3. kāsacikitsitādhyāyaḥ

Adhikarana kAsacikitsitAdhyAyaH vAtakAsacikitsA shuddhasya vAtakAsasya cikitsA sapittasya vAtakAsasya cikitsA sakaPasya vAtakAsasya cikitsA (2-3) · Śloka 3

অথাতঃ কাসচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) কেবলানিলজং কাসং স্নেহৈরাদাবুপাচরেত্| বাতঘ্নসিদ্ধৈঃ স্নিগ্ধৈশ্চ পেযাযূষরসাদিভিঃ||১|| লেহৈর্ধূমৈস্তথাঽভ্যঙ্গস্বেদসেকাবগাহনৈঃ| বস্তিভির্বদ্ধবিড্বাতং, সপিত্তং তূর্ধ্বভক্তিকৈঃ||২|| ঘৃতৈঃ ক্ষীরৈশ্চ, সকফং জযেত্স্নেহবিরেচনৈঃ| |৩|

Adhikarana guDUcyAdighRutaM vAtakAsanut (3-4) · Śloka 4

| গুডূচীকণ্টকারীভ্যাং পৃথক্ত্রিংশত্পলাদ্রসে||৩|| প্রস্থঃ সিদ্ধো ঘৃতাদ্বাতকাসনুদ্বহ্নিদীপনঃ| |৪|

Adhikarana kShArAdighRutaM kAsashvAsAdinut (4-6) · Śloka 6

| ক্ষাররাস্নাবচাহিঙ্গুপাঠাযষ্ট্যাহ্বধান্যকৈঃ||৪|| দ্বিশাণৈঃ সর্পিষঃ প্রস্থং পঞ্চকোলযুতৈঃ পচেত্| দশমূলস্য নির্যূহে পীতো মণ্ডানুপাযিনা||৫|| স কাসশ্বাসহ্রত্পার্শ্বগ্রহণীরোগগুল্মনুত্| |৬|

Adhikarana rAsnAdighRutaM pa~jcakAsAdijit (6-9) · Śloka 9

| দ্রোণেঽপাং সাধযেদ্রাস্নাদশমূলশতাবরীঃ||৬|| পলোন্মিতা দ্বিকুডবং কুলত্থং বদরং যবম্| তুলার্ঘং চাজমাংসস্য তেন সাধ্যং ঘৃতাঢকম্||৭|| সমক্ষীরং পলাংশৈশ্চ জীবনীযৈঃ সমীক্ষ্য তত্| প্রযুক্তং বাতরোগেষু পাননাবনবস্তিভিঃ||৮|| পঞ্চকাসান্ শিরঃকম্পং যোনিবঙ্ক্ষণবেদনাম্| সর্বাঙ্গৈকাঙ্গরোগাংশ্চ সপ্লীহোর্ধ্বানিলান্ জযেত্||৯||

Adhikarana vidAryAdighRutaM kAsajit (10) · Śloka 10

বিদার্যাদিগণক্বাথকল্কসিদ্ধং চ কাসজিত্| |১০|

Adhikarana ashokabIjAdilehaH (10-11) · Śloka 11

| অশোকবীজক্ষবকজন্তুঘ্নাঞ্জনপদ্মকৈঃ||১০|| সবিডৈশ্চ ঘৃতং সিদ্ধং তচ্চূর্ণং বা ঘৃতপ্লুতম্| লিহ্যাত্পযশ্চানু পিবেদাজং কাসাতিপীডিতঃ||১১||

Adhikarana viDa~ggAdilehaH (12-13) · Śloka 13

বিডঙ্গং নাগরং রাস্না পিপ্পলী হিঙ্গু সৈন্ধবম্| ভার্ঙ্গী ক্ষারশ্চ তচ্চূর্ণং পিবেদ্বা ঘৃতমাত্রযা||১২|| সকফেঽনিলজে কাসে শ্বাসহিধ্মাহতাগ্নিষু| |১৩|

Adhikarana durAlaBAdilehaH (13-14) · Śloka 14

| দুরালভাং শৃঙ্গবেরং শঠীং দ্রাক্ষাং সিতোপলাম্||১৩|| লিহ্যাত্কর্কটশৃঙ্গী চ কাসে তৈলেন বাতজে| |১৪|

Adhikarana duHsparshAdilehaH pippalIshuNThIlehaH BAr~ggIshuNThIlehaH (14-15) · Śloka 15

| দুস্পর্শাং পিপ্পলীং মুস্তাং ভার্ঙ্গী কর্কটকীং শঠীম্||১৪|| পুরাণগুডতৈলাভ্যাং চূর্ণিতান্যবলেহযেত্| তদ্বত্সকৃষ্ণাং শুণ্ঠীং চ সভার্ঙ্গী তদ্বদেব চ||১৫||

Adhikarana pippalyAdipAnapa~jcakam (16-17) · Śloka 17

পিবেচ্চ কৃষ্ণং কোষ্ণেন সলিলেন সসৈন্ধবাম্| মস্তুনা সসিতাং শুণ্ঠীং দধ্না বা কণরেণুকাম্||১৬|| পিবেদ্বদরমজ্জ্ঞো বা মদিরাদধিমস্তুভিঃ| অথবা পিপ্পলীকল্কং ঘৃতভৃষ্টং সসৈন্ধবম্||১৭||

Adhikarana sapInase kAse dhUmaH (18) · Śloka 18

কাসী সপীনসো ধূমং স্নৈহিকং বিধিনা পিবেত্| হিধ্মাশ্বাসোক্তধূমাংশ্চ ক্ষীরমাংসরসাশনঃ||১৮||

Adhikarana mAMsarasayUShAH (19) · Śloka 19

গ্রাম্যানূপৌদকৈঃ শালিযবগোধূমষষ্টিকান্| রসৈর্মাষাত্মগুপ্তানাং যূষৈর্বা ভোজযেদ্ধিতান্||১৯||

Adhikarana yavAnyAdipeyA (20-21) · Śloka 21

যবানীপিপ্পলীবিল্বমধ্যনাগরচিত্রকৈঃ| রাস্নাজাজীপৃথক্পর্ণীপলাশশঠিপৌষ্করৈঃ||২০|| সিদ্ধাং স্নিগ্ধাম্ললবণাং পেযামনিলজে পিবেত্| কটিহৃত্পার্শ্বকোষ্ঠার্তিশ্বাসহিধ্মাপ্রণাশনীম্||২১||

