শঠ্যাদীন্ জলে পিষ্ট্বা বস্ত্রেণ পূতং রসং ঘৃতমিশ্রিতং পিবেত্|

Adhikarana ghRutacUrNakvAthAH (38-40) · Śloka 40

| মেদাং বিদারীং কাকোলীং স্বযংগুপ্তাফলং বলাম্||৩৮|| শর্করাং জীবকং মুদ্গমাষপর্ণ্যৌ দুরালভাম্| কল্কীকৃত্যপচেত্সর্পিঃ ক্ষীরেণাষ্টগুণেন তত্||৩৯|| পানভোজনলেহেষু প্রযুক্তং পিত্তকাসজিত্| লিহ্যাদ্বা চূর্ণমেতেষাং কষাযমথবা পিবেত্||৪০||

স০-শর্করাদীন্ কল্কীকৃত্যাষ্টগুণেন ক্ষীরেণ সর্পিঃ পচেত্| তচ্চ সর্পিঃ পানাদিষু যুক্তং পিত্তকাসজিত্| এতেষাং বা-শর্করাদীনাং, চূর্ণং লিহ্যাত্| অথবৈষামেব কষাযং পিবেত্|

Adhikarana kaPakAsacikitsA kaPakAse snehaH (41) · Śloka 41

কফকাসী পিবেদাদৌ সুরকাষ্ঠাত্ প্রদীপিতাত্| স্নেহং পরিস্রুতং ব্যোষযবক্ষারাবচূর্ণিতম্||৪১||

স০-কফকাসী পূর্বং সুরকাষ্ঠাত্ প্রদীপিতাত্ যঃ স্রুতঃ স্নেহস্তং ব্যোষযবক্ষারাবচূর্ণিতং পিবেত্|

Adhikarana kaPakAse vamanavirecananasyAni (42) · Śloka 42

স্নিগ্ধং বিরেচযেদূর্ধ্বমধো মূর্ধ্নি চ যুক্তিতঃ| তীক্ষ্ণৈর্বিরেকৈর্বলিনং|৪২|

স০-স্নিগ্ধং চ সন্তমনন্তরং বিরেচযেত্ ঊর্ধ্বমধো মূর্ধ্নি চ| যুক্তিতো-যথাবলহানির্ন স্যাদিতি ভাবঃ| কৈর্বিরেচযেত্ ? তীক্ষ্ণৈর্বিরেকৈঃ| কিম্ভূতমাতুরম্ ? বলবন্তম্|

Adhikarana kaPakAse saMsarjanam (42-44) · Śloka 44

| সংসর্গী চাস্য যোজযেত্||৪২|| যবমুদ্গকুলত্থান্নৈরুষ্ণরূক্ষৈঃ কটূত্কটৈঃ| কাসমর্দকবার্তাকব্যাঘ্রীক্ষারকণান্বিতৈঃ||৪৩|| ধান্ববৈলরসৈঃ স্নেহৈস্তিলসর্ষপনিম্বজৈঃ| |৪৪|

স০-সংসর্গী চ-পেযাদিপরিপাটীং চ, অস্য যোজযেত্| যবাদিভির্যথাযোগমুষ্ণরূক্ষৈস্তথা কটূত্কটৈঃ-প্রভূতকটুকৈঃ, কাসমর্দকাদিযুক্তৈঃ| ধন্বনি ভবা ধান্বাঃ-জাঙ্গলাঃ, বিলেষু ভবা বৈলাঃ-বিলেশযাঃ, তেষাং রসাস্তৈর্মাসরসৈঃ সহেত্যর্থঃ| তথা, স্নেহৈস্তিলদিজৈঃ সহ|

Adhikarana kaPakAse udakapAnaM kaPakAse uShitodakapAnam (44-45) · Śloka 45

দশমূলাম্বু ঘর্মাম্বু মদ্যং মধ্বম্বু বা পিবেত্||৪৪|| মূলৈঃ পৌষ্করশম্যাকপটোলৈঃ সংস্থিতং নিশাম্| পিবেদ্বারি সহক্ষৌদ্রং কালেষ্বন্নস্য বা ত্রিষু||৪৫||

স০-দশমূলাম্ব্বাদীন্(নি) পিবেত্| অথবা, মূলৈঃ পৌষ্করাদিভির্নিশাং সংস্থিতং-রাত্রিস্থিতং, বারি ক্ষৌদ্রেণ সহ প্রাতঃ পিবেত্| অথবা, অন্নস্য ত্রিষু কালেষু-আদিমধ্যাবসানলক্ষণেষু, পিবেত্|

Adhikarana kaPakAsepippalyAdayastrayo lehAH (46-47) · Śloka 47

পিপ্পলী পিপ্পলীমূলং শৃঙ্গবেরং বিভীতকম্| শিখিকুক্কুটপিচ্ছানাং মষী ক্ষারো যবোদ্ভবঃ||৪৬|| বিশালা পিপ্পলীমূলং ত্রিবৃতা চ মধুদ্রবাঃ| কফকাসহরা লেহাস্ত্রযঃ শ্লোকার্ধযোজিতাঃ||৪৭||

স০-পিপ্পল্যাদযস্ত্রযো লেহাঃ শ্লোকার্ধৈর্যোজিতা মধুনা সহ কফকাসহরা ভবন্তি|

Adhikarana kaPakAse madhunetyAdayo~aShTau lehAH (48-49) · Śloka 49

মধুনা মরিচং লিহ্যান্মধুনৈব চ জোঙ্গকম্| পৃথগ্রসাংশ্চ মধুনা ব্যাঘ্রীবার্তাকভৃঙ্গজান্||৪৮|| কাসঘ্নস্যাশ্বশকৃতঃ সুরসস্যাসিতস্য চ| |৪৯|

স০-তথা কফকাসে মধুনা মরিচং লিহ্যাত্| মাক্ষীকেণৈবা গুরুং লিহ্যাত্| ব্যাঘ্র্যাদীনাম্ রসান্ পৃথক্পৃথক্ মধুনা লিহ্যাত্|

Adhikarana vAtAnuge kaPe lehatrayam (49-51) · Śloka 51

| দেবদারুশঠীরাস্নাকর্কটাখ্যাদুরালভাঃ||৪৯|| পিপ্পলী নাগরং মুস্তং পথ্যা ধাত্রী সিতোপলা| লাজাঃ সিতোপলা সর্পিঃ শৃঙ্গী ধাত্রীফলোদ্ভবা||৫০|| মধুতৈলযুতা লেহাস্ত্রযো বাতানুগে কফে| |৫১|

স০-দেবদার্বাদযো মধুতৈলযুতা লেহাস্ত্রযঃ-শ্লোকার্ধগদিতাঃ, বাতানুগে কফে স্যুঃ| অত্র শৃঙ্গীধাত্রীফলোদ্ভবেতি কেচিদ্বিশিষ্টমামলকমাহুঃ| অন্যে তু শৃঙ্গী কর্কটশৃঙ্গীতি ব্যাচক্ষতে|

Adhikarana dADimAdyaM cUrNam,guDakShArAdicUrNam (51-53) · Śloka 53

| দ্বে পলে দাডিমাদষ্টৌ গুডাদ্ব্যোষাত্পলত্রযম্||৫১|| রোচনং দীপনং স্বর্যং পীনসশ্বাসকাসজিত্| গুডক্ষারোষণকণাদাডিমং শ্বাসকাসজিত্||৫২|| ক্রমাত্পলদ্বযার্ধাক্ষকর্ষার্ধাক্ষপলোন্মিতম্| |৫৩|

স০-দাডিমস্য পলে দ্বে তু গুডাদষ্টৌ ত্রিকটুকাত্ পলত্রযমিত্যেতদ্দাডিমাদ্যং চূর্ণং রোচনাদিগুণং পীনসাদিজিত্| সং-গুডাদিকং ক্রমেণ পলদ্বযমর্ধকর্ষং কর্ষং অর্ধকর্ষং পলপ্রমাণং পূর্বোক্তগুণম্|

Adhikarana pAcanam (53) · Śloka 53

| পিবেজ্জবরোক্তং পথ্যাদি সশৃঙ্গীকং চ পাচনম্||৫৩||

স০-তথা জ্বরচিকিত্সিতোক্তং (শ্লো. ৬২)- "পথ্যাকুস্তুম্বরী" ইত্যাদিকং পাচনং কর্কটশৃঙ্গীসহিতং পিবেত্ পূর্বগুণম্|

Adhikarana pAcanAntaram (54) · Śloka 54

অথবা দীপ্যকত্রিবৃদ্বিশালাঘনপৌষ্করম্| সকণং ক্বথিতং মূত্রে কফকাসী জলেঽপি বা||৫৪||

স০-দীপ্যকাদিকং গোমূত্রে ক্বথিতং জলেঽথবা ক্বথিতং পিপ্পলীসহিতং কফকাসী পিবেত্|

Adhikarana shamanam (55) · Śloka 55

তৈলভৃষ্টং চ বৈদেহীকল্কাক্ষং সসিতোপলম্| পাযযেত্কফকাসঘ্নং কুলত্থসলিলাপ্লুতম্||৫৫||

স০-পিপ্পলীকল্ককর্ষং সশর্করং তৈলেন পক্বং কুলত্থসলিলাপ্লুতং কফকাসঘ্নং পাযযেত্|

Adhikarana dashamUlaghRutam (56-57) · Śloka 57

দশমূলাঢকে প্রস্থং ঘৃতস্যাক্ষসমৈঃ পচেত্| পুষ্করাহ্বশঠীবিল্বসুরসাব্যোষহিঙ্গুভিঃ||৫৬|| পেযানুপানং তত্সর্ববাতশ্লেষ্মামযাপহম্| |৫৭|

স০-দশমূলক্বাথাঢকে ঘৃতস্য প্রস্থং পুষ্করমূলাদিভিঃ প্রত্যেকং কর্ষপ্রমাণৈঃ কল্কীকৃতৈঃ পচেত্| তত্ পেযানুপানং সর্ববাতকফামযঘ্নম্|

Adhikarana nirguNDIghRutam (57) · Śloka 57

| নির্গুণ্ডীপত্রনির্যাসসাধিতং কাসজিদ্ধৃতম্||৫৭||

স০-নির্গুণ্ডীপত্রস্বরসসাধিতং ঘৃতং কাসজিত্স্যাত্|

Adhikarana viDa~ggaghRutam (58) · Śloka 58

ঘৃতং রসে বিডঙ্গানাং ব্যোষগর্ভং চ সাধিতম্| ৫৭ ১/২| |৫৮|

স০-বিডঙ্গানাং রসে ব্যোষগর্ভং চ সাধিতং ঘৃতং পূর্বোক্তগুণম্|

Adhikarana punarnavAdighRutam (58) · Śloka 58

পুনর্নবশিবাটিকাসরলকাসমর্দামৃতা- পটোলবৃহতীফণিজ্জকরসৈঃ পযঃসংযুতৈঃ| ঘৃতং ত্রিকটুনা চ সিদ্ধমুপযুজ্য সঞ্জাযতে ন কাসবিষমজ্বরক্ষযগুদাঙ্কুরেভ্যো ভযম্||৫৮||

স০-পুনর্নবাদিরসৈঃ পযসা যুতৈস্ত্রিকটুনা কল্কেন চ সিদ্ধং ঘৃতমুপযুজ্য-পীত্বা, কাসাদিভ্যো ভযং ন জাযতে| "বসুগ্রহযুতা জসৌ জসযলাশ্চ পৃথ্বী গুরুঃ|" অত্র পুনর্নবাদিরসো ঘৃতাচ্চতুর্গুণঃ ক্ষীরং ঘৃতসমং ঘৃতং ব্যোষাচ্চতুর্গুণমিতি পাকক্রমঃ|

Adhikarana kaNTakArIghRutam (59-63) · Śloka 63

সমূলফলপত্রাযাঃ কণ্টকার্যা রসাঢকে||৫৯|| ঘৃতপ্রস্থং বলাব্যোষবিডঙ্গশঠিদাডিমৈঃ| সৌবর্চলযবক্ষারমূলামলকপৌষ্করৈঃ||৬০|| বৃশ্চীববৃহতীপথ্যাযবানীচিত্রকর্ধিভিঃ| মৃদ্বীকাচব্যবর্ষাভূদুরালম্ভাম্লবেতসৈঃ||৬১|| শৃঙ্গীতামলকীভার্ঙ্গীরাস্নাগোক্ষুরকৈঃ পচেত্| কল্কৈস্তত্সর্বকাসেষু শ্বাসহিধ্মাসু চেষ্যতে||৬২|| কণ্টকারীঘৃতং চৈতত্কফব্যাধিবিনাশনম্| |৬৩|

স০-কণ্টকার্যাঃ সমূলফলপত্রাযা রসাঢকে বলাদিভিঃ কল্কৈঘৃতাচ্চতুর্থাংশপ্রমাণৈর্ঘৃতপ্রস্থং পচেত্| তচ্চ সর্পিঃ সর্বকাসাধিষ্বিষ্যতে-অভিহিতম্| ইদং চ কণ্টাকারীঘৃতং কফব্যাধিবিনাশনম্|

Adhikarana vyAghrIlehaH (63-67) · Śloka 67

| পচেব্যাঘ্রীতুলাং ক্ষুণ্ণাং বহেঽপামাঢকস্থিতে||৬৩|| ক্ষিপেত্ পূতে তু সঞ্চূর্ণ্য ব্যোষরাস্নামৃতাগ্নিকান্| শৃঙ্গীভার্ঙ্গীঘনগ্রন্থিধন্বযাসান্ পলার্ধকান্||৬৪|| সর্পিষঃ ষোডশপলং চত্বারিংশত্পলানি চ| মত্স্যণ্ডিকাযাঃ শুদ্ধাযাঃ পুনশ্চ তদধিশ্রযেত্||৬৫|| দর্বীলেপিনি শীতে চ পৃথক্ দ্বিকুডবং ক্ষিপেত্| পিপ্পলীনাং তবক্ষীর্যা মাক্ষিকস্যানবস্য চ||৬৬|| লেহোঽযং গুল্মহৃদ্রোগদুর্নামশ্বাসকাসজিত্| |৬৭|

স০-ব্যাঘ্র্যাস্তুলাং ক্ষুণ্ণাং-মর্দিতাং, জলস্য বহে-চতুর্দ্রোণে, পচেত্| আঢকস্থিতে জলে সঞ্চূর্ণ্য ব্যোষাদীনি অর্ধপলপ্রমাণানি প্রত্যেকং ক্ষিপেত্| অগ্নিরেবাগ্নিকঃ-চিত্রকঃ| ঘৃতস্য চ ষোডশ পলানি, মত্স্যণ্ডিকাযাঃ,-বিমলাযাঃ, চত্বারিংশত্পলানি, ভূযশ্চ তত্সর্বং পচেত্| দর্বী লিম্পতীতি দর্বীলেপী তস্মিন্ দর্বীলেপিনি, অবলেহে শীতে সতি প্রত্যেকং দ্বিকুডবপ্রমাণং পিপ্পল্যাদি ক্ষিপেত্| অযং লেহো গুল্মাদিজিত্|

Adhikarana dhUmaH (67) · Śloka 67

| শমনং চ পিবেদ্ধূমং শোধনং বহলে কফে||৬৭||

স০-তথা কফকাসে শমনং ধূমং পিবেত্| ঘনশ্লেষ্মণি শোধনং ধূমং পিবেত্| ঘনশ্লেষ্মণি শোধনং ধূমং পিবেত্| অথ তমেব ধূমমাহ-

Adhikarana dhUmAntaram (68-69) · Śloka 69

মনঃশিলালমধুকমাংসীমুস্তেঙ্গুদীত্বচঃ| ধূমং কাসঘ্নবিধিনা পীত্বা ক্ষীরং পিবেদনু||৬৮|| নিষ্ঠ্যূতান্তে গুডযুতং কোষ্ণং ধূমো নিহন্তি সঃ| বাতশ্লেষ্মোত্তরান্ কাসানচিরেণ চিরন্তনান্||৬৯||

স০-এতেষাং সম্বন্ধিনং ধূমং কাসঘ্নবিধিনা-সূত্রোদিতেন, পীত্বাঽনু-পশ্চাত্, নিষ্ঠ্যূতান্তে কোষ্ণং ক্ষীরং গুডান্বিতং পিবেত্| স ধূমঃ পীতো বাতশ্লেষ্মোত্তরান্ কাসাংশ্চিরন্তনান্ আশ্বেব হন্তি| চিরন্তনানিতি "সাযং চিরং" ইত্যাদিনা ঠ্যুঃ|

Adhikarana tamakopadrave pratIkAra (70) · Śloka 70

তমকঃ কফকাসে তু স্যাচ্চেত্পিত্তানুবন্ধজঃ| পিত্তকাসক্রিযাং তত্র যথাবস্থং প্রযোজযেত্||৭০||

স০-কফকাসে যদি তমকঃ পিত্তানুবন্ধজঃ স্যাত্| তত্রতমকে, পিত্তকাসক্রিযামবস্থাবশাত্ প্রযোজযেত্|

Adhikarana anubandhaBedAccikitsA (71-72) · Śloka 72

কফানুবন্ধে পবনে কুর্যাত্কফহরাং ক্রিযাম্| পিত্তানুবন্ধযোর্বাতকফযোঃ পিত্তনাশিনীম্||৭১|| বাতশ্লেষ্মাত্মকে শুষ্কে স্নিগ্ধমার্দ্রে বিরুক্ষণম্| কাসে কর্ম সপিত্তে তু কফজে তিক্তসংযুতম্||৭২||

স০-পবনে কফানুবন্ধে সতি কফকাসহরাং ক্রিযাং কুর্যাত্| পিত্তানুবন্ধযোর্বাতকফযোঃ পিত্তকাসনাশিনীং ক্রিযাং বিদধ্যাত্| বাতশ্লেষ্মাত্মকে শুষ্কে কাসে স্নিগ্ধং কর্ম| আর্দ্রে তু কাসে বিরূক্ষণং কর্ম| কফজে তু কাসে সপিত্তে তিক্তসংযুতং বিরূক্ষণং কর্ম|

Adhikarana uraHkShate auShadham (73) · Śloka 73

উরস্যন্তঃক্ষতে সদ্যো লাক্ষাং ক্ষৌদ্রযুতাং পিবেত্| ক্ষীরেণ|৭৩|

স০-অন্তঃক্ষত উরসি সতি সদ্যঃ-শীঘ্রমেব, লাক্ষাং মাক্ষিকযুক্তাং ক্ষীরেণ পিবেত্| উরঃসন্ধানজনেন লাক্ষাযাঃ প্রাধান্যাত্| তথা চাগ্র্যং সঙ্গ্রহে (সূ.অ.১৩)-"লাক্ষা সদ্যঃক্ষতঘ্নানাম্|" ইতি|

Adhikarana jIrNaiShadhe Bojanam (73) · Śloka 73

| শালীন্ জীর্ণেঽদ্যাত্ক্ষীরেণৈব সশর্করান্||৭৩||

স০-জীর্ণে-পরিণতে তস্মিন্নৌষধে, ক্ষীরেণৈব সহ শালিম(লীন) দ্যাত্ সশর্করম্(রান্)|

Adhikarana pArshvarujAdyanvite auShadham (74) · Śloka 74

পার্শ্ববস্তিসরুক্চাল্পপিত্তাগ্নিস্তাং সুরাযুতাম্| |৭৪|

স০-পার্শ্ববস্ত্যাদিরুগল্পাগ্নিশ্চ তাং-লাক্ষাং, সুরাযুতাং পিবেত্|

Adhikarana BinnaviTke auShadham (74) · Śloka 74

| ভিন্নবিট্কঃ সমুস্তাতিবিষাপাঠাং সবত্সকাম্||৭৪||

স০-ভিন্নপুরীষো নরো মুস্তাতিবিষাপাঠাবত্সকান্বিতাং লাক্ষাং পিবেত্|

Adhikarana dIptAnale auShadham (75) · Śloka 75

লাক্ষাং সর্পির্মধূচ্ছিষ্টং জীবনীযং গণং সিতাম্| ত্বক্ক্ষীরী সমিতং ক্ষীরে পক্ত্বা দীপ্তানলঃ পিবেত্||৭৫||