Adhikarana dashamUlAdipeyA (22) · Śloka 22

দশমূলরসে তদ্বত্ পঞ্চকোলগুডান্বিতাম্| পিবেত্পেযাং|২২|

Adhikarana kShaireyIpeyA (22) · Śloka 22

| সমতিলাং ক্ষৈরেযীং বা সসৈন্ধবাম্||২২||

Adhikarana mAMsapeyA (23) · Śloka 23

মাত্স্যকৌক্কুটবারাহৈর্মাংসৈর্বা সাজ্যসৈন্ধবাম্| |২৩|

Adhikarana shAkAni (23-24) · Śloka 24

| বাস্তুকো বাযসীশাকং কাসঘ্নঃ সুনিষণ্ণকঃ||২৩|| কণ্টকার্যাঃ ফলং পত্রং বালং শুষ্কং চ মূলকম্| |২৪|

Adhikarana snehAH BakShyAH (24) · Śloka 24

| স্নেহাস্তৈলাদযোভক্ষ্যাঃ ক্ষীরেক্ষুরসগৌডিকাঃ||২৪||

Adhikarana pAnAni (25) · Śloka 25

দধিমস্ত্বারনালাম্লফলাম্বুমদিরাঃ পিবেত্| |২৫|

Adhikarana pittakAsacikitsA sakaPe pittakAse vamanam (25-26) · Śloka 26

| পিত্তকাসে তু সকফে বমনং সর্পিষা হিতম্||২৫|| তথা মদনকাশ্মর্যমধুকক্বথিতৈর্জলৈঃ| ফলযষ্ট্যাহ্বকল্কৈর্বা বিদারীক্ষুরসাপ্লুতৈঃ||২৬||

Adhikarana tanukaphe pittakAse virecanam,ghanakaphe pittakAse virecanam (27) · Śloka 27

পিত্তকাসে তনুকফে ত্রিবৃতাং মধুরৈর্যুতাম্| যুঞ্জ্যাদ্বিরেকায যুতাং ঘনশ্লেষ্মণি তিক্তকৈঃ||২৭||

Adhikarana tanukaPe pittakAse saMsarjanam ghanakaPe pittakAse saMsarjanam (28) · Śloka 28

হৃতদোষো হিমং স্বাদু স্নিগ্ধং সংসর্জনং ভজেত্| ঘনে কফে তু শিশিরং রূক্ষং তিক্তোপসংহিতম্||২৮||

Adhikarana shuddhepittakAse lehaH sakaPe pittakAse lehaH savAte pittakAse lehaH (29) · Śloka 29

লেহঃ পৈত্তে সিতাধাত্রীক্ষৌদ্রদ্রাক্ষাহিমোত্পলৈঃ| সকফে সাব্দমরিচঃ সঘৃতঃ সানিলে হিতঃ||২৯||

Adhikarana mRudvIkAdilehaH (30) · Śloka 30

মৃদ্বীকার্ধশতং ত্রিংশত্পিপ্পলীঃ শর্করাপলম্| লেহযেন্মধুনা|৩০|

Adhikarana goshakRudrasalehaH (30) · Śloka 30

| গোর্বা ক্ষীরপস্য শকৃদ্রসম্||৩০||

Adhikarana tvagelAdilehaH (31-32) · Śloka 32

ত্বগেলাব্যোষমৃদ্বীকাপিপ্পলীমূলপৌষ্করৈঃ| লাজমুস্তাশঠীরাস্নাধাত্রীফলবিভীতকৈঃ||৩১|| শর্করাক্ষৌদ্রসর্পির্ভির্লেহো হৃদ্রোগকাসহা| |৩২|

Adhikarana ghanakaPa pittakAse annapAnaM tanukaPe pittakAse annapAnam (32-34) · Śloka 34

| মধুরৈর্জাঙ্গলরসৈর্যবশ্যামাককোদ্রবাঃ||৩২|| মুদ্গাদিযূষৈঃ শাকৈশ্চ তিক্তকৈর্মাত্রযা হিতাঃ| ঘনশ্লেষ্মণি লেহাশ্চ তিক্তকা মধুসংযুতাঃ||৩৩|| শালযঃ স্যুস্তনুকফে ষষ্টিকাশ্চ রসাদিভিঃ| |৩৪|

Adhikarana anupAnAni (34) · Śloka 34

| শর্করাম্ভোঽনুপানার্থং দ্রাক্ষেক্ষুস্বরসাঃ পযঃ||৩৪||

Adhikarana mAMsarasakShIrapeyAyUShAH (35) · Śloka 35

কাকোলীবৃহতীমেদাদ্বযৈঃ সবৃষনাগরৈঃ| পিত্তকাসে রসক্ষীরপেযাযূষান্ প্রকল্পযেত্||৩৫||

Adhikarana kShIrAntaraM peyAntaram (36-37) · Śloka 37

দ্রাক্ষাং কণাং পঞ্চমূলং তৃণাখ্যং চ পচেজ্জলে| তেন ক্ষীরং শৃতং শীতং পিবেত্সমধুশর্করম্||৩৬|| সাধিতাং তেন পেযাং বা সুশীতাং মধুনাঽন্বিতাম্| |৩৭|

Adhikarana pAnakam (37-38) · Śloka 38

| শঠীহ্নীবেরবৃহতীশর্করাবিশ্বভেষজম্||৩৭|| পিষ্ট্বা রসং পিবেত্পূতং বস্ত্রেণ ঘৃতমূর্চ্ছিতম্| |৩৮|

Adhikarana ghRutacUrNakvAthAH (38-40) · Śloka 40

| মেদাং বিদারীং কাকোলীং স্বযংগুপ্তাফলং বলাম্||৩৮|| শর্করাং জীবকং মুদ্গমাষপর্ণ্যৌ দুরালভাম্| কল্কীকৃত্যপচেত্সর্পিঃ ক্ষীরেণাষ্টগুণেন তত্||৩৯|| পানভোজনলেহেষু প্রযুক্তং পিত্তকাসজিত্| লিহ্যাদ্বা চূর্ণমেতেষাং কষাযমথবা পিবেত্||৪০||

Adhikarana kaPakAsacikitsA kaPakAse snehaH (41) · Śloka 41

কফকাসী পিবেদাদৌ সুরকাষ্ঠাত্ প্রদীপিতাত্| স্নেহং পরিস্রুতং ব্যোষযবক্ষারাবচূর্ণিতম্||৪১||

Adhikarana kaPakAse vamanavirecananasyAni (42) · Śloka 42

স্নিগ্ধং বিরেচযেদূর্ধ্বমধো মূর্ধ্নি চ যুক্তিতঃ| তীক্ষ্ণৈর্বিরেকৈর্বলিনং|৪২|

Adhikarana kaPakAse saMsarjanam (42-44) · Śloka 44

| সংসর্গী চাস্য যোজযেত্||৪২|| যবমুদ্গকুলত্থান্নৈরুষ্ণরূক্ষৈঃ কটূত্কটৈঃ| কাসমর্দকবার্তাকব্যাঘ্রীক্ষারকণান্বিতৈঃ||৪৩|| ধান্ববৈলরসৈঃ স্নেহৈস্তিলসর্ষপনিম্বজৈঃ| |৪৪|