স০-লাক্ষাদীনি হি ক্ষীরে পক্ত্বা তত্ ক্ষীরং দীপ্তাগ্নিঃ পিবেত্|

Adhikarana sandhAnArthaM payaH (76) · Śloka 76

ইক্ষ্বারিকাবিসগ্রন্থিপদ্মকেসরচন্দনৈঃ| শৃতং পযো মধুযুতং সন্ধানার্থং পিবেত্ক্ষতী||৭৬||

স০-ইক্ষ্বারিকাদিভিঃ শৃতং ক্ষীরং মধুযুতং সন্ধানার্থমুরসি ক্ষতঃ পুমান্ পিবেত্|

Adhikarana jvaradAhe auShadhadvayam (77) · Śloka 77

যবানাং চূর্ণমামানাং ক্ষীরে সিদ্ধং ঘৃতান্বিতম্| জ্বরদাহে সিতাক্ষৌদ্রসক্তূন্বা পযসা পিবেত্||৭৭||

স০-যবানামামানাং চূর্ণং ক্ষীরে সিদ্ধং ঘৃতযুতং জ্বরদাহে পিবেত্| অথবা, শর্করামাক্ষিকযুতান্ সক্তূন্ পযসা পিবেত্|

Adhikarana kAse auShadhacatuShTayam (78-79) · Śloka 79

কাসবাংস্তু পিবেত্সর্পির্মধুরৌষধসাধিতম্| গুডোদকং বা ক্বথিতং সক্ষৌদ্রমরিচং হিতম্||৭৮|| চূর্ণমামলকানাং বা ক্ষীরে পক্বং ঘৃতান্বিতম্| রসাযনবিধানেন পিপ্পলীর্বা প্রযোজযেত্||৭৯||

স০-কাসবাংশ্চ মধুরৌষধৈঃ সাধিতং সর্পিঃ পিবেত্| অথবা, গুডোদকং ক্বথিতং সক্ষৌদ্রমরিচং শীতং পিবেত্| আমলকানাং বা চূর্ণং ক্ষীরে সিদ্ধং সর্পির্যুক্তং পিবেত্| রসাযনোক্তবিধিনা বা পিপ্পলীঃ প্রযোজযেত্|

Adhikarana kAse parvAsthishUle cauShadham (80) · Śloka 80

কাসী পর্বাস্থিশূলী চ লিহ্যাত্সঘৃতমাক্ষিকাঃ| মধূকমধুকদ্রাক্ষাত্বক্ক্ষীরিপিপ্পলীবলাঃ||৮০||

স০-কাসী পর্বাস্থিশূলবাংশ্চ সঘৃতমাক্ষিকা মধূকাদীর্লিহ্যাত্|

Adhikarana elAdi (trijAtakAdi)guTikA (81-83) · Śloka 83

ত্রিজাতমর্ধকর্ষাংশং পিপ্পল্যর্ধপলং সিতা| দ্রাক্ষা মধূকং খর্জূরং পলাংশং শ্লক্ষ্ণচূর্ণিতম্||৮১|| মধুনা গুটিকা ঘ্নন্তি তা বৃষ্যাঃ পিত্তশোণিতম্| কাসশ্বাসারুচিচ্ছর্দিমূর্চ্ছাহিধ্মামদভ্রমান্||৮২|| ক্ষতক্ষযস্বরভ্রংশপ্লীহশোষাঢ্যমারুতান্| রক্তনিষ্ঠীবহৃত্পার্শ্বরুক্পিপাসাজ্বরানপি||৮৩||

স০-ত্রিজাতকমর্ধকর্ষপ্রমাণং কণা কর্ষদ্বযমাত্রা সিতাদিকং প্রত্যেকং পলাংশং শ্লক্ষ্ণচূর্ণিতং মধুনা কৃতা গুটিকা বৃষ্যাঃ পিত্ত শোণিতাদীন্ ঘ্নন্তি|

Adhikarana raktaShThIve auShadhadvayam (84-85) · Śloka 85

বর্ষাভূশর্করারক্তশালিতণ্ডুলজং রজঃ| রক্তষ্ঠীবী পিবেত্সিদ্ধং দ্রাক্ষারসপযোঘৃতৈঃ||৮৪|| মধূকমধুকক্ষীরসিদ্ধং বা তণ্ডুলীযকম্| |৮৫|

স০-পুনর্নবাদিচূর্ণং দ্রাক্ষারসপযোঘৃতৈঃ সিদ্ধং রক্তষ্ঠীবী পিবেত্| অথবা, মধূকাদিভিঃ সিদ্ধং তণ্ডুলীযকং পিবেত্|

Adhikarana atra raktapittauShadhamapi (85) · Śloka 85

| যথাস্বং মার্গবিসৃতে রক্তে কুর্যাচ্চ ভেষজম্||৮৫||

স০-মার্গেণ-মুখাদিনা, বিসৃতে রক্তে যথাযথং রক্তপিত্ত চিকিত্সিতোক্তমৌষধং কুর্যাত্|

Adhikarana mUDhavAte auShadham (86) · Śloka 86

মূঢবাতস্ত্বজামেদঃ সুরাভৃষ্টং সসৈন্ধবম্| |৮৬|

স০-মূঢবাতস্তু পুরুষোঽজাযা মেদঃ সুরযা ভৃষ্টমীষত্সৈন্ধবসহিতমদ্যাত্|

Adhikarana kShAmakShINAdau auShadham (86-87) · Śloka 87

| ক্ষামঃ ক্ষীণঃ ক্ষতোরস্কো মন্দনিদ্রোঽগ্নিদীপ্তিমান্||৮৬|| শৃতক্ষীরসরেণাদ্যাত্সঘৃতক্ষৌদ্রশর্করম্| |৮৭|

স০-ক্ষামঃ ক্ষীণঃ ক্ষতোরস্কো মন্দনিদ্রো দীপ্তাগ্নিঃ শৃতক্ষীরস্য সম্বন্ধিনা সরেণ সঘৃতক্ষৌদ্রশর্করমজামেদোঽদ্যাত্|

Adhikarana kShINakShatakRutakRusheShu auShadham (87-88) · Śloka 88

| শর্করাযবগোধূমং জীবকর্ষভকৌ মধু||৮৭|| শৃতক্ষীরানুপানং বা লিহ্যাত্ক্ষীণঃ ক্ষতঃ কৃশঃ| |৮৮|

স০-অথবা ক্ষীণঃ ক্ষতঃ কৃশো বা শর্করাদিকং লিহ্যাত্| কথম্ ? শৃতক্ষীরানুপানম্|

Adhikarana kShINakShatakRuteShu auShadham (88-89) · Śloka 89

| ক্রব্যাত্পিশিতনির্যূহং ঘৃতভৃষ্টং পিবেচ্চ সঃ||৮৮|| পিপ্প্পলীক্ষৌদ্রসংযুক্তং মাংসশোণিতবর্ধনম্| |৮৯|

স০-স চ-ক্ষীণাদিঃ, ক্রব্যাত্পিশিতস্য নির্যূহং ঘৃতেন ভৃষ্টং পিবেত্| কিম্ভূতম্ ? পিপ্পলীক্ষৌদ্রান্বিতম্| তচ্চ মাংসশোণিতবর্ধনং স্যাত্|

Adhikarana kShINakShatakRuteShu auShadhAntaram kShatoraske auShadham (89-91) · Śloka 91

| ন্যগ্রোধোদুম্বরাশ্বত্থপ্লক্ষশালপ্রিযঙ্গুভিঃ||৮৯|| তালমস্তকজম্বূত্বক্প্রিযালৈশ্চ সপদ্মকৈঃ| সাশ্বকর্ণৈঃ শৃতাত্ক্ষীরাদদ্যাজ্জাতেন সর্পিষা||৯০|| শাল্যোদনং ক্ষতোরস্কঃ ক্ষীণশুক্রবলেন্দ্রিযঃ| |৯১|

স০-ন্যগ্রোধাদিভিঃ শৃতাত্ক্ষীরাত্ সমুদ্ভূতেন সর্পিষা শাল্যোদনং ক্ষতোরস্কঃ ক্ষীণশুক্রাদিশ্চ নরোঽদ্যাত্|

Adhikarana vAtapittArdite ghRutABya~ggaH (91-92) · Śloka 92

| বাতপিত্তার্দিতেঽভ্যঙ্গো গাত্রভেদে ঘৃতৈর্মতঃ||৯১|| তৈলৈশ্চানিলরোগঘ্নৈঃ পীডিতে মাতরিশ্বনা| |৯২|

স০-বাতপিত্তপীডিতে গাত্রমেদে বাঽভ্যঙ্গোঘৃতৈর্মতঃ| মাতরিশ্বনা-বাতেন, পীডিতে সতি তৈলৈর্বাতরোগঘ্নৈরভ্যঙ্গো মতঃ| চশব্দাদ্ধৃতৈরপীতি দ্যোতযতি|

Adhikarana hratpArshvArtau auShadham (92) · Śloka 92

| হৃত্পার্শ্বার্তিষু পানং স্যাজ্জীবনীযস্য সর্পিষঃ|৯২|

স০-হৃত্পার্শ্বপীডাসু জীবনীযস্য সর্পিষঃ পানং স্যাত্| ইতি সম্ভাবনাযাং লিঙ্|

Adhikarana atra vAtavyAdhyuktamapi (92) · Śloka 92

| হৃত্পার্শ্বার্তিষু পানং স্যাজ্জীবনীযস্য সর্পিষঃ||৯২||

স০-হৃত্পার্শ্বপীডাসু জীবনীযস্য সর্পিষঃ পানং স্যাত্| ইতি সম্ভাবনাযাং লিঙ্|

Adhikarana kShate auShadham (93-94) · Śloka 94

| যষ্ট্যাহ্ননাগবলযোঃ ক্বাথে ক্ষীরসমে ঘৃতম্||৯৩|| পযস্যাপিপ্পলীবাংশীকল্কৈঃ সিদ্ধং ক্ষতে হিতম্| |৯৪|