Adhikarana kaPakAse udakapAnaM kaPakAse uShitodakapAnam (44-45) · Śloka 45

দশমূলাম্বু ঘর্মাম্বু মদ্যং মধ্বম্বু বা পিবেত্||৪৪|| মূলৈঃ পৌষ্করশম্যাকপটোলৈঃ সংস্থিতং নিশাম্| পিবেদ্বারি সহক্ষৌদ্রং কালেষ্বন্নস্য বা ত্রিষু||৪৫||

Adhikarana kaPakAsepippalyAdayastrayo lehAH (46-47) · Śloka 47

পিপ্পলী পিপ্পলীমূলং শৃঙ্গবেরং বিভীতকম্| শিখিকুক্কুটপিচ্ছানাং মষী ক্ষারো যবোদ্ভবঃ||৪৬|| বিশালা পিপ্পলীমূলং ত্রিবৃতা চ মধুদ্রবাঃ| কফকাসহরা লেহাস্ত্রযঃ শ্লোকার্ধযোজিতাঃ||৪৭||

Adhikarana kaPakAse madhunetyAdayo~aShTau lehAH (48-49) · Śloka 49

মধুনা মরিচং লিহ্যান্মধুনৈব চ জোঙ্গকম্| পৃথগ্রসাংশ্চ মধুনা ব্যাঘ্রীবার্তাকভৃঙ্গজান্||৪৮|| কাসঘ্নস্যাশ্বশকৃতঃ সুরসস্যাসিতস্য চ| |৪৯|

Adhikarana vAtAnuge kaPe lehatrayam (49-51) · Śloka 51

| দেবদারুশঠীরাস্নাকর্কটাখ্যাদুরালভাঃ||৪৯|| পিপ্পলী নাগরং মুস্তং পথ্যা ধাত্রী সিতোপলা| লাজাঃ সিতোপলা সর্পিঃ শৃঙ্গী ধাত্রীফলোদ্ভবা||৫০|| মধুতৈলযুতা লেহাস্ত্রযো বাতানুগে কফে| |৫১|

Adhikarana dADimAdyaM cUrNam,guDakShArAdicUrNam (51-53) · Śloka 53

| দ্বে পলে দাডিমাদষ্টৌ গুডাদ্ব্যোষাত্পলত্রযম্||৫১|| রোচনং দীপনং স্বর্যং পীনসশ্বাসকাসজিত্| গুডক্ষারোষণকণাদাডিমং শ্বাসকাসজিত্||৫২|| ক্রমাত্পলদ্বযার্ধাক্ষকর্ষার্ধাক্ষপলোন্মিতম্| |৫৩|

Adhikarana pAcanam (53) · Śloka 53

| পিবেজ্জবরোক্তং পথ্যাদি সশৃঙ্গীকং চ পাচনম্||৫৩||

Adhikarana pAcanAntaram (54) · Śloka 54

অথবা দীপ্যকত্রিবৃদ্বিশালাঘনপৌষ্করম্| সকণং ক্বথিতং মূত্রে কফকাসী জলেঽপি বা||৫৪||

Adhikarana shamanam (55) · Śloka 55

তৈলভৃষ্টং চ বৈদেহীকল্কাক্ষং সসিতোপলম্| পাযযেত্কফকাসঘ্নং কুলত্থসলিলাপ্লুতম্||৫৫||

Adhikarana dashamUlaghRutam (56-57) · Śloka 57

দশমূলাঢকে প্রস্থং ঘৃতস্যাক্ষসমৈঃ পচেত্| পুষ্করাহ্বশঠীবিল্বসুরসাব্যোষহিঙ্গুভিঃ||৫৬|| পেযানুপানং তত্সর্ববাতশ্লেষ্মামযাপহম্| |৫৭|

Adhikarana nirguNDIghRutam (57) · Śloka 57

| নির্গুণ্ডীপত্রনির্যাসসাধিতং কাসজিদ্ধৃতম্||৫৭||

Adhikarana viDa~ggaghRutam (58) · Śloka 58

ঘৃতং রসে বিডঙ্গানাং ব্যোষগর্ভং চ সাধিতম্| ৫৭ ১/২| |৫৮|

Adhikarana punarnavAdighRutam (58) · Śloka 58

পুনর্নবশিবাটিকাসরলকাসমর্দামৃতা- পটোলবৃহতীফণিজ্জকরসৈঃ পযঃসংযুতৈঃ| ঘৃতং ত্রিকটুনা চ সিদ্ধমুপযুজ্য সঞ্জাযতে ন কাসবিষমজ্বরক্ষযগুদাঙ্কুরেভ্যো ভযম্||৫৮||

Adhikarana kaNTakArIghRutam (59-63) · Śloka 63

সমূলফলপত্রাযাঃ কণ্টকার্যা রসাঢকে||৫৯|| ঘৃতপ্রস্থং বলাব্যোষবিডঙ্গশঠিদাডিমৈঃ| সৌবর্চলযবক্ষারমূলামলকপৌষ্করৈঃ||৬০|| বৃশ্চীববৃহতীপথ্যাযবানীচিত্রকর্ধিভিঃ| মৃদ্বীকাচব্যবর্ষাভূদুরালম্ভাম্লবেতসৈঃ||৬১|| শৃঙ্গীতামলকীভার্ঙ্গীরাস্নাগোক্ষুরকৈঃ পচেত্| কল্কৈস্তত্সর্বকাসেষু শ্বাসহিধ্মাসু চেষ্যতে||৬২|| কণ্টকারীঘৃতং চৈতত্কফব্যাধিবিনাশনম্| |৬৩|

Adhikarana vyAghrIlehaH (63-67) · Śloka 67

| পচেব্যাঘ্রীতুলাং ক্ষুণ্ণাং বহেঽপামাঢকস্থিতে||৬৩|| ক্ষিপেত্ পূতে তু সঞ্চূর্ণ্য ব্যোষরাস্নামৃতাগ্নিকান্| শৃঙ্গীভার্ঙ্গীঘনগ্রন্থিধন্বযাসান্ পলার্ধকান্||৬৪|| সর্পিষঃ ষোডশপলং চত্বারিংশত্পলানি চ| মত্স্যণ্ডিকাযাঃ শুদ্ধাযাঃ পুনশ্চ তদধিশ্রযেত্||৬৫|| দর্বীলেপিনি শীতে চ পৃথক্ দ্বিকুডবং ক্ষিপেত্| পিপ্পলীনাং তবক্ষীর্যা মাক্ষিকস্যানবস্য চ||৬৬|| লেহোঽযং গুল্মহৃদ্রোগদুর্নামশ্বাসকাসজিত্| |৬৭|