স০-যষ্ট্যাহ্বযস্য নাগবলাযাশ্চ ক্বাথে ক্ষীরতুল্যে পযস্যাদিকল্কৈঃ সিদ্ধং ঘৃতং ক্ষতকাসেহিতম্|

Adhikarana amRutaprAshaM ghRutam (94-101) · Śloka 101

| জীবনীযো গণঃ শুণ্ঠী বরী বীরা পুনর্নবা||৯৪|| বলাভার্ঙ্গীস্বগুপ্তর্দ্ধিশঠীতামলকীকণাঃ| শৃঙ্গাটকং পযস্যা চ পঞ্চমূলং চ যল্লঘু||৯৫|| দ্রাক্ষাক্ষোডাদি চ ফলং মধুরস্নিগ্ধবৃংহণম্| তৈঃ পচেত্সর্পিষঃ প্রস্থং কর্ষাংশৈঃ শ্লক্ষ্ণকল্কিতৈঃ||৯৬|| ক্ষীরধাত্রীবিদারীক্ষুচ্ছাগমাংসরসান্বিতম্| প্রস্থার্ধং মধুনঃ শীতে শর্করার্ধতুলারজঃ||৯৭|| পলার্ধকং চ মরিচত্বগেলাপত্রকেসরম্| বিনীয চূর্ণিতং তস্মাল্লিহ্যান্মাত্রাং যথাবলম্||৯৮|| অমৃতপ্রাশমিত্যেতন্নরাণামমৃতং ঘৃতম্| সুধামৃতরসং প্রাশ্যং ক্ষীরমাংসরসাশিনা||৯৯|| নষ্টশুক্রক্ষতক্ষীণদুর্বলব্যাধিকর্শিতান্| স্ত্রীপ্রসক্তান্ কৃশান্ বর্ণস্বরহীনাংশ্চ বৃংহযেত্||১০০|| কাসহিধ্মাজ্বরশ্বাসদাহতৃষ্ণাস্রিপিত্তনুত্| পুত্রদং ছর্দিমূর্চ্ছাহৃদ্যোনিমূত্রামযাপহম্||১০১||

স০-জীবনীযো গণস্তথা শুণ্ঠ্যাদযস্তৈর্জীবনীযাদিগণাদিভিঃ কর্ষাংশৈঃ সূক্ষ্মচূর্ণিতৈঃ ক্ষীরধাত্র্যাদিরসযুক্তং ঘৃতস্য প্রস্থংদ্বাত্রিশত্পলানি পচেত্| দ্রাক্ষাক্ষোডাদীন্য(ত্য)ত্রাদিশব্দেন নারিকেলনিকোচাদিপরিগ্রহঃ| শীতে ঘৃতে মাক্ষিকস্য ষোডশপলানি, শর্করাচূর্ণপলানি পঞ্চাশত্, মরিচাদীনি দ্বিকার্ষিকাণি চূর্ণিতানি প্রক্ষিপ্য তস্মান্মাত্রাং যথাবলং লিহ্যাত্| অমৃতপ্রাশমেতত্সংজ্ঞং ঘৃতং নরাণামমৃততুল্যম্, মহাগুণত্বাত্| যথা নাগানাং সুধা দেবানামমৃতম্| অত এবৈতত্ সুধামৃতরসম্| প্রাশ্যং-ভোজ্যং, ক্ষীরমাংসরসাশিনা| এতচ্চ ঘৃতং নষ্টশুক্রাদীন্ বৃংহযেত্| কাসাদিনুত্| পুত্রদম্| ছর্দ্যাদিঘ্নম্| অত্র চ মধুরস্নিগ্ধবৃংহণানাং দ্রাক্ষাদীনামপি যথালাভং কর্ষপ্রমাণমধিকং বা যোজ্যম্| যথা সামান্যপরিভাষোক্তা কর্ষমাত্রা পরিপূর্ণা স্যাদিতি|

Adhikarana shvadaMShTrAdighRutam (102-105) · Śloka 105

শ্র্বদংষ্ট্রোশীরমঞ্জিষ্ঠাবলাকাশ্মর্যকত্তৃণম্| দর্ভমূলং পৃথক্পর্ণী পলাশর্ষভকৌ স্থিরাম্||১০২|| পালিকানি পচেত্তেষাং রসে ক্ষীরচতুর্গুণে| কল্কৈঃ স্বগুপ্তাজীবন্তীমেদর্ষভকজীবকৈঃ||১০৩|| শতাবর্যর্দ্ধিমৃদ্বীকাশর্করাশ্রাবণীবিসৈঃ| প্রস্থঃ সিদ্ধো ঘৃতাদ্বাতপিত্তহৃদ্রোগশূলনুত্||১০৪|| মূত্রকৃচ্ছ্রপ্রমেহার্শঃকাসশোষক্ষযাপহঃ| ধনুঃস্ত্রীমদ্যভারাধ্বখিন্নানাং বলমাংসদঃ||১০৫||

স০-শ্বদংষ্ট্রাদীনি পালিকানি, তেষাং রসে ক্ষীরচতুর্গুণে স্বগুপ্তাদিভিঃ কল্কৈর্ঘৃতাত্ প্রস্থঃ সিদ্ধো বাতপিত্তহৃদ্রোগশূলনুত্| মূত্রকৃচ্ছ্রাদিঘ্নিঃ| তথা, ধনুরাদিখিন্নানাং বলমাংসদঃ|

Adhikarana samasaktu madhukAdi ghRutam (106-107) · Śloka 107

মধুকাষ্টপলদ্রাক্ষাপ্রস্থক্বাথে পচেদ্ধৃতম্| পিপ্পল্যষ্টপলে কল্কে প্রস্থং সিদ্ধে চ শীতলে||১০৬|| পৃথগষ্টপলং ক্ষৌদ্রশর্করাভ্যাং বিমিশ্রযেত্| সমসক্তু ক্ষতক্ষীণরক্তগুল্মেষু তদ্ধিতম্||১০৭||

স০-মধুযষ্ট্যা অষ্টৌ পলানি, দ্রাক্ষাযাঃ ষোডশ, এতত্ক্বাথে পিপ্পল্যষ্টপলেঘৃতপ্রস্থং পচেত্| ঘৃতে চ সিদ্ধে সুশীতে সতি ক্ষৌদ্রশর্করযোঃ পৃথগষ্টপলং বিমিশ্রযেত্| এতচ্চ ঘৃতং সমসক্তু ক্ষত ক্ষীণে রক্তগুল্মে চ হিতম্|

Adhikarana dhAtrIPalAdi ghRutam (108-110) · Śloka 110

ধাত্রীফলবিদারীক্ষুজীবনীযরসাদ্ধৃতাত্| গব্যাজযোশ্চ পযসোঃ প্রস্থং প্রস্থং বিপাচযেত্||১০৮|| সিদ্ধশীতে সিতাক্ষৌদ্রং দ্বিপ্রস্থং বিনযেত্ততঃ| যক্ষ্মাপস্মারপিত্তাসৃক্কাসমেহক্ষযাপহম্||১০৯|| বযঃস্থাপনমাযুষ্যং মাংসশুক্রবলপ্রদম্| |১১০|

স০-ধাত্র্যাদিরসস্য পৃথক্ প্রস্থং গব্যাজযোঃ ক্ষীরযোঃ প্রস্থৌ ঘৃতস্য প্রস্থং চ বিপাচযেত্| সিদ্ধপূতে চ ততস্তস্মিন্ ঘৃতে শর্করাক্ষৌদ্রযোঃ প্রস্থৌ দ্বৌ বিনযেত্-ক্ষিপেত্| তত ইতি "অব্যযাদিত্বাত্" তসিঃ| এতচ্চ ঘৃতং যক্ষ্মাদিহরং তথা বযঃস্থাপনাদিগুণম্|

Adhikarana ghRutalehapAnayorviShayaBedaH (110-111) · Śloka 111

| ঘৃতং তু পিত্তেঽভ্যধিকে লিহ্যাদ্বাতেঽধিকে পিবেত্||১১০|| লীঢং নির্বাপযেত্পিত্তমল্পত্বাদ্ধন্তি নানলম্| আক্রামত্যনিলং পীতমূষ্মাণং নিরুণদ্ধি চ||১১১||

স০-পিত্তেঽভ্যধিকে ঘৃতং লিহ্যাত্| বাতেঽধিকে ঘৃতং পিবেত্| লীঢং তু ঘৃতং নির্বাপযেত্-সংশমযেত্| অনলং চ ন হন্তি লীঢং ঘৃতম্| কুতঃ ? অল্পত্বাত্| অত্রাযং সদ্ভাবার্থঃ,-কিল পীতেনাধিকেন দ্রবতযা বহ্নের্মান্দ্যেনাবশ্যং ভবিতব্যম্| তথা চ বক্ষ্যতি (হৃ.চি.অ.১০/৩২)-"অগ্নের্নির্বাপকং পিত্তং রেকেণ বমনেন বা|" ইতি| তচ্চাভ্যধিকং পিত্তং লীঢং ঘৃতং সংশমযতি| অল্পত্বাচ্চ হেতোরগ্নিং ন হন্তি-মন্দস্যাগ্নেরধিকং মান্দ্যং ন জনযতি| পীতং সদ্ধৃতমনিলমাক্রামতি-প্রসহ্য জযতি| ঊষ্মাণং-জাঠরং বহ্নিং জাজ্বল্যমানং, রুণদ্ধি-আশ্বেব স্থগযতি, শমং কিঞ্চিন্নযতি|