Adhikarana dhUmaH (67) · Śloka 67

| শমনং চ পিবেদ্ধূমং শোধনং বহলে কফে||৬৭||

Adhikarana dhUmAntaram (68-69) · Śloka 69

মনঃশিলালমধুকমাংসীমুস্তেঙ্গুদীত্বচঃ| ধূমং কাসঘ্নবিধিনা পীত্বা ক্ষীরং পিবেদনু||৬৮|| নিষ্ঠ্যূতান্তে গুডযুতং কোষ্ণং ধূমো নিহন্তি সঃ| বাতশ্লেষ্মোত্তরান্ কাসানচিরেণ চিরন্তনান্||৬৯||

Adhikarana tamakopadrave pratIkAra (70) · Śloka 70

তমকঃ কফকাসে তু স্যাচ্চেত্পিত্তানুবন্ধজঃ| পিত্তকাসক্রিযাং তত্র যথাবস্থং প্রযোজযেত্||৭০||

Adhikarana anubandhaBedAccikitsA (71-72) · Śloka 72

কফানুবন্ধে পবনে কুর্যাত্কফহরাং ক্রিযাম্| পিত্তানুবন্ধযোর্বাতকফযোঃ পিত্তনাশিনীম্||৭১|| বাতশ্লেষ্মাত্মকে শুষ্কে স্নিগ্ধমার্দ্রে বিরুক্ষণম্| কাসে কর্ম সপিত্তে তু কফজে তিক্তসংযুতম্||৭২||

Adhikarana uraHkShate auShadham (73) · Śloka 73

উরস্যন্তঃক্ষতে সদ্যো লাক্ষাং ক্ষৌদ্রযুতাং পিবেত্| ক্ষীরেণ|৭৩|

Adhikarana jIrNaiShadhe Bojanam (73) · Śloka 73

| শালীন্ জীর্ণেঽদ্যাত্ক্ষীরেণৈব সশর্করান্||৭৩||

Adhikarana pArshvarujAdyanvite auShadham (74) · Śloka 74

পার্শ্ববস্তিসরুক্চাল্পপিত্তাগ্নিস্তাং সুরাযুতাম্| |৭৪|

Adhikarana BinnaviTke auShadham (74) · Śloka 74

| ভিন্নবিট্কঃ সমুস্তাতিবিষাপাঠাং সবত্সকাম্||৭৪||

Adhikarana dIptAnale auShadham (75) · Śloka 75

লাক্ষাং সর্পির্মধূচ্ছিষ্টং জীবনীযং গণং সিতাম্| ত্বক্ক্ষীরী সমিতং ক্ষীরে পক্ত্বা দীপ্তানলঃ পিবেত্||৭৫||

Adhikarana sandhAnArthaM payaH (76) · Śloka 76

ইক্ষ্বারিকাবিসগ্রন্থিপদ্মকেসরচন্দনৈঃ| শৃতং পযো মধুযুতং সন্ধানার্থং পিবেত্ক্ষতী||৭৬||

Adhikarana jvaradAhe auShadhadvayam (77) · Śloka 77

যবানাং চূর্ণমামানাং ক্ষীরে সিদ্ধং ঘৃতান্বিতম্| জ্বরদাহে সিতাক্ষৌদ্রসক্তূন্বা পযসা পিবেত্||৭৭||

Adhikarana kAse auShadhacatuShTayam (78-79) · Śloka 79

কাসবাংস্তু পিবেত্সর্পির্মধুরৌষধসাধিতম্| গুডোদকং বা ক্বথিতং সক্ষৌদ্রমরিচং হিতম্||৭৮|| চূর্ণমামলকানাং বা ক্ষীরে পক্বং ঘৃতান্বিতম্| রসাযনবিধানেন পিপ্পলীর্বা প্রযোজযেত্||৭৯||

Adhikarana kAse parvAsthishUle cauShadham (80) · Śloka 80

কাসী পর্বাস্থিশূলী চ লিহ্যাত্সঘৃতমাক্ষিকাঃ| মধূকমধুকদ্রাক্ষাত্বক্ক্ষীরিপিপ্পলীবলাঃ||৮০||

Adhikarana elAdi (trijAtakAdi)guTikA (81-83) · Śloka 83

ত্রিজাতমর্ধকর্ষাংশং পিপ্পল্যর্ধপলং সিতা| দ্রাক্ষা মধূকং খর্জূরং পলাংশং শ্লক্ষ্ণচূর্ণিতম্||৮১|| মধুনা গুটিকা ঘ্নন্তি তা বৃষ্যাঃ পিত্তশোণিতম্| কাসশ্বাসারুচিচ্ছর্দিমূর্চ্ছাহিধ্মামদভ্রমান্||৮২|| ক্ষতক্ষযস্বরভ্রংশপ্লীহশোষাঢ্যমারুতান্| রক্তনিষ্ঠীবহৃত্পার্শ্বরুক্পিপাসাজ্বরানপি||৮৩||

Adhikarana raktaShThIve auShadhadvayam (84-85) · Śloka 85

বর্ষাভূশর্করারক্তশালিতণ্ডুলজং রজঃ| রক্তষ্ঠীবী পিবেত্সিদ্ধং দ্রাক্ষারসপযোঘৃতৈঃ||৮৪|| মধূকমধুকক্ষীরসিদ্ধং বা তণ্ডুলীযকম্| |৮৫|

Adhikarana atra raktapittauShadhamapi (85) · Śloka 85

| যথাস্বং মার্গবিসৃতে রক্তে কুর্যাচ্চ ভেষজম্||৮৫||

Adhikarana mUDhavAte auShadham (86) · Śloka 86

মূঢবাতস্ত্বজামেদঃ সুরাভৃষ্টং সসৈন্ধবম্| |৮৬|

Adhikarana kShAmakShINAdau auShadham (86-87) · Śloka 87

| ক্ষামঃ ক্ষীণঃ ক্ষতোরস্কো মন্দনিদ্রোঽগ্নিদীপ্তিমান্||৮৬|| শৃতক্ষীরসরেণাদ্যাত্সঘৃতক্ষৌদ্রশর্করম্| |৮৭|

Adhikarana kShINakShatakRutakRusheShu auShadham (87-88) · Śloka 88

| শর্করাযবগোধূমং জীবকর্ষভকৌ মধু||৮৭|| শৃতক্ষীরানুপানং বা লিহ্যাত্ক্ষীণঃ ক্ষতঃ কৃশঃ| |৮৮|