Adhikarana sarpirguDAH (112-113) · Śloka 113

ক্ষামক্ষীণকৃশাঙ্গানামেতান্যেব ঘৃতানি তু| ত্বক্ক্ষীরীশর্করালাজচূর্ণৈঃ স্ত্যানানি যোজযেত্||১১২|| সর্পির্গুডান্ সমধ্বংশান্ কৃত্বা দদ্যাত্পযোঽনু চ| রেতো বীর্যং বলং পুষ্টিং তৈরাশুতরমাপ্নুযাত্||১১৩||

স০-ক্ষামাণাং ক্ষীণানাং কৃশাঙ্গানাং চ নৃণামেতান্যেব পূর্বোক্তানি ঘৃতানি স্ত্যানানি ত্বকক্ষীরীশর্করালাজচূর্ণৈঃ সহ যোজযেত্| সর্পির্মিশ্রান্ গুডান্ সমধ্বংশান্ কৃত্বা চ দদ্যাত্| শর্করাযাঃ পলানি পঞ্চাশত্ মধুনঃ পলানি ষোডশাত্র দেযানি| মুনিনা হ্যেবমুক্তম্ (চ.চি.অ.১১/৬০)-ধাত্রীবিদারীক্ষুরসপ্রস্থৈঃ প্রস্থং ঘৃতাত্পচেত্| শর্করার্ধতুলাং শীতে ক্ষৌদ্রার্ধপ্রস্থমেব চ|| ক্ষিপ্ত্বা সর্পির্গুডান্ কুর্যাদ্ধিক্কাশ্বাসজ্বরাপহান্|" ইতি| পয ইত্যাদি| অনন্তরং পযঃ পিবেত্| তৈঃ_সর্পির্গুডৈঃ, রেতোবীর্যাদীন্ শীঘ্রতরং প্রাপ্নোতি|

Adhikarana kUShmANDakarasAyanam (114-118) · Śloka 118

বীতত্বগস্থিকূষ্মাণ্ডতুলাং স্বিন্নাং পুনঃ পচেত্| ঘট্টযন্ সর্পিষঃ প্রস্থে ক্ষৌদ্রবর্ণেঽত্র চ ক্ষিপেত্||১১৪|| খণ্ডাচ্ছতং কণাশুণ্ঠ্যোর্দ্বিপলং জীরকাদপি| ত্রিজাতধান্যমরিচং পৃথগর্ধপলাংশকম্||১১৫|| অবতারিতশীতে চ দত্বা ক্ষৌদ্রং ঘৃতার্ধকম্| খজেনামথ্য চ স্থাপ্যং তন্নিহন্ত্যুপযোজিতম্||১১৬|| কাসহিধ্মাজ্বরশ্বাসরক্তপিত্তক্ষতক্ষযান্| উরঃসন্ধানজননং মেধাস্মৃতিবলপ্রদম্||১১৭|| অশ্বিভ্যাং বিহিতং হৃদ্যং কূষ্মাণ্ডকরসাযনম্| |১১৮|

স০-বীতানি-অপাসিতানি, ত্বগস্থীনি যস্মাত্কূষ্মাণ্ডাত্ তস্য তুলাং স্নিন্নাং সতীং পুনঃ সর্পিষঃ প্রস্থে ঘট্টযন্ পচেত্| অত্র চ কূষ্মাণ্ডে মাক্ষিকবর্ণে জাতে সতি খণ্ডাচ্ছতং, ফণাশুণ্ঠ্যোর্দ্বিপলং, জীরকাচ্চ পলদ্বযং, ত্রিজাতকাদি প্রত্যেকমর্ধপলাংশকং, ক্ষিপেত্| অবতারিতে শীতে চাস্মিন্ ক্ষৌদ্রস্য ষোডশ পলানি দত্বা, খজেন-দর্ব্যা, আমথ্য-বিলোড্য, পশ্চাদ্ভাণ্ডে স্থাপ্যম্| এবং হ্যস্য সম্যগ্ ঘৃতাদিসমযোগঃ স্যাত্| উপযোজিতং চ তত্ কাসাদীন্ হন্তি| উরঃসন্ধানং করোতি| মেধাদিপ্রদম্| অশ্বিভ্যাং-দস্রাভ্যাং, নির্দিষ্টং কূষ্মাণ্ডকাখ্যং রসাযনম্|

Adhikarana nAgabalArasAyanam maNDUkaparNIrasAyanam yaShTIrasAyanam shuNThIrasAyanam (118-120) · Śloka 120

| পিবেন্নাগবলামূলস্যার্ধকর্ষাভিবর্ধিতম্||১১৮|| পলং ক্ষীরযুতং মাসং ক্ষীরবৃত্তিরনন্নভুক্| এষ প্রযোগঃ পুষ্ট্যাযুর্বলবর্ণকরঃ পরম্||১১৯|| মণ্ডূকপর্ণ্যাঃ কল্পোঽযং যষ্ট্যা বিশ্বৌষধস্য চ| |১২০|

স০-নাগবলামূলস্য পলং ক্ষীরযুতং পিবেত্| কিম্ভূতম্ ? অর্ধকর্ষাদিবর্ধিতং মাসং যাবত্| কিম্ভূতো নরঃ ? ক্ষীরবর্তনোঽনন্নাদঃ সন্| অযং প্রযোগঃ সুষ্ঠু পুষ্ট্যাদিকরঃ| এবমেব কল্পো মণ্ডূকপর্ণ্যাঃ যষ্ট্যাঃ শুণ্ঠ্যাশ্চ কার্যঃ|

Adhikarana nAgabalAsarpiH (120-125) · Śloka 125

| পাদশেষং জলদ্রোণে পচেন্নাগবলাতুলাম্||১২০|| তেন ক্বাথেন তুল্যাংশং ঘৃতং ক্ষীরং চ সাধযেত্| পলার্ধিকৈশ্চাতিবলাবলাযষ্টীপুনর্নবৈঃ||১২১|| প্রপৌণ্ডরীককাশ্মর্যপ্রিযালকপিকচ্ছুভিঃ| অশ্বগন্ধাসিতাভীরুমেদাযুগ্মত্রিকণ্টকৈঃ||১২২|| কাকোলীক্ষীরকাকোলীক্ষীরশুক্লাদ্বিজীরকৈঃ| মৃণালবিসখর্জূরশৃঙ্গাটককসেরুকৈঃ||১২৩|| এতন্নাগবলাসর্পিঃ পিত্তরক্তক্ষতক্ষযান্| জযেত্তৃড্ভ্রমদাহাংশ্চ বলপুষ্টিকরং পরম্||১২৪|| বর্ণ্যমাযুষ্যমোজস্যং বলীপলিতনাশনম্| উপযুজ্য চ ষণ্মাসান্ বৃদ্ধোঽপি তরুণাযতে||১২৫||

স০-নাগবলাযাস্তুলাং বারিদ্রোণে পাদশেষং যথা ভবতি তথা পচেত্| তেন-নাগবলাক্বাথেন, তুল্যাশং ঋতং তথা ক্ষীরং তথা পলার্ধপ্রমাণৈরতিবলাদিভিঃ কল্কৈশ্চ সাধযেত্| এতন্নাগবলাসর্পিঃ পিত্তরক্তাদীন্ জযেত্| তথা, সুষ্ঠু বলাদিকরম্| তথা, বর্ণায হিতমাযুষ্যমোজস্যং বলীপলিতঘ্নং চ| তথা, ষণ্মাসা নুপযুজ্যেদং ঘৃতং বৃদ্ধোঽপি তরুণ ইবাচরতি|

Adhikarana dIpte~agnau eShavidhiH (126) · Śloka 126

দীপ্তেঽগ্নৌ বিধিরেষ স্যাত্| |১২৬|

স০-দীপ্তে-সমিদ্ধে, অগ্নৌ সত্যেষ বিধিঃ স্যাত্|

Adhikarana mande~agnau dIpanapAcanAdiH drave male grAhI (126) · Śloka 126

মন্দে দীপনপাচনঃ| যক্ষ্মোক্তঃ ক্ষতিনাং শস্তো, গ্রাহী শকৃতি তু দ্রবে||১২৬||

স০-মন্দেঽগ্নৌ দীপনপাচনঃ| যক্ষ্মোক্তো-রাজযক্ষ্মণ্যুক্তঃ, ক্ষতিনাং শস্ত উপক্রমঃ| দ্রবে তু শকৃতি গ্রাহী উপক্রমঃ|

Adhikarana agastyaharItakI rasAyanam (127-132) · Śloka 132

দশমূলং স্বযংগুপ্তাং শঙ্খপুষ্পীং শঠীং বলাম্| হস্তিপিপ্পল্যপামার্গপিপ্পলীমূলচিত্রকান্||১২৭|| ভার্ঙ্গী পুষ্করমূলং চ দ্বিপলাংশং যবাঢকম্| হরীতকীশতং চৈকং জলপঞ্চাঢকে পচেত্||১২৮|| যবস্বেদে কষাযং তং পূতং তচ্চাভযাশতম্| পচেদ্গুডতুলাং দত্ত্বা কুডবং চ পৃথগ্ঘৃতাত্||১২৯|| তৈলাত্সপিপ্পলীচূর্ণাত্সিদ্ধশীতে চ মাক্ষিকাত্| লেহং দ্বে চাভযে নিত্যমতঃ খাদেদ্রসাযনাত্||১৩০|| তদ্বলীপলিতং হন্যাদ্বর্ণাযুর্বলবর্ধনম্| পঞ্চকাসান্ ক্ষযং শ্বাসং সহিধ্মং বিষমজ্বরম্||১৩১|| মেহগুল্মগ্রহণ্যর্শোহৃদ্রোগারুচিপীনসান্| অগস্ত্যবিহিতং ধন্যমিদং শ্রেষ্ঠং রসাযনম্||১৩২||

স০- দশমূলাদিপুষ্করান্তং পৃথক্ দ্বিপলপ্রমাণম্| যবানামাঢকং-চতুঃষষ্টিপলানি| হরীতকীফলানামেকং শতম্| এতত্সর্বং জলস্য পঞ্চাঢকে পচেত্| যবস্বেদে চ সতি তং কষাযং পূতংগালিতং, তচ্চ স্বিন্নমভযাশতং গুডতুলাং দত্ত্বা তথা ঘৃততৈলপিপ্পলীচূর্ণানাং প্রত্যেকং কুডবং দত্ত্বা পচেত্| সিদ্ধে শীতে চ লেহে মাক্ষিককুডবং দত্ত্বা, অতো-লেহাখ্যাদ্রসাযনাত্, সত্রিভাগপলমাত্রং দ্বে চ হরীতক্যৌ নিত্যং খাদেত্| তচ্চ ভুক্তং বলীপলিতং হন্যাত্| বর্ণাদিবর্ধনং তথা পঞ্চকাসাদীন্ হন্তি| অগস্ত্যেন মহর্ষিণা নির্মিতমেতদ্রসাযনং ধন্যং-শ্রেষ্ঠমেতত্| অত্র চ তৈল ঘৃতমধূনাং সমাংশানামপ্যবিরোধঃ, পাকাচ্ছক্তযন্তরোত্পত্তেঃ|

Adhikarana vasiShThaharItakI (133-141) · Śloka 141

দশমূলং বলাং মূর্বাং হরিদ্রে পিপ্পলীদ্বযম্| পাঠাশ্বগন্ধাপামার্গস্বগুপ্তাতিবিষামৃতাঃ||১৩৩|| বালবিল্বং ত্রিবৃদ্দন্তীমূলং পত্রং চ চিত্রকাত্| পযস্যাং কুটজং হিংস্ত্রাং পুষ্পং সারং চ বীজকাত্||১৩৪|| বোটস্থবিরভল্লাতবিকঙ্কতশতাবরীঃ| পূতীকরঞ্জশম্যাকচন্দ্রলেখাসহাচরম্||১৩৫|| সৌভাঞ্জনকনিম্বত্বগিক্ষুরং চ পলাংশকম্| পথ্যাসহস্রং সশতং যবানাং চাঢকদ্বযম্||১৩৬|| পচেদষ্টগুণে তোযে যবস্বেদেঽবতারযেত্| পূতে ক্ষিপেত্সপথ্যে চ তত্র জীর্ণগুডাত্তুলাম্||১৩৭|| তৈলাজ্যধাত্রীরসতঃ প্রস্থং প্রস্থং ততঃ পুনঃ| অধিশ্রযেন্মৃদাবগ্নৌ দর্বীলেপেঽবতার্য চ||১৩৮|| শীতে প্রস্থদ্বযং ক্ষৌদ্রাত্পিপ্পলীকুডবং ক্ষিপেত্| চূর্ণীকৃতং ত্রিজাতাচ্চ ত্রিপলং নিখনেত্ততঃ||১৩৯|| ধান্যে পুরাণকুম্ভস্থং মাসং খাদেচ্চ পূর্ববত্| রসাযনং বসিষ্ঠোক্তমেতত্পূর্বগুণাধিকম্||১৪০|| স্বস্থানাং নিষ্পরীহারং সর্বর্তুষু চ শস্যতে| |১৪১|

স০-দশমূলাদি ইক্ষুরকান্তং পলপ্রমাণম্| বোটঃ-অলম্বুসা| স্থবিরং-শৈলেযম্| চন্দ্রলেখা-বাকুচী| হরীতকীনামেকাদশশতানি যবানামাঢকৌ দ্বৌ অষ্টগুণে জলে পএত্| যবস্বেদে সতি চাবতারযেত্| তস্মিন্ ক্বাথে পূতে পথ্যাসহিতাং পুরাণগুডাত্তুলাং তৈলাদীনাং পৃথক্পৃথক্ প্রস্থং ক্ষিপেত্| ততঃ-অনন্তরং, পুনঃ পচেত্| মৃদৌ বহ্নৌ দর্বীলেপে সত্যবতার্য শীতে সতি প্রস্থদ্বযং ক্ষৌদ্রাত্ পিপ্পলীনাং চতুষ্পলং চূর্ণিতং ত্রিজাতাচ্চ ত্রিপলং ক্ষিপেত্| ততঃ-অনন্তরং, পুরাণকুম্ভস্থং-ঘৃতরূঢভাণ্ডস্থং, ধান্যমধ্যে মাসং নিখনেত্| মাসাদূর্ধ্বং পূর্ববত্ খাদেত্| এতদ্রসাযনং বসিষ্ঠেন কথিতম্| অগস্ত্যলেহাদ্গুণৈরধিকং স্বস্থানাং নিষ্পরীহারং সর্বর্তুষ্বিষ্যতে, তন্ত্রকৃদ্ভিরিতি শেষঃ|

Adhikarana ShADavaM cUrNam (141-144) · Śloka 144

| পালিকং সৈন্ধবং শুণ্ঠী দ্বে চ সৌবর্চলাত্পলে||১৪১|| কুডবাংশানি বৃক্ষাম্লং দাডিমং পত্রমার্জকাত্| একৈকাং মরিচাজাত্যোর্ধান্যকাদ্ দ্বে চতুর্থিকে||১৪২|| শর্করাযাঃ পলান্যত্র দশ দ্বে চ প্রদাযযেত্| কৃত্বা চূর্ণমতো মাত্রামন্নপানেষু দাপযেত্||১৪৩|| রুচ্যং তদ্দীপনং বল্যং পার্শ্বার্তীশ্বাসকাসজিত্| |১৪৪|

স০-সৈন্ধবং-লবণং, পলপ্রমাণম্| শুণ্ঠী পলপ্রমাণা| পালিকমিতি পলং পরিমাণমস্যেতি ঠক্| পালিকং পালিকী চেতি "নপুংসকমনপুংসকেন" ইত্যেকশেষঃ| সৌবর্চললবণাচ্চ দ্বে পলে| কুডবপ্রমাণানি বৃক্ষাম্লাদীনি| আর্জকং-কুঠেরকম্, তস্মাত্পত্রম্| একামেকাং মরিচাজাজ্যোশ্চতুর্থিকাং-পলসংজ্ঞাম্, ধান্যকাত্ দ্বে চতুর্থিকে, শর্করাপলানি চ দ্বাদশাত্র দেযানি| তথা চ মুনিঃ (চ. চি. অ. ১১/৮২)- "পালিকং সৈন্ধবং শুণ্ঠী" ইত্যারভ্য যাবত্ "শর্করাযাঃ পলান্যত্র দশ দ্বে চ প্রদাপযেত্| কৃত্বা চূর্ণমতো মাত্রা" ইত্যাদি| তস্মাদত্রাপ্যযং গ্রন্থো নির্দিষ্টো বোধ্যঃ| প্রমাদাচ্চ কেচিন্ন পঠন্তি| অযং চাত্রৈবং বক্তি-"রুচ্যং তদ্দীপনং" ইত্যাদি| শর্করামন্তরেণ তু রুচ্যত্বমস্য কথমিবোপপদ্যতে ? তস্মাদ্যুক্তোঽত্র শর্করাপ্রযোগ ইতি| এতচ্চূর্ণ কৃত্বা, অতঃ- অস্মাচ্চূর্ণাত্, মাত্রাং যথোচিতামন্নপানেষু দাপযেত্, বৈদ্য ইতি শেষঃ| এতচ্চূর্ণং রুচ্যং দীপনং বল্যং পার্শ্বাদ্যার্তিজিত্|

Adhikarana ShADavAntaram (144-146) · Śloka 146

| একাং ষোডশিকাং ধান্যাদ্ দ্বে দ্বে চাজাজিদীপ্যকাত্||১৪৪|| তাভ্যাং দাডিমবৃক্ষাম্লে দ্বির্দ্বিঃ সৌর্বচলাত্পলম্| শুণ্ঠ্যাঃ কর্ষং দধিত্থস্য মধ্যাত্পঞ্চ পলানি চ||১৪৫|| তচ্চূর্ণং ষোডশপলৈঃ শর্করাযা বিমিশ্রযেত্| ষাডবোঽযং প্রদেযঃ স্যাদন্নপানেষু পূর্ববত্||১৪৬||

স০-ধান্যকাদেকাং ষোডশিকাং-কর্ষসংজ্ঞাম্| অজাজীদীপ্যকাট্ দ্বে দ্বে ষোডশিকে| তাভ্যাং-অজাজীদীপ্যকাভ্যাং মিশ্রিতাভ্যাং সকাশাত্, দাডীমবৃক্ষাম্লে দ্বির্দ্বিঃ-প্রত্যেকং চতস্রঃ ষোডশিকা ইত্যর্থঃ| এবমষ্টৌ কর্ষা দাডিমস্য, অষ্টৌ বৃক্ষাম্লস্য| তথা সৌবর্চলাত্ পলং, শুণ্ঠ্যাঃ কর্ষং, কপিত্থস্য মজ্জতঃ পঞ্চ পলানি| তত্-এতত্, চূর্ণং শর্করাযাঃ ষোডশপলৈঃ সম্মেলযেত্| অযং ষোডবোঽন্নপানেষু পূর্ববত্ প্রদেযঃ স্যাত্| অর্হার্থে কৃত্যঃ| কেচিত্ ষোডশিকাং পলমিত্যাহুঃ|

Adhikarana kShate yakShmokto~api vidhiH (147) · Śloka 147

বিধিশ্চ যক্ষ্মবিহিতো যথাবস্থং ক্ষতে হিতঃ| |১৪৭|

স০-ক্ষতে চাবস্থাবশাদ্যক্ষ্মণি যো বিহিতো বিধিঃ স হিতঃ|

Adhikarana dhUmapAnam (147-148) · Śloka 148

| নিবৃত্তে ক্ষতদোষে তু কফে বৃদ্ধে উরঃ শিরঃ||১৪৭|| দাল্যতে কাসিনো যস্য স না ধূমান্ পিবেদিমান্| |১৪৮|

স০-ক্ষতদোষে চ নিবৃত্তে-শান্তে সতি, কফে বৃদ্ধে যস্য কাসবতঃ পুংস উরঃ শিরশ্চ দাল্যতে-পাট্যত ইব, সঃ-কাসী, ধূমানিমান্-দ্বিমেদাদীনাং, পিবেত্|