Adhikarana kShINakShatakRuteShu auShadham (88-89) · Śloka 89

| ক্রব্যাত্পিশিতনির্যূহং ঘৃতভৃষ্টং পিবেচ্চ সঃ||৮৮|| পিপ্প্পলীক্ষৌদ্রসংযুক্তং মাংসশোণিতবর্ধনম্| |৮৯|

Adhikarana kShINakShatakRuteShu auShadhAntaram kShatoraske auShadham (89-91) · Śloka 91

| ন্যগ্রোধোদুম্বরাশ্বত্থপ্লক্ষশালপ্রিযঙ্গুভিঃ||৮৯|| তালমস্তকজম্বূত্বক্প্রিযালৈশ্চ সপদ্মকৈঃ| সাশ্বকর্ণৈঃ শৃতাত্ক্ষীরাদদ্যাজ্জাতেন সর্পিষা||৯০|| শাল্যোদনং ক্ষতোরস্কঃ ক্ষীণশুক্রবলেন্দ্রিযঃ| |৯১|

Adhikarana vAtapittArdite ghRutABya~ggaH (91-92) · Śloka 92

| বাতপিত্তার্দিতেঽভ্যঙ্গো গাত্রভেদে ঘৃতৈর্মতঃ||৯১|| তৈলৈশ্চানিলরোগঘ্নৈঃ পীডিতে মাতরিশ্বনা| |৯২|

Adhikarana hratpArshvArtau auShadham (92) · Śloka 92

| হৃত্পার্শ্বার্তিষু পানং স্যাজ্জীবনীযস্য সর্পিষঃ|৯২|

Adhikarana atra vAtavyAdhyuktamapi (92) · Śloka 92

| হৃত্পার্শ্বার্তিষু পানং স্যাজ্জীবনীযস্য সর্পিষঃ||৯২||

Adhikarana kShate auShadham (93-94) · Śloka 94

| যষ্ট্যাহ্ননাগবলযোঃ ক্বাথে ক্ষীরসমে ঘৃতম্||৯৩|| পযস্যাপিপ্পলীবাংশীকল্কৈঃ সিদ্ধং ক্ষতে হিতম্| |৯৪|

Adhikarana amRutaprAshaM ghRutam (94-101) · Śloka 101

| জীবনীযো গণঃ শুণ্ঠী বরী বীরা পুনর্নবা||৯৪|| বলাভার্ঙ্গীস্বগুপ্তর্দ্ধিশঠীতামলকীকণাঃ| শৃঙ্গাটকং পযস্যা চ পঞ্চমূলং চ যল্লঘু||৯৫|| দ্রাক্ষাক্ষোডাদি চ ফলং মধুরস্নিগ্ধবৃংহণম্| তৈঃ পচেত্সর্পিষঃ প্রস্থং কর্ষাংশৈঃ শ্লক্ষ্ণকল্কিতৈঃ||৯৬|| ক্ষীরধাত্রীবিদারীক্ষুচ্ছাগমাংসরসান্বিতম্| প্রস্থার্ধং মধুনঃ শীতে শর্করার্ধতুলারজঃ||৯৭|| পলার্ধকং চ মরিচত্বগেলাপত্রকেসরম্| বিনীয চূর্ণিতং তস্মাল্লিহ্যান্মাত্রাং যথাবলম্||৯৮|| অমৃতপ্রাশমিত্যেতন্নরাণামমৃতং ঘৃতম্| সুধামৃতরসং প্রাশ্যং ক্ষীরমাংসরসাশিনা||৯৯|| নষ্টশুক্রক্ষতক্ষীণদুর্বলব্যাধিকর্শিতান্| স্ত্রীপ্রসক্তান্ কৃশান্ বর্ণস্বরহীনাংশ্চ বৃংহযেত্||১০০|| কাসহিধ্মাজ্বরশ্বাসদাহতৃষ্ণাস্রিপিত্তনুত্| পুত্রদং ছর্দিমূর্চ্ছাহৃদ্যোনিমূত্রামযাপহম্||১০১||

Adhikarana shvadaMShTrAdighRutam (102-105) · Śloka 105

শ্র্বদংষ্ট্রোশীরমঞ্জিষ্ঠাবলাকাশ্মর্যকত্তৃণম্| দর্ভমূলং পৃথক্পর্ণী পলাশর্ষভকৌ স্থিরাম্||১০২|| পালিকানি পচেত্তেষাং রসে ক্ষীরচতুর্গুণে| কল্কৈঃ স্বগুপ্তাজীবন্তীমেদর্ষভকজীবকৈঃ||১০৩|| শতাবর্যর্দ্ধিমৃদ্বীকাশর্করাশ্রাবণীবিসৈঃ| প্রস্থঃ সিদ্ধো ঘৃতাদ্বাতপিত্তহৃদ্রোগশূলনুত্||১০৪|| মূত্রকৃচ্ছ্রপ্রমেহার্শঃকাসশোষক্ষযাপহঃ| ধনুঃস্ত্রীমদ্যভারাধ্বখিন্নানাং বলমাংসদঃ||১০৫||

Adhikarana samasaktu madhukAdi ghRutam (106-107) · Śloka 107

মধুকাষ্টপলদ্রাক্ষাপ্রস্থক্বাথে পচেদ্ধৃতম্| পিপ্পল্যষ্টপলে কল্কে প্রস্থং সিদ্ধে চ শীতলে||১০৬|| পৃথগষ্টপলং ক্ষৌদ্রশর্করাভ্যাং বিমিশ্রযেত্| সমসক্তু ক্ষতক্ষীণরক্তগুল্মেষু তদ্ধিতম্||১০৭||

Adhikarana dhAtrIPalAdi ghRutam (108-110) · Śloka 110

ধাত্রীফলবিদারীক্ষুজীবনীযরসাদ্ধৃতাত্| গব্যাজযোশ্চ পযসোঃ প্রস্থং প্রস্থং বিপাচযেত্||১০৮|| সিদ্ধশীতে সিতাক্ষৌদ্রং দ্বিপ্রস্থং বিনযেত্ততঃ| যক্ষ্মাপস্মারপিত্তাসৃক্কাসমেহক্ষযাপহম্||১০৯|| বযঃস্থাপনমাযুষ্যং মাংসশুক্রবলপ্রদম্| |১১০|

Adhikarana ghRutalehapAnayorviShayaBedaH (110-111) · Śloka 111

| ঘৃতং তু পিত্তেঽভ্যধিকে লিহ্যাদ্বাতেঽধিকে পিবেত্||১১০|| লীঢং নির্বাপযেত্পিত্তমল্পত্বাদ্ধন্তি নানলম্| আক্রামত্যনিলং পীতমূষ্মাণং নিরুণদ্ধি চ||১১১||