Adhikarana dvimedAdidhUmaH (148-149) · Śloka 149

| দ্বিমেদাদ্বিবলাযষ্টিকল্কৈঃ ক্ষৌমে সুভাবিতে||১৪৮|| বর্তি কৃত্বা পিবেদ্ধূমং জীবনীযঘৃতানুপঃ| |১৪৯|

স০-দ্বিভেদাদিভিঃ কল্কৈঃ ক্ষৌমে-সুভাবিতে বর্তি কৃত্বা ধূমং পিবেত্| জীবনীযাখ্যং ঘৃতমনু-পশ্চাত্, পিবেত্|

Adhikarana anyo manaHshilAdidhUmaH (149-151) · Śloka 151

| মনঃশিলাপলাশাজগন্ধাত্বক্ক্ষীরিনাগরৈঃ||১৪৯|| তদ্বদেবানুপানং তু শর্করেক্ষুগুডোদকম্| পিষ্ট্বা মনঃশিলাং তুল্যামার্দ্রযা বটশুঙ্গযা||১৫০|| সসর্পিষ্কং পিবেদ্ধূমং তিত্তিরিপ্রতিভোজনম্| |১৫১|

স০-মনঃশিলাদিভিস্তদ্বদেব-দ্বিমেদাদিভির্যথা ধূমং পিবেত্| অনু শর্করোদকমিক্ষুরসং গুডোদকং বা পিবেত্| উদকসাদৃশ্যাদিক্ষুরসোঽপীক্ষূদকশব্দেন গৃহীতঃ| স০-মনঃ শিলামার্দ্রযা বটশুঙ্গযা তুল্যাং পিষ্ট্বা সহ সর্পিষা ধূমং সতিত্তিরিপ্রতিভোজনং পিবেত্|

Adhikarana kShayakAsacikitsA kShayakAse prathamopacAraH (151) · Śloka 151

| ক্ষযজে বৃংহণং পূর্বং কুর্যাদগ্নেশ্চ বর্ধনম্||১৫১||

স০-ক্ষযজে কাসে পূর্বোক্তং বৃংহণং কুর্যাদগ্নিসন্দীপনং চ|

Adhikarana bahudoShe virecanam (1) · Śloka 1

বহুদোষায সস্নেহং মৃদু দদ্যাদ্বিরেচনম্||১||

স০-বহুদোষায-প্রভূতাদোষায ক্ষযকাসিনে, সহ স্নেহেন মৃদু বিরেচনং দদ্যাত্| তদেবাহ-

Adhikarana tadeva virecanam (152-153) · Śloka 153

| শম্যাকেন ত্রিবৃতযা মৃদ্বীকারসযুক্তযা||১৫২|| তিল্বকস্য কষাযেণ বিদারীস্বরসেন চ| সর্পিঃ সিদ্ধং পিবেদ্যুক্ত্যা ক্ষীণদেহো বিশোধনম্||১৫৩||

স০-শম্যাকেন্-কর্ণিকারেণ, অথবা ত্রিবৃতযা দ্রাক্ষারসযুক্তযা তিল্বকস্য কষাযেণ বিদারীস্বরসেন চ সর্পিঃ সিদ্ধং যুক্ত্যাদেশকালাদিবলেন, ক্ষীণদেহো বিশোধনং পিবেত্|

Adhikarana kShINapittAdiShu karkaTakyAdighRutam (154) · Śloka 154

পিত্তে কফে ধাতুষু চ ক্ষীণেষু ক্ষযকাসবান্| ঘৃতং কর্কটকীক্ষীরদ্বিবলাসাধিতং পিবেত্||১৫৪||

স০-পিত্তে ক্ষীণে কফাদিষু চ ক্ষীণেষু ক্ষযকাসী কর্কটক্যাদিপক্বং ঘৃতং পিবেত্|

Adhikarana kShINapittAdiShu vidAryAdighRutaM payaSca (155) · Śloka 155

বিদারীভিঃ কদম্বৈর্বা তালসস্যৈশ্চ সাধিতম্| ঘৃতং পযশ্চ|১৫৫|

স০-বিদারীভিরিতি বহুবচনং ক্ষীরবিদার্যাদিব্যক্তিবিশেষাণাং গ্রহণার্থম্| এবং কদম্বৈরিত্যত্রাপি ধারাকদম্বাদিগ্রহণার্থম্| জাতৌ বহুবচনমিত্যন্যে| তালসস্যৈঃ-তালফলৈর্বা, সাধিতং ঘৃতং পযো বা পিবেত্|

Adhikarana mUtravaivarNyAdike~anuvAsanam (155-156) · Śloka 156

| মূত্রস্যবৈবর্ণ্যে কৃছ্রনির্গমে||১৫৫|| শূনে সবেদনে মেঢ্রে পাযৌ সশ্রোণিবঙ্ক্ষণে| ঘৃতমণ্ডেন লঘুনাঽনুবাস্যো মিশ্রিকেণ বা||১৫৬||

স০-মূত্রস্য বৈবর্ণ্যে কৃছ্রনির্গমে সতি তথা মেঢ্রে শূনে সবেদনে পাযৌ শ্রোণ্যাং বঙ্ক্ষণে চৈবংবিধে সতি নরো লঘুনা ঘৃতমণ্ডেনানুবাস্যঃ| মিশ্রিকেণ বা-ঘৃততৈলেন, অনুবাস্যঃ|

Adhikarana anuvAsanashuddhasya mAMsopacAraH (157-158) · Śloka 158

জাঙ্গলৈঃ প্রতিভুক্তস্য বর্তকাদ্যা বিলেশযাঃ| ক্রমশঃ প্রসহাস্তদ্বত্প্রযোজ্যাঃ পিশিতাশিনঃ||১৫৭|| ঔষ্ণ্যাত্প্রমাথিভাবাচ্চ স্রোতোভ্যশ্চ্যাবযন্তি তে| কফং শুদ্ধৈশ্চ তৈঃ পুষ্টিং কুর্যাত্সম্যগ্ বহন্ রসঃ||১৫৮||

স০-অনুবাসানান্তরং জাঙ্গলৈর্মাসৈঃ-হরিণৈণাজাদিভিঃ, তদভাবাত্তত্সদৃশৈরপি| প্রতিভুক্তস্যানন্তরং তথৈব পিশিতাশিনঃ প্রসহাঃ-দ্বীপিব্যাঘ্রাদযঃ, প্রযোজ্যাঃ| নানুবাসিতমাত্রস্য জাঙ্গলমাংসপ্রতিভুক্তস্যৈব প্রসহাঃ পিশিতাশিনশ্চ যোজ্যাঃ, অগ্নিমান্দ্যভযাত্| তে প্রসহাঃ প্রমাথিভাবাত্ তথৌষ্ণ্যাত্ কফোপলিপ্তেভ্যঃ স্রোতোভ্যঃ কফং চ্যাবযন্তি| প্রমাথিদ্রব্যলক্ষণং চ খারণদাদৌগদিতম্| যথা-"স্রোতাংসি দোষলিপ্তানি প্রমথ্য যত্| প্রবিশ্য সৌক্ষ্ম্যাত্তৈক্ষ্ণ্যাচ্চ তত্প্রমাথীতি সংজ্ঞিতম্||" ইতি| তৈশ্চ-স্রোতোভিঃ,শুদ্ধৈঃ সম্যগ্বহন্ রসঃ পুষ্টিং কুর্যাত্|

Adhikarana mAMsAyogyasya cavikAdi ghRutam (159-161) · Śloka 161

চবিকাত্রিফলাভার্গীদশমূলৈঃ সচিত্রকৈঃ| কুলত্থপিপ্পলীমূলপাঠাকোলযবৈর্জলে||১৫৯|| শৃতৈর্নাগরদুঃস্পর্শাপিপ্পলীশঠিপৌষ্করৈঃ| পিষ্টৈঃ কর্কটশৃঙ্গ্যা চ সমৈঃ সর্পির্বিপাচযেত্||১৬০|| সিদ্ধেঽস্মিংশ্চূর্ণিতৌ ক্ষারৌ দ্বৌ পঞ্চ লবণানি চ| দত্ত্বা যুক্ত্যা পিবেন্মাত্রাং ক্ষযকাসনিপীডিতঃ||১৬১||

স০-চবিকাদিভির্জলে শৃতৈর্নাগরাদিভিঃ পিষ্টৈঃ সমৈঃ সর্পির্বিপাচযেত্| সিদ্ধেঽস্মিন্ ঘৃতে ক্ষারৌ দ্বৌ, পঞ্চ-সৈধবাদীনি লবণানি চ, দত্ত্বা মাত্রাং প্রকৃতত্বাত্ ঘৃতস্য পিবেত্, কফকাসার্তঃ পুরুষঃ|

Adhikarana kAsamardAdighRutaM kAsajvArArUciharam (162-163) · Śloka 163

কাসমর্দাভযামুস্তাপাঠাকট্ফলনাগরৈঃ| পিপ্পল্যা কটুরোহিণ্যা কাশ্মর্যা সুরসেন চ||১৬২|| অক্ষমাত্রৈর্ঘৃতপ্রস্থং ক্ষীরদ্রাক্ষারসাঢকে| পচেচ্ছোশজ্বরপ্লীহসর্বকাসহরং শিবম্||১৬৩||

স০-কাসমর্দাদিভিরক্ষপ্রমাণৈঃ ক্ষীরদ্রাক্ষারসযোর্মিশ্রিতযোরাঢকে ঘৃতপ্রস্থং পচেত্| শোষাদিহরং শিবং চ-আরোগ্যকরম্|

Adhikarana vRuShAdighRutam kAsajvarAruciharam (164) · Śloka 164

বৃষব্যাঘ্রীগুডূচীনাং পত্রমূলফলাঙ্কুরাত্| রসকল্কৈর্ঘৃত পক্বং হন্তি কাসজ্বরারুচীঃ||১৬৪||

স০-বৃষাদীনাং প্রত্যেকং পত্রমূলফলাঙ্কুরাত্ রসকল্কৈঃ পক্বং ঘৃতং কাসাদীন্ হন্তি|

Adhikarana dviguNadADimarasasiddhaM ghRutam pippalIguDasiddaM ghRutam (165-166) · Śloka 166