Adhikarana sarpirguDAH (112-113) · Śloka 113

ক্ষামক্ষীণকৃশাঙ্গানামেতান্যেব ঘৃতানি তু| ত্বক্ক্ষীরীশর্করালাজচূর্ণৈঃ স্ত্যানানি যোজযেত্||১১২|| সর্পির্গুডান্ সমধ্বংশান্ কৃত্বা দদ্যাত্পযোঽনু চ| রেতো বীর্যং বলং পুষ্টিং তৈরাশুতরমাপ্নুযাত্||১১৩||

Adhikarana kUShmANDakarasAyanam (114-118) · Śloka 118

বীতত্বগস্থিকূষ্মাণ্ডতুলাং স্বিন্নাং পুনঃ পচেত্| ঘট্টযন্ সর্পিষঃ প্রস্থে ক্ষৌদ্রবর্ণেঽত্র চ ক্ষিপেত্||১১৪|| খণ্ডাচ্ছতং কণাশুণ্ঠ্যোর্দ্বিপলং জীরকাদপি| ত্রিজাতধান্যমরিচং পৃথগর্ধপলাংশকম্||১১৫|| অবতারিতশীতে চ দত্বা ক্ষৌদ্রং ঘৃতার্ধকম্| খজেনামথ্য চ স্থাপ্যং তন্নিহন্ত্যুপযোজিতম্||১১৬|| কাসহিধ্মাজ্বরশ্বাসরক্তপিত্তক্ষতক্ষযান্| উরঃসন্ধানজননং মেধাস্মৃতিবলপ্রদম্||১১৭|| অশ্বিভ্যাং বিহিতং হৃদ্যং কূষ্মাণ্ডকরসাযনম্| |১১৮|

Adhikarana nAgabalArasAyanam maNDUkaparNIrasAyanam yaShTIrasAyanam shuNThIrasAyanam (118-120) · Śloka 120

| পিবেন্নাগবলামূলস্যার্ধকর্ষাভিবর্ধিতম্||১১৮|| পলং ক্ষীরযুতং মাসং ক্ষীরবৃত্তিরনন্নভুক্| এষ প্রযোগঃ পুষ্ট্যাযুর্বলবর্ণকরঃ পরম্||১১৯|| মণ্ডূকপর্ণ্যাঃ কল্পোঽযং যষ্ট্যা বিশ্বৌষধস্য চ| |১২০|

Adhikarana nAgabalAsarpiH (120-125) · Śloka 125

| পাদশেষং জলদ্রোণে পচেন্নাগবলাতুলাম্||১২০|| তেন ক্বাথেন তুল্যাংশং ঘৃতং ক্ষীরং চ সাধযেত্| পলার্ধিকৈশ্চাতিবলাবলাযষ্টীপুনর্নবৈঃ||১২১|| প্রপৌণ্ডরীককাশ্মর্যপ্রিযালকপিকচ্ছুভিঃ| অশ্বগন্ধাসিতাভীরুমেদাযুগ্মত্রিকণ্টকৈঃ||১২২|| কাকোলীক্ষীরকাকোলীক্ষীরশুক্লাদ্বিজীরকৈঃ| মৃণালবিসখর্জূরশৃঙ্গাটককসেরুকৈঃ||১২৩|| এতন্নাগবলাসর্পিঃ পিত্তরক্তক্ষতক্ষযান্| জযেত্তৃড্ভ্রমদাহাংশ্চ বলপুষ্টিকরং পরম্||১২৪|| বর্ণ্যমাযুষ্যমোজস্যং বলীপলিতনাশনম্| উপযুজ্য চ ষণ্মাসান্ বৃদ্ধোঽপি তরুণাযতে||১২৫||

Adhikarana dIpte~agnau eShavidhiH (126) · Śloka 126

দীপ্তেঽগ্নৌ বিধিরেষ স্যাত্| |১২৬|

Adhikarana mande~agnau dIpanapAcanAdiH drave male grAhI (126) · Śloka 126

মন্দে দীপনপাচনঃ| যক্ষ্মোক্তঃ ক্ষতিনাং শস্তো, গ্রাহী শকৃতি তু দ্রবে||১২৬||

Adhikarana agastyaharItakI rasAyanam (127-132) · Śloka 132

দশমূলং স্বযংগুপ্তাং শঙ্খপুষ্পীং শঠীং বলাম্| হস্তিপিপ্পল্যপামার্গপিপ্পলীমূলচিত্রকান্||১২৭|| ভার্ঙ্গী পুষ্করমূলং চ দ্বিপলাংশং যবাঢকম্| হরীতকীশতং চৈকং জলপঞ্চাঢকে পচেত্||১২৮|| যবস্বেদে কষাযং তং পূতং তচ্চাভযাশতম্| পচেদ্গুডতুলাং দত্ত্বা কুডবং চ পৃথগ্ঘৃতাত্||১২৯|| তৈলাত্সপিপ্পলীচূর্ণাত্সিদ্ধশীতে চ মাক্ষিকাত্| লেহং দ্বে চাভযে নিত্যমতঃ খাদেদ্রসাযনাত্||১৩০|| তদ্বলীপলিতং হন্যাদ্বর্ণাযুর্বলবর্ধনম্| পঞ্চকাসান্ ক্ষযং শ্বাসং সহিধ্মং বিষমজ্বরম্||১৩১|| মেহগুল্মগ্রহণ্যর্শোহৃদ্রোগারুচিপীনসান্| অগস্ত্যবিহিতং ধন্যমিদং শ্রেষ্ঠং রসাযনম্||১৩২||

Adhikarana vasiShThaharItakI (133-141) · Śloka 141

দশমূলং বলাং মূর্বাং হরিদ্রে পিপ্পলীদ্বযম্| পাঠাশ্বগন্ধাপামার্গস্বগুপ্তাতিবিষামৃতাঃ||১৩৩|| বালবিল্বং ত্রিবৃদ্দন্তীমূলং পত্রং চ চিত্রকাত্| পযস্যাং কুটজং হিংস্ত্রাং পুষ্পং সারং চ বীজকাত্||১৩৪|| বোটস্থবিরভল্লাতবিকঙ্কতশতাবরীঃ| পূতীকরঞ্জশম্যাকচন্দ্রলেখাসহাচরম্||১৩৫|| সৌভাঞ্জনকনিম্বত্বগিক্ষুরং চ পলাংশকম্| পথ্যাসহস্রং সশতং যবানাং চাঢকদ্বযম্||১৩৬|| পচেদষ্টগুণে তোযে যবস্বেদেঽবতারযেত্| পূতে ক্ষিপেত্সপথ্যে চ তত্র জীর্ণগুডাত্তুলাম্||১৩৭|| তৈলাজ্যধাত্রীরসতঃ প্রস্থং প্রস্থং ততঃ পুনঃ| অধিশ্রযেন্মৃদাবগ্নৌ দর্বীলেপেঽবতার্য চ||১৩৮|| শীতে প্রস্থদ্বযং ক্ষৌদ্রাত্পিপ্পলীকুডবং ক্ষিপেত্| চূর্ণীকৃতং ত্রিজাতাচ্চ ত্রিপলং নিখনেত্ততঃ||১৩৯|| ধান্যে পুরাণকুম্ভস্থং মাসং খাদেচ্চ পূর্ববত্| রসাযনং বসিষ্ঠোক্তমেতত্পূর্বগুণাধিকম্||১৪০|| স্বস্থানাং নিষ্পরীহারং সর্বর্তুষু চ শস্যতে| |১৪১|

Adhikarana ShADavaM cUrNam (141-144) · Śloka 144

| পালিকং সৈন্ধবং শুণ্ঠী দ্বে চ সৌবর্চলাত্পলে||১৪১|| কুডবাংশানি বৃক্ষাম্লং দাডিমং পত্রমার্জকাত্| একৈকাং মরিচাজাত্যোর্ধান্যকাদ্ দ্বে চতুর্থিকে||১৪২|| শর্করাযাঃ পলান্যত্র দশ দ্বে চ প্রদাযযেত্| কৃত্বা চূর্ণমতো মাত্রামন্নপানেষু দাপযেত্||১৪৩|| রুচ্যং তদ্দীপনং বল্যং পার্শ্বার্তীশ্বাসকাসজিত্| |১৪৪|

Adhikarana ShADavAntaram (144-146) · Śloka 146

| একাং ষোডশিকাং ধান্যাদ্ দ্বে দ্বে চাজাজিদীপ্যকাত্||১৪৪|| তাভ্যাং দাডিমবৃক্ষাম্লে দ্বির্দ্বিঃ সৌর্বচলাত্পলম্| শুণ্ঠ্যাঃ কর্ষং দধিত্থস্য মধ্যাত্পঞ্চ পলানি চ||১৪৫|| তচ্চূর্ণং ষোডশপলৈঃ শর্করাযা বিমিশ্রযেত্| ষাডবোঽযং প্রদেযঃ স্যাদন্নপানেষু পূর্ববত্||১৪৬||

Adhikarana kShate yakShmokto~api vidhiH (147) · Śloka 147

বিধিশ্চ যক্ষ্মবিহিতো যথাবস্থং ক্ষতে হিতঃ| |১৪৭|

Adhikarana dhUmapAnam (147-148) · Śloka 148

| নিবৃত্তে ক্ষতদোষে তু কফে বৃদ্ধে উরঃ শিরঃ||১৪৭|| দাল্যতে কাসিনো যস্য স না ধূমান্ পিবেদিমান্| |১৪৮|

Adhikarana dvimedAdidhUmaH (148-149) · Śloka 149

| দ্বিমেদাদ্বিবলাযষ্টিকল্কৈঃ ক্ষৌমে সুভাবিতে||১৪৮|| বর্তি কৃত্বা পিবেদ্ধূমং জীবনীযঘৃতানুপঃ| |১৪৯|

Adhikarana anyo manaHshilAdidhUmaH (149-151) · Śloka 151

| মনঃশিলাপলাশাজগন্ধাত্বক্ক্ষীরিনাগরৈঃ||১৪৯|| তদ্বদেবানুপানং তু শর্করেক্ষুগুডোদকম্| পিষ্ট্বা মনঃশিলাং তুল্যামার্দ্রযা বটশুঙ্গযা||১৫০|| সসর্পিষ্কং পিবেদ্ধূমং তিত্তিরিপ্রতিভোজনম্| |১৫১|

Adhikarana kShayakAsacikitsA kShayakAse prathamopacAraH (151) · Śloka 151

| ক্ষযজে বৃংহণং পূর্বং কুর্যাদগ্নেশ্চ বর্ধনম্||১৫১||

Adhikarana bahudoShe virecanam (1) · Śloka 1

বহুদোষায সস্নেহং মৃদু দদ্যাদ্বিরেচনম্||১||

Adhikarana tadeva virecanam (152-153) · Śloka 153

| শম্যাকেন ত্রিবৃতযা মৃদ্বীকারসযুক্তযা||১৫২|| তিল্বকস্য কষাযেণ বিদারীস্বরসেন চ| সর্পিঃ সিদ্ধং পিবেদ্যুক্ত্যা ক্ষীণদেহো বিশোধনম্||১৫৩||

Adhikarana kShINapittAdiShu karkaTakyAdighRutam (154) · Śloka 154

পিত্তে কফে ধাতুষু চ ক্ষীণেষু ক্ষযকাসবান্| ঘৃতং কর্কটকীক্ষীরদ্বিবলাসাধিতং পিবেত্||১৫৪||

Adhikarana kShINapittAdiShu vidAryAdighRutaM payaSca (155) · Śloka 155

বিদারীভিঃ কদম্বৈর্বা তালসস্যৈশ্চ সাধিতম্| ঘৃতং পযশ্চ|১৫৫|

Adhikarana mUtravaivarNyAdike~anuvAsanam (155-156) · Śloka 156

| মূত্রস্যবৈবর্ণ্যে কৃছ্রনির্গমে||১৫৫|| শূনে সবেদনে মেঢ্রে পাযৌ সশ্রোণিবঙ্ক্ষণে| ঘৃতমণ্ডেন লঘুনাঽনুবাস্যো মিশ্রিকেণ বা||১৫৬||

Adhikarana anuvAsanashuddhasya mAMsopacAraH (157-158) · Śloka 158

জাঙ্গলৈঃ প্রতিভুক্তস্য বর্তকাদ্যা বিলেশযাঃ| ক্রমশঃ প্রসহাস্তদ্বত্প্রযোজ্যাঃ পিশিতাশিনঃ||১৫৭|| ঔষ্ণ্যাত্প্রমাথিভাবাচ্চ স্রোতোভ্যশ্চ্যাবযন্তি তে| কফং শুদ্ধৈশ্চ তৈঃ পুষ্টিং কুর্যাত্সম্যগ্ বহন্ রসঃ||১৫৮||