দ্বিগুণে দাডিমরসে সিদ্ধং বা ব্যোষসংযুতম্| পিবেদুপরি ভুক্তস্য যবক্ষার্রযুতং নরঃ||১৬৫|| পিপ্পলীগুডসিদ্ধং বা ছাগক্ষীরযুতং ঘৃতম্| |১৬৬|

স০-অথবা দাডিমস্বরসে দ্বিগুণে ব্যোষকল্কসংযুতং সিদ্ধং ঘৃতং ভুক্তস্যাহারস্যোপরি যবক্ষারযুতং পিবেত্| পিপ্পলীগুডাভ্যাং বা চতুর্গুণে ঘৃতে ঘৃতাচ্চতুর্গুণে জলে ঘৃতসমে ছাগক্ষীর ইতি পক্বং পিবেত্|

Adhikarana uktaghRutAnAM dIpanatvaM strotaH shodhanatvaM ca (166-167) · Śloka 167

| এতান্যগ্নিবিবৃদ্ধ্যর্থং সর্পিষি ক্ষযকাসিনাম্||১৬৬|| স্যুর্দোষবদ্ধকণ্ঠোরঃস্রোতসাং চ বিশুদ্ধযে| |১৬৭|

স০-এতানি পূর্বোক্তানি চব্যাদিভির্বিপক্বানি ঘৃতান্যগ্নিবর্ধনানি ক্ষযকাসিনাং স্যুঃ| দোষোপলিপ্তকণ্ঠোরঃস্রোতসাং চ বিশুদ্ধযে স্যুঃ|

Adhikarana harItakIlehaH (167-139) · Śloka 139

| প্রস্থোন্মিতে যবক্বাথে বিংশতি বিজযাঃ পচেত্||১৬৭|| স্বিন্না মৃদিত্বা তাস্তস্মিন্পুরাণাত্ষট্পলং গুডাত্| পিপ্পল্যা দ্বিপলং কর্ষং মনোহ্বাযা রসাঞ্জনাত্||১৩৮|| দত্ত্বাঽর্ধাক্ষং পচেদ্ভূযঃ স লেহঃ শ্বাসকাসজিত্| ||১৩৯||

স০-যবক্বাথে প্রস্থপ্রমাণে হরীতকীবিশতিং পচেত্| স্বিন্নাস্তাঃ-হরীতকীঃ, তস্মিন্-যবক্বাথে, মৃদুত্বা পুরাণাদ্ গুডাত্ ষট্পলং, পিপ্পল্যা দ্বিপলং, কর্ষং মনঃশিলাযাঃ, রসাঞ্জনাদর্ধকর্ষং দত্ত্বাঽস্মিন্ক্বাথে পুনঃ পচেত্| স লেহঃ শ্বাসকাসজিত্|

Adhikarana shvAvitsUcIkShAralehaH mayUracaraNakShAralehaH eraNDapatrakShAralehaH surasairaNDapatrakShAralehaH tryUShaNacUrNalehaH (169-171) · Śloka 171

| শ্বাবিধাং সূচযো দগ্ধাঃ সঘৃতক্ষৌদ্রশর্করাঃ||১৬৯|| শ্বাসকাসহরা, বর্হিপাদৌ বা মধুসর্পিষা| এরণ্ডপত্রক্ষারং বা ব্যোষতৈলগুডন্বিতম্||১৭০|| লেহযেত্, ক্ষারমেবং বা সুরসৈরণ্ডপত্রজম্| লিহ্যাত্ ত্র্যূষণচূর্ণং বা পুরাণগুডসর্পিষা||১৭১||

স০-শ্বাবিধাং সম্বন্ধিভ্যঃ সুচযো দগ্ধা ঘৃতক্ষৌদ্রশর্করান্বিতাঃ শ্বাসকাসহরাঃ বর্হিণো-মযূরস্য, বা পাদৌ দগ্ধৌ মধুসর্পিষা সহ শ্বাসকাসহরৌ| অথবা, এরণ্ডপত্রস্য ক্ষারংব্যোষতৈল্লগুডযুরং লেহযেত্| এবং-পূর্বোক্তেন প্রকারেণ, সুরসৈরণ্ডপত্রজং ক্ষারং ব্যোষতৈলগুডান্বিতং লেহযেত্| অথবা ত্র্যূষণচূর্ণং পুরাণৌডসর্পিষা লিহ্যাত্|

Adhikarana samasharkaraM cUrNaM maricacUrNaM tadvat (172-173) · Śloka 173

পদ্মকং ত্রিপলা ব্যোষং বিডঙ্গং দেবদারু চ| বলা রাস্না চ তচ্চূর্ণং সমস্তং সমশর্করম্||১৭২|| খাদেন্মধুঘৃতাভ্যাং বা লিহ্যাত্কাসহরং পরম্| তদ্বন্মরিচচূর্ণং বা সঘৃতক্ষৌদ্রশর্করম্||১৭৩||

স০-পদ্মকাদীনাং সমস্তং চূর্ণং সমশর্করম্| পদ্মকাদীনাং চূর্ণমেকতঃ, একতঃ শর্করাচূর্ণম্, তদুভযং সংযোজ্য খাদেত্ভক্ষযেত্| অথবা, সমশর্করমেব মধুঘৃতাভ্যাং মিশ্রযিত্বা লিহ্যাত্| তথৈব মরিচচূর্ণং ঘৃতক্ষৌদ্রশর্করাযুতং লিহ্যাত্|

Adhikarana pathyAdiguTikA mukhe dhAraNArthaMbiBItakadhAraNam (174) · Śloka 174

পথ্যাশুণ্ঠীঘনগুডৈর্গুটিকাং ধারযেন্মুখে| সর্বেষু শ্বাসকাসেষু, কেবলং বা বিভীতকম্||১৭৪||

স০-পথ্যাশুণ্ঠীঘনগুডৈর্গুটিকাং মুখে ধারযেত্ সর্বেষ্বেব শ্বাসকাসেষু| কেবলং বা বিভীতকং মুখে ধারযেদিতি যোজ্যম্|

Adhikarana peyAmutkArikAM ca (175) · Śloka 175

পত্রকল্কং ঘৃতভৃষ্টং তিল্বকস্য সশর্করম্| পেযা বোত্কারিকা ছর্দিতৃট্কাসামাতিসারজিত্||১৭৫||

স০-পত্রকল্কং তিল্বকস্য ঘৃতে ভৃষ্টং সশর্করং ছর্দিটৃডাদিজিত্| পেযা বা পত্রস্য কল্কে সিদ্ধা তদ্বত্| অথবা, উত্কারিকা পত্রকল্ককৃতা ছর্দ্যাদিজিত্|

Adhikarana mudgayUShaH (176) · Śloka 176

কণ্টকারীরসে সিদ্ধো মুদ্গযূষঃ সুসংস্কৃতঃ| সগৌরামলকঃ সাম্লঃ সর্বকাসভিষগ্জিতম্||১৭৬||

স০-কণ্টকার্যাঃ ক্বাথে মুদ্গযূষঃ সুসংস্কৃতো-হিঙ্গুসৈন্ধবাদিনা, সগৌরামলকাম্লঃ সর্বকাসেষু ভিষগ্জিতং-ঔষধম্|

Adhikarana kShIrayUSharasAH (177) · Śloka 177

বাতঘ্নৌষধনিঃক্বাথে ক্ষীরং যূষান্ রসানপি| বৈষ্কিরান্ প্রাতুদান্ বৈলান্ দাপযেত্ক্ষযকাসিনে||১৭৭||

স০-বাতঘ্নৌষধানাং নিঃক্বাথে সিদ্ধং ক্ষীরমথবা যূষান্ রসাংশ্চ বিষ্কিরমাংসজান্ প্রতুদজান্ বা| তথা, বিলেষু ভবা বৈলাঃ প্রাণিনস্তেষাং রসান্ ক্ষযকাসিনে বৈদ্যো দাপযেত্|

Adhikarana kShayakAsoktA bRuMhaNAdi (178-179) · Śloka 179

ক্ষতকাসে চ যে ধূমাঃ সানুপানা নিদর্শিতাঃ| ক্ষযকাসেঽপি তে যোজ্যা বক্ষ্যতে যচ্চ যক্ষ্মণি||১৭৮|| বৃংহণং দীপনং চাগ্নেঃ স্রোতসাং চ বিশোধনম্| ব্যত্যাসাত্ক্ষযকাসিভ্যো বল্যং সর্বং প্রশস্যতে||১৭৯||

স০-ক্ষতকাসে চ যে ধূমাঃ-দ্বিমেদেত্যাদযঃ, সানুপানা উক্তাঃ, তে চ ক্ষযকাসেঽপি যোজ্যাঃ| তচ্চ যক্ষ্মণি বক্ষ্যতে বৃংহণমগ্নিদীপনং স্রোতোবিশোধনং, তচ্চ ক্ষযকাসিনে যোজ্যম্| তথা, ক্ষযকাসিভ্যো ব্যত্যাসেন সর্বং চিকিত্সিতং বল্যং প্রশস্যতে|

Adhikarana kShayakAse sarvadoShAvirodhi kartavyam (3) · Śloka 3

সন্নিপাতোদ্ভবো ঘোরঃ ক্ষযকাসো যতস্ততঃ| যথাদোষবলং তস্য সন্নিপাতহিতং হিতম্||১৮০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা যামষ্টাঙ্গহৃদযসংহিতাযাং চতুর্থে চিকিত্সিত- স্থানে কাসচিকিত্সিতং নাম তৃতীযোঽধ্যাযঃ||৩||

স০-সন্নিপাতোদ্ভবঃ ক্ষযকাসো ঘোরো-দারুণো, যতো ভবতি, তস্মাদ্ যথাদোষবলং তস্য যত্সন্নিপাতে হিতং তদত্র হিতমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে কাসচিকিত্সিতং নাম তৃতীযোঽ- ধ্যাযঃ সমাপ্তঃ|| ৩||