Adhikarana mAMsAyogyasya cavikAdi ghRutam (159-161) · Śloka 161

চবিকাত্রিফলাভার্গীদশমূলৈঃ সচিত্রকৈঃ| কুলত্থপিপ্পলীমূলপাঠাকোলযবৈর্জলে||১৫৯|| শৃতৈর্নাগরদুঃস্পর্শাপিপ্পলীশঠিপৌষ্করৈঃ| পিষ্টৈঃ কর্কটশৃঙ্গ্যা চ সমৈঃ সর্পির্বিপাচযেত্||১৬০|| সিদ্ধেঽস্মিংশ্চূর্ণিতৌ ক্ষারৌ দ্বৌ পঞ্চ লবণানি চ| দত্ত্বা যুক্ত্যা পিবেন্মাত্রাং ক্ষযকাসনিপীডিতঃ||১৬১||

Adhikarana kAsamardAdighRutaM kAsajvArArUciharam (162-163) · Śloka 163

কাসমর্দাভযামুস্তাপাঠাকট্ফলনাগরৈঃ| পিপ্পল্যা কটুরোহিণ্যা কাশ্মর্যা সুরসেন চ||১৬২|| অক্ষমাত্রৈর্ঘৃতপ্রস্থং ক্ষীরদ্রাক্ষারসাঢকে| পচেচ্ছোশজ্বরপ্লীহসর্বকাসহরং শিবম্||১৬৩||

Adhikarana vRuShAdighRutam kAsajvarAruciharam (164) · Śloka 164

বৃষব্যাঘ্রীগুডূচীনাং পত্রমূলফলাঙ্কুরাত্| রসকল্কৈর্ঘৃত পক্বং হন্তি কাসজ্বরারুচীঃ||১৬৪||

Adhikarana dviguNadADimarasasiddhaM ghRutam pippalIguDasiddaM ghRutam (165-166) · Śloka 166

দ্বিগুণে দাডিমরসে সিদ্ধং বা ব্যোষসংযুতম্| পিবেদুপরি ভুক্তস্য যবক্ষার্রযুতং নরঃ||১৬৫|| পিপ্পলীগুডসিদ্ধং বা ছাগক্ষীরযুতং ঘৃতম্| |১৬৬|

Adhikarana uktaghRutAnAM dIpanatvaM strotaH shodhanatvaM ca (166-167) · Śloka 167

| এতান্যগ্নিবিবৃদ্ধ্যর্থং সর্পিষি ক্ষযকাসিনাম্||১৬৬|| স্যুর্দোষবদ্ধকণ্ঠোরঃস্রোতসাং চ বিশুদ্ধযে| |১৬৭|

Adhikarana harItakIlehaH (167-139) · Śloka 139

| প্রস্থোন্মিতে যবক্বাথে বিংশতি বিজযাঃ পচেত্||১৬৭|| স্বিন্না মৃদিত্বা তাস্তস্মিন্পুরাণাত্ষট্পলং গুডাত্| পিপ্পল্যা দ্বিপলং কর্ষং মনোহ্বাযা রসাঞ্জনাত্||১৩৮|| দত্ত্বাঽর্ধাক্ষং পচেদ্ভূযঃ স লেহঃ শ্বাসকাসজিত্| ||১৩৯||

Adhikarana shvAvitsUcIkShAralehaH mayUracaraNakShAralehaH eraNDapatrakShAralehaH surasairaNDapatrakShAralehaH tryUShaNacUrNalehaH (169-171) · Śloka 171

| শ্বাবিধাং সূচযো দগ্ধাঃ সঘৃতক্ষৌদ্রশর্করাঃ||১৬৯|| শ্বাসকাসহরা, বর্হিপাদৌ বা মধুসর্পিষা| এরণ্ডপত্রক্ষারং বা ব্যোষতৈলগুডন্বিতম্||১৭০|| লেহযেত্, ক্ষারমেবং বা সুরসৈরণ্ডপত্রজম্| লিহ্যাত্ ত্র্যূষণচূর্ণং বা পুরাণগুডসর্পিষা||১৭১||

Adhikarana samasharkaraM cUrNaM maricacUrNaM tadvat (172-173) · Śloka 173

পদ্মকং ত্রিপলা ব্যোষং বিডঙ্গং দেবদারু চ| বলা রাস্না চ তচ্চূর্ণং সমস্তং সমশর্করম্||১৭২|| খাদেন্মধুঘৃতাভ্যাং বা লিহ্যাত্কাসহরং পরম্| তদ্বন্মরিচচূর্ণং বা সঘৃতক্ষৌদ্রশর্করম্||১৭৩||

Adhikarana pathyAdiguTikA mukhe dhAraNArthaMbiBItakadhAraNam (174) · Śloka 174

পথ্যাশুণ্ঠীঘনগুডৈর্গুটিকাং ধারযেন্মুখে| সর্বেষু শ্বাসকাসেষু, কেবলং বা বিভীতকম্||১৭৪||

Adhikarana peyAmutkArikAM ca (175) · Śloka 175

পত্রকল্কং ঘৃতভৃষ্টং তিল্বকস্য সশর্করম্| পেযা বোত্কারিকা ছর্দিতৃট্কাসামাতিসারজিত্||১৭৫||

Adhikarana mudgayUShaH (176) · Śloka 176

কণ্টকারীরসে সিদ্ধো মুদ্গযূষঃ সুসংস্কৃতঃ| সগৌরামলকঃ সাম্লঃ সর্বকাসভিষগ্জিতম্||১৭৬||

Adhikarana kShIrayUSharasAH (177) · Śloka 177

বাতঘ্নৌষধনিঃক্বাথে ক্ষীরং যূষান্ রসানপি| বৈষ্কিরান্ প্রাতুদান্ বৈলান্ দাপযেত্ক্ষযকাসিনে||১৭৭||

Adhikarana kShayakAsoktA bRuMhaNAdi (178-179) · Śloka 179

ক্ষতকাসে চ যে ধূমাঃ সানুপানা নিদর্শিতাঃ| ক্ষযকাসেঽপি তে যোজ্যা বক্ষ্যতে যচ্চ যক্ষ্মণি||১৭৮|| বৃংহণং দীপনং চাগ্নেঃ স্রোতসাং চ বিশোধনম্| ব্যত্যাসাত্ক্ষযকাসিভ্যো বল্যং সর্বং প্রশস্যতে||১৭৯||

Adhikarana kShayakAse sarvadoShAvirodhi kartavyam (3) · Śloka 3

সন্নিপাতোদ্ভবো ঘোরঃ ক্ষযকাসো যতস্ততঃ| যথাদোষবলং তস্য সন্নিপাতহিতং হিতম্||১৮০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা যামষ্টাঙ্গহৃদযসংহিতাযাং চতুর্থে চিকিত্সিত- স্থানে কাসচিকিত্সিতং নাম তৃতীযোঽধ্যাযঃ||৩